കാലാ​വ​സ്ഥ​യി​ലെ മാറ്റം പവിഴ​പ്പു​റ്റു​ക​ളു​ടെ​യും കക്കകളു​ടെ​യും മറ്റു സമു​ദ്ര​ജീ​വി​ക​ളു​ടെ​യും നിലനിൽപ്പിന്‌ ഒരു ഭീഷണി​യാ​യി​രി​ക്കു​ക​യാണ്‌. സമു​ദ്ര​ത്തി​ലെ നാലി​ലൊ​ന്നോ​ളം ജീവജാ​ലങ്ങൾ ആശ്രയിച്ച്‌ കഴിയുന്ന പവിഴ​പ്പു​റ്റു​കൾ ഏതാണ്ട്‌ 30 വർഷത്തി​നു​ള്ളിൽ ഇല്ലാതാ​യേ​ക്കും എന്നാണ്‌ ശാസ്‌ത്ര​ജ്ഞ​ന്മാർ കണക്കു​കൂ​ട്ടു​ന്നത്‌.

90 ശതമാ​ന​ത്തോ​ളം കടൽപ​ക്ഷി​ക​ളും പ്ലാസ്റ്റിക്ക്‌ കഴിച്ചി​ട്ടു​ണ്ടാ​കാം എന്നാണ്‌ വിദഗ്‌ധർ പറയു​ന്നത്‌. സമു​ദ്ര​ങ്ങ​ളിൽ അടിഞ്ഞു​കൂ​ടുന്ന പ്ലാസ്റ്റിക്ക്‌ കാരണം ലക്ഷക്കണ​ക്കി​നു കടൽജീ​വി​ക​ളാണ്‌ ഓരോ വർഷവും കൊല്ല​പ്പെ​ടു​ന്നത്‌.

യുഎൻ സെക്ര​ട്ടറി ജനറലായ അന്റോ​ണി​യോ ഗുട്ടെ​റസ്‌ 2022-ൽ ഇങ്ങനെ പറഞ്ഞു: “സമു​ദ്ര​ങ്ങ​ളോട്‌ എന്തു ചെയ്‌താ​ലും ഒരു കുഴപ്പ​വു​മില്ല എന്ന്‌ നമ്മൾ വിചാ​രി​ച്ചു. പക്ഷേ, കാര്യങ്ങൾ കൈവി​ട്ടു​പോ​കു​ക​യാണ്‌.”

മനുഷ്യ​ന്റെ കടന്നു​ക​യ​റ്റ​മി​ല്ലെ​ങ്കിൽ സ്വയം ശുദ്ധീ​ക​രി​ക്കാ​നുള്ള പ്രാപ്‌തി സമു​ദ്ര​ങ്ങൾക്കും അതിലെ ജീവജാ​ല​ങ്ങൾക്കും ഉണ്ട്‌. ഉയിർത്തെ​ഴു​ന്നേൽപ്പ്‌: കാലാ​വ​സ്ഥ​പ്ര​തി​സന്ധി ഒരു തലമു​റ​യോ​ടെ അവസാ​നി​ക്കു​ന്നു (ഇംഗ്ലീഷ്‌) എന്ന പുസ്‌തകം പറയു​ന്നത്‌, “മനുഷ്യ​വ്യ​വ​സാ​യ​ങ്ങളെ വേലി​കെട്ടി നിറു​ത്തി​യാൽ പൂർവ​സ്ഥി​തി​യി​ലേക്കു വരാനുള്ള സമു​ദ്ര​ങ്ങ​ളു​ടെ പ്രവർത്ത​നങ്ങൾ തടസ്സമി​ല്ലാ​തെ നടക്കും” എന്നാണ്‌. ചില ഉദാഹ​ര​ണങ്ങൾ നോക്കുക:

