സങ്കീർത്തനം 70:1-5
-
അടിയന്തിരസഹായത്തിന് അപേക്ഷിക്കുന്നു
-
“എനിക്കുവേണ്ടി വേഗം പ്രവർത്തിക്കേണമേ” (5)
-
സംഗീതസംഘനായകന്; ഒരു ഓർമിപ്പിക്കലായി* ദാവീദ് രചിച്ചത്.
70 ദൈവമേ, എന്നെ രക്ഷിക്കേണമേ;യഹോവേ, വേഗം വന്ന് എന്നെ സഹായിക്കേണമേ.+
2 എന്റെ ജീവനെടുക്കാൻ നോക്കുന്നവർനാണിച്ച് തല താഴ്ത്തട്ടെ.
എന്റെ ദുരന്തം കണ്ട് സന്തോഷിക്കുന്നവർഅപമാനിതരായി പിൻവാങ്ങട്ടെ.
3 “കൊള്ളാം! നന്നായിപ്പോയി!” എന്നു പറയുന്നവർ
നാണംകെട്ട് പിൻവാങ്ങട്ടെ.
4 എന്നാൽ അങ്ങയെ അന്വേഷിക്കുന്നവർഅങ്ങയിൽ സന്തോഷിച്ചാനന്ദിക്കട്ടെ.+
അങ്ങയുടെ രക്ഷാപ്രവൃത്തികളെ പ്രിയപ്പെടുന്നവർ
“ദൈവം വാഴ്ത്തപ്പെടട്ടെ!” എന്ന് എപ്പോഴും പറയട്ടെ.
5 ഞാനോ നിസ്സഹായനും പാവപ്പെട്ടവനും ആണ്;+ദൈവമേ, എനിക്കുവേണ്ടി വേഗം പ്രവർത്തിക്കേണമേ.+
അങ്ങാണല്ലോ എന്റെ സഹായിയും രക്ഷകനും;+യഹോവേ, വൈകരുതേ.+
അടിക്കുറിപ്പുകള്
^ അഥവാ “ഓർമ ഉണർത്താൻ.”