1. യേശു എന്തു​കൊ​ണ്ടാണ്‌ യഹോ​വ​യോ​ടു തന്റെ അനുഗാ​മി​കളെ കാത്തു​കൊ​ള്ളണേ എന്ന്‌ അപേക്ഷി​ച്ചത്‌?

 മരണത്തി​ന്റെ തലേരാ​ത്രി യേശു പിതാ​വി​നോട്‌ ഒരു പ്രത്യേ​ക​കാ​ര്യം അപേക്ഷി​ച്ചു: തന്റെ അനുഗാ​മി​കളെ കാത്തു​കൊ​ള്ളണേ എന്ന്‌. (യോഹ. 17:15, 20) യഹോവ എപ്പോ​ഴും തന്റെ ജനത്തി​നു​വേണ്ടി കരുതു​ക​യും അവരെ സംരക്ഷി​ക്കു​ക​യും ചെയ്യു​ന്നുണ്ട്‌ എന്നുള്ളതു ശരിയാണ്‌. എന്നാൽ മുമ്പെ​ന്ന​ത്തെ​ക്കാൾ അധിക​മാ​യി തന്റെ അനുഗാ​മി​കൾക്കു സാത്താ​നിൽനി​ന്നുള്ള എതിർപ്പു നേരി​ടാൻപോ​കു​ക​യാ​ണെന്നു യേശു​വിന്‌ അറിയാ​മാ​യി​രു​ന്നു. കൂടാതെ, യഹോ​വ​യു​ടെ സഹായ​മു​ണ്ടെ​ങ്കിൽ മാത്രമേ അവർക്കു പിടി​ച്ചു​നിൽക്കാ​നാ​കു​ക​യു​ള്ളൂ എന്നും യേശു തിരി​ച്ച​റി​ഞ്ഞു.

2. സങ്കീർത്തനം 33:18-20 പറയു​ന്ന​ത​നു​സ​രിച്ച്‌ പ്രശ്‌നങ്ങൾ ഉണ്ടാകു​മ്പോൾ നമ്മൾ പേടി​ക്കേ​ണ്ട​തി​ല്ലാ​ത്തത്‌ എന്തു​കൊ​ണ്ടാണ്‌?

² സാത്താന്റെ ലോകം ഇന്നു സത്യ​ക്രി​സ്‌ത്യാ​നി​ക​ളു​ടെ മേൽ പല തരം പ്രശ്‌നങ്ങൾ കൊണ്ടു​വ​രു​ന്നുണ്ട്‌. അവ നമ്മളെ നിരു​ത്സാ​ഹ​പ്പെ​ടു​ത്തി​യേ​ക്കാം. പലതും യഹോ​വ​യോ​ടുള്ള നമ്മുടെ വിശ്വ​സ്‌ത​ത​യ്‌ക്ക്‌ ഒരു പരീക്ഷ​ണം​പോ​ലു​മാ​യേ​ക്കാം. എന്നാൽ നമ്മൾ പേടി​ക്കേ​ണ്ട​തില്ല. കാരണം നമ്മൾ നേരി​ടുന്ന പ്രശ്‌നങ്ങൾ യഹോവ കാണു​ന്നുണ്ട്‌. നമ്മളെ സഹായി​ക്കാൻ യഹോവ എപ്പോ​ഴും ഒരുങ്ങി​യി​രി​ക്കു​ക​യു​മാണ്‌. “യഹോ​വ​യു​ടെ കണ്ണുകൾ, തന്നെ ഭയപ്പെ​ടു​ന്ന​വ​രു​ടെ മേൽ . . . ഉണ്ട്‌” എന്നു ബൈബിൾ പറയുന്നു. രണ്ടു ബൈബിൾക​ഥാ​പാ​ത്ര​ങ്ങ​ളു​ടെ ജീവിതം അതാണു നമ്മളെ പഠിപ്പി​ക്കു​ന്നത്‌. അതെക്കു​റിച്ച്‌ നമുക്ക്‌ ഇനി നോക്കാം.—സങ്കീർത്തനം 33:18-20 വായി​ക്കുക.

3. ഒറ്റയ്‌ക്കാ​ണെന്ന തോന്നൽ നമുക്ക്‌ എപ്പോ​ഴൊ​ക്കെ ഉണ്ടാ​യേ​ക്കാം?

³ സഭയിൽ നമുക്ക്‌ ഒരുപാ​ടു സഹോ​ദ​രീ​സ​ഹോ​ദ​ര​ന്മാ​രുണ്ട്‌. എങ്കിൽപ്പോ​ലും ഒറ്റയ്‌ക്കാ​ണെന്ന തോന്നൽ ഇടയ്‌ക്കൊ​ക്കെ നമുക്കു​ണ്ടാ​യേ​ക്കാം. ഉദാഹ​ര​ണ​ത്തിന്‌, ചെറു​പ്പ​ക്കാർക്കു സ്‌കൂ​ളിൽ കൂട്ടു​കാ​രു​ടെ​യൊ​ക്കെ മുന്നിൽവെച്ച്‌ അവരുടെ വിശ്വാ​സ​ങ്ങ​ളെ​ക്കു​റിച്ച്‌ വിശദീ​ക​രി​ക്കേ​ണ്ടി​വ​രു​മ്പോ​ഴോ അല്ലെങ്കിൽ പുതിയ സഭയി​ലേക്കു മാറേ​ണ്ടി​വ​രു​മ്പോ​ഴോ അങ്ങനെ​യൊ​രു തോന്ന​ലു​ണ്ടാ​കാം. ഇനി, സങ്കടമോ നിരാ​ശ​യോ തോന്നു​മ്പോ​ഴും നമ്മളിൽ ചിലർക്ക്‌ ഒറ്റയ്‌ക്കാ​ണെന്ന തോന്ന​ലു​ണ്ടാ​യേ​ക്കാം. നമ്മുടെ പ്രശ്‌ന​ങ്ങ​ളെ​ക്കു​റിച്ച്‌ ആരോ​ടെ​ങ്കി​ലും പറയാൻ നമുക്കു മടി തോന്നാം. കാരണം മറ്റുള്ള​വർക്ക്‌ അതൊ​ന്നും മനസ്സി​ലാ​കി​ല്ലെ​ന്നോ ആർക്കും നമ്മുടെ കാര്യ​ത്തിൽ വലിയ താത്‌പ​ര്യ​മി​ല്ലെ​ന്നോ ഒക്കെയാ​യി​രി​ക്കാം ഒരുപക്ഷേ നമ്മൾ ചിന്തി​ക്കു​ന്നത്‌. ഇങ്ങനെ, ഒറ്റയ്‌ക്കാ​ണെന്ന തോന്ന​ലു​ണ്ടാ​കു​മ്പോൾ നമുക്ക്‌ ഉത്‌ക​ണ്‌ഠ​യും  സഹായി​ക്കാൻ ആരുമി​ല്ലെന്ന ചിന്തയും ഉണ്ടാകാം. എന്നാൽ നമ്മൾ ആ രീതി​യിൽ ചിന്തി​ക്കാൻ യഹോവ ഒരിക്ക​ലും ആഗ്രഹി​ക്കു​ന്നില്ല. എന്തു​കൊ​ണ്ടാണ്‌ അങ്ങനെ പറയു​ന്നത്‌?

