സങ്കീർത്തനം 67:1-7
സംഗീതസംഘനായകന്‌; തന്ത്രിവാദ്യങ്ങളോടെ പാടേണ്ടത്‌. ശ്രുതിമധുരമായ ഗീതം.
67 ദൈവം നമ്മോടു പ്രീതി കാട്ടും, നമ്മെ അനുഗ്രഹിക്കും,തിരുമുഖം നമ്മുടെ മേൽ പ്രകാശിപ്പിക്കും.+ (സേലാ)
2 അങ്ങനെ, അങ്ങയുടെ വഴികൾ ഭൂമി മുഴുവൻ അറിയും;+അങ്ങയുടെ രക്ഷാപ്രവൃത്തികൾ സകല ജനതകളും കേൾക്കും.+
3 ദൈവമേ, ജനതകൾ അങ്ങയെ സ്‌തുതിക്കട്ടെ;സകല ജനങ്ങളും അങ്ങയെ വാഴ്‌ത്തട്ടെ.
4 ജനതകൾ ആനന്ദിച്ച്‌ ആഹ്ലാദഘോഷം മുഴക്കട്ടെ;+അങ്ങ്‌ ജനതകളെ നീതിയോടെ വിധിക്കുമല്ലോ.+
ഭൂമിയിലെ ജനതകളെ അങ്ങ്‌ വഴിനയിക്കും. (സേലാ)
5 ദൈവമേ, ജനതകൾ അങ്ങയെ സ്‌തുതിക്കട്ടെ;സകല ജനങ്ങളും അങ്ങയെ വാഴ്‌ത്തട്ടെ.
6 ഭൂമി അതിന്റെ ഫലം തരും.+ദൈവം, നമ്മുടെ ദൈവം, നമ്മെ അനുഗ്രഹിക്കും.+
7 ദൈവം നമ്മെ അനുഗ്രഹിക്കും.ഭൂമിയുടെ അറുതികളെല്ലാം ദൈവത്തെ ഭയപ്പെടും.*+
അടിക്കുറിപ്പുകള്‍
^ അഥവാ “ബഹുമാനിക്കും.”
