‘ദൈവ​വു​മാ​യുള്ള ഒരു നല്ല ബന്ധത്തി​നു​വേണ്ട പ്രധാ​ന​ഘ​ട​ക​മാണ്‌ പ്രത്യാശ’ എന്ന്‌ ആശങ്കയു​ടെ യുഗത്തിൽ പ്രത്യാശ എന്ന ഇംഗ്ലീഷ്‌ പുസ്‌തകം പറയുന്നു. അത്‌ ഇങ്ങനെ തുടരു​ന്നു: “നിസ്സഹാ​യ​ത​യു​ടെ​യും ഒറ്റപ്പെ​ട​ലി​ന്റെ​യും ഭയത്തി​ന്റെ​യും പിടി​യിൽനിന്ന്‌ മോചനം ലഭിക്കാ​നുള്ള ഏറ്റവും നല്ല മരുന്നാണ്‌ പ്രത്യാശ.”

മനുഷ്യർക്ക്‌ പ്രത്യാശ ആവശ്യ​മാ​ണെന്നു ബൈബിൾ പറയുന്നു. അതോ​ടൊ​പ്പം വ്യാജ​പ്ര​ത്യാ​ശ​കളെ അത്‌ തുറന്നു​കാ​ട്ടു​ക​യും ചെയ്യുന്നു. “പ്രഭു​ക്ക​ന്മാ​രെ ആശ്രയി​ക്ക​രുത്‌; രക്ഷയേ​കാൻ കഴിയാത്ത മനുഷ്യ​മ​ക്ക​ളെ​യു​മ​രുത്‌” എന്ന്‌ സങ്കീർത്തനം 146:3 പറയുന്നു. നമ്മുടെ രക്ഷയ്‌ക്കാ​യി മനുഷ്യ​രെ ആശ്രയി​ക്കു​ന്ന​തി​നു പകരം വാഗ്‌ദാ​ന​ങ്ങ​ളെ​ല്ലാം നിറ​വേ​റ്റാൻ പ്രാപ്‌തി​യുള്ള സ്രഷ്ടാ​വിൽ ആശ്രയി​ക്കു​ന്ന​താ​യി​രി​ക്കും ബുദ്ധി. ദൈവം എന്താണ്‌ നമുക്ക്‌ വാക്കു തന്നിരി​ക്കു​ന്നത്‌? പിൻവ​രു​ന്നവ ശ്രദ്ധി​ക്കുക:

ദുഷ്ടത അവസാ​നി​ക്കും, നീതി​മാ​ന്മാർക്ക്‌ നിലനിൽക്കുന്ന സമാധാ​നം ലഭിക്കും: “കുറച്ച്‌ കാലം​കൂ​ടെ കഴിഞ്ഞാൽ ദുഷ്ടന്മാ​രു​ണ്ടാ​യി​രി​ക്കില്ല. . . . എന്നാൽ സൗമ്യ​ത​യു​ള്ളവർ ഭൂമി കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ അത്യധി​കം ആനന്ദി​ക്കും,” എന്ന്‌ സങ്കീർത്തനം 37:10, 11 പറയുന്നു. അതേ അധ്യാ​യ​ത്തി​ന്റെ 29-ാം വാക്യ​ത്തിൽ പറയു​ന്നത്‌, ഭൂമി​യിൽ “നീതി​മാ​ന്മാർ . . . എന്നു​മെ​ന്നേ​ക്കും ജീവി​ക്കും” എന്നാണ്‌.

യുദ്ധങ്ങൾ അവസാ​നി​ക്കും: ‘യഹോവ . . . ഭൂമി​യി​ലെ​ങ്ങും യുദ്ധങ്ങൾ നിറു​ത്ത​ലാ​ക്കു​ന്നു. വില്ല്‌ ഒടിച്ച്‌ കുന്തം തകർക്കു​ന്നു, യുദ്ധവാ​ഹ​നങ്ങൾ കത്തിച്ചു​ക​ള​യു​ന്നു.’​—സങ്കീർത്തനം 46:8, 9.

രോഗം, കഷ്ടപ്പാട്‌, മരണം എന്നിവ ഉണ്ടായി​രി​ക്കില്ല: “ദൈവ​ത്തി​ന്റെ കൂടാരം മനുഷ്യ​രു​ടെ​കൂ​ടെ. . . . ദൈവം അവരുടെ കണ്ണുക​ളിൽനിന്ന്‌ കണ്ണീ​രെ​ല്ലാം തുടച്ചു​ക​ള​യും. മേലാൽ മരണം ഉണ്ടായി​രി​ക്കില്ല; ദുഃഖ​മോ നിലവി​ളി​യോ വേദന​യോ ഉണ്ടായി​രി​ക്കില്ല. പഴയ​തെ​ല്ലാം കഴിഞ്ഞു​പോ​യി!”​—വെളിപാട്‌ 21:3, 4.

