കൂടുതൽ ആളുകൾ സന്തോ​ഷ​വാർത്ത പ്രസം​ഗി​ക്കാൻതു​ട​ങ്ങി​യ​തോ​ടെ പ്രസി​ദ്ധീ​ക​ര​ണ​ങ്ങ​ളു​ടെ ആവശ്യം കൂടി​ക്കൂ​ടി​വന്നു. മാസി​കകൾ ബ്രൂക്‌ലിൻ ബഥേലിൽത്തന്നെ അച്ചടി​ച്ചി​രു​ന്നെ​ങ്കി​ലും ബയൻഡിട്ട പുസ്‌ത​കങ്ങൾ അച്ചടി​ക്കു​ന്ന​തി​നു പുറത്തെ കമ്പനി​ക​ളെ​യാണ്‌ ആശ്രയി​ച്ചി​രു​ന്നത്‌. ഒരിക്കൽ മാസങ്ങ​ളോ​ളം നമുക്കു പുസ്‌തകം കിട്ടാ​തെ​വ​ന്ന​പ്പോൾ അതു നമ്മുടെ പ്രസം​ഗ​പ്ര​വർത്ത​ന​ത്തി​നു ചില തടസ്സങ്ങൾ സൃഷ്ടിച്ചു. അതു​കൊണ്ട്‌ റഥർഫോർഡ്‌ സഹോ​ദരൻ ഫാക്ടറി​യു​ടെ ചുമത​ല​യു​ണ്ടാ​യി​രുന്ന റോബർട്ട്‌ മാർട്ടിൻ സഹോ​ദ​ര​നോ​ടു പുസ്‌ത​ക​ങ്ങ​ളു​ടെ അച്ചടി​യും അവി​ടെ​ത്തന്നെ നടത്തു​ന്ന​തി​നെ​ക്കു​റിച്ച്‌ ചോദി​ച്ചു.

മാർട്ടിൻ സഹോ​ദരൻ പറയുന്നു: “അത്‌ ആവേശം ജനിപ്പിച്ച ഒരു നിർദേ​ശ​മാ​യി​രു​ന്നു. കാരണം, സ്വന്തമാ​യി പുസ്‌തകം അച്ചടിച്ച്‌, ബയൻഡ്‌ ചെയ്‌ത്‌ പുറത്തി​റ​ക്കു​ന്നത്‌ അത്ര നിസ്സാ​ര​കാ​ര്യ​മാ​യി​രു​ന്നില്ല.” അതിനു​വേണ്ടി സഹോ​ദ​രങ്ങൾ ബ്രൂക്‌ലി​നി​ലെ 18 കോൺകോഡ്‌ സ്‌ട്രീ​റ്റിൽ ഒരു സ്ഥലം വാടക​യ്‌ക്കെ​ടുത്ത്‌ വേണ്ട സജ്ജീക​ര​ണ​ങ്ങ​ളൊ​ക്കെ ചെയ്‌തു.

ഈ പുതിയ മുന്നേറ്റം എല്ലാവർക്കും അത്ര രസിച്ചില്ല. നമുക്കുവേണ്ടി പുസ്‌ത​കങ്ങൾ നിർമി​ച്ചി​രുന്ന ഒരു കമ്പനി​യു​ടെ പ്രസി​ഡന്റ്‌ ഈ പുതിയ അച്ചടി​ശാ​ല​യിൽ വന്നിട്ട്‌ പറഞ്ഞു: “നിങ്ങളു​ടെ ഈ അച്ചടി​യ​ന്ത്ര​ങ്ങ​ളും മറ്റ്‌ ഉപകര​ണ​ങ്ങ​ളും ഒക്കെ ഒന്നാന്ത​ര​മാണ്‌. പക്ഷേ, ഇവി​ടെ​യുള്ള ഒരു കുഞ്ഞി​നു​പോ​ലും അതു മര്യാ​ദ​യ്‌ക്ക്‌ ഉപയോ​ഗി​ക്കാൻ അറിയില്ല. നോക്കി​ക്കോ, ആറു മാസത്തി​നു​ള്ളിൽ ഇതു മൊത്തം കുട്ടി​ച്ചോ​റാ​കും.”

