1. നമ്മൾ യേശു​വി​ന്റെ മുന്നറി​യി​പ്പു ശ്രദ്ധി​ക്കേ​ണ്ടത്‌ എന്തു​കൊണ്ട്‌?

യേശു​ക്രി​സ്‌തു അവസാ​ന​കാ​ല​ത്തെ​ക്കു​റി​ച്ചുള്ള പ്രവച​ന​ത്തിൽ ഇങ്ങനെ പറഞ്ഞു: ‘നിങ്ങളു​ടെ ഹൃദയം ജീവി​ത​ത്തി​ലെ (അഥവാ “ജീവിതം എങ്ങനെ മുന്നോ​ട്ടു​പോ​കു​മെന്ന; അനുദി​ന​ജീ​വി​ത​ത്തി​ലെ,” nwtsty അടിക്കു​റിപ്പ്‌) ഉത്‌ക​ണ്‌ഠകൾ കാരണം ഭാര​പ്പെ​ടാ​തി​രി​ക്കാൻ സൂക്ഷി​ക്കണം.’ (ലൂക്കോ. 21:34) ആ മുന്നറി​യി​പ്പു നമ്മൾ ശ്രദ്ധി​ക്കണം. എന്തു​കൊണ്ട്‌? കാരണം, നമുക്കു ചുറ്റു​മുള്ള ആളുകളെ ഭാര​പ്പെ​ടു​ത്തുന്ന അതേ പ്രശ്‌നങ്ങൾ നമ്മളും നേരി​ടു​ന്നുണ്ട്‌.

2. നമ്മുടെ ചില സഹോ​ദ​രങ്ങൾ സമ്മർദം നിറഞ്ഞ എന്തെല്ലാം പ്രശ്‌നങ്ങൾ നേരി​ടു​ന്നു?

² ചില​പ്പോൾ നമ്മളെ സമ്മർദ​ത്തി​ലാ​ക്കുന്ന പലപല പ്രശ്‌നങ്ങൾ ഒരേസ​മയം നേരി​ട്ടേ​ക്കാം. പിൻവ​രുന്ന ഉദാഹ​ര​ണങ്ങൾ നോക്കുക. യഹോ​വ​യു​ടെ സാക്ഷി​യായ ജോണിനു * നാഡീ​സം​ബ​ന്ധ​മായ ഒരു രോഗ​മു​ണ്ടാ​യി​രു​ന്നു. അങ്ങനെ​യി​രി​ക്കെ, 19 വർഷത്തെ വിവാ​ഹ​ജീ​വി​തം അവസാ​നി​പ്പിച്ച്‌ ഭാര്യ അദ്ദേഹത്തെ ഉപേക്ഷി​ച്ചു​പോ​യി. അത്‌ അദ്ദേഹത്തെ തളർത്തി​ക്ക​ളഞ്ഞു. അതിനു ശേഷം അദ്ദേഹ​ത്തി​ന്റെ രണ്ടു പെൺമക്കൾ യഹോ​വയെ സേവി​ക്കു​ന്നതു നിറുത്തി. ദമ്പതി​ക​ളായ ബോബി​നും ലിൻഡ​യ്‌ക്കും വേറെ ചില പ്രശ്‌ന​ങ്ങ​ളാ​ണു നേരി​ടേ​ണ്ടി​വ​ന്നത്‌. രണ്ടു പേർക്കും ജോലി നഷ്ടപ്പെട്ടു. ലോൺ അടയ്‌ക്കാൻ കഴിയാ​തെ, വീടു വിട്ട്‌ ഇറങ്ങേ​ണ്ടി​വന്നു. ഇതി​നെ​ല്ലാം പുറമേ, ലിൻഡ​യ്‌ക്കു മാരക​മായ ഒരുതരം ഹൃദ്‌രോ​ഗ​മു​ണ്ടെന്നു പരി​ശോ​ധ​ന​യിൽ തെളിഞ്ഞു. ശരീര​ത്തി​ന്റെ പ്രതി​രോ​ധ​വ്യ​വ​സ്ഥയെ തകർക്കുന്ന മറ്റൊരു രോഗ​വും ഇതോ​ടൊ​പ്പം ലിൻഡ​യ്‌ക്കു​ണ്ടാ​യി.

3. ഫിലി​പ്പി​യർ 4:6, 7 യഹോ​വ​യെ​ക്കു​റിച്ച്‌ നമ്മളോട്‌ എന്താണു പറയു​ന്നത്‌?

