1. ‘ആത്മീയ​കാ​ര്യ​ങ്ങൾക്കാ​യുള്ള ദാഹം’ എന്നതു​കൊണ്ട്‌ ഉദ്ദേശി​ക്കു​ന്നത്‌ എന്താണ്‌, അതു സന്തോ​ഷ​വു​മാ​യി ബന്ധപ്പെ​ട്ടി​രി​ക്കു​ന്നത്‌ എങ്ങനെ?

 ശരിക്കുള്ള സന്തോഷം, വല്ലപ്പോ​ഴും മാത്രം തോന്നുന്ന ഒന്നല്ല, ഒരാളു​ടെ ജീവി​ത​ത്തിൽ എപ്പോ​ഴും ഉണ്ടായി​രി​ക്കുന്ന ഒന്നാണ്‌. എന്തു​കൊ​ണ്ടാണ്‌ അങ്ങനെ പറയു​ന്നത്‌? മലയിലെ പ്രസം​ഗ​ത്തിൽ യേശു പറഞ്ഞു: “ആത്മീയ​കാ​ര്യ​ങ്ങൾക്കാ​യി ദാഹി​ക്കു​ന്നവർ സന്തുഷ്ടർ.” (മത്താ. 5:3) മനുഷ്യ​നെ സൃഷ്ടി​ച്ചി​രി​ക്കു​ന്നതു സ്രഷ്ടാ​വായ യഹോ​വയെ അറിയാ​നും ആരാധി​ക്കാ​നും ഉള്ള ശക്തമായ ആഗ്രഹ​ത്തോ​ടെ​യാ​ണെന്നു യേശു​വിന്‌ അറിയാ​മാ​യി​രു​ന്നു. ആ ആഗ്രഹ​ത്തെ​യാണ്‌ ‘ആത്മീയ​കാ​ര്യ​ങ്ങൾക്കാ​യുള്ള ദാഹം’ എന്നതു​കൊണ്ട്‌ യേശു ഉദ്ദേശി​ച്ചത്‌. യഹോവ ‘സന്തോ​ഷ​മുള്ള ദൈവ​മാ​യ​തു​കൊണ്ട്‌’ യഹോ​വയെ ആരാധി​ക്കുന്ന ഒരാൾക്ക്‌ എപ്പോ​ഴും സന്തോ​ഷ​മു​ള്ള​വ​നാ​യി​രി​ക്കാൻ കഴിയും.—1 തിമൊ. 1:11.

2-3. (എ) യേശു പറഞ്ഞത​നു​സ​രിച്ച്‌ ആർക്കെ​ല്ലാം​കൂ​ടെ സന്തോ​ഷ​മു​ള്ള​വ​രാ​യി​രി​ക്കാ​നാ​കും? (ബി) നമ്മൾ ഈ ലേഖന​ത്തിൽ എന്തു പഠിക്കും, നമ്മൾ അതു പഠി​ക്കേ​ണ്ടത്‌ എന്തു​കൊണ്ട്‌?

² ജീവി​ത​ത്തിൽ ഒരു പ്രശ്‌ന​വും ഇല്ലാത്ത​വർക്കു മാത്രമേ സന്തോ​ഷ​ത്തോ​ടെ​യി​രി​ക്കാൻ പറ്റുക​യു​ള്ളോ? അല്ല. യേശു പറഞ്ഞതു ശ്രദ്ധി​ക്കുക: “ദുഃഖി​ക്കു​ന്നവർ സന്തുഷ്ടർ.” ഈ ദുഃഖ​ത്തി​ന്റെ കാരണം പലതു​മാ​കാം. മുമ്പ്‌ ചെയ്‌തു​പോയ തെറ്റു​ക​ളെ​ക്കു​റി​ച്ചോ ജീവി​ത​ത്തി​ലെ ബുദ്ധി​മു​ട്ടു​ക​ളെ​ക്കു​റി​ച്ചോ ഓർത്തി​ട്ടുള്ള ദുഃഖ​മാ​കാം അത്‌. കാരണം എന്തുത​ന്നെ​യാ​യാ​ലും അവർക്കു സന്തോ​ഷ​മു​ള്ള​വ​രാ​യി​രി​ക്കാ​നാ​കും. ഇനി, ‘നീതി​ക്കു​വേണ്ടി ഉപദ്രവം സഹി​ക്കേ​ണ്ടി​വ​രു​ന്ന​വർക്കും’ ഒരു ക്രിസ്‌ത്യാ​നി​യാ​യി​രി​ക്കു​ന്ന​തി​ന്റെ പേരിൽ “നിന്ദ” സഹി​ക്കേ​ണ്ടി​വ​രു​ന്ന​വർക്കും​പോ​ലും സന്തോ​ഷ​മു​ള്ള​വ​രാ​യി​രി​ക്കാൻ കഴിയു​മെന്നു യേശു പറഞ്ഞു. (മത്താ. 5:4, 10, 11) പക്ഷേ, ഇത്തരം സാഹച​ര്യ​ങ്ങ​ളിൽ നമുക്ക്‌ എങ്ങനെ​യാ​ണു ശരിക്കും സന്തോ​ഷ​മു​ള്ള​വ​രാ​യി​രി​ക്കാൻ കഴിയു​ന്നത്‌?

³ യേശു നമ്മളെ പഠിപ്പി​ച്ചത്‌ ഇതാണ്‌: നമ്മുടെ സന്തോ​ഷ​ത്തി​ന്റെ അടിസ്ഥാ​നം പ്രശ്‌നങ്ങൾ ഇല്ലാത്ത ജീവി​തമല്ല, മറിച്ച്‌ ദൈവ​ത്തോട്‌ അടുക്കു​ന്ന​തും നമ്മുടെ ആത്മീയ​ദാ​ഹം തൃപ്‌തി​പ്പെ​ടു​ത്തു​ന്ന​തും ആണ്‌. (യാക്കോ. 4:8) നമുക്ക്‌ അത്‌ എങ്ങനെ ചെയ്യാ​നാ​കും? ഈ ലേഖന​ത്തിൽ ശരിക്കുള്ള സന്തോഷം കണ്ടെത്താൻ നമുക്കു ചെയ്യാ​നാ​കുന്ന മൂന്നു കാര്യ​ങ്ങ​ളെ​ക്കു​റിച്ച്‌ നമ്മൾ പഠിക്കും.

