1-2. (എ) മരിച്ചു​പോയ പ്രിയ​പ്പെ​ട്ട​വരെ നമ്മൾ കൂടു​ത​ലാ​യി ഓർക്കു​ന്നത്‌ എപ്പോ​ഴാണ്‌? (ബി) തന്റെ മരണത്തി​നു തൊട്ടു​മു​മ്പുള്ള രാത്രി​യിൽ യേശു എന്ത്‌ ഏർപ്പെ​ടു​ത്തി?

 നമ്മുടെ പ്രിയ​പ്പെ​ട്ടവർ മരിച്ചിട്ട്‌ എത്ര കാലമാ​യാ​ലും അവരെ​ക്കു​റി​ച്ചുള്ള ഓർമ ഇടയ്‌ക്കി​ടെ നമ്മുടെ മനസ്സി​ലേക്കു വരും, പ്രത്യേ​കിച്ച്‌ ഓരോ വർഷവും അവർ മരിച്ച ആ ദിവസം എത്തു​മ്പോൾ.

² യേശു​വി​നെ നമ്മൾ ഒരുപാ​ടു സ്‌നേ​ഹി​ക്കു​ന്നു. അതു​കൊണ്ട്‌ ഓരോ വർഷവും ലോക​മെ​ങ്ങു​മുള്ള ലക്ഷക്കണ​ക്കിന്‌ ആളുക​ളോ​ടൊ​പ്പം യേശു​വി​ന്റെ മരണത്തി​ന്റെ ഓർമ ആചരി​ക്കാ​നാ​യി നമ്മൾ കൂടി​വ​രാ​റുണ്ട്‌. (1 പത്രോ. 1:8) യേശു തന്റെ ജീവൻ ഒരു മോച​ന​വി​ല​യാ​യി നൽകി​യ​തു​കൊ​ണ്ടാ​ണു പാപത്തിൽനി​ന്നും മരണത്തിൽനി​ന്നും നമുക്കു വിടുതൽ സാധ്യ​മാ​യത്‌. (മത്താ. 20:28) ഇനി, തന്റെ അനുഗാ​മി​കൾ തന്റെ മരണം ഓർക്ക​ണ​മെ​ന്നു​ള്ളതു യേശു​വി​ന്റെ ആഗ്രഹ​മാ​യി​രു​ന്നു. തന്റെ മരണത്തി​നു തൊട്ടു​മു​മ്പുള്ള രാത്രി​യിൽ യേശു ഒരു പ്രത്യേ​കാ​ച​രണം ഏർപ്പെ​ടു​ത്തി. എന്നിട്ട്‌, “എന്റെ ഓർമ​യ്‌ക്കു​വേണ്ടി ഇതു തുടർന്നും ചെയ്യുക” എന്നു കല്‌പി​ച്ചു.—ലൂക്കോ. 22:19.

3. ഈ ലേഖന​ത്തിൽ നമ്മൾ എന്താണു പഠിക്കു​ന്നത്‌?

³ യേശു​വി​ന്റെ മരണത്തി​ന്റെ സ്‌മാ​രകം ആചരി​ക്കാ​നാ​യി കൂടി​വ​രു​ന്ന​വ​രിൽ കുറച്ച്‌ പേർ സ്വർഗ​ത്തിൽ പോകാൻ പ്രത്യാ​ശ​യു​ള്ള​വ​രാണ്‌. എന്നാൽ ഭൂമി​യിൽ ജീവി​ക്കാൻ പ്രത്യാ​ശ​യുള്ള ലക്ഷക്കണ​ക്കിന്‌ ആളുക​ളും ഈ ആചരണ​ത്തി​നാ​യി അവരോ​ടൊ​പ്പം ചേരുന്നു. ഓരോ വർഷവും സ്‌മാ​രകം ആചരി​ക്കാ​നാ​യി ഈ രണ്ടു കൂട്ടരും കൂടി​വ​രു​ന്ന​തി​ന്റെ കാരണ​ത്തെ​ക്കു​റിച്ച്‌ നമ്മൾ ഈ ലേഖന​ത്തിൽ പഠിക്കും. അതിലൂ​ടെ നമുക്കു കിട്ടുന്ന പ്രയോ​ജ​നങ്ങൾ എന്താ​ണെ​ന്നും നമ്മൾ കാണും. അഭിഷി​ക്തർ എന്തു​കൊ​ണ്ടാ​ണു സ്‌മാ​ര​ക​ത്തി​നു കൂടി​വ​രു​ന്ന​തെന്നു നമുക്ക്‌ ആദ്യം നോക്കാം.

4. അഭിഷി​ക്തർ സ്‌മാ​ര​ക​ത്തിന്‌ അപ്പവും വീഞ്ഞും കഴിക്കു​ന്നത്‌ എന്തു​കൊണ്ട്‌?

