“ഈ തലമുറ മുമ്പെ​ങ്ങു​മി​ല്ലാത്ത വിധത്തിൽ സാങ്കേ​തിക-ശാസ്‌ത്രീയ-സാമ്പത്തിക മേഖല​ക​ളിൽ പുരോ​ഗതി കൈവ​രി​ച്ചി​ട്ടുണ്ട്‌. . . . എന്നാൽ ഇന്നത്തെ ലോകത്തെ (രാഷ്‌ട്രീയ-സാമ്പത്തിക-പാരി​സ്ഥി​തിക) തകർച്ച​യു​ടെ വക്കി​ലേക്കു കൊണ്ടു​പോ​കുന്ന ആദ്യത​ല​മു​റ​യും ഇതായി​രി​ക്കാം.”—2018-ലെ ആഗോള അപകട​സാ​ധ്യ​താ റിപ്പോർട്ട്‌, ലോക സാമ്പത്തിക ഫോറം.

നമ്മു​ടെ​യും ഭൂമി​യു​ടെ​യും ഭാവി​യെ​ക്കു​റിച്ച്‌ ഓർത്ത്‌ എന്തു​കൊ​ണ്ടാണ്‌ അറിവുള്ള പലരും ആശങ്ക​പ്പെ​ടു​ന്നത്‌? നമ്മൾ നേരി​ടുന്ന ചില പ്രശ്‌നങ്ങൾ ഇപ്പോൾ പരി​ശോ​ധി​ക്കാം.

• സൈബർ കുറ്റകൃ​ത്യം: “വളരെ അപകടം പതിയി​രി​ക്കുന്ന ഒരു മേഖല​യാ​യി​ത്തീർന്നി​രി​ക്കു​ക​യാണ്‌ ഇന്റർനെറ്റ്‌. കുട്ടി​കളെ ലൈം​ഗി​ക​മാ​യി ചൂഷണം ചെയ്യു​ന്ന​വ​രു​ടെ​യും സൈബർ ഗുണ്ടക​ളു​ടെ​യും പ്രകോ​പി​പ്പി​ക്കുന്ന വിധത്തിൽ പോസ്റ്റ്‌ ഇടുന്ന​വ​രു​ടെ​യും വിവരങ്ങൾ ചോർത്തു​ന്ന​വ​രു​ടെ​യും ഒളിത്താ​വ​ള​മാ​യി മാറി​യി​രി​ക്കു​ക​യാണ്‌ ഇന്റർനെറ്റ്‌” എന്ന്‌ ദി ഓസ്‌​ട്രേ​ലി​യൻ എന്ന പത്രം പറയുന്നു. “വ്യക്തി​ത്വ​മോ​ഷ​ണ​മാണ്‌ ഇന്നു ലോകത്ത്‌ വളരെ വ്യാപ​ക​മാ​യി​ക്കൊ​ണ്ടി​രി​ക്കുന്ന കുറ്റകൃ​ത്യ​ങ്ങ​ളിൽ ഒന്ന്‌. . . . മനുഷ്യ​രു​ടെ ഏറ്റവും നികൃ​ഷ്ട​മായ സ്വഭാ​വ​രീ​തി—ദുഷ്ടത​യും ക്രൂര​ത​യും—കാണി​ക്കാ​നുള്ള ഒരു വേദി​യാ​യി മാറി​യി​രി​ക്കു​ക​യാണ്‌ ഇന്റർനെറ്റ്‌.”

• സാമ്പത്തിക അസമത്വം: ഓക്‌സ്‌ഫോം ഇന്റർനാ​ഷണൽ സംഘടന ഇയ്യടുത്ത്‌ റിപ്പോർട്ട്‌ ചെയ്‌ത​ത​നു​സ​രിച്ച്‌, ലോകത്തെ ദരി​ദ്ര​രായ പകുതി​പ്പേ​രു​ടെ മുഴുവൻ ആസ്‌തി​ക്കു തുല്യ​മായ ആസ്‌തി എട്ടു ധനിക​രു​ടെ പക്കലുണ്ട്‌. ഓക്‌സ്‌ഫോം പറയുന്നു: “നമ്മുടെ താറു​മാ​റായ സാമ്പത്തി​ക​വ്യ​വസ്ഥ പാവ​പ്പെ​ട്ട​വരെ പിഴിഞ്ഞ്‌ ധനികരെ സമ്പന്നരാ​ക്കു​ന്നു. ഇതിന്‌ ഇരയാ​കു​ന്നത്‌ കൂടു​ത​ലും സ്‌ത്രീ​ക​ളാണ്‌.” ഈ അസമത്വം സമൂഹ​ത്തിൽ പ്രശ്‌ന​ങ്ങൾക്കു തിരി​കൊ​ളു​ത്തു​മോ എന്നു ചിലർ ഭയക്കുന്നു.

