1. യാക്കോ​ബി​ന്റെ കുടും​ബ​ത്തെ​ക്കു​റിച്ച്‌ നമുക്ക്‌ എന്തു പറയാം?

 നല്ല ആത്മീയ​ത​യുള്ള ഒരു കുടും​ബ​ത്തി​ലാ​ണു യേശു​വി​ന്റെ സഹോ​ദ​ര​നായ യാക്കോബ്‌ വളർന്നു​വ​ന്നത്‌. * അദ്ദേഹ​ത്തി​ന്റെ അമ്മയപ്പ​ന്മാ​രായ യോ​സേ​ഫും മറിയ​യും യഹോ​വയെ ഒരുപാ​ടു സ്‌നേ​ഹി​ക്കു​ക​യും തങ്ങളുടെ കഴിവി​ന്റെ പരമാ​വധി യഹോ​വയെ സേവി​ക്കു​ക​യും ചെയ്യു​ന്ന​വ​രാ​യി​രു​ന്നു. ഇനി അതു മാത്രമല്ല, സ്വന്തം ചേട്ടൻ ദൈവം വാഗ്‌ദാ​നം ചെയ്‌തി​രുന്ന മിശി​ഹ​യാ​യി​ത്തീ​രു​ക​യും ചെയ്‌തു. അങ്ങനെ​യൊ​രു കുടും​ബ​ത്തിൽ വളരാ​നാ​യതു യാക്കോ​ബി​നു കിട്ടിയ എത്ര വലിയ അനു​ഗ്ര​ഹ​മാ​യി​രു​ന്നു!

2. തന്റെ ചേട്ട​നോട്‌ ആദരവ്‌ തോന്നാൻ യാക്കോ​ബിന്‌ എന്തെല്ലാം കാരണ​ങ്ങ​ളു​ണ്ടാ​യി​രു​ന്നു?

² തന്റെ ചേട്ട​നോട്‌ ആദരവ്‌ തോന്നാൻ യാക്കോ​ബിന്‌ ഒരുപാ​ടു കാരണ​ങ്ങ​ളു​ണ്ടാ​യി​രു​ന്നു. (മത്താ. 13:55) ഉദാഹ​ര​ണ​ത്തിന്‌, ചെറു​പ്പ​ത്തിൽത്തന്നെ യേശു​വി​നു തിരു​വെ​ഴു​ത്തു​കൾ നന്നായി അറിയാ​മാ​യി​രു​ന്നു. വെറും 12 വയസ്സുള്ള യേശു​വി​ന്റെ സംസാരം കേട്ട്‌ യരുശ​ലേ​മി​ലെ പണ്ഡിത​ന്മാ​രായ മൂപ്പന്മാർപോ​ലും വിസ്‌മ​യി​ച്ചു​പോ​യി. (ലൂക്കോ. 2:46, 47) മിക്കവാ​റും യാക്കോ​ബും യേശു​വും ഒരുമിച്ച്‌ മരപ്പണി​ക​ളൊ​ക്കെ ചെയ്‌തി​ട്ടു​ണ്ടാ​കും. അങ്ങനെ​യാ​ണെ​ങ്കിൽ തന്റെ ചേട്ടനെ അടുത്ത്‌ അറിയാൻ യാക്കോ​ബിന്‌ അവസരം കിട്ടി​യി​ട്ടുണ്ട്‌. നേഥൻ എച്ച്‌. നോർ സഹോ​ദരൻ പലപ്പോ​ഴും പറയാ​റു​ണ്ടാ​യി​രു​ന്ന​തു​പോ​ലെ “ഒരാ​ളോ​ടൊ​പ്പം ജോലി ചെയ്യു​മ്പോ​ഴാണ്‌ ആ വ്യക്തിയെ ശരിക്കും അറിയാ​നാ​കു​ന്നത്‌.” * യേശു​വി​നെ​ക്കു​റിച്ച്‌ തിരു​വെ​ഴു​ത്തു​കൾ പറയു​ന്നത്‌, ‘യേശു വളർന്നു​വ​ലു​താ​കു​ക​യും കൂടു​തൽക്കൂ​ടു​തൽ ജ്ഞാനം നേടു​ക​യും ചെയ്‌തു, ദൈവ​ത്തി​നും മനുഷ്യർക്കും യേശു​വി​നോ​ടുള്ള പ്രീതി​യും വർധി​ച്ചു​വന്നു’ എന്നാണ്‌. (ലൂക്കോ. 2:52) അതൊക്കെ നേരിട്ട്‌ കാണാ​നും യാക്കോ​ബി​നു കഴിഞ്ഞി​ട്ടു​ണ്ടാ​കും. ഇക്കാര​ണ​ങ്ങൾകൊണ്ട്‌ ആദ്യം യേശു​വി​ന്റെ ശിഷ്യ​രാ​യി​ത്തീർന്ന​വ​രു​ടെ കൂട്ടത്തിൽ യാക്കോ​ബു​മു​ണ്ടാ​യി​രു​ന്നെന്നു നമ്മൾ ചിന്തി​ച്ചേ​ക്കാം. പക്ഷേ അങ്ങനെയല്ല സംഭവി​ച്ചത്‌.

3. യേശു തന്റെ ശുശ്രൂഷ തുടങ്ങിയ സമയത്ത്‌ യാക്കോബ്‌ എങ്ങനെ​യാ​ണു പ്രതി​ക​രി​ച്ചത്‌?

³ യേശു ഭൂമി​യിൽ ശുശ്രൂഷ ചെയ്‌ത കാലത്ത്‌ യാക്കോബ്‌ ഒരു ശിഷ്യ​നാ​യി​ത്തീർന്നില്ല.  (യോഹ. 7:3-5) വാസ്‌ത​വ​ത്തിൽ, യേശു​വി​നു “ഭ്രാന്താണ്‌” എന്നു ചിന്തിച്ച ബന്ധുക്ക​ളു​ടെ കൂട്ടത്തിൽ യാക്കോ​ബു​മു​ണ്ടാ​യി​രു​ന്നി​രി​ക്കാം. (മർക്കോ. 3:21) ഇനി, യേശു ദണ്ഡനസ്‌തം​ഭ​ത്തിൽ കിടന്ന്‌ മരിക്കുന്ന സമയത്ത്‌ അമ്മയായ മറിയ​യോ​ടൊ​പ്പം യാക്കോബ്‌ അവി​ടെ​യു​ണ്ടാ​യി​രു​ന്ന​താ​യി ഒരു സൂചന​യു​മില്ല.—യോഹ. 19:25-27.