മാർട്ടിൻ സഹോ​ദരൻ പറയുന്നു: “ഒറ്റ നോട്ട​ത്തിൽ അദ്ദേഹം പറഞ്ഞതിൽ കാര്യ​മു​ണ്ടെന്നു തോന്നാ​മാ​യി​രു​ന്നു. പക്ഷേ ഞങ്ങൾ, എല്ലാം കർത്താ​വി​നു വിട്ടു. ഞങ്ങളു​ടെ​കൂ​ടെ കർത്താവ്‌ എപ്പോ​ഴു​മു​ണ്ടാ​യി​രു​ന്നു.” അതിന്റെ തെളി​വു​കൾ കാണാ​നു​മാ​യി. കാരണം, അധികം വൈകാ​തെ ആ പുതിയ അച്ചടി​ശാ​ല​യിൽനിന്ന്‌ ദിവസ​വും 2,000 പുസ്‌ത​ക​ങ്ങ​ളാ​ണു പുറത്തി​റ​ങ്ങി​യി​രു​ന്നത്‌.

പ്രസി​ദ്ധീ​ക​ര​ണ​ങ്ങ​ളി​ലൂ​ടെ സന്തോ​ഷ​വാർത്ത മറ്റുള്ള​വരെ അറിയി​ക്കു​ന്ന​തോ​ടൊ​പ്പം പുതിയ ഒരു രീതി​യി​ലും യഹോ​വ​യു​ടെ ജനം അതു ചെയ്യാൻതു​ടങ്ങി—റേഡി​യോ​പ്ര​ക്ഷേ​പ​ണ​ത്തി​ലൂ​ടെ. 1922 ഫെബ്രു​വരി 26-ാം തീയതി ഞായറാഴ്‌ച ഉച്ച കഴിഞ്ഞ്‌ റഥർഫോർഡ്‌ സഹോ​ദരൻ ആദ്യമാ​യി റേഡി​യോ​യി​ലൂ​ടെ പ്രസം​ഗി​ച്ചു. അന്ന്‌ അദ്ദേഹം നടത്തിയ പ്രസം​ഗ​ത്തി​ന്റെ വിഷയം, “ഇപ്പോൾ  ജീവി​ക്കുന്ന ദശലക്ഷങ്ങൾ ഒരിക്ക​ലും മരിക്ക​യില്ല” എന്നതാ​യി​രു​ന്നു. യു.എസ്‌.എ.-യിലെ കാലി​ഫോർണി​യ​യി​ലുള്ള ലോസ്‌ ആഞ്ചലസി​ലെ കെഒജി റേഡി​യോ നിലയ​ത്തിൽനി​ന്നാ​യി​രു​ന്നു അത്‌.

25,000-ത്തോളം ആളുകൾ ഈ പരിപാ​ടി കേട്ടു. ചിലർ നന്ദി അറിയി​ച്ചു​കൊണ്ട്‌ കത്തുകൾ എഴുതി. കാലി​ഫോർണി​യ​യി​ലെ സാന്താ ആനാ എന്ന സ്ഥലത്ത്‌ താമസി​ക്കുന്ന വില്യം ആഷ്‌ഫോർഡ്‌ കത്തുകൾ എഴുതി​യ​വ​രിൽ ഒരാളാ​യി​രു​ന്നു. റഥർഫോർഡ്‌ സഹോ​ദ​രന്റെ പ്രസം​ഗ​ത്തെ​ക്കു​റിച്ച്‌ “അതു നല്ല രസമാ​യി​രു​ന്നു” എന്നാണ്‌ അദ്ദേഹം പറഞ്ഞത്‌. അദ്ദേഹം തുടർന്നു: “വീട്ടിൽ മൂന്നു രോഗി​ക​ളു​ള്ള​തു​കൊണ്ട്‌ വീടിന്റെ തൊട്ട​ടുത്ത്‌ എവി​ടെ​യെ​ങ്കി​ലു​മാ​ണു പ്രസംഗം നടക്കു​ന്ന​തെ​ങ്കിൽപ്പോ​ലും ഞങ്ങൾക്കു പോയി കേൾക്കാ​നാ​കു​മാ​യി​രു​ന്നില്ല. റേഡി​യോ​യി​ലൂ​ടെ​യാ​യ​തു​കൊണ്ട്‌ ഒന്നും നഷ്ടപ്പെ​ടാ​തെ മുഴുവൻ കേൾക്കാൻ കഴിഞ്ഞു.”