⁴ ഓരോ വർഷവും സ്‌മാ​രകം ആചരി​ക്കാ​നാ​യി അഭിഷി​ക്തർ ആകാം​ക്ഷ​യോ​ടെ കാത്തി​രി​ക്കു​ന്നു. അങ്ങനെ കൂടി​വ​രു​മ്പോൾ അവർ സ്‌മാ​ര​ക​ചി​ഹ്ന​ങ്ങ​ളായ അപ്പവും വീഞ്ഞും കഴിക്കു​ന്നു. എന്തു​കൊ​ണ്ടാണ്‌ അവർ അങ്ങനെ ചെയ്യു​ന്ന​തെന്നു മനസ്സി​ലാ​ക്കാൻ യേശു​വി​ന്റെ അവസാ​ന​രാ​ത്രി​യി​ലെ സംഭവങ്ങൾ നമുക്കു നോക്കാം. പെസഹ കഴിച്ച​ശേഷം ‘കർത്താ​വി​ന്റെ അത്താഴം’ എന്നു പിന്നീട്‌ അറിയ​പ്പെട്ട ഒരു ആചരണം യേശു ഏർപ്പെ​ടു​ത്തി. യേശു അപ്പവും വീഞ്ഞും എടുത്ത്‌ വിശ്വ​സ്‌ത​രായ തന്റെ 11 അപ്പോ​സ്‌ത​ല​ന്മാർക്കു കൊടു​ത്തിട്ട്‌ അതിൽനിന്ന്‌ കഴിക്കാൻ പറഞ്ഞു. യേശു അപ്പോൾ അവരോ​ടു രണ്ട്‌ ഉടമ്പടി​ക​ളെ​ക്കു​റിച്ച്‌ പറഞ്ഞു—പുതിയ ഉടമ്പടി​യും രാജ്യ​ത്തി​നാ​യുള്ള ഉടമ്പടി​യും. * (ലൂക്കോ. 22:19, 20, 28-30) ഈ ഉടമ്പടി​കൾ ആ അപ്പോ​സ്‌ത​ല​ന്മാർക്കും മറ്റു കുറച്ച്‌ പേർക്കും സ്വർഗ​ത്തിൽ രാജാ​ക്ക​ന്മാ​രും പുരോ​ഹി​ത​ന്മാ​രും ആയിരി​ക്കാ​നുള്ള അവസരം നൽകി. (വെളി. 5:10; 14:1) ആ രണ്ട്‌ ഉടമ്പടി​ക​ളു​ടെ ഭാഗമായ അഭിഷി​ക്ത​രിൽ ബാക്കിയുള്ളവർക്കു * മാത്രമേ സ്‌മാ​ര​കാ​ച​ര​ണ​ത്തി​ന്റെ സമയത്ത്‌ അപ്പവും വീഞ്ഞും കഴിക്കാ​നാ​കു​ക​യു​ള്ളൂ.

5. തങ്ങളുടെ പ്രത്യാ​ശ​യെ​ക്കു​റിച്ച്‌ അഭിഷി​ക്തർക്ക്‌ എന്ത്‌ അറിയാം?

⁵ അഭിഷി​ക്തർ സ്‌മാ​രകം ആചരി​ക്കാൻ ആഗ്രഹി​ക്കു​ന്ന​തി​ന്റെ മറ്റൊരു കാരണം ഇതാണ്‌: തങ്ങളുടെ പ്രത്യാ​ശ​യെ​ക്കു​റിച്ച്‌ ചിന്തി​ക്കാ​നുള്ള ഒരു അവസരം അവർക്ക്‌ അപ്പോൾ കിട്ടുന്നു. യഹോവ അവർക്കു നൽകി​യി​രി​ക്കു​ന്നതു വളരെ മഹത്തായ ഒരു പ്രത്യാ​ശ​ത​ന്നെ​യാണ്‌. സ്വർഗ​ത്തിൽ അവർക്ക്‌ അമർത്യ​മായ ജീവനും ഒരിക്ക​ലും നശിക്കാത്ത ശരീര​വും കിട്ടും. രാജാ​വായ യേശു​ക്രി​സ്‌തു​വി​ന്റെ​യും 1,44,000-ത്തിൽപ്പെട്ട ബാക്കി​യു​ള്ള​വ​രു​ടെ​യും കൂടെ സേവി​ക്കാൻ അവർക്കാ​കും. ഇനി, ഏറ്റവും പ്രധാ​ന​മാ​യി സ്വന്തം കണ്ണു​കൊണ്ട്‌ യഹോ​വയെ കാണാ​നുള്ള അവസര​വും അവർക്കു​ണ്ടാ​യി​രി​ക്കും! (1 കൊരി. 15:51-53; 1 യോഹ. 3:2) ഇത്തരം വലിയ അനു​ഗ്ര​ഹ​ങ്ങ​ളാ​ണു സ്വർഗ​ത്തിൽ തങ്ങൾക്കു ലഭിക്കാ​നി​രി​ക്കു​ന്ന​തെന്ന്‌ അഭിഷി​ക്തർക്ക്‌ അറിയാം. എങ്കിലും അതു കിട്ടണ​മെ​ങ്കിൽ മരണം​വരെ അവർ വിശ്വ​സ്‌ത​രാ​യി​രി​ക്കണം. (2 തിമൊ. 4:7, 8) സ്വർഗ​ത്തിൽ തങ്ങൾക്കു കിട്ടാ​നി​രി​ക്കുന്ന പ്രതി​ഫ​ല​ത്തെ​ക്കു​റിച്ച്‌ ചിന്തി​ക്കു​ന്നത്‌ അവർക്ക്‌ ഒരുപാ​ടു സന്തോഷം നൽകുന്നു. (തീത്തോ. 2:13) എന്നാൽ ‘വേറെ ആടുകൾ’ എന്തിനാ​ണു സ്‌മാ​ര​ക​ത്തി​നു കൂടി​വ​രു​ന്നത്‌? (യോഹ. 10:16) അതിന്റെ ചില കാരണ​ങ്ങ​ളെ​ക്കു​റിച്ച്‌ നമുക്ക്‌ ഇപ്പോൾ നോക്കാം.

