സങ്കീർത്തനം 78:1-72
-
ദൈവത്തിന്റെ കരുതലും ഇസ്രായേല്യരുടെ വിശ്വാസമില്ലായ്‌മയും
ആസാഫിന്റെ+ മാസ്‌കിൽ.*
78 എൻ ജനമേ, എന്റെ ഉപദേശം* കേൾക്കുക,എന്റെ വായിലെ മൊഴികൾക്കു ചെവി തരുക.
2 പഴഞ്ചൊല്ലു പറയാൻ ഞാൻ വായ്‌ തുറക്കും;
പണ്ടേയുള്ള കടങ്കഥകൾ ഞാൻ പറയും.+
3 നമ്മൾ കേട്ടിട്ടുള്ളതും നമുക്ക്‌ അറിയാവുന്നതും ആയ കാര്യങ്ങൾ,നമ്മുടെ പിതാക്കന്മാർ വിവരിച്ചുതന്ന കാര്യങ്ങൾ.+
4 അവരുടെ മക്കളിൽനിന്ന്‌ നമ്മൾ അവ മറച്ചുവെക്കില്ല.യഹോവയുടെ സ്‌തുത്യർഹമായ പ്രവൃത്തികളും ശക്തിയും+ദൈവം ചെയ്‌ത അത്ഭുതകാര്യങ്ങളും+നമ്മൾ വരുംതലമുറയോടു വിവരിക്കും.+
5 യാക്കോബിൻപുത്രന്മാർക്കായി ദൈവം ഒരു ഓർമിപ്പിക്കൽ വെച്ചു;ഇസ്രായേലിന്‌ ഒരു നിയമം നൽകി.ഇക്കാര്യങ്ങൾ മക്കളെ അറിയിക്കാൻ+നമ്മുടെ പൂർവികരോടു കല്‌പിച്ചു;
6 വരുംതലമുറ, ജനിക്കാനിരിക്കുന്ന കുട്ടികൾ,അറിയേണ്ടതിനുതന്നെ.+
അവരോ അത്‌ അവരുടെ മക്കൾക്കും പകർന്നുകൊടുക്കുമായിരുന്നു.+
7 അങ്ങനെ അവരും ദൈവത്തിൽ ആശ്രയിക്കും.
ദൈവത്തിന്റെ പ്രവൃത്തികൾ മറന്നുകളയാതെ+ദൈവകല്‌പനകൾ അനുസരിക്കും.+
8 അപ്പോൾ അവർ, അവരുടെ പൂർവികരെപ്പോലെദുർവാശിയും ധിക്കാരവും ഉള്ള ഒരു തലമുറയോ+ദൈവത്തോടു വിശ്വസ്‌തരായിരിക്കാൻ തയ്യാറല്ലാത്തചഞ്ചലചിത്തരുടെ*+ ഒരു തലമുറയോ ആയിരിക്കില്ല.
9 എഫ്രയീമ്യർ വില്ലുമായി ഒരുങ്ങിനിന്നു;എന്നാൽ, യുദ്ധദിവസത്തിൽ അവർ പിൻവാങ്ങി.
10 ദൈവത്തിന്റെ ഉടമ്പടി അവർ പാലിച്ചില്ല;+ദൈവനിയമത്തിൽ നടക്കാൻ കൂട്ടാക്കിയുമില്ല.+
11 ദൈവം ചെയ്‌തതെല്ലാം അവർ മറന്നുകളഞ്ഞു.+അതെ, ദൈവം ചെയ്‌തുകാണിച്ച അത്ഭുതങ്ങൾ!+
12 ഈജിപ്‌ത്‌ ദേശത്ത്‌, സോവാൻപ്രദേശത്ത്‌,+അവരുടെ പൂർവികർ കാൺകെ ദൈവം വിസ്‌മയപ്രവൃത്തികൾ ചെയ്‌തു.+
13 അവർക്കു കടന്നുപോകാൻ കടൽ വിഭജിച്ചു.വെള്ളം അണകെട്ടിയതുപോലെ* നിന്നു.+
14 പകൽ ഒരു മേഘത്താലുംരാത്രി മുഴുവൻ തീയുടെ പ്രകാശത്താലും അവരെ നയിച്ചു.+
15 ദൈവം മരുഭൂമിയിൽ* പാറകൾ പിളർന്നു;അവർക്കു മതിവരുവോളം കുടിക്കാൻ കൊടുത്തു;
ആഴിയിൽനിന്നെന്നപോലെ സമൃദ്ധമായി വെള്ളം നൽകി.+
