1. യോ​സേ​ഫിന്‌ എന്തു പരീക്ഷ​ണ​മാ​ണു നേരി​ട്ടത്‌, അദ്ദേഹം അപ്പോൾ എന്തു ചെയ്‌തു?

 യാക്കോ​ബി​ന്റെ മകനായ യോ​സേഫ്‌, പോത്തി​ഫ​റി​ന്റെ വീട്ടിൽ അടിമ​യാ​യി​രുന്ന സമയം. ഒരിക്കൽ യജമാനൻ വീട്ടിൽ ഇല്ലാതി​രു​ന്ന​പ്പോൾ അദ്ദേഹ​ത്തി​ന്റെ ഭാര്യ, “എന്നോ​ടു​കൂ​ടെ കിടക്കുക” എന്നു യോ​സേ​ഫി​നോ​ടു പറഞ്ഞു. പക്ഷേ യോ​സേഫ്‌ അതിനു തയ്യാറാ​യില്ല. ’അവൻ അതിനു വഴങ്ങി​യാ​ലും ആരും കുറ്റ​പ്പെ​ടു​ത്തി​ല്ലാ​യി​രു​ന്ന​ല്ലോ’ എന്നു ചില​രെ​ങ്കി​ലും ചിന്തി​ച്ചേ​ക്കാം. കാരണം യജമാനൻ അവിടെ ഇല്ല. മാത്രമല്ല യോ​സേഫ്‌ ആ വീട്ടിൽ അടിമ​യാണ്‌; യജമാ​ന​ത്തി​യു​ടെ ഇഷ്ടത്തി​ന​നു​സ​രിച്ച്‌ പ്രവർത്തി​ച്ചി​ല്ലെ​ങ്കിൽ ജീവിതം കഷ്ടമാ​കു​മെന്ന്‌ ഉറപ്പാ​യി​രു​ന്നു. പക്ഷേ യജമാ​നത്തി എത്ര നിർബ​ന്ധി​ച്ചി​ട്ടും യോ​സേഫ്‌ തന്റെ നിലപാ​ടിൽ ഉറച്ചു​നി​ന്നു. അദ്ദേഹം പറഞ്ഞു: “ഇത്ര വലി​യൊ​രു തെറ്റു ചെയ്‌ത്‌ ഞാൻ ദൈവ​ത്തോ​ടു പാപം ചെയ്യു​ന്നത്‌ എങ്ങനെ?”—ഉൽപ. 39:7-12.

2. വ്യഭി​ചാ​രം ദൈവ​ത്തിന്‌ എതി​രെ​യുള്ള ഒരു പാപമാ​ണെന്നു യോ​സേഫ്‌ എങ്ങനെ​യാ​ണു തിരി​ച്ച​റി​ഞ്ഞത്‌?

² “വ്യഭി​ചാ​രം ചെയ്യരുത്‌” എന്നൊരു നിയമം ദൈവം ഇസ്രാ​യേൽജ​ന​ത്തി​നു നൽകി​യതു യോ​സേഫ്‌ ജീവി​ച്ചി​രു​ന്ന​തിന്‌ ഏതാണ്ട്‌ 200 വർഷത്തി​നു ശേഷമാണ്‌. (പുറ. 20:14) അപ്പോൾപ്പി​ന്നെ വ്യഭി​ചാ​രം ദൈവ​ത്തി​ന്റെ നോട്ട​ത്തിൽ ‘ഇത്ര വലി​യൊ​രു പാപമാ​ണെന്നു’ അദ്ദേഹം എങ്ങനെ​യാ​ണു തിരി​ച്ച​റി​ഞ്ഞത്‌? വ്യഭി​ചാ​രം സംബന്ധിച്ച്‌ ഒരു നിയമം ഇല്ലായി​രു​ന്നെ​ങ്കി​ലും അദ്ദേഹ​ത്തിന്‌ യഹോ​വ​യു​ടെ ചിന്തകൾ നന്നായി അറിയാ​മാ​യി​രു​ന്നു. ഉദാഹ​ര​ണ​ത്തിന്‌ വിവാ​ഹ​ത്തി​ന്റെ കാര്യ​ത്തിൽ, ഒരു പുരു​ഷന്‌ ഒരു സ്‌ത്രീ എന്നതാണ്‌ യഹോവ ഉദ്ദേശി​ച്ച​തെന്നു യോ​സേഫ്‌ മനസ്സി​ലാ​ക്കി​യി​രു​ന്നു. കൂടാതെ, തന്റെ മുതു​മു​ത്ത​ശ്ശി​യായ സാറയ്‌ക്കു സംഭവി​ച്ച​തി​നെ​ക്കു​റി​ച്ചും അദ്ദേഹം കേട്ടി​ട്ടു​ണ്ടാ​യി​രി​ക്കണം. രണ്ടു സന്ദർഭ​ങ്ങ​ളിൽ മറ്റു പുരു​ഷ​ന്മാ​രിൽനിന്ന്‌ യഹോവ സാറയെ സംരക്ഷി​ച്ചു. പിന്നീട്‌ ഒരിക്കൽ യോ​സേ​ഫി​ന്റെ മുത്തശ്ശി​യായ റിബേ​ക്ക​യു​ടെ കാര്യ​ത്തി​ലും ദൈവം ഇതു​പോ​ലെ ഇടപെട്ടു. (ഉൽപ. 2:24; 12:14-20; 20:2-7; 26:6-11) ഇതെക്കു​റി​ച്ചെ​ല്ലാം ചിന്തി​ച്ച​പ്പോൾ വ്യഭി​ചാ​രം യഹോ​വ​യു​ടെ നോട്ട​ത്തിൽ ഒരു പാപമാ​ണെന്നു യോ​സേഫ്‌ തിരി​ച്ച​റി​ഞ്ഞു. അദ്ദേഹം യഹോ​വ​യെ​യും നീതി​യെ​ക്കു​റി​ച്ചുള്ള യഹോ​വ​യു​ടെ നിലവാ​ര​ങ്ങ​ളെ​യും ഒരുപാ​ടു സ്‌നേ​ഹി​ച്ചി​രു​ന്നു. ആ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാൻ ഉറച്ച തീരു​മാ​ന​മെ​ടു​ക്കു​ക​യും ചെയ്‌തി​രു​ന്നു.

3. ഈ ലേഖന​ത്തിൽ നമ്മൾ എന്താണു ചർച്ച ചെയ്യു​ന്നത്‌?

³ നിങ്ങൾ നീതിയെ സ്‌നേ​ഹി​ക്കു​ന്നു​ണ്ടോ? തീർച്ച​യാ​യു​മുണ്ട്‌. എന്നാൽ നമ്മളെ​ല്ലാം പാപി​ക​ളാ​യ​തു​കൊണ്ട്‌ ശ്രദ്ധി​ച്ചി​ല്ലെ​ങ്കിൽ നീതി​യെ​ക്കു​റിച്ച്‌ ലോകം വെച്ചി​രി​ക്കുന്ന നിലവാ​രങ്ങൾ നമ്മളെ​യും സ്വാധീ​നി​ച്ചേ​ക്കാം.  (യശ. 5:20; റോമ. 12:2) അതു​കൊണ്ട്‌ ഈ ലേഖന​ത്തിൽ, എന്താണു നീതി, നമ്മൾ നീതിയെ സ്‌നേ​ഹി​ക്കു​ന്ന​തു​കൊ​ണ്ടുള്ള പ്രയോ​ജ​നങ്ങൾ എന്തൊ​ക്കെ​യാണ്‌ എന്നെല്ലാം ചർച്ച ചെയ്യും. തുടർന്ന്‌ യഹോ​വ​യു​ടെ നിലവാ​ര​ങ്ങ​ളോ​ടുള്ള നമ്മുടെ സ്‌നേഹം ശക്തമാ​ക്കാൻ സഹായി​ക്കുന്ന മൂന്നു കാര്യ​ത്തെ​ക്കു​റി​ച്ചും നമ്മൾ കാണും.