6. വേറെ ആടുക​ളിൽപ്പെ​ട്ടവർ സ്‌മാ​ര​കാ​ച​ര​ണ​ത്തി​നു കൂടി​വ​രു​ന്നത്‌ എന്തു​കൊണ്ട്‌?

⁶ വേറെ ആടുക​ളിൽപ്പെ​ട്ടവർ സ്‌മാ​ര​ക​ത്തി​നാ​യി കൂടി​വ​രു​മ്പോൾ അപ്പവും വീഞ്ഞും കഴിക്കില്ല, പകരം കാഴ്‌ച​ക്കാ​രാ​യി​ട്ടാണ്‌ അവർ അവിടെ വരുന്നത്‌. ആദ്യമാ​യി 1938-ലാണ്‌, ഭൂമി​യിൽ ജീവി​ക്കാൻ പ്രത്യാ​ശ​യു​ള്ള​വരെ സ്‌മാ​ര​കാ​ച​ര​ണ​ത്തി​നു കൂടി​വ​രാൻ പ്രത്യേ​ക​മാ​യി ക്ഷണിച്ചത്‌. 1938 മാർച്ച്‌ 1 ലക്കം വീക്ഷാ​ഗോ​പു​രം (ഇംഗ്ലീഷ്‌) ഇങ്ങനെ പറഞ്ഞു: “(വേറെ ആടുക​ളിൽപ്പെ​ട്ടവർ) ഇങ്ങനെ​യൊ​രു യോഗ​ത്തി​നു വരുക​യും അവിടെ നടക്കു​ന്നതു കാണു​ക​യും ചെയ്യു​ന്നതു തികച്ചും ഉചിത​മാണ്‌. . . . അത്‌ അവർക്കും സന്തോ​ഷി​ക്കാ​നുള്ള ഒരു സമയമാണ്‌, അങ്ങനെ​യാ​യി​രി​ക്കു​ക​യും വേണം.” കാഴ്‌ച​ക്കാ​രാ​യി വിവാ​ഹ​ച്ച​ട​ങ്ങിൽ സംബന്ധി​ക്കു​മ്പോൾ അതിഥി​കൾ സന്തോ​ഷി​ക്കു​ന്ന​തു​പോ​ലെ സ്‌മാ​ര​കാ​ച​ര​ണ​ത്തി​നു കാഴ്‌ച​ക്കാ​രാ​യി കൂടി​വ​രാ​നാ​കു​ന്ന​തിൽ വേറെ ആടുക​ളും സന്തോ​ഷി​ക്കു​ന്നു.

7. സ്‌മാ​ര​ക​പ്ര​സം​ഗം കേൾക്കാൻ വേറെ ആടുകൾ ആകാം​ക്ഷ​യോ​ടെ കാത്തി​രി​ക്കു​ന്നത്‌ എന്തു​കൊണ്ട്‌?

⁷ വേറെ ആടുക​ളും ആ സമയത്ത്‌ തങ്ങളുടെ പ്രത്യാ​ശ​യെ​ക്കു​റിച്ച്‌ ചിന്തി​ക്കു​ന്നു. സ്‌മാ​ര​ക​പ്ര​സം​ഗം കേൾക്കാൻ അവർ ആകാം​ക്ഷ​യു​ള്ള​വ​രാണ്‌. ആയിരം വർഷത്തെ ഭരണസ​മ​യത്ത്‌ ക്രിസ്‌തു​വും 1,44,000 സഹഭര​ണാ​ധി​പ​ന്മാ​രും ചേർന്ന്‌ വിശ്വ​സ്‌ത​രായ മനുഷ്യർക്കു​വേണ്ടി ചെയ്യാൻപോ​കുന്ന കാര്യ​ങ്ങ​ളെ​ക്കു​റി​ച്ചാണ്‌ അതിൽ പ്രധാ​ന​മാ​യും വിശദീ​ക​രി​ക്കു​ന്നത്‌. രാജാ​വായ യേശു​ക്രി​സ്‌തു​വി​ന്റെ നേതൃ​ത്വ​ത്തിൻകീ​ഴിൽ ആ സ്വർഗീയ ഭരണാ​ധി​കാ​രി​കൾ ഭൂമിയെ ഒരു പറുദീ​സ​യാ​ക്കി മാറ്റും. കൂടാതെ, അനുസ​ര​ണ​മുള്ള മനുഷ്യ​രെ പൂർണ​രാ​കാൻ സഹായി​ക്കു​ക​യും ചെയ്യും. യശയ്യ 35:5, 6; 65:21-23;  വെളി​പാട്‌ 21:3, 4 പോലുള്ള വാക്യ​ങ്ങ​ളി​ലെ ബൈബിൾപ്ര​വ​ച​നങ്ങൾ അപ്പോൾ നിറ​വേ​റും. അതെല്ലാം ഭാവന​യിൽ കാണു​ന്നതു സ്‌മാ​ര​കാ​ച​ര​ണ​ത്തി​നു കൂടി​വ​രുന്ന വേറെ ആടുക​ളിൽപ്പെ​ട്ട​വർക്ക്‌ ഒരുപാ​ടു സന്തോഷം നൽകുന്നു. തങ്ങളുടെ പ്രിയ​പ്പെ​ട്ട​വ​രോ​ടൊ​പ്പം ആ പുതിയ ലോക​ത്തിൽ കഴിയു​ന്ന​തി​നെ​ക്കു​റിച്ച്‌ ചിന്തി​ക്കു​ന്നത്‌ അവരുടെ പ്രത്യാ​ശ​യും എന്നെന്നും യഹോ​വയെ സേവി​ക്കാ​നുള്ള ആഗ്രഹ​വും ശക്തമാ​ക്കും.—മത്താ. 24:13; ഗലാ. 6:9.