4. ഏതെല്ലാം കാര്യ​ങ്ങ​ളാ​ണു നമ്മൾ ഈ ലേഖന​ത്തിൽ പഠിക്കാൻപോ​കു​ന്നത്‌?

⁴ പിന്നീട്‌ യാക്കോബ്‌ യേശു​വിൽ വിശ്വ​സി​ച്ചു. ക്രിസ്‌തീ​യ​സ​ഭ​യിൽ എല്ലാവ​രും ആദരി​ക്കുന്ന ഒരു മൂപ്പനാ​യി​ത്തീ​രു​ക​യും ചെയ്‌തു. യാക്കോ​ബിൽനിന്ന്‌ പഠിക്കാ​നാ​കുന്ന രണ്ടു കാര്യ​ങ്ങ​ളാ​ണു നമ്മൾ ഈ ലേഖന​ത്തിൽ കാണാൻപോ​കു​ന്നത്‌. (1) നമ്മൾ എപ്പോ​ഴും താഴ്‌മ​യു​ള്ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌? (2) നമുക്ക്‌ എങ്ങനെ നല്ല അധ്യാ​പ​ക​രാ​കാം?

5. പുനരു​ത്ഥാ​ന​പ്പെട്ട യേശു യാക്കോ​ബി​നു പ്രത്യ​ക്ഷ​നാ​യ​ശേഷം അദ്ദേഹം എന്തു മാറ്റം​വ​രു​ത്തി?

⁵ യാക്കോബ്‌ എപ്പോ​ഴാ​ണു യേശു​വി​ന്റെ ഒരു ശിഷ്യ​നാ​യി​ത്തീർന്നത്‌? യേശു മരിച്ച്‌ ഉയിർപ്പി​ക്ക​പ്പെ​ട്ട​തി​നു ശേഷം “യാക്കോ​ബി​നും പിന്നെ എല്ലാ അപ്പോ​സ്‌ത​ല​ന്മാർക്കും പ്രത്യ​ക്ഷ​നാ​യി.” (1 കൊരി. 15:7) ആ കൂടി​ക്കാ​ഴ്‌ച​യ്‌ക്കു​ശേഷം യാക്കോബ്‌ യേശു​വി​ന്റെ ശിഷ്യ​നാ​യി​ത്തീർന്നു. അതു നമുക്ക്‌ എങ്ങനെ അറിയാം? യേശു വാഗ്‌ദാ​നം ചെയ്‌ത പരിശു​ദ്ധാ​ത്മാ​വി​നു​വേണ്ടി യരുശ​ലേ​മി​ലെ ഒരു മേൽമു​റി​യിൽ കാത്തി​രുന്ന അപ്പോ​സ്‌ത​ല​ന്മാ​രു​ടെ കൂട്ടത്തിൽ യാക്കോ​ബു​മു​ണ്ടാ​യി​രു​ന്നു. (പ്രവൃ. 1:13, 14) പിന്നീട്‌ യാക്കോബ്‌ ഒന്നാം നൂറ്റാ​ണ്ടി​ലെ ഭരണസം​ഘ​ത്തി​ലെ ഒരു അംഗമാ​യി സേവിച്ചു. (പ്രവൃ. 15:6, 13-22; ഗലാ. 2:9) കൂടാതെ എ.ഡി. 62-നോട​ടുത്ത്‌ അദ്ദേഹം ദൈവ​പ്ര​ചോ​ദി​ത​നാ​യി അഭിഷി​ക്ത​ക്രി​സ്‌ത്യാ​നി​കൾക്ക്‌ ഒരു കത്ത്‌ എഴുതി. നമ്മുടെ പ്രത്യാശ സ്വർഗ​ത്തിൽ ജീവി​ക്കാ​നോ ഭൂമി​യിൽ ജീവി​ക്കാ​നോ ആയാലും, ആ കത്ത്‌ നമുക്കും പ്രയോ​ജനം ചെയ്യു​ന്ന​താണ്‌. (യാക്കോ. 1:1) ഒന്നാം നൂറ്റാ​ണ്ടി​ലെ ചരി​ത്ര​കാ​ര​നാ​യി​രുന്ന ജോസീ​ഫസ്‌ പറയു​ന്ന​ത​നു​സ​രിച്ച്‌ ജൂതമ​ഹാ​പു​രോ​ഹി​ത​നായ അനന്യാസ്‌ ദ യംഗറു​ടെ ഉത്തരവു​പ്ര​കാ​രം യാക്കോ​ബി​നെ കൊന്നു​ക​ള​യു​ക​യാ​യി​രു​ന്നു. ഭൂമി​യി​ലെ തന്റെ ജീവിതം അവസാ​നി​ക്കു​ന്ന​തു​വരെ യാക്കോബ്‌ യഹോ​വ​യോ​ടു വിശ്വ​സ്‌ത​നാ​യി തുടർന്നു.

6. യാക്കോബ്‌ ഏതു വിധത്തി​ലാണ്‌ അക്കാലത്തെ മതനേ​താ​ക്ക​ന്മാ​രിൽനി​ന്നും വ്യത്യ​സ്‌ത​നാ​യി​രു​ന്നത്‌?