4. നീതി​മാ​നാ​യി​രി​ക്കുക എന്നു പറഞ്ഞാൽ എന്തല്ല?

⁴ യേശു​വി​ന്റെ കാലത്തെ മതനേ​താ​ക്ക​ന്മാർ തങ്ങൾ നീതി​മാ​ന്മാ​രാ​ണെന്നു ചിന്തി​ച്ചി​രു​ന്നു. എന്നാൽ യേശു അവരെ കുറ്റം വിധി​ക്കു​ക​യാ​ണു ചെയ്‌തത്‌. കാരണം അവർ ശരിയും തെറ്റും സംബന്ധിച്ച്‌ സ്വന്തം നിലവാ​രങ്ങൾ വെക്കു​ക​യും അതിന്റെ അടിസ്ഥാ​ന​ത്തിൽ മറ്റാളു​കളെ വിമർശി​ക്കു​ക​യും ചെയ്‌തി​രു​ന്നു. (സഭാ. 7:16; ലൂക്കോ. 16:15) ഇന്നും ചിലർ അതു​പോ​ലെ​യാണ്‌. തങ്ങൾ നീതി​മാ​ന്മാ​രാ​ണെന്ന്‌ അവർ വിചാ​രി​ക്കു​ന്നു. പക്ഷേ അവർ സ്വന്തം നിലവാ​ര​ങ്ങ​ളു​ടെ അടിസ്ഥാ​ന​ത്തി​ലാ​ണു തങ്ങളെ​ത്തന്നെ അളക്കു​ന്നത്‌. പലപ്പോ​ഴും ഇങ്ങനെ​യു​ള്ളവർ സ്വന്തം നേട്ടങ്ങ​ളിൽ അഹങ്കരി​ക്കു​ന്ന​വ​രും മറ്റുള്ള​വരെ കുറ്റം വിധി​ക്കു​ന്ന​വ​രും തങ്ങൾ മറ്റെല്ലാ​വ​രെ​ക്കാ​ളും മികച്ച​വ​രാ​ണെന്നു ചിന്തി​ക്കു​ന്ന​വ​രും ആണ്‌. ഇങ്ങനെ​യുള്ള ആളുകളെ യഹോ​വ​യ്‌ക്ക്‌ ഇഷ്ടമല്ല. അങ്ങനെ​യെ​ങ്കിൽ എന്താണു ശരിക്കുള്ള നീതി?

5. ബൈബി​ള​നു​സ​രിച്ച്‌ എന്താണു നീതി? ചില ഉദാഹ​ര​ണങ്ങൾ പറയുക.

⁵ ലളിത​മാ​യി പറഞ്ഞാൽ ദൈവ​മായ യഹോ​വ​യു​ടെ നോട്ട​ത്തിൽ ശരിയായ കാര്യങ്ങൾ ചെയ്യു​ന്ന​താ​ണു നീതി. ബൈബി​ളിൽ ‘നീതിയെ’ സൂചി​പ്പി​ക്കുന്ന പദങ്ങൾ യഹോ​വ​യു​ടെ ഉയർന്ന നിലവാ​ര​ങ്ങൾക്ക​നു​സ​രിച്ച്‌ ജീവി​ക്കു​ന്ന​തി​നെ കുറി​ക്കാ​നാണ്‌ ഉപയോ​ഗി​ച്ചി​രി​ക്കു​ന്നത്‌. ഉദാഹ​ര​ണ​ത്തിന്‌, കച്ചവട​ക്കാർ ‘നേരും കൃത്യ​ത​യും ഉള്ള തൂക്കങ്ങൾ’ ഉപയോ​ഗി​ക്ക​ണ​മെന്ന്‌ യഹോവ ആവശ്യ​പ്പെ​ട്ടി​രു​ന്നു. (ആവ. 25:15) ഇവിടെ ‘നേര്‌’ എന്നു പരിഭാഷ ചെയ്‌തി​രി​ക്കുന്ന എബ്രാ​യ​പ​ദത്തെ ‘നീതി’ എന്നും പരിഭാഷ ചെയ്യാ​നാ​കും. അതു​കൊണ്ട്‌ ദൈവ​ത്തി​ന്റെ നോട്ട​ത്തിൽ നീതി​മാ​നാ​യി​രി​ക്കാൻ ആഗ്രഹി​ക്കുന്ന ഒരു വ്യക്തി തന്റെ എല്ലാ ബിസി​നെസ്സ്‌ ഇടപാ​ടു​ക​ളി​ലും പൂർണ​മാ​യി സത്യസ​ന്ധ​നാ​യി​രി​ക്കണം. ഇനി, നീതി​മാ​നായ ഒരാൾ ന്യായത്തെ ഇഷ്ടപ്പെ​ടുന്ന ആളായി​രി​ക്കും. ആർക്കെ​ങ്കി​ലും അന്യായം നേരി​ട്ടാൽ അദ്ദേഹ​ത്തിന്‌ അതു സഹിക്കില്ല. താൻ എടുക്കുന്ന തീരു​മാ​ന​ങ്ങ​ളെ​ക്കു​റിച്ച്‌ യഹോ​വ​യ്‌ക്ക്‌ എന്താണു തോന്നു​ന്ന​തെന്ന്‌ അദ്ദേഹം ചിന്തി​ക്കും. കാരണം ‘ദൈവത്തെ പൂർണ​മാ​യി പ്രസാ​ദി​പ്പി​ക്കാ​നാണ്‌’ അദ്ദേഹം ആഗ്രഹി​ക്കു​ന്നത്‌.—കൊലോ. 1:10.

6. നീതി​യെ​ക്കു​റി​ച്ചുള്ള യഹോ​വ​യു​ടെ നിലവാ​ര​ങ്ങ​ളാ​ണു ശരി​യെന്നു നമുക്ക്‌ ഉറപ്പോ​ടെ പറയാ​വു​ന്നത്‌ എന്തു​കൊണ്ട്‌? (യശയ്യ 55:8, 9)