³ നമ്മുടെ സ്രഷ്ടാ​വും സ്‌നേ​ഹ​മുള്ള പിതാ​വും ആണ്‌ യഹോവ. സമ്മർദം നേരി​ടു​മ്പോൾ അതു നമ്മളെ എങ്ങനെ​യാ​ണു ബാധി​ക്കു​ന്ന​തെന്ന്‌ യഹോ​വ​യ്‌ക്ക്‌ അറിയാം. അതു​കൊണ്ട്‌ പ്രശ്‌നങ്ങൾ കൈകാ​ര്യം ചെയ്യു​ന്ന​തി​നു നമ്മളെ സഹായി​ക്കാൻ യഹോവ ആഗ്രഹി​ക്കു​ന്നു. (ഫിലി​പ്പി​യർ 4:6, 7 വായി​ക്കുക.) ദൈവ​ദാ​സ​ന്മാർക്കു നേരിട്ട ധാരാളം പ്രശ്‌ന​ങ്ങ​ളെ​ക്കു​റി​ച്ചുള്ള വിവര​ണങ്ങൾ  ദൈവ​ത്തി​ന്റെ വചനത്തി​ലുണ്ട്‌. സമ്മർദം നിറഞ്ഞ സാഹച​ര്യ​ങ്ങളെ കൈകാ​ര്യം ചെയ്യാൻ യഹോവ എങ്ങനെ​യാണ്‌ അവരെ സഹായി​ച്ച​തെന്ന്‌ ആ വിവര​ണങ്ങൾ നമ്മളോ​ടു പറയുന്നു. ചില ഉദാഹ​ര​ണങ്ങൾ നമുക്കു നോക്കാം.

4. ഏലിയ ഏതെല്ലാം ബുദ്ധി​മു​ട്ടു​ക​ളാ​ണു നേരി​ട്ടത്‌, ഏലിയ​യ്‌ക്ക്‌ എന്തു അനുഭ​വി​ച്ച​റി​യാൻ കഴിഞ്ഞു?

⁴ ബുദ്ധി​മു​ട്ടു നിറഞ്ഞ കാലങ്ങ​ളി​ലാണ്‌ ഏലിയ യഹോ​വയെ സേവി​ച്ചത്‌. ഗുരു​ത​ര​മായ അനേകം പ്രശ്‌നങ്ങൾ അദ്ദേഹ​ത്തി​നു നേരിട്ടു. അവിശ്വ​സ്‌ത​നായ ആഹാബ്‌ രാജാ​വാ​യി​രു​ന്നു ഇസ്രാ​യേൽ ഭരിച്ചി​രു​ന്നത്‌. അയാൾ ബാലിനെ ആരാധി​ച്ചി​രുന്ന ഇസബേൽ എന്ന ദുഷ്ടസ്‌ത്രീ​യെ വിവാഹം കഴിച്ചു. രണ്ടു പേരും കൂടി ദേശം ബാലാ​രാ​ധ​ന​കൊണ്ട്‌ നിറച്ചു. യഹോ​വ​യു​ടെ ധാരാളം പ്രവാ​ച​ക​ന്മാ​രെ കൊല്ലു​ക​യും ചെയ്‌തു. ഏലിയ ഒരു വിധത്തിൽ രക്ഷപ്പെട്ടു. കൂടാതെ, ദേശത്ത്‌ രൂക്ഷമായ ക്ഷാമമു​ണ്ടാ​യി. അപ്പോൾ യഹോ​വ​യിൽ ആശ്രയി​ച്ചു​കൊണ്ട്‌ ഏലിയ പിടി​ച്ചു​നി​ന്നു. (1 രാജാ. 17:2-4, 14-16) ബാലിന്റെ പ്രവാ​ച​ക​ന്മാ​രെ​യും ആരാധ​ക​രെ​യും മുഖാ​മു​ഖം നേരി​ട്ട​പ്പോ​ഴും ഏലിയ യഹോ​വ​യിൽ ആശ്രയി​ച്ചു. യഹോ​വയെ ആരാധി​ക്കാൻ അദ്ദേഹം ഇസ്രാ​യേ​ല്യ​രെ പ്രോ​ത്സാ​ഹി​പ്പി​ച്ചു. (1 രാജാ. 18:21-24, 36-38) ദുഷ്‌ക​ര​മായ ആ കാലത്ത്‌ യഹോവ തന്നെ പല വട്ടം പിന്തു​ണ​ച്ചത്‌ ഏലിയ​യ്‌ക്ക്‌ അനുഭ​വി​ച്ച​റി​യാൻ കഴിഞ്ഞു.

5-6. 1 രാജാ​ക്ക​ന്മാർ 19:1-4 പറയു​ന്ന​തു​പോ​ലെ ഏലിയ​യ്‌ക്ക്‌ എന്താണു തോന്നി​യത്‌, താൻ ഏലിയയെ സ്‌നേ​ഹി​ക്കു​ന്നു​ണ്ടെന്ന്‌ യഹോവ എങ്ങനെ​യാ​ണു കാണി​ച്ചത്‌?

