ചിലർ പറയു​ന്നത്‌

രക്തദാ​ഹി​യും യുദ്ധ​ക്കൊ​തി​യ​നും ആയ ഒരു ‘ഗോ​ത്ര​ദൈ​വ​ത്തെ​യാണ്‌’ ഇസ്രാ​യേ​ല്യർ ആരാധി​ച്ചി​രു​ന്നത്‌.

ബൈബിൾ പറയു​ന്നത്‌

മൃഗങ്ങ​ളു​മാ​യുള്ള ലൈം​ഗി​ക​ബന്ധം, ബന്ധുക്ക​ളു​മാ​യുള്ള ലൈം​ഗി​ക​ബന്ധം, ശിശു​ബലി, അക്രമം, എന്നിങ്ങ​നെ​യുള്ള നികൃ​ഷ്ട​മായ പ്രവൃ​ത്തി​കൾ ചെയ്‌തി​രുന്ന ജനതക​ളോ​ടാണ്‌ ഇസ്രാ​യേ​ല്യർ യുദ്ധം ചെയ്‌തത്‌. ഈ തെറ്റായ പ്രവൃ​ത്തി​കൾ ഉപേക്ഷിച്ച് മാറ്റം വരുത്താൻ നൂറ്റാ​ണ്ടു​ക​ളോ​ളം ആ ജനതകൾക്ക് സമയം കൊടു​ത്ത​തി​നു ശേഷം ദൈവം ഇസ്രാ​യേ​ല്യ​രോ​ടു പറഞ്ഞു: “നിങ്ങളു​ടെ മുന്നിൽനിന്ന് ഞാൻ ഓടി​ച്ചു​ക​ള​യുന്ന ജനതകൾ ഇതു​പോ​ലുള്ള കാര്യങ്ങൾ ചെയ്‌താണ്‌ അശുദ്ധ​രാ​യി​ത്തീർന്നത്‌.”​—ലേവ്യ 18:21-25; യിരെമ്യ 7:31.

‘ഈ ജനതക​ളു​ടെ ദുഷ്ടത കാരണം ആണ്‌ നിങ്ങളു​ടെ ദൈവ​മായ യഹോവ അവരെ നിങ്ങളു​ടെ മുന്നിൽനിന്ന് ഓടി​ച്ചു​ക​ള​യു​ന്നത്‌.’​—ആവർത്തനം 9:5.

നിങ്ങൾ ഇതു ശ്രദ്ധി​ച്ചി​ട്ടു​ണ്ടോ?

യുദ്ധങ്ങൾ നടക്കുന്ന സമയത്ത്‌, ദൈവം തങ്ങളുടെ പക്ഷത്താ​ണെന്ന് ഇരുപ​ക്ഷ​ത്തെ​യും മതനേ​താ​ക്കൾ അവകാ​ശ​പ്പെ​ടാ​റുണ്ട്. “ഇന്നുവരെ ഉണ്ടായി​ട്ടുള്ള യുദ്ധങ്ങ​ളി​ലെ​ല്ലാം മതത്തിന്‌ ഒരു​പ്ര​ധാന പങ്കുണ്ടാ​യി​രു​ന്നി​ട്ടുണ്ട്” എന്ന് യുദ്ധത്തി​ന്‍റെ കാരണങ്ങൾ എന്ന ഇംഗ്ലീഷ്‌ പുസ്‌തകം പറയുന്നു.

ബൈബിൾ പറയു​ന്നത്‌

ശത്രു​ക്കൾക്ക് എതിരെ പോരാ​ടാൻ ക്രിസ്‌ത്യാ​നി​കൾക്ക് അനുവാ​ദ​മില്ല. അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​കൾക്ക് ഇങ്ങനെ എഴുതി: ‘എല്ലാവ​രു​മാ​യി സമാധാ​ന​ത്തി​ലാ​യി​രി​ക്കാൻ നിങ്ങളു​ടെ കഴിവി​ന്‍റെ പരമാ​വധി ശ്രമി​ക്കുക. നിങ്ങൾതന്നെ പ്രതി​കാ​രം ചെയ്യരുത്‌.’​—റോമർ 12:18, 19.

യുദ്ധത്തി​നു പോകാ​നല്ല യേശു തന്‍റെ അനുഗാ​മി​ക​ളോ​ടു പറഞ്ഞത്‌. യേശു പറഞ്ഞു: “ശത്രു​ക്കളെ സ്‌നേ​ഹി​ക്കുക, നിങ്ങളെ ഉപദ്ര​വി​ക്കു​ന്ന​വർക്കു​വേണ്ടി പ്രാർഥി​ക്കുക. അപ്പോൾ നിങ്ങൾ സ്വർഗ​സ്ഥ​നായ നിങ്ങളു​ടെ പിതാ​വി​ന്‍റെ പുത്ര​ന്മാ​രാ​യി​ത്തീ​രും.” (മത്തായി 5:44, 45) സ്വന്തം രാജ്യത്ത്‌ ഒരു യുദ്ധമു​ണ്ടാ​യാ​ലും ക്രിസ്‌ത്യാ​നി​കൾ നിഷ്‌പ​ക്ഷ​രാ​യി നിൽക്കണം. കാരണം അവർ “ലോക​ത്തി​ന്‍റെ ഭാഗമല്ല.” (യോഹ​ന്നാൻ 15:19) എല്ലാ രാജ്യ​ങ്ങ​ളി​ലു​മുള്ള തന്‍റെ ആരാധകർ ശത്രു​ക്കളെ സ്‌നേ​ഹി​ക്കാ​നും ലോക​ത്തിൽനിന്ന് വേർപെ​ട്ടി​രി​ക്കാ​നും ആണ്‌ ദൈവം ആഗ്രഹി​ക്കു​ന്നത്‌. അപ്പോൾപ്പി​ന്നെ ഇന്ന് നടക്കുന്ന പോരാ​ട്ട​ങ്ങ​ളിൽ പക്ഷം പിടി​ക്കാൻ ദൈവ​ത്തിന്‌ എങ്ങനെ കഴിയും?