⁶ യഹോവ നീതി​യു​ടെ ഉറവാ​ണെന്നു ബൈബിൾ പറയുന്നു. അതു​കൊ​ണ്ടാണ്‌ യഹോ​വയെ ‘നീതി​യു​ടെ വാസസ്ഥലം’ എന്നു വിളി​ച്ചി​രി​ക്കു​ന്നത്‌. (യിരെ. 50:7) സ്രഷ്ടാ​വാ​യ​തു​കൊണ്ട്‌ ശരിയും തെറ്റും സംബന്ധിച്ച്‌ നിലവാ​രങ്ങൾ വെക്കാ​നുള്ള അവകാശം യഹോ​വ​യ്‌ക്കു മാത്ര​മേ​യു​ള്ളൂ. ഇനി, യഹോവ പൂർണ​നാണ്‌. അതു​കൊണ്ട്‌ ശരി എന്ത്‌, തെറ്റ്‌ എന്ത്‌ എന്നു കൃത്യ​മാ​യി പറയാൻ കഴിയു​ന്ന​തും യഹോ​വ​യ്‌ക്കു മാത്ര​മാണ്‌. പാപി​ക​ളായ നമ്മുടെ നിലവാ​ര​ങ്ങ​ളെ​ക്കാ​ളും വളരെ ഉയർന്ന​താ​ണു നീതി സംബന്ധിച്ച യഹോ​വ​യു​ടെ നിലവാ​രങ്ങൾ. (സുഭാ. 14:12; യശയ്യ 55:8, 9 വായി​ക്കുക.) എന്നാൽ ഒന്നോർക്കുക: നമ്മളെ സൃഷ്ടി​ച്ചി​രി​ക്കു​ന്നതു ദൈവ​ത്തി​ന്റെ സ്വന്തം ഛായയി​ലാണ്‌. (ഉൽപ. 1:27) അതു​കൊണ്ട്‌ നീതി​യെ​ക്കു​റി​ച്ചുള്ള യഹോ​വ​യു​ടെ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാൻ നമുക്കാ​കും. കഴിവി​ന്റെ പരമാ​വധി യഹോ​വയെ അനുക​രി​ക്കാൻ നമ്മൾ ആഗ്രഹി​ക്കു​ക​യും ചെയ്യുന്നു. ദൈവ​ത്തോ​ടുള്ള സ്‌നേ​ഹ​മാ​ണു നമ്മളെ അതിനു പ്രേരി​പ്പി​ക്കു​ന്നത്‌.—എഫെ. 5:1.

7. ശരിയായ നിലവാ​രങ്ങൾ ഉണ്ടായി​രി​ക്കേ​ണ്ടത്‌ എന്തു​കൊ​ണ്ടാണ്‌? ഒരു ദൃഷ്ടാ​ന്ത​ത്തി​ലൂ​ടെ വിശദീ​ക​രി​ക്കുക.

⁷ ശരിയും തെറ്റും സംബന്ധിച്ച യഹോ​വ​യു​ടെ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കു​ന്നതു നമുക്കു ഗുണം ചെയ്യും. എന്തു​കൊ​ണ്ടാണ്‌ അങ്ങനെ പറയു​ന്നത്‌? ഇതെക്കു​റിച്ച്‌ ഒന്നു ചിന്തി​ക്കുക: ഓരോ പട്ടണത്തി​ലും ട്രാഫിക്‌ സിഗ്നലി​നു വ്യത്യസ്‌ത നിറങ്ങ​ളാണ്‌ ഉപയോ​ഗി​ക്കു​ന്ന​തെ​ങ്കിൽ എന്തായി​രി​ക്കും സംഭവി​ക്കുക? അപകടം ഉറപ്പാണ്‌. ഇനി, ഡോക്ടർമാർ ഒരു രോഗി​യെ ചികി​ത്സി​ക്കു​മ്പോൾ വൈദ്യ​ശാ​സ്‌ത്രം വെച്ചി​രി​ക്കുന്ന കൃത്യ​മായ നിലവാ​ര​ങ്ങ​ള​നു​സ​രിച്ച്‌ പ്രവർത്തി​ക്കു​ന്നി​ല്ലെ​ങ്കി​ലോ? ചില​പ്പോൾ ആ രോഗി മരിക്കു​ക​പോ​ലും ചെയ്‌തേ​ക്കാം. അതു​കൊണ്ട്‌ കൃത്യ​മായ നിലവാ​രങ്ങൾ ഉണ്ടായി​രി​ക്കു​ന്ന​തും അവ അനുസ​രി​ക്കു​ന്ന​തും നമുക്ക്‌ ഒരു സംരക്ഷ​ണ​മാണ്‌. അതു​പോ​ലെ ശരിയും തെറ്റും സംബന്ധിച്ച ദൈവ​ത്തി​ന്റെ നിലവാ​രങ്ങൾ നമുക്ക്‌ എപ്പോ​ഴും ഒരു സംരക്ഷ​ണ​മാണ്‌.

8. നീതിയെ സ്‌നേ​ഹി​ക്കു​ന്ന​വർക്ക്‌ എന്തെല്ലാം അനു​ഗ്ര​ഹങ്ങൾ കിട്ടും?

⁸ തന്റെ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാൻ ശ്രമി​ക്കു​ന്ന​വരെ യഹോവ അനു​ഗ്ര​ഹി​ക്കും. അതെക്കു​റിച്ച്‌ ദൈവം തരുന്ന വാഗ്‌ദാ​നം ശ്രദ്ധി​ക്കുക: “നീതി​മാ​ന്മാർ ഭൂമി കൈവ​ശ​മാ​ക്കും; അവർ അവിടെ എന്നു​മെ​ന്നേ​ക്കും ജീവി​ക്കും.” (സങ്കീ. 37:29) എല്ലാവ​രും യഹോ​വ​യു​ടെ നിലവാ​ര​ങ്ങൾക്ക​നു​സ​രിച്ച്‌  ജീവി​ക്കു​ക​യാ​ണെ​ങ്കിൽ ഭൂമി​യി​ലെ അവസ്ഥ എങ്ങനെ​യാ​യി​രി​ക്കു​മെന്ന്‌ ഒന്ന്‌ ആലോ​ചി​ച്ചു​നോ​ക്കൂ. ജനങ്ങൾക്കി​ട​യിൽ ഐക്യ​വും സമാധാ​ന​വും ഉണ്ടായി​രി​ക്കും. എല്ലാവ​രും വളരെ സന്തോ​ഷ​ത്തി​ലാ​യി​രി​ക്കും. നമുക്ക്‌ അങ്ങനെ​യൊ​രു ജീവിതം ഉണ്ടായി​രി​ക്കാ​നാണ്‌ യഹോവ ആഗ്രഹി​ക്കു​ന്നത്‌. നീതിയെ സ്‌നേ​ഹി​ക്കാ​നുള്ള എത്ര നല്ല കാരണ​ങ്ങ​ളാണ്‌ അവ! എന്നാൽ നീതി​യോ​ടുള്ള സ്‌നേഹം നമുക്ക്‌ എങ്ങനെ ശക്തമാ​ക്കാ​നാ​കും? നമുക്കു ചെയ്യാ​നാ​കുന്ന മൂന്നു കാര്യ​ങ്ങ​ളെ​ക്കു​റിച്ച്‌ ഇനി നോക്കാം.

9. നീതിയെ സ്‌നേ​ഹി​ക്കാൻ നമ്മളെ എന്തു സഹായി​ക്കും?

⁹ ഒന്നാമത്തെ കാര്യം: യഹോ​വയെ സ്‌നേ​ഹി​ക്കുക. ശരിയും തെറ്റും സംബന്ധിച്ച നിലവാ​രങ്ങൾ വെച്ചി​രി​ക്കു​ന്നത്‌ യഹോ​വ​യാണ്‌. നമ്മൾ യഹോ​വയെ കൂടുതൽ സ്‌നേ​ഹി​ക്കു​മ്പോൾ യഹോ​വ​യു​ടെ നിലവാ​ര​ങ്ങൾക്കു ചേർച്ച​യിൽ ജീവി​ക്കാ​നുള്ള നമ്മുടെ ആഗ്രഹം ശക്തമാ​കും. അപ്പോൾ നമ്മൾ നീതിയെ സ്‌നേ​ഹി​ക്കാൻതു​ട​ങ്ങും. ആദാമും ഹവ്വയും പരാജ​യ​പ്പെ​ട്ടത്‌ അവി​ടെ​യാണ്‌. അവർ യഹോ​വയെ ശരിക്കും സ്‌നേ​ഹി​ച്ചി​രു​ന്നെ​ങ്കിൽ ഒരിക്ക​ലും ദൈവ​ത്തി​ന്റെ നിയമം ലംഘി​ക്കി​ല്ലാ​യി​രു​ന്നു.—ഉൽപ. 3:1-6, 16-19.