4. ശരിക്കുള്ള സന്തോഷം കണ്ടെത്താൻ നമ്മൾ ചെയ്യേണ്ട ഒന്നാമത്തെ കാര്യം എന്താണ്‌? (സങ്കീർത്തനം 1:1-3)

⁴ ഒന്നാമത്തെ കാര്യം: ശരിക്കുള്ള സന്തോഷം കിട്ടാൻ നമ്മൾ ബൈബിൾ വായി​ക്കു​ക​യും പഠിക്കു​ക​യും വേണം. ദൈവ​വ​ച​നത്തെ യേശു ഭക്ഷണ​ത്തോ​ടു താരത​മ്യം​ചെ​യ്‌തു. മനുഷ്യ​രും മൃഗങ്ങ​ളും ജീവ​നോ​ടി​രി​ക്ക​ണ​മെ​ങ്കിൽ ഭക്ഷണം കഴി​ക്കേ​ണ്ട​തുണ്ട്‌. എന്നാൽ മനുഷ്യർക്കു മാത്രമേ ആത്മീയ​ഭ​ക്ഷണം കഴിക്കാ​നാ​കൂ. നമുക്ക്‌ അത്‌ ആവശ്യ​വു​മാണ്‌. അതു​കൊ​ണ്ടാ​ണു യേശു ഇങ്ങനെ പറഞ്ഞത്‌: “മനുഷ്യൻ അപ്പം​കൊണ്ട്‌ മാത്രമല്ല, യഹോ​വ​യു​ടെ വായിൽനിന്ന്‌ വരുന്ന എല്ലാ വചനം​കൊ​ണ്ടും ജീവി​ക്കേ​ണ്ട​താണ്‌.” (മത്താ. 4:4) ‘യഹോ​വ​യു​ടെ നിയമ​ത്തിൽ ആനന്ദിച്ച്‌ അതു രാവും പകലും വായി​ക്കു​ന്നവൻ സന്തുഷ്ടൻ’ എന്നു സങ്കീർത്ത​ന​ക്കാ​ര​നും മനസ്സി​ലാ​ക്കി. അതു​കൊണ്ട്‌ ബൈബിൾ വായി​ക്കാ​തെ ഒരു ദിവസം​പോ​ലും കടന്നു​പോ​കാൻ നമ്മൾ അനുവ​ദി​ക്ക​രുത്‌.—സങ്കീർത്തനം 1:1-3 വായി​ക്കുക.

5-6. (എ) ബൈബി​ളിൽനിന്ന്‌ നമുക്ക്‌ എന്തെല്ലാം കാര്യങ്ങൾ പഠിക്കാം? (ബി) ബൈബിൾ വായി​ക്കു​ന്നതു നമുക്ക്‌ ഏതെല്ലാം രീതി​യിൽ പ്രയോ​ജനം ചെയ്യും?

⁵ യഹോവ നമ്മളെ സ്‌നേ​ഹി​ക്കു​ന്നു. അതു​കൊ​ണ്ടു​തന്നെ സന്തോ​ഷ​ത്തോ​ടെ ജീവി​ക്കാൻ എന്തു ചെയ്യണ​മെന്നു ബൈബി​ളി​ലൂ​ടെ നമുക്കു പറഞ്ഞു​ത​ന്നി​രി​ക്കു​ന്നു. ജീവി​ത​ത്തെ​ക്കു​റി​ച്ചുള്ള ദൈവ​ത്തി​ന്റെ ഉദ്ദേശ്യം എന്താ​ണെന്നു നമുക്ക്‌ അതിൽനിന്ന്‌ മനസ്സി​ലാ​ക്കാം. അതു​പോ​ലെ ദൈവ​ത്തോട്‌ അടുത്തു​ചെ​ല്ലാ​നും തെറ്റു​കൾക്കു ക്ഷമ ലഭിക്കാ​നും നമ്മൾ എന്തു ചെയ്യണ​മെ​ന്നും അതു പറഞ്ഞു​ത​രു​ന്നു. കൂടാതെ ഭാവി​യി​ലേ​ക്കാ​യി ദൈവം തന്നിരി​ക്കുന്ന മനോ​ഹ​ര​മായ പ്രത്യാ​ശ​യെ​ക്കു​റി​ച്ചും ബൈബിൾ പറയു​ന്നുണ്ട്‌. (യിരെ. 29:11) ഈ കാര്യ​ങ്ങ​ളെ​ക്കു​റി​ച്ചെ​ല്ലാം പഠിക്കു​മ്പോൾ നമ്മുടെ ഹൃദയം സന്തോ​ഷം​കൊണ്ട്‌ നിറയും.

⁶ അതു​പോ​ലെ​തന്നെ ഓരോ ദിവസ​വും നമ്മുടെ ജീവി​ത​ത്തിൽ പ്രയോ​ജനം ചെയ്യുന്ന ധാരാളം നിർദേ​ശ​ങ്ങ​ളും ബൈബി​ളി​ലുണ്ട്‌. ആ ഉപദേ​ശങ്ങൾ അനുസ​രി​ക്കു​ന്നെ​ങ്കിൽ നമുക്കു സന്തോഷം കണ്ടെത്താ​നാ​കും. അതു​കൊണ്ട്‌ ജീവി​ത​ത്തി​ലെ പ്രശ്‌ന​ങ്ങ​ളൊ​ക്കെ കാരണം നിരാശ തോന്നു​മ്പോൾ ദൈവ​വ​ചനം  വായി​ക്കാ​നും അതെക്കു​റിച്ച്‌ ചിന്തി​ക്കാ​നും കൂടുതൽ സമയം ചെലവ​ഴി​ക്കുക. “ദൈവ​ത്തി​ന്റെ വചനം കേട്ടനു​സ​രി​ക്കു​ന്ന​വ​രാണ്‌ സന്തുഷ്ടർ” എന്നാണു യേശു പറഞ്ഞത്‌.—ലൂക്കോ. 11:28, അടിക്കു​റിപ്പ്‌.

