സുഭാഷിതങ്ങൾ 10:1-32
10 ശലോമോന്റെ ജ്ഞാനമൊഴികൾ.+
ജ്ഞാനിയായ മകൻ അപ്പനു സന്തോഷം നൽകുന്നു;+എന്നാൽ വിഡ്‌ഢിയായ മകൻ അമ്മയ്‌ക്കു തീരാവേദനയാണ്‌.
2 ദുഷ്ടതകൊണ്ട്‌ നേടിയ സമ്പത്ത്‌ ഒന്നിനും ഉപകരിക്കില്ല;എന്നാൽ നീതി മരണത്തിൽനിന്ന്‌ രക്ഷിക്കും.+
3 നീതിമാൻ വിശന്നിരിക്കാൻ യഹോവ സമ്മതിക്കില്ല;+എന്നാൽ ദുഷ്ടന്‌, അവൻ കൊതിക്കുന്നതു ദൈവം കൊടുക്കില്ല.
4 മടിപിടിച്ച കൈകൾ ദാരിദ്ര്യം കൊണ്ടുവരും;+എന്നാൽ ഉത്സാഹമുള്ള കൈകൾ സമ്പത്ത്‌ ആനയിക്കും.+
5 ഉൾക്കാഴ്‌ചയുള്ള മകൻ വേനൽക്കാലത്ത്‌ വിളവ്‌ ശേഖരിക്കുന്നു;എന്നാൽ നാണംകെട്ടവൻ കൊയ്‌ത്തുകാലത്ത്‌ കിടന്നുറങ്ങുന്നു.+
6 നീതിമാന്റെ ശിരസ്സിൽ അനുഗ്രഹങ്ങളുണ്ട്‌;+എന്നാൽ ദുഷ്ടന്റെ വായ്‌ ദുഷ്ടത മറച്ചുവെക്കുന്നു.
7 നീതിമാനെക്കുറിച്ചുള്ള ഓർമയെ* അനുഗ്രഹം കാത്തിരിക്കുന്നു.+എന്നാൽ ദുഷ്ടന്മാരുടെ പേര്‌ ചീഞ്ഞഴുകും.+
8 ബുദ്ധിയുള്ളവൻ ഉപദേശങ്ങൾ* സ്വീകരിക്കുന്നു;+എന്നാൽ വിഡ്‌ഢിത്തം പറയുന്നവൻ ഇല്ലാതാകും.+
9 നിഷ്‌കളങ്കമായി* നടക്കുന്നവൻ സുരക്ഷിതനായിരിക്കും;+എന്നാൽ വളഞ്ഞ വഴികളിലൂടെ സഞ്ചരിക്കുന്നവൻ പിടിയിലാകും.+
10 കൗശലത്തോടെ കണ്ണിറുക്കുന്നവൻ വേദന സമ്മാനിക്കുന്നു;+വിഡ്‌ഢിത്തം പറയുന്നവൻ ഇല്ലാതാകും.+
11 നീതിമാന്റെ വായ്‌ ജീവന്റെ ഉറവാണ്‌;+എന്നാൽ ദുഷ്ടന്റെ വായ്‌ ദുഷ്ടത മറച്ചുവെക്കുന്നു.+
12 വെറുപ്പ്‌ കലഹം ഊതിക്കത്തിക്കുന്നു;എന്നാൽ സ്‌നേഹം എല്ലാ ലംഘനങ്ങളും മൂടുന്നു.+
13 വകതിരിവുള്ളവന്റെ ചുണ്ടിൽ ജ്ഞാനമുണ്ട്‌;+എന്നാൽ സാമാന്യബോധമില്ലാത്തവന്റെ മുതുകിൽ അടി വീഴും.+
14 ബുദ്ധിമാന്മാർ അറിവിനെ ഒരു നിധിപോലെ കാത്തുസൂക്ഷിക്കുന്നു;*+എന്നാൽ വിഡ്‌ഢികളുടെ വായ്‌ നാശം ക്ഷണിച്ചുവരുത്തുന്നു.+
15 പണക്കാരനു തന്റെ സമ്പത്തു* ബലമുള്ള ഒരു നഗരം;
എന്നാൽ പാവപ്പെട്ടവരുടെ ദാരിദ്ര്യം അവരുടെ നാശം.+
16 നീതിമാന്റെ പ്രവൃത്തികൾ ജീവനിലേക്കു നയിക്കുന്നു;എന്നാൽ ദുഷ്ടന്റെ ചെയ്‌തികൾ പാപത്തിലേക്കു പോകുന്നു.+
17 ശിക്ഷണം സ്വീകരിക്കുന്നവൻ ജീവനിലേക്കുള്ള വഴിയാണ്‌;*എന്നാൽ ശാസന തള്ളിക്കളയുന്നവൻ ആളുകളെ വഴിതെറ്റിക്കുന്നു.
18 വിദ്വേഷം മറച്ചുവെക്കുന്നവൻ നുണ പറയുന്നു;+അപവാദം പറഞ്ഞുപരത്തുന്നവൻ വിഡ്‌ഢിയാണ്‌.
19 സംസാരം കൂടിപ്പോയാൽ ലംഘനം ഉണ്ടാകാതിരിക്കില്ല;+എന്നാൽ നാവ്‌ അടക്കുന്നവൻ വിവേകിയാണ്‌.+
20 നീതിമാന്റെ നാവ്‌ ഒന്നാന്തരം വെള്ളിപോലെയാണ്‌;+എന്നാൽ ദുഷ്ടന്റെ ഹൃദയം ഒന്നിനും കൊള്ളില്ല.
21 നീതിമാന്റെ വായ്‌ അനേകരെ പോറ്റിപ്പുലർത്തുന്നു;*+എന്നാൽ ബുദ്ധിയില്ലാത്തതുകൊണ്ട്‌ വിഡ്‌ഢികൾ മരിക്കുന്നു.+
22 യഹോവയുടെ അനുഗ്രഹമാണ്‌ ഒരാളെ സമ്പന്നനാക്കുന്നത്‌;+ദൈവം അതോടൊപ്പം വേദന* നൽകുന്നില്ല.
23 നാണംകെട്ട കാര്യങ്ങൾ ചെയ്യുന്നതു വിഡ്‌ഢിക്ക്‌ ഒരു വിനോദം;എന്നാൽ വകതിരിവുള്ളവനു ജ്ഞാനമുണ്ട്‌.+
24 ദുഷ്ടൻ പേടിക്കുന്നതുതന്നെ അവനു സംഭവിക്കും;എന്നാൽ നീതിമാന്റെ ആഗ്രഹങ്ങളെല്ലാം നിറവേറും.+
25 കൊടുങ്കാറ്റ്‌ അടിക്കുമ്പോൾ ദുഷ്ടൻ ഇല്ലാതാകുന്നു;+എന്നാൽ നീതിമാൻ എന്നും നിൽക്കുന്ന ഒരു അടിസ്ഥാനമാണ്‌.+
26 വിനാഗിരി പല്ലിനും പുക കണ്ണിനും എന്നപോലെയാണ്‌മടിയൻ അവനെ അയച്ചവന്‌.*
27 യഹോവയോടുള്ള ഭയഭക്തി ആയുസ്സു നീട്ടിത്തരുന്നു;+എന്നാൽ ദുഷ്ടന്മാരുടെ വർഷങ്ങൾ വെട്ടിച്ചുരുക്കപ്പെടും.+
28 നീതിമാന്മാരുടെ പ്രതീക്ഷകൾ* അവർക്കു സന്തോഷം നൽകുന്നു;+എന്നാൽ ദുഷ്ടന്മാരുടെ പ്രത്യാശ ഇല്ലാതാകും.+
29 യഹോവയുടെ വഴി നിഷ്‌കളങ്കർക്ക്‌ ഒരു സുരക്ഷിതസ്ഥാനം;+എന്നാൽ ദുഷ്ടത ചെയ്യുന്നവർക്ക്‌ അതു നാശം വരുത്തുന്നു.+
30 നീതിമാന്മാർ ഒരിക്കലും വീണുപോകില്ല;+എന്നാൽ ദുഷ്ടന്മാർ ഇനി ഭൂമിയിലുണ്ടായിരിക്കില്ല.+
31 നീതിമാന്മാരുടെ വായിൽനിന്ന്‌ ജ്ഞാനം പുറപ്പെടുന്നു;എന്നാൽ വഞ്ചനയോടെ സംസാരിക്കുന്ന നാവ്‌ മുറിച്ചുകളയും.
32 നീതിമാന്റെ നാവിനു ഹൃദ്യമായി സംസാരിക്കാൻ അറിയാം;എന്നാൽ ദുഷ്ടന്റെ വായ്‌ വഞ്ചന നിറഞ്ഞതാണ്‌.
അടിക്കുറിപ്പുകള്‍
^ അഥവാ “നീതിമാന്റെ സത്‌പേരിനെ.”
^ അക്ഷ. “കല്‌പനകൾ.”
^ അഥവാ “ധർമനിഷ്‌ഠയോടെ.” പദാവലിയിൽ “ധർമനിഷ്‌ഠ” കാണുക.
^ അഥവാ “സംഭരിച്ചുവെക്കുന്നു.”
^ അഥവാ “വിലപിടിപ്പുള്ള വസ്‌തുക്കൾ.”
^ മറ്റൊരു സാധ്യത “വഴിയിലാണ്‌.”
^ അഥവാ “നയിക്കുന്നു.”
^ അഥവാ “സങ്കടം; കഷ്ടപ്പാട്‌.”
^ അഥവാ “തന്റെ മുതലാളിക്ക്‌.”
^ അഥവാ “പ്രത്യാശ.”