10. യഹോ​വയെ നന്നായി മനസ്സി​ലാ​ക്കാൻ അബ്രാ​ഹാം എന്തു ചെയ്‌തു?

¹⁰ ആദാമും ഹവ്വയും ചെയ്‌ത തെറ്റ്‌ ആവർത്തി​ക്കാൻ നമ്മൾ ആരും ആഗ്രഹി​ക്കു​ന്നില്ല. അതിനു നമുക്ക്‌ എന്തു ചെയ്യാ​നാ​കും? യഹോ​വ​യെ​ക്കു​റി​ച്ചും യഹോവ എങ്ങനെ ചിന്തി​ക്കു​ന്നു എന്നതി​നെ​ക്കു​റി​ച്ചും നന്നായി മനസ്സി​ലാ​ക്കുക. കൂടാതെ ദൈവ​ത്തി​ന്റെ ഗുണങ്ങളെ വിലമ​തി​ക്കുക. അങ്ങനെ​യൊ​ക്കെ ചെയ്യു​മ്പോൾ യഹോ​വ​യോ​ടുള്ള നമ്മുടെ സ്‌നേഹം കൂടും. അതാണ്‌ അബ്രാ​ഹാം ചെയ്‌തത്‌. അബ്രാ​ഹാ​മിന്‌ യഹോ​വയെ ഒരുപാട്‌ ഇഷ്ടമാ​യി​രു​ന്നു. ദൈവ​ത്തി​ന്റെ ചില തീരു​മാ​നങ്ങൾ മനസ്സി​ലാ​ക്കാൻ ബുദ്ധി​മു​ട്ടാ​ണെന്നു തോന്നി​യ​പ്പോ​ഴും അദ്ദേഹം ദൈവത്തെ ധിക്കരി​ച്ചില്ല. പകരം യഹോ​വയെ കൂടുതൽ മനസ്സി​ലാ​ക്കാൻ ശ്രമിച്ചു. ഉദാഹ​ര​ണ​ത്തിന്‌ സൊ​ദോം, ഗൊ​മോറ പട്ടണങ്ങളെ നശിപ്പി​ക്കാ​നുള്ള യഹോ​വ​യു​ടെ തീരു​മാ​ന​ത്തെ​ക്കു​റിച്ച്‌ അറിഞ്ഞ​പ്പോൾ അബ്രാ​ഹാ​മിന്‌ അത്‌ ഒട്ടും ഉൾക്കൊ​ള്ളാ​നാ​യില്ല. “സർവഭൂ​മി​യു​ടെ​യും ന്യായാ​ധി​പൻ” ദുഷ്ടന്മാ​രോ​ടൊ​പ്പം നീതി​മാ​ന്മാ​രെ​യും നശിപ്പി​ച്ചു​ക​ള​യു​മോ എന്നാണ്‌ അബ്രാ​ഹാം ആദ്യം ചിന്തി​ച്ചത്‌. അതു​കൊണ്ട്‌ അദ്ദേഹം ദൈവ​ത്തോട്‌ ആദര​വോ​ടെ കുറെ ചോദ്യ​ങ്ങൾ ചോദി​ച്ചു. അതി​നെ​ല്ലാം യഹോവ ക്ഷമയോ​ടെ ഉത്തരവും നൽകി. അങ്ങനെ യഹോവ ഓരോ മനുഷ്യ​ന്റെ​യും ഹൃദയത്തെ പരി​ശോ​ധി​ക്കു​ന്നെ​ന്നും കുറ്റക്കാ​രോ​ടൊ​പ്പം നിരപ​രാ​ധി​കളെ ഒരിക്ക​ലും ശിക്ഷി​ക്കി​ല്ലെ​ന്നും അബ്രാ​ഹാം തിരി​ച്ച​റി​ഞ്ഞു.—ഉൽപ. 18:20-32.

11. താൻ യഹോ​വയെ സ്‌നേ​ഹി​ക്കു​ന്നെ​ന്നും യഹോവ കാര്യങ്ങൾ ചെയ്യുന്ന രീതി​യിൽ തനിക്കു പൂർണ​വി​ശ്വാ​സ​മു​ണ്ടെ​ന്നും അബ്രാ​ഹാം എങ്ങനെ​യാ​ണു തെളി​യി​ച്ചത്‌?

