ശമുവേൽ രണ്ടാം ഭാഗം 22:1-51
22 യഹോവ ദാവീദിനെ എല്ലാ ശത്രുക്കളുടെയും ശൗലിന്റെയും കൈയിൽനിന്ന്‌ രക്ഷിച്ച+ ദിവസം ദാവീദ്‌ യഹോവയുടെ സന്നിധിയിൽ ഒരു പാട്ടു പാടി.+
2 ദാവീദ്‌ പാടിയത്‌:
“യഹോവ എന്റെ വൻപാറയും എന്റെ അഭയസ്ഥാനവും+ എന്റെ രക്ഷകനും.+
3 എന്റെ ദൈവം, ഞാൻ അഭയം തേടുന്ന എന്റെ പാറ.+അങ്ങല്ലോ എന്റെ പരിചയും+ രക്ഷയുടെ കൊമ്പും* സുരക്ഷിതസങ്കേതവും.+എനിക്ക്‌ ഓടിച്ചെന്ന്‌ അഭയം തേടാനുള്ള സ്ഥലവും+ എന്റെ രക്ഷകനും+ അങ്ങല്ലോ.എന്നെ അക്രമത്തിൽനിന്ന്‌ രക്ഷിക്കുന്നതും അങ്ങാണല്ലോ.
4 സ്‌തുത്യർഹനാം യഹോവയെ ഞാൻ വിളിച്ചപേക്ഷിക്കുമ്പോൾ,ദൈവം എന്നെ ശത്രുക്കളുടെ കൈയിൽനിന്ന്‌ രക്ഷിക്കും.
5 മരണത്തിരകൾ ചുറ്റുംനിന്ന്‌ ആർത്തലച്ചുവന്നു.+നീചന്മാരുടെ പെരുവെള്ളപ്പാച്ചിൽ എന്നെ ഭയചകിതനാക്കി.+
6 ശവക്കുഴിയുടെ* കയറുകൾ എന്നെ ചുറ്റിവരിഞ്ഞു.+മരണം എന്റെ മുന്നിൽ കുടുക്കുകൾ വെച്ചു.+
7 എന്റെ കഷ്ടതയിൽ ഞാൻ യഹോവയെ വിളിച്ചപേക്ഷിച്ചു.+ഞാൻ നിരന്തരം എന്റെ ദൈവത്തെ വിളിച്ചു.
അപ്പോൾ ദൈവം ആലയത്തിൽനിന്ന്‌ എന്റെ സ്വരം കേട്ടു.സഹായത്തിനായുള്ള എന്റെ നിലവിളി ദൈവത്തിന്റെ കാതിലെത്തി.+
8 അപ്പോൾ ഭൂമി കുലുങ്ങി.+ആകാശത്തിന്റെ അടിത്തറകൾ വിറകൊണ്ടു.+ദൈവം കോപിക്കയാൽ അവ ഞെട്ടിവിറച്ചു.+
9 ദൈവത്തിന്റെ മൂക്കിൽനിന്ന്‌ പുക ഉയർന്നു.വായിൽനിന്ന്‌ സംഹാരാഗ്നി പുറപ്പെട്ടു.+ദൈവത്തിൽനിന്ന്‌ തീക്കനലുകൾ ജ്വലിച്ചുചിതറി.
10 ദൈവം ആകാശം ചായിച്ച്‌ ഇറങ്ങിവന്നു.+ദൈവത്തിന്റെ കാൽക്കീഴിൽ കനത്ത മൂടലുണ്ടായിരുന്നു.+
11 ദൈവം കെരൂബിനെ+ വാഹനമാക്കി പറന്നുവന്നു.
ഒരു ദൈവദൂതന്റെ* ചിറകിലേറി ദൈവം വരുന്നതു കണ്ടു.+
12 ദൈവം ഇരുളിനെ തനിക്കു ചുറ്റും കൂടാരമാക്കി.+കറുത്തിരുണ്ട വെള്ളത്തെയും കനത്ത മേഘപടലങ്ങളെയും തന്നെ.
13 തിരുസന്നിധിയിലെ പ്രഭയിൽനിന്ന്‌ തീക്കനലുകൾ ജ്വലിച്ചു.