8. വേറെ ആടുകൾ സ്‌മാ​ര​ക​ത്തി​നു കൂടി​വ​രു​ന്ന​തി​ന്റെ മറ്റൊരു കാരണം എന്താണ്‌?

⁸ വേറെ ആടുകൾ സ്‌മാ​ര​ക​ത്തി​നു കൂടി​വ​രു​ന്ന​തി​ന്റെ മറ്റൊരു കാരണം ഇതാണ്‌: അഭിഷിക്ത ക്രിസ്‌ത്യാ​നി​കളെ തങ്ങൾ സ്‌നേ​ഹി​ക്കു​ക​യും പിന്തു​ണ​യ്‌ക്കു​ക​യും ചെയ്യു​ന്നെന്നു കാണി​ക്കാൻ അവർ ആഗ്രഹി​ക്കു​ന്നു. അഭിഷി​ക്ത​രും ഭൂമി​യിൽ താമസി​ക്കാൻ പ്രത്യാ​ശ​യു​ള്ള​വ​രും തമ്മിൽ ഒരു അടുത്ത ബന്ധമു​ണ്ടാ​യി​രി​ക്കു​മെന്നു ബൈബിൾ മുൻകൂ​ട്ടി​പ്പ​റ​ഞ്ഞി​ട്ടുണ്ട്‌. അതിന്റെ ചില ഉദാഹ​ര​ണങ്ങൾ നമുക്ക്‌ ഇപ്പോൾ നോക്കാം.

9. സെഖര്യ 8:23-ലെ പ്രവച​ന​ത്തിൽനി​ന്നും വേറെ ആടുക​ളും അഭിഷിക്ത സഹോ​ദ​ര​ങ്ങ​ളും തമ്മിലുള്ള ബന്ധത്തെ​ക്കു​റിച്ച്‌ നമുക്ക്‌ എന്തു മനസ്സി​ലാ​ക്കാം?

⁹ സെഖര്യ 8:23 വായി​ക്കുക. വേറെ ആടുകൾ അഭിഷി​ക്ത​രായ സഹോ​ദ​രീ​സ​ഹോ​ദ​ര​ന്മാ​രെ എങ്ങനെ കാണുന്നു എന്നതിന്റെ മനോ​ഹ​ര​മായ ഒരു വർണന​യാണ്‌ ഈ പ്രവച​ന​ത്തി​ലു​ള്ളത്‌. അവിടെ ‘ഒരു ജൂതൻ’ എന്നും “നിങ്ങളു​ടെ” എന്നും പറഞ്ഞി​രി​ക്കു​ന്നത്‌ ഒരേ കൂട്ട​ത്തെ​ക്കു​റി​ച്ചു​ത​ന്നെ​യാണ്‌—അഭിഷി​ക്ത​രിൽ ബാക്കി​യു​ള്ള​വ​രെ​ക്കു​റിച്ച്‌. (റോമ. 2:28, 29) “എല്ലാ ഭാഷക്കാ​രിൽനി​ന്നു​മുള്ള പത്തു പേർ” വേറെ ആടുക​ളെ​യാ​ണു കുറി​ക്കു​ന്നത്‌. ശുദ്ധാ​രാ​ധ​ന​യിൽ അഭിഷി​ക്ത​രു​ടെ​കൂ​ടെ വിശ്വ​സ്‌ത​മാ​യി ചേർന്നു​നി​ന്നു​കൊ​ണ്ടാണ്‌ അവർ ജൂതന്റെ വസ്‌ത്ര​ത്തിൽ ‘മുറുകെ പിടി​ക്കു​ന്നത്‌.’ അതു​കൊണ്ട്‌ സ്‌മാ​രകം ആചരി​ക്കാ​നാ​യി വേറെ ആടുകൾ അഭിഷി​ക്ത​രോ​ടൊ​പ്പം കൂടി​വ​രു​മ്പോൾ അവരോ​ടുള്ള അടുപ്പം തെളി​യി​ക്കു​ക​യാണ്‌.