16 പാറയിൽനിന്ന്‌ അരുവികൾ പൊട്ടിപ്പുറപ്പെട്ടു;നദികൾപോലെ വെള്ളം ഒഴുക്കി.+
17 എന്നിട്ടും അവർ മരുഭൂമിയിൽ അത്യുന്നതനെ ധിക്കരിച്ച്‌പിന്നെയുംപിന്നെയും പാപം ചെയ്‌തു.+
18 കൊതിച്ച ഭക്ഷണത്തിനായി വാശി പിടിച്ച്‌അവർ ഹൃദയത്തിൽ ദൈവത്തെ വെല്ലുവിളിച്ചു.*+
19 അങ്ങനെ, അവർ ദൈവത്തിന്‌ എതിരെ സംസാരിച്ചു;അവർ പറഞ്ഞു: “ഈ വിജനഭൂമിയിൽ മേശ ഒരുക്കാൻ ദൈവത്തിനു കഴിയുമോ?”+
20 എന്നാൽ ദൈവം പാറയിൽ അടിച്ചു;ജലം പ്രവഹിച്ചു; അരുവികൾ പൊട്ടിപ്പുറപ്പെട്ടു.+
“ഞങ്ങൾക്ക്‌ അപ്പവുംകൂടെ തരാൻ ദൈവത്തിനു കഴിയുമോ?ഈ ജനത്തിന്‌ ഇറച്ചി നൽകാനാകുമോ?”+
21 അതു കേട്ട്‌ യഹോവ കോപാകുലനായി.+യാക്കോബിന്‌ എതിരെ ഒരു തീ+ ആളിക്കത്തി.ഇസ്രായേലിന്‌ എതിരെ ദൈവകോപം ജ്വലിച്ചു.+
22 കാരണം, അവർ ദൈവത്തിൽ ആശ്രയമർപ്പിച്ചില്ല;+രക്ഷിക്കാൻ ദൈവത്തിനു കഴിവുണ്ടെന്നു വിശ്വസിച്ചില്ല.
23 അതിനാൽ മേഘം മൂടിയ ആകാശത്തോടു ദൈവം ആജ്ഞാപിച്ചു;ആകാശവാതിലുകൾ തുറന്നു.
24 അവർക്കു കഴിക്കാൻ മുടങ്ങാതെ മന്ന വർഷിച്ചു;സ്വർഗീയധാന്യം അവർക്കു നൽകി.+
25 മനുഷ്യർ ബലവാന്മാരുടെ* അപ്പം തിന്നു.+അവർക്കു മതിവരുവോളം ദൈവം കൊടുത്തു.+
26 ആകാശത്ത്‌ ദൈവം കിഴക്കൻ കാറ്റ്‌ ഇളക്കിവിട്ടു;തന്റെ ശക്തിയാൽ തെക്കൻ കാറ്റ്‌ അടിപ്പിച്ചു.+
27 അവരുടെ മേൽ പൊടിപോലെ ഇറച്ചി വർഷിച്ചു,കടപ്പുറത്തെ മണൽപോലെ പക്ഷികളെ വർഷിച്ചു.
28 തന്റെ പാളയത്തിനു നടുവിൽ, തന്റെ കൂടാരങ്ങൾക്കു ചുറ്റും,അവ വന്ന്‌ വീഴാൻ ദൈവം ഇടയാക്കി.
29 അവർ കഴിച്ചു, ആർത്തിയോടെ മൂക്കറ്റം തിന്നു.അവർ കൊതിച്ചതു ദൈവം അവർക്കു നൽകി.+
30 എന്നാൽ, അവരുടെ അത്യാർത്തി അടങ്ങുംമുമ്പേ,ഭക്ഷണം അവരുടെ വായിൽ ഇരിക്കുമ്പോൾത്തന്നെ,
31 ദൈവക്രോധം അവരുടെ നേരെ ആളിക്കത്തി;+
അവരിൽ ബലിഷ്‌ഠരെ ദൈവം സംഹരിച്ചു;+ഇസ്രായേലിലെ യുവാക്കളെ ഒടുക്കിക്കളഞ്ഞു.
32 എന്നിട്ടും, അവർ വീണ്ടുംവീണ്ടും പാപം ചെയ്‌തു;+ദൈവത്തിന്റെ അത്ഭുതപ്രവൃത്തികളിൽ വിശ്വാസമർപ്പിച്ചില്ല.+
33 അതുകൊണ്ട്‌, വെറുമൊരു ശ്വാസംപോലെ ദൈവം അവരുടെ നാളുകൾ അവസാനിപ്പിച്ചു;+ഞെട്ടിക്കുന്ന സംഭവങ്ങളാൽ ക്ഷണത്തിൽ അവരുടെ ആയുസ്സിന്‌ അന്ത്യം കുറിച്ചു.
