1. സന്തോ​ഷി​ക്കാ​നുള്ള ഏതു പ്രത്യേ​ക​കാ​ര​ണ​മാ​ണു നമുക്കു​ള്ളത്‌?

യഹോ​വ​യു​ടെ ജനത്തിന്റെ വർധന​യെ​പ്പ​റ്റി​യുള്ള വാർത്തകൾ കേൾക്കു​ന്നതു നമ്മളെ ആവേശം​കൊ​ള്ളി​ക്കു​ന്നി​ല്ലേ! കഴിഞ്ഞ വർഷം നമ്മൾ ഒരു കോടി​യി​ല​ധി​കം ബൈബിൾപ​ഠ​ന​ങ്ങ​ളാ​ണു നടത്തി​യത്‌. ദൈവ​ദാ​സർ തങ്ങളുടെ വെളിച്ചം പ്രകാ​ശി​പ്പി​ക്കു​ന്നു എന്നതിന്റെ വ്യക്തമായ തെളി​വാണ്‌ ഇത്‌. കൂടാതെ, സ്‌മാ​ര​ക​ത്തി​നു വന്ന ലക്ഷക്കണ​ക്കി​നു താത്‌പ​ര്യ​ക്കാ​രു​ടെ കാര്യ​വും ചിന്തി​ക്കുക. മോച​ന​വില തന്നു​കൊണ്ട്‌ ദൈവം നമ്മളോ​ടു കാണിച്ച സ്‌നേ​ഹ​ത്തെ​ക്കു​റിച്ച്‌ പഠിക്കാൻ അവർക്ക്‌ അവസരം ലഭിച്ചു.—1 യോഹ. 4:9.

2, 3. (എ) ‘ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കാൻ’ ഏതു കാര്യം നമുക്ക്‌ ഒരു തടസ്സമല്ല? (ബി) മത്തായി 5:14-16-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കു​ക​ളു​ടെ അടിസ്ഥാ​ന​ത്തിൽ നമ്മൾ എന്തു ചിന്തി​ക്കും?

² ലോക​മെ​മ്പാ​ടു​മുള്ള പല ഭാഷക്കാ​രായ ആളുകൾ ചേർന്ന​താണ്‌ യഹോ​വ​യു​ടെ ജനം. എന്നാൽ നമ്മുടെ പിതാ​വായ യഹോ​വയെ ഐക്യ​ത്തിൽ സ്‌തു​തി​ക്കു​ന്ന​തിന്‌ ഇത്‌ ഒരു തടസ്സമല്ല. (വെളി. 7:9) നമ്മൾ ജീവി​ക്കു​ന്നത്‌ എവി​ടെ​യാ​ണെ​ങ്കി​ലും, നമ്മുടെ ഭാഷ ഏതാ​ണെ​ങ്കി​ലും “ഈ ലോക​ത്തിൽ ജ്യോ​തി​സ്സു​ക​ളെ​പ്പോ​ലെ” പ്രകാ​ശി​ക്കാൻ നമുക്കു കഴിയും.—ഫിലി. 2:15.

³ നമുക്കി​ട​യി​ലെ വർധന​യും നമ്മൾ അനുഭ​വി​ക്കുന്ന ഐക്യ​വും ഉണർന്നി​രി​ക്കാ​നുള്ള നമ്മുടെ ശ്രമവും എല്ലാം യഹോ​വയെ മഹത്ത്വ​പ്പെ​ടു​ത്തും. അത്‌ എങ്ങനെ​യാ​ണു സാധ്യ​മാ​കു​ന്ന​തെന്ന്‌ ഈ ലേഖന​ത്തിൽ പഠിക്കും.—മത്തായി 5:14-16 വായി​ക്കുക.

4, 5. (എ) പ്രസംഗപ്രവർത്തനത്തിനു പുറമേ മറ്റ്‌ ഏതു വിധത്തിൽ നമുക്കു വെളിച്ചം പ്രകാ​ശി​പ്പി​ക്കാ​നാ​കും? (ബി) നമ്മുടെ നല്ല പെരുമാറ്റംകൊണ്ട്‌ എന്തൊക്കെ പ്രയോ​ജ​ന​ങ്ങ​ളു​ണ്ടാ​യേ​ക്കാം? (ലേഖനാ​രം​ഭ​ത്തി​ലെ ചിത്രം കാണുക.)