⁵ 1 രാജാ​ക്ക​ന്മാർ 19:1-4 വായി​ക്കുക. എന്നാൽ ഇസബേൽ രാജ്ഞി കൊല്ലു​മെന്നു ഭീഷണി​പ്പെ​ടു​ത്തി​യ​പ്പോൾ ഏലിയ ഭയന്നു​പോ​യി. അതു​കൊണ്ട്‌ അദ്ദേഹം ബേർ-ശേബയി​ലേക്ക്‌ ഓടി​പ്പോ​യി. ആകെ നിരാ​ശി​ത​നായ ഏലിയ ‘മരിക്കാൻ ആഗ്രഹി​ച്ചു.’ അദ്ദേഹ​ത്തിന്‌ എന്തു​കൊ​ണ്ടാണ്‌ അങ്ങനെ തോന്നി​യത്‌? ഏലിയ ഒരു അപൂർണ​മ​നു​ഷ്യ​നാ​യി​രു​ന്നു, ‘നമ്മു​ടേ​തു​പോ​ലുള്ള വികാ​ര​ങ്ങ​ളുള്ള ഒരു മനുഷ്യൻ.’ (യാക്കോ. 5:17) സമ്മർദ​വും അങ്ങേയ​റ്റത്തെ ക്ഷീണവും കാരണം അദ്ദേഹം  ആകെ തളർന്നു​പോ​യി​രി​ക്കാം. സത്യാ​രാ​ധ​ന​യ്‌ക്കു​വേണ്ടി താൻ ഇതേവരെ ചെയ്‌ത​തെ​ല്ലാം പാഴാ​യെ​ന്നും ഇസ്രാ​യേ​ലി​ലെ സാഹച​ര്യ​ങ്ങൾക്ക്‌ ഒരു മാറ്റവും ഇല്ലെന്നും ഏലിയ​യ്‌ക്കു തോന്നി​ക്കാ​ണും. ഇസ്രാ​യേ​ലിൽ യഹോ​വയെ സേവി​ക്കുന്ന ഒരേ ഒരാൾ താൻ മാത്ര​മാ​ണെന്ന്‌ അദ്ദേഹം ചിന്തിച്ചു. (1 രാജാ. 18:3, 4, 13; 19:10, 14) വിശ്വ​സ്‌ത​നായ ഈ പ്രവാ​ചകൻ എന്തു​കൊ​ണ്ടാണ്‌ ഇങ്ങനെ​യൊ​ക്കെ ചിന്തി​ച്ച​തെന്നു നമ്മൾ അതിശ​യി​ച്ചേ​ക്കാം. എന്നാൽ യഹോവ ഏലിയ​യു​ടെ സമ്മർദ​വും വികാ​ര​ങ്ങ​ളും മനസ്സി​ലാ​ക്കി.

⁶ വിഷമ​ങ്ങ​ളെ​ല്ലാം തുറന്നു​പ​റ​ഞ്ഞ​തിന്‌ യഹോവ ഏലിയയെ വഴക്കു പറഞ്ഞില്ല. പകരം, ശക്തി വീണ്ടെ​ടു​ക്കാൻ യഹോവ ഏലിയയെ സഹായി​ച്ചു. (1 രാജാ. 19:5-7) പിന്നീട്‌, തന്റെ അപാര​മായ ശക്തി കാണി​ച്ചു​കൊണ്ട്‌ യഹോവ ദയയോ​ടെ ഏലിയ​യു​ടെ ചിന്താ​രീ​തി തിരുത്തി. ബാലിനെ ആരാധി​ക്കാൻ തയ്യാറാ​കാത്ത 7,000 പേർ ഇസ്രാ​യേ​ലിൽ ബാക്കി​യു​ണ്ടെന്ന്‌ യഹോവ പറഞ്ഞു. (1 രാജാ. 19:11-18) താൻ ഏലിയയെ സ്‌നേ​ഹി​ക്കു​ന്നു​ണ്ടെന്ന്‌ ഈ വിധങ്ങ​ളി​ലെ​ല്ലാം യഹോവ കാണിച്ചു.

7. യഹോവ ഏലിയയെ സഹായിച്ച വിധത്തിൽനിന്ന്‌ നമുക്ക്‌ എന്ത്‌ ഉറപ്പാണു കിട്ടു​ന്നത്‌?

⁷ സമ്മർദം നിറഞ്ഞ ഒരു സാഹച​ര്യം നേരി​ടുന്ന ഒരാളാ​ണോ നിങ്ങൾ? എങ്കിൽ, യഹോവ ഏലിയ​യു​ടെ വികാ​രങ്ങൾ മനസ്സി​ലാ​ക്കി എന്നറി​യു​ന്നതു നിങ്ങളെ ആശ്വസി​പ്പി​ക്കു​ന്നി​ല്ലേ? യഹോവ നമ്മുടെ മനോ​വേ​ദ​ന​ക​ളും മനസ്സി​ലാ​ക്കു​ന്നു​ണ്ടെന്ന്‌ അതു നമുക്ക്‌ ഉറപ്പു തരുന്നു. യഹോവ നമ്മുടെ പരിമി​തി​ക​ളും അറിയു​ന്നു. നമ്മുടെ മനസ്സി​ലൂ​ടെ കടന്നു​പോ​കുന്ന ഓരോ ചിന്തയും വിഷമ​വും കാണു​ന്നുണ്ട്‌. (സങ്കീ. 103:14; 139:3, 4) ഏലിയയെ അനുക​രി​ച്ചു​കൊണ്ട്‌ നമ്മൾ യഹോ​വ​യിൽ ആശ്രയി​ക്കു​ന്നെ​ങ്കിൽ സമ്മർദ​ത്തിന്‌ ഇടയാ​ക്കുന്ന പ്രശ്‌നങ്ങൾ നേരി​ടാൻ യഹോവ നമ്മളെ സഹായി​ക്കും.—സങ്കീ. 55:22.