34 ദൈവം അവരെ കൊന്നപ്പോഴെല്ലാം അവർ ദൈവത്തെ തിരഞ്ഞു;+അവർ തിരിഞ്ഞുവന്ന്‌ ദൈവത്തെ അന്വേഷിച്ചു;
35 ദൈവം തങ്ങളുടെ പാറയെന്നും+അത്യുന്നതൻ തങ്ങളുടെ വിമോചകനെന്നും* അവർ ഓർത്തു.+
36 എന്നാൽ, അവർ അവരുടെ വായ്‌കൊണ്ട്‌ ദൈവത്തെ വഞ്ചിക്കാൻ ശ്രമിച്ചു;നാവുകൊണ്ട്‌ ദൈവത്തോടു നുണ പറഞ്ഞു.
37 അവരുടെ ഹൃദയം ദൈവത്തോടു പറ്റിനിന്നില്ല;+ദൈവത്തിന്റെ ഉടമ്പടിയോട്‌ അവർ വിശ്വസ്‌തരായിരുന്നുമില്ല.+
38 എന്നാൽ ദൈവം കരുണാമയനായിരുന്നു.+അവരെ നശിപ്പിച്ചുകളയാതെ അവരുടെ തെറ്റുകൾ ക്ഷമിച്ചുകൊണ്ടിരുന്നു.*+
തന്റെ കോപം മുഴുവൻ പുറത്തെടുക്കുന്നതിനു പകരംപലപ്പോഴും ദേഷ്യം അടക്കി.+
39 അവർ വെറും മാംസമെന്നുംമടങ്ങിവരാതെ കടന്നുപോകുന്ന ഒരു കാറ്റു മാത്രമെന്നും ദൈവം ഓർത്തു.*+
40 വിജനഭൂമിയിൽവെച്ച്‌ എത്ര കൂടെക്കൂടെ അവർ മത്സരിച്ചു!+മരുഭൂമിയിൽവെച്ച്‌ ദൈവത്തെ മുറിപ്പെടുത്തി.+
41 അവർ വീണ്ടുംവീണ്ടും ദൈവത്തെ പരീക്ഷിച്ചു;+ഇസ്രായേലിന്റെ പരിശുദ്ധനെ ദുഃഖിപ്പിച്ചു.*
42 ദൈവത്തിന്റെ ശക്തി* അവർ ഓർത്തില്ല;ശത്രുവിൽനിന്ന്‌ അവരെ മോചിപ്പിച്ച ദിവസത്തിൽ+
43 ഈജിപ്‌തിൽ കാണിച്ച അടയാളങ്ങളും+സോവാനിൽ ചെയ്‌ത അത്ഭുതങ്ങളും അവർ മറന്നുകളഞ്ഞു.
44 ദൈവം നൈലിന്റെ കനാലുകളെ രക്തമാക്കി;+അങ്ങനെ, അവർക്കു സ്വന്തം നീർച്ചാലുകളിൽനിന്ന്‌ കുടിക്കാൻ കഴിയാതായി.
45 അവരെ വിഴുങ്ങാൻ രക്തം കുടിക്കുന്ന ഈച്ചകളെ ദൈവം കൂട്ടമായി അയച്ചു;+അവരെ നശിപ്പിക്കാൻ തവളകളെയും.+
46 അവരുടെ വിളകളെ ആർത്തിപൂണ്ട വെട്ടുക്കിളികൾക്കു നൽകി;അവരുടെ അധ്വാനഫലം വെട്ടുക്കിളിപ്പടയ്‌ക്കിരയായി.+
47 ദൈവം അവരുടെ മുന്തിരിച്ചെടികൾ കൻമഴയാൽ നശിപ്പിച്ചു,+അവരുടെ അത്തി മരങ്ങൾ ആലിപ്പഴത്താലും.
48 അവരുടെ ചുമട്ടുമൃഗങ്ങളെ കൻമഴയ്‌ക്കും+വളർത്തുമൃഗങ്ങളെ മിന്നലിനും* ഇരയാക്കി.
49 ദൈവം അവരുടെ മേൽ തന്റെ കോപാഗ്നി ചൊരിഞ്ഞു;ക്രോധവും ധാർമികരോഷവും കഷ്ടതയും വർഷിച്ചു.ദൂതഗണങ്ങൾ അവരുടെ മേൽ ദുരിതം വിതച്ചു.