അതു കഴിഞ്ഞു​വന്ന ആഴ്‌ച​ക​ളിൽ ധാരാളം പ്രക്ഷേ​പ​ണങ്ങൾ നടത്തി. വീക്ഷാ​ഗോ​പു​രം പറയു​ന്ന​ത​നു​സ​രിച്ച്‌ ആ വർഷം അവസാ​ന​മാ​യ​പ്പോ​ഴേ​ക്കും “3,00,000 പേരെ​ങ്കി​ലും റേഡി​യോ​യി​ലൂ​ടെ ഈ സന്ദേശം കേട്ടു.”

പ്രക്ഷേ​പ​ണ​ത്തി​നു നല്ല പ്രതി​ക​രണം ലഭിച്ചു​തു​ട​ങ്ങി​യ​തോ​ടെ ബൈബിൾവി​ദ്യാർഥി​കൾ സ്വന്തമാ​യി ഒരു റേഡി​യോ നിലയം പണിയാൻതന്നെ തീരു​മാ​നി​ച്ചു. അങ്ങനെ ബ്രൂക്‌ലിൻ ബഥേലിന്‌ അടുത്തുള്ള സ്‌റ്റേറ്റൺ ദ്വീപിൽ അവർ ഒരു റേഡി​യോ നിലയം പണിതു. തുടർന്നു​വന്ന വർഷങ്ങ​ളിൽ ബൈബിൾവി​ദ്യാർഥി​കൾ ഡബ്ല്യു​ബി​ബി​ആർ എന്ന ആ റേഡി​യോ നിലയം രാജ്യ​സ​ന്ദേശം ധാരാളം പേരെ അറിയി​ക്കാൻ വിപു​ല​മാ​യി ഉപയോ​ഗി​ച്ചു.

1922 സെപ്‌റ്റം​ബർ 5 മുതൽ 13 വരെയുള്ള ദിവസ​ങ്ങ​ളിൽ ഒഹാ​യോ​യി​ലെ സീഡാർ പോയി​ന്റിൽവെച്ച്‌ ഒരു കൺ​വെൻ​ഷൻ നടക്കു​മെന്ന അറിയിപ്പ്‌ 1922 ജൂൺ 15 ലക്കം വീക്ഷാ​ഗോ​പു​ര​ത്തിൽ (ഇംഗ്ലീഷ്‌) ഉണ്ടായി​രു​ന്നു. അന്ന്‌ ആ കൺ​വെൻ​ഷ​നു​വേണ്ടി കൂടിവന്ന ബൈബിൾവി​ദ്യാർഥി​ക​ളു​ടെ ആവേശം വളരെ വലുതാ​യി​രു​ന്നു.

കൺ​വെൻ​ഷ​ന്റെ സ്വാഗ​ത​പ്ര​സം​ഗ​ത്തിൽ റഥർഫോർഡ്‌ സഹോ​ദരൻ സദസ്സി​ലു​ള്ള​വ​രോ​ടു പറഞ്ഞു: “എനിക്കു പൂർണ ബോധ്യ​മുണ്ട്‌, കർത്താവ്‌ . . . നമ്മുടെ ഈ കൺ​വെൻ​ഷനെ അനു​ഗ്ര​ഹി​ക്കും. ഇതുവരെ ഭൂമി​യിൽ നൽക​പ്പെ​ടാത്ത വിധത്തിൽ വലി​യൊ​രു സാക്ഷ്യം നൽകാൻ നമ്മളെ സഹായി​ക്കും.” ആ കൺ​വെൻ​ഷ​നിൽ നടന്ന മുഴുവൻ പ്രസം​ഗ​ങ്ങ​ളി​ലും സന്തോ​ഷ​വാർത്ത അറിയി​ക്കു​ന്ന​തി​നുള്ള കൂടുതൽ പ്രോ​ത്സാ​ഹനം നൽകി.