8. സമ്മർദം അനുഭ​വി​ക്കു​മ്പോൾ യഹോവ നിങ്ങളെ എങ്ങനെ സഹായി​ക്കും?

⁸ ‘സാഹച​ര്യ​ങ്ങൾ ഒരിക്ക​ലും നേരെ​യാ​കില്ല’ എന്നു സമ്മർദം കാരണം നിങ്ങൾ ചിന്തി​ച്ചു​പോ​യേ​ക്കാം, അങ്ങനെ സംഭവി​ച്ചാൽ നിങ്ങൾക്കു നിരു​ത്സാ​ഹം തോന്നി​യേ​ക്കാം. എന്നാൽ ഓർക്കുക: സമ്മർദം അനുഭ​വി​ക്കു​മ്പോൾ യഹോവ നിങ്ങളെ സഹായി​ക്കും. യഹോവ എങ്ങനെ​യാ​ണു സഹായി​ക്കു​ന്നത്‌? നിങ്ങളു​ടെ ആകുല​തകൾ തന്നോടു പറയാൻ യഹോവ നിങ്ങളെ ക്ഷണിക്കു​ന്നു. സഹായ​ത്തി​നാ​യുള്ള യാചന​കൾക്ക്‌ യഹോവ ഉത്തരം തരുക​യും ചെയ്യും. (സങ്കീ. 5:3; 1 പത്രോ. 5:7) നിങ്ങളെ അലട്ടുന്ന പ്രശ്‌ന​ങ്ങ​ളെ​ക്കു​റിച്ച്‌ കൂടെ​ക്കൂ​ടെ പ്രാർഥി​ക്കുക. ഏലിയ​യോ​ടു സംസാ​രി​ച്ച​തു​പോ​ലെ യഹോവ നിങ്ങ​ളോ​ടു നേരിട്ട്‌ സംസാ​രി​ക്കില്ല. എന്നാൽ യഹോവ തന്റെ വചനമായ ബൈബി​ളി​ലൂ​ടെ​യും സംഘട​ന​യി​ലൂ​ടെ​യും നിങ്ങ​ളോ​ടു സംസാ​രി​ക്കും. നിങ്ങൾ വായി​ക്കുന്ന ബൈബിൾവി​വ​ര​ണങ്ങൾ നിങ്ങൾക്ക്‌ ആശ്വാ​സ​വും പ്രത്യാ​ശ​യും പകരും. സഹോ​ദ​ര​ങ്ങൾക്കും നിങ്ങളെ പ്രോ​ത്സാ​ഹി​പ്പി​ക്കാൻ കഴിയും.—റോമ. 15:4; എബ്രാ. 10:24, 25.

9. ഒരു നല്ല സുഹൃ​ത്തി​നു നമ്മളെ സഹായി​ക്കാൻ കഴിയു​ന്നത്‌ എങ്ങനെ​യാണ്‌?

⁹ എലീശയെ ഉത്തരവാ​ദി​ത്വം ഏൽപ്പി​ക്കാൻ യഹോവ ഏലിയ​യോട്‌ ആവശ്യ​പ്പെട്ടു. അങ്ങനെ യഹോവ ഏലിയ​യ്‌ക്ക്‌ ഒരു നല്ല സുഹൃ​ത്തി​നെ കൊടു​ത്തു. ഏലിയ​യ്‌ക്കു നിരു​ത്സാ​ഹം തോന്നു​മ്പോൾ എലീശ​യ്‌ക്കു സഹായി​ക്കാൻ കഴിയു​മാ​യി​രു​ന്നു. അതു​പോ​ലെ നമ്മളും ആശ്രയ​യോ​ഗ്യ​നായ ഒരു സുഹൃ​ത്തി​നോ​ടു നമ്മുടെ സങ്കടങ്ങൾ പറയുക. വിഷമ​ങ്ങ​ളിൽ നമുക്കു താങ്ങാ​കാൻ അങ്ങനെ​യുള്ള ഒരു സുഹൃ​ത്തി​നു കഴിയും. (2 രാജാ. 2:2; സുഭാ. 17:17) അങ്ങനെ ഒരു സുഹൃത്ത്‌ നിങ്ങൾക്ക്‌ ഇല്ലെങ്കി​ലോ? നിങ്ങൾക്കു പിന്തുണ തരാൻ കഴിയുന്ന, പക്വത​യുള്ള ഒരു ക്രിസ്‌ത്യാ​നി​യെ കണ്ടെത്താ​നുള്ള സഹായ​ത്തി​നാ​യി യഹോ​വ​യോ​ടു പ്രാർഥി​ക്കുക.