50 തന്റെ കോപം ചൊരിയേണ്ടതിനു ദൈവം ഒരു വഴി ഒരുക്കി;
അവരെ മരണത്തിൽനിന്ന്‌ ഒഴിവാക്കിയില്ല;മാരകമായ പകർച്ചവ്യാധിക്ക്‌ അവരെ വിട്ടുകൊടുത്തു.
51 ഒടുവിൽ, ദൈവം ഈജിപ്‌തിലെ മൂത്ത ആൺമക്കളെയെല്ലാം സംഹരിച്ചു;+അവരുടെ പുനരുത്‌പാദനപ്രാപ്‌തിയുടെ ആദ്യഫലത്തെ,ഹാമിന്റെ കൂടാരത്തിലുള്ളവരെ ദൈവം കൊന്നുകളഞ്ഞു.
52 എന്നിട്ട്‌, ദൈവം തന്റെ ജനത്തെ ഒരു ആട്ടിൻകൂട്ടത്തെപ്പോലെ വിടുവിച്ച്‌ കൊണ്ടുവന്നു;+വിജനഭൂമിയിലൂടെ പറ്റംപറ്റമായി അവരെ നയിച്ചു.
53 സുരക്ഷിതരായി അവരെ വഴിനടത്തി;അവർക്ക്‌ ഒട്ടും പേടി തോന്നിയില്ല;+കടൽ വന്ന്‌ അവരുടെ ശത്രുക്കളെ മൂടിക്കളഞ്ഞു.+
54 ദൈവം അവരെ തന്റെ വിശുദ്ധദേശത്തേക്ക്‌,+തന്റെ വലങ്കൈ സ്വന്തമാക്കിയ ഈ മലനാട്ടിലേക്ക്‌, കൊണ്ടുവന്നു.+
55 അവരുടെ മുന്നിൽനിന്ന്‌ ദൈവം ജനതകളെ ഓടിച്ചുകളഞ്ഞു;+അളവുനൂൽകൊണ്ട്‌ അവർക്ക്‌ അവകാശം അളന്നുകൊടുത്തു;+ഇസ്രായേൽഗോത്രങ്ങളെ അവരവരുടെ വീടുകളിൽ താമസിപ്പിച്ചു.+
56 എന്നാൽ, അവർ വീണ്ടുംവീണ്ടും ദൈവത്തെ വെല്ലുവിളിച്ചു,* അത്യുന്നതനായ ദൈവത്തെ ധിക്കരിച്ചു;+ദൈവം നൽകിയ ഓർമിപ്പിക്കലുകൾ ശ്രദ്ധിച്ചില്ല.+
57 അവർ ദൈവത്തെ ഉപേക്ഷിച്ചു; തങ്ങളുടെ പൂർവികരെപ്പോലെ അവരും അവിശ്വസ്‌തരായിരുന്നു.+
അയഞ്ഞ വില്ലുപോലെയായിരുന്നു അവർ; ഒട്ടും ആശ്രയിക്കാൻ കൊള്ളാത്തവർ.+
58 ആരാധനയ്‌ക്കുള്ള ഉയർന്ന സ്ഥലങ്ങളാൽ അവർ ദൈവത്തെ കോപിപ്പിച്ചു;+കൊത്തിയുണ്ടാക്കിയ രൂപങ്ങളാൽ അവർ ദൈവത്തെ ദേഷ്യം പിടിപ്പിച്ചു.*+
59 ദൈവം കേട്ടു; ദൈവകോപം ആളിക്കത്തി;+അങ്ങനെ, ദൈവം ഇസ്രായേലിനെ പാടേ ഉപേക്ഷിച്ചു.
60 ഒടുവിൽ, ദൈവം ശീലോയിലെ വിശുദ്ധകൂടാരം,+മനുഷ്യർക്കിടയിൽ താൻ വസിച്ചിരുന്ന കൂടാരം,+ ഉപേക്ഷിച്ചു.
61 തന്റെ ബലത്തിന്റെ ആ പ്രതീകം ശത്രുക്കൾ കൊണ്ടുപോകാൻ ദൈവം അനുവദിച്ചു;തന്റെ മഹത്ത്വം എതിരാളിയുടെ കൈയിലേക്കു വിട്ടുകൊടുത്തു.+
62 തന്റെ ജനത്തെ വാളിന്‌ ഏൽപ്പിച്ചു;+തന്റെ അവകാശത്തിനു നേരെ ദൈവക്രോധം ജ്വലിച്ചു.
