നമ്മു​ടെ​യും മറ്റുള്ള​വ​രു​ടെ​യും വ്യത്യാ​സം മാത്രം ശ്രദ്ധി​ച്ചാൽ, ആ വ്യത്യാ​സ​ങ്ങ​ളൊ​ക്കെ മറ്റുള്ള​വ​രു​ടെ കുറവു​ക​ളാ​യി വീക്ഷി​ക്കാൻ തുടങ്ങി​യേ​ക്കാം. അതു മറ്റുള്ള​വരെ താഴ്‌ന്ന​വ​രാ​യി കാണാൻ ഇടയാ​ക്കും. ഈ ചിന്താ​രീ​തി നമ്മൾ തുടർന്നാൽ സമാനു​ഭാ​വം കാണി​ക്കാൻ, അതായത്‌ മറ്റുള്ള​വ​രു​ടെ സ്ഥാനത്തു​നിന്ന്‌ ചിന്തി​ക്കാൻ നമ്മൾ പരാജ​യ​പ്പെ​ടും. ഇതു മുൻവി​ധി​യു​ടെ ലക്ഷണമാണ്‌.

“സന്തോ​ഷി​ക്കു​ന്ന​വ​രു​ടെ​കൂ​ടെ സന്തോ​ഷി​ക്കുക. കരയു​ന്ന​വ​രു​ടെ​കൂ​ടെ കരയുക.”—റോമർ 12:15.

വാക്യം പഠിപ്പി​ക്കു​ന്നത്‌: നമ്മൾ സമാനു​ഭാ​വം കാണി​ക്കണം. സമാനു​ഭാ​വം എന്നു പറഞ്ഞാൽ മറ്റൊ​രാ​ളു​ടെ സ്ഥാനത്തു നമ്മളെ നിറു​ത്തി​ക്കൊണ്ട്‌ അദ്ദേഹ​ത്തി​നു തോന്നു​ന്നത്‌ എന്താണ്‌ എന്നു ചിന്തി​ക്കു​ന്ന​താണ്‌.

സമാനു​ഭാ​വം ഉണ്ടെങ്കിൽ മറ്റൊ​രാ​ളെ നമ്മുടെ സ്ഥാനത്തു​നിന്ന്‌ കാണാൻ നമുക്കു കഴിയും. അപ്പോൾ അവർ ചിന്തി​ക്കുന്ന രീതി​യും അവർ പ്രതി​ക​രി​ക്കുന്ന വിധവും ഒക്കെ നമ്മു​ടേ​തു​പോ​ലെ​ത​ന്നെ​യാ​ണെന്നു നമ്മൾ തിരി​ച്ച​റി​ഞ്ഞേ​ക്കാം. അങ്ങനെ​യാ​കു​മ്പോൾ ഏതു പശ്ചാത്ത​ല​ത്തി​ലുള്ള ആളുക​ളെ​യും ഒരേ​പോ​ലെ കാണാ​നാ​കും. അപ്പോൾ മറ്റുള്ള​വരെ വിധി​ക്കാ​നുള്ള ചായ്‌വ്‌ കുറയും.

