നിങ്ങളു​ടെ പിഞ്ചോ​മ​നയെ കൈക​ളി​ലെ​ടുത്ത്‌ ലാളിച്ച ആ കാലം ഇന്നലെ കഴിഞ്ഞ​തു​പോ​ലെ​യാ​യി​രി​ക്കാം നിങ്ങൾക്ക്‌ തോന്നു​ന്നത്‌. പക്ഷെ, ആ പിഞ്ചോ​മന ഇന്നിതാ, കൗമാ​ര​ത്തി​ലേക്ക്‌ കാലൂ​ന്നുന്ന ഒരു ബാലനാ​യി നിങ്ങളു​ടെ മുന്നിൽ നിൽക്കു​ന്നു. അവൻ ഇപ്പോ​ഴും നിങ്ങൾക്ക്‌ കുട്ടി​ത​ന്നെ​യാണ്‌. എങ്കിലും, ഇന്ന്‌ ആ കുട്ടി തന്റെ ജീവി​ത​യാ​ത്ര​യി​ലെ മറ്റൊരു വഴിത്തി​രി​വിൽ എത്തിനിൽക്കു​ക​യാണ്‌. അതെ, ബാല്യ​ത്തി​നും പ്രായ​പൂർത്തി​ക്കും ഇടയി​ലുള്ള ഒരു ഘട്ടം. അതാണ്‌ താരു​ണ്യം!

നിങ്ങളു​ടെ മകനോ മകളോ ഒരു പുരു​ഷ​നോ സ്‌ത്രീ​യോ ആയി മാറുന്ന പ്രയാ​സ​ക​ര​വും ആശയക്കു​ഴപ്പം നിറഞ്ഞ​തും ആയ ഈ ഘട്ടത്തിൽ നിങ്ങൾക്ക്‌ അവരെ എങ്ങനെ സഹായി​ക്കാൻ കഴിയും?

താരു​ണ്യ​ത്തിന്‌ ഒരു സമയപ്പ​ട്ടി​ക​യുണ്ട്‌. അത്‌ ഒരുപക്ഷെ, വളരെ നേരത്തേ അതായത്‌ 8 വയസ്സു മുതലോ അല്ലെങ്കിൽ അല്‌പം വൈകി കൗമാ​ര​ത്തി​ന്റെ മധ്യത്തി​ലോ ആരംഭി​ക്കാ​റുണ്ട്‌. ഇങ്ങനെ, “അതിന്റെ കാലയ​ള​വിന്‌ പല ഏറ്റക്കു​റ​ച്ചി​ലു​കൾ കണ്ടേക്കാം” എന്ന്‌ ഒരു പുസ്‌തകം (Letting Go With Love and Confidence) പറയുന്നു.

താരു​ണ്യം സുരക്ഷി​ത​ത്വ​മി​ല്ലായ്‌മ തോന്നാൻ ഇടയാ​ക്കി​യേ​ക്കാം. മറ്റുള്ളവർ തങ്ങളെ എങ്ങനെ​യാണ്‌ കാണു​ന്ന​തെന്ന്‌ ഈ പ്രായ​ത്തി​ലു​ള്ളവർ എപ്പോ​ഴും ചിന്തി​ച്ചു​കൊ​ണ്ടി​രി​ക്കും. “എന്നെ കാണാൻ എങ്ങനെ​യുണ്ട്‌, എന്റെ പെരു​മാ​റ്റ​ത്തെ​ക്കു​റിച്ച്‌ മറ്റുള്ളവർ എന്ത്‌ പറയും തുടങ്ങിയ കാര്യ​ങ്ങ​ളി​ലാ​യി​രു​ന്നു എന്റെ മുഴുവൻ ശ്രദ്ധയും” എന്ന്‌ യുവാ​വായ ജാരെഡ്‌ a പറയുന്നു. “ആൾക്കൂ​ട്ട​ത്തി​ലാ​യി​രി​ക്കു​മ്പോൾ എന്നെ ഒരു വിചി​ത്ര​ജീ​വി​യാ​യി​ട്ടാ​ണോ മറ്റുള്ളവർ കാണു​ന്നത്‌ എന്ന്‌ ഞാൻ സംശയി​ച്ചി​ട്ടുണ്ട്‌.” ഇതിന്റെ​കൂ​ടെ മുഖക്കു​രു​വും വന്നാൽപ്പി​ന്നെ പറയു​ക​യും വേണ്ടാ. 17 വയസ്സുള്ള കെല്ലി പറയുന്നു: “എന്റെ മുഖമാ​കെ ഉഴുതു​മ​റിച്ച പ്രതീ​തി​യാ​യി​രു​ന്നു. എന്നെ ഇനി ഒന്നിനും കൊള്ളില്ല എന്നു പറഞ്ഞ്‌ കരഞ്ഞത്‌ ഞാൻ ഇപ്പോ​ഴും ഓർക്കു​ന്നു.”