⁶ യാക്കോബ്‌ താഴ്‌മ​യുള്ള ആളായി​രു​ന്നു. നമുക്ക്‌ അത്‌ എങ്ങനെ അറിയാം? പിന്നീട്‌ യാക്കോബ്‌ ചെയ്‌ത​തും അക്കാലത്തെ മതനേ​താ​ക്ക​ന്മാർ ചെയ്‌ത​തും ആയ കാര്യങ്ങൾ തമ്മിൽ താരത​മ്യം ചെയ്‌താൽ നമുക്ക്‌ അതു മനസ്സി​ലാ​ക്കാം. യേശു ദൈവ​പു​ത്ര​നാ​ണെ​ന്ന​തി​ന്റെ വ്യക്തമായ തെളി​വു​കൾ കിട്ടി​യ​പ്പോൾ യാക്കോബ്‌ താഴ്‌മ​യോ​ടെ അത്‌ അംഗീ​ക​രി​ച്ചു. എന്നാൽ യരുശ​ലേ​മി​ലെ മുഖ്യ​പു​രോ​ഹി​ത​ന്മാർ അങ്ങനെ ചെയ്യാൻ തയ്യാറാ​യില്ല. ഉദാഹ​ര​ണ​ത്തിന്‌, യേശു ലാസറി​നെ ഉയിർപ്പി​ച്ചെന്ന കാര്യം അവർക്ക്‌ ഒരുത​ര​ത്തി​ലും നിഷേ​ധി​ക്കാ​നാ​കി​ല്ലാ​യി​രു​ന്നു. പക്ഷേ അതു കണ്ടിട്ടും യേശു യഹോ​വ​യു​ടെ പ്രതി​നി​ധി​യാ​ണെന്ന്‌ അവർ അംഗീ​ക​രി​ച്ചില്ല. പകരം, യേശു​വി​നെ​യും ലാസറി​നെ​യും കൊല്ലാ​നാണ്‌ നോക്കി​യത്‌. (യോഹ. 11:53; 12:9-11) പിന്നീട്‌ യേശു പുനരു​ത്ഥാ​ന​പ്പെ​ട്ട​പ്പോ​ഴും അക്കാര്യം ആളുക​ളിൽനിന്ന്‌ മറച്ചു​വെ​ക്കാൻ അവർ ഗൂഢാ​ലോ​ചന നടത്തി. (മത്താ. 28:11-15) ആ മതനേ​താ​ക്ക​ന്മാർ  അഹങ്കാ​രി​ക​ളാ​യി​രു​ന്ന​തു​കൊണ്ട്‌ അവർ മിശി​ഹയെ തള്ളിക്ക​ളഞ്ഞു.

7. നമ്മൾ അഹങ്കാ​രി​കൾ ആയിരി​ക്ക​രു​താ​ത്തത്‌ എന്തു​കൊണ്ട്‌?

⁷ നമുക്കുള്ള പാഠം: അഹങ്കാരം ഒഴിവാ​ക്കുക, യഹോ​വ​യിൽനിന്ന്‌ പഠിക്കാൻ മനസ്സു​ള്ള​വ​രാ​യി​രി​ക്കുക. ഹൃദയ​ത്തി​ലെ രക്തക്കു​ഴ​ലു​ക​ളു​ടെ കട്ടി കൂടു​മ്പോൾ ഹൃദയ​ത്തി​നു ശരിയായ വിധത്തിൽ പ്രവർത്തി​ക്കാൻ കഴിയാ​തെ​വ​രും. അതു​പോ​ലെ അഹങ്കാരം ഒരു വ്യക്തി​യു​ടെ ആലങ്കാ​രി​ക​ഹൃ​ദ​യത്തെ കഠിന​മാ​ക്കു​ക​യും അങ്ങനെ അയാൾക്കു ദൈവ​ത്തിൽനി​ന്നുള്ള നിർദേ​ശ​ങ്ങ​ളോ​ടു നല്ല രീതി​യിൽ പ്രതി​ക​രി​ക്കാൻ കഴിയാ​തെ​വ​രു​ക​യും ചെയ്യും. യേശു​വി​ന്റെ നാളിലെ പരീശ​ന്മാർ അവരുടെ ഹൃദയം കഠിന​മാ​ക്കി. അതു​കൊണ്ട്‌ വ്യക്തമായ തെളി​വു​ണ്ടാ​യി​രു​ന്നി​ട്ടും യേശു ദൈവ​ത്തി​ന്റെ പുത്ര​നാ​ണെ​ന്നും യേശു​വിൽ പ്രവർത്തി​ക്കു​ന്നതു ദൈവാ​ത്മാ​വാ​ണെ​ന്നും വിശ്വ​സി​ക്കാൻ അവർ തയ്യാറാ​യില്ല. (യോഹ. 12:37-40) തങ്ങളുടെ അഹങ്കാ​രം​കൊണ്ട്‌ ഭാവി​യിൽ നിത്യ​ജീ​വൻ നേടാ​നുള്ള വലിയ അവസര​മാണ്‌ അവർക്കു നഷ്ടമാ​യത്‌. (മത്താ. 23:13, 33) അതു​കൊണ്ട്‌ ദൈവ​ത്തി​ന്റെ വചനവും ദൈവ​ത്തി​ന്റെ പരിശു​ദ്ധാ​ത്മാ​വും നമ്മുടെ വ്യക്തി​ത്വ​ത്തെ​യും ചിന്ത​യെ​യും തീരു​മാ​ന​ങ്ങ​ളെ​യും സ്വാധീ​നി​ക്കാൻ അനുവ​ദി​ക്കേ​ണ്ടത്‌ എത്ര പ്രധാ​ന​മാണ്‌! (യാക്കോ. 3:17) യാക്കോബ്‌ താഴ്‌മ​യുള്ള ആളായി​രു​ന്ന​തു​കൊണ്ട്‌ യഹോ​വ​യിൽനിന്ന്‌ പഠിക്കാൻ തയ്യാറാ​യി. ഇനി അദ്ദേഹ​ത്തി​നു നല്ല ഒരു അധ്യാ​പ​ക​നാ​യി​ത്തീ​രാൻ സാധി​ച്ച​തും താഴ്‌മ​യു​ണ്ടാ​യി​രു​ന്ന​തു​കൊ​ണ്ടാണ്‌. അതെക്കു​റി​ച്ചാ​ണു നമ്മൾ ഇനി കാണാൻ പോകു​ന്നത്‌.

8. നല്ല അധ്യാ​പ​ക​രാ​കാൻ നമ്മളെ എന്തു സഹായി​ക്കും?