⁴ “ശേഷി​ച്ചി​രി​ക്കുന്ന ദിവസ​ങ്ങ​ളിൽ . . . തന്റെ വെളിച്ചം പ്രകാ​ശി​പ്പി​ക്കാ​നുള്ള അവസരം ഒരു വ്യക്തി ഉപയോ​ഗി​ക്കു​ന്നി​ല്ലെ​ങ്കിൽ അദ്ദേഹ​ത്തി​നു കർത്താ​വി​നോ​ടു വിശ്വ​സ്‌ത​നും സത്യവാ​നും ആയിരി​ക്കാൻ കഴിയില്ല.” 1925 ജൂൺ 1 ലക്കം വീക്ഷാ​ഗോ​പു​ര​ത്തി​ലെ (ഇംഗ്ലീഷ്‌) “കൂരി​രു​ട്ടിൽ വെളിച്ചം” എന്ന ലേഖന​ത്തിൽ വന്ന ഒരു പ്രസ്‌താ​വ​ന​യാണ്‌ ഇത്‌. ആ ലേഖനം തുടർന്ന്‌ ഇങ്ങനെ പറഞ്ഞു: “ഭൂമി​യി​ലെ ജനതക​ളോ​ടു സന്തോ​ഷ​വാർത്ത അറിയി​ച്ചു​കൊ​ണ്ടും വെളി​ച്ച​ത്തി​ന്റെ പാതയി​ലൂ​ടെ നടന്നു​കൊ​ണ്ടും ആണ്‌ ഒരുവൻ ഇതു ചെയ്യേ​ണ്ടത്‌.” അതെ, വെളിച്ചം പ്രകാ​ശി​പ്പി​ക്കാ​നുള്ള ഒരു വിധം സന്തോ​ഷ​വാർത്ത പ്രസം​ഗി​ക്കു​ന്ന​തും ആളുകളെ ശിഷ്യ​രാ​ക്കു​ന്ന​തും ആണ്‌. (മത്താ. 28:19, 20) കൂടാതെ, നല്ല പെരു​മാ​റ്റ​ത്തി​ലൂ​ടെ​യും നമ്മൾ യഹോ​വയെ മഹത്ത്വ​പ്പെ​ടു​ത്തു​ന്നു. നമ്മൾ സന്ദർശി​ക്കുന്ന വീട്ടു​കാ​രും അതു​പോ​ലെ കടന്നു​പോ​കുന്ന വഴിയാ​ത്ര​ക്കാ​രും എല്ലാം നമ്മുടെ പെരു​മാ​റ്റം നിരീ​ക്ഷി​ക്കു​ന്നുണ്ട്‌. ഹൃദ്യ​മായ പുഞ്ചി​രി​യും ഊഷ്‌മ​ള​മായ അഭിവാ​ദ​ന​വും നമ്മളെ​ക്കു​റി​ച്ചും നമ്മൾ ആരാധിക്കുന്ന ദൈവത്തെക്കുറിച്ചും ഏറെ കാര്യങ്ങൾ സംസാ​രി​ക്കും.

⁵ യേശു ശിഷ്യ​ന്മാ​രോ​ടു പറഞ്ഞു: “നിങ്ങൾ ഒരു വീട്ടിൽ ചെല്ലു​മ്പോൾ, വീട്ടു​കാ​രെ അഭിവാ​ദനം ചെയ്യണം.” (മത്താ. 10:12) യേശു​വും അപ്പോ​സ്‌ത​ല​ന്മാ​രും പ്രസം​ഗ​പ്ര​വർത്തനം നടത്തിയ പ്രദേ​ശ​ങ്ങ​ളിൽ അപരി​ചി​തരെ വീടിന്‌ ഉള്ളി​ലേക്കു ക്ഷണിക്കു​ന്നതു സാധാ​ര​ണ​മാ​യി​രു​ന്നു. ഇന്നു പലയി​ട​ത്തും അങ്ങനെ​യൊ​രു രീതി​യില്ല. എങ്കിലും നിങ്ങൾ സൗഹാർദ​പ​ര​മാ​യി ഇടപെ​ട്ടു​കൊണ്ട്‌ ചെന്നതി​ന്റെ ഉദ്ദേശ്യം വ്യക്തമാ​ക്കു​മ്പോൾ അതു വീട്ടു​കാ​രന്റെ ഉത്‌ക​ണ്‌ഠ​യും പിരി​മു​റു​ക്ക​വും കുറയ്‌ക്കും. മിക്ക​പ്പോ​ഴും ഹൃദയ​ത്തിൽനി​ന്നുള്ള ഒരു പുഞ്ചി​രി​യാണ്‌ ഏറ്റവും നല്ല മുഖവുര. സാഹിത്യ കൈവണ്ടി ഉപയോ​ഗിച്ച്‌ പരസ്യ​സാ​ക്ഷീ​ക​ര​ണ​ത്തിൽ ഏർപ്പെ​ടു​മ്പോ​ഴും ഇതു സത്യമാണ്‌. ഒരു ചെറു​പു​ഞ്ചി​രി​യും അഭിവാ​ദ​ന​വും സമ്മാനി​ക്കു​ന്നെ​ങ്കിൽ ആളുകൾ നല്ല രീതി​യിൽ പ്രതി​ക​രി​ച്ചേ​ക്കാം. നമ്മളെ സമീപി​ക്കാ​നും സാഹിത്യ കൈവ​ണ്ടി​യിൽനിന്ന്‌ പ്രസി​ദ്ധീ​ക​രണം എടുക്കാ​നും അവർക്കു മടി തോന്നു​ക​യില്ല. നിങ്ങളു​ടെ നല്ല പെരുമാറ്റം ഒരു സംഭാ​ഷണം തുടങ്ങാ​നും നിങ്ങളെ സഹായി​ച്ചേ​ക്കാം.

6. ശുശ്രൂ​ഷ​യിൽ സജീവ​മാ​യി തുടരാൻ പ്രായം​ചെന്ന ഒരു ദമ്പതികൾ എന്താണു ചെയ്‌തത്‌?