സമാനു​ഭാ​വം ഉണ്ടെങ്കിൽ മറ്റുള്ള​വരെ ബഹുമാ​നി​ക്കാൻ നമുക്ക്‌ എളുപ്പം കഴിയും. സെനഗ​ലിൽനി​ന്നുള്ള ആൻമേരി തന്റെ സമൂഹ​ത്തി​ലെ താഴ്‌ന്ന​വ​രായ ആളുകളെ തന്റെ നാട്ടു​കാർ കാണു​ന്ന​തു​പോ​ലെ​തന്നെ താഴ്‌ന്ന​വ​രാ​യാണ്‌ കണ്ടിരു​ന്നത്‌. എന്നാൽ സമാനു​ഭാ​വം ആൻമേ​രി​യു​ടെ ചിന്താ​ഗ​തി​ക്കു മാറ്റം​വ​രു​ത്തി​യത്‌ എങ്ങനെ​യെന്ന്‌ അവർതന്നെ പറയുന്നു: “ആ കൂട്ടത്തി​ലെ ആളുകൾ അനുഭ​വി​ക്കുന്ന കഷ്ടപ്പാ​ടു​ക​ളും ബുദ്ധി​മു​ട്ടു​ക​ളും കണ്ടപ്പോൾ ‘അവരുടെ സ്ഥാനത്ത്‌ ഞാനാ​യി​രു​ന്നെ​ങ്കിൽ എനിക്ക്‌ എന്തു തോന്നി​യേനേ’ എന്നു ഞാൻ ചിന്തി​ക്കാൻ തുടങ്ങി. അപ്പോൾ ഞാൻ അവരെ​ക്കാൾ മികച്ച​യാ​ളാ​ണെന്ന എന്റെ ചിന്ത കുറഞ്ഞു.” മറ്റുള്ളവർ അനുഭ​വി​ക്കുന്ന ബുദ്ധി​മു​ട്ടു​കൾ മനസ്സി​ലാ​ക്കാൻ ശ്രമി​ച്ചാൽ നമ്മൾ അവരെ വിമർശി​ക്കില്ല.

നിങ്ങൾ താഴ്‌ന്ന​വ​രാ​യി കാണുന്ന ആളുക​ളു​മാ​യി നിങ്ങൾക്കുള്ള വ്യത്യാ​സ​ങ്ങ​ളി​ലേക്കു നോക്കാ​തെ അവരും നിങ്ങളും തമ്മിലുള്ള സമാന​ത​കൾകൂ​ടെ കണ്ടെത്താൻ ശ്രമി​ക്കുക. ഉദാഹ​ര​ണ​ത്തിന്‌, പിൻവ​രുന്ന സാഹച​ര്യ​ങ്ങ​ളിൽ അവർക്ക്‌ എന്തായി​രി​ക്കും തോന്നുക:

• കുടും​ബം ഒത്തൊ​രു​മിച്ച്‌ ഇരുന്ന്‌ ഭക്ഷണം കഴിക്കു​മ്പോൾ

• ഒരു ദിവസത്തെ കഠിന​മായ അധ്വാ​ന​ത്തി​നു​ശേഷം

• കൂട്ടു​കാ​രോ​ടൊ​പ്പം സമയം ചെലവ​ഴി​ക്കു​മ്പോൾ

• ഇഷ്ടപ്പെട്ട പാട്ട്‌ കേൾക്കു​മ്പോൾ

അവരുടെ സാഹച​ര്യ​ത്തിൽ നിങ്ങ​ളെ​ത്തന്നെ കണ്ടിട്ട്‌ സ്വയം ഇങ്ങനെ ചോദി​ക്കുക:

• മറ്റുള്ളവർ എന്നെ ഒന്നിനും കൊള്ളാ​ത്ത​വ​നാ​യി കണ്ടാൽ എനിക്ക്‌ എന്തു തോന്നും?

• എന്നെ ശരിക്കും മനസ്സി​ലാ​ക്കാൻ ശ്രമി​ക്കാ​തെ മോശ​മാ​യി എന്തെങ്കി​ലും എന്നെക്കു​റിച്ച്‌ ധരിച്ചു​വെ​ച്ചാൽ എനിക്ക്‌ എന്തു തോന്നും?

• മറ്റുള്ളവർ മോശ​ക്കാ​രാ​യി വീക്ഷി​ക്കുന്ന ഒരു കൂട്ടത്തി​ന്റെ ഭാഗമാ​യി​രു​ന്നു ഞാൻ എങ്കിൽ, ആളുകൾ എന്നോട്‌ എങ്ങനെ ഇടപെ​ടാ​നാണ്‌ ഞാൻ ആഗ്രഹി​ക്കുക?