4. എന്തു​കൊ​ണ്ടാ​ണു “ഞാൻ മാത്രമേ ബാക്കി​യു​ള്ളൂ” എന്ന്‌ ഏലിയ പ്രവാ​ചകൻ പറഞ്ഞത്‌?

⁴ ഒരു വിശ്വസ്‌ത ദൈവ​ദാ​സ​നാ​യി​രുന്ന ഏലിയ​യു​ടെ കാര്യം നോക്കാം. അദ്ദേഹത്തെ കൊന്നു​ക​ള​യു​മെന്ന്‌ ഇസബേൽ രാജ്ഞി ഉറച്ച തീരു​മാ​ന​മെ​ടു​ത്തു. അതു​കേട്ട്‌ പേടിച്ച്‌ ഏലിയ ജീവനും​കൊണ്ട്‌ ഓടി, 40-ലേറെ ദിവസം. (1 രാജാ. 19:1-9) അവസാനം അദ്ദേഹം ഒരു ഗുഹയിൽ എത്തി​പ്പെട്ടു. അവി​ടെ​വെച്ച്‌ അദ്ദേഹം സങ്കട​ത്തോ​ടെ യഹോ​വ​യോ​ടു പറഞ്ഞു: “(പ്രവാ​ച​ക​നാ​യി) ഞാൻ മാത്രമേ ബാക്കി​യു​ള്ളൂ.” (1 രാജാ. 19:10) ശരിക്കും​പ​റ​ഞ്ഞാൽ ദേശത്ത്‌ വേറെ​യും പ്രവാ​ച​ക​ന്മാ​രു​ണ്ടാ​യി​രു​ന്നു. ഓബദ്യ 100 പ്രവാ​ച​ക​ന്മാ​രെ ഇസബേ​ലി​ന്റെ കണ്ണിൽപ്പെ​ടാ​തെ ഒളിപ്പി​ച്ചി​രു​ന്നു. (1 രാജാ. 18:7, 13) പിന്നെ എന്തു​കൊ​ണ്ടാണ്‌ താൻ ഒറ്റയ്‌ക്കാ​ണെന്ന്‌ ഏലിയ​യ്‌ക്കു തോന്നി​യത്‌. ഓബദ്യ രക്ഷപ്പെ​ടു​ത്തിയ ആ പ്രവാ​ച​ക​ന്മാ​രൊ​ക്കെ അതി​നോ​ടകം മരിച്ചു​പോ​യെന്ന്‌ ഏലിയ ചിന്തി​ച്ചു​കാ​ണു​മോ? അതല്ലെ​ങ്കിൽ യഹോ​വ​യാ​ണു സത്യ​ദൈ​വ​മെന്നു കർമേൽ പർവത​ത്തിൽവെച്ച്‌ തെളി​ഞ്ഞി​ട്ടും വേറെ ആരും തന്റെകൂ​ടെ ചേർന്നി​ല്ല​ല്ലോ എന്നോർത്ത്‌ വിഷമി​ച്ച​താ​യി​രി​ക്കു​മോ? അതോ തന്റെ ജീവൻ എത്ര അപകട​ത്തി​ലാ​ണെന്ന കാര്യം ആർക്കും മനസ്സി​ലാ​കി​ല്ലെന്ന്‌ അദ്ദേഹം കരുതി​ക്കാ​ണു​മോ? ഏലിയ​യു​ടെ മനസ്സിൽക്കൂ​ടി പോയത്‌ എന്താ​ണെന്നു ബൈബിൾവി​വ​രണം കൃത്യ​മാ​യി പറയു​ന്നില്ല. എന്നാൽ ഒരു കാര്യം നമുക്ക്‌ ഉറപ്പായി പറയാം: എന്തു​കൊ​ണ്ടാ​ണു താൻ ഒറ്റയ്‌ക്കാ​ണെന്ന്‌ ഏലിയ​യ്‌ക്ക്‌ തോന്നി​യ​തെന്ന കാര്യം യഹോ​വ​യ്‌ക്കു ശരിക്കും മനസ്സി​ലാ​യി. അദ്ദേഹത്തെ എങ്ങനെ സഹായി​ക്ക​ണ​മെ​ന്നും യഹോ​വ​യ്‌ക്ക്‌ അറിയാ​മാ​യി​രു​ന്നു.

5. ഏലിയ ഒറ്റയ്‌ക്ക​ല്ലെന്ന്‌ യഹോവ എങ്ങനെ​യാണ്‌ അദ്ദേഹ​ത്തിന്‌ ഉറപ്പു കൊടു​ത്തത്‌?

⁵ ഏലിയയെ സഹായി​ക്കാ​നാ​യി യഹോവ പലതും ചെയ്‌തു. ആദ്യം​തന്നെ മനസ്സു​തു​റന്ന്‌ സംസാ​രി​ക്കാൻ യഹോവ അദ്ദേഹത്തെ പ്രോ​ത്സാ​ഹി​പ്പി​ച്ചു. അതിനു​വേണ്ടി രണ്ടു പ്രാവ​ശ്യം ഏലിയ​യോട്‌ “നീ ഇവിടെ എന്തു ചെയ്യുന്നു” എന്നു ചോദി​ച്ചു. (1 രാജാ. 19:9, 13) എന്നിട്ട്‌ ഓരോ തവണ അദ്ദേഹം സംസാ​രി​ച്ച​പ്പോ​ഴും അതെല്ലാം ശ്രദ്ധ​യോ​ടെ കേട്ടു. പിന്നെ യഹോവ എന്താണു ചെയ്‌തത്‌? താൻ ഏലിയ​യു​ടെ കൂടെ​യു​ണ്ടെ​ന്നും ഏലിയയെ സഹായി​ക്കാൻ ശക്തനാ​ണെ​ന്നും അദ്ദേഹ​ത്തി​നു കാണി​ച്ചു​കൊ​ടു​ത്തു. കൂടാതെ യഹോ​വ​യു​ടെ ആരാധ​ക​രാ​യി അപ്പോ​ഴും ദേശത്ത്‌ ധാരാളം ആളുക​ളു​ണ്ടെന്ന്‌ ഏലിയ​യ്‌ക്ക്‌ ഉറപ്പു കൊടു​ക്കു​ക​യും ചെയ്‌തു. (1 രാജാ. 19:11, 12, 18) തന്റെ സങ്കട​മെ​ല്ലാം യഹോ​വ​യോ​ടു തുറന്നു​പ​റ​യു​ക​യും യഹോ​വ​യ്‌ക്കു പറയാ​നു​ള്ളതു കേൾക്കു​ക​യും ചെയ്‌ത​പ്പോൾ ഏലിയ​യ്‌ക്കു വലിയ ആശ്വാ​സ​മാ​യി. കൂടാതെ യഹോവ അദ്ദേഹ​ത്തി​നു ചില നിയമ​ന​ങ്ങ​ളും നൽകി. സിറി​യ​യു​ടെ രാജാ​വാ​യി ഹസാ​യേ​ലി​നെ​യും ഇസ്രാ​യേൽ രാജാ​വാ​യി യേഹു​വി​നെ​യും പ്രവാ​ച​ക​നാ​യി എലീശ​യെ​യും അഭി​ഷേകം ചെയ്യാൻ ഏലിയ​യോട്‌ ആവശ്യ​പ്പെട്ടു. (1 രാജാ. 19:15, 16) പ്രധാ​ന​പ്പെട്ട ആ നിയമ​ന​ങ്ങ​ളൊ​ക്കെ നൽകി​യ​തി​ലൂ​ടെ, വിഷമി​പ്പി​ക്കുന്ന കാര്യ​ങ്ങൾക്കു പകരം ചെയ്യാ​നുള്ള നല്ല കാര്യ​ങ്ങ​ളിൽ  ശ്രദ്ധി​ക്കാൻ യഹോവ ഏലിയയെ സഹായി​ച്ചു. കൂടാതെ ഏലിയ​യു​ടെ കൂടെ പ്രവർത്തി​ക്കാൻ എലീശയെ നൽകു​ക​യും ചെയ്‌തു. അതു കാണി​ക്കു​ന്നത്‌ ഒറ്റയ്‌ക്കാ​ണെന്ന തോന്ന​ലു​ണ്ടാ​കു​മ്പോൾ നമ്മളെ​യും യഹോവ സഹായി​ക്കും എന്നാണ്‌. എന്നാൽ അതിനു​വേണ്ടി നമ്മൾ എന്താണു ചെയ്യേ​ണ്ടത്‌?