¹¹ സൊ​ദോം, ഗൊ​മോറ നഗരങ്ങ​ളെ​ക്കു​റിച്ച്‌ യഹോ​വ​യു​മാ​യി നടത്തിയ ആ സംഭാ​ഷണം അബ്രാ​ഹാ​മി​നെ ഒരുപാ​ടു സ്വാധീ​നി​ച്ചു. അതെത്തു​ടർന്ന്‌ യഹോ​വ​യോ​ടുള്ള അദ്ദേഹ​ത്തി​ന്റെ സ്‌നേ​ഹ​വും ബഹുമാ​ന​വും മുമ്പ​ത്തെ​ക്കാൾ കൂടി. വർഷങ്ങൾക്കു​ശേഷം, അനുസ​രി​ക്കാൻ കുറെ​ക്കൂ​ടി ബുദ്ധി​മു​ട്ടുള്ള ഒരു കാര്യം യഹോവ അബ്രാ​ഹാ​മി​നോട്‌ ആവശ്യ​പ്പെട്ടു. അബ്രാ​ഹാം ഒരുപാ​ടു സ്‌നേ​ഹി​ച്ചി​രുന്ന മകനെ, യിസ്‌ഹാ​ക്കി​നെ, ബലി അർപ്പി​ക്കാ​നാ​ണു ദൈവം ആവശ്യ​പ്പെ​ട്ടത്‌. പക്ഷേ ആ സമയമാ​യ​പ്പോ​ഴേ​ക്കും അബ്രാ​ഹാം യഹോ​വയെ കുറെ​ക്കൂ​ടി നന്നായി മനസ്സി​ലാ​ക്കി​യി​രു​ന്നു. അതു​കൊണ്ട്‌ അദ്ദേഹം യഹോ​വ​യോ​ടു ചോദ്യ​ങ്ങ​ളൊ​ന്നും ചോദി​ച്ചില്ല. പകരം, യഹോവ ആവശ്യ​പ്പെ​ട്ടതു ചെയ്യാൻ പെട്ടെ​ന്നു​തന്നെ തയ്യാറാ​യി. എങ്കിലും അതിനു വേണ്ട ഒരുക്ക​ങ്ങ​ളൊ​ക്കെ ചെയ്‌ത​പ്പോൾ അദ്ദേഹ​ത്തിന്‌ എത്ര വേദന തോന്നി​യി​രി​ക്കു​മെന്ന്‌ ഒന്നോർത്ത്‌ നോക്കൂ! ആ സമയത്ത്‌ അദ്ദേഹം യഹോ​വ​യെ​ക്കു​റിച്ച്‌ താൻ മനസ്സി​ലാ​ക്കിയ കാര്യ​ങ്ങ​ളെ​പ്പ​റ്റി​യെ​ല്ലാം ഒരുപാ​ടു ചിന്തി​ച്ചി​രി​ക്കാം. യഹോവ ഒരിക്ക​ലും സ്‌നേ​ഹ​മി​ല്ലാ​തെ, അന്യാ​യ​മാ​യി ഒന്നും ചെയ്യി​ല്ലെന്ന്‌ അബ്രാ​ഹാ​മിന്‌ അറിയാ​മാ​യി​രു​ന്നു. അപ്പോ​സ്‌ത​ല​നായ പൗലോസ്‌ പറയു​ന്ന​ത​നു​സ​രിച്ച്‌ തന്റെ പ്രിയ മകനായ യിസ്‌ഹാ​ക്കി​നെ ജീവനി​ലേക്കു കൊണ്ടു​വ​രാൻ യഹോ​വ​യ്‌ക്കു കഴിയു​മെന്ന്‌ അദ്ദേഹം ന്യായ​മാ​യും ഓർത്തു​കാ​ണും. കാരണം യഹോവ അതി​നോ​ട​കം​തന്നെ, യിസ്‌ഹാക്ക്‌ വലി​യൊ​രു ജനതയു​ടെ പിതാ​വാ​കു​മെന്നു വാഗ്‌ദാ​നം ചെയ്‌തി​രു​ന്നു. (എബ്രാ. 11:17-19) ഇനി, അബ്രാ​ഹാം യഹോ​വയെ ഒരുപാ​ടു സ്‌നേ​ഹി​ച്ചു. അതു​കൊണ്ട്‌ തന്റെ അപ്പൻ നീതി​യോ​ടെ മാത്രമേ കാര്യങ്ങൾ ചെയ്യു​ക​യു​ള്ളൂ എന്ന കാര്യ​ത്തിൽ അബ്രാ​ഹാ​മി​നു പൂർണ​വി​ശ്വാ​സ​മു​ണ്ടാ​യി​രു​ന്നു. വിശ്വാ​സ​ത്താൽ അബ്രാ​ഹാം ദൈവത്തെ അനുസ​രി​ച്ചു, അതു വളരെ ബുദ്ധി​മു​ട്ടാ​യി​രു​ന്നെ​ങ്കിൽപ്പോ​ലും.—ഉൽപ. 22:1-12.

12. നമുക്ക്‌ എങ്ങനെ അബ്രാ​ഹാ​മി​ന്റെ മാതൃക ജീവി​ത​ത്തിൽ പകർത്താം? (സങ്കീർത്തനം 73:28)

¹² നമുക്ക്‌ എങ്ങനെ അബ്രാ​ഹാ​മി​ന്റെ മാതൃക പകർത്താം? അദ്ദേഹ​ത്തെ​പ്പോ​ലെ യഹോ​വ​യെ​ക്കു​റിച്ച്‌ തുടർന്നും പഠിച്ചു​കൊ​ണ്ടി​രി​ക്കുക. അങ്ങനെ ചെയ്യു​മ്പോൾ ദൈവ​വു​മാ​യി നമ്മൾ കൂടുതൽ അടുക്കും.  മുമ്പ​ത്തെ​ക്കാൾ അധികം യഹോ​വയെ സ്‌നേ​ഹി​ക്കാ​നും തുടങ്ങും. (സങ്കീർത്തനം 73:28 വായി​ക്കുക.) മാത്രമല്ല യഹോവ ചിന്തി​ക്കു​ന്ന​തു​പോ​ലെ ചിന്തി​ക്കാൻ സഹായി​ക്കുന്ന ഒരു മനസ്സാ​ക്ഷി​യും നമുക്കു​ണ്ടാ​യി​രി​ക്കും. (എബ്രാ. 5:14) അങ്ങനെ​യാ​കു​മ്പോൾ തെറ്റായ ഒരു കാര്യം ചെയ്യാൻ ആരെങ്കി​ലും പ്രലോ​ഭി​പ്പി​ച്ചാ​ലും നമ്മൾ അതു ചെയ്യില്ല. യഹോ​വയെ വേദനി​പ്പി​ക്കു​ന്ന​തോ ദൈവ​വു​മാ​യുള്ള നമ്മുടെ ബന്ധം തകർക്കു​ന്ന​തോ ആയ എന്തെങ്കി​ലും ചെയ്യു​ന്ന​തി​നെ​ക്കു​റിച്ച്‌ നമ്മൾ ചിന്തി​ക്കു​ക​പോ​ലു​മില്ല. നീതിയെ സ്‌നേ​ഹി​ക്കു​ന്നെന്നു മറ്റ്‌ ഏതു രീതി​യിൽ നമുക്കു തെളി​യി​ക്കാ​നാ​കും?

13. നമുക്ക്‌ എങ്ങനെ നീതി​പാ​ത​യിൽ നടക്കാം? (സുഭാ​ഷി​തങ്ങൾ 15:9)

¹³ രണ്ടാമത്തെ കാര്യം: നീതി​യോ​ടുള്ള സ്‌നേഹം ഓരോ ദിവസ​വും വളർത്തി​യെ​ടു​ക്കുക. എന്നും വ്യായാ​മം ചെയ്‌താൽ നമ്മുടെ പേശി​ക​ളു​ടെ ബലം വർധി​ക്കും. അതു​പോ​ലെ യഹോ​വ​യു​ടെ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാൻ എന്നും ശ്രമി​ക്കു​ന്നെ​ങ്കിൽ ആ നിലവാ​ര​ങ്ങ​ളോ​ടുള്ള നമ്മുടെ സ്‌നേഹം വർധി​ക്കും. അങ്ങനെ ചെയ്യു​ന്നതു നമുക്ക്‌ ഒരു ബുദ്ധി​മു​ട്ടാ​യി​രി​ക്കില്ല. കാരണം യഹോവ ന്യായ​ബോ​ധ​മുള്ള ദൈവ​മാണ്‌. നമുക്കു ചെയ്യാൻ കഴിയു​ന്ന​തി​ലും അപ്പുറം യഹോവ നമ്മളിൽനിന്ന്‌ പ്രതീ​ക്ഷി​ക്കു​ന്നില്ല. (സങ്കീ. 103:14) കൂടാതെ യഹോവ നമുക്ക്‌ ഇങ്ങനെ ഉറപ്പു​ത​ന്നി​രി​ക്കു​ന്നു: “നീതി​പാ​ത​യിൽ നടക്കു​ന്ന​വനെ ദൈവം സ്‌നേ​ഹി​ക്കു​ന്നു.” (സുഭാ​ഷി​തങ്ങൾ 15:9 വായി​ക്കുക.) യഹോ​വ​യു​ടെ സേവന​ത്തിൽ ഒരു പ്രത്യേ​ക​ല​ക്ഷ്യ​ത്തിൽ എത്തി​ച്ചേ​രാൻ നോക്കു​മ്പോൾ അതിനു​വേണ്ടി നമ്മൾ നല്ല ശ്രമം ചെയ്യും. അതു​പോ​ലെ നീതി​പാ​ത​യിൽ നടക്കാ​നും നമ്മുടെ ഭാഗത്ത്‌ ശ്രമം ആവശ്യ​മാണ്‌. അങ്ങനെ ചെയ്യു​മ്പോൾ യഹോവ ക്ഷമയോ​ടെ നമ്മളെ സഹായി​ക്കും. നമുക്കു പടിപ​ടി​യാ​യി അതിൽ പുരോ​ഗ​മി​ക്കാ​നു​മാ​കും.—സങ്കീ. 84:5, 7.