⁸ യാക്കോബ്‌ ഉയർന്ന വിദ്യാ​ഭ്യാ​സ​മൊ​ന്നു​മുള്ള ഒരാളാ​യി​രു​ന്നില്ല. അക്കാലത്തെ മതനേ​താ​ക്ക​ന്മാർ അപ്പോ​സ്‌ത​ല​ന്മാ​രായ പത്രോ​സി​നെ​യും യോഹ​ന്നാ​നെ​യും കുറിച്ച്‌ ചിന്തി​ച്ചി​രു​ന്ന​തു​പോ​ലെ​ത​ന്നെ​യാ​ണു യാക്കോ​ബി​നെ​ക്കു​റി​ച്ചും കരുതി​യി​രു​ന്നത്‌ എന്നതിനു സംശയ​മില്ല. “സാധാ​ര​ണ​ക്കാ​രും വലിയ പഠിപ്പി​ല്ലാ​ത്ത​വ​രും” ആയിട്ടാണ്‌ ആ അപ്പോ​സ്‌ത​ല​ന്മാ​രെ അവർ കണക്കാ​ക്കി​യി​രു​ന്നത്‌. (പ്രവൃ. 4:13) എങ്കിലും യാക്കോബ്‌ എഴുതിയ ബൈബിൾപു​സ്‌തകം വായി​ക്കു​മ്പോൾ നമുക്ക്‌ ഒരു കാര്യം വ്യക്തമാണ്‌: അദ്ദേഹം നല്ല ഒരു അധ്യാ​പ​ക​നാ​യി​ത്തീർന്നു. യാക്കോ​ബി​നെ​പ്പോ​ലെ നമുക്കും ചില​പ്പോൾ വലിയ വിദ്യാ​ഭ്യാ​സ​മൊ​ന്നു​മു​ണ്ടാ​യിരി​ക്കില്ല. എങ്കിലും യഹോ​വ​യു​ടെ ആത്മാവി​ന്റെ സഹായ​ത്താ​ലും യഹോവ തന്റെ സംഘട​ന​യി​ലൂ​ടെ തരുന്ന പരിശീ​ല​ന​ത്താ​ലും നമുക്കും നല്ല അധ്യാ​പ​ക​രാ​യി​ത്തീ​രാ​നാ​കും. ഒരു അധ്യാ​പ​ക​നെന്ന നിലയിൽ യാക്കോബ്‌ വെച്ച മാതൃ​ക​യെ​ക്കു​റി​ച്ചും അതിൽനിന്ന്‌ നമുക്ക്‌ എന്തു പഠിക്കാം എന്നതി​നെ​ക്കു​റി​ച്ചും ഇനി നോക്കാം.

9. യാക്കോ​ബി​ന്റെ പഠിപ്പി​ക്കൽ രീതി എങ്ങനെ​യു​ള്ള​താ​യി​രു​ന്നു?

⁹ മനസ്സി​ലാ​ക്കാൻ ബുദ്ധി​മു​ട്ടുള്ള വാക്കു​ക​ളോ ന്യായ​വാ​ദ​ങ്ങ​ളോ യാക്കോബ്‌ ഉപയോ​ഗി​ച്ചില്ല.  അതു​കൊ​ണ്ടു​തന്നെ തങ്ങൾ എന്തു ചെയ്യണം, എങ്ങനെ ചെയ്യണം എന്നൊക്കെ അദ്ദേഹ​ത്തി​ന്റെ കേൾവി​ക്കാർക്കു പെട്ടെന്നു മനസ്സി​ലാ​യി. ഉദാഹ​ര​ണ​ത്തിന്‌, ക്രിസ്‌ത്യാ​നി​കൾ അന്യായം സഹിക്കാൻ തയ്യാറാ​ക​ണ​മെ​ന്നും അതിന്റെ പേരിൽ നീരസ​മൊ​ന്നും വെച്ചു​കൊ​ണ്ടി​രി​ക്ക​രു​തെ​ന്നും എത്ര ലളിത​മാ​യാ​ണു യാക്കോബ്‌ പഠിപ്പി​ച്ച​തെന്നു നോക്കുക. അദ്ദേഹം എഴുതി: “സഹിച്ചു​നി​ന്ന​വരെ സന്തോ​ഷ​മു​ള്ള​വ​രാ​യി നമ്മൾ കണക്കാ​ക്കു​ന്നു. ഇയ്യോബ്‌ സഹിച്ചു​നി​ന്ന​തി​നെ​ക്കു​റിച്ച്‌ നിങ്ങൾ കേൾക്കു​ക​യും യഹോവ ഒടുവിൽ നൽകിയ അനു​ഗ്ര​ഹങ്ങൾ കാണു​ക​യും ചെയ്‌തി​രി​ക്കു​ന്നു. അങ്ങനെ, യഹോവ വാത്സല്യ​വും കരുണ​യും നിറഞ്ഞ ദൈവ​മാ​ണെന്നു നിങ്ങൾ മനസ്സി​ലാ​ക്കി​യി​രി​ക്കു​ന്നു.” (യാക്കോ. 5:11) യാക്കോബ്‌ പഠിപ്പി​ച്ചത്‌ തിരു​വെ​ഴു​ത്തു​കളെ അടിസ്ഥാ​ന​മാ​ക്കി​യാ​ണെന്ന കാര്യം നിങ്ങൾ ശ്രദ്ധി​ച്ചോ? തന്നോടു വിശ്വ​സ്‌ത​രാ​യി​രി​ക്കു​ന്ന​വരെ യഹോവ എപ്പോ​ഴും അനു​ഗ്ര​ഹി​ക്കു​മെന്നു പറയാൻ ഇയ്യോ​ബി​ന്റെ മാതൃ​ക​യാണ്‌ അദ്ദേഹം ഉപയോ​ഗി​ച്ചത്‌. വളരെ ലളിത​മായ വാക്കു​ക​ളും ന്യായ​വാ​ദ​വും ഉപയോ​ഗിച്ച്‌ അദ്ദേഹം ആ കാര്യം അവരെ പഠിപ്പി​ച്ചു. അങ്ങനെ യാക്കോബ്‌ അവരുടെ ശ്രദ്ധ തന്നി​ലേക്കല്ല യഹോ​വ​യി​ലേക്കു തിരി​ച്ചു​വി​ട്ടു.

10. പഠിപ്പി​ക്കു​മ്പോൾ നമുക്കു യാക്കോ​ബി​ന്റെ ഏതു മാതൃക അനുക​രി​ക്കാം?

