സങ്കീർത്തനം 87:1-7
-
സീയോൻ, സത്യദൈവത്തിന്റെ നഗരം
-
സീയോനിൽ ജനിച്ചവർ (4-6)
-
കോരഹുപുത്രന്മാർ+ രചിച്ച ശ്രുതിമധുരമായ ഗാനം.
87 ദൈവനഗരത്തിന്റെ അടിസ്ഥാനം വിശുദ്ധപർവതങ്ങളിൽ!+
2 യഹോവ യാക്കോബിന്റെ സകല കൂടാരങ്ങളെക്കാളുംസീയോൻകവാടങ്ങളെ സ്‌നേഹിക്കുന്നു.+
3 സത്യദൈവത്തിന്റെ നഗരമേ,+ നിന്നെക്കുറിച്ച്‌ മഹാകാര്യങ്ങൾ പറഞ്ഞുകേൾക്കുന്നു. (സേലാ)
4 ഞാൻ രാഹാബിനെയും+ ബാബിലോണിനെയും എന്നെ അറിയുന്നവരുടെ* കൂട്ടത്തിൽ എണ്ണും;ഫെലിസ്‌ത്യയും സോരും കൂശും ഇതാ!
“ഇവൻ അവിടെ ജനിച്ചവനാണ്‌” എന്നു പറയപ്പെടും.
5 “സകലരും അവളിൽ ജനിച്ചവരാണ്‌” എന്നു
സീയോനെക്കുറിച്ച്‌ പറയും.
അത്യുന്നതൻ അവളെ സുസ്ഥിരമായി സ്ഥാപിക്കും.
6 ജനതകളുടെ പേരുവിവരം രേഖപ്പെടുത്തുമ്പോൾ
“ഇവൻ അവിടെ ജനിച്ചവനാണ്‌” എന്ന്‌ യഹോവ പ്രഖ്യാപിക്കും. (സേലാ)
7 “എന്റെ ഉറവകളെല്ലാം നിന്നിലാണ്‌”*+ എന്നു
ഗായകരും+ നർത്തകരും+ ഒരുപോലെ പറയും.
അടിക്കുറിപ്പുകള്‍
^ അഥവാ “അംഗീകരിക്കുന്നവരുടെ.”
^ അഥവാ “എനിക്കുള്ള എല്ലാത്തിന്റെയും ഉറവ്‌ നീയാണ്‌.”