ഭക്ഷ്യസ​മൃ​ദ്ധി: “ഭൂമി​യിൽ ധാന്യം സുലഭ​മാ​യി​രി​ക്കും; മലമു​ക​ളിൽ അതു നിറഞ്ഞു​ക​വി​യും.”​—സങ്കീർത്തനം 72:16.

ഒരു ലോക​ഗ​വൺമെ​ന്റി​ന്റെ നീതി​യോ​ടെ​യുള്ള ഭരണം​—ക്രിസ്‌തു​വി​ന്റെ രാജ്യം: “എല്ലാ ജനതക​ളും രാജ്യ​ക്കാ​രും ഭാഷക്കാ​രും (യേശു​ക്രി​സ്‌തു​വി​നെ) സേവി​ക്കേ​ണ്ട​തിന്‌ അവന്‌ ആധിപ​ത്യ​വും ബഹുമ​തി​യും രാജ്യ​വും നൽകി. അവന്റെ ആധിപ​ത്യം ഒരിക്ക​ലും നീങ്ങി​പ്പോ​കാത്ത നിത്യാ​ധി​പ​ത്യ​വും അവന്റെ രാജ്യം നശിപ്പി​ക്ക​പ്പെ​ടാ​ത്ത​തും ആയിരി​ക്കും.”​—ദാനിയേൽ 7:14.

ഈ വാഗ്‌ദാ​ന​ങ്ങ​ളെ​ല്ലാം നിറ​വേ​റു​മെന്ന്‌ എന്ത്‌ ഉറപ്പാ​ണു​ള്ളത്‌? ഭൂമി​യി​ലാ​യി​രു​ന്ന​പ്പോൾ താനൊ​രു രാജാ​വാ​കാൻ യോഗ്യ​നാ​ണെന്നു യേശു തെളി​യി​ച്ചു. രോഗി​കളെ സുഖ​പ്പെ​ടു​ത്തി, വിശക്കു​ന്ന​വർക്ക്‌ ഭക്ഷണം കൊടു​ത്തു, മരിച്ച​വരെ ഉയിർപ്പി​ച്ചു. ഇവയെ​ക്കാൾ പ്രധാനം യേശു​വി​ന്റെ പഠിപ്പി​ക്ക​ലു​ക​ളാ​യി​രു​ന്നു. കാരണം ഒരുമ​യോ​ടെ, സമാധാ​ന​ത്തിൽ എന്നേക്കും ജീവി​ക്കാൻ സഹായി​ക്കുന്ന തത്ത്വങ്ങൾ യേശു പഠിപ്പി​ച്ചു. കൂടാതെ ഭാവി സംഭവ​ങ്ങ​ളെ​ക്കു​റി​ച്ചും യേശു മുൻകൂ​ട്ടി​പ്പ​റഞ്ഞു. അതിൽ ഇന്നത്തെ ലോകം അവസാ​നി​ക്കാൻ പോകു​ന്ന​തി​ന്റെ ചില ലക്ഷണങ്ങ​ളും പറഞ്ഞി​രി​ക്കു​ന്നു.

അവസാ​ന​കാ​ലത്തെ അടയാ​ള​ത്തെ​ക്കു​റിച്ച്‌ യേശു മുൻകൂ​ട്ടി​പ്പ​റ​ഞ്ഞ​പ്പോൾ സമാധാ​ന​വും സുരക്ഷി​ത​ത്വ​വും ഉണ്ടായി​രി​ക്കു​മെന്നല്ല അതിന്‌ വിപരീ​ത​മായ കാര്യ​ങ്ങ​ളാ​യി​രി​ക്കും സംഭവി​ക്കുക എന്നാണ്‌ യേശു പറഞ്ഞത്‌. ഈ ‘വ്യവസ്ഥി​തി അവസാ​നി​ക്കാൻപോ​കു​ന്ന​തി​ന്റെ’ അടയാ​ള​മാ​യി യേശു പറഞ്ഞതിൽ അന്തർദേ​ശീയ യുദ്ധങ്ങൾ, ഭക്ഷ്യക്ഷാ​മങ്ങൾ, പകർച്ച​വ്യാ​ധി​കൾ, വലിയ ഭൂകമ്പങ്ങൾ എന്നിവ ഉൾപ്പെ​ട്ടി​രി​ക്കു​ന്നു. (മത്തായി 24:3, 7; ലൂക്കോസ്‌ 21:10, 11; വെളി​പാട്‌ 6:3-8) യേശു ഇങ്ങനെ​യും പറഞ്ഞു: “നിയമ​ലം​ഘനം വർധി​ച്ചു​വ​രു​ന്നതു കണ്ട്‌ മിക്കവ​രു​ടെ​യും സ്‌നേഹം തണുത്തു​പോ​കും.”​—മത്തായി 24:12.