¹⁰ നമുക്കുള്ള പാഠം: ലളിത​മായ രീതി​യിൽ, ബൈബിൾ ഉപയോ​ഗിച്ച്‌ പഠിപ്പി​ക്കുക. മറ്റുള്ള​വരെ പഠിപ്പി​ക്കു​മ്പോൾ നമ്മൾ എത്ര അറിവു​ള്ള​വ​രാ​ണെന്നു കാണി​ക്കു​ന്ന​തി​നു പകരം യഹോ​വ​യു​ടെ അറിവ്‌ എത്ര വലുതാ​ണെ​ന്നും യഹോവ അവർക്കു​വേണ്ടി എത്രമാ​ത്രം കരുതു​ന്നു​ണ്ടെ​ന്നും അവർക്കു കാണി​ച്ചു​കൊ​ടു​ക്കുക. (റോമ. 11:33) എപ്പോ​ഴും തിരു​വെ​ഴു​ത്തു​ക​ളിൽനിന്ന്‌ പഠിപ്പി​ക്കു​ന്ന​തി​ലൂ​ടെ നമുക്ക്‌ അതു ചെയ്യാ​നാ​കും. ഉദാഹ​ര​ണ​ത്തിന്‌, അവരുടെ സ്ഥാനത്ത്‌ നമ്മളാ​യി​രു​ന്നെ​ങ്കിൽ എന്തു ചെയ്യു​മാ​യി​രു​ന്നെന്നു പറയു​ന്ന​തി​നു പകരം ബൈബിൾദൃ​ഷ്ടാ​ന്ത​ങ്ങ​ളു​ടെ അടിസ്ഥാ​ന​ത്തിൽ ചിന്തി​ക്കാ​നും യഹോ​വ​യു​ടെ ചിന്തയും വികാ​ര​ങ്ങ​ളും മനസ്സി​ലാ​ക്കാ​നും അവരെ സഹായി​ക്കുക. അപ്പോൾ നമ്മളെയല്ല, യഹോ​വയെ സന്തോ​ഷി​പ്പി​ക്കാ​നുള്ള ആഗ്രഹ​ത്താൽ പഠിക്കുന്ന കാര്യ​ങ്ങൾക്കു ചേർച്ച​യിൽ പ്രവർത്തി​ക്കാൻ അവർ തയ്യാറാ​കും.

11. യാക്കോ​ബി​ന്റെ നാളിലെ ചില ക്രിസ്‌ത്യാ​നി​കൾക്ക്‌ എന്തെല്ലാം പ്രശ്‌ന​ങ്ങ​ളു​ണ്ടാ​യി​രു​ന്നു, അദ്ദേഹം അവർക്ക്‌ എന്ത്‌ ഉപദേശം നൽകി? (യാക്കോബ്‌ 5:13-15)

¹¹ യാക്കോബ്‌ സഹോ​ദ​ര​ങ്ങ​ളു​ടെ പ്രശ്‌നങ്ങൾ മനസ്സി​ലാ​ക്കി. യാക്കോബ്‌ എഴുതിയ കത്തു വായി​ക്കു​മ്പോൾ അക്കാര്യം വ്യക്തമാണ്‌. അദ്ദേഹം അവരുടെ പ്രശ്‌നങ്ങൾ മനസ്സി​ലാ​ക്കുക മാത്രമല്ല, അത്‌ എങ്ങനെ മറിക​ട​ക്കാ​മെന്നു കൃത്യ​മാ​യി പറഞ്ഞു​കൊ​ടു​ക്കു​ക​യും ചെയ്‌തു. ഉദാഹ​ര​ണ​ത്തിന്‌ ചില ക്രിസ്‌ത്യാ​നി​കൾ പഠിച്ച കാര്യ​ങ്ങൾക്ക​നു​സ​രിച്ച്‌ മാറ്റം വരുത്താൻ അല്‌പം മടി കാണിച്ചു. (യാക്കോ. 1:22) മറ്റു ചിലർ പണക്കാർക്കു പ്രത്യേ​ക​പ​രി​ഗണന നൽകി. (യാക്കോ. 2:1-3) വേറെ ചിലർക്ക്‌ തങ്ങളുടെ നാവിനെ നിയ​ന്ത്രി​ക്കാ​നാ​യി​രു​ന്നു ബുദ്ധി​മുട്ട്‌. (യാക്കോ. 3:8-10) ഇപ്പറഞ്ഞ​തു​പോ​ലുള്ള ഗൗരവ​മേ​റിയ പ്രശ്‌ന​ങ്ങ​ളൊ​ക്കെ ഉണ്ടായി​രു​ന്നെ​ങ്കി​ലും അവർ ഒരിക്ക​ലും മാറ്റം വരുത്തി​ല്ലെന്നു പറഞ്ഞ്‌ യാക്കോബ്‌ അവരെ ഉപേക്ഷി​ച്ചു​ക​ള​ഞ്ഞില്ല. പകരം അദ്ദേഹം അവർക്കു ദയയോ​ടെ, അതേസ​മയം വളച്ചു​കെ​ട്ടി​ല്ലാത്ത രീതി​യിൽ വേണ്ട ഉപദേ​ശങ്ങൾ നൽകി. ഇനി, മാറ്റം വരുത്താൻ പ്രയാ​സ​പ്പെ​ടു​ന്ന​വ​രോ​ടു മൂപ്പന്മാ​രു​ടെ സഹായം ചോദി​ക്കാ​നും അദ്ദേഹം പറഞ്ഞു.—യാക്കോബ്‌ 5:13-15 വായി​ക്കുക.

12. മാറ്റം വരുത്താൻ ബൈബിൾവി​ദ്യാർഥി​കളെ സഹായി​ക്കു​മ്പോൾ നമുക്ക്‌ എങ്ങനെ യാക്കോ​ബി​ന്റെ മാതൃക അനുക​രി​ക്കാം?