• ആഗോ​ള​താ​പ​ന​ത്തിന്‌ ഇടയാ​ക്കുന്ന പ്രധാ​ന​വാ​തകം കാർബൺ ഡൈ ഓക്‌​സൈഡ്‌ ആണെന്നാണ്‌ കരുത​പ്പെ​ടു​ന്നത്‌. സമു​ദ്ര​ങ്ങ​ളി​ലെ സസ്യപ്ല​വ​കങ്ങൾ (phytoplankton) എന്ന ചെറു​ജീ​വി​കൾക്ക്‌ കാർബൺ ഡൈ ഓക്‌​സൈഡ്‌ ആഗിരണം ചെയ്യാ​നും സൂക്ഷി​ച്ചു​വെ​ക്കാ​നും ഉള്ള പ്രാപ്‌തി​യുണ്ട്‌, അതും വലിയ അളവിൽ! ശരിക്കും പറഞ്ഞാൽ കരയി​ലുള്ള എല്ലാം മരങ്ങളി​ലും പുല്ലി​ലും മറ്റു ചെടി​ക​ളി​ലും ശേഖരി​ച്ചു​വെ​ച്ചി​രി​ക്കുന്ന അത്രയും​തന്നെ കാർബൺ ഡൈ ഓക്‌​സൈഡ്‌ ശേഖരി​ച്ചു​വെ​ക്കാൻ സസ്യപ്ല​വ​ക​ങ്ങൾക്കു കഴിയും.

• സൂക്ഷ്‌മാ​ണു​ക്കൾ മത്സ്യങ്ങ​ളു​ടെ അവശി​ഷ്ടങ്ങൾ ഭക്ഷിക്കു​ന്നു. അവ അങ്ങനെ ചെയ്‌തി​ല്ലെ​ങ്കിൽ സമു​ദ്രങ്ങൾ ആകെ മലിന​മാ​യി​പ്പോ​യേനേ. പിന്നീട്‌ ഈ സൂക്ഷ്‌മാ​ണു​ക്കൾ മറ്റു കടൽജീ​വി​ക​ളു​ടെ ഭക്ഷണമാ​കും. ഈ പ്രവർത്ത​നങ്ങൾ “സമു​ദ്ര​ങ്ങളെ വൃത്തി​യു​ള്ള​തും തെളി​വു​ള്ള​തും ആയി നിലനിർത്തു​ന്നു” എന്ന്‌ സ്‌മി​ത്സോ​ണി​യൻ ഇൻസ്റ്റി​റ്റ്യൂ​ഷൻ ഓഷ്യൻ വെബ്‌​സൈറ്റ്‌ റിപ്പോർട്ട്‌ ചെയ്യുന്നു.

• കടലിലെ അമ്ലം (acid) പവിഴ​പ്പു​റ്റു​കൾക്കും കക്കകൾക്കും മറ്റു ജീവജാ​ല​ങ്ങൾക്കും ആപത്താണ്‌. എന്നാൽ, പല കടൽജീ​വി​ക​ളും തങ്ങളുടെ ദഹന​പ്ര​ക്രി​യ​യി​ലൂ​ടെ സമു​ദ്ര​ങ്ങ​ളി​ലെ അമ്ലത്തിന്റെ അംശം കുറയ്‌ക്കു​ന്നു.

സമു​ദ്ര​ങ്ങ​ളിൽ പാഴ്‌വ​സ്‌തു​ക്കൾ എത്തി​ച്ചേർന്നാൽ മാത്ര​മല്ലേ അവ നീക്കം ചെയ്യേണ്ട ആവശ്യം വരൂ. അതു​കൊണ്ട്‌ ഒരു പ്രാവ​ശ്യം ഉപയോ​ഗിച്ച്‌ വലി​ച്ചെ​റി​യുന്ന തരം പ്ലാസ്റ്റിക്ക്‌ സാധനങ്ങൾ ശീലമാ​ക്കു​ന്ന​തി​നു പകരം വീണ്ടും ഉപയോ​ഗി​ക്കാ​വുന്ന തരത്തി​ലുള്ള ബാഗു​ക​ളും സഞ്ചിക​ളും മറ്റും ഉപയോ​ഗി​ക്കാ​നാണ്‌ വിദഗ്‌ധർ പ്രോ​ത്സാ​ഹി​പ്പി​ക്കു​ന്നത്‌.