6. ഒറ്റയ്‌ക്കാ​ണെന്നു തോന്നു​മ്പോൾ നിങ്ങൾക്ക്‌ എന്തി​നെ​ക്കു​റിച്ച്‌ യഹോ​വ​യോ​ടു പ്രാർഥി​ക്കാം? (സങ്കീർത്തനം 62:8)

⁶ നിങ്ങൾ യഹോ​വ​യോ​ടു പ്രാർഥി​ക്കാൻ യഹോവ ആഗ്രഹി​ക്കു​ന്നു. നിങ്ങളു​ടെ പ്രശ്‌ന​ങ്ങ​ളൊ​ക്കെ യഹോവ കാണു​ന്നുണ്ട്‌. എപ്പോൾ വേണ​മെ​ങ്കി​ലും നിങ്ങൾക്കു പ്രാർഥി​ക്കാം. യഹോവ അതെല്ലാം ശ്രദ്ധി​ക്കു​മെന്ന്‌ ഉറപ്പു തന്നിട്ടു​മുണ്ട്‌. (1 തെസ്സ. 5:17) തന്റെ ആരാധകർ പ്രാർഥി​ക്കു​മ്പോൾ അതു കേൾക്കാൻ യഹോ​വ​യ്‌ക്ക്‌ ഒത്തിരി സന്തോ​ഷ​മാണ്‌. (സുഭാ. 15:8) ഒറ്റയ്‌ക്കാ​ണെന്നു തോന്നു​മ്പോൾ നിങ്ങൾക്ക്‌ എന്തി​നെ​ക്കു​റിച്ച്‌ യഹോ​വ​യോ​ടു പ്രാർഥി​ക്കാം? ഏലിയ ചെയ്‌ത​തു​പോ​ലെ നിങ്ങളു​ടെ മനസ്സി​ലു​ള്ള​തെ​ല്ലാം, നിങ്ങളെ വിഷമി​പ്പി​ക്കുന്ന കാര്യ​ങ്ങ​ളും നിങ്ങളു​ടെ തോന്ന​ലു​ക​ളും എല്ലാം, യഹോ​വ​യോ​ടു പറയാം. (സങ്കീർത്തനം 62:8 വായി​ക്കുക.) അത്തരം സമയങ്ങ​ളിൽ എന്തു ചെയ്യണ​മെന്ന്‌ അറിയാൻ സഹായി​ക്കണേ എന്ന്‌ അപേക്ഷി​ക്കാം. ഉദാഹ​ര​ണ​ത്തിന്‌, നിങ്ങളു​ടെ വിശ്വാ​സ​ത്തെ​ക്കു​റിച്ച്‌ സ്‌കൂ​ളിൽ സംസാ​രി​ക്കേ​ണ്ടി​വ​രു​മ്പോൾ കാര്യങ്ങൾ നന്നായി പറയാ​നുള്ള ധൈര്യ​ത്തി​നും ജ്ഞാനത്തി​നും വേണ്ടി നിങ്ങൾക്ക്‌ യഹോ​വ​യോ​ടു പ്രാർഥി​ക്കാ​വു​ന്ന​താണ്‌. (ലൂക്കോ. 21:14, 15) ഇനി, നിങ്ങൾക്കു നിരാശ തോന്നു​ന്നെ​ങ്കിൽ അനുഭ​വ​പ​രി​ച​യ​മുള്ള ഒരു സഹോ​ദ​ര​നോ​ടോ സഹോ​ദ​രി​യോ​ടോ നിങ്ങളു​ടെ പ്രശ്‌ന​ങ്ങ​ളൊ​ക്കെ തുറന്നു​പ​റ​യാൻ സഹായി​ക്കണേ എന്നു പ്രാർഥി​ക്കാം. ഒപ്പം നിങ്ങൾ പറയുന്ന കാര്യങ്ങൾ ശ്രദ്ധി​ക്കാ​നും നിങ്ങളെ ശരിക്കും മനസ്സി​ലാ​ക്കാ​നും അവരെ സഹായി​ക്കണേ എന്നും അപേക്ഷി​ക്കാ​വു​ന്ന​താണ്‌. മനസ്സി​ലു​ള്ള​തെ​ല്ലാം യഹോ​വ​യോ​ടു തുറന്നു​പ​റ​യുക. എന്നിട്ടു നിങ്ങളു​ടെ പ്രാർഥ​ന​യ്‌ക്ക്‌ യഹോവ എങ്ങനെ​യാണ്‌ ഉത്തരം തരുന്ന​തെന്നു കാണുക. മറ്റുള്ളവർ തരുന്ന സഹായം സ്വീക​രി​ക്കുക. അങ്ങനെ​യൊ​ക്കെ ചെയ്യു​മ്പോൾ നിങ്ങൾ ഒറ്റയ്‌ക്കാ​ണെന്ന തോന്നൽ ഒരു പരിധി​വരെ കുറയ്‌ക്കാ​നാ​കും.

7. മൊറി​ഷ്യോ​യു​ടെ ജീവി​താ​നു​ഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌?

