സങ്കീർത്തനം 57:1-11
സംഗീതസംഘനായകന്‌; “നശിപ്പിക്കരുതേ” എന്നതിൽ ചിട്ടപ്പെടുത്തിയത്‌. മിക്താം.* ശൗലിന്റെ അടുക്കൽനിന്ന്‌ ഗുഹയിലേക്ക്‌ ഓടിപ്പോയപ്പോൾ ദാവീദ്‌ രചിച്ചത്‌.+
57 എന്നോടു പ്രീതി കാട്ടേണമേ; ദൈവമേ, എന്നോടു പ്രീതി കാട്ടേണമേ;അങ്ങയിലല്ലോ ഞാൻ അഭയം തേടിയിരിക്കുന്നത്‌;+ദുരിതങ്ങളെല്ലാം കടന്നുപോകുന്നതുവരെ അങ്ങയുടെ ചിറകിൻതണലിൽ ഞാൻ അഭയം പ്രാപിക്കുന്നു.+
2 അത്യുന്നതനായ ദൈവത്തെ,എന്റെ ദുരിതങ്ങളെല്ലാം അവസാനിപ്പിക്കുന്ന സത്യദൈവത്തെ, ഞാൻ വിളിച്ചപേക്ഷിക്കുന്നു.
3 ദൈവം സ്വർഗത്തിൽനിന്ന്‌ സഹായം അയച്ച്‌ എന്നെ രക്ഷിക്കും.+
എന്നെ കടിച്ചുകീറാൻ വരുന്നവന്റെ ഉദ്യമം ദൈവം വിഫലമാക്കും. (സേലാ)
ദൈവം അചഞ്ചലസ്‌നേഹവും വിശ്വസ്‌തതയും അയയ്‌ക്കും.+
4 സിംഹങ്ങൾ എന്നെ വളഞ്ഞിരിക്കുന്നു;+എന്നെ വിഴുങ്ങാൻ നോക്കുന്നവരുടെ ഇടയിൽ എനിക്കു കിടക്കേണ്ടിവരുന്നു;അവരുടെ പല്ലുകൾ കുന്തങ്ങളും അമ്പുകളും ആണ്‌;അവരുടെ നാവ്‌ മൂർച്ചയേറിയ വാളും.+
5 ദൈവമേ, അങ്ങ്‌ ആകാശത്തെക്കാൾ ഉന്നതനായിരിക്കട്ടെ;അങ്ങയുടെ മഹത്ത്വം മുഴുഭൂമിയുടെ മേലും ഉണ്ടായിരിക്കട്ടെ.+
6 എന്റെ കാൽ കുരുക്കാൻ അവർ ഒരു വല വിരിച്ചിട്ടുണ്ട്‌;+എന്റെ ദുരവസ്ഥ കാരണം ഞാൻ കുനിഞ്ഞുപോയിരിക്കുന്നു.+
എന്റെ മുന്നിൽ അവർ ഒരു കുഴി കുഴിച്ചു;പക്ഷേ അവർതന്നെ അതിൽ വീണു.+ (സേലാ)
7 ദൈവമേ, എന്റെ ഹൃദയം അചഞ്ചലമാണ്‌;+എന്റെ ഹൃദയം അചഞ്ചലമാണ്‌.
ഞാൻ പാടും, സംഗീതം ഉതിർക്കും.
8 എൻ മനമേ,* ഉണരൂ!
തന്ത്രിവാദ്യമേ, ഉണരൂ! കിന്നരമേ, നീയും ഉണരൂ!
ഞാൻ പ്രഭാതത്തെ വിളിച്ചുണർത്തും.+
9 യഹോവേ, ജനതകളുടെ ഇടയിൽ ഞാൻ അങ്ങയെ വാഴ്‌ത്തും;+രാഷ്‌ട്രങ്ങളുടെ ഇടയിൽ ഞാൻ അങ്ങയെ പാടി സ്‌തുതിക്കും.*+
10 കാരണം, അങ്ങയുടെ അചഞ്ചലസ്‌നേഹം വലുതാണ്‌; അത്‌ ആകാശത്തോളം എത്തുന്നു;+അങ്ങയുടെ വിശ്വസ്‌തതയോ വാനംമുട്ടെ ഉയർന്നുനിൽക്കുന്നു.
11 ദൈവമേ, അങ്ങ്‌ ആകാശത്തെക്കാൾ ഉന്നതനായിരിക്കട്ടെ;അങ്ങയുടെ മഹത്ത്വം മുഴുഭൂമിയുടെ മേലും ഉണ്ടായിരിക്കട്ടെ.+