14 അപ്പോൾ യഹോവ ആകാശത്തുനിന്ന്‌ ഇടി മുഴക്കാൻതുടങ്ങി.+അത്യുന്നതൻ തന്റെ സ്വരം കേൾപ്പിച്ചു.+
15 ദൈവം അമ്പ്‌+ എയ്‌ത്‌ അവരെ ചിതറിച്ചു.മിന്നൽപ്പിണർകൊണ്ട്‌ അവരെ പരിഭ്രാന്തരാക്കി.+
16 യഹോവയുടെ ശകാരത്താൽ,ദൈവത്തിന്റെ മൂക്കിൽനിന്നുള്ള ഉഗ്രനിശ്വാസത്താൽ,+ കടലിന്റെ അടിത്തട്ടു ദൃശ്യമായി;+ഭൂതലത്തിന്റെ അടിത്തറകൾ കാണാനായി.
17 ദൈവം ഉന്നതങ്ങളിൽനിന്ന്‌ കൈ നീട്ടി എന്നെ പിടിച്ചു.ആഴമുള്ള വെള്ളത്തിൽനിന്ന്‌ എന്നെ വലിച്ചുകയറ്റി.+
18 എന്റെ ശക്തനായ ശത്രുവിൽനിന്ന്‌, എന്നെ വെറുക്കുന്നവരിൽനിന്ന്‌,ദൈവം എന്നെ രക്ഷിച്ചു.+അവർ എന്നെക്കാൾ എത്രയോ ശക്തരായിരുന്നു.
19 എന്റെ കഷ്ടകാലത്ത്‌ അവർ എന്റെ നേർക്കു വന്നു.+പക്ഷേ യഹോവ എനിക്കു തുണയായുണ്ടായിരുന്നു.
20 എന്റെ ദൈവം എന്നെ ഒരു സുരക്ഷിതസ്ഥാനത്ത്‌*+ എത്തിച്ചു.എന്നോടുള്ള പ്രീതിയാൽ എന്നെ രക്ഷിച്ചു.+
21 എന്റെ നീതിനിഷ്‌ഠയ്‌ക്ക്‌ അനുസൃതമായി യഹോവ എനിക്കു പ്രതിഫലം തരുന്നു.+എന്റെ കൈകളുടെ നിരപരാധിത്വത്തിന്‌* അനുസൃതമായി ദൈവം എനിക്കു പകരം തരുന്നു.+
22 കാരണം ഞാൻ യഹോവയുടെ വഴികളിൽത്തന്നെ നടന്നു.എന്റെ ദൈവത്തെ ഉപേക്ഷിച്ച്‌ തിന്മ ചെയ്‌തിട്ടുമില്ല.
23 ദൈവത്തിന്റെ വിധിപ്രഖ്യാപനങ്ങളെല്ലാം+ എന്റെ മുന്നിലുണ്ട്‌.ദൈവത്തിന്റെ നിയമങ്ങളിൽനിന്ന്‌+ ഞാൻ വ്യതിചലിക്കില്ല.