സമയത്തിന്‌ മുമ്പേ താരു​ണ്യം പുൽകു​ന്നവർ പ്രത്യേക വെല്ലു​വി​ളി​കൾ അഭിമു​ഖീ​ക​രി​ക്കു​ന്നു. പെൺകു​ട്ടി​ക​ളു​ടെ കാര്യ​ത്തിൽ ഇത്‌ വിശേ​ഷാൽ സത്യമാണ്‌. മാറിടം വികാസം പ്രാപി​ക്കു​ക​യും ശരീര​വ​ടി​വു​കൾ കണ്ടുതു​ട​ങ്ങു​ക​യും ചെയ്യു​ന്ന​തോ​ടെ അവരെ പലരും കളിയാ​ക്കാൻ തുടങ്ങി​യേ​ക്കാം. കൂടാതെ ഇവർ, ലൈം​ഗി​ക​പ​രീ​ക്ഷ​ണ​ങ്ങൾക്കാ​യി കണ്ണും​ന​ട്ടി​രി​ക്കുന്ന മുതിർന്ന ആൺകു​ട്ടി​ക​ളു​ടെ ശ്രദ്ധാ​കേ​ന്ദ്ര​മാ​കാ​നുള്ള സാധ്യ​ത​യു​മുണ്ട്‌ എന്ന്‌ ഒരു പുസ്‌തകം (A Parent’s Guide to the Teen Years) പറയുന്നു.

താരു​ണ്യം എന്നത്‌ പക്വതയെ അർഥമാ​ക്കു​ന്നില്ല. “ബാലന്റെ ഹൃദയ​ത്തോ​ടു ഭോഷ​ത്വം പറ്റിയി​രി​ക്കു​ന്നു” എന്ന്‌ സദൃശ​വാ​ക്യ​ങ്ങൾ 22:15 പറയുന്നു. അതെ, ഒരു കുട്ടി താരു​ണ്യ​ത്തിൽ എത്തി എന്നതു​കൊ​ണ്ടു​മാ​ത്രം മേൽപ്പറഞ്ഞ പ്രസ്‌താ​വ​നയ്‌ക്ക്‌ മാറ്റ​മൊ​ന്നും വരുന്നില്ല. യൗവനാ​രം​ഭ​ത്തിൽ എത്തിയ ഒരു കുട്ടി മുതിർന്ന ഒരാ​ളെ​പ്പോ​ലെ തോന്നി​ച്ചേ​ക്കാ​മെ​ങ്കി​ലും “ജ്ഞാനപൂർവം തീരു​മാ​ന​മെ​ടു​ക്കുക, ഉത്തരവാ​ദി​ത്വ​ത്തോ​ടെ പെരു​മാ​റുക, ആത്മനി​യ​ന്ത്രണം പാലി​ക്കുക, അല്ലെങ്കിൽ പക്വത​യു​ടെ മറ്റ്‌ ലക്ഷണങ്ങൾ കാണി​ക്കുക തുടങ്ങി​യവ ആ വ്യക്തി​യിൽ കണ്ടു​കൊ​ള്ള​ണ​മെ​ന്നില്ല” എന്ന്‌ മറ്റൊരു പുസ്‌തകം (You and Your Adolescent) പറയുന്നു.

താരു​ണ്യ​ത്തി​ലേക്ക്‌ കടക്കും​മു​മ്പേ അതെക്കു​റിച്ച്‌ പറഞ്ഞു​കൊ​ടു​ക്കുക. എന്തെല്ലാം ശാരീ​രി​ക​വ്യ​തി​യാ​നങ്ങൾ ഉണ്ടാകാൻ സാധ്യ​ത​യുണ്ട്‌ എന്നതി​നെ​ക്കു​റിച്ച്‌, വിശേ​ഷി​ച്ചും ആർത്തവം (പെൺകു​ട്ടി​കൾക്ക്‌), സ്വപ്‌നസ്‌ഖ​ലനം (ആൺകു​ട്ടി​കൾക്ക്‌) തുടങ്ങി​യ​വ​യെ​പ്പറ്റി നിങ്ങളു​ടെ കുട്ടി നിങ്ങളിൽനിന്ന്‌ കേൾക്കട്ടെ. യൗവനാ​രം​ഭ​ത്തി​ന്റെ ലക്ഷണങ്ങൾ പതു​ക്കെ​പ്പ​തു​ക്കെ​യാണ്‌ പ്രകട​മാ​കു​ന്ന​തെ​ങ്കി​ലും മേൽപ്പ​റഞ്ഞവ ഒരു മുന്നറി​യി​പ്പു​മി​ല്ലാ​തെ വരു​മ്പോൾ കുട്ടികൾ ആശയക്കു​ഴ​പ്പ​ത്തി​ലാ​കു​ക​യോ പരി​ഭ്ര​മി​ച്ചു​പോ​കു​ക​യോ ചെയ്‌തേ​ക്കാം. ഇങ്ങനെ​യുള്ള കാര്യ​ങ്ങ​ളെ​ക്കു​റിച്ച്‌ അവരു​മാ​യി ചർച്ച ചെയ്യു​മ്പോൾ ധൈര്യ​വും പ്രോ​ത്സാ​ഹ​ന​വും പകരുന്ന രീതി​യിൽ സംസാ​രി​ക്കുക. താരു​ണ്യം, പക്വത​യി​ലേക്ക്‌ വളരാൻ സഹായി​ക്കുന്ന മാറ്റങ്ങ​ളു​ടെ കാലമാ​ണെ​ന്നും അത്‌ നല്ലതി​നു​വേ​ണ്ടി​യാ​ണെ​ന്നും അവരെ ബോധ്യ​പ്പെ​ടു​ത്തുക.—ബൈബിൾത​ത്ത്വം: സങ്കീർത്തനം 139:14.