14. എന്താണ്‌ “നീതി എന്ന കവചം,” നമുക്ക്‌ അത്‌ ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

¹⁴ നീതി​യെ​ക്കു​റി​ച്ചുള്ള ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യിൽ ജീവി​ക്കു​ന്നത്‌ ഒരു ഭാരമ​ല്ലെന്ന്‌ യഹോവ സ്‌നേ​ഹ​ത്തോ​ടെ നമ്മളെ ഓർമി​പ്പി​ക്കു​ന്നുണ്ട്‌. (1 യോഹ. 5:3) ശരിക്കും പറഞ്ഞാൽ അതു നമുക്ക്‌ ഒരു സംരക്ഷ​ണ​മാണ്‌. ആ സംരക്ഷണം നമുക്കു ദിവസ​വും വേണം. അപ്പോ​സ്‌ത​ല​നായ പൗലോസ്‌ തന്റെ കത്തിൽ വിവരി​ച്ചി​രി​ക്കുന്ന ആത്മീയ പടക്കോ​പ്പി​നെ​ക്കു​റിച്ച്‌ ഒന്നു ചിന്തി​ക്കുക. (എഫെ. 6:14-18) ആ പടക്കോ​പ്പി​ന്റെ ഏതു ഭാഗമാണ്‌ ഒരു പടയാ​ളി​യു​ടെ ഹൃദയത്തെ സംരക്ഷി​ക്കു​ന്നത്‌? “നീതി എന്ന കവചം.” ശരിയും തെറ്റും സംബന്ധിച്ച്‌ യഹോവ വെച്ചി​രി​ക്കുന്ന നിലവാ​ര​ങ്ങ​ളെ​യാണ്‌ അത്‌ അർഥമാ​ക്കു​ന്നത്‌. കവചം ഒരു സൈനി​കന്റെ ഹൃദയത്തെ സംരക്ഷി​ക്കു​ന്ന​തു​പോ​ലെ യഹോ​വ​യു​ടെ നിലവാ​രങ്ങൾ സാത്താന്റെ ആക്രമ​ണ​ങ്ങ​ളിൽനിന്ന്‌ നമ്മുടെ ഹൃദയത്തെ സംരക്ഷി​ക്കും. അതു​കൊണ്ട്‌ നമ്മുടെ പടക്കോ​പ്പിൽ നീതി​യെന്ന കവചം എപ്പോ​ഴും ഉണ്ടെന്ന്‌ ഉറപ്പു​വ​രു​ത്തുക.—സുഭാ. 4:23.

15. നിങ്ങൾക്ക്‌ എങ്ങനെ നീതി​യെന്ന കവചം ധരിക്കാ​നാ​കും?

 ¹⁵ നിങ്ങൾക്ക്‌ എങ്ങനെ നീതി​യെന്ന കവചം ധരിക്കാ​നാ​കും? ജീവി​ത​ത്തിൽ നിങ്ങൾ ഓരോ​രോ തീരു​മാ​ന​ങ്ങ​ളെ​ടു​ക്കു​മ്പോൾ യഹോ​വ​യു​ടെ നിലവാ​രങ്ങൾ കണക്കി​ലെ​ടു​ത്തു​കൊണ്ട്‌ നിങ്ങൾക്ക്‌ അതു ചെയ്യാം. ഉദാഹ​ര​ണ​ത്തിന്‌ എന്തെങ്കി​ലും സംസാ​രി​ക്കാൻ ഒരുങ്ങു​മ്പോ​ഴോ ഒരു പാട്ടു കേൾക്കാ​നോ വിനോ​ദ​പ​രി​പാ​ടി കാണാ​നോ പുസ്‌തകം വായി​ക്കാ​നോ തീരു​മാ​നി​ക്കു​മ്പോ​ഴോ ആദ്യം​തന്നെ നിങ്ങ​ളോട്‌ ഇങ്ങനെ ചോദി​ക്കുക: ‘ഞാൻ ഇതു ചെയ്‌താൽ എങ്ങനെ​യുള്ള കാര്യ​ങ്ങ​ളാ​യി​രി​ക്കും എന്റെ മനസ്സിൽ നിറയു​ന്നത്‌? ഇതിൽ പറഞ്ഞി​രി​ക്കുന്ന കാര്യങ്ങൾ യഹോ​വ​യു​ടെ നിലവാ​ര​ങ്ങൾക്കു ചേർച്ച​യി​ലു​ള്ള​താ​ണോ? അതോ ലൈം​ഗി​ക​കാ​ര്യ​ങ്ങ​ളെ​യും അക്രമ​ത്തെ​യും അത്യാ​ഗ്ര​ഹ​ത്തെ​യും സ്വാർഥ​ത​യെ​യും പ്രോ​ത്സാ​ഹി​പ്പി​ക്കുന്ന കാര്യ​ങ്ങ​ളാ​ണോ, അതായത്‌ യഹോവ അനീതി​യെന്നു വിളി​ക്കുന്ന തരത്തി​ലുള്ള കാര്യങ്ങൾ?’ (ഫിലി. 4:8) നിങ്ങൾ യഹോ​വ​യു​ടെ ഇഷ്ടത്തിനു ചേർച്ച​യി​ലാ​ണു തീരു​മാ​ന​മെ​ടു​ക്കു​ന്ന​തെ​ങ്കിൽ, നീതി​യെ​ക്കു​റി​ച്ചുള്ള ദൈവ​ത്തി​ന്റെ നിലവാ​ര​ങ്ങൾകൊണ്ട്‌ നിങ്ങളു​ടെ ഹൃദയത്തെ സംരക്ഷി​ക്കു​ക​യാ​യി​രി​ക്കും.

16-17. നീതി​യെ​ക്കു​റി​ച്ചുള്ള യഹോ​വ​യു​ടെ നിലവാ​ര​ങ്ങൾക്കു ചേർച്ച​യിൽ നമുക്ക്‌ എന്നും ജീവി​ക്കാ​നാ​കു​മെന്ന്‌ യശയ്യ 48:18 ഉറപ്പു തരുന്നത്‌ എങ്ങനെ?

