ഇടിമു​ഴ​ക്കുന്ന കുതി​ര​ക്കു​ള​മ്പടി! ശക്തരായ നാലു കുതി​ര​ക​ളും അതിന്റെ സവാരി​ക്കാ​രും അവരുടെ യാത്ര തുടങ്ങി​യി​രി​ക്കു​ന്നു. ഈ സഞ്ചാര​ത്തെ​ക്കു​റി​ച്ചുള്ള ബൈബിൾവി​വ​രണം വായന​ക്കാ​രു​ടെ ഹൃദയ​ത്തിൽ ജീവസ്സുറ്റ ഒരു ചിത്രം വരച്ചി​ടു​ന്നു. ആദ്യം വരുന്ന വെള്ളക്കു​തി​ര​യു​ടെ സവാരി​ക്കാ​രൻ മഹത്ത്വ​പൂർണ​നും കിരീ​ട​ധാ​രി​യും ആയ ഒരു പുതിയ രാജാ​വാണ്‌. അതിനു പുറകെ വരുന്ന തീനി​റ​മുള്ള കുതി​ര​യു​ടെ സവാരി​ക്കാ​രൻ ഭൂമി​യിൽനിന്ന്‌ സമാധാ​നം എടുത്തു​ക​ള​യാൻ വന്നിരി​ക്കു​ന്നു. തൊട്ട​ടു​ത്ത​താ​യി വരുന്ന മൂന്നാ​മത്തെ കുതി​ര​യ്‌ക്കു കൂരി​രു​ട്ടി​ന്റെ നിറമാണ്‌. തുലാസ്‌ ഉയർത്തി​പ്പി​ടി​ച്ചു​കൊണ്ട്‌ വരുന്ന അതിന്റെ സവാരി​ക്കാ​രൻ ഭക്ഷ്യദൗർല​ഭ്യ​ത്തി​ന്റെ ഒരു ദുഃഖ​സ​ന്ദേശം ഘോഷി​ക്കു​ന്നു. വിളറിയ നിറമുള്ള ഒരു കുതി​ര​യാണ്‌ നാലാ​മ​താ​യി എത്തുന്നത്‌. രോഗ​ങ്ങ​ളു​ടെ​യും മാരക​മായ മറ്റെല്ലാ​ത്തി​ന്റെ​യും സന്ദേശം അറിയി​ക്കുന്ന ആ സവാരി​ക്കാ​രൻ മരണം​ത​ന്നെ​യാണ്‌. അതിനെ പിന്തു​ട​രുന്ന ശവക്കുഴി മാനവ​കു​ടും​ബ​ത്തി​ന്റെ ജീവൻ അതിദാ​രു​ണ​മാ​യി കവർന്നെ​ടു​ത്തു​കൊ​ണ്ടി​രു​ന്നു!—വെളി​പാട്‌ 6:1-8.

“നാലു കുതി​ര​ക്കാ​രെ​ക്കു​റി​ച്ചുള്ള ബൈബിൾഭാ​ഗം വായി​ച്ച​പ്പോൾ ഞാൻ ആദ്യം പേടി​ച്ചു​പോ​യി. ന്യായ​വി​ധി​ദി​വസം അടുത്തു​വ​രു​ക​യാ​ണെ​ന്നും അതിനാ​യി ഒരുങ്ങാ​ത്ത​തു​കൊണ്ട്‌ ഒരിക്ക​ലും രക്ഷപ്പെ​ടാ​നാ​കി​ല്ലെ​ന്നും എനിക്കു തോന്നി.”—ക്രിസ്റ്റൽ.

“നാലു വ്യത്യ​സ്‌ത​നി​റ​ത്തി​ലുള്ള കുതിരസവാരി​ക്കാ​രു​ടെ യാത്ര എനിക്കു വളരെ രസകര​മാ​യി തോന്നി. ആ ദർശന​ത്തി​ന്റെ അർഥം മനസ്സി​ലാ​ക്കി​യ​പ്പോൾ കാര്യ​ങ്ങ​ളു​ടെ മുഴുവൻ ചിത്രം എനിക്കു ലഭിച്ചു.”—എഡ്‌.

വെളി​പാട്‌ പുസ്‌ത​ക​ത്തി​ലെ ഈ നാലു കുതി​ര​സ​വാ​രി​ക്കാ​രു​ടെ സഞ്ചാര​ത്തെ​ക്കു​റിച്ച്‌ ക്രിസ്റ്റ​ലി​നു തോന്നി​യ​തു​പോ​ലെ​യാ​ണോ നിങ്ങൾക്കു തോന്നു​ന്നത്‌? അതോ എഡിനു തോന്നി​യ​തു​പോ​ലെ​യാ​ണോ? എന്തായി​രു​ന്നാ​ലും, ഈ നാലു കുതി​ര​സ​വാ​രി​ക്കാ​രു​ടെ​യും ഇതിഹാ​സ​യാ​ത്ര ബൈബി​ളി​ലെ അവസാ​ന​പു​സ്‌ത​ക​മായ വെളി​പാ​ടി​ലെ പ്രസി​ദ്ധ​മായ ദൃശ്യ​രം​ഗ​ങ്ങൾക്കു രൂപം നൽകി​യി​രി​ക്കു​ന്നു. ഈ ദർശന​ത്തെ​ക്കു​റിച്ച്‌ മനസ്സി​ലാ​ക്കു​ന്നതു നിങ്ങൾക്കു വ്യക്തി​പ​ര​മാ​യി ഗുണം ചെയ്യും. എങ്ങനെ? ഈ പ്രാവ​ച​നി​ക​പു​സ്‌ത​ക​ത്തിൽ എഴുതി​യി​രി​ക്കുന്ന കാര്യങ്ങൾ വായി​ക്കു​ക​യും പഠിക്കു​ക​യും അതിനു ചേർച്ച​യിൽ ജീവി​ക്കു​ക​യും ചെയ്യു​മ്പോൾ യഥാർഥ സന്തോഷം കണ്ടെത്താ​നാ​കു​മെന്നു ദൈവം ഉറപ്പു​നൽകു​ന്നു.—വെളി​പാട്‌ 1:1-3.

നാലു കുതിരസവാരിക്കാരെക്കുറിച്ചുള്ള വിവരണം വായിക്കുമ്പോൾ പലർക്കും ഭയം തോന്നാ​റു​ണ്ടെ​ങ്കി​ലും അത്‌ എഴുതി​യി​രി​ക്കു​ന്നത്‌ ആ ഉദ്ദേശ്യ​ത്തി​ലല്ല. വാസ്‌ത​വ​ത്തിൽ, ഈ ദർശനം ലക്ഷക്കണ​ക്കിന്‌ ആളുക​ളു​ടെ വിശ്വാ​സത്തെ ബലപ്പെ​ടു​ത്തി​യി​രി​ക്കു​ന്നു, അവർക്കു ശോഭ​ന​മായ ഒരു ഭാവി​യെ​ക്കു​റി​ച്ചുള്ള പ്രതീക്ഷ നൽകി​യി​രി​ക്കു​ന്നു. നിങ്ങൾക്കും അത്‌ അങ്ങനെ​യാ​യി​രി​ക്കട്ടെ! ദയവായി തുടർന്നും വായി​ക്കുക.