10. ഏലിയ​യു​ടെ അനുഭവം നമുക്കു പ്രത്യാശ പകരു​ന്നത്‌ എങ്ങനെ, യശയ്യ 40:28, 29-ൽ രേഖ​പ്പെ​ടു​ത്തി​യി​രി​ക്കുന്ന വാഗ്‌ദാ​നം നമ്മളെ എങ്ങനെ സഹായി​ക്കും?

¹⁰ സമ്മർദ​ങ്ങ​ളു​ണ്ടാ​യ​പ്പോൾ പിടി​ച്ചു​നിൽക്കാ​നും വർഷങ്ങ​ളോ​ളം വിശ്വ​സ്‌ത​മാ​യി സേവി​ക്കാ​നും യഹോവ ഏലിയയെ സഹായി​ച്ചു. ഏലിയ​യു​ടെ അനുഭവം നമുക്കു പ്രത്യാശ പകരു​ന്ന​താണ്‌. ശാരീ​രി​ക​മാ​യും മാനസി​ക​മാ​യും നമ്മുടെ ശക്തി ചോർത്തി​ക്ക​ള​യുന്ന സമ്മർദങ്ങൾ നമ്മളും നേരി​ട്ടേ​ക്കാം. എങ്കിലും യഹോ​വ​യിൽ ആശ്രയി​ക്കു​ന്നെ​ങ്കിൽ തുടർന്നും തന്നെ സേവി​ക്കാ​നുള്ള കരുത്തും ബലവും യഹോവ നമുക്കു നൽകും.—യശയ്യ 40:28, 29 വായി​ക്കുക.

11-13. പുരാ​ത​ന​കാ​ലത്തെ മൂന്നു ദൈവ​ദാ​സർക്ക്‌ എന്തെല്ലാം സമ്മർദ​ങ്ങ​ളാണ്‌ അനുഭ​വി​ക്കേ​ണ്ടി​വ​ന്നത്‌?

¹¹ മറ്റു ബൈബിൾക​ഥാ​പാ​ത്ര​ങ്ങ​ളും കടുത്ത സമ്മർദ​ങ്ങ​ളി​ലൂ​ടെ കടന്നു​പോ​യി​ട്ടുണ്ട്‌. ഉദാഹ​ര​ണ​ത്തിന്‌, ഹന്നയ്‌ക്കു കുട്ടി​ക​ളി​ല്ലാ​ത്ത​തി​ന്റെ നാണ​ക്കേട്‌ അനുഭ​വി​ക്കേ​ണ്ടി​വന്നു. അതു​പോ​ലെ, ഭർത്താ​വി​ന്റെ മറ്റൊരു  ഭാര്യ കുത്തു​വാ​ക്കു​കൾ പറഞ്ഞ്‌ ഹന്നയെ വേദനി​പ്പി​ച്ചി​രു​ന്നു. (1 ശമു. 1:2, 6) തീവ്ര​മായ സമ്മർദം കാരണം ഹന്ന കടുത്ത മനോ​ദുഃ​ഖ​ത്തി​ലാ​യി. ഹന്ന നിയ​ന്ത്ര​ണം​വിട്ട്‌ കരഞ്ഞു; വിശപ്പു​പോ​ലും കെട്ടു​പോ​യി.—1 ശമു. 1:7, 10.

¹² ദാവീദ്‌ രാജാ​വും ചില​പ്പോൾ സമ്മർദ​ത്തി​ന്റെ ആഴക്കട​ലി​ലേക്കു താഴ്‌ന്നു​പോ​യി​ട്ടുണ്ട്‌. അദ്ദേഹം നേരിട്ട ബുദ്ധി​മു​ട്ടു​കൾ ഒന്നു ചിന്തി​ച്ചു​നോ​ക്കൂ. ചെയ്‌തു​പോയ തെറ്റു​ക​ളെ​ക്കു​റിച്ച്‌ ഓർത്ത്‌ കടുത്ത കുറ്റ​ബോ​ധം അനുഭ​വി​ക്കേ​ണ്ടി​വന്നു. (സങ്കീ. 40:12) പ്രിയ​പ്പെട്ട മകനായ അബ്‌ശാ​ലോം ധിക്കാരം കാണിച്ചു. അതിന്റെ ഫലമായി അബ്‌ശാ​ലോം മരിക്കു​ന്ന​തും ദാവീ​ദി​നു കാണേ​ണ്ടി​വന്നു. (2 ശമു. 15:13, 14; 18:33) ഉറ്റ സുഹൃ​ത്തു​ക്ക​ളിൽ ഒരാൾ ദാവീ​ദി​നെ വഞ്ചിച്ചു. (2 ശമു. 16:23–17:2; സങ്കീ. 55:12-14) ദാവീദ്‌ രചിച്ച പല സങ്കീർത്ത​ന​ങ്ങ​ളി​ലും നിരു​ത്സാ​ഹ​ത്തി​ന്റെ​യും വേദന​യു​ടെ​യും വാക്കുകൾ കാണാം. എന്നാൽ അവയി​ലെ​ല്ലാം യഹോ​വ​യി​ലുള്ള അചഞ്ചല​മായ ആശ്രയ​വും തെളി​ഞ്ഞു​കാ​ണാം.—സങ്കീ. 38:5-10; 94:17-19.

