എന്നാൽ ഓൺ​ലൈ​നിൽ കൂടുതൽ സമയം ചെലവ​ഴി​ക്കുന്ന ചെറു​പ്പ​ക്കാർ ഒരുപക്ഷേ . . .

• പിന്നീട്‌ അതില്ലാ​തെ പറ്റില്ലെന്ന അവസ്ഥയി​ലാ​കും.

• സൈബർ ഗുണ്ടാ​യി​സ​ത്തിൽ ചെന്നു​ചാ​ടും.

• അറിഞ്ഞോ അറിയാ​തെ​യോ അശ്ലീലം കാണാൻ ഇടയാ​കും.

അഡിക്ഷൻ

ഗെയി​മു​കൾപോ​ലുള്ള ചില ഓൺലൈൻ ആക്‌റ്റി​വി​റ്റി​കൾ നമ്മളെ അതിന്റെ അടിമ​യാ​ക്കി​യേ​ക്കാം. അതിൽ അതിശ​യി​ക്കാ​നില്ല. ആശയവി​നി​മയം പുനരാ​രം​ഭി​ക്കു​ന്നു (ഇംഗ്ലീഷ്‌) എന്ന പുസ്‌തകം പറയു​ന്നത്‌, “നമ്മളെ ഫോണി​നു മുന്നിൽത്തന്നെ പിടി​ച്ചി​രു​ത്തുന്ന വിധത്തി​ലാണ്‌ ചില ആപ്ലി​ക്കേ​ഷ​നു​കൾ ഉണ്ടാക്കി​യി​രി​ക്കു​ന്നത്‌” എന്നാണ്‌. വാണി​ജ്യ​പ​ര​മാ​യി ഉണ്ടാക്കി​യി​രി​ക്കുന്ന ഇത്തരം ആപ്ലി​ക്കേ​ഷ​നു​ക​ളിൽ നമ്മൾ എത്ര നേരം കണ്ണും​ന​ട്ടി​രി​ക്കു​ന്നു​വോ അതിന്റെ നിർമാ​താ​ക്കൾ അത്രയ​ധി​കം നമ്മളെ​ക്കൊണ്ട്‌ ലാഭം കൊയ്യും.

ചിന്തി​ക്കാ​നാ​യി: നിങ്ങളു​ടെ കുട്ടി ഫോണോ മറ്റോ അടുത്തി​ല്ലാ​തെ പറ്റില്ലെന്ന സ്ഥിതി​യി​ലാ​ണോ? സമയം നല്ല വിധത്തിൽ ഉപയോ​ഗി​ക്കാൻ നിങ്ങൾക്ക്‌ എങ്ങനെ അവനെ സഹായി​ക്കാ​നാ​കും?—എഫെസ്യർ 5:15, 16.

ഓൺലൈൻ ദുഷ്‌പെ​രു​മാ​റ്റം

ചില ആളുകൾ ഓൺ​ലൈ​നിൽ മാന്യ​ത​യി​ല്ലാ​തെ പെരു​മാ​റു​ന്നു. അവർ ആളുക​ളു​ടെ വികാ​ര​ങ്ങളെ പരിഗ​ണി​ക്കാ​റില്ല. അങ്ങനെ​യു​ള്ളവർ മറ്റുള്ള​വരെ ഉപദ്ര​വി​ക്കാ​നും സാധ്യ​ത​യുണ്ട്‌.

ചിലർ ഇങ്ങനെ ചെയ്യു​ന്നത്‌ മറ്റുള്ള​വ​രു​ടെ ശ്രദ്ധ കിട്ടാ​നും വലിയ ആളാകാ​നും ആണ്‌. വേറെ ചിലരു​ടെ കാര്യ​ത്തിൽ, ഓൺ​ലൈ​നി​ലെ ചില പോസ്റ്റു​കൾ കാണു​മ്പോൾ മറ്റുള്ളവർ തന്നെ ഒറ്റപ്പെ​ടു​ത്തു​ന്ന​താ​യി തോന്നു​ന്നു. ഉദാഹ​ര​ണ​ത്തിന്‌, എല്ലാവ​രും പങ്കെടുത്ത ഒരു പാർട്ടി​യിൽ തന്നെ ക്ഷണിച്ചി​ല്ലെന്നു കാണു​മ്പോൾ ഒരു ദയയു​മി​ല്ലാ​തെ​യാണ്‌ അവർ തന്നോടു പെരു​മാ​റി​യ​തെന്ന്‌ അവർ ചിന്തി​ച്ചേ​ക്കാം.

ചിന്തി​ക്കാ​നാ​യി: നിങ്ങളു​ടെ കുട്ടി ഓൺ​ലൈ​നിൽ മാന്യ​മാ​യി​ട്ടാ​ണോ മറ്റുള്ള​വ​രോട്‌ ഇടപെ​ടു​ന്നത്‌? (എഫെസ്യർ 4:31) മറ്റുള്ളവർ ഒഴിവാ​ക്കു​ന്ന​താ​യി തോന്നു​ന്നെ​ങ്കിൽ അവൻ എങ്ങനെ​യാണ്‌ അതിനെ കാണു​ന്നത്‌?