സെപ്‌റ്റം​ബർ 8, വെള്ളി​യാഴ്‌ച ഏതാണ്ട്‌ 8,000 ആളുകൾ ആ ഓഡി​റ്റോ​റി​യ​ത്തിൽ കൂടി​വന്നു. റഥർഫോർഡ്‌ സഹോ​ദ​രന്റെ പ്രസംഗം കേൾക്കാ​നുള്ള ആവേശ​ത്തി​ലാ​യി​രു​ന്നു എല്ലാവ​രും. അവരുടെ കാര്യ​പ​രി​പാ​ടി​യി​ലു​ണ്ടാ​യി​രുന്ന “ADV” എന്ന അക്ഷരങ്ങ​ളു​ടെ അർഥം റഥർഫോർഡ്‌ സഹോ​ദരൻ വിശദീ​ക​രി​ക്കു​മെന്ന പ്രതീ​ക്ഷ​യിൽ അവർ ആകാം​ക്ഷ​യോ​ടെ കാത്തി​രു​ന്നു. കൂടാതെ സ്റ്റേജിനു മുകളിൽ വലി​യൊ​രു ബാനർ ചുരു​ട്ടി​വെ​ച്ചി​രി​ക്കു​ന്ന​തും പലരു​ടെ​യും ശ്രദ്ധയിൽപ്പെട്ടു. ഈ കൺ​വെൻ​ഷൻ കൂടു​ന്ന​തി​നു​വേണ്ടി യു.എസ്‌.എ.-യിലെ  ഓക്‌ല​ഹോ​മ​യി​ലുള്ള ടുൽസ​യിൽനിന്ന്‌ ആർതർ ക്ലോസ്‌ എന്നു പേരുള്ള ഒരു സഹോ​ദരൻ വന്നിരു​ന്നു. അന്ന്‌ ഇപ്പോ​ഴു​ള്ള​തു​പോ​ലെ മൈക്കും കാര്യ​ങ്ങ​ളും ഒന്നും ഇല്ലാതി​രു​ന്ന​തു​കൊണ്ട്‌ പ്രസംഗം നന്നായി കേൾക്കാൻ പറ്റുന്ന ഒരു സീറ്റ്‌ അദ്ദേഹം കണ്ടെത്തി.

റഥർഫോർഡ്‌ സഹോ​ദ​രന്റെ പ്രസംഗം നടക്കുന്ന സമയത്ത്‌ തടസ്സങ്ങ​ളൊ​ന്നും വരാതി​രി​ക്കാൻ കൺ​വെൻ​ഷനു വൈകി വരുന്ന​വരെ കയറ്റി​വി​ടി​ല്ലെന്ന്‌ അധ്യക്ഷൻ അറിയി​ച്ചി​രു​ന്നു. രാവിലെ കൃത്യം 9:30-നുതന്നെ സഹോ​ദ​രന്റെ പ്രസംഗം ആരംഭി​ച്ചു. മത്തായി 4:17–ലെ ‘സ്വർഗ​രാ​ജ്യം സമീപി​ച്ചി​രി​ക്കു​ന്നു’ എന്ന യേശു​വി​ന്റെ വാക്കുകൾ പറഞ്ഞു​കൊ​ണ്ടാണ്‌ അദ്ദേഹം തുടങ്ങി​യത്‌. ആളുകൾ ദൈവ​രാ​ജ്യ​സ​ന്ദേശം എങ്ങനെ കേൾക്കും എന്നതി​നെ​ക്കു​റിച്ച്‌ പറയു​ന്ന​തി​നി​ട​യ്‌ക്ക്‌ ‘യേശു തന്റെ സാന്നി​ധ്യ​കാ​ലത്ത്‌ വലി​യൊ​രു കൊയ്‌ത്തു നടത്തു​മെ​ന്നും അതിൽ സത്യവും നീതി​യും ഉള്ളവരെ കൂട്ടി​ച്ചേർക്കു​മെ​ന്നും യേശു​തന്നെ പറഞ്ഞി​ട്ടു​ള്ള​താ​യി’ അദ്ദേഹം പറഞ്ഞു.