“എന്‍റെ രാജ്യം ഈ ലോക​ത്തി​ന്‍റെ ഭാഗമല്ല. എന്‍റെ രാജ്യം ഈ ലോക​ത്തി​ന്‍റെ ഭാഗമാ​യി​രു​ന്നെ​ങ്കിൽ എന്നെ ജൂതന്മാ​രു​ടെ കൈയി​ലേക്കു വിട്ടു​കൊ​ടു​ക്കാ​തി​രി​ക്കാൻ എന്‍റെ സേവകർ പോരാ​ടി​യേനേ. എന്നാൽ എന്‍റെ രാജ്യം ഈ ലോക​ത്തു​നി​ന്നു​ള്ളതല്ല.”​—യോഹ​ന്നാൻ 18:36.

ചിലർ പറയു​ന്നത്‌

യുദ്ധം ഒഴിവാ​ക്കാ​നാ​കില്ല. “യുദ്ധത്തി​നു നല്ല ഭാവി​യുണ്ട്” എന്ന് യുദ്ധവും അധികാ​ര​വും 21-‍ാ‍ം നൂറ്റാ​ണ്ടിൽ എന്ന ഇംഗ്ലീഷ്‌ പുസ്‌തകം പറയുന്നു. “നിലനിൽക്കുന്ന ആഗോ​ള​സ​മാ​ധാ​ന​മെന്ന അപകടം ഏതായാ​ലും ഈ നൂറ്റാ​ണ്ടിൽ ഉണ്ടാകാൻ പോകു​ന്നില്ല” എന്നും ആ പുസ്‌തകം പറഞ്ഞു.

ബൈബിൾ പറയു​ന്നത്‌

യുദ്ധം ചെയ്യാ​നുള്ള ആളുക​ളു​ടെ ആഗ്രഹ​മി​ല്ലാ​താ​കു​മ്പോൾ യുദ്ധങ്ങ​ളു​മി​ല്ലാ​താ​കും. സ്വർഗ​ത്തിൽനിന്ന് ഭരിക്കുന്ന ഒരു യഥാർഥ​ഗ​വൺമെ​ന്‍റായ ദൈവ​രാ​ജ്യം വൈകാ​തെ​തന്നെ ഭൂമി​യിൽനിന്ന് യുദ്ധങ്ങൾ തുടച്ചു​നീ​ക്കു​ക​യും സമാധാ​ന​ത്തോ​ടെ ജീവി​ക്കാൻ മനുഷ്യ​രെ പഠിപ്പി​ക്കു​ക​യും ചെയ്യും. ദൈവം “അകലെ​യുള്ള പ്രബല​രാ​ജ്യ​ങ്ങൾക്കു തിരുത്തൽ നൽകും. അവർ അവരുടെ വാളുകൾ കലപ്പക​ളാ​യും കുന്തങ്ങൾ അരിവാ​ളു​ക​ളാ​യും അടിച്ചു​തീർക്കും. ജനത ജനതയ്‌ക്കു നേരെ വാൾ ഉയർത്തില്ല, അവർ ഇനി യുദ്ധം ചെയ്യാൻ പരിശീ​ലി​ക്കു​ക​യു​മില്ല” എന്നു ബൈബിൾ ഉറപ്പു​ത​രു​ന്നു.—മീഖ 4:3.

ദൈവ​രാ​ജ്യം ഭരിക്കു​മ്പോൾ സ്വാർഥ​താ​ത്‌പ​ര്യ​ങ്ങൾക്കു​വേണ്ടി തമ്മിൽത്ത​ല്ലുന്ന ഗവൺമെ​ന്‍റു​ക​ളോ ആളുകളെ തമ്മില​ടി​പ്പി​ക്കുന്ന അന്യാ​യ​മായ നയങ്ങളോ വംശീ​യ​വി​ദ്വേ​ഷം ആളിക്ക​ത്തി​ക്കുന്ന മുൻവി​ധി​ക​ളോ ഉണ്ടായി​രി​ക്കി​ല്ലെന്നു ബൈബിൾ പഠിപ്പി​ക്കു​ന്നു. അങ്ങനെ യുദ്ധങ്ങൾ എന്നേക്കു​മാ​യി ഇല്ലാതാ​കും. ദൈവം ഈ ഉറപ്പു തരുന്നു: “അവ എന്‍റെ വിശു​ദ്ധ​പർവ​ത​ത്തിൽ ഒരിട​ത്തും ഒരു നാശവും വരുത്തില്ല, ഒരു ദ്രോ​ഹ​വും ചെയ്യില്ല. കാരണം, സമു​ദ്ര​ത്തിൽ വെള്ളം നിറഞ്ഞി​രി​ക്കു​ന്ന​തു​പോ​ലെ ഭൂമി മുഴുവൻ യഹോ​വ​യു​ടെ പരിജ്ഞാ​നം നിറഞ്ഞി​രി​ക്കും.”—യശയ്യ 11:9.

“ദൈവം ഭൂമി​യി​ലെ​ങ്ങും യുദ്ധങ്ങൾ നിറു​ത്ത​ലാ​ക്കു​ന്നു. വില്ല് ഒടിച്ച് കുന്തം തകർക്കു​ന്നു, യുദ്ധവാ​ഹ​നങ്ങൾ കത്തിച്ചു​ക​ള​യു​ന്നു.”​—സങ്കീർത്തനം 46:9.