⁶ ഇംഗ്ലണ്ടി​ലെ പ്രായം​ചെന്ന ഒരു ദമ്പതി​കൾക്കു ചില ആരോ​ഗ്യ​പ്ര​ശ്‌നങ്ങൾ കാരണം വീടു​തോ​റു​മുള്ള പ്രവർത്ത​ന​ത്തിൽ കാര്യ​മാ​യി ഏർപ്പെ​ടാൻ കഴിഞ്ഞി​രു​ന്നില്ല. ഇതു തങ്ങളുടെ വെളിച്ചം പ്രകാ​ശി​പ്പി​ക്കു​ന്ന​തിന്‌ അവർക്ക്‌ ഒരു തടസ്സമാ​യില്ല. അവർ എന്തു ചെയ്‌തു? വീടിന്‌ പുറത്ത്‌ ഒരു മേശ ഇട്ട്‌ അവർ അതിൽ ബൈബിൾപ്ര​സി​ദ്ധീ​ക​ര​ണങ്ങൾ വെക്കും. അടുത്തുള്ള ഒരു സ്‌കൂ​ളിൽനിന്ന്‌ കുട്ടി​കളെ കൂട്ടി​ക്കൊ​ണ്ടു​പോ​കാൻ മാതാ​പി​താ​ക്കൾ വരുന്ന സമയത്താ​യി​രി​ക്കും അവർ ഇങ്ങനെ ചെയ്യു​ന്നത്‌. ജിജ്ഞാസ തോന്നിയ മാതാ​പി​താ​ക്ക​ളിൽ പലരും യുവജ​നങ്ങൾ ചോദി​ക്കു​ന്നു പുസ്‌ത​ക​ത്തി​ന്റെ രണ്ടു വാല്യ​ങ്ങ​ളും മറ്റു ലഘുപ​ത്രി​ക​ക​ളും ഉൾപ്പെടെ പല പ്രസി​ദ്ധീ​ക​ര​ണ​ങ്ങ​ളും അവി​ടെ​നിന്ന്‌ എടുത്തു. അവരുടെ സഭയിലെ ഒരു മുൻനി​ര​സേ​വി​ക​യും ഈ ദമ്പതി​ക​ളോ​ടൊ​പ്പം മിക്ക​പ്പോ​ഴും ഈ സാക്ഷീ​ക​ര​ണ​ത്തിൽ പങ്കെടു​ത്തു. ആ സഹോ​ദ​രി​യു​ടെ സൗഹൃ​ദ​ത്തോ​ടെ​യുള്ള ഇടപെ​ട​ലും ദമ്പതി​ക​ളു​ടെ ആത്മാർഥ​മായ ശ്രമങ്ങ​ളും ബൈബിൾപ​ഠനം സ്വീക​രി​ക്കാൻ ഒരു പിതാ​വി​നെ പ്രേരി​പ്പി​ച്ചു.

7. നിങ്ങളു​ടെ പ്രദേ​ശത്ത്‌ പുതു​താ​യി എത്തുന്ന​വരെ നിങ്ങൾക്ക്‌ എങ്ങനെ സഹായി​ക്കാം?

⁷ ഈ അടുത്ത കാലത്ത്‌ പല രാജ്യ​ങ്ങ​ളി​ലേ​ക്കും ധാരാളം ആളുകൾ അഭയാർഥി​ക​ളാ​യി എത്തുന്നുണ്ട്‌. യഹോ​വ​യെ​യും ദൈ​വോ​ദ്ദേ​ശ്യ​ത്തെ​യും കുറിച്ച്‌ പഠിക്കാൻ നിങ്ങൾക്ക്‌ അവരെ എങ്ങനെ സഹായിക്കാം? നിങ്ങളു​ടെ പ്രദേ​ശത്ത്‌ പുതു​താ​യി എത്തുന്ന​വരെ അവരുടെ ഭാഷയിൽ അഭിവാ​ദനം ചെയ്യാൻ പഠിച്ചു​കൊണ്ട്‌ നിങ്ങൾക്കു തുടങ്ങാം. JW ഭാഷാ​സ​ഹാ​യി ആപ്ലി​ക്കേഷൻ അതിനു നിങ്ങളെ സഹായി​ക്കും. അവരുടെ താത്‌പ​ര്യം പിടി​ച്ചു​പ​റ്റാൻ ആ ഭാഷയി​ലെ ഏതാനും ചില വാക്കു​ക​ളും നിങ്ങൾക്കു പഠിച്ചു​കൂ​ടേ? jw.org വെബ്‌​സൈ​റ്റിൽ ആ ഭാഷയിൽ ലഭ്യമാ​യി​രി​ക്കുന്ന വീഡി​യോ​ക​ളും പ്രസി​ദ്ധീ​ക​ര​ണ​ങ്ങ​ളും അവർക്കു കാണി​ച്ചു​കൊ​ടു​ക്കാ​നും നിങ്ങൾക്കു കഴി​ഞ്ഞേ​ക്കും.—ആവ. 10:19.

8, 9. (എ) ഇടദി​വ​സത്തെ മീറ്റി​ങ്ങിൽ നമുക്ക്‌ എന്തു സഹായ​മാ​ണു ലഭിക്കു​ന്നത്‌? (ബി) മീറ്റി​ങ്ങു​ക​ളിൽ ഉത്തരം പറയാൻ മാതാ​പി​താ​ക്കൾക്കു മക്കളെ എങ്ങനെ സഹായി​ക്കാം?