¹³ ഇനി ഒരു സങ്കീർത്ത​ന​ക്കാ​രനെ പരിച​യ​പ്പെ​ടാം. ലേവ്യ​നായ ആസാഫി​ന്റെ ഒരു പിൻഗാ​മി​യാ​യി​രു​ന്നി​രി​ക്കാം ഈ സങ്കീർത്ത​ന​ക്കാ​രൻ. അദ്ദേഹം യരുശ​ലേ​മി​ലെ ‘മഹത്ത്വ​മാർന്ന വിശു​ദ്ധ​മ​ന്ദി​ര​ത്തി​ലാണ്‌’ സേവി​ച്ചി​രു​ന്നത്‌. ദുഷ്ടരായ ആളുക​ളു​ടെ സുഖവും സമാധാ​ന​വും കണ്ടപ്പോൾ അദ്ദേഹ​ത്തിന്‌ അസൂയ തോന്നി. അദ്ദേഹ​ത്തി​നു കടുത്ത മാനസി​ക​സ​മ്മർദം അനുഭ​വി​ക്കേ​ണ്ടി​വന്നു. അതിന്റെ ഫലമായി, അദ്ദേഹ​ത്തി​നു സന്തോ​ഷ​വും സംതൃ​പ്‌തി​യും നഷ്ടപ്പെട്ടു. ദൈവത്തെ സേവി​ക്കു​ന്ന​തു​കൊണ്ട്‌ എന്തെങ്കി​ലും പ്രയോ​ജ​ന​മു​ണ്ടോ എന്നു​പോ​ലും അദ്ദേഹം സംശയി​ച്ചു​പോ​യി.—സങ്കീ. 73:2-5, 7, 12-14, 16, 17, 21.

14-15. സഹായ​ത്തി​നാ​യി യഹോ​വ​യി​ലേക്കു തിരി​യു​ന്ന​തി​നെ​പ്പറ്റി ഈ മൂന്നു ബൈബിൾ കഥാപാ​ത്ര​ങ്ങ​ളു​ടെ മാതൃ​ക​യിൽനിന്ന്‌ നമുക്ക്‌ എന്തു പഠിക്കാം?

¹⁴ സത്യാ​രാ​ധ​ക​രാ​യി​രുന്ന ഈ മൂന്നു പേരും സഹായ​ത്തി​നാ​യി യഹോ​വ​യിൽ ആശ്രയി​ച്ചു. തങ്ങളുടെ ഉത്‌ക​ണ്‌ഠ​ക​ളെ​ല്ലാം ഉള്ളുരു​കി​യുള്ള പ്രാർഥ​ന​യിൽ അവർ യഹോ​വ​യു​ടെ മുമ്പാകെ പകർന്നു. മനപ്ര​യാ​സം അനുഭ​വി​ക്കു​ന്ന​തി​ന്റെ കാരണങ്ങൾ ഓരോ​ന്നും അവർ യഹോ​വ​യോ​ടു പറഞ്ഞു. കൂടാതെ, അവർ തുടർന്നും യഹോവയുടെ ആലയത്തിൽ പോകു​ക​യും ചെയ്‌തു.—1 ശമു. 1:9, 10; സങ്കീ. 55:22; 73:17; 122:1.