¹⁶ നീതി​യു​ടെ കാര്യ​ത്തിൽ യഹോവ വെച്ചി​രി​ക്കുന്ന നിലവാ​ര​ങ്ങൾക്കു ചേർച്ച​യിൽ എപ്പോ​ഴും ജീവി​ക്കാ​നാ​കു​മോ എന്നൊരു ചിന്ത ഇടയ്‌ക്കൊ​ക്കെ നിങ്ങൾക്ക്‌ ഉണ്ടാകാ​റു​ണ്ടോ? യശയ്യ 48:18-ൽ (വായി​ക്കുക.) യഹോവ ഉപയോ​ഗി​ച്ചി​രി​ക്കുന്ന ഒരു ദൃഷ്ടാന്തം കാണുക. അവിടെ യഹോവ നമ്മുടെ ‘നീതി സമു​ദ്ര​ത്തി​ലെ തിരമാ​ല​കൾപോ​ലെ ആയിത്തീ​രും’ എന്ന്‌ ഉറപ്പു തന്നിരി​ക്കു​ന്നു. ഇങ്ങനെ​യൊ​ന്നു ചിന്തി​ക്കുക: നിങ്ങൾ ഒരു കടൽത്തീ​രത്ത്‌ നിൽക്കു​ക​യാണ്‌. ശാന്തസു​ന്ദ​ര​മായ അന്തരീക്ഷം. ഒന്നിനു പുറകേ ഒന്നായി തിരമാ​ലകൾ വന്നു​കൊ​ണ്ടി​രി​ക്കു​ന്നു. അതു കണ്ടുനിൽക്കു​മ്പോൾ ഈ തിരകൾ പെട്ടെ​ന്നെ​ങ്ങാ​നും നിന്നു​പോ​കു​മോ​യെന്നു നിങ്ങൾ ചിന്തി​ക്കു​മോ? ഇല്ലല്ലേ! കാരണം, ആയിര​ക്ക​ണ​ക്കി​നു വർഷങ്ങ​ളാ​യി തിരമാ​ലകൾ ഇങ്ങനെ അടിച്ചു​കൊ​ണ്ടി​രി​ക്കു​ക​യാണ്‌, അത്‌ അങ്ങനെ​തന്നെ തുടരു​മെ​ന്നും നിങ്ങൾക്ക്‌ ഉറപ്പുണ്ട്‌.

¹⁷ എങ്ങനെ​യാ​ണു നിങ്ങളു​ടെ നീതി സമു​ദ്ര​ത്തി​ലെ തിരമാ​ല​കൾപോ​ലെ ആയിത്തീ​രു​ന്നത്‌? ജീവി​ത​ത്തിൽ നിങ്ങൾ ഓരോ​രോ തീരു​മാ​ന​ങ്ങ​ളെ​ടു​ക്കു​മ്പോൾ അതെക്കു​റി​ച്ചുള്ള യഹോ​വ​യു​ടെ ഇഷ്ടം എന്താ​ണെന്ന്‌ ആദ്യം​തന്നെ ചിന്തി​ക്കുക. എന്നിട്ട്‌ അതനു​സ​രിച്ച്‌ പ്രവർത്തി​ക്കുക. ചില​പ്പോൾ ആ തീരു​മാ​ന​ത്തി​നു ചേർച്ച​യിൽ പ്രവർത്തി​ക്കു​ന്നത്‌ അത്ര എളുപ്പ​മാ​യി​രി​ക്കില്ല. എന്നാൽ നിങ്ങളു​ടെ അപ്പനായ യഹോവ നിങ്ങളെ ഒരുപാ​ടു സ്‌നേ​ഹി​ക്കു​ന്ന​തു​കൊണ്ട്‌ എപ്പോ​ഴും നിങ്ങളു​ടെ കൂടെ​യു​ണ്ടാ​യി​രി​ക്കും. ഓരോ ദിവസ​വും തന്റെ നിലവാ​ര​ങ്ങൾക്ക​നു​സ​രിച്ച്‌ പ്രവർത്തി​ക്കാൻ നിങ്ങളെ സഹായി​ക്കു​ക​യും ചെയ്യും.—യശ. 40:29-31.

18. നമ്മുടെ ഇഷ്ടമനു​സ​രിച്ച്‌ നമ്മൾ മറ്റുള്ള​വരെ വിധി​ക്ക​രു​താ​ത്തത്‌ എന്തു​കൊണ്ട്‌?

¹⁸ മൂന്നാ​മത്തെ കാര്യം: യഹോവ മറ്റുള്ള​വരെ വിധി​ക്കട്ടെ. യഹോ​വ​യു​ടെ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാൻ നമ്മൾ പരമാ​വധി ശ്രമി​ക്കണം. അതേസ​മയം മറ്റുള്ളവർ അങ്ങനെ ചെയ്യു​ന്നു​ണ്ടോ എന്നു വിധി​ക്കാൻ നമ്മൾ ശ്രമി​ക്കു​ക​യും അരുത്‌. നമ്മുടെ ഇഷ്ടമനു​സ​രിച്ച്‌ മറ്റുള്ള​വരെ വിധി​ക്കാൻ ശ്രമി​ക്കു​ന്ന​തി​നു പകരം യഹോ​വ​യാണ്‌ “സർവഭൂ​മി​യു​ടെ​യും ന്യായാ​ധി​പൻ” എന്നു നമുക്ക്‌ ഓർക്കാം. (ഉൽപ. 18:25) ആളുകളെ വിധി​ക്കാ​നുള്ള ഉത്തരവാ​ദി​ത്വം യഹോവ നമ്മളെ ഏൽപ്പി​ച്ചി​ട്ടില്ല. ഇതി​നെ​ക്കു​റിച്ച്‌ യേശു പറഞ്ഞത്‌, “നിങ്ങളെ വിധി​ക്കാ​തി​രി​ക്ക​ണ​മെ​ങ്കിൽ നിങ്ങളും വിധി​ക്കു​ന്നതു നിറു​ത്തുക” എന്നാണ്‌.—മത്താ. 7:1. *

19. യഹോവ കാര്യങ്ങൾ തീരു​മാ​നി​ക്കുന്ന വിധത്തിൽ തനിക്കു വിശ്വാ​സ​മു​ണ്ടെന്നു യോ​സേഫ്‌ എങ്ങനെ​യാ​ണു തെളി​യി​ച്ചത്‌?

¹⁹ നമുക്കു വീണ്ടും നീതി​മാ​നായ യോ​സേ​ഫി​ന്റെ കാര്യം നോക്കാം. തന്നോടു വളരെ മോശ​മാ​യി പെരു​മാ​റി​യ​വരെ അദ്ദേഹം വിധി​ച്ചില്ല. യോ​സേ​ഫി​ന്റെ ചേട്ടന്മാർ അദ്ദേഹത്തെ ഉപദ്ര​വി​ച്ചു, ഒരു അടിമ​യാ​യി വിറ്റു. അവസാനം യോ​സേഫ്‌ മരിച്ചു​പോ​യെന്ന്‌ അപ്പനെ വിശ്വ​സി​പ്പി​ക്കു​ക​യും ചെയ്‌തു. വർഷങ്ങൾക്കു​ശേഷം യോ​സേഫ്‌ അവരു​മാ​യി വീണ്ടും കണ്ടുമു​ട്ടി. അപ്പോ​ഴേ​ക്കും അദ്ദേഹം ഈജ്‌പി​തി​ലെ ശക്തനായ ഭരണാ​ധി​കാ​രി​യാ​യി​രു​ന്നു. യോ​സേ​ഫി​നു വേണ​മെ​ങ്കിൽ അവരോ​ടു പകരം വീട്ടു​ക​യും അവരെ ശിക്ഷി​ക്കു​ക​യും ചെയ്യാ​മാ​യി​രു​ന്നു. യോ​സേഫ്‌ അങ്ങനെ ചെയ്യു​മെ​ന്നു​ത​ന്നെ​യാണ്‌ ചേട്ടന്മാർ വിചാ​രി​ച്ച​തും. എന്നാൽ അദ്ദേഹം അവരോ​ടു പറഞ്ഞു. “എന്തിനാ​ണു നിങ്ങൾ ഭയപ്പെ​ടു​ന്നത്‌, ഞാൻ എന്താ ദൈവ​ത്തി​ന്റെ സ്ഥാനത്താ​ണോ?” (ഉൽപ. 37:18-20, 27, 28,  31-35; 50:15-21) അങ്ങനെ പറഞ്ഞതി​ലൂ​ടെ തന്റെ ചേട്ടന്മാ​രെ വിധി​ക്കാ​നുള്ള അവകാശം യഹോ​വ​യ്‌ക്കു മാത്രമേ ഉള്ളൂ എന്നു യോ​സേഫ്‌ താഴ്‌മ​യോ​ടെ അംഗീ​ക​രി​ക്കു​ക​യാ​യി​രു​ന്നു.