63 അവന്റെ യുവാക്കളെ തീ ദഹിപ്പിച്ചുകളഞ്ഞു;അവന്റെ കന്യകമാർക്കുവേണ്ടി വിവാഹഗാനം പാടിയില്ല.*
64 ദൈവത്തിന്റെ പുരോഹിതന്മാർ വാളാൽ വീണു;+അവരുടെ വിധവമാർ കരഞ്ഞില്ല.+
65 അപ്പോൾ, യഹോവ ഉറക്കത്തിൽനിന്നെന്നപോലെ ഉണർന്നു;+വീഞ്ഞിന്റെ കെട്ടു വിട്ട വീരനെപ്പോലെ+ എഴുന്നേറ്റു.
66 തന്റെ എതിരാളികളെ തുരത്തിയോടിച്ചു;+അവരെ നിത്യനിന്ദയ്‌ക്കിരയാക്കി.
67 യോസേഫിന്റെ കൂടാരത്തെ ഉപേക്ഷിച്ചുകളഞ്ഞു;ദൈവം എഫ്രയീംഗോത്രത്തെ തിരഞ്ഞെടുത്തില്ല;
68 പകരം, യഹൂദാഗോത്രത്തെ,+താൻ സ്‌നേഹിക്കുന്ന സീയോൻ പർവതത്തെ, തിരഞ്ഞെടുത്തു.+
69 ദൈവം തന്റെ വിശുദ്ധമന്ദിരം ആകാശംപോലെ നിലനിൽക്കുന്ന ഒന്നായി നിർമിച്ചു;*+എക്കാലത്തേക്കുമായി സ്ഥാപിച്ച ഭൂമിയെപ്പോലെ അത്‌ ഉണ്ടാക്കി.+
70 ദൈവം തന്റെ ദാസനായ ദാവീദിനെ തിരഞ്ഞെടുത്ത്‌+ആടുകളുടെ ആലയിൽനിന്ന്‌,+
71 പാലൂട്ടുന്ന തള്ളയാടുകളെ പാലിക്കുന്നിടത്തുനിന്ന്‌, കൊണ്ടുവന്നു.ദാവീദിനെ തന്റെ ജനമായ യാക്കോബിന്മേലും+തന്റെ അവകാശമായ ഇസ്രായേലിന്മേലും+ ഇടയനാക്കി.
72 നിഷ്‌കളങ്കമായ* ഹൃദയത്തോടെ ദാവീദ്‌ അവരെ മേയ്‌ച്ചു,+സാമർഥ്യത്തോടെ അവരെ നയിച്ചു.+
അടിക്കുറിപ്പുകള്‍
^ അക്ഷ. “നിയമം.”
^ അക്ഷ. “ഹൃദയം ഒരുക്കാത്തവരുടെ.”
^ അഥവാ “മതിൽപോലെ.”
^ അക്ഷ. “പരീക്ഷിച്ചു.”
^ അഥവാ “ദൈവദൂതന്മാരുടെ.”
^ അഥവാ “തങ്ങൾക്കുവേണ്ടി പ്രതികാരം ചെയ്യുന്നവനെന്നും.”
^ അക്ഷ. “മൂടിക്കളഞ്ഞു.”
^ മറ്റൊരു സാധ്യത “അവർ വെറും മാംസമാണെന്നും അവരുടെ ആത്മാവ്‌ പോകുന്നെന്നും അതു മടങ്ങിവരുന്നില്ലെന്നും ദൈവം ഓർത്തു.”
^ അഥവാ “വേദനിപ്പിച്ചു.”
^ അക്ഷ. “കൈ.”
^ മറ്റൊരു സാധ്യത “ചുട്ടുപൊള്ളുന്ന പനിക്കും.”
^ അക്ഷ. “പരീക്ഷിച്ചു.”
^ അഥവാ “ദൈവത്തിനു ധാർമികരോഷം ജനിപ്പിച്ചു.”
^ അക്ഷ. “അവന്റെ കന്യകമാരെ പ്രകീർത്തിച്ചില്ല.”
^ അക്ഷ. “അവൻ തന്റെ വിശുദ്ധമന്ദിരം ഉയരങ്ങളെപ്പോലെ നിർമിച്ചു.”
^ അഥവാ “ധർമനിഷ്‌ഠയുള്ള.” പദാവലിയിൽ “ധർമനിഷ്‌ഠ” കാണുക.