അശ്ലീലം കാണൽ

ഇന്റർനെറ്റ്‌ ഉണ്ടെങ്കിൽ കുട്ടി​കൾക്കു ഫോണിൽ അശ്ലീലം എളുപ്പ​ത്തിൽ കിട്ടും. കുട്ടികൾ കാണേ​ണ്ടാത്ത സൈറ്റു​കൾ ബ്ലോക്ക്‌ ചെയ്യാൻ ചില സോഫ്‌റ്റ്‌വെ​യ​റു​ക​ളും ഉപകര​ണ​ങ്ങ​ളും ഒക്കെ ഉണ്ടെങ്കി​ലും അശ്ലീലം കിട്ടു​ന്നത്‌ പൂർണ​മാ​യി തടയാൻ കഴിയു​മെന്ന്‌ കരുത​രുത്‌.

ഫോൺ ഉപയോ​ഗിച്ച്‌ മോശ​മായ ചിത്രങ്ങൾ കൈമാ​റു​ന്നത്‌, അതായത്‌ സെക്‌സ്റ്റിങ്‌, നിയമ​പ​ര​മാ​യി തെറ്റാണ്‌. ചില പ്രദേ​ശത്തെ നിയമ​വും ഉൾപ്പെ​ട്ടി​രി​ക്കുന്ന ആളുക​ളു​ടെ പ്രായ​വും കണക്കി​ലെ​ടുത്ത്‌ കുട്ടികൾ തമ്മിൽ ഇത്തരം മെസേ​ജു​കൾ കൈമാ​റു​ന്നത്‌ ലൈം​ഗിക കുറ്റകൃ​ത്യ​മാ​യി കണക്കാ​ക്കാ​റുണ്ട്‌.

ചിന്തി​ക്കാ​നാ​യി: മോശ​മായ ചിത്ര​ങ്ങ​ളൊ​ക്കെ ഓൺ​ലൈ​നിൽ കൈമാ​റാ​തി​രി​ക്കാ​നും അതു കാണാ​തി​രി​ക്കാ​നും നിങ്ങൾക്ക്‌ എങ്ങനെ നിങ്ങളു​ടെ കുട്ടിയെ സഹായി​ക്കാം?—എഫെസ്യർ 5:3, 4.

കുട്ടി​കളെ പരിശീ​ലി​പ്പി​ക്കുക

ഡിജിറ്റൽ ലോക​ത്തിൽ ജനിച്ചു​വീണ കുട്ടി​കൾക്ക്‌ ടെക്‌നോ​ളജി എളുപ്പ​ത്തിൽ ഉപയോ​ഗി​ക്കാൻ കഴിയു​മെ​ങ്കി​ലും അത്‌ നല്ല വിധത്തിൽ ഉപയോ​ഗി​ക്കാൻ മാതാ​പി​താ​ക്കൾ അവരെ സഹായി​ക്കണം. മൊ​ബൈൽഫോ​ണും മറ്റും പക്വത​യോ​ടെ ഉപയോ​ഗി​ക്കാൻ അറിയു​ന്ന​തി​നു മുമ്പേ അവ കുട്ടി​ക​ളു​ടെ കൈയിൽ കൊടു​ക്കുന്ന മാതാ​പി​താ​ക്കൾ, “നീന്തൽ അറിയാത്ത കുട്ടി​കളെ യാതൊ​രു ഉത്തരവാ​ദി​ത്വ​ബോ​ധ​മി​ല്ലാ​തെ വെള്ളത്തിൽ ചാടാൻ വിടു​ന്ന​തു​പോ​ലെ​യാണ്‌” എന്ന്‌ ഇൻഡി​സ്‌ട്രാ​ക്‌റ്റ​ബിൾ (ഇംഗ്ലീഷ്‌) എന്ന പുസ്‌തകം പറയുന്നു.

താഴെ പറയു​ന്ന​വ​യിൽ നിങ്ങൾക്കു ചെയ്യാ​നാ​കു​ന്നത്‌ ടിക്ക്‌ ചെയ്യുക. മറ്റ്‌ എന്തെങ്കി​ലും ഐഡിയ ഉണ്ടെങ്കിൽ അതും എഴുതാം.

• ഓൺ​ലൈ​നിൽ എങ്ങനെ മര്യാ​ദ​യോ​ടെ ഇടപെ​ടാ​മെന്ന്‌ കുട്ടിക്കു പറഞ്ഞു​കൊ​ടു​ക്കുക

• ഒഴിവാ​ക്ക​പ്പെ​ടു​ന്ന​താ​യി കുട്ടിക്കു തോന്നു​ന്നെ​ങ്കിൽ അതിനെ മറിക​ട​ക്കാൻ സഹായി​ക്കു​ക

• മോശ​മായ കാര്യ​ങ്ങ​ളിൽനിന്ന്‌ കുട്ടിയെ സംരക്ഷി​ക്കാ​നാ​കു​ന്ന​തെ​ല്ലാം ചെയ്യുക

• അവന്റെ ഫോൺ ഇടയ്‌ക്കി​ടെ നോക്കുക

• ഫോൺ ഉപയോ​ഗി​ക്കു​ന്ന​തി​നു സമയപ​രി​ധി വെക്കുക

• രാത്രി​യിൽ ഉറങ്ങു​മ്പോൾ ഫോൺ കൈയിൽ കൊടു​ക്കാ​തി​രി​ക്കുക

• ഭക്ഷണസ​മ​യത്ത്‌ ഫോൺ ഉപയോ​ഗി​ക്കു​ന്നത്‌ വിലക്കുക