¹⁵ യഹോവ ആ മൂന്നു പേരോ​ടും ദയയോ​ടെ ഇടപെട്ടു. ഹന്നയ്‌ക്കു മനസ്സമാ​ധാ​നം ലഭിച്ചു. (1 ശമു.  1:18) ദാവീദ്‌ ഇങ്ങനെ എഴുതി: “നീതി​മാന്‌ അനേകം ദുരി​തങ്ങൾ ഉണ്ടാകു​ന്നു; അതിൽനി​ന്നെ​ല്ലാം യഹോവ അവനെ രക്ഷിക്കു​ന്നു.” (സങ്കീ. 34:19) ആസാഫി​ന്റെ പിൻഗാ​മി​യായ ആ സങ്കീർത്ത​ന​ക്കാ​രന്‌ യഹോവ തന്റെ ‘വലങ്കൈ പിടി​ച്ചി​രി​ക്കു​ന്ന​തു​പോ​ലെ’ തോന്നി. യഹോവ സ്‌നേ​ഹ​ത്തോ​ടെ​യുള്ള ഉപദേ​ശ​ത്താൽ തന്നെ വഴിന​യി​ക്കു​ക​യാ​ണെന്ന്‌ അദ്ദേഹം പറഞ്ഞു. അദ്ദേഹം ഇങ്ങനെ പാടി: “ഞാൻ ദൈവ​ത്തോട്‌ അടുത്ത്‌ ചെല്ലും; അതല്ലോ എനിക്കു നല്ലത്‌. . . . ഞാൻ പരമാ​ധി​കാ​രി​യാം യഹോ​വയെ എന്റെ അഭയമാ​ക്കി​യി​രി​ക്കു​ന്നു.” (സങ്കീ. 73:23, 24, 28) ഈ ദൈവ​ദാ​സ​രു​ടെ മാതൃ​ക​യിൽനിന്ന്‌ നമുക്ക്‌ എന്തു പഠിക്കാം? ചില​പ്പോ​ഴൊ​ക്കെ സമ്മർദ​ത്തിന്‌ ഇടയാ​ക്കുന്ന ഗൗരവ​മേ​റിയ പ്രശ്‌നങ്ങൾ നമ്മളെ ഭാര​പ്പെ​ടു​ത്തി​യേ​ക്കാം. അപ്പോൾപ്പോ​ലും പിടി​ച്ചു​നിൽക്കാൻ നമുക്കു കഴിയും. എങ്ങനെ? മറ്റുള്ള​വരെ യഹോവ എങ്ങനെ​യാ​ണു സഹായി​ച്ച​തെന്നു ധ്യാനി​ക്കുക. പ്രാർഥ​ന​യി​ലൂ​ടെ യഹോ​വ​യിൽ ആശ്രയി​ക്കുക. യഹോവ പറയുന്ന കാര്യങ്ങൾ അനുസ​രി​ക്കുക.—സങ്കീ. 143:1, 4-8.

16-17. (എ) നമ്മൾ നമ്മളെ​ത്തന്നെ ഒറ്റപ്പെ​ടു​ത്ത​രു​താ​ത്തത്‌ എന്തു​കൊണ്ട്‌? (ബി) നമുക്ക്‌ എങ്ങനെ ശക്തി വീണ്ടെ​ടു​ക്കാം?

¹⁶ ഈ മൂന്നു പേരുടെ ദൃഷ്ടാ​ന്തങ്ങൾ നമ്മളെ പഠിപ്പി​ക്കുന്ന മറ്റൊരു പ്രധാ​ന​പ്പെട്ട പാഠമുണ്ട്‌—ഒരിക്ക​ലും യഹോ​വ​യിൽനിന്ന്‌ അകന്നു​പോ​ക​രുത്‌, ദൈവ​ജ​ന​ത്തിൽനിന്ന്‌ നമ്മളെ​ത്തന്നെ ഒറ്റപ്പെ​ടു​ത്ത​രുത്‌. (സുഭാ. 18:1) ഭർത്താവ്‌ ഉപേക്ഷി​ച്ചു​പോ​യ​പ്പോൾ കടുത്ത സമ്മർദം അനുഭ​വിച്ച നാൻസി പറയുന്നു: “ആരെയും കാണാ​നോ ആരോ​ടും സംസാ​രി​ക്കാ​നോ ഒന്നും പല ദിവസ​ങ്ങ​ളി​ലും തോന്നി​യില്ല. എന്നാൽ ഞാൻ എത്രമാത്രം ഒതുങ്ങിക്കൂടിയോ, അത്രമാ​ത്രം എന്റെ ദുഃഖം വർധി​ക്കു​ക​യാ​ണു ചെയ്‌തത്‌.” പക്ഷേ, പ്രശ്‌നങ്ങൾ  നേരി​ടുന്ന മറ്റുള്ള​വരെ സഹായി​ക്കാൻ നാൻസി മുന്നി​ട്ടി​റ​ങ്ങി​യ​പ്പോൾ കാര്യ​ങ്ങൾക്കു മാറ്റം വന്നു. നാൻസി പറയുന്നു: “മറ്റുള്ളവർ അവരുടെ പ്രശ്‌ന​ങ്ങ​ളെ​ക്കു​റിച്ച്‌ പറയു​മ്പോൾ ഞാൻ ശ്രദ്ധി​ച്ചു​കേൾക്കും. എനിക്ക്‌ അവരോട്‌ എത്ര​ത്തോ​ളം സഹാനു​ഭൂ​തി തോന്നി​യോ, സ്വന്തം പ്രശ്‌ന​ങ്ങ​ളെ​ക്കു​റി​ച്ചുള്ള എന്റെ ചിന്ത അത്ര​ത്തോ​ളം കുറഞ്ഞു.”