ഓഡി​റ്റോ​റി​യ​ത്തിൽ ഇരുന്ന്‌ പരിപാ​ടി കൂടി​യി​രുന്ന ക്ലോസ്‌ സഹോ​ദരൻ പറയുന്നു: “ഓരോ വാക്കും ഞങ്ങൾ വളരെ ശ്രദ്ധ​യോ​ടെ​യാ​ണു കേട്ടു​കൊ​ണ്ടി​രു​ന്നത്‌.” പക്ഷേ, പെട്ടെന്നു ക്ലോസ്‌ സഹോ​ദ​രന്‌ ഒരു വയ്യായ്‌ക തോന്നി​യ​തു​കൊണ്ട്‌ ഓഡി​റ്റോ​റി​യ​ത്തിൽനിന്ന്‌ പുറത്ത്‌ പോ​കേ​ണ്ടി​വന്നു. ഇറങ്ങി​പ്പോ​യാൽ പിന്നെ തിരിച്ച്‌ കയറാൻ പറ്റി​ല്ലെന്ന്‌ അദ്ദേഹ​ത്തിന്‌ അറിയാ​മാ​യി​രു​ന്നു. അതു​കൊ​ണ്ടു​തന്നെ മനസ്സി​ല്ലാ​മ​ന​സ്സോ​ടെ​യാ​ണു പുറ​ത്തേക്കു പോയത്‌.

കുറച്ച്‌ സമയം കഴിഞ്ഞ​പ്പോൾ അദ്ദേഹ​ത്തി​ന്റെ അസ്വസ്ഥ​ത​യൊ​ക്കെ മാറി. പ്രസംഗം കേൾക്കു​ന്ന​തി​നു​വേണ്ടി അദ്ദേഹം വീണ്ടും ഓഡി​റ്റോ​റി​യ​ത്തി​ന്റെ അടു​ത്തേക്കു ചെന്നു. അപ്പോൾ വലി​യൊ​രു കയ്യടി​യാ​ണു കേട്ടത്‌. അതോടെ അദ്ദേഹ​ത്തിന്‌ ആവേശം കൂടി. മേൽക്കൂ​ര​യിൽ കയറി​യി​ട്ടാ​ണെ​ങ്കി​ലും അതു കേൾക്ക​ണ​മെന്നു തീരു​മാ​നി​ച്ചു. അന്ന്‌ അദ്ദേഹ​ത്തിന്‌ 23 വയസ്സേ ഉണ്ടായി​രു​ന്നു​ള്ളൂ, ചെറു​പ്രാ​യം. സഹോ​ദരൻ അവിടെ കയറി​പ്പ​റ്റാ​നുള്ള ഒരു വഴി കണ്ടെത്തി. അവിടെ എത്തിയ​പ്പോൾ സൂര്യ​പ്ര​കാ​ശം ഓഡി​റ്റോ​റി​യ​ത്തി​നു​ള്ളിൽ കിട്ടു​ന്ന​തി​നു​വേണ്ടി ഉണ്ടാക്കി​യി​രുന്ന ദ്വാര​ങ്ങ​ളെ​ല്ലാം തുറന്നി​രി​ക്കു​ക​യാ​യി​രു​ന്നു. അതു​കൊ​ണ്ടു​തന്നെ അദ്ദേഹ​ത്തി​നു പ്രസംഗം നന്നായി കേൾക്കാൻ കഴിഞ്ഞു.

അവിടെ ക്ലോസ്‌ സഹോ​ദരൻ മാത്ര​മാ​യി​രു​ന്നില്ല, അദ്ദേഹ​ത്തി​ന്റെ ചില കൂട്ടു​കാ​രു​മു​ണ്ടാ​യി​രു​ന്നു. അവരിൽ ഒരാളാ​യി​രു​ന്നു ഫ്രാങ്ക്‌ ജോൺസൺ. ക്ലോസ്‌ സഹോ​ദ​രനെ കണ്ട ഉടനെ അദ്ദേഹം അടുത്ത്‌ വന്ന്‌ ചോദി​ച്ചു: “കയ്യിൽ മൂർച്ച​യുള്ള പേനാ​ക്ക​ത്തി​യു​ണ്ടോ?”