7. ദൈവ​വ​ചനം വായി​ക്കു​മ്പോൾ അതിൽനിന്ന്‌ പരമാ​വധി പ്രയോ​ജനം നേടാൻ എന്തു ചെയ്യാ​നാ​കും?

⁷ ദൈവ​വ​ചനം സമയ​മെ​ടുത്ത്‌ ആസ്വദിച്ച്‌ വായി​ക്കുക. അതു മനസ്സി​ലാ​ക്കാൻ ഒരു ദൃഷ്ടാന്തം നോക്കാം. നിങ്ങൾക്കു വളരെ ഇഷ്ടപ്പെട്ട ഒരു ഭക്ഷണം ആരെങ്കി​ലും നിങ്ങൾക്ക്‌ ഉണ്ടാക്കി​ത്ത​ന്നെന്നു വിചാ​രി​ക്കുക. പക്ഷേ, നിങ്ങളു​ടെ തിരക്കു​കൊ​ണ്ടോ ചിന്ത മറ്റ്‌ എന്തി​ലെ​ങ്കി​ലും ആയതു​കൊ​ണ്ടോ ആ ഭക്ഷണം വളരെ വേഗത്തിൽ, രുചി​യൊ​ന്നും ആസ്വദി​ക്കാ​തെ കഴി​ച്ചേ​ക്കാം. ചില​പ്പോൾ മുഴുവൻ കഴിച്ച്‌ തീർന്ന​ശേ​ഷ​മാ​യി​രി​ക്കും കുറച്ചു​കൂ​ടെ പതിയെ, ആസ്വദിച്ച്‌ കഴി​ക്കേ​ണ്ട​താ​യി​രു​ന്നെന്നു ചിന്തി​ക്കു​ന്നത്‌. ബൈബിൾവാ​യ​ന​യു​ടെ കാര്യ​ത്തി​ലും ചില​പ്പോൾ ഇതുതന്നെ സംഭവി​ച്ചേ​ക്കാം. വളരെ തിടു​ക്ക​ത്തിൽ ബൈബിൾ വായി​ച്ചു​തീർക്കാൻ ശ്രമി​ക്കു​ക​യാ​ണെ​ങ്കിൽ അതിലെ സന്ദേശം മനസ്സി​ലാ​ക്കാൻ നിങ്ങൾക്കു കഴിയാ​തെ പോ​യേ​ക്കാം. അതു​കൊണ്ട്‌ ദൈവ​വ​ചനം സമയ​മെ​ടുത്ത്‌ ആസ്വദിച്ച്‌ വായി​ക്കാൻ മറക്കരുത്‌. അതിനാ​യി, വായി​ക്കുന്ന ഭാഗത്ത്‌ വിവരി​ച്ചി​രി​ക്കുന്ന കാര്യ​ങ്ങ​ളെ​ല്ലാം ഭാവന​യിൽ കാണുക, അവിടത്തെ ശബ്ദങ്ങ​ളൊ​ക്കെ കേൾക്കുക, എന്നിട്ട്‌ വായിച്ച കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക. ഈ രീതി​യിൽ വായി​ക്കു​മ്പോൾ അതു നിങ്ങളു​ടെ സന്തോഷം കൂട്ടും.

8. ‘വിശ്വ​സ്‌ത​നും വിവേ​കി​യും ആയ അടിമയെ’ എന്ത്‌ ഉത്തരവാ​ദി​ത്വം ഏൽപ്പി​ച്ചി​രി​ക്കു​ന്നു, അവർ എങ്ങനെ​യാണ്‌ അതു ചെയ്യു​ന്നത്‌? (അടിക്കു​റി​പ്പും കാണുക.)

⁸ നമുക്കു തക്കസമ​യത്ത്‌ ആത്മീയ​ഭ​ക്ഷണം നൽകാ​നാ​യി യേശു ‘വിശ്വ​സ്‌ത​നും വിവേ​കി​യും ആയ അടിമയെ’ നിയമി​ച്ചി​രി​ക്കു​ന്നു. * (മത്താ. 24:45) വേണ്ടു​വോ​ളം ആത്മീയ​ഭ​ക്ഷണം അവർ നമുക്കു നൽകു​ന്നു​മുണ്ട്‌. അവർ തയ്യാറാ​ക്കുന്ന എല്ലാ വിഭവ​ങ്ങ​ളു​ടെ​യും ഏറ്റവും പ്രധാ​ന​പ്പെട്ട ചേരുവ ദൈവ​വ​ച​നം​ത​ന്നെ​യാണ്‌. (1 തെസ്സ. 2:13) അങ്ങനെ ബൈബി​ളി​ലൂ​ടെ യഹോവ വെളി​പ്പെ​ടു​ത്തി​യി​രി​ക്കുന്ന തന്റെ ചിന്തക​ളെ​ക്കു​റിച്ച്‌ മനസ്സി​ലാ​ക്കാൻ ആ ആത്മീയ​ഭ​ക്ഷണം നമ്മളെ സഹായി​ക്കു​ന്നു. അതു​കൊ​ണ്ടു​തന്നെ വീക്ഷാ​ഗോ​പു​ര​വും ഉണരുക!യും jw.org-ൽ വരുന്ന ലേഖന​ങ്ങ​ളും വായി​ക്കാൻ നമുക്കു വളരെ ഇഷ്ടമാണ്‌. കൂടാതെ, നമ്മൾ എല്ലാ സഭാ​യോ​ഗ​ങ്ങൾക്കും നന്നായി തയ്യാറാ​കു​ന്നു. ഓരോ മാസവും JW പ്രക്ഷേ​പണം കാണുന്നു. ഇങ്ങനെ​യെ​ല്ലാം വേണ്ടു​വോ​ളം ആത്മീയ​ഭ​ക്ഷണം കഴിക്കു​ന്നതു ശരിക്കുള്ള സന്തോഷം നേടാൻ വേണ്ട രണ്ടാമത്തെ കാര്യം ചെയ്യാൻ നമ്മളെ സഹായി​ക്കും.