⁷ യഹോവ നമു​ക്കെ​ല്ലാം ചില ഉത്തരവാ​ദി​ത്വ​ങ്ങൾ തന്നിട്ടുണ്ട്‌. സഭയി​ലും പ്രസം​ഗ​പ്ര​വർത്ത​ന​ത്തി​ലും നിങ്ങളു​ടെ നിയമനം നന്നായി ചെയ്യു​മ്പോൾ യഹോവ അതു കാണും, വിലമ​തി​ക്കും, അക്കാര്യം ഉറപ്പാണ്‌. (സങ്കീ. 110:3) ഒറ്റയ്‌ക്കാ​ണെന്ന തോന്ന​ലു​ണ്ടാ​കു​മ്പോൾ ദൈവ​സേ​വനം കൂടു​ത​ലാ​യി ചെയ്യു​ന്നതു നിങ്ങളെ എങ്ങനെ​യാ​ണു സഹായി​ക്കു​ന്നത്‌? മൊറിഷ്യോ * എന്നു പേരുള്ള ചെറു​പ്പ​ക്കാ​ര​നായ ഒരു സഹോ​ദ​രന്റെ അനുഭവം നോക്കുക. അദ്ദേഹം സ്‌നാ​ന​പ്പെട്ട്‌ അധികം താമസി​യാ​തെ ഏറ്റവും അടുത്ത കൂട്ടു​കാ​രൻ സത്യത്തിൽനിന്ന്‌ അകന്ന്‌ പോകാൻതു​ടങ്ങി. അതെക്കു​റിച്ച്‌ മൊറി​ഷ്യോ പറയുന്നു: “അതു കണ്ടപ്പോൾ എനിക്ക്‌ ആകെ പേടി തോന്നി. യഹോ​വ​യ്‌ക്കു കൊടുത്ത വാക്കിനു ചേർച്ച​യിൽ ജീവി​ക്കാൻ എന്നെ​ക്കൊ​ണ്ടാ​കു​മോ, യഹോ​വ​യു​ടെ കുടും​ബ​ത്തി​ന്റെ ഭാഗമാ​യി തുടരാൻ എനിക്കു സാധി​ക്കു​മോ എന്നൊക്കെ ഞാൻ ചിന്തിച്ചു. ശരിക്കും ഒറ്റപ്പെ​ട്ട​തു​പോ​ലെ എനിക്കു തോന്നി. എന്റെ ചിന്തക​ളൊ​ന്നും മറ്റാർക്കും മനസ്സി​ലാ​കില്ല എന്നുതന്നെ ഞാൻ കരുതി.” എന്നാൽ അതിനെ മറിക​ട​ക്കാൻ മൊറി​ഷ്യോക്ക്‌ എങ്ങനെ​യാ​ണു കഴിഞ്ഞത്‌? അദ്ദേഹം പറയുന്നു: “പ്രസം​ഗ​പ്ര​വർത്ത​ന​ത്തിൽ ഞാൻ കൂടുതൽ ഉൾപ്പെ​ടാൻ ശ്രമിച്ചു. അങ്ങനെ ചെയ്‌ത​തു​കൊണ്ട്‌ എന്നെക്കു​റി​ച്ചു​തന്നെ അധികം ചിന്തി​ക്കു​ന്നത്‌ ഒഴിവാ​ക്കാൻ എനിക്കു സാധിച്ചു. മറ്റുള്ള​വ​രോ​ടൊ​പ്പം പ്രസം​ഗ​പ്ര​വർത്തനം ചെയ്‌ത​തു​കൊണ്ട്‌ ഒറ്റയ്‌ക്കാ​ണെന്ന തോന്നൽ ഒരു പരിധി​വരെ കുറഞ്ഞു. എനിക്കു പഴയ സന്തോഷം തിരി​ച്ചു​കി​ട്ടു​ക​യും ചെയ്‌തു.” ഇനി, ഒരുപക്ഷേ മറ്റു സഹോ​ദ​ര​ങ്ങ​ളു​ടെ​കൂ​ടെ വീടു​തോ​റും പോയി പ്രസം​ഗി​ക്കാൻ കഴിഞ്ഞി​ല്ലെ​ങ്കി​ലും അവരു​ടെ​കൂ​ടെ കത്തുകൾ എഴുതു​ന്ന​തും ടെലി​ഫോൺ സാക്ഷീ​ക​രണം നടത്തു​ന്ന​തും ഒക്കെ നമ്മളെ  സഹായി​ക്കും. വേറെ എന്താണു മൊറി​ഷ്യോ​യെ സഹായി​ച്ചത്‌? അദ്ദേഹം പറയുന്നു: “സഭയി​ലും ഞാൻ കൂടു​ത​ലാ​യി പലതും ചെയ്യാൻതു​ടങ്ങി. വിദ്യാർഥി​നി​യ​മ​നങ്ങൾ നന്നായി തയ്യാറാ​യി അവതരി​പ്പി​ക്കാൻ ഞാൻ പ്രത്യേ​ക​ശ്രമം ചെയ്‌തു. അങ്ങനെ​യൊ​ക്കെ ചെയ്‌ത​പ്പോൾ യഹോ​വ​യും മറ്റുള്ള​വ​രും എന്നെ വില​പ്പെ​ട്ട​വ​നാ​യി കാണു​ന്നെന്ന്‌ എനിക്കു മനസ്സി​ലാ​യി.”

8. കടുത്ത പരീക്ഷ​ണങ്ങൾ നേരി​ടു​മ്പോൾ നമുക്ക്‌ എന്തു തോന്നി​യേ​ക്കാം?

⁸ നമ്മൾ ജീവി​ക്കു​ന്നത്‌ അവസാ​ന​നാ​ളു​ക​ളി​ലാ​യ​തു​കൊണ്ട്‌ പരീക്ഷ​ണങ്ങൾ ഉണ്ടാകു​മെന്നു നമുക്ക്‌ അറിയാം. (2 തിമൊ. 3:1) എങ്കിലും നമ്മുടെ ജീവി​ത​ത്തിൽ അത്തരം പ്രശ്‌നങ്ങൾ ഉണ്ടാകു​മ്പോൾ നമ്മൾ ഞെട്ടി​പ്പോ​യേ​ക്കാം. കാരണം തീരെ പ്രതീ​ക്ഷി​ക്കാത്ത സമയത്ത്‌, ഒട്ടും ചിന്തി​ക്കാത്ത രീതി​യി​ലാ​യി​രി​ക്കാം അവ വരുന്നത്‌. ഉദാഹ​ര​ണ​ത്തിന്‌, പെട്ടെ​ന്നാ​യി​രി​ക്കാം ഒരുപക്ഷേ പണത്തിന്റെ ബുദ്ധി​മുട്ട്‌ ഉണ്ടാകു​ന്നത്‌, അല്ലെങ്കിൽ വലി​യൊ​രു അസുഖം വരുന്നത്‌, അതുമ​ല്ലെ​ങ്കിൽ പ്രിയ​പ്പെട്ട ആരെങ്കി​ലും മരിക്കു​ന്നത്‌. ഇങ്ങനെ ഒന്നിനു പുറകേ ഒന്നായി പ്രശ്‌നങ്ങൾ ഉണ്ടാകു​മ്പോ​ഴോ അതല്ലെ​ങ്കിൽ പല പ്രശ്‌നങ്ങൾ ഒന്നിച്ച്‌ നേരി​ടു​മ്പോ​ഴോ നമ്മൾ ആകെ തകർന്നു​പോ​യേ​ക്കാം. എന്നാൽ അപ്പോ​ഴും ഒരു കാര്യം നമുക്ക്‌ ഓർക്കാം: നമുക്കു നേരി​ടുന്ന പ്രശ്‌ന​ങ്ങ​ളൊ​ക്കെ യഹോവ കാണു​ന്നുണ്ട്‌. ഏതൊരു പരീക്ഷ​ണ​ത്തെ​യും ധൈര്യ​ത്തോ​ടെ നേരി​ടാൻ യഹോവ നമ്മളെ സഹായി​ക്കും.