മറയി​ല്ലാ​തെ പറഞ്ഞു​കൊ​ടു​ക്കുക. “ജാള്യത കാരണം എന്റെ മാതാ​പി​താ​ക്കൾ ഈ വിഷയ​ത്തെ​ക്കു​റിച്ച്‌ ഒരുവി​ധം പറഞ്ഞൊ​പ്പി​ക്കു​ക​യാണ്‌ ചെയ്‌തത്‌. അവർ ഒരല്‌പം​കൂ​ടി തെളി​ച്ചു​പ​റ​ഞ്ഞി​രു​ന്നെ​ങ്കിൽ എന്ന്‌ ഞാൻ ആശിച്ചു​പോ​യി” എന്ന്‌ യുവാ​വായ ജോൺ പറയുന്നു. പതി​നേ​ഴു​കാ​രി​യായ അലാനയ്‌ക്കും സമാന​മായ അഭി​പ്രാ​യ​മാ​ണു​ള്ളത്‌. “എനിക്കു​ണ്ടായ ശാരീ​രി​ക​മാ​റ്റ​ങ്ങ​ളെ​ക്കു​റിച്ച്‌ അമ്മ എന്നെ പറഞ്ഞു​മ​ന​സ്സി​ലാ​ക്കി​ത്തന്നു എന്നത്‌ ശരിതന്നെ. പക്ഷെ, അതിന്റെ വൈകാ​രി​ക​ത​ല​ത്തെ​ക്കു​റി​ച്ചു​കൂ​ടി അമ്മയ്‌ക്ക്‌ പറയാ​മാ​യി​രു​ന്നു” എന്ന്‌ അവൾ പറയുന്നു. എന്താണ്‌ ഇതിൽനി​ന്നുള്ള പാഠം? താരു​ണ്യ​ത്തോട്‌ ബന്ധപ്പെട്ട കാര്യങ്ങൾ പറഞ്ഞവ​ത​രി​പ്പി​ക്കാൻ എത്രതന്നെ ജാള്യത തോന്നി​യാ​ലും അതിന്റെ എല്ലാ വശങ്ങ​ളെ​ക്കു​റി​ച്ചും മക്കളോട്‌ തുറന്നു​സം​സാ​രി​ക്കാൻ ഒരിക്ക​ലും മടി വിചാ​രി​ക്ക​രുത്‌.—ബൈബിൾത​ത്ത്വം: പ്രവൃ​ത്തി​കൾ 20:20.