9. ശരിക്കുള്ള സന്തോഷം കണ്ടെത്താൻ നമ്മൾ ചെയ്യേണ്ട രണ്ടാമത്തെ കാര്യം എന്താണ്‌?

⁹ രണ്ടാമത്തെ കാര്യം: ശരിക്കുള്ള സന്തോഷം കിട്ടാൻ യഹോ​വ​യു​ടെ നിലവാ​ര​ങ്ങൾക്കു ചേർച്ച​യിൽ നമ്മൾ ജീവി​ക്കണം. സങ്കീർത്ത​ന​ക്കാ​രൻ എഴുതി: “യഹോ​വയെ ഭയപ്പെട്ട്‌ ദൈവ​ത്തി​ന്റെ വഴിക​ളിൽ നടക്കുന്ന എല്ലാവ​രും സന്തുഷ്ടർ.” (സങ്കീ. 128:1) യഹോ​വയെ ഭയപ്പെ​ടുക എന്നതിന്റെ അർഥം ദൈവ​ത്തോ​ടുള്ള ബഹുമാ​നം നിമിത്തം ദൈവത്തെ വേദനി​പ്പി​ക്കുന്ന യാതൊ​ന്നും ചെയ്യാ​തി​രി​ക്കുക എന്നാണ്‌. (സുഭാ. 16:6) അങ്ങനെ​യാ​കു​മ്പോൾ ശരിയും തെറ്റും സംബന്ധിച്ച്‌ ദൈവം വെച്ചി​രി​ക്കുന്ന നിലവാ​ര​ങ്ങൾക്കു ചേർച്ച​യിൽ പ്രവർത്തി​ക്കാൻ നമ്മൾ കഴിവി​ന്റെ പരമാ​വധി ശ്രമി​ക്കു​ക​യാ​യി​രി​ക്കും. (2 കൊരി. 7:1) ഈ രീതി​യിൽ യഹോവ സ്‌നേ​ഹി​ക്കുന്ന കാര്യങ്ങൾ ചെയ്യു​ക​യും യഹോവ വെറു​ക്കുന്ന കാര്യങ്ങൾ ഒഴിവാ​ക്കു​ക​യും ആണെങ്കിൽ നമ്മൾ സന്തോ​ഷ​മു​ള്ള​വ​രാ​യി​രി​ക്കും.—സങ്കീ. 37:27; 97:10; റോമ. 12:9.

10. റോമർ 12:2 അനുസ​രിച്ച്‌ നമ്മുടെ ഉത്തരവാ​ദി​ത്വം എന്താണ്‌?

¹⁰ റോമർ 12:2 വായി​ക്കുക. ശരിയും തെറ്റും സംബന്ധിച്ച നിയമങ്ങൾ വെക്കാ​നുള്ള അധികാ​രം യഹോ​വ​യ്‌ക്കു​ണ്ടെന്ന്‌ ഒരു വ്യക്തിക്ക്‌ അറിയാ​മാ​യി​രി​ക്കാം. എന്നാൽ അതു മാത്രം പോരാ. അദ്ദേഹം ആ നിലവാ​ര​ങ്ങ​ളോ​ടു മനസ്സു​കൊണ്ട്‌ യോജി​ക്കു​ക​യും വേണം. ഉദാഹ​ര​ണ​ത്തിന്‌ ഹൈ​വേ​യി​ലൂ​ടെ എത്ര വേഗത്തിൽ വണ്ടി ഓടി​ക്കാ​മെന്നു തീരു​മാ​നി​ക്കാ​നുള്ള അധികാ​രം ഗവണ്മെ​ന്റി​നു​ണ്ടെന്ന്‌ ഒരു വ്യക്തിക്ക്‌ അറിയാ​മാ​യി​രി​ക്കാം. പക്ഷേ ആ നിയമ​ങ്ങ​ളോ​ടു മനസ്സു​കൊണ്ട്‌ യോജി​ക്കാത്ത ഒരു വ്യക്തി അവ ലംഘി​ച്ചേ​ക്കാം. അതു​പോ​ലെ നമ്മളും, നിലവാ​രങ്ങൾ വെക്കാൻ യഹോ​വ​യ്‌ക്ക്‌ അധികാ​ര​മു​ണ്ടെന്നു സമ്മതി​ച്ചാൽ മാത്രം പോരാ, ആ നിലവാ​ര​ങ്ങ​ളാണ്‌ ഏറ്റവും നല്ലതെന്ന കാര്യം അംഗീ​ക​രി​ക്കു​ന്നു​ണ്ടെന്നു പ്രവൃ​ത്തി​ക​ളി​ലൂ​ടെ തെളി​യി​ക്കു​ക​യും വേണം. (സുഭാ. 12:28) ദാവീ​ദിന്‌ ആ കാര്യം അറിയാ​മാ​യി​രു​ന്നു. അതു​കൊ​ണ്ടാണ്‌ യഹോ​വ​യെ​ക്കു​റിച്ച്‌ അദ്ദേഹം ഇങ്ങനെ പറഞ്ഞത്‌: “അങ്ങ്‌ എനിക്കു ജീവന്റെ പാത കാണി​ച്ചു​ത​രു​ന്നു. അങ്ങയുടെ സന്നിധി​യിൽ ആഹ്ലാദം അലതല്ലു​ന്നു. അങ്ങയുടെ വലതു​വ​ശത്ത്‌ എന്നും സന്തോ​ഷ​മുണ്ട്‌.”—സങ്കീ. 16:11.