⁸ ഫലകര​മാ​യി ശുശ്രൂഷ ചെയ്യാൻ യഹോവ സ്‌നേ​ഹ​പൂർവം ചെയ്‌തി​രി​ക്കുന്ന ക്രമീ​ക​ര​ണ​മാ​ണു ജീവിത-സേവന​യോ​ഗം. ആത്മവി​ശ്വാ​സ​ത്തോ​ടെ  മടക്കസ​ന്ദർശ​ന​ങ്ങ​ളും ബൈബിൾപ​ഠ​ന​ങ്ങ​ളും നടത്താൻ ഈ യോഗ​ത്തി​ലൂ​ടെ ലഭിക്കുന്ന പ്രാ​യോ​ഗി​ക​മായ മാർഗ​നിർദേ​ശങ്ങൾ സഹായി​ക്കും.

⁹ പുതു​താ​യി മീറ്റി​ങ്ങി​നു വരുന്ന പലരും നമ്മുടെ കുട്ടികൾ ഉത്തരങ്ങൾ പറയു​ന്നതു ശ്രദ്ധി​ച്ചി​ട്ടുണ്ട്‌. മാതാ​പി​താ​ക്കളേ, സ്വന്തം വാക്കു​ക​ളിൽ ഉത്തരം പറയാൻ കുട്ടി​കളെ പഠിപ്പി​ച്ചു​കൊണ്ട്‌ വെളിച്ചം പ്രകാ​ശി​പ്പി​ക്കാൻ അവരെ സഹായി​ക്കുക. ഹൃദയ​ത്തിൽനിന്ന്‌ അവർ പറയുന്ന ചെറി​യ​ചെ​റിയ ഉത്തരങ്ങൾ ചിലരെ സത്യത്തി​ലേക്ക്‌ ആകർഷി​ച്ചി​ട്ടുണ്ട്‌.—1 കൊരി. 14:25.

10. ഐക്യം ശക്തമാ​ക്കാൻ കുടും​ബാ​രാ​ധന എങ്ങനെ​യാ​ണു സഹായി​ക്കു​ന്നത്‌?

¹⁰ കുടും​ബ​ത്തി​ലെ​യും സഭയി​ലെ​യും ഐക്യം ശക്തമാ​ക്കാൻ സഹായി​ച്ചു​കൊണ്ട്‌ നിങ്ങൾക്കു നിങ്ങളു​ടെ വെളിച്ചം പ്രകാ​ശി​പ്പി​ക്കാം. ഇതിനു​വേണ്ടി മാതാ​പി​താ​ക്കൾക്കു ചെയ്യാൻ കഴിയുന്ന ഒരു കാര്യം ക്രമമായ കുടും​ബാ​രാ​ധ​ന​യ്‌ക്കു​വേണ്ട ക്രമീ​ക​ര​ണങ്ങൾ ചെയ്യുക എന്നതാണ്‌. ചില കുടും​ബങ്ങൾ ഒരുമി​ച്ചി​രുന്ന്‌ JW പ്രക്ഷേ​പ​ണ​ത്തി​ലെ പ്രതി​മാ​സ​പ​രി​പാ​ടി കാണും. അതു കണ്ടശേഷം അതിലെ ആശയങ്ങൾ എങ്ങനെ ബാധക​മാ​ക്കാ​മെന്ന്‌ ഒരുമിച്ച്‌ ചർച്ച ചെയ്‌തു​കൂ​ടേ? ഒരു കൊച്ചു​കു​ട്ടിക്ക്‌ ആവശ്യ​മായ മാർഗ​നിർദേ​ശ​ങ്ങ​ളാ​യി​രി​ക്കില്ല കൗമാ​ര​ത്തി​ലുള്ള കുട്ടിക്കു വേണ്ട​തെന്നു കുടും​ബാ​രാ​ധന നടത്തു​മ്പോൾ കുടും​ബ​നാ​ഥൻ ഓർത്തി​രി​ക്കണം. പഠിക്കുന്ന കാര്യങ്ങൾ കുടും​ബ​ത്തി​ലെ ഓരോ അംഗത്തി​നും എങ്ങനെ ബാധക​മാ​ക്കാ​മെന്നു ചിന്തി​ക്കു​ന്നതു കുടും​ബാ​രാ​ധ​ന​യിൽനിന്ന്‌ പൂർണ​പ്ര​യോ​ജനം നേടാൻ എല്ലാവ​രെ​യും സഹായി​ക്കും.—സങ്കീ. 148:12, 13.

11-13. ഐക്യം ശക്തമാ​ക്കാ​നും വെളിച്ചം പ്രകാ​ശി​പ്പി​ക്കാൻ മറ്റുള്ള​വരെ സഹായി​ക്കാ​നും സഭയിലെ എല്ലാവർക്കും എന്തു ചെയ്യാ​നാ​കും?