ക്ലോസ്‌ സഹോ​ദരൻ പറഞ്ഞു: “ഉണ്ടല്ലോ.”

അദ്ദേഹം പറഞ്ഞു: “ഹോ, ദൈവം ഞങ്ങളുടെ  പ്രാർഥന കേട്ടു. ഇവിടെ കെട്ടി​യി​രി​ക്കുന്ന ഈ വലിയ ബാനർ കണ്ടോ, ജഡ്‌ജി * പറയു​ന്നതു ശ്രദ്ധിച്ച്‌ കേൾക്കണം. അദ്ദേഹം ‘പ്രസി​ദ്ധ​മാ​ക്കു​വിൻ, പ്രസി​ദ്ധ​മാ​ക്കു​വിൻ’ എന്നു പറയു​മ്പോൾ ഈ നാലു ചരടും മുറി​ക്കണം.”

ക്ലോസ്‌ സഹോ​ദ​ര​നും മറ്റുള്ള​വ​രും ‘പ്രസി​ദ്ധ​മാ​ക്കു​വിൻ, പ്രസി​ദ്ധ​മാ​ക്കു​വിൻ’ എന്ന വാക്കുകൾ കേൾക്കാ​നാ​യി ശ്രദ്ധ​യോ​ടെ കാത്തി​രു​ന്നു. പെട്ടെ​ന്നു​തന്നെ റഥർഫോർഡ്‌ സഹോ​ദ​രന്റെ പ്രസംഗം അതിന്റെ ഏറ്റവും പ്രധാ​ന​പ്പെട്ട ഭാഗ​ത്തെത്തി. വികാ​രാ​ധീ​ന​നാ​യി ആവേശ​ത്തോ​ടെ സഹോ​ദരൻ ഉറക്കെ ഇങ്ങനെ പറഞ്ഞു: “കർത്താ​വി​നു വിശ്വ​സ്‌ത​രും സത്യവാ​ന്മാ​രു​മായ സാക്ഷി​ക​ളാ​യി​രി​ക്കു​വിൻ. ബാബി​ലോൺ തരിമ്പു​പോ​ലും ശേഷി​ക്കാ​തെ ശൂന്യ​മാ​ക്ക​പ്പെ​ടു​ന്ന​തു​വരെ മുന്നേ​റു​വിൻ. സന്ദേശം ഉടനീളം ഉദ്‌ഘോ​ഷി​ക്കു​വിൻ. യഹോവ ദൈവ​മാ​ണെ​ന്നും യേശു​ക്രി​സ്‌തു രാജാ​ധി​രാ​ജാ​വും കർത്താ​ധി​കർത്താ​വു​മാ​ണെ​ന്നും ലോകം അറിയു​ക​തന്നെ വേണം. ഇതു സർവദി​വ​സ​ങ്ങ​ളി​ലേ​ക്കും മഹാദി​വ​സ​മാണ്‌. ഇതാ, രാജാവ്‌ വാഴുന്നു! നിങ്ങൾ അവന്റെ പരസ്യ​പ്ര​ചാ​ര​ക​രാണ്‌. അതു​കൊണ്ട്‌, രാജാ​വി​നെ​യും അവന്റെ രാജ്യ​ത്തെ​യും പ്രസി​ദ്ധ​മാ​ക്കു​വിൻ, പ്രസി​ദ്ധ​മാ​ക്കു​വിൻ, പ്രസി​ദ്ധ​മാ​ക്കു​വിൻ!”