11-12. (എ) ഉത്‌ക​ണ്‌ഠ​യോ നിരാ​ശ​യോ ഒക്കെ തോന്നു​മ്പോൾ നമ്മൾ ഏതു കാര്യം ശ്രദ്ധി​ക്കണം? (ബി) ഫിലി​പ്പി​യർ 4:8-ലെ വാക്കുകൾ വിനോ​ദം തിര​ഞ്ഞെ​ടു​ക്കുന്ന കാര്യ​ത്തിൽ നമ്മളെ സഹായി​ക്കു​ന്നത്‌ എങ്ങനെ?

 ¹¹ ഉത്‌ക​ണ്‌ഠ​യോ നിരു​ത്സാ​ഹ​മോ തോന്നു​മ്പോൾ മനസ്സ്‌ ഒന്നു സ്വസ്ഥമാ​കാൻവേണ്ടി എന്തെങ്കി​ലു​മൊ​ക്കെ ചെയ്യാൻ നമുക്കു തോന്നി​യേ​ക്കാം. അതു സ്വാഭാ​വി​ക​വു​മാണ്‌. പക്ഷേ അത്തരം സാഹച​ര്യ​ങ്ങ​ളിൽ യഹോവ വെറു​ക്കുന്ന എന്തെങ്കി​ലും ചെയ്‌തു​പോ​കാ​തി​രി​ക്കാൻ പ്രത്യേ​കം ശ്രദ്ധി​ക്കണം.—എഫെ. 5:10-12, 15-17.

¹² പൗലോസ്‌ അപ്പോ​സ്‌തലൻ ഫിലി​പ്പി​യി​ലുള്ള ക്രിസ്‌ത്യാ​നി​കൾക്കു കത്ത്‌ എഴുതി​യ​പ്പോൾ “നീതി​നി​ഷ്‌ഠ​മാ​യ​തും നിർമ​ല​മാ​യ​തും സ്‌നേഹം ജനിപ്പി​ക്കു​ന്ന​തും . . . അത്യു​ത്ത​മ​മാ​യ​തും” ആയ കാര്യ​ങ്ങ​ളെ​ക്കു​റിച്ച്‌ തുടർന്നും ചിന്തി​ച്ചു​കൊ​ണ്ടി​രി​ക്കാൻ അവരെ പ്രോ​ത്സാ​ഹി​പ്പി​ച്ചു. (ഫിലി​പ്പി​യർ 4:8 വായി​ക്കുക.) പൗലോസ്‌ ഇവിടെ വിനോ​ദ​ത്തെ​ക്കു​റിച്ച്‌ നേരിട്ട്‌ സംസാ​രി​ക്കു​ക​യാ​യി​രു​ന്നില്ല. പക്ഷേ വിനോ​ദം തിര​ഞ്ഞെ​ടു​ക്കുന്ന സമയത്ത്‌ നമുക്ക്‌ ഈ കാര്യ​ങ്ങ​ളെ​ക്കു​റിച്ച്‌ ചിന്തി​ക്കാം. അതായത്‌ നമ്മൾ കേൾക്കുന്ന പാട്ടു​ക​ളും കാണുന്ന സിനി​മ​ക​ളും വായി​ക്കുന്ന പുസ്‌ത​ക​ങ്ങ​ളും കളിക്കുന്ന വീഡി​യോ ഗെയി​മു​ക​ളും പൗലോസ്‌ പറഞ്ഞ ആ കാര്യ​ങ്ങ​ളു​മാ​യി യോജി​പ്പി​ലാ​ണോ? അങ്ങനെ ചിന്തി​ക്കു​ന്നെ​ങ്കിൽ വിനോ​ദങ്ങൾ തിര​ഞ്ഞെ​ടു​ക്കു​മ്പോൾ അതു ദൈവ​ത്തി​ന്റെ ഇഷ്ടത്തിനു ചേർച്ച​യി​ലു​ള്ള​താ​ണോ അല്ലയോ എന്നു മനസ്സി​ലാ​ക്കാ​നാ​കും. അതിലൂ​ടെ നമ്മുടെ ജീവിതം യഹോ​വ​യു​ടെ ഉയർന്ന നിലവാ​ര​ങ്ങൾക്കു ചേർച്ച​യിൽ കൊണ്ടു​വ​രാൻ നമുക്കു കഴിയും. (സങ്കീ. 119:1-3) അതു ശുദ്ധമായ ഒരു മനസ്സാക്ഷി നേടി​ത്ത​രും. ശരിക്കുള്ള സന്തോഷം കിട്ടാൻ ചെയ്യേണ്ട അടുത്ത കാര്യം ചെയ്യാ​നും അതു നമ്മളെ സഹായി​ക്കും.—പ്രവൃ. 23:1.