¹¹ സഭയിലെ ഐക്യം ശക്തമാ​ക്കാ​നും വെളിച്ചം പ്രകാ​ശി​പ്പി​ക്കാൻ മറ്റുള്ള​വരെ പ്രോ​ത്സാ​ഹി​പ്പി​ക്കാ​നും യുവജ​ന​ങ്ങൾക്ക്‌ എങ്ങനെ കഴിയും? പ്രായ​മായ സഹോ​ദ​ര​ങ്ങ​ളു​ടെ കാര്യ​ത്തിൽ പ്രത്യേക താത്‌പ​ര്യ​മെ​ടു​ക്കാൻ നിങ്ങൾക്ക്‌ ഒരു ലക്ഷ്യം വെക്കാ​നാ​കു​മോ? ദീർഘ​കാ​ലത്തെ സേവന​ത്തി​നി​ടെ അവർക്കു​ണ്ടായ നല്ല അനുഭ​വങ്ങൾ നിങ്ങൾക്ക്‌ അവരോട്‌ ആദര​വോ​ടെ ചോദി​ക്കാം. ഇത്‌ ഇരുകൂ​ട്ട​രെ​യും ആത്മീയ​മാ​യി വളരെ​യ​ധി​കം ശക്തി​പ്പെ​ടു​ത്തും, വെളിച്ചം കൂടുതൽ പ്രകാ​ശി​പ്പി​ക്കാൻ പ്രചോ​ദി​ത​രാ​കു​ക​യും ചെയ്യും. ഇനി, ഐക്യം ശക്തമാ​ക്കാൻ നമുക്ക്‌ എല്ലാവർക്കും ചെയ്യാ​നാ​കുന്ന ഒരു കാര്യ​മാ​ണു മീറ്റി​ങ്ങി​നു വരുന്ന​വരെ സ്വാഗതം ചെയ്യുക എന്നത്‌. തങ്ങളുടെ വെളിച്ചം പ്രകാ​ശി​പ്പി​ക്കാൻ അവരെ അതു പ്രചോ​ദി​പ്പി​ക്കും. ഒരു ചെറു​പു​ഞ്ചി​രി​യോ​ടെ സന്ദർശ​കരെ സ്വീക​രി​ക്കാ​നും ഇരിപ്പി​ടം കണ്ടെത്താൻ പുതി​യ​വരെ സഹായി​ക്കാ​നും നിങ്ങൾക്കു കഴിയും. പുതി​യ​വരെ മറ്റുള്ള​വർക്കു പരിച​യ​പ്പെ​ടു​ത്തുക, സുഹൃ​ത്തു​ക്ക​ളു​ടെ ഇടയി​ലാ​ണു തങ്ങളെന്ന്‌ അവർക്കു തോന്നട്ടെ.

¹² നിങ്ങൾക്കു വയൽസേ​വ​ന​യോ​ഗം നടത്താൻ നിയമനം കിട്ടു​ന്നെ​ങ്കിൽ ശുശ്രൂ​ഷ​യിൽ പങ്കെടു​ക്കാൻ വന്നിരി​ക്കുന്ന പ്രായ​മാ​യ​വരെ സഹായി​ക്കാ​നാ​കും. അവർക്ക്‌ എളുപ്പ​ത്തിൽ പോകാൻ പറ്റുന്ന പ്രദേ​ശ​മു​ണ്ടെന്ന്‌ ഉറപ്പു​വ​രു​ത്തുക. ചില  സാഹച​ര്യ​ങ്ങ​ളിൽ, അവരെ സഹായി​ക്കാൻ കഴിയുന്ന, പ്രായം കുറഞ്ഞ ഒരാളെ നിങ്ങൾക്ക്‌ അവരു​ടെ​കൂ​ടെ വിടാ​നാ​കു​മോ? ആരോ​ഗ്യ​പ്ര​ശ്‌ന​ങ്ങ​ളും മറ്റും കാരണം അധികം പ്രവർത്തി​ക്കാൻ കഴിയാത്ത സഹോ​ദ​ര​ങ്ങ​ളോ​ടു പരിഗ​ണ​ന​യോ​ടെ ഇടപെ​ടുക. ഇങ്ങനെ നിങ്ങൾ പരിഗ​ണ​ന​യും വിവേ​ക​വും കാണി​ക്കു​മ്പോൾ പ്രായ​മാ​യ​വ​രെ​യും ചെറു​പ്പ​ക്കാ​രെ​യും അനുഭ​വ​പ​രി​ച​യ​മു​ള്ള​വ​രെ​യും ഇല്ലാത്ത​വ​രെ​യും ഉത്സാഹ​ത്തോ​ടെ സന്തോ​ഷ​വാർത്ത പ്രസം​ഗി​ക്കാൻ സഹായി​ക്കു​ക​യാ​യി​രി​ക്കും.—ലേവ്യ 19:32.

¹³ “സഹോ​ദ​ര​ന്മാർ ഒന്നിച്ച്‌ ഒരുമ​യോ​ടെ കഴിയു​ന്നത്‌ എത്ര നല്ലത്‌! എത്ര രസകരം!” എന്നു പാടാൻ സങ്കീർത്ത​ന​ക്കാ​രൻ പ്രചോ​ദി​ത​നാ​യി. (സങ്കീർത്തനം 133:1, 2 വായി​ക്കുക.) യഹോ​വയെ ആരാധിച്ച ഇസ്രാ​യേ​ല്യർ ഒരുമി​ച്ചു​ക​ഴി​ഞ്ഞി​രു​ന്ന​തു​കൊണ്ട്‌ പരസ്‌പരം ദയ കാണി​ക്കാ​നും ഉന്മേഷം പകരാ​നും അവർക്കു ധാരാളം അവസര​ങ്ങ​ളു​ണ്ടാ​യി​രു​ന്നു. നവോ​ന്മേഷം പകരുന്ന അഭി​ഷേ​ക​തൈ​ലം​പോ​ലെ ആയിരു​ന്നു അത്‌. മറ്റുള്ള​വ​രോ​ടു ദയ കാണി​ച്ചു​കൊ​ണ്ടും അവർക്ക്‌ ഉന്മേഷം പകർന്നു​കൊ​ണ്ടും സഹോ​ദ​ര​ങ്ങൾക്കി​ട​യി​ലെ ഐക്യം ശക്തമാ​ക്കാൻ നിങ്ങൾ തീരു​മാ​ന​മെ​ടു​ത്തി​ട്ടു​ണ്ടോ? നിങ്ങൾ ഇപ്പോൾത്തന്നെ അങ്ങനെ ചെയ്യു​ന്നു​ണ്ടെ​ങ്കിൽ അഭിന​ന്ദനം അർഹി​ക്കു​ന്നു. എന്നാൽ ഇക്കാര്യ​ത്തിൽ ‘വിശാ​ല​ത​യു​ള്ള​വ​രാ​കാൻ’ കഴിയു​മോ, അതായത്‌ കൂടുതൽ സഹോ​ദ​ര​ങ്ങ​ളോട്‌ അടുത്ത്‌ സഹവസി​ക്കാൻ നിങ്ങൾക്കു കഴിയു​മോ?—2 കൊരി. 6:11-13, അടിക്കു​റിപ്പ്‌.