24 തിരുമുമ്പിൽ ഞാൻ കുറ്റമറ്റവനായിരിക്കും.+തെറ്റുകളിൽനിന്ന്‌ ഞാൻ അകന്നുനിൽക്കും.+
25 എന്റെ നീതിനിഷ്‌ഠ കണക്കാക്കി,തിരുമുമ്പാകെയുള്ള എന്റെ നിഷ്‌കളങ്കത പരിഗണിച്ച്‌,യഹോവ എനിക്കു പ്രതിഫലം തരട്ടെ.+
26 വിശ്വസ്‌തനോട്‌ അങ്ങ്‌ വിശ്വസ്‌തത കാണിക്കുന്നു.+കുറ്റമറ്റവനോടു കുറ്റമറ്റ വിധം പെരുമാറുന്നു.+
27 നിർമലനോട്‌ അങ്ങ്‌ നിർമലത കാണിക്കുന്നു.+പക്ഷേ വക്രബുദ്ധിയോടു തന്ത്രപൂർവം* പെരുമാറുന്നു.+
28 താഴ്‌മയുള്ളവരെ അങ്ങ്‌ രക്ഷിക്കുന്നു.+പക്ഷേ അങ്ങയുടെ കണ്ണുകൾ ധാർഷ്ട്യക്കാർക്കെതിരാണ്‌. അങ്ങ്‌ അവരെ താഴ്‌ത്തുന്നു.+
29 യഹോവേ, അങ്ങാണ്‌ എന്റെ ദീപം.+യഹോവയല്ലോ എന്റെ ഇരുളിനെ പ്രകാശമാനമാക്കുന്നത്‌.+
30 അങ്ങയുടെ സഹായത്താൽ ഞാൻ കവർച്ചപ്പടയുടെ നേരെ പാഞ്ഞുചെല്ലും.ദൈവത്തിന്റെ ശക്തിയാൽ ഞാൻ മതിൽ ചാടിക്കടക്കും.+
31 സത്യദൈവത്തിന്റെ വഴികൾ പിഴവറ്റത്‌.+യഹോവയുടെ വചനങ്ങൾ തീയിൽ ശുദ്ധീകരിച്ചത്‌.+
തന്നെ അഭയമാക്കുന്നവർക്കെല്ലാം ദൈവം ഒരു പരിചയാണ്‌.+
32 യഹോവയല്ലാതെ ഒരു ദൈവമുണ്ടോ?+
നമ്മുടെ ദൈവമല്ലാതെ മറ്റൊരു പാറയുണ്ടോ?+
33 സത്യദൈവം എന്റെ ബലമുള്ള കോട്ട.+ദൈവം എന്റെ വഴി സുഗമമാക്കും.+
34 എന്റെ കാലുകൾ ദൈവം മാനിന്റേതുപോലെയാക്കുന്നു.ചെങ്കുത്തായ സ്ഥലങ്ങളിൽ ഉറച്ചുനിൽക്കാൻ എന്നെ പ്രാപ്‌തനാക്കുന്നു.+
35 എന്റെ കൈകളെ യുദ്ധമുറ അഭ്യസിപ്പിക്കുന്നു.എന്റെ കരങ്ങൾക്കു ചെമ്പുവില്ലുപോലും വളച്ച്‌ കെട്ടാനാകും.
36 അങ്ങ്‌ എനിക്കു രക്ഷ എന്ന പരിച തരുന്നു.അങ്ങയുടെ താഴ്‌മ എന്നെ വലിയവനാക്കുന്നു.+
37 എന്റെ കാലുകൾക്ക്‌ അങ്ങ്‌ പാത വിശാലമാക്കുന്നു.എന്റെ കാലുകൾ* തെന്നിപ്പോകില്ല.+
38 ഞാൻ ശത്രുക്കളെ പിന്തുടർന്ന്‌ നാമാവശേഷമാക്കും.അവരെ നിശ്ശേഷം സംഹരിക്കാതെ തിരിച്ചുവരില്ല.
39 ഞാൻ അവരെ തുടച്ചുനീക്കും. ഒരിക്കലും എഴുന്നേൽക്കാത്ത വിധം അവരെ തകർത്തുകളയും.+അവർ എന്റെ കാൽക്കീഴെ വീഴും.
40 യുദ്ധത്തിനു വേണ്ട ശക്തി നൽകി അങ്ങ്‌ എന്നെ സജ്ജനാക്കും.+എതിരാളികൾ എന്റെ മുന്നിൽ കുഴഞ്ഞുവീഴാൻ അങ്ങ്‌ ഇടയാക്കും.+
41 എന്റെ ശത്രുക്കൾ എന്റെ മുന്നിൽനിന്ന്‌ പിൻവാങ്ങാൻ അങ്ങ്‌ ഇടവരുത്തും.*+ഞാൻ എന്നെ വെറുക്കുന്നവരുടെ കഥകഴിക്കും.*+
42 അവർ സഹായത്തിനായി കേഴുന്നു. പക്ഷേ രക്ഷിക്കാൻ ആരുമില്ല;യഹോവയോടുപോലും അവർ കരഞ്ഞപേക്ഷിക്കുന്നു. പക്ഷേ ദൈവം അവർക്ക്‌ ഉത്തരം കൊടുക്കുന്നില്ല.+
43 നിലത്തെ പൊടിപോലെ ഞാൻ അവരെ ഇടിച്ച്‌ പൊടിയാക്കും.അവരെ തവിടുപൊടിയാക്കി തെരുവിലെ ചെളിപോലെ ചവിട്ടിത്തേക്കും.