9. ഇയ്യോബ്‌ നേരിട്ട ചില പരീക്ഷ​ണങ്ങൾ വിശദീ​ക​രി​ക്കുക.

⁹ വിശ്വ​സ്‌ത​നായ ഇയ്യോ​ബി​ന്റെ ജീവി​ത​ത്തെ​ക്കു​റിച്ച്‌ ഒന്നു ചിന്തി​ക്കുക. ചുരു​ങ്ങിയ സമയത്തി​നു​ള്ളിൽ ഇയ്യോ​ബി​നു പല ദുരന്ത​ങ്ങ​ളു​ടെ​യും വേദന ഒരുമിച്ച്‌ അനുഭ​വി​ക്കേ​ണ്ടി​വന്നു. ഒറ്റദി​വ​സം​തന്നെ ഇയ്യോ​ബി​ന്റെ മൃഗങ്ങ​ളെ​ല്ലാം നഷ്ടപ്പെട്ടു, ദാസന്മാർ കൊല്ല​പ്പെട്ടു. ഇനി, അതി​നെ​ക്കാ​ളെ​ല്ലാം സങ്കടക​ര​മായ കാര്യം, താൻ ഒരുപാ​ടു സ്‌നേ​ഹി​ച്ചി​രുന്ന മക്കളെ​ല്ലാം മരിച്ചെന്ന വാർത്ത​യും അദ്ദേഹ​ത്തി​നു കേൾക്കേ​ണ്ടി​വന്നു. (ഇയ്യോ. 1:13-19) ഈ വിഷമം തീരു​ന്ന​തി​നു മുമ്പേ വളരെ ഗുരു​ത​ര​മായ രോഗ​വും ഇയ്യോ​ബിന്‌ ഉണ്ടായി, വേദനി​പ്പി​ക്കു​ന്ന​തും അറപ്പു തോന്നി​പ്പി​ക്കു​ന്ന​തും ആയ ഒരു രോഗം. (ഇയ്യോ. 2:7) “ഈ ജീവി​ത​ത്തോട്‌ എനിക്കു വെറു​പ്പാണ്‌, എനിക്ക്‌ ഇനി ജീവി​ക്കേണ്ടാ” എന്നാണ്‌ അദ്ദേഹം പറഞ്ഞത്‌. കാരണം അത്രയ്‌ക്കു മോശ​മാ​യി​രു​ന്നു അദ്ദേഹ​ത്തി​ന്റെ സാഹച​ര്യം.—ഇയ്യോ. 7:16.

10. ദുരി​ത​ങ്ങ​ളൊ​ക്കെ നേരി​ട്ട​പ്പോൾ അതു സഹിച്ചു​നിൽക്കാൻ യഹോവ എങ്ങനെ​യാണ്‌ ഇയ്യോ​ബി​നെ സഹായി​ച്ചത്‌? (പുറം​താ​ളി​ലെ ചിത്രം കാണുക.)

¹⁰ യഹോവ ഇയ്യോ​ബി​ന്റെ അവസ്ഥ കാണു​ന്നു​ണ്ടാ​യി​രു​ന്നു. ഇത്ര​യെ​ല്ലാം ദുരി​തങ്ങൾ ഉണ്ടായ​പ്പോ​ഴും വിശ്വ​സ്‌ത​മാ​യി സഹിച്ചു​നിൽക്കാൻ ആവശ്യ​മാ​യ​തെ​ല്ലാം യഹോവ ഇയ്യോ​ബി​നു നൽകി. യഹോവ ഇയ്യോ​ബി​നോ​ടു സംസാ​രി​ച്ചു. തന്റെ വലിയ ജ്ഞാന​ത്തെ​ക്കു​റി​ച്ചും സൃഷ്ടി​കൾക്കു​വേണ്ടി താൻ സ്‌നേ​ഹ​ത്തോ​ടെ ചെയ്യുന്ന കാര്യ​ങ്ങ​ളെ​ക്കു​റി​ച്ചും യഹോവ ഇയ്യോ​ബി​നെ ഓർമി​പ്പി​ച്ചു. (ഇയ്യോ. 38:1, 2; 39:9, 13, 19, 27; 40:15; 41:1, 2) കൂടാതെ എലീഹു എന്ന വിശ്വ​സ്‌ത​നായ ചെറു​പ്പ​ക്കാ​രനെ ഉപയോ​ഗി​ച്ചു​കൊണ്ട്‌ ഇയ്യോ​ബി​നെ ആശ്വസി​പ്പി​ക്കു​ക​യും ബലപ്പെ​ടു​ത്തു​ക​യും ചെയ്‌തു. പ്രയാ​സങ്ങൾ ഉണ്ടെങ്കി​ലും വിശ്വ​സ്‌ത​മാ​യി സഹിച്ചു​നിൽക്കുന്ന ആരാധ​കർക്ക്‌ യഹോവ എപ്പോ​ഴും പ്രതി​ഫലം നൽകു​മെന്ന്‌ എലീഹു ഇയ്യോ​ബിന്‌ ഉറപ്പു നൽകി. എന്നാൽ അതോ​ടൊ​പ്പം​തന്നെ ഇയ്യോ​ബി​നു സ്‌നേ​ഹ​ത്തോ​ടെ ചില ഉപദേ​ശങ്ങൾ നൽകാ​നും യഹോവ അദ്ദേഹത്തെ പ്രേരി​പ്പി​ച്ചു. ഇയ്യോബ്‌ തന്നെക്കു​റിച്ച്‌ മാത്രം ചിന്തി​ക്കു​ന്നതു നിറു​ത്താ​നും മുഴു​പ്ര​പ​ഞ്ച​ത്തി​ന്റെ​യും സ്രഷ്ടാ​വായ യഹോ​വ​യോ​ടുള്ള താരത​മ്യ​ത്തിൽ താൻ എത്ര ചെറി​യ​വ​നാ​ണെന്ന്‌ ഓർക്കാ​നും എലീഹു ഇയ്യോ​ബി​നെ സഹായി​ച്ചു. (ഇയ്യോ. 37:14) ഇനി, യഹോവ ഇയ്യോ​ബിന്‌ ഒരു നിയമ​ന​വും നൽകി. പാപം ചെയ്‌ത ആ മൂന്നു കൂട്ടു​കാർക്കു​വേണ്ടി പ്രാർഥി​ക്കാൻ യഹോവ അദ്ദേഹ​ത്തോട്‌ ആവശ്യ​പ്പെട്ടു. (ഇയ്യോ. 42:8-10) ഇന്നു പ്രയാ​സ​സാ​ഹ​ച​ര്യ​ങ്ങ​ളി​ലൂ​ടെ കടന്നു​പോ​കു​മ്പോൾ യഹോവ നമ്മളെ​യും സഹായി​ക്കു​ന്നുണ്ട്‌. അത്‌ എങ്ങനെ​യാ​ണെന്നു നോക്കാം.