14. അയൽക്കാ​രു​ടെ ഇടയിൽ വെളിച്ചം പ്രകാ​ശി​പ്പി​ക്കാൻ നിങ്ങൾക്ക്‌ എന്തു ചെയ്യാം?

¹⁴ അയൽക്കാ​രു​ടെ ഇടയിൽ ബൈബിൾസ​ത്യ​ത്തി​ന്റെ വെളിച്ചം പ്രകാ​ശി​പ്പി​ക്കാൻ നിങ്ങൾക്കു കൂടു​ത​ലാ​യി എന്തൊക്കെ ചെയ്യാ​നാ​കും? ഹൃദ്യ​മാ​യി സംസാ​രി​ക്കു​ന്ന​തും ദയയോ​ടെ ഇടപെ​ടു​ന്ന​തും അയൽക്കാ​രനെ സത്യത്തി​ലേക്ക്‌ ആകർഷി​ച്ചേ​ക്കാം. നിങ്ങ​ളോ​ടു​തന്നെ ചോദി​ക്കുക: ‘അയൽക്കാർക്ക്‌ എന്നെക്കു​റി​ച്ചുള്ള അഭി​പ്രാ​യം എന്താണ്‌? വീടും പരിസ​ര​വും വൃത്തി​യാ​യി സൂക്ഷി​ക്കുന്ന കാര്യ​ത്തിൽ അയൽക്കാർക്കി​ട​യിൽ എനിക്ക്‌ ഒരു നല്ല പേരു​ണ്ടോ? മറ്റുള്ള​വരെ സഹായി​ക്കാൻ ഞാൻ മുൻ​കൈ​യെ​ടു​ക്കാ​റു​ണ്ടോ?’ നമ്മുടെ സഹോ​ദ​ര​ങ്ങ​ളു​മാ​യി സംസാ​രി​ക്കു​മ്പോൾ, അവരുടെ ദയാ​പ്ര​വൃ​ത്തി​ക​ളും നല്ല പെരു​മാ​റ്റ​വും ബന്ധുക്ക​ളി​ലും അയൽക്കാ​രി​ലും സഹജോ​ലി​ക്കാ​രി​ലും സഹപാ​ഠി​ക​ളി​ലും എന്തു ഫലം ഉളവാ​ക്കി​യെന്ന്‌ അവരോ​ടു ചോദി​ച്ചു​കൂ​ടേ? അവർക്കു പല നല്ല അനുഭ​വ​ങ്ങ​ളും നിങ്ങ​ളോ​ടു പറയാ​നു​ണ്ടാ​കും.—എഫെ. 5:9.

15. ഉണർന്നി​രി​ക്കേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁵ വെളിച്ചം കൂടുതൽ പ്രകാ​ശി​പ്പി​ക്കാൻ നമ്മൾ ശ്രമി​ക്കു​മോ എന്നതു മുഖ്യ​മാ​യും നമ്മുടെ മനോ​ഭാ​വത്തെ ആശ്രയി​ച്ചി​രി​ക്കും. യേശു ശിഷ്യ​ന്മാ​രെ കൂടെ​ക്കൂ​ടെ ഇങ്ങനെ ഉദ്‌ബോ​ധി​പ്പി​ച്ചു: “ഉണർന്നി​രി​ക്കുക.” (മത്താ. 24:42; 25:13; 26:41) ‘“മഹാകഷ്ടത” എന്നെങ്കി​ലും ഒരിക്കൽ വരും, പക്ഷേ എന്റെ ജീവി​ത​കാ​ല​ത്തൊ​ന്നും അതു വരാൻപോ​കു​ന്നില്ല’ എന്നൊരു മനോ​ഭാ​വ​മാ​ണു നമുക്കു​ള്ള​തെ​ങ്കിൽ നമ്മൾ അടിയ​ന്തി​ര​താ​ബോ​ധ​ത്തോ​ടെ പ്രസം​ഗ​പ്ര​വർത്തനം ചെയ്യില്ല. (മത്താ. 24:21) ഉജ്ജ്വല​മാ​യി പ്രകാ​ശി​ക്കു​ന്ന​തി​നു പകരം നമ്മുടെ വെളിച്ചം മങ്ങാൻ തുടങ്ങും, പതു​ക്കെ​പ്പ​തു​ക്കെ അത്‌ അണഞ്ഞു​പോ​കു​ക​യും ചെയ്‌തേ​ക്കാം.