10. യഹസ്‌കേൽ 37:15-19, 24, 25-ൽ പറഞ്ഞി​രു​ന്ന​തു​പോ​ലെ യഹോവ ഇന്ന്‌ എന്തു ചെയ്‌തി​രി​ക്കു​ന്നു?

¹⁰ യഹസ്‌കേൽ 37:15-19, 24, 25 വായി​ക്കുക. ഈ പ്രവച​ന​ത്തിൽ മുൻകൂ​ട്ടി​പ്പറഞ്ഞ കാര്യങ്ങൾ യഹോവ ഇന്നു നിറ​വേ​റ്റി​യി​രി​ക്കു​ന്നു. ഇന്ന്‌ അഭിഷി​ക്ത​രും വേറെ ആടുക​ളും ഐക്യ​ത്തോ​ടെ ഒരുമിച്ച്‌ പ്രവർത്തി​ക്കു​ന്നതു നമുക്കു കാണാം. ആ പ്രവച​ന​ത്തിൽ രണ്ടു വടിക​ളെ​ക്കു​റിച്ച്‌ പറഞ്ഞി​രു​ന്നു. സ്വർഗ​ത്തിൽ ജീവി​ക്കാൻ പ്രത്യാ​ശ​യു​ള്ള​വരെ “യഹൂദ​യ്‌ക്ക്‌” എന്ന്‌ എഴുതിയ വടി ചിത്രീ​ക​രി​ച്ചു. (ആ ഗോ​ത്ര​ത്തിൽനി​ന്നാണ്‌ ഇസ്രാ​യേൽരാ​ജാ​ക്ക​ന്മാ​രെ തിര​ഞ്ഞെ​ടു​ത്തി​രു​ന്നത്‌.) “എഫ്രയീ​മി​ന്റെ വടി” അർഥമാ​ക്കി​യതു ഭൂമി​യിൽ ജീവി​ക്കാൻ പ്രത്യാ​ശ​യു​ള്ള​വ​രെ​യാണ്‌. * അവ രണ്ടും “ഒറ്റ വടി” ആയിത്തീ​രേ​ണ്ട​തിന്‌ യഹോവ ആ രണ്ടു കൂട്ട​ത്തെ​യും ഒന്നിപ്പി​ക്കു​മാ​യി​രു​ന്നു. അതിന്റെ അർഥം ആ രണ്ടു കൂട്ടവും ഒറ്റ രാജാ​വി​ന്റെ കീഴിൽ, അതായത്‌ യേശു​ക്രി​സ്‌തു​വി​ന്റെ കീഴിൽ, ഐക്യ​ത്തോ​ടെ യഹോ​വയെ സേവി​ക്കു​മെ​ന്നാണ്‌. ഓരോ വർഷവും അഭിഷി​ക്ത​രും വേറെ ആടുക​ളും രണ്ടു കൂട്ടമാ​യി​ട്ടല്ല, ‘ഒരു ഇടയന്റെ’ കീഴിൽ ‘ഒറ്റ ആട്ടിൻകൂ​ട്ട​മാ​യി’ സ്‌മാ​ര​കാ​ച​ര​ണ​ത്തി​നു കൂടി​വ​രു​ന്നു.—യോഹ. 10:16.

11. മത്തായി 25:31-36, 40-ൽ പറഞ്ഞി​രി​ക്കുന്ന ‘ചെമ്മരി​യാ​ടു​കൾ’ ഇന്ന്‌ ക്രിസ്‌തു​വി​ന്റെ അഭിഷിക്ത സഹോ​ദ​ര​ന്മാ​രെ പ്രധാ​ന​മാ​യും പിന്തു​ണ​യ്‌ക്കു​ന്നത്‌ എങ്ങനെ​യാണ്‌?

¹¹ മത്തായി 25:31-36, 40 വായി​ക്കുക. ഈ ഉപമയിൽ യേശു ‘ചെമ്മരി​യാ​ടു​ക​ളെ​ക്കു​റിച്ച്‌’ പറഞ്ഞു. ലോകാ​വ​സാ​ന​കാ​ലത്ത്‌ ഇവി​ടെ​യു​ണ്ടാ​യി​രി​ക്കുന്ന, ഭൂമി​യിൽ ജീവി​ക്കാൻ പ്രത്യാ​ശ​യുള്ള നീതി​മാ​ന്മാ​രായ ആളുക​ളാണ്‌ അവർ, അതായത്‌ ഇന്നു ജീവി​ച്ചി​രി​ക്കുന്ന വേറെ ആടുക​ളിൽപ്പെ​ട്ടവർ. അവർ ഇന്നു ക്രിസ്‌തു​വി​ന്റെ അഭിഷിക്ത സഹോ​ദ​ര​ന്മാ​രിൽ ബാക്കി​യു​ള്ള​വരെ വിശ്വ​സ്‌ത​മാ​യി പിന്തു​ണ​യ്‌ക്കു​ന്നു. ലോക​മെ​ങ്ങും സന്തോ​ഷ​വാർത്ത അറിയി​ക്കാ​നും ആളുകളെ ശിഷ്യ​രാ​ക്കാ​നും ഉള്ള ആ വലിയ ഉത്തരവാ​ദി​ത്വം നിറ​വേ​റ്റാൻ ക്രിസ്‌തു​വി​ന്റെ അഭിഷി​ക്ത​സ​ഹോ​ദ​ര​ന്മാ​രെ സഹായി​ച്ചു​കൊ​ണ്ടാണ്‌ അവർ പ്രധാ​ന​മാ​യും അതു ചെയ്യു​ന്നത്‌.—മത്താ. 24:14; 28:19, 20.

