മുൻവി​ധി​യു​ടെ വേരുകൾ പിഴു​തെ​റി​യുക എന്നത്‌ എളുപ്പ​ത്തിൽ നടക്കുന്ന ഒരു കാര്യമല്ല. നമ്മുടെ ഉള്ളിൽ പിടി​പെ​ട്ടി​രി​ക്കുന്ന ഒരു വൈറസ്‌ ഇല്ലാതാ​ക്കാൻ സമയവും ശ്രമവും ആവശ്യ​മാ​യി​രി​ക്കു​ന്ന​തു​പോ​ലെ​യാ​ണു മുൻവി​ധി​യു​ടെ കാര്യ​വും. മുൻവി​ധി എന്ന വൈറ​സി​നെ നമ്മുടെ ഉള്ളിൽനിന്ന്‌ എങ്ങനെ ഇല്ലാതാ​ക്കാ​നാ​കും?

“ആളുകളെ ഒറ്റക്കെ​ട്ടാ​യി നിറു​ത്താൻ കഴിവുള്ള സ്‌നേഹം ധരിക്കുക.” —കൊ​ലോ​സ്യർ 3:14.

വാക്യം പഠിപ്പി​ക്കു​ന്നത്‌: മറ്റുള്ള​വർക്കു ദയാ​പ്ര​വൃ​ത്തി​കൾ ചെയ്യു​മ്പോൾ അതു നമ്മളെ അവരു​മാ​യി അടുപ്പി​ക്കും. നിങ്ങൾ എത്ര​ത്തോ​ളം സ്‌നേഹം കാണി​ക്കു​ന്നു​വോ അത്ര​ത്തോ​ളം നിങ്ങളി​ലുള്ള മുൻവി​ധി കുറഞ്ഞു​വ​രും. അവരെ​ക്കു​റി​ച്ചുള്ള തെറ്റായ ചിന്താ​ഗ​തി​ക​ളും നിങ്ങൾക്ക്‌ ഒഴിവാ​ക്കാൻ കഴിയും.

നിങ്ങൾ ഏതെങ്കി​ലും കൂട്ടത്തെ മുൻവി​ധി​യോ​ടെ വീക്ഷി​ക്കു​ന്നു​ണ്ടോ? ഉണ്ടെങ്കിൽ അവരോ​ടു സ്‌നേഹം കാണി​ക്കാൻ എന്തൊക്കെ വഴിക​ളു​ണ്ടെന്നു ചിന്തി​ക്കുക. അതിനു നമ്മൾ വലിയ​വ​ലിയ കാര്യങ്ങൾ ചെയ്യണ​മെ​ന്നില്ല. പിൻവ​രുന്ന കാര്യ​ങ്ങ​ളിൽ ചിലതു പരീക്ഷി​ച്ചു​നോ​ക്കാം:

• വഴി ചോദി​ക്കു​മ്പോൾ പറഞ്ഞു​കൊ​ടു​ക്കു​ന്ന​തോ ബസ്സിലോ മറ്റോ യാത്ര ചെയ്യു​മ്പോൾ ഇരിക്കാൻ സീറ്റ്‌ കൊടു​ക്കു​ന്ന​തോ പോലുള്ള നല്ല പെരു​മാ​റ്റ​രീ​തി​കൾ ആ കൂട്ടത്തി​ലു​ള്ള​വ​രോ​ടു കാണി​ക്കാ​നാ​കും.

• ഭാഷ നന്നായിട്ട്‌ അറിയി​ല്ലെ​ങ്കി​ലും കൊച്ചു​കൊ​ച്ചു വർത്തമാ​ന​ങ്ങ​ളൊ​ക്കെ അവരോ​ടു പറയാൻ കഴിയും.

• ചില കാര്യങ്ങൾ അവർ പ്രത്യേക വിധത്തിൽ ചെയ്യു​ന്നത്‌ എന്തു​കൊ​ണ്ടാ​ണെന്നു നമുക്കു മനസ്സി​ലാ​യി​ല്ലെ​ങ്കിൽപ്പോ​ലും അവരോ​ടു ക്ഷമയോ​ടെ ഇടപെ​ടാം.

• അവരുടെ പ്രശ്‌ന​ങ്ങ​ളെ​ക്കു​റിച്ച്‌ പറയു​മ്പോൾ നന്നായി ശ്രദ്ധി​ക്കുക.