13. ശരിക്കുള്ള സന്തോഷം തരുന്ന മൂന്നാ​മത്തെ കാര്യം എന്താണ്‌? (യോഹ​ന്നാൻ 4:23, 24)

¹³ മൂന്നാ​മത്തെ കാര്യം: സത്യാ​രാ​ധ​ന​യ്‌ക്കു ജീവി​ത​ത്തിൽ ഒന്നാം സ്ഥാനം നൽകു​ന്നു​ണ്ടെന്നു നമ്മൾ ഉറപ്പാ​ക്കണം. സ്രഷ്ടാവ്‌ എന്ന നിലയിൽ യഹോവ മാത്ര​മാ​ണു നമ്മുടെ ആരാധ​ന​യ്‌ക്ക്‌ അർഹൻ. (വെളി. 4:11; 14:6, 7) അതു​കൊണ്ട്‌ നമ്മുടെ ജീവി​ത​ത്തി​ലെ ഏറ്റവും പ്രധാ​ന​പ്പെട്ട കാര്യം യഹോവ ആഗ്രഹി​ക്കുന്ന വിധത്തിൽ ദൈവത്തെ ആരാധി​ക്കു​ന്ന​താ​യി​രി​ക്കണം. നമ്മൾ “ദൈവാ​ത്മാ​വോ​ടെ​യും സത്യ​ത്തോ​ടെ​യും” ദൈവത്തെ ആരാധി​ക്കണം എന്നു ബൈബിൾ പറയുന്നു. (യോഹ​ന്നാൻ 4:23, 24 വായി​ക്കുക.) ദൈവാ​ത്മാവ്‌ നമ്മുടെ ആരാധ​നയെ നയിക്കാൻ നമ്മൾ അനുവ​ദി​ക്കണം. അങ്ങനെ​യാ​കു​മ്പോൾ ദൈവ​വ​ച​ന​ത്തിൽ പറഞ്ഞി​രി​ക്കുന്ന സത്യങ്ങൾക്കു ചേർച്ച​യിൽ നമുക്ക്‌ യഹോ​വയെ ആരാധി​ക്കാൻ കഴിയും. ഇനി, നമ്മൾ താമസി​ക്കുന്ന ദേശത്ത്‌ നമ്മുടെ പ്രവർത്ത​ന​ങ്ങൾക്കു നിയ​ന്ത്ര​ണ​മോ നിരോ​ധ​ന​മോ ഉണ്ടെങ്കിൽപ്പോ​ലും ആരാധന ഒന്നാം സ്ഥാനത്തു​തന്നെ വരേണ്ട​തുണ്ട്‌. യഹോ​വ​യു​ടെ സാക്ഷി​ക​ളാണ്‌ എന്നതിന്റെ പേരിൽ നൂറി​ലേറെ സഹോ​ദ​ര​ങ്ങ​ളാണ്‌ ഇപ്പോൾ ജയിലിൽ കഴിയു​ന്നത്‌. * എങ്കിലും ദൈവ​ത്തോ​ടു പ്രാർഥി​ക്കാ​നും ബൈബിൾ പഠിക്കാ​നും ദൈവ​ത്തെ​ക്കു​റി​ച്ചും ദൈവ​രാ​ജ്യ​ത്തെ​ക്കു​റി​ച്ചും മറ്റുള്ള​വ​രോ​ടു പറയാ​നും തങ്ങളാ​ലാ​കു​ന്ന​തെ​ല്ലാം ചെയ്യു​ന്ന​തു​കൊണ്ട്‌ അവർ സന്തോ​ഷ​മു​ള്ള​വ​രാണ്‌. ഉപദ്ര​വ​മോ പരിഹാ​സ​മോ ഒക്കെ സഹി​ക്കേ​ണ്ടി​വ​രു​മ്പോൾ യഹോവ കൂടെ​യു​ണ്ടെ​ന്നും നമുക്കു പ്രതി​ഫലം തരു​മെ​ന്നും ഉള്ള അറിവ്‌ സന്തോ​ഷ​ത്തോ​ടെ മുന്നോ​ട്ടു​പോ​കാൻ നമ്മളെ സഹായി​ക്കും.—യാക്കോ. 1:12; 1 പത്രോ. 4:14.

14. താജി​കി​സ്ഥാ​നി​ലുള്ള ചെറു​പ്പ​ക്കാ​ര​നായ ഒരു സഹോ​ദ​രന്‌ എന്തു നേരി​ടേ​ണ്ടി​വന്നു, എന്തു​കൊണ്ട്‌?

¹⁴ നമ്മുടെ സാഹച​ര്യം എന്തുത​ന്നെ​യാ​യി​രു​ന്നാ​ലും, ഇതുവരെ ചർച്ച ചെയ്‌ത മൂന്നു കാര്യങ്ങൾ ചെയ്യു​ന്ന​തി​ലൂ​ടെ ശരിക്കുള്ള സന്തോഷം കണ്ടെത്താ​മെന്നു പലരു​ടെ​യും ജീവിതം പഠിപ്പി​ക്കു​ന്നു. അത്തരം ഒരു അനുഭവം നോക്കാം. താജി​കി​സ്‌ഥാ​നിൽനി​ന്നുള്ള 19 വയസ്സു​കാ​ര​നായ ജോബി​ഡൻ ബബിജി​നോവ്‌ സഹോ​ദ​രന്റെ അനുഭ​വ​മാണ്‌ അത്‌. സൈനി​ക​സേ​വനം ചെയ്യാൻ തയ്യാറാ​കാ​ഞ്ഞ​തു​കൊണ്ട്‌ 2019 ഒക്‌ടോ​ബർ 4-ാം തീയതി സഹോ​ദ​രനെ ബലമായി വീട്ടിൽനിന്ന്‌ പിടി​ച്ചു​കൊ​ണ്ടു​പോ​കു​ക​യും മാസങ്ങ​ളോ​ളം തടവിൽ വെക്കു​ക​യും ചെയ്‌തു. ഒരു കുറ്റവാ​ളി​യോട്‌ എന്നപോ​ലെ​യാണ്‌ അവർ അദ്ദേഹ​ത്തോ​ടു പെരു​മാ​റി​യത്‌. അദ്ദേഹ​ത്തോ​ടു കാണിച്ച ഈ അനീതി പല രാജ്യ​ങ്ങ​ളി​ലെ​യും മാധ്യ​മ​ങ്ങ​ളിൽ വലിയ വാർത്ത​യാ​യി. എങ്ങനെ​യും സൈനി​ക​പ്ര​തിജ്ഞ ചൊല്ലി​ക്കാ​നും സൈന്യ​ത്തി​ന്റെ യൂണി​ഫോം ധരിപ്പി​ക്കാ​നും വേണ്ടി അവർ അദ്ദേഹത്തെ ഒരുപാ​ടു തല്ലിയ​താ​യി മാധ്യ​മങ്ങൾ റിപ്പോർട്ടു ചെയ്‌തു. പിന്നീട്‌ ജോബി​ഡനെ ഒരു കുറ്റവാ​ളി​യാ​യി വിധിച്ച്‌ ജയിലി​ല​ടച്ചു. അവിടത്തെ പ്രസി​ഡന്റ്‌ അദ്ദേഹത്തെ കുറ്റവി​മു​ക്ത​നാ​ക്കു​ക​യും തടവിൽനിന്ന്‌ മോചി​പ്പി​ക്കു​ക​യും ചെയ്യു​ന്ന​തു​വരെ അദ്ദേഹ​ത്തിന്‌ അവിടെ  കഴി​യേ​ണ്ടി​വന്നു. ജയിലി​ലാ​യി​രുന്ന ഈ സമയം മുഴുവൻ ജോബി​ഡൻ സഹോ​ദരൻ വിശ്വ​സ്‌ത​നാ​യി തുടരു​ക​യും സന്തോഷം നിലനി​റു​ത്തു​ക​യും ചെയ്‌തു. എങ്ങനെ​യാ​ണു സഹോ​ദ​രന്‌ അതിനു കഴിഞ്ഞത്‌? തന്റെ ആത്മീയ​ദാ​ഹം തൃപ്‌തി​പ്പെ​ടു​ത്തു​ന്ന​തിൽ സഹോ​ദരൻ എപ്പോ​ഴും ശ്രദ്ധിച്ചു.