ഇങ്ങനെ സ്‌നേഹം തണുത്തു​പോ​കു​ന്നത്‌ പല വിധങ്ങ​ളിൽ ഇന്നു കാണാം. ഒരു ബൈബി​ളെ​ഴു​ത്തു​കാ​രൻ അത്‌ വ്യക്തമാ​യി മുൻകൂ​ട്ടി​പ്പ​റഞ്ഞു. 2 തിമൊ​ഥെ​യൊസ്‌ 3-ന്റെ 1 മുതൽ 5 വരെയുള്ള വാക്യ​ങ്ങ​ളിൽ നമുക്ക്‌ അത്‌ വായി​ക്കാം. “അവസാ​ന​കാ​ലത്ത്‌” ആളുകൾ സ്വാർഥ​രും പണക്കൊ​തി​യ​ന്മാ​രും ജീവി​ത​സു​ഖങ്ങൾ പ്രിയ​പ്പെ​ടു​ന്ന​വ​രും അഹങ്കാ​രി​ക​ളും ക്രൂര​ന്മാ​രും ആയിരി​ക്കും. കുടും​ബ​ങ്ങ​ളിൽ പണ്ടുണ്ടാ​യി​രുന്ന സ്‌നേഹം നഷ്ടമാ​കും. മക്കൾ മാതാ​പി​താ​ക്കളെ അനുസ​രി​ക്കാ​ത്ത​വ​രാ​കും. മതങ്ങളു​ടെ കാപട്യം ഒരു സാധാ​ര​ണ​സം​ഗ​തി​യാ​കും.

കൊടു​ങ്കാറ്റ്‌ സമാന​മായ സാഹച​ര്യ​ങ്ങൾ ഈ ലോകം അതിന്റെ അവസാ​ന​നാ​ളു​ക​ളി​ലാ​ണെന്ന കാര്യ​ത്തിന്‌ ഉറപ്പ്‌ നൽകുന്നു. ദൈവ​രാ​ജ്യ​ഭ​രണം കൊണ്ടു​വ​രാൻപോ​കുന്ന ശാന്തത തൊട്ട​ടു​ത്താ​ണെന്ന കാര്യ​വും അത്‌ ഉറപ്പേ​കു​ന്നു. അവസാ​ന​നാ​ളു​ക​ളെ​ക്കു​റി​ച്ചുള്ള പ്രവച​ന​ത്തി​ന്റെ ഭാഗമാ​യി യേശു ഇങ്ങനെ ഒരു ഉറപ്പും കൊടു​ത്തു: “ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത എല്ലാ ജനതക​ളും അറിയാ​നാ​യി ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും. അപ്പോൾ അവസാനം വരും.”​—മത്തായി 24:14.

ആ സന്തോ​ഷ​വാർത്ത തെറ്റായ കാര്യങ്ങൾ ചെയ്യു​ന്ന​വർക്ക്‌ ഒരു മുന്നറി​യി​പ്പും അതോ​ടൊ​പ്പം നീതി​മാ​ന്മാർക്ക്‌ ഒരു പ്രത്യാ​ശ​യും ആണ്‌. നീതി​മാ​ന്മാർക്ക്‌ ദൈവം വാക്കു കൊടു​ത്തി​രി​ക്കുന്ന അനു​ഗ്രഹം പെട്ടെ​ന്നു​തന്നെ യാഥാർഥ്യ​മാ​കും എന്നതും ഒരു സന്തോ​ഷ​വാർത്ത​യാണ്‌. ആ അനു​ഗ്ര​ഹ​ങ്ങ​ളെ​ക്കു​റിച്ച്‌ കൂടുതൽ അറിയാൻ നിങ്ങൾക്ക്‌ ആഗ്രഹ​മു​ണ്ടോ? ഉണ്ടെങ്കിൽ, ഈ മാസി​ക​യു​ടെ അവസാ​ന​പേ​ജി​ലേക്കു മറിക്കുക.