16, 17. നമുക്ക്‌ എപ്പോഴും ഉണർന്നി​രി​ക്കാൻ കഴിയു​ന്നത്‌ എങ്ങനെ?

¹⁶ ലോക​ത്തി​ന്റെ അവസ്ഥകൾ കൂടു​തൽക്കൂ​ടു​തൽ മോശ​മാ​യി​ക്കൊ​ണ്ടി​രി​ക്കുന്ന ഈ സമയത്ത്‌ നമ്മൾ എല്ലാവ​രും ഉണർന്നി​രി​ക്കേ​ണ്ടതു വളരെ പ്രധാ​ന​മാണ്‌. യഹോവ പ്രവർത്തി​ക്കു​ന്നതു കൃത്യ​സ​മ​യ​ത്താ​യി​രി​ക്കും, അക്കാര്യ​ത്തിൽ ഒരു സംശയ​വും വേണ്ട. (മത്താ. 24:42-44) എന്നാൽ ആ സമയം വരുന്ന​തു​വരെ ക്ഷമയോ​ടെ കാത്തി​രി​ക്കുക, മുമ്പെ​ന്ന​ത്തെ​ക്കാ​ളും ഉണർന്നി​രി​ക്കുക. ദൈവ​വ​ചനം ദിവസ​വും വായി​ക്കുക, പ്രാർഥി​ക്കുന്ന കാര്യ​ത്തിൽ ഉത്സാഹ​മു​ള്ള​വ​രാ​യി​രി​ക്കുക. (1 പത്രോ. 4:7) ഉണർന്നി​രി​ക്കു​ക​യും വെളിച്ചം പ്രകാ​ശി​പ്പി​ക്കു​ക​യും ചെയ്‌ത​തി​ന്റെ സന്തോഷം ആസ്വദി​ക്കുന്ന സഹോ​ദ​ര​ങ്ങ​ളു​ടെ ആവേശ​ക​ര​മായ അനുഭ​വ​ങ്ങ​ളിൽനിന്ന്‌ പഠിക്കുക. അങ്ങനെ​യുള്ള ഒരു അനുഭ​വ​മാണ്‌ 2012 ഏപ്രിൽ 15 ലക്കം വീക്ഷാ​ഗോ​പു​ര​ത്തി​ന്റെ 18-21 പേജു​ക​ളിൽ വന്ന “യഹൂദന്റെ വസ്‌ത്രാ​ഗ്രം പിടിച്ച്‌ എഴുപതു വർഷം” എന്ന ലേഖനം.

¹⁷ ആത്മീയ​മാ​യി നമ്മളെ ശക്തരാ​ക്കുന്ന പ്രവർത്ത​ന​ങ്ങ​ളിൽ മുഴു​കുക, സഹോ​ദ​ര​ങ്ങ​ളോ​ടൊ​ത്തുള്ള സഹവാസം നന്നായി ആസ്വദി​ക്കുക. അതു നിങ്ങൾക്കു വളരെ സന്തോഷം തരും. സമയം പറന്നു​പോ​കു​ന്ന​തു​പോ​ലെ നിങ്ങൾക്കു തോന്നും. (എഫെ. 5:16) ഒരു നൂറ്റാണ്ടു മുമ്പ്‌ ജീവി​ച്ചി​രുന്ന സഹോ​ദ​രങ്ങൾ തിര​ക്കോ​ടെ പ്രവർത്തി​ച്ച​തു​കൊണ്ട്‌ അവർക്കു വളരെ​യ​ധി​കം കാര്യങ്ങൾ ചെയ്യാ​നാ​യി എന്നതു സത്യമാണ്‌. എന്നാൽ ഇന്ന്‌ യഹോ​വ​യു​ടെ സഹായ​ത്താൽ നമ്മൾ എത്രയ​ധി​കം  കാര്യ​ങ്ങ​ളാ​ണു ചെയ്യു​ന്നത്‌! ആരും ഭാവന​യിൽപ്പോ​ലും കണ്ടിട്ടി​ല്ലാ​ത്തത്ര തീവ്ര​മാ​യി നമ്മൾ ഇന്നു വെളിച്ചം പ്രകാ​ശി​പ്പി​ക്കു​ക​യാണ്‌.

18, 19. ഉത്സാഹ​ത്തോ​ടെ യഹോ​വയെ സേവി​ക്കാൻ മൂപ്പന്മാർക്ക്‌ എങ്ങനെ സഭയെ സഹായി​ക്കാം? ഒരു അനുഭവം പറയുക.

¹⁸ യഹോ​വയെ പ്രസാ​ദി​പ്പി​ക്കുന്ന വിധത്തിൽ സേവി​ക്കാൻ നമ്മുടെ അപൂർണത ഒരു തടസ്സമ​ല്ലെന്ന്‌ അറിയു​ന്നതു നമ്മുടെ വിശ്വാ​സത്തെ ശക്തി​പ്പെ​ടു​ത്തു​ന്നി​ല്ലേ? നമ്മളെ സഹായി​ക്കാ​നാ​യി യഹോവ നമുക്കു “മനുഷ്യ​രെ സമ്മാന​ങ്ങ​ളാ​യി” തന്നിരി​ക്കു​ന്നു, ആ സമ്മാന​ങ്ങ​ളായ മൂപ്പന്മാ​രു​ടെ സേവനത്തെ വിലമ​തി​ക്കുക. (എഫെസ്യർ 4:8, 11, 12 വായി​ക്കുക.) അടുത്ത പ്രാവ​ശ്യം ഒരു മൂപ്പൻ നിങ്ങളെ സന്ദർശി​ക്കു​മ്പോൾ അദ്ദേഹ​ത്തി​ന്റെ ജ്ഞാനത്തിൽനി​ന്നും അദ്ദേഹം തരുന്ന ഉപദേ​ശ​ത്തിൽനി​ന്നും പ്രയോ​ജനം നേടാൻ ശ്രമി​ക്കുക.