15. ജയിലി​ലാ​യി​രു​ന്ന​പ്പോൾ ജോബി​ഡൻ സഹോ​ദരൻ എങ്ങനെ​യാണ്‌ ആത്മീയാ​ഹാ​രം കഴിച്ചു​കൊ​ണ്ടി​രു​ന്നത്‌?

¹⁵ ജയിലിൽവെച്ച്‌ ബൈബി​ളും മറ്റു പ്രസി​ദ്ധീ​ക​ര​ണ​ങ്ങ​ളും കയ്യിൽ ഇല്ലാതി​രു​ന്ന​പ്പോ​ഴും ജോബി​ഡൻ സഹോ​ദരൻ ആത്മീയാ​ഹാ​രം കഴിച്ചു​കൊ​ണ്ടേ​യി​രു​ന്നു. എങ്ങനെ അതു സാധ്യ​മാ​യി? അവിടത്തെ സഹോ​ദ​രങ്ങൾ അദ്ദേഹ​ത്തി​നു ഭക്ഷണസാ​ധ​നങ്ങൾ നൽകുന്ന സമയത്ത്‌ ആ കവറിൽ ദിനവാ​ക്യം എഴുതി​ക്കൊ​ടു​ക്കും. അങ്ങനെ സഹോ​ദ​രന്‌ എല്ലാ ദിവസ​വും ബൈബിൾ വായി​ക്കാ​നും അതെക്കു​റിച്ച്‌ ചിന്തി​ക്കാ​നും ഒക്കെ കഴിഞ്ഞു. ജയിലിൽനിന്ന്‌ പുറത്ത്‌ വന്ന ജോബി​ഡൻ, ഇതുവരെ ഇത്തരം പ്രശ്‌ന​ങ്ങ​ളൊ​ന്നും നേരി​ട്ടി​ട്ടി​ല്ലാത്ത സഹോ​ദ​ര​ങ്ങ​ളോ​ടു പറയു​ന്നത്‌ ഇതാണ്‌: “നിങ്ങൾക്ക്‌ ഇപ്പോ​ഴുള്ള സ്വാത​ന്ത്ര്യം, ബൈബി​ളും മറ്റു പ്രസി​ദ്ധീ​ക​ര​ണ​ങ്ങ​ളും വായി​ച്ചു​കൊണ്ട്‌ യഹോ​വ​യെ​ക്കു​റിച്ച്‌ കൂടുതൽ പഠിക്കാൻ ഏറ്റവും നന്നായി ഉപയോ​ഗി​ക്കുക. അതു വളരെ പ്രധാ​ന​മാണ്‌.”

16. ജോബി​ഡൻ സഹോ​ദരൻ ഏതു കാര്യ​ങ്ങ​ളി​ലാ​ണു തന്റെ ശ്രദ്ധ കേന്ദ്രീ​ക​രി​ച്ചത്‌?

¹⁶ ജോബി​ഡൻ യഹോ​വ​യു​ടെ നിലവാ​ര​ങ്ങൾക്കു ചേർച്ച​യിൽ ജീവിച്ചു. തെറ്റായ കാര്യങ്ങൾ ചിന്തി​ക്കു​ക​യും പ്രവർത്തി​ക്കു​ക​യും ചെയ്യു​ന്ന​തി​നു പകരം യഹോ​വ​യെ​ക്കു​റി​ച്ചും യഹോവ ഇഷ്ടപ്പെ​ടുന്ന കാര്യ​ങ്ങ​ളെ​ക്കു​റി​ച്ചും ആണ്‌ സഹോ​ദരൻ ചിന്തി​ച്ചത്‌. ദൈവ​ത്തി​ന്റെ മനോ​ഹ​ര​മായ സൃഷ്ടി​കളെ നിരീ​ക്ഷി​ക്കാ​നും ജോബി​ഡൻ സമയം കണ്ടെത്തി. എല്ലാ ദിവസ​വും കിളി​ക​ളു​ടെ പാട്ടും ചിലപ്പും  ഒക്കെ കേട്ടാണ്‌ അദ്ദേഹം ഉണർന്നി​രു​ന്നത്‌. ഇനി, രാത്രി​യിൽ ചന്ദ്ര​നെ​യും നക്ഷത്ര​ങ്ങ​ളെ​യും അദ്ദേഹം അതിശ​യ​ത്തോ​ടെ നോക്കി​നിൽക്കു​മാ​യി​രു​ന്നു. സഹോ​ദരൻ പറയുന്നു: “യഹോവ തന്ന ഈ സമ്മാനങ്ങൾ എന്റെ ഹൃദയത്തെ സന്തോ​ഷി​പ്പി​ക്കു​ക​യും എനിക്കു പ്രോ​ത്സാ​ഹനം നൽകു​ക​യും ചെയ്‌തു.” യഹോവ തരുന്ന ആത്മീയ​വും അല്ലാത്ത​തും ആയ എല്ലാ നല്ല ദാനങ്ങ​ളോ​ടും നമ്മൾ നന്ദിയു​ള്ള​വ​രാ​ണെ​ങ്കിൽ അതു നമ്മുടെ ഹൃദയത്തെ സന്തോ​ഷി​പ്പി​ക്കും. ആ സന്തോഷം, പ്രശ്‌ന​ങ്ങ​ളൊ​ക്കെ ഉണ്ടാകു​മ്പോ​ഴും പിടി​ച്ചു​നിൽക്കാൻ നമ്മളെ സഹായി​ക്കും.