12-13. വേറെ ആടുകൾ ക്രിസ്‌തു​വി​ന്റെ സഹോ​ദ​ര​ന്മാ​രെ സഹായി​ക്കുന്ന മറ്റു ചില വിധങ്ങൾ ഏതൊ​ക്കെ​യാണ്‌?

¹² ഓരോ വർഷവും സ്‌മാ​ര​ക​ത്തി​നു മുമ്പുള്ള ആഴ്‌ച​ക​ളിൽ താത്‌പ​ര്യ​ക്കാ​രെ സ്‌മാ​ര​ക​ത്തി​നു ക്ഷണിക്കുന്ന ഒരു പ്രചാ​ര​ണ​പ​രി​പാ​ടി ലോക​മെ​ങ്ങു​മാ​യി നടത്താ​റുണ്ട്‌. ഈ പരിപാ​ടി​യിൽ തങ്ങളുടെ പരമാ​വധി ഉൾപ്പെ​ട്ടു​കൊണ്ട്‌ വേറെ ആടുകൾ ക്രിസ്‌തു​വി​ന്റെ സഹോ​ദ​ര​ന്മാ​രെ പിന്തു​ണ​യ്‌ക്കു​ന്നു. (“ സ്‌മാ​ര​ക​കാ​ലത്തെ പ്രവർത്ത​ന​ങ്ങൾക്കാ​യി നിങ്ങൾ ഒരുങ്ങി​യോ?” എന്ന ചതുരം കാണുക.) ലോകത്തെ മിക്ക സഭകളി​ലും അഭിഷിക്ത സഹോ​ദ​ര​ന്മാർ ഇല്ലെങ്കി​ലും എല്ലാ സഭകളി​ലും സ്‌മാ​രകം  ആചരി​ക്കാൻ വേണ്ട ക്രമീ​ക​ര​ണങ്ങൾ ചെയ്‌തു​കൊ​ണ്ടും അവർ ക്രിസ്‌തു​വി​ന്റെ സഹോ​ദ​ര​ന്മാ​രെ പിന്തു​ണ​യ്‌ക്കു​ന്നു. വളരെ സന്തോ​ഷ​ത്തോ​ടെ​യാണ്‌ അവർ ഈ വിധങ്ങ​ളി​ലെ​ല്ലാം അഭിഷിക്ത സഹോ​ദ​ര​ങ്ങളെ പിന്തു​ണ​യ്‌ക്കു​ന്നത്‌. കാരണം ക്രിസ്‌തു​വി​ന്റെ സഹോ​ദ​ര​ന്മാ​രെ സഹായി​ക്കാ​നാ​യി ചെയ്യുന്ന ഓരോ കാര്യ​വും തനിക്കു​വേണ്ടി ചെയ്യു​ന്ന​താ​യി യേശു കണക്കാ​ക്കു​മെന്നു ചെമ്മരി​യാ​ടു​ക​ളിൽപ്പെ​ട്ട​വർക്ക്‌ ഉറപ്പുണ്ട്‌.—മത്താ. 25:37-40.

¹³ നമ്മുടെ പ്രത്യാശ എന്തുത​ന്നെ​യാ​യാ​ലും നമ്മൾ എല്ലാവ​രും സ്‌മാ​രകം ആചരി​ക്കാൻ കൂടി​വ​രു​ന്ന​തി​നു വേറെ​യും കാരണ​ങ്ങ​ളുണ്ട്‌. അവ എന്താ​ണെന്ന്‌ ഇനി നോക്കാം.

14. യഹോ​വ​യും യേശു​വും നമ്മളോ​ടു വലിയ സ്‌നേഹം കാണി​ച്ചത്‌ എങ്ങനെ?