¹² നമുക്കുള്ള പാഠം: മറ്റുള്ള​വ​രു​ടെ പ്രശ്‌നം മനസ്സി​ലാ​ക്കുക, പ്രതീക്ഷ കൈവി​ട​രുത്‌. നമ്മുടെ ബൈബിൾവി​ദ്യാർഥി​ക​ളിൽ പലരും പഠിക്കു​ന്ന​തി​നു ചേർച്ച​യിൽ മാറ്റങ്ങൾ വരുത്താൻ ബുദ്ധി​മു​ട്ടു​ന്നു​ണ്ടാ​കും. (യാക്കോ. 4:1-4) അവർ തങ്ങളുടെ മോശം സ്വഭാ​വ​ങ്ങ​ളൊ​ക്കെ ഉപേക്ഷിച്ച്‌ ക്രിസ്‌തീ​യ​ഗു​ണങ്ങൾ വളർത്തി​യെ​ടു​ക്കാൻ ചില​പ്പോൾ കുറെ സമയ​മെ​ടു​ക്കും. യാക്കോ​ബി​നെ​പ്പോ​ലെ നമ്മളും നമ്മുടെ ബൈബിൾവി​ദ്യാർഥി​ക​ളോട്‌ അവർ എന്തൊക്കെ മാറ്റങ്ങ​ളാ​ണു വരു​ത്തേ​ണ്ട​തെന്നു ധൈര്യ​ത്തോ​ടെ പറയണം. പ്രതീക്ഷ കൈവി​ടാ​തെ അവരെ തുടർന്നും സഹായി​ക്കു​ക​യും വേണം. കാരണം താഴ്‌മ​യു​ള്ള​വരെ യഹോവ തന്നി​ലേക്ക്‌ ആകർഷി​ക്കു​മെ​ന്നും വേണ്ട മാറ്റങ്ങൾ വരുത്താ​നുള്ള ശക്തി കൊടു​ക്കു​മെ​ന്നും നമുക്ക്‌ ഉറപ്പുണ്ട്‌.—യാക്കോ. 4:10.

13. യാക്കോബ്‌ 3:2-ഉം അടിക്കു​റി​പ്പും പറയു​ന്ന​തു​പോ​ലെ യാക്കോബ്‌ എന്തു തിരി​ച്ച​റി​ഞ്ഞു?

¹³ താൻ മറ്റുള്ള​വ​രെ​ക്കാൾ മികച്ച​വ​നാ​ണെന്നു യാക്കോബ്‌ ചിന്തി​ച്ചില്ല. തന്റെ കുടും​ബ​പ​ശ്ചാ​ത്ത​ല​മോ തനിക്കു​ണ്ടാ​യി​രുന്ന പ്രത്യേ​ക​നി​യ​മ​ന​ങ്ങ​ളോ കാരണം താൻ മറ്റുള്ള​വ​രെ​ക്കാൾ വലിയ ആളാ​ണെന്നു യാക്കോബ്‌ കരുതി​യില്ല. തന്റെ സഹാരാ​ധ​കരെ അദ്ദേഹം വിളി​ച്ചത്‌ “എന്റെ പ്രിയ​പ്പെട്ട സഹോ​ദ​ര​ങ്ങളേ” എന്നാണ്‌. (യാക്കോ. 1:16, 19; 2:5) താൻ എല്ലാം തികഞ്ഞ​വ​നാ​ണെന്ന രീതി​യിൽ അദ്ദേഹം ഒരിക്ക​ലും അവരോ​ടു പെരു​മാ​റി​യില്ല. പകരം അദ്ദേഹം പറഞ്ഞത്‌ “നമു​ക്കെ​ല്ലാം തെറ്റുകൾ പറ്റാറു​ണ്ട​ല്ലോ”  എന്നാണ്‌.—യാക്കോബ്‌ 3:2-ഉം അടിക്കു​റി​പ്പും വായി​ക്കുക.

14. നമുക്കും തെറ്റുകൾ പറ്റാറു​ണ്ടെന്നു തുറന്നു​സ​മ്മ​തി​ക്കേ​ണ്ടത്‌ എന്തു​കൊണ്ട്‌?

¹⁴ നമുക്കുള്ള പാഠം: നമു​ക്കെ​ല്ലാം തെറ്റു പറ്റാറു​ണ്ടെന്ന്‌ ഓർക്കുക. നമ്മൾ നമ്മുടെ ബൈബിൾവി​ദ്യാർഥി​ക​ളെ​ക്കാൾ മികച്ച​വ​രാ​ണെന്നു ചിന്തി​ക്ക​രുത്‌. നമുക്ക്‌ ഒരു തെറ്റും പറ്റില്ല എന്നൊരു ധാരണ വിദ്യാർഥി​ക്കു കൊടു​ത്താൽ അദ്ദേഹം ചിന്തി​ക്കു​ന്നത്‌ തന്നെ​ക്കൊണ്ട്‌ ഒരിക്ക​ലും അതു​പോ​ലെ​യൊ​ന്നു​മാ​കാൻ കഴിയില്ല എന്നായി​രി​ക്കും. എന്നാൽ ബൈബിൾത​ത്ത്വ​ങ്ങൾ പ്രാവർത്തി​ക​മാ​ക്കു​ന്നതു നമുക്ക്‌ എല്ലായ്‌പോ​ഴും അത്ര എളുപ്പ​മ​ല്ലാ​യി​രു​ന്നെന്നു സമ്മതി​ക്കു​ക​യും ആവശ്യ​മായ മാറ്റങ്ങൾ വരുത്താൻ യഹോവ എങ്ങനെ​യാ​ണു നമ്മളെ സഹായി​ച്ച​തെന്നു വിശദീ​ക​രി​ക്കു​ക​യും ചെയ്യുക. അങ്ങനെ ചെയ്യു​മ്പോൾ തനിക്കും യഹോ​വയെ സേവി​ക്കാ​നാ​കു​മെന്നു ചിന്തി​ക്കാൻ നമ്മൾ വിദ്യാർഥി​യെ സഹായി​ക്കു​ക​യാണ്‌.

15. യാക്കോബ്‌ ഉപയോ​ഗിച്ച ദൃഷ്ടാ​ന്തങ്ങൾ എങ്ങനെ​യു​ള്ള​വ​യാ​യി​രു​ന്നു? (യാക്കോബ്‌ 3:2-6, 10-12)

¹⁵ ആളുക​ളു​ടെ ഹൃദയത്തെ തൊടുന്ന ദൃഷ്ടാ​ന്തങ്ങൾ യാക്കോബ്‌ ഉപയോ​ഗി​ച്ചു. യാക്കോ​ബി​നു പരിശു​ദ്ധാ​ത്മാ​വി​ന്റെ സഹായ​മു​ണ്ടാ​യി​രു​ന്നു എന്നതിനു സംശയ​മില്ല. എന്നാൽ മൂത്ത ചേട്ടനായ യേശു​വി​ന്റെ ദൃഷ്ടാ​ന്ത​ങ്ങ​ളെ​ക്കു​റിച്ച്‌ പഠിച്ച​തും മറ്റുള്ള​വരെ എങ്ങനെ പഠിപ്പി​ക്ക​ണ​മെന്നു മനസ്സി​ലാ​ക്കാൻ യാക്കോ​ബി​നെ ഒരുപാ​ടു സഹായി​ച്ചി​ട്ടു​ണ്ടാ​കണം. യാക്കോബ്‌ തന്റെ കത്തിൽ ഉപയോ​ഗി​ച്ചി​രി​ക്കുന്ന ദൃഷ്ടാ​ന്തങ്ങൾ വളരെ ലളിത​മാണ്‌. അതിലൂ​ടെ അദ്ദേഹം പഠിപ്പി​ക്കാൻ ഉദ്ദേശിച്ച പാഠങ്ങൾ ആർക്കും എളുപ്പം മനസ്സി​ലാ​കും.—യാക്കോബ്‌ 3:2-6, 10-12 വായി​ക്കുക.