• സംഘർഷ​വും അക്രമ​വും: ഐക്യ​രാ​ഷ്‌ട്ര​സ​ഭ​യു​ടെ അഭയാർഥി ഏജൻസി​യു​ടെ 2018-ലെ റിപ്പോർട്ട്‌ ഇങ്ങനെ പറയുന്നു: “രേഖക​ള​നു​സ​രിച്ച്‌ നമ്മൾ ഇന്നു വലിയ കുടി​യൊ​ഴി​പ്പി​ക്ക​ലു​കൾക്കു സാക്ഷ്യം വഹിച്ചു​കൊ​ണ്ടി​രി​ക്കു​ക​യാണ്‌.” സംഘർഷ​വും അക്രമ​വും കൊണ്ടു​മാ​ത്രം 6 കോടി 80 ലക്ഷത്തി​ല​ധി​കം ആളുകൾക്കു വീടു വിട്ട്‌ പോ​കേ​ണ്ടി​വന്നു. റിപ്പോർട്ടു പറയു​ന്ന​ത​നു​സ​രിച്ച്‌ “ഓരോ രണ്ടു സെക്കന്റി​ലും ഏകദേശം ഒരാൾ വീതം കുടി​യൊ​ഴി​പ്പി​ക്ക​പ്പെ​ടു​ന്നു.”

• പരിസ്ഥി​തി​ക്കു ഭീഷണി: “ജൈവ​വൈ​വി​ധ്യം വൻതോ​തിൽ നശിച്ചു​കൊ​ണ്ടി​രി​ക്കു​ന്നു” എന്നു 2018-ലെ ആഗോള അപകട​സാ​ധ്യ​താ റിപ്പോർട്ട്‌ പറയുന്നു. “മനുഷ്യ​ന്റെ ആരോ​ഗ്യ​ത്തി​നു വലിയ അളവി​ലുള്ള ഭീഷണി ഉയർത്തി​ക്കൊണ്ട്‌ കടലും വായു​വും മലിനീ​ക​രി​ക്ക​പ്പെ​ട്ടി​രി​ക്കു​ന്നു” എന്നും അതു കൂട്ടി​ച്ചേർക്കു​ന്നു. ചില സ്ഥലങ്ങളിൽ പ്രാണി​ക​ളു​ടെ എണ്ണത്തിൽ കുത്ത​നെ​യുള്ള കുറവ്‌ കാണാൻ കഴിയും. പരാഗണം നടത്തു​ന്നതു പ്രാണി​ക​ളാ​യ​തു​കൊണ്ട്‌ ഈ കുറവ്‌ ഒരു “പാരി​സ്ഥി​തിക അർമ​ഗെ​ദോ​നു” വഴി​വെ​ച്ചേ​ക്കാ​മെന്നു ശാസ്‌ത്രജ്ഞർ മുന്നറി​യിപ്പ്‌ നൽകുന്നു. പവിഴ​പ്പു​റ്റു​ക​ളും വൻ ഭീഷണി നേരി​ടു​ക​യാണ്‌. ലോക​ത്തി​ലെ പകുതി പവിഴ​പ്പു​റ്റു​ക​ളും കഴിഞ്ഞ 30 വർഷത്തി​നു​ള്ളിൽ നശിച്ചി​ട്ടു​ണ്ടെന്ന്‌ ശാസ്‌ത്രജ്ഞർ കണക്കാ​ക്കു​ന്നു.

കൂടുതൽ സുരക്ഷി​ത​മായ ഒരു ലോകം വാർത്തെ​ടു​ക്കാൻ നമ്മളെ​ക്കൊ​ണ്ടു കഴിയു​മോ? വിദ്യാ​ഭ്യാ​സം​കൊണ്ട്‌ കുറ​ച്ചൊ​ക്കെ കഴിയു​മെന്നു ചിലർ കരുതു​ന്നു. അങ്ങനെ​യാ​ണെ​ങ്കിൽ ഏതുത​ര​ത്തി​ലുള്ള വിദ്യാ​ഭ്യാ​സം​കൊണ്ട്‌? പിൻവ​രുന്ന ലേഖന​ങ്ങ​ളിൽ ഈ ചോദ്യ​ങ്ങൾ പരി​ശോ​ധി​ക്കും.