സംഭാ​ഷ​ണ​ത്തി​ലേക്ക്‌ നയിക്കുന്ന ചോദ്യ​ങ്ങൾ ചോദി​ക്കുക. സംഭാ​ഷ​ണ​ത്തിന്‌ തുടക്ക​മി​ടാൻ, കൂട്ടു​കാ​രു​ടെ വിശേ​ഷങ്ങൾ തിരക്കുക. ഉദാഹ​ര​ണ​ത്തിന്‌, ഇങ്ങനെ ചോദി​ക്കാം: “മാസമുറ തുടങ്ങി​യ​തി​നെ​ക്കു​റിച്ച്‌ നിങ്ങൾക്കി​ട​യി​ലെ​ങ്ങാ​നും ഒരു സംസാരം ഉണ്ടായോ,” “നേരത്തേ മാസമുറ വന്നവരെ മറ്റ്‌ കുട്ടികൾ കളിയാ​ക്കാ​റു​ണ്ടോ” എന്നൊക്കെ. ഇനി മകനോ​ടാ​ണെ​ങ്കി​ലോ? “നിന്റെ കൂട്ടു​കാർ ആരെങ്കി​ലും സ്വപ്‌ന​ത്തിൽ ബീജസ്‌ഖ​ലനം ഉണ്ടായ​തി​നെ​ക്കു​റിച്ച്‌ വല്ലതും അടക്കം​പ​റ​യാ​റു​ണ്ടോ?” താരു​ണ്യാ​വ​സ്ഥ​യിൽ മറ്റുള്ള​വർക്കു​ണ്ടാ​കുന്ന മാറ്റങ്ങ​ളെ​ക്കു​റിച്ച്‌ വാചാ​ല​രാ​കാൻ കുട്ടി​കൾക്ക്‌ ഒരു മടിയും കാണി​ല്ലാ​ത്ത​തി​നാൽ പതു​ക്കെ​പ്പ​തു​ക്കെ സ്വന്തം കാര്യ​ങ്ങ​ളെ​ക്കു​റി​ച്ചും മനസ്സു​തു​റ​ക്കാൻ അവർക്ക്‌ നിഷ്‌പ്ര​യാ​സം സാധി​ക്കും. എന്നാൽ, മാതാ​പി​താ​ക്ക​ളോട്‌ ഒരു വാക്ക്‌: “കേൾക്കാൻ തിടു​ക്ക​വും സംസാ​രി​ക്കാൻ സാവകാ​ശ​വും കാണിക്ക” എന്ന ബൈബിൾബു​ദ്ധി​യു​പ​ദേശം ഒരിക്ക​ലും മറക്കരുത്‌.—യാക്കോബ്‌ 1:19.

‘ജ്ഞാനവും വകതി​രി​വും കാത്തു​കൊ​ള്ളാൻ’ കൗമാ​ര​ക്കാ​രനെ സഹായി​ക്കുക. (സദൃശ​വാ​ക്യ​ങ്ങൾ 3:21) ശാരീ​രി​ക​വും വികാ​ര​പ​ര​വും ആയ മാറ്റങ്ങൾ മാത്രമല്ല താരു​ണ്യ​ത്തി​ലു​ള്ളത്‌. പ്രായ​പൂർത്തി​യാ​കു​മ്പോൾ, ശരിയായ തീരു​മാ​നങ്ങൾ എടുക്കാൻ സഹായി​ക്കുന്ന ചിന്താ​പ്രാപ്‌തി​യും മറ്റ്‌ ഗുണങ്ങ​ളും അവൻ ഈ കാലഘ​ട്ട​ത്തിൽത്ത​ന്നെ​യാണ്‌ വികസി​പ്പി​ച്ചെ​ടു​ക്കു​ന്നത്‌. അവനിൽ നല്ല മൂല്യങ്ങൾ ഉൾനടാ​നുള്ള ഈ അവസരം നന്നായി പ്രയോ​ജ​ന​പ്പെ​ടു​ത്തുക.—ബൈബിൾത​ത്ത്വം: എബ്രായർ 5:14.

ശ്രമം ഉപേക്ഷി​ക്ക​രുത്‌. താരു​ണ്യ​ത്തി​ലെ വിഷമ​ത​ക​ളെ​ക്കു​റിച്ച്‌ സംസാ​രി​ക്കാൻ തങ്ങൾക്ക്‌ ഒട്ടും താത്‌പ​ര്യ​മില്ല എന്ന്‌ ഭാവി​ക്കുന്ന ചില വിരു​ത​ന്മാ​രായ കുട്ടി​ക​ളെ​യും കണ്ടേക്കാം. അവരുടെ ഈ അടവിൽ വീണു​പോ​ക​രുത്‌. കാരണം, “ഈ വിഷയ​ത്തെ​ക്കു​റിച്ച്‌ സംസാ​രി​ക്കു​മ്പോൾ താത്‌പ​ര്യ​മി​ല്ലായ്‌മ​യോ, മുഷി​വോ, വെറു​പ്പോ അല്ലെങ്കിൽ ഇതി​നെ​ക്കു​റിച്ച്‌ കേൾക്കു​ന്നതേ ഇഷ്ടമല്ലെന്ന മട്ടിലോ ഒക്കെ പ്രതി​ക​രി​ക്കുന്ന കുട്ടികൾ, നിങ്ങൾ പറയുന്ന ഓരോ വാക്കും വള്ളിപു​ള്ളി വിടാതെ മനഃപാ​ഠ​മാ​ക്കു​ന്നുണ്ട്‌ എന്നതാണ്‌ വാസ്‌തവം” എന്ന്‌ കൗമാ​ര​ക്കാ​രെ​ക്കു​റി​ച്ചുള്ള ഒരു പുസ്‌തകം (You and Your Adolescent) പറയുന്നു. ◼

(g16-E No. 2)