16. നമ്മൾ നല്ല ദൃഷ്ടാ​ന്തങ്ങൾ ഉപയോ​ഗി​ക്കേ​ണ്ടത്‌ എന്തു​കൊണ്ട്‌?

¹⁶ നമുക്കുള്ള പാഠം: നല്ല ദൃഷ്ടാ​ന്തങ്ങൾ ഉപയോ​ഗി​ക്കുക. നമ്മൾ യോജിച്ച ദൃഷ്ടാ​ന്തങ്ങൾ ഉപയോ​ഗിച്ച്‌ പഠിപ്പി​ക്കു​മ്പോൾ ആളുകൾക്ക്‌ അക്കാര്യ​ങ്ങൾ കേൾക്കു​ന്ന​തോ​ടൊ​പ്പം ഭാവന​യിൽ കാണാ​നും കഴിയും. തങ്ങൾ പഠിക്കുന്ന ബൈബിൾസ​ത്യ​ങ്ങൾ ഓർത്തി​രി​ക്കാൻ അത്‌ അവരെ സഹായി​ക്കും. നല്ല ദൃഷ്ടാ​ന്തങ്ങൾ ഉപയോ​ഗി​ക്കുന്ന കാര്യ​ത്തിൽ യേശു​വിന്‌ ഒരു പ്രത്യേ​ക​ക​ഴിവ്‌ ഉണ്ടായി​രു​ന്നു. ആ മാതൃ​ക​യാണ്‌ അനിയ​നായ യാക്കോ​ബും അനുക​രി​ച്ചത്‌. യാക്കോബ്‌ ഉപയോ​ഗിച്ച ഒരു ദൃഷ്ടാ​ന്ത​വും അതു വളരെ നല്ലതാ​യി​രു​ന്ന​തി​ന്റെ കാരണ​വും നമുക്കു നോക്കാം.

17. യാക്കോബ്‌ 1:22-25-ലെ ദൃഷ്ടാന്തം ശരിക്കും നല്ലതാ​ണെന്നു പറയാൻ കഴിയു​ന്നത്‌ എന്തു​കൊണ്ട്‌?

¹⁷ യാക്കോബ്‌ 1:22-25 വായി​ക്കുക. കണ്ണാടി​യെ​ക്കു​റി​ച്ചുള്ള യാക്കോ​ബി​ന്റെ ദൃഷ്ടാന്തം വളരെ നല്ലതാ​ണെന്നു പറയാൻ പല കാരണ​ങ്ങ​ളുണ്ട്‌. ഒന്ന്‌, പ്രധാ​ന​പ്പെട്ട ഒരു ആശയം പഠിപ്പി​ക്കുക എന്ന ഉദ്ദേശ്യ​ത്തി​ലാണ്‌ അദ്ദേഹം ഈ ദൃഷ്ടാന്തം ഉപയോ​ഗി​ച്ചത്‌: ദൈവ​വ​ച​ന​ത്തിൽനിന്ന്‌ പ്രയോ​ജനം കിട്ടണ​മെ​ങ്കിൽ നമ്മൾ അതു വെറുതേ വായി​ച്ചാൽ പോരാ, വായിച്ച കാര്യ​ങ്ങൾക്കു ചേർച്ച​യിൽ പ്രവർത്തി​ക്കു​ക​യും വേണം എന്നതാ​യി​രു​ന്നു അത്‌. രണ്ട്‌, തന്റെ കേൾവി​ക്കാർക്കു പെട്ടെന്നു മനസ്സി​ലാ​കുന്ന ഒരു ദൃഷ്ടാ​ന്ത​മാണ്‌ അദ്ദേഹം അതിന്‌ ഉപയോ​ഗി​ച്ചത്‌: കണ്ണാടി​യിൽ മുഖം നോക്കുന്ന ഒരാളു​ടെ ദൃഷ്ടാന്തം. മൂന്ന്‌, തന്റെ ദൃഷ്ടാ​ന്ത​ത്തി​ലൂ​ടെ കേൾവി​ക്കാർ മനസ്സി​ലാ​ക്കേ​ണ്ടി​യി​രുന്ന  ആശയം അദ്ദേഹം വ്യക്തമാ​ക്കി​ക്കൊ​ടു​ക്കു​ക​യും ചെയ്‌തു. എന്തായി​രു​ന്നു അത്‌? ഒരു മനുഷ്യൻ കണ്ണാടി​യിൽ നോക്കി തന്റെ കുറവു​കൾ മനസ്സി​ലാ​ക്കി​യിട്ട്‌ അതു തിരു​ത്താൻ വേണ്ടതു ചെയ്യു​ന്നി​ല്ലെ​ങ്കിൽ അത്‌ എത്ര മണ്ടത്തര​മാണ്‌! അതു​പോ​ലെ​തന്നെ ദൈവ​വ​ചനം വായി​ക്കുന്ന ഒരാൾ തന്റെ സ്വഭാ​വ​ത്തിൽ മാറ്റം വരു​ത്തേ​ണ്ട​തു​ണ്ടെന്നു മനസ്സി​ലാ​ക്കി​യി​ട്ടും അങ്ങനെ ചെയ്യാൻ കൂട്ടാ​ക്കു​ന്നി​ല്ലെ​ങ്കിൽ അതു വലിയ മണ്ടത്തര​മാ​യി​രി​ക്കും.