11. പരീക്ഷ​ണങ്ങൾ ഉണ്ടാകു​മ്പോൾ ബൈബിൾ നമുക്ക്‌ എന്ത്‌ ആശ്വാസം തരുന്നു?

¹¹ അന്ന്‌ ഇയ്യോ​ബി​നോ​ടു സംസാ​രിച്ച രീതി​യിൽ യഹോവ ഇന്നു നമ്മളോ​ടു സംസാ​രി​ക്കു​ന്നില്ല. പക്ഷേ യഹോവ നമ്മളോ​ടും സംസാ​രി​ക്കു​ന്നുണ്ട്‌—തന്റെ വചനമായ ബൈബി​ളി​ലൂ​ടെ. (റോമ. 15:4) ഭാവി​യി​ലേക്കു നല്ലൊരു പ്രത്യാശ തന്നു​കൊണ്ട്‌ യഹോവ നമ്മളെ ആശ്വസി​പ്പി​ക്കു​ക​യും ചെയ്യുന്നു. ജീവി​ത​ത്തിൽ ഒരുപാ​ടു കഷ്ടങ്ങൾ ഉണ്ടാകു​മ്പോൾ ആശ്വാസം തരുന്ന ചില ആശയങ്ങൾ നമുക്ക്‌ ഇപ്പോൾ ബൈബി​ളിൽനിന്ന്‌ നോക്കാം. നമ്മൾ ഇന്ന്‌ അനുഭ​വി​ക്കുന്ന കടുത്ത പരീക്ഷ​ണങ്ങൾ ഉൾപ്പെടെ ഒന്നിനും “ദൈവ​സ്‌നേ​ഹ​ത്തിൽനിന്ന്‌ നമ്മളെ വേർപെ​ടു​ത്താൻ കഴിയില്ല” എന്ന്‌ യഹോവ ബൈബി​ളി​ലൂ​ടെ നമുക്ക്‌ ഉറപ്പു തന്നിരി​ക്കു​ന്നു. (റോമ. 8:38, 39) ഇനി, ‘പ്രാർഥ​ന​യിൽ തന്നെ വിളി​ച്ച​പേ​ക്ഷി​ക്കുന്ന എല്ലാവർക്കും താൻ സമീപസ്ഥൻ’ ആണെന്നും യഹോവ ഉറപ്പു തരുന്നുണ്ട്‌. (സങ്കീ. 145:18) നമ്മൾ യഹോ​വ​യിൽ ആശ്രയി​ക്കു​ക​യാ​ണെ​ങ്കിൽ ഏതു പരീക്ഷ​ണ​വും നമുക്കു നേരി​ടാ​നാ​കു​മെ​ന്നും കഷ്ടപ്പാ​ടു​ക​ളൊ​ക്കെ ഉള്ളപ്പോൾപ്പോ​ലും സന്തോ​ഷ​ത്തോ​ടെ​യി​രി​ക്കാൻ സാധി​ക്കു​മെ​ന്നും യഹോവ പറയുന്നു. (1 കൊരി. 10:13; യാക്കോ. 1:2, 12) കൂടാതെ ഭാവി​യിൽ യഹോവ തരാനി​രി​ക്കുന്ന നിത്യ​മായ പ്രതി​ഫ​ല​ത്തോ​ടുള്ള താരത​മ്യ​ത്തിൽ നമ്മൾ ഇന്നു സഹിക്കുന്ന കഷ്ടപ്പാ​ടു​ക​ളെ​ല്ലാം താത്‌കാ​ലി​ക​മാ​ണെ​ന്നും  ദൈവ​വ​ചനം ഓർമി​പ്പി​ക്കു​ന്നു. (2 കൊരി. 4:16-18) അതു മാത്രമല്ല, ഇന്നുള്ള പ്രശ്‌ന​ങ്ങ​ളു​ടെ യഥാർഥ കാരണ​ത്തെ​ത്തന്നെ, അതായത്‌ പിശാ​ചായ സാത്താ​നെ​യും അവന്റെ കൂടെ ചേർന്നി​രി​ക്കുന്ന ദുഷ്ട​രെ​യും, എന്നേക്കു​മാ​യി ഇല്ലാതാ​ക്കു​മെ​ന്നും യഹോവ നമുക്ക്‌ ഉറപ്പു തരുന്നുണ്ട്‌. (സങ്കീ. 37:10) ദുരി​തങ്ങൾ ഉണ്ടാകു​മ്പോൾ സഹിച്ചു​നിൽക്കാൻ നമ്മളെ സഹായി​ക്കുന്ന ചില ബൈബിൾവാ​ക്യ​ങ്ങൾ നിങ്ങൾ കാണാതെ പഠിച്ചി​ട്ടു​ണ്ടോ?

12. ദൈവ​വ​ച​ന​ത്തിൽനിന്ന്‌ പൂർണ​പ്ര​യോ​ജനം കിട്ടു​ന്ന​തി​നു നമ്മൾ എന്തു ചെയ്യാ​നാണ്‌ യഹോവ ആഗ്രഹി​ക്കു​ന്നത്‌?

¹² പതിവാ​യി ബൈബിൾ പഠിക്കാ​നും അതു​പോ​ലെ പഠിക്കുന്ന കാര്യ​ങ്ങ​ളെ​ക്കു​റിച്ച്‌ ആഴത്തിൽ ചിന്തി​ക്കാ​നും നമ്മൾ പ്രത്യേ​ക​സ​മയം മാറ്റി​വെ​ക്കാൻ യഹോവ ആഗ്രഹി​ക്കു​ന്നുണ്ട്‌. പഠിച്ച കാര്യ​ങ്ങൾക്ക​നു​സ​രിച്ച്‌ നമ്മൾ പ്രവർത്തി​ക്കു​മ്പോൾ നമ്മുടെ വിശ്വാ​സം ശക്തമാ​കും, യഹോ​വ​യോ​ടു കൂടുതൽ അടുക്കാ​നും നമുക്കു കഴിയും. അങ്ങനെ​യാ​കു​മ്പോൾ പരീക്ഷ​ണ​ങ്ങ​ളൊ​ക്കെ ഉണ്ടാകുന്ന സമയത്ത്‌ പിടി​ച്ചു​നിൽക്കാൻ വേണ്ട കരുത്തു നമുക്കു കിട്ടും. ദൈവ​വ​ചനം പഠിക്കു​ക​യും അത്‌ അനുസ​രി​ക്കു​ക​യും ചെയ്യു​ന്ന​വർക്ക്‌ യഹോവ തന്റെ പരിശു​ദ്ധാ​ത്മാ​വി​നെ​യും നൽകും. സഹിച്ചു​നിൽക്കാൻ ആവശ്യ​മായ “അസാധാ​ര​ണ​ശക്തി” നൽകാൻ പരിശു​ദ്ധാ​ത്മാ​വി​നാ​കും.—2 കൊരി. 4:7-10.