¹⁴ യഹോ​വ​യും യേശു​വും കാണിച്ച സ്‌നേ​ഹ​ത്തി​നു നമ്മൾ നന്ദിയു​ള്ള​വ​രാണ്‌. യഹോവ പല വിധങ്ങ​ളിൽ നമ്മളോ​ടു സ്‌നേഹം കാണി​ച്ചി​ട്ടുണ്ട്‌. അതിൽ ഏറ്റവും വലുത്‌, നമുക്കു​വേണ്ടി പ്രിയ മകനെ നൽകി​യ​താണ്‌. കഷ്ടപ്പാ​ടു​കൾ സഹിച്ച്‌ മരിക്കാൻ തന്റെ മകനെ അയച്ചതി​ലൂ​ടെ യഹോവ നമ്മളോ​ടു നിസ്സ്വാർഥ​സ്‌നേഹം കാണി​ക്കു​ക​യാ​യി​രു​ന്നു. (യോഹ. 3:16) ഇനി, സ്വന്തം ജീവൻ തരാൻ തയ്യാറാ​യി​ക്കൊണ്ട്‌ യേശു​വും നമ്മളോ​ടു വലിയ അളവിൽ സ്‌നേഹം കാണിച്ചു. (യോഹ. 15:13) യഹോ​വ​യും യേശു​വും നമ്മളോ​ടു കാണിച്ച സ്‌നേ​ഹം​വെച്ച്‌ നോക്കു​മ്പോൾ അവർക്കു പകരം​കൊ​ടു​ക്കാൻ നമുക്ക്‌ ഒന്നും ഇല്ല. എങ്കിലും, ഓരോ ദിവസ​വും നമ്മൾ ചെയ്യുന്ന കാര്യ​ങ്ങ​ളി​ലൂ​ടെ അവരോ​ടുള്ള നന്ദി നമുക്കു കാണി​ക്കാ​നാ​കും. (കൊലോ. 3:15) സ്‌മാ​ര​ക​ത്തി​നു കൂടി​വ​രു​മ്പോൾ, യഹോ​വ​യും യേശു​വും കാണിച്ച സ്‌നേ​ഹ​ത്തെ​ക്കു​റിച്ച്‌ ഓർക്കാ​നും നമ്മൾ അവരെ സ്‌നേ​ഹി​ക്കു​ന്നെന്നു കാണി​ക്കാ​നും നമുക്ക്‌ അവസരം കിട്ടുന്നു.

15. അഭിഷി​ക്ത​രും വേറെ ആടുക​ളും മോച​ന​വി​ല​യെന്ന സമ്മാനത്തെ വളരെ മൂല്യ​മു​ള്ള​താ​യി കാണു​ന്നത്‌ എന്തു​കൊണ്ട്‌?

¹⁵ മോച​ന​വില എന്ന സമ്മാനത്തെ നമ്മൾ വളരെ മൂല്യ​മു​ള്ള​താ​യി കാണുന്നു. (മത്താ. 20:28) തങ്ങളുടെ മഹത്തായ പ്രത്യാ​ശ​യ്‌ക്കു വഴിതു​റന്ന മോച​ന​വി​ലയെ അഭിഷിക്ത ക്രിസ്‌ത്യാ​നി​കൾ വളരെ വിലമ​തി​ക്കു​ന്നു. ക്രിസ്‌തു​വി​ന്റെ ബലിയിൽ വിശ്വാ​സ​മു​ള്ള​തു​കൊണ്ട്‌ യഹോവ അവരെ നീതി​മാ​ന്മാ​രാ​യി പ്രഖ്യാ​പി​ക്കു​ക​യും തന്റെ പുത്ര​ന്മാ​രാ​യി ദത്തെടു​ക്കു​ക​യും ചെയ്‌തി​രി​ക്കു​ന്നു. (റോമ. 5:1; 8:15-17, 23) വേറെ ആടുക​ളും മോച​ന​വി​ല​യ്‌ക്കു നന്ദിയു​ള്ള​വ​രാണ്‌. ക്രിസ്‌തു​വി​ന്റെ ബലിയിൽ വിശ്വാ​സ​മു​ള്ള​തു​കൊണ്ട്‌ അവർക്കു ശുദ്ധമ​ന​സ്സാ​ക്ഷി​യോ​ടെ ദൈവ​മു​മ്പാ​കെ നിൽക്കാ​നും വിശു​ദ്ധ​സേ​വനം അനുഷ്‌ഠി​ക്കാ​നും കഴിയു​ന്നു. കൂടാതെ, ‘മഹാക​ഷ്ട​തയെ’ അതിജീ​വി​ക്കു​മെന്ന പ്രത്യാ​ശ​യും അവർക്കുണ്ട്‌. (വെളി. 7:13-15) ഓരോ വർഷവും സ്‌മാ​ര​കാ​ച​ര​ണ​ത്തി​നു കൂടി​വ​രു​ന്ന​തി​ലൂ​ടെ അഭിഷി​ക്ത​രും വേറെ ആടുക​ളും മോച​ന​വി​ല​യോ​ടു നന്ദിയു​ള്ള​വ​രാ​ണെന്നു കാണി​ക്കു​ന്നു.

16. നമ്മൾ സ്‌മാ​ര​കാ​ച​ര​ണ​ത്തി​നു കൂടി​വ​രു​ന്ന​തി​ന്റെ മറ്റൊരു കാരണം എന്താണ്‌?

¹⁶ യേശു​വി​നെ അനുസ​രി​ക്കാൻ ആഗ്രഹി​ക്കു​ന്നു എന്നതാണു നമ്മളെ​ല്ലാ​വ​രും സ്‌മാ​ര​ക​ത്തി​നു കൂടി​വ​രു​ന്ന​തി​ന്റെ മറ്റൊരു കാരണം. നമ്മുടെ പ്രത്യാശ എന്തുത​ന്നെ​യാ​യാ​ലും സ്‌മാ​ര​കാ​ച​രണം ഏർപ്പെ​ടു​ത്തിയ രാത്രി​യിൽ യേശു നൽകിയ കല്‌പന അനുസ​രി​ക്കാൻ നമ്മൾ ഓരോ​രു​ത്ത​രും ആഗ്രഹി​ക്കു​ന്നു. അന്നു യേശു പറഞ്ഞു: “എന്റെ ഓർമ​യ്‌ക്കു​വേണ്ടി ഇതു തുടർന്നും ചെയ്യുക.”—1 കൊരി. 11:23, 24.