18. ഒരു ദൃഷ്ടാന്തം ഉപയോ​ഗി​ക്കു​മ്പോൾ ഏതു മൂന്നു കാര്യങ്ങൾ നമ്മൾ ഓർക്കണം?

¹⁸ ദൃഷ്ടാ​ന്തങ്ങൾ ഉപയോ​ഗി​ക്കു​മ്പോൾ യാക്കോ​ബി​നെ അനുക​രി​ച്ചു​കൊണ്ട്‌ നമുക്കും ഈ മൂന്നു കാര്യങ്ങൾ ചെയ്യാം. (1) പഠിപ്പിക്കുന്ന കാര്യ​ത്തിന്‌ ഏറ്റവും പറ്റിയ ദൃഷ്ടാ​ന്ത​മാണ്‌ ഉപയോ​ഗി​ക്കു​ന്ന​തെന്ന്‌ ഉറപ്പു​വ​രു​ത്തുക. (2) കേൾവിക്കാർക്കു പെട്ടെന്നു മനസ്സി​ലാ​കുന്ന ദൃഷ്ടാന്തം ഉപയോ​ഗി​ക്കുക. (3) ദൃഷ്ടാന്തം എന്തിന്‌ ഉപയോ​ഗി​ച്ചെന്ന്‌ വ്യക്തമാ​ക്കുക. പറ്റിയ ദൃഷ്ടാ​ന്ത​ങ്ങ​ളൊ​ന്നും ആലോ​ചി​ച്ചെ​ടു​ക്കാൻ കഴിയു​ന്നി​ല്ലെ​ങ്കിൽ വാച്ച്‌ടവർ പ്രസി​ദ്ധീ​കരണ സൂചിക (ഇംഗ്ലീഷ്‌) നോക്കാ​വു​ന്ന​താണ്‌. അതിലെ “ദൃഷ്ടാ​ന്തങ്ങൾ” എന്ന തലക്കെ​ട്ടി​നു കീഴിൽ നിങ്ങൾക്ക്‌ ഉപയോ​ഗി​ക്കാ​നാ​കുന്ന ധാരാളം ദൃഷ്ടാ​ന്തങ്ങൾ കാണാം. ദൃഷ്ടാ​ന്തങ്ങൾ ശബ്ദം വ്യക്തമാ​യി കേൾക്കാൻ സഹായി​ക്കുന്ന ഒരു മൈക്കു​പോ​ലെ​യാണ്‌. നമ്മൾ പഠിപ്പി​ക്കുന്ന പ്രധാ​നാ​ശ​യങ്ങൾ വ്യക്തമാ​യി തിരി​ച്ച​റി​യാൻ അതു സഹായി​ക്കും. അതു​കൊണ്ട്‌ പഠിപ്പി​ക്കു​മ്പോൾ ഏറ്റവും പ്രധാ​ന​പ്പെട്ട കാര്യങ്ങൾ വിശദീ​ക​രി​ക്കാൻവേണ്ടി മാത്രം ദൃഷ്ടാ​ന്തങ്ങൾ ഉപയോ​ഗി​ക്കാൻ ശ്രദ്ധി​ക്കുക. പഠിപ്പി​ക്കാ​നുള്ള നമ്മുടെ കഴിവു​കൾ മെച്ച​പ്പെ​ടു​ത്താൻ നമ്മൾ ആഗ്രഹി​ക്കു​ന്ന​തി​ന്റെ പ്രധാ​ന​കാ​രണം കഴിയു​ന്നത്ര ആളുകളെ യഹോ​വ​യു​ടെ സന്തോ​ഷ​മുള്ള കുടും​ബ​ത്തി​ന്റെ ഭാഗമാ​കാൻ സഹായി​ക്കുക എന്നതാണ്‌. അല്ലാതെ നമ്മളി​ലേ​ക്കു​തന്നെ ശ്രദ്ധ ആകർഷി​ക്കുക എന്നതല്ല.

19. നമ്മുടെ സഹോ​ദ​രീ​സ​ഹോ​ദ​ര​ന്മാ​രെ സ്‌നേ​ഹി​ക്കു​ന്നെന്നു നമ്മൾ എങ്ങനെ​യാ​ണു കാണി​ക്കു​ന്നത്‌?

¹⁹ യാക്കോ​ബി​ന്റെ ചേട്ടൻ പൂർണ​നാ​യി​രു​ന്നു. പക്ഷേ നമുക്ക്‌ ആർക്കും അങ്ങനെ ഒരു ചേട്ടനില്ല. എന്നാൽ ലോക​മെ​ങ്ങു​മുള്ള ക്രിസ്‌തീയ സഹോ​ദ​രീ​സ​ഹോ​ദ​ര​ന്മാർ ചേർന്ന ഒരു കുടും​ബ​ത്തോ​ടൊ​പ്പം യഹോ​വയെ സേവി​ക്കാ​നുള്ള വലിയ അവസരം നമുക്കുണ്ട്‌. നമ്മൾ അവരു​മാ​യി സഹവസി​ക്കു​ക​യും അവരിൽനിന്ന്‌ പഠിക്കു​ക​യും ചെയ്യുന്നു. പ്രസംഗ-പഠിപ്പി​ക്കൽ പ്രവർത്ത​ന​ത്തിൽ അവരോ​ടൊ​പ്പം ചേരുന്നു. അങ്ങനെ​യെ​ല്ലാം ചെയ്യു​മ്പോൾ നമ്മൾ അവരോ​ടു സ്‌നേഹം കാണി​ക്കു​ക​യാണ്‌. നമ്മുടെ മനോ​ഭാ​വ​ത്തി​ലും പെരു​മാ​റ്റ​ത്തി​ലും പഠിപ്പി​ക്കൽരീ​തി​ക​ളി​ലും യാക്കോ​ബി​ന്റെ മാതൃക അനുക​രി​ക്കു​മ്പോൾ നമ്മൾ യഹോ​വ​യ്‌ക്കു ബഹുമതി കൈവ​രു​ത്തും. ഒപ്പം സ്‌നേ​ഹ​വാ​നായ സ്വർഗീ​യ​പി​താ​വി​ലേക്ക്‌ അടുക്കാൻ ആത്മാർഥ​ഹൃ​ദ​യ​രായ ആളുകളെ സഹായി​ക്കു​ക​യും ചെയ്യും.