20-21. സഹോ​ദ​ര​ങ്ങ​ളോ​ടും മറ്റുള്ള​വ​രോ​ടും നമ്മൾ എങ്ങനെ പെരു​മാ​റണം?

²⁰ യോ​സേ​ഫി​നെ​പ്പോ​ലെ​തന്നെ നമ്മളും, വിധി​ക്കാ​നുള്ള അവകാശം യഹോ​വ​യ്‌ക്കു മാത്രമേ ഉള്ളൂ എന്ന്‌ ഓർക്കണം. എന്തെങ്കി​ലും ഒരു കാര്യം ചെയ്യാൻ ഒരു സഹോ​ദ​ര​നെ​യോ സഹോ​ദ​രി​യെ​യോ പ്രേരി​പ്പി​ക്കു​ന്നത്‌ എന്താ​ണെന്നു നമുക്ക്‌ അറിയില്ല. അതു​കൊ​ണ്ടു​തന്നെ നമ്മൾ അവരെ വിധി​ക്കില്ല. നമുക്ക്‌ ആരു​ടെ​യും മനസ്സി​ലു​ള്ളത്‌ കണ്ടുപി​ടി​ക്കാ​നാ​കി​ല്ല​ല്ലോ. യഹോ​വ​യ്‌ക്കു മാത്രമേ ‘ഒരാളു​ടെ ഉള്ളിലി​രു​പ്പു പരി​ശോ​ധി​ക്കാ​നാ​കൂ.‘ (സുഭാ. 16:2) ആളുക​ളു​ടെ പശ്ചാത്ത​ല​മോ സംസ്‌കാ​ര​മോ ഭാഷയോ എന്തുത​ന്നെ​യാ​യാ​ലും, എല്ലാ തരം ആളുക​ളെ​യും യഹോവ സ്‌നേ​ഹി​ക്കു​ന്നുണ്ട്‌. നമ്മളും അതു​പോ​ലെ ‘ഹൃദയം വിശാ​ല​മാ​യി തുറക്കാ​നാണ്‌’ യഹോവ ആഗ്രഹി​ക്കു​ന്നത്‌. (2 കൊരി. 6:13) എല്ലാ സഹോ​ദ​രീ​സ​ഹോ​ദ​ര​ന്മാ​രെ​യും നമ്മൾ സ്‌നേ​ഹി​ക്കണം. ഒരിക്ക​ലും അവരെ വിധി​ക്ക​രുത്‌.

²¹ സഹോ​ദ​ര​ങ്ങളെ മാത്രമല്ല മറ്റുള്ള​വ​രെ​യും നമ്മൾ വിധി​ക്ക​രുത്‌. (1 തിമൊ. 2:3, 4) വിശ്വാ​സ​ത്തിൽ ഇല്ലാത്ത ഒരു ബന്ധുവി​നെ​ക്കു​റിച്ച്‌ “അദ്ദേഹം ഒരിക്ക​ലും സത്യം പഠിക്കാൻപോ​കു​ന്നില്ല” എന്നു നിങ്ങൾ എപ്പോ​ഴെ​ങ്കി​ലും പറഞ്ഞി​ട്ടു​ണ്ടോ? അങ്ങനെ പറയു​ന്നെ​ങ്കിൽ നമുക്കു ചെയ്യാൻ അവകാ​ശ​മി​ല്ലാത്ത ഒരു കാര്യം ചെയ്‌തു​കൊണ്ട്‌ നമ്മൾ ധിക്കാരം കാണി​ക്കു​ക​യാ​യി​രി​ക്കും. നമ്മൾ അവരെ​ക്കാൾ നീതി​മാ​ന്മാ​രാ​ണെന്നു ഭാവി​ക്കു​ക​യാ​യി​രി​ക്കും. എന്നാൽ യഹോവ ഇപ്പോ​ഴും ‘എല്ലായി​ട​ത്തു​മുള്ള മനുഷ്യർക്ക്‌’ മാനസാ​ന്ത​ര​പ്പെട്ട്‌ തിരി​ഞ്ഞു​വ​രാ​നുള്ള അവസരം കൊടു​ത്തി​ട്ടുണ്ട്‌. (പ്രവൃ. 17:30) ഓർക്കുക, നമ്മൾ മറ്റുള്ള​വ​രെ​ക്കാൾ നീതി​മാ​ന്മാ​രാ​ണെന്ന മട്ടിൽ പ്രവർത്തി​ക്കു​ന്നത്‌ ഒരുത​ര​ത്തിൽ പറഞ്ഞാൽ അനീതി​യാണ്‌.

22. നിങ്ങൾ നീതിയെ സ്‌നേ​ഹി​ക്കാൻ തീരു​മാ​നി​ച്ചി​രി​ക്കു​ന്നത്‌ എന്തു​കൊണ്ട്‌?

²² നീതി​യെ​ക്കു​റി​ച്ചുള്ള യഹോ​വ​യു​ടെ നിലവാ​ര​ങ്ങ​ളോ​ടുള്ള സ്‌നേഹം നമ്മുടെ സന്തോഷം വർധി​പ്പി​ക്കട്ടെ. അതു മറ്റുള്ള​വരെ നമ്മളോ​ടും നമ്മുടെ ദൈവ​മായ യഹോ​വ​യോ​ടും കൂടുതൽ അടുപ്പി​ക്കട്ടെ. ‘നീതി​ക്കാ​യുള്ള നമ്മുടെ വിശപ്പും ദാഹവും’ ഒരിക്ക​ലും നഷ്ടപ്പെ​ടാ​തെ നമുക്കു നോക്കാം. (മത്താ. 5:6) ശരി​യെന്ന്‌ യഹോവ പറയുന്ന കാര്യങ്ങൾ ചെയ്യാ​നുള്ള നമ്മുടെ ശ്രമങ്ങൾ യഹോവ കാണു​ന്നുണ്ട്‌. ദൈവം അതിൽ സന്തോ​ഷി​ക്കു​ക​യും ചെയ്യുന്നു. അനീതി​യെന്നു ദൈവം പറഞ്ഞി​രി​ക്കുന്ന കാര്യ​ങ്ങ​ളാണ്‌ ആളുകൾ പൊതു​വേ ചെയ്യു​ന്ന​തെ​ങ്കി​ലും, നീതി​യെ​ക്കു​റി​ച്ചുള്ള ദൈവ​ത്തി​ന്റെ നിലവാ​ര​ങ്ങൾക്ക​നു​സ​രിച്ച്‌ നമുക്കു പ്രവർത്തി​ക്കാം. കാരണം ‘യഹോവ സ്‌നേ​ഹി​ക്കു​ന്നതു നീതി​മാ​ന്മാ​രെ​യാണ്‌.’—സങ്കീ. 146:8.