¹⁹ ഇംഗ്ലണ്ടി​ലെ രണ്ടു മൂപ്പന്മാർ പ്രശ്‌നങ്ങൾ പരിഹ​രി​ക്കാൻ സഹായം ചോദിച്ച ഒരു ദമ്പതി​കളെ സന്ദർശി​ച്ചു. ഭർത്താവ്‌ യഹോ​വയെ സേവി​ക്കുന്ന കാര്യ​ത്തിൽ നേതൃ​ത്വ​മെ​ടു​ക്കു​ന്നില്ല എന്നായി​രു​ന്നു ഭാര്യ​യു​ടെ പരാതി. താൻ ഒരു നല്ല അധ്യാ​പ​ക​ന​ല്ലെ​ന്നും വീട്ടിൽ ക്രമമായ കുടും​ബാ​രാ​ധ​ന​യി​ല്ലെ​ന്നും ഭർത്താവ്‌ സമ്മതിച്ചു. യേശു​വി​ന്റെ മാതൃ​ക​യെ​ക്കു​റിച്ച്‌ മൂപ്പന്മാർ ദമ്പതി​ക​ളോ​ടു സംസാ​രി​ച്ചു. യേശു ശിഷ്യ​ന്മാ​രെ പരിപാ​ലി​ക്കു​ക​യും അവരുടെ ആവശ്യങ്ങൾ കണക്കി​ലെ​ടു​ക്കു​ക​യും ചെയ്‌തു. ആ മാതൃക അനുക​രി​ക്കാൻ മൂപ്പന്മാർ ഭർത്താ​വി​നെ പ്രോ​ത്സാ​ഹി​പ്പി​ച്ചു, യേശു​വി​നെ​പ്പോ​ലെ ക്ഷമയു​ള്ള​വ​ളാ​യി​രി​ക്കാൻ ഭാര്യ​യെ​യും. കുട്ടി​ക​ളെ​യും​കൂ​ടി ഉൾപ്പെ​ടു​ത്തി അവർക്ക്‌ ഒരുമിച്ച്‌ എങ്ങനെ കുടും​ബാ​രാ​ധന നടത്താ​മെ​ന്നുള്ള പ്രാ​യോ​ഗി​ക​മായ നിർദേ​ശ​ങ്ങ​ളും മൂപ്പന്മാർ കൊടു​ത്തു. (എഫെ. 5:21-29) പിന്നീട്‌, ഭർത്താവ്‌ നടത്തിയ നല്ല ശ്രമങ്ങളെ മൂപ്പന്മാർ അഭിന​ന്ദി​ച്ചു. ഒരു ആത്മീയ​ശി​ര​സ്സാ​കാ​നുള്ള സഹായ​ത്തി​നാ​യി പരിശു​ദ്ധാ​ത്മാ​വിൽ ആശ്രയി​ക്കാ​നും ശ്രമം തുടരാ​നും അവർ അദ്ദേഹ​ത്തോ​ടു പറഞ്ഞു. മൂപ്പന്മാ​രു​ടെ സ്‌നേ​ഹ​വും പിന്തു​ണ​യും കിട്ടിയ ആ കുടും​ബം വെളിച്ചം പ്രകാ​ശി​പ്പി​ക്കാൻ തുടങ്ങി.

20. നിങ്ങളു​ടെ വെളിച്ചം പ്രകാ​ശി​പ്പി​ക്കു​ന്ന​തു​കൊണ്ട്‌ എന്തു ഫലം പ്രതീ​ക്ഷി​ക്കാം?

²⁰ സങ്കീർത്ത​ന​ക്കാ​രൻ ഇങ്ങനെ പാടി: “യഹോ​വയെ ഭയപ്പെട്ട്‌ ദൈവ​ത്തി​ന്റെ വഴിക​ളിൽ നടക്കുന്ന എല്ലാവ​രും സന്തുഷ്ടർ.” (സങ്കീ. 128:1) സത്യാ​രാ​ധ​ന​യി​ലേക്ക്‌ ആളുകളെ നയിച്ചു​കൊ​ണ്ടും ഐക്യം ശക്തമാ​ക്കാൻ പ്രവർത്തി​ച്ചു​കൊ​ണ്ടും ഉണർന്നി​രു​ന്നു​കൊ​ണ്ടും നിങ്ങൾ വെളിച്ചം പ്രകാ​ശി​പ്പി​ക്കു​മ്പോൾ നിങ്ങളു​ടെ സന്തോഷം വർധി​ക്കും. നിങ്ങളു​ടെ നല്ല പ്രവൃ​ത്തി​കൾ മറ്റുള്ളവർ കാണും, നമ്മുടെ പിതാ​വി​നെ മഹത്ത്വ​പ്പെ​ടു​ത്താൻ പലരും പ്രേരി​ത​രാ​കു​ക​യും ചെയ്യും.—മത്താ. 5:16.