17. യഹോ​വ​യോ​ടു കൂടുതൽ അടുക്കാൻ സ്‌മാ​ര​കാ​ച​രണം നമ്മളെ എങ്ങനെ സഹായി​ക്കും?

¹⁷ യഹോ​വ​യോ​ടു കൂടുതൽ അടുക്കാ​നാ​കും. (യാക്കോ. 4:8) നമ്മൾ കണ്ടതു​പോ​ലെ സ്‌മാ​ര​ക​ത്തി​നു കൂടി​വ​രു​മ്പോൾ യഹോവ നമുക്കു നൽകി​യി​രി​ക്കുന്ന പ്രത്യാ​ശ​യെ​ക്കു​റി​ച്ചും യഹോവ നമ്മളോ​ടു കാണി​ച്ചി​രി​ക്കുന്ന വലിയ സ്‌നേ​ഹ​ത്തെ​ക്കു​റി​ച്ചും കൂടുതൽ ചിന്തി​ക്കാ​നുള്ള അവസരം നമുക്കു കിട്ടുന്നു. (യിരെ. 29:11; 1 യോഹ. 4:8-10) അങ്ങനെ ചെയ്യു​മ്പോൾ യഹോ​വ​യോ​ടുള്ള നമ്മുടെ സ്‌നേഹം വർധി​ക്കും, യഹോ​വ​യു​മാ​യുള്ള നമ്മുടെ ബന്ധം കൂടുതൽ ശക്തമാ​കും.—റോമ. 8:38, 39.

18. യേശു​വി​ന്റെ മാതൃ​ക​യെ​ക്കു​റിച്ച്‌ ചിന്തി​ക്കു​ന്നതു നമ്മളെ എന്തിനു പ്രേരി​പ്പി​ക്കും?

¹⁸ യേശു​വി​ന്റെ മാതൃക അനുക​രി​ക്കാൻ അതു നമ്മളെ പ്രേരി​പ്പി​ക്കും. (1 പത്രോ. 2:21) സ്‌മാ​ര​ക​ത്തി​നു മുമ്പുള്ള ദിവസ​ങ്ങ​ളിൽ നമ്മൾ, യേശു ഭൂമി​യിൽ ജീവി​ച്ചി​രുന്ന അവസാ​ന​യാ​ഴ്‌ച​യി​ലെ സംഭവ​ങ്ങ​ളെ​ക്കു​റി​ച്ചും യേശു​വി​ന്റെ മരണം, പുനരു​ത്ഥാ​നം എന്നിവ​യെ​ക്കു​റി​ച്ചും ഉള്ള വിവര​ണങ്ങൾ  ബൈബി​ളിൽനിന്ന്‌ വായി​ക്കു​ക​യും അതെക്കു​റിച്ച്‌ ചിന്തി​ക്കു​ക​യും ഒക്കെ ചെയ്യാ​റുണ്ട്‌. ഇനി, സ്‌മാ​ര​കാ​ച​ര​ണ​ത്തി​ന്റെ സമയത്ത്‌ നടത്തുന്ന പ്രസം​ഗ​വും യേശു നമ്മളോ​ടു കാണിച്ച സ്‌നേ​ഹ​ത്തെ​ക്കു​റിച്ച്‌ ഓർക്കാൻ സഹായി​ക്കു​ന്നു. (എഫെ. 5:2; 1 യോഹ. 3:16) യേശു കാണിച്ച ആത്മത്യാ​ഗ​ത്തി​ന്റെ ആ മാതൃ​ക​യെ​ക്കു​റിച്ച്‌ വായി​ക്കു​ക​യും ചിന്തി​ക്കു​ക​യും ഒക്കെ ചെയ്യു​മ്പോൾ “യേശു നടന്നതു​പോ​ലെ​തന്നെ നടക്കാൻ” നമുക്കും തോന്നും.—1 യോഹ. 2:6.

19. നമുക്ക്‌ എങ്ങനെ ദൈവ​സ്‌നേ​ഹ​ത്തിൽ നിലനിൽക്കാം?

¹⁹ ദൈവ​സ്‌നേ​ഹ​ത്തിൽ നിലനിൽക്കാ​നുള്ള നമ്മുടെ തീരു​മാ​നം കൂടുതൽ ശക്തമാ​കും. (യൂദ 20, 21) ദൈവത്തെ അനുസ​രി​ക്കാ​നും ദൈവ​ത്തി​ന്റെ പേര്‌ വിശു​ദ്ധീ​ക​രി​ക്കാ​നും ദൈവ​ത്തി​ന്റെ ഹൃദയത്തെ സന്തോ​ഷി​പ്പി​ക്കാ​നും നമ്മളാ​ലാ​കു​ന്ന​തെ​ല്ലാം ചെയ്യു​ന്നെ​ങ്കിൽ യഹോ​വ​യു​ടെ സ്‌നേ​ഹി​ത​രാ​യി തുടരാൻ നമുക്കാ​കും. (സുഭാ. 27:11; മത്താ. 6:9; 1 യോഹ. 5:3) എന്നെന്നും ദൈവ​സ്‌നേ​ഹ​ത്തിൽ