¹⁷ മീറ്റി​ങ്ങു​കൾക്കു പോയി​ക്കൊ​ണ്ടും നമുക്കു ശക്തി വീണ്ടെ​ടു​ക്കാം. അവി​ടെ​യാ​യി​രി​ക്കു​മ്പോൾ, നമ്മുടെ “സഹായി​യും ആശ്വാ​സ​ക​നും” ആകാൻ യഹോ​വ​യ്‌ക്കു നമ്മൾ കൂടുതൽ അവസരങ്ങൾ കൊടു​ക്കു​ക​യാണ്‌. (സങ്കീ. 86:17) മീറ്റി​ങ്ങു​കൾക്കു വരു​മ്പോൾ മൂന്നു പ്രധാ​ന​മാർഗ​ങ്ങ​ളിൽ യഹോവ നമ്മളെ ശക്തി​പ്പെ​ടു​ത്തു​ന്നു: പരിശു​ദ്ധാ​ത്മാ​വി​ലൂ​ടെ, വചനത്തി​ലൂ​ടെ, തന്റെ ജനത്തി​ലൂ​ടെ. മീറ്റി​ങ്ങു​കൾ “പരസ്‌പരം പ്രോ​ത്സാ​ഹനം” നൽകാ​നുള്ള അവസര​ങ്ങ​ളാണ്‌. (റോമ. 1:11, 12) സോഫിയ എന്ന ഒരു സഹോ​ദരി പറഞ്ഞു: “മീറ്റി​ങ്ങു​ക​ളാ​യി​രു​ന്നു എനിക്ക്‌ ഏറ്റവും പ്രധാനം. യഹോ​വ​യും സഹോ​ദ​ര​ങ്ങ​ളും സഹിച്ചു​നിൽക്കാൻ എന്നെ സഹായി​ച്ചു. ശുശ്രൂ​ഷ​യി​ലും സഭയുടെ പ്രവർത്ത​ന​ങ്ങ​ളി​ലും ഞാൻ എത്ര​ത്തോ​ളം മുഴു​കി​യോ, അത്ര​ത്തോ​ളം എന്റെ സമ്മർദ​വും ഉത്‌ക​ണ്‌ഠ​യും കുറഞ്ഞു.”

18. നിരു​ത്സാ​ഹി​ത​രാ​കു​മ്പോൾ, യഹോവ നമുക്ക്‌ എന്തു തരും?

¹⁸ നിരു​ത്സാ​ഹം തോന്നു​മ്പോൾ ഓർക്കുക: ഭാവി​യിൽ സമ്മർദ​ങ്ങ​ളൊ​ന്നു​മി​ല്ലാത്ത ഒരു കാലം വരു​മെന്നു മാത്രമല്ല, ഇക്കാലത്ത്‌ സമ്മർദം നേരി​ടാൻ നമ്മളെ സഹായി​ക്കു​മെ​ന്നും യഹോവ ഉറപ്പു തന്നിട്ടുണ്ട്‌. സമ്മർദത്തെ നേരി​ടാ​നുള്ള ‘ആഗ്രഹ​വും ശക്തിയും’ യഹോവ നമുക്കു തരുന്നു. നിരാശയും നിരു​ത്സാ​ഹ​വും തരണം ചെയ്യാൻ അങ്ങനെ നമുക്കു കഴിയും.—ഫിലി. 2:13.

19. റോമർ 8:37-39 നമുക്ക്‌ എന്ത്‌ ഉറപ്പാണു നൽകു​ന്നത്‌?

¹⁹ റോമർ 8:37-39 വായി​ക്കുക. ദൈവ​സ്‌നേ​ഹ​ത്തിൽനിന്ന്‌ നമ്മളെ വേർപെ​ടു​ത്താൻ ഒന്നിനും കഴിയി​ല്ലെന്നു പൗലോസ്‌ അപ്പോ​സ്‌തലൻ ഉറപ്പു നൽകുന്നു. സമ്മർദ​വു​മാ​യി മല്ലടി​ക്കുന്ന നമ്മുടെ സഹോ​ദ​ര​ങ്ങളെ എങ്ങനെ സഹായി​ക്കാൻ കഴിയും? ദുരി​തങ്ങൾ നേരി​ടുന്ന സഹോ​ദ​ര​ങ്ങ​ളോ​ടു സഹാനു​ഭൂ​തി കാണി​ച്ചു​കൊ​ണ്ടും അവരെ പിന്തു​ണ​ച്ചു​കൊ​ണ്ടും എങ്ങനെ നമുക്ക്‌ യഹോ​വയെ അനുക​രി​ക്കാ​മെന്ന്‌ അടുത്ത ലേഖനം വിശദീ​ക​രി​ക്കു​ന്നു.