17. ജോബി​ഡ​ന്റേ​തു​പോ​ലുള്ള ഒരു പ്രശ്‌നം നേരി​ടു​മ്പോൾ സഹിച്ചു​നി​ന്നാൽ എന്തായി​രി​ക്കും പ്രയോ​ജനം? (1 പത്രോസ്‌ 1:6, 7)

¹⁷ യഹോ​വയെ ആരാധി​ക്കു​ന്ന​തി​നു ജോബി​ഡൻ ജീവി​ത​ത്തിൽ ഒന്നാം സ്ഥാനം നൽകു​ക​യും ചെയ്‌തു. സത്യ​ദൈ​വ​ത്തോ​ടു വിശ്വ​സ്‌ത​നാ​യി​രി​ക്കു​ന്ന​തി​ന്റെ പ്രാധാ​ന്യം അദ്ദേഹ​ത്തി​നു നന്നായി അറിയാ​മാ​യി​രു​ന്നു. അതാണ​ല്ലോ യേശു നമ്മളെ പഠിപ്പി​ച്ചത്‌: “നിന്റെ ദൈവ​മായ യഹോ​വ​യെ​യാ​ണു നീ ആരാധി​ക്കേ​ണ്ടത്‌. ആ ദൈവത്തെ മാത്രമേ നീ സേവി​ക്കാ​വൂ.” (ലൂക്കോ. 4:8) ജോബി​ഡൻ തന്റെ വിശ്വാ​സം ഉപേക്ഷി​ക്കാ​നാ​ണു സൈനി​കോ​ദ്യോ​ഗ​സ്ഥ​രും പട്ടാള​ക്കാ​രും ആഗ്രഹി​ച്ചത്‌. പക്ഷേ സഹോ​ദരൻ എല്ലാ ദിവസ​വും, രാത്രി​യും പകലും യഹോ​വ​യോട്‌ ഉള്ളുരു​കി പ്രാർഥി​ക്കു​ക​യും വിശ്വാ​സ​ത്തിൽ ഉറച്ചു​നിൽക്കാൻ സഹായി​ക്കണേ എന്ന്‌ അപേക്ഷി​ക്കു​ക​യും ചെയ്യു​മാ​യി​രു​ന്നു. അന്യാ​യ​മാ​യി ഉപദ്രവം സഹി​ക്കേ​ണ്ടി​വ​ന്നെ​ങ്കി​ലും ജോബി​ഡൻ ഒരു വിട്ടു​വീ​ഴ്‌ച​യ്‌ക്കും തയ്യാറാ​യില്ല. അതു​കൊ​ണ്ടു​തന്നെ, സഹോ​ദ​രനെ ബലമായി വീട്ടിൽനിന്ന്‌ പിടി​ച്ചു​കൊ​ണ്ടു​പോ​കു​ക​യും ഉപദ്ര​വി​ക്കു​ക​യും ജയിലി​ലാ​ക്കു​ക​യും ഒക്കെ ചെയ്യു​ന്ന​തി​നു മുമ്പ്‌ ഇല്ലാതി​രുന്ന തരത്തി​ലുള്ള വിശ്വാ​സം ഇന്ന്‌ അദ്ദേഹ​ത്തി​നുണ്ട്‌—‘മാറ്റു തെളി​യി​ക്ക​പ്പെട്ട വിശ്വാ​സം.’ അതിൽ അദ്ദേഹ​ത്തി​നു സന്തോ​ഷി​ക്കാ​നാ​കു​ന്നു.—1 പത്രോസ്‌ 1:6, 7 വായി​ക്കുക.

18. സന്തോ​ഷ​ത്തോ​ടെ​യി​രി​ക്കാൻ നമുക്ക്‌ എങ്ങനെ കഴിയും?

¹⁸ ശരിക്കുള്ള സന്തോഷം കണ്ടെത്താൻ നമ്മൾ ചെയ്യേ​ണ്ടത്‌ എന്താ​ണെന്ന്‌ യഹോ​വ​യ്‌ക്കു നന്നായി അറിയാം. ഇതുവരെ നമ്മൾ ചർച്ച ചെയ്‌ത ആ മൂന്നു കാര്യങ്ങൾ, ജീവി​ത​ത്തിൽ എന്തെല്ലാം പ്രശ്‌ന​ങ്ങ​ളു​ണ്ടാ​യാ​ലും സന്തോ​ഷ​ത്തോ​ടെ​യി​രി​ക്കാൻ നമ്മളെ സഹായി​ക്കും. “യഹോവ ദൈവ​മാ​യുള്ള ജനം സന്തുഷ്ടർ” എന്ന്‌ അപ്പോൾ നമുക്കും പറയാ​നാ​കും.—സങ്കീ. 144:15.