പക്ഷേ, അതു​കൊ​ണ്ടൊ​ന്നും മതിയാ​കില്ല. ഈ അടുത്ത​കാ​ലത്ത്‌ ഒരു പരിസ്ഥി​തി​സം​ഘടന ഒരു വർഷം​കൊണ്ട്‌ 112 രാജ്യ​ങ്ങ​ളു​ടെ സമു​ദ്ര​തീ​ര​ങ്ങ​ളിൽനിന്ന്‌ 9,200 ടണ്ണോളം ചപ്പുച​വ​റു​ക​ളാ​ണു ശേഖരി​ച്ചത്‌. പക്ഷേ, ലോക​മെ​മ്പാ​ടും ഓരോ വർഷവും സമു​ദ്ര​തീ​രത്ത്‌ അടിയുന്ന മാലി​ന്യ​ങ്ങ​ളു​ടെ ആയിര​ത്തി​ലൊ​ന്നേ ആകുന്നു​ള്ളൂ അത്‌.

“മനുഷ്യ​ന്റെ പ്രവർത്ത​നങ്ങൾ കാരണം സമു​ദ്ര​ങ്ങ​ളിൽ കലർന്നി​ട്ടുള്ള അമ്ലത്തിന്റെ അളവ്‌ കുറയ്‌ക്കുക എന്നത്‌ ഏറെക്കു​റെ അസാധ്യ​മാണ്‌” എന്നാണ്‌ നാഷണൽ ജ്യോ​ഗ്രാ​ഫിക്‌ (ഇംഗ്ലീഷ്‌) റിപ്പോർട്ട്‌ ചെയ്യു​ന്നത്‌. കടൽ ജീവി​കൾക്ക്‌ “സമു​ദ്ര​ങ്ങ​ളി​ലെ അമ്ലത്തിന്റെ അളവ്‌ കുറയ്‌ക്കാ​നുള്ള കഴിവുണ്ട്‌. പക്ഷേ, മനുഷ്യൻ അത്രയ​ധി​കം ഫോസിൽ ഇന്ധനങ്ങൾ കത്തിക്കു​ന്ന​തു​കൊണ്ട്‌ അത്‌ അവയുടെ കഴിവിന്‌ അപ്പുറ​മാ​കു​ന്നു.”

“അങ്ങയുടെ സൃഷ്ടി​ക​ളാൽ ഭൂമി നിറഞ്ഞി​രി​ക്കു​ന്നു. അതാ സമുദ്രം! അനന്തം! അതിവി​ശാ​ലം! അതിൽ നിറയെ ചെറു​തും വലുതും ആയ എണ്ണമറ്റ ജീവജാ​ലങ്ങൾ.” —സങ്കീർത്തനം 104:24, 25.

നമ്മുടെ സ്രഷ്ടാ​വാണ്‌ സമു​ദ്രങ്ങൾ ഉണ്ടാക്കി​യത്‌. സ്വയം ശുദ്ധീ​ക​രി​ക്കാ​നുള്ള പ്രാപ്‌തി അവയ്‌ക്കു കൊടു​ത്ത​തും സ്രഷ്ടാവ്‌ തന്നെയാണ്‌. ഒന്നു ചിന്തി​ക്കുക, സമു​ദ്ര​ങ്ങ​ളെ​യും അതിലെ ജീവജാ​ല​ങ്ങ​ളെ​യും കുറിച്ച്‌ സ്രഷ്ടാ​വിന്‌ അത്രയ​ധി​കം അറിയാ​മെ​ങ്കിൽ സമു​ദ്ര​ങ്ങൾക്കു വന്നിരി​ക്കുന്ന കുഴപ്പങ്ങൾ പരിഹ​രി​ക്കാ​നും ദൈവ​ത്തി​നു കഴിയി​ല്ലേ? “ഈ ഭൂമി നിലനിൽക്കു​മെന്നു ദൈവം വാഗ്‌ദാ​നം ചെയ്‌തി​രി​ക്കു​ന്നു” എന്ന 15-ാം പേജിലെ ലേഖനം കാണുക.