13. “വിശ്വ​സ്‌ത​നും വിവേ​കി​യും ആയ അടിമ” തരുന്ന ആത്മീയാ​ഹാ​രം പരീക്ഷ​ണങ്ങൾ ഉണ്ടാകു​മ്പോൾ സഹിച്ചു​നിൽക്കാൻ നമ്മളെ സഹായി​ക്കു​ന്നത്‌ എങ്ങനെ?

¹³ യഹോ​വ​യു​ടെ സഹായ​ത്താൽ “വിശ്വ​സ്‌ത​നും വിവേ​കി​യും ആയ അടിമ” ഒരുപാ​ടു ലേഖന​ങ്ങ​ളും വീഡി​യോ​ക​ളും പാട്ടു​ക​ളും ഒക്കെ പുറത്തി​റ​ക്കു​ന്നുണ്ട്‌. (മത്താ. 24:45) വിശ്വാ​സത്തെ ബലപ്പെ​ടു​ത്താ​നും യഹോ​വ​യു​മാ​യുള്ള നമ്മുടെ ബന്ധം ശക്തമാക്കി നിറു​ത്താ​നും സഹായി​ക്കു​ന്ന​വ​യാണ്‌ അവ. എന്നാൽ യഹോവ കൃത്യ​സ​മ​യത്ത്‌ തന്നു​കൊ​ണ്ടി​രി​ക്കുന്ന ഇത്തരം കാര്യങ്ങൾ നമ്മൾ ഏറ്റവും നന്നായി പ്രയോ​ജ​ന​പ്പെ​ടു​ത്തേ​ണ്ട​തുണ്ട്‌. അടുത്ത​യി​ടെ ഐക്യ​നാ​ടു​ക​ളിൽനി​ന്നുള്ള ഒരു സഹോ​ദരി ഇങ്ങനെ കിട്ടുന്ന ആത്മീയാ​ഹാ​രം താൻ എത്രമാ​ത്രം വിലമ​തി​ക്കു​ന്നെന്നു പറയു​ക​യു​ണ്ടാ​യി. സഹോ​ദരി പറയുന്നു: “ഞാൻ യഹോ​വയെ സേവി​ക്കാൻ തുടങ്ങി​യിട്ട്‌ 40 വർഷമാ​യി. ഇതിനി​ട​യിൽ യഹോ​വ​യോ​ടുള്ള എന്റെ വിശ്വ​സ്‌തത പല തവണ പരീക്ഷി​ക്ക​പ്പെ​ട്ടി​ട്ടുണ്ട്‌.” മദ്യപിച്ച്‌ കാറോ​ടിച്ച ഒരാൾ ഉണ്ടാക്കിയ അപകട​ത്തിൽ സഹോ​ദ​രി​യു​ടെ മുത്തച്ഛൻ കൊല്ല​പ്പെട്ടു. ഇനി, സഹോ​ദ​രി​യു​ടെ മാതാ​പി​താ​ക്കൾ അസുഖം വന്ന്‌ മരിച്ചു. സഹോ​ദ​രി​ക്കു​തന്നെ രണ്ടു തവണ ക്യാൻസർ പിടി​പെട്ടു. ഇതു​പോ​ലുള്ള പ്രയാ​സ​ങ്ങ​ളി​ലൂ​ടെ​യൊ​ക്കെ കടന്നു​പോ​യ​പ്പോൾ സഹിച്ചു​നിൽക്കാൻ സഹോ​ദ​രി​യെ സഹായി​ച്ചത്‌ എന്താണ്‌? സഹോ​ദരി പറയുന്നു: “യഹോവ എന്നെ എപ്പോ​ഴും സ്‌നേ​ഹ​ത്തോ​ടെ പരിപാ​ലി​ച്ചു. വിശ്വ​സ്‌ത​നും വിവേ​കി​യും ആയ അടിമ​യി​ലൂ​ടെ യഹോവ നൽകിയ ആത്മീയാ​ഹാ​രം എനിക്കു പിടി​ച്ചു​നിൽക്കാ​നു​ളള ശക്തി തന്നു. അതു​കൊണ്ട്‌ ഇയ്യോ​ബി​നെ​പ്പോ​ലെ എനിക്കും പറയാ​നാ​കും: ‘മരണം​വരെ ദൈവ​ത്തോ​ടുള്ള വിശ്വ​സ്‌തത ഞാൻ ഉപേക്ഷി​ക്കില്ല!’”—ഇയ്യോ. 27:5.

14. നമുക്കു ബുദ്ധി​മു​ട്ടു​ക​ളൊ​ക്കെ നേരി​ടു​മ്പോൾ സഹവി​ശ്വാ​സി​കളെ ഉപയോ​ഗിച്ച്‌ യഹോവ എങ്ങനെ​യാ​ണു നമ്മളെ സഹായി​ക്കു​ന്നത്‌? (1 തെസ്സ​ലോ​നി​ക്യർ 4:9)