44 എന്റെ ജനത്തിലെ ദോഷൈകദൃക്കുകളിൽനിന്ന്‌* അങ്ങ്‌ എന്നെ രക്ഷിക്കും.+
അങ്ങ്‌ എന്നെ സംരക്ഷിച്ച്‌ ജനതകൾക്കു തലവനാക്കും.+എനിക്കു മുൻപരിചയമില്ലാത്ത ജനം എന്നെ സേവിക്കും.+
45 വിദേശികൾ എന്റെ മുന്നിൽ വിനീതവിധേയരായി വന്ന്‌ നിൽക്കും.+എന്നെക്കുറിച്ച്‌ കേൾക്കുന്നതെല്ലാം എന്നെ അനുസരിക്കാൻ അവരെ പ്രേരിപ്പിക്കും.
46 വിദേശികളുടെ ധൈര്യം ക്ഷയിക്കും.*അവർ അവരുടെ സങ്കേതങ്ങളിൽനിന്ന്‌ പേടിച്ചുവിറച്ച്‌ ഇറങ്ങിവരും.
47 യഹോവ ജീവനുള്ളവൻ! എന്റെ പാറയെ ഏവരും വാഴ്‌ത്തട്ടെ!+
എന്റെ രക്ഷയുടെ പാറയായ ദൈവം സ്‌തുതിക്കപ്പെടട്ടെ.+
48 സത്യദൈവം എനിക്കുവേണ്ടി പ്രതികാരം ചെയ്യുന്നു.+എന്റെ ദൈവം ജനതകളെ എനിക്ക്‌ അധീനമാക്കിത്തരുന്നു.+
49 എന്റെ ശത്രുക്കളിൽനിന്ന്‌ എന്നെ രക്ഷിക്കുന്നു.
എന്നെ ആക്രമിക്കുന്നവർക്കു മീതെ അങ്ങ്‌ എന്നെ ഉയർത്തുന്നു.+അക്രമിയുടെ കൈയിൽനിന്ന്‌ അങ്ങ്‌ എന്നെ രക്ഷിക്കുന്നു.+
50 അതുകൊണ്ട്‌ യഹോവേ, ജനതകളുടെ ഇടയിൽ ഞാൻ അങ്ങയ്‌ക്കു നന്ദി പറയും.+തിരുനാമം ഞാൻ പാടി സ്‌തുതിക്കും:*+
51 തന്റെ രാജാവിനുവേണ്ടി ദൈവം വലിയ രക്ഷാപ്രവൃത്തികൾ ചെയ്യുന്നു.*+തന്റെ അഭിഷിക്തനോട്‌ എന്നും അചഞ്ചലസ്‌നേഹം കാണിക്കുന്നു.ദാവീദിനോടും ദാവീദിന്റെ സന്തതിയോടും* തന്നെ.”+
അടിക്കുറിപ്പുകള്‍
^ അഥവാ “ആത്മാവിന്റെ; കാറ്റിന്റെ.”
^ അഥവാ “വിശാലസ്ഥലത്ത്‌.”
^ അക്ഷ. “ശുദ്ധിക്ക്‌.”
^ മറ്റൊരു സാധ്യത “ബുദ്ധിഹീനനെപ്പോലെ.”
^ അഥവാ “കാൽക്കുഴകൾ.”
^ അക്ഷ. “വെറുക്കുന്നവരെ നിശ്ശബ്ദരാക്കും.”
^ അഥവാ “എന്റെ ശത്രുക്കളുടെ പുറം അങ്ങ്‌ എനിക്ക്‌ ഏൽപ്പിച്ചുതരും.”
^ അതായത്‌, കുറ്റം കണ്ടുപിടിക്കാനിരിക്കുന്നവർ.
^ അഥവാ “ശക്തി ചോർന്നുപോകും.”
^ അഥവാ “തിരുനാമത്തിനു ഞാൻ സംഗീതം ഒരുക്കും.”
^ അഥവാ “വൻവിജയങ്ങൾ സമ്മാനിക്കുന്നു.”
^ അക്ഷ. “വിത്തിനോടും.”