ക്ലോസ്‌ സഹോ​ദ​ര​നും കൂട്ടു​കാ​രും ബാനർ കെട്ടി​വെ​ച്ചി​രുന്ന വള്ളി കൃത്യ​സ​മ​യ​ത്തു​തന്നെ മുറിച്ചു. യാതൊ​രു തടസ്സവും കൂടാതെ ആ ബാനർ താഴേക്കു നിവർന്നു​വന്നു. അപ്പോൾ, കാര്യ​പ​രി​പാ​ടി​യിൽ എഴുതി​യി​രുന്ന “ADV” എന്നതിന്റെ അർഥം എല്ലാവർക്കും മനസ്സി​ലാ​യി. “രാജാ​വി​നെ​യും രാജ്യ​ത്തെ​യും പ്രസി​ദ്ധ​മാ​ക്കു​വിൻ” എന്നാണു ബാനറിൽ എഴുതി​യി​രു​ന്നത്‌. അതിലെ “പ്രസി​ദ്ധ​മാ​ക്കു​വിൻ” എന്നതി​നുള്ള ഇംഗ്ലീഷ്‌ പദത്തിന്റെ (Advertise) ചുരു​ക്ക​രൂ​പ​മാ​യി​രു​ന്നു “ADV.”

സീഡാർ പോയി​ന്റി​ലെ കൺ​വെൻ​ഷൻ കഴിഞ്ഞ​പ്പോൾ സന്തോ​ഷ​വാർത്ത പ്രസം​ഗി​ക്കു​ന്ന​തിൽ കൂടുതൽ ശ്രദ്ധ കൊടു​ക്കാൻ സഹോ​ദ​ര​ങ്ങൾക്കു പ്രോ​ത്സാ​ഹനം കിട്ടി. അതിനു തയ്യാറാ​യി മുന്നോ​ട്ടു​വന്ന ധാരാളം പേർ സന്തോ​ഷ​ത്തോ​ടെ ആ പ്രവർത്ത​ന​ത്തിൽ പങ്കെടു​ത്തു. യു.എസ്‌.എ.-യിലെ ഓക്‌ല​ഹോ​മ​യിൽനി​ന്നുള്ള ഒരു കോൽപോർട്ടർ (മുൻനി​ര​സേ​വകൻ) ഇങ്ങനെ എഴുതി: “ഞങ്ങൾ പ്രവർത്തി​ച്ചി​രു​ന്നതു കൽക്കരി​ഖ​നി​ക​ളുള്ള പ്രദേ​ശ​ത്താണ്‌. അവിടെ കൊടും പട്ടിണി​യാണ്‌.” സുവർണ​യു​ഗം മാസി​ക​യിൽനി​ന്നുള്ള സന്തോ​ഷ​വാർത്ത കാണി​ച്ചു​കൊ​ടു​ക്കു​മ്പോൾ “അവർ മിക്ക​പ്പോ​ഴും പൊട്ടി​ക്ക​ര​യു​മാ​യി​രു​ന്നു” എന്നാണ്‌ അദ്ദേഹം പറഞ്ഞത്‌. “ഇങ്ങനെ​യു​ള്ള​വരെ ആശ്വസി​പ്പി​ക്കാൻ കഴിയു​ന്നതു ശരിക്കും ഒരു അനു​ഗ്ര​ഹ​മാണ്‌” എന്നും അദ്ദേഹം കൂട്ടി​ച്ചേർത്തു.

ലൂക്കോസ്‌ 10:2-ൽ യേശു പറഞ്ഞു: “വിളവ്‌ ധാരാ​ള​മുണ്ട്‌. പക്ഷേ പണിക്കാർ കുറവാണ്‌.” യേശു​വി​ന്റെ വാക്കുകൾ കാണി​ക്കു​ന്ന​തു​പോ​ലെ ഈ പ്രവർത്തനം എത്ര​ത്തോ​ളം ചെയ്യാ​നു​ണ്ടെന്നു ബൈബിൾവി​ദ്യാർഥി​കൾ തിരി​ച്ച​റി​ഞ്ഞു. ആ വർഷം അവസാ​ന​മാ​യ​പ്പോ​ഴേ​ക്കും ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത ലോക​മെ​ങ്ങും പ്രസി​ദ്ധ​മാ​ക്കാ​നുള്ള അവരുടെ തീരു​മാ​നം വളരെ ശക്തമാ​യി​രു​ന്നു.