¹⁴ പ്രയാ​സ​സാ​ഹ​ച​ര്യ​ങ്ങ​ളി​ലൂ​ടെ കടന്നു​പോ​കു​മ്പോൾ പരസ്‌പരം സ്‌നേ​ഹി​ക്കാ​നും ആശ്വസി​പ്പി​ക്കാ​നും യഹോവ തന്റെ ജനത്തെ പരിശീ​ലി​പ്പി​ക്കു​ന്നുണ്ട്‌. (2 കൊരി. 1:3, 4; 1 തെസ്സ​ലോ​നി​ക്യർ 4:9 വായി​ക്കുക.) എലീഹു ഇയ്യോ​ബി​നെ സഹായി​ച്ച​തു​പോ​ലെ, ദുരി​തങ്ങൾ ഉണ്ടാകു​മ്പോൾ വിശ്വ​സ്‌ത​രാ​യി തുടരാൻ നമ്മുടെ സഹോ​ദ​രങ്ങൾ നമ്മളെ സഹായി​ക്കു​ന്നു. (പ്രവൃ. 14:22) ഡൈൻ എന്ന സഹോ​ദ​രി​യു​ടെ  അനുഭവം അതാണു തെളി​യി​ക്കു​ന്നത്‌. സഹോ​ദ​രി​യു​ടെ ഭർത്താ​വി​നു ഗുരു​ത​ര​മായ രോഗം വന്നു. ആ സമയത്ത്‌ ആത്മീയ​മാ​യി പുറ​കോ​ട്ടു പോകാ​തി​രി​ക്കാൻ സഹോ​ദ​രി​യെ സഹായി​ച്ചതു സഭയിലെ സഹോ​ദ​ര​ങ്ങ​ളാണ്‌. സഹോ​ദരി പറയുന്നു: “പിടി​ച്ചു​നിൽക്കാൻ ഒട്ടും എളുപ്പ​മാ​യി​രു​ന്നില്ല. എന്നാൽ യഹോവ സ്‌നേ​ഹ​ത്തോ​ടെ ഞങ്ങളെ ചേർത്തു​പി​ടി​ക്കു​ന്നതു ഞങ്ങൾ ശരിക്കും അനുഭ​വി​ച്ച​റി​ഞ്ഞു. ആ മാസങ്ങ​ളി​ലെ​ല്ലാം സഹോ​ദ​രങ്ങൾ ഞങ്ങൾക്കു​വേണ്ടി പലതും ചെയ്‌തു. അവർ ഫോൺ വിളി​ക്കു​ക​യും വന്നു കാണു​ക​യും കെട്ടി​പ്പി​ടി​ക്കു​ക​യും ഒക്കെ ചെയ്‌തത്‌ ശരിക്കും ഞങ്ങൾക്കു വലിയ ആശ്വാ​സ​മാ​യി​രു​ന്നു. ഇനി, എനിക്കാ​ണെ​ങ്കിൽ വണ്ടി ഓടി​ക്കാൻ അറിയില്ല. അതു​കൊണ്ട്‌ സഹോ​ദ​രങ്ങൾ മീറ്റി​ങ്ങി​നും വയൽസേ​വ​ന​ത്തി​നും എന്നെ കൂട്ടി​ക്കൊ​ണ്ടു​പോ​കു​മാ​യി​രു​ന്നു.” ഇത്രയും സ്‌നേ​ഹ​മുള്ള ഒരു ആത്മീയ​കു​ടും​ബ​ത്തി​ന്റെ ഭാഗമാ​യി​രി​ക്കു​ന്നത്‌ എത്ര വലിയ അനു​ഗ്ര​ഹ​മാണ്‌!

15. പ്രയാ​സങ്ങൾ ഉണ്ടായാ​ലും പിടി​ച്ചു​നിൽക്കാ​നാ​കു​മെന്നു നമുക്ക്‌ ഉറപ്പു​ള്ളത്‌ എന്തു​കൊണ്ട്‌?

¹⁵ നമു​ക്കെ​ല്ലാം പല തരത്തി​ലുള്ള പരീക്ഷ​ണങ്ങൾ നേരി​ടു​ന്നുണ്ട്‌. എന്നാൽ നമ്മൾ കണ്ടുക​ഴി​ഞ്ഞ​തു​പോ​ലെ ഇത്തരം സമയങ്ങ​ളിൽ നമ്മൾ ഒരിക്ക​ലും ഒറ്റയ്‌ക്കല്ല. കാരണം യഹോവ എപ്പോ​ഴും നമ്മുടെ കൂടെ​യുണ്ട്‌. സ്‌നേ​ഹ​മുള്ള ഒരു അപ്പൻ തന്റെ കുഞ്ഞിനെ നോക്കു​ന്ന​തു​പോ​ലെ യഹോവ നമ്മുടെ എല്ലാ കാര്യ​ങ്ങ​ളും ശ്രദ്ധി​ക്കു​ന്നു. സഹായ​ത്തി​നാ​യി നമ്മൾ നിലവി​ളി​ക്കുന്ന ഓരോ സമയത്തും അതു കേൾക്കാ​നും സഹിച്ചു​നിൽക്കാൻ വേണ്ട​തെ​ല്ലാം ചെയ്‌തു​ത​രാ​നും യഹോവ തയ്യാറാണ്‌. (യശ. 43:2) അതിനു​വേണ്ടി യഹോവ നമുക്ക്‌ പ്രാർഥന, ബൈബിൾ, സമൃദ്ധ​മായ ആത്മീയാ​ഹാ​രം, സ്‌നേ​ഹ​മുള്ള സഹോ​ദ​രീ​സ​ഹോ​ദ​ര​ന്മാർ എന്നിങ്ങ​നെ​യുള്ള പല സഹായ​ങ്ങ​ളും തന്നിട്ടുണ്ട്‌. അതു​കൊ​ണ്ടു​തന്നെ എന്തെല്ലാം പ്രയാ​സങ്ങൾ ഉണ്ടായാ​ലും പിടി​ച്ചു​നിൽക്കാ​നാ​കു​മെന്നു നമുക്ക്‌ ഉറപ്പാണ്‌.

16. യഹോ​വ​യു​ടെ സ്‌നേ​ഹ​ത്തോ​ടെ​യുള്ള പരിപാ​ലനം തുടർന്നും കിട്ടാൻ നമ്മൾ എന്തു ചെയ്യണം?

¹⁶ നമ്മളെ എപ്പോ​ഴും ശ്രദ്ധി​ക്കു​ക​യും സഹായി​ക്കാൻ തയ്യാറാ​യി​രി​ക്കു​ക​യും ചെയ്യുന്ന സ്‌നേ​ഹ​മുള്ള ഒരു അപ്പൻ ഉണ്ടായി​രി​ക്കു​ന്ന​തിൽ നമ്മൾ എത്ര നന്ദിയു​ള്ള​വ​രാണ്‌! നമ്മുടെ “ഹൃദയം ദൈവ​ത്തിൽ സന്തോ​ഷി​ക്കു​ന്നു.” (സങ്കീ. 33:21) നമ്മളെ സഹായി​ക്കു​ന്ന​തി​നു​വേണ്ടി യഹോവ ചെയ്‌തി​രി​ക്കുന്ന എല്ലാ കരുത​ലു​ക​ളും നന്നായി ഉപയോ​ഗി​ച്ചു​കൊണ്ട്‌ നമുക്കു നമ്മുടെ നന്ദി കാണി​ക്കാം. ഇനി, യഹോ​വ​യു​ടെ സ്‌നേ​ഹ​ത്തോ​ടെ​യുള്ള പരിപാ​ലനം തുടർന്നും കിട്ടാൻ നമ്മളാ​ലാ​കു​ന്ന​തെ​ല്ലാം ചെയ്യു​ക​യും വേണം. അതായത്‌ യഹോ​വയെ അനുസ​രി​ക്കാ​നും യഹോവ ശരി​യെന്നു പറയുന്ന കാര്യങ്ങൾ ചെയ്യാ​നും നമ്മൾ എപ്പോ​ഴും ശ്രമി​ക്കണം. അങ്ങനെ ചെയ്‌താൽ യഹോവ തുടർന്നും നമ്മുടെ കാര്യ​ത്തിൽ ശ്രദ്ധി​ക്കു​ക​യും നമ്മളെ സഹായി​ക്കു​ക​യും ചെയ്യു​മെന്ന്‌ ഉറപ്പാണ്‌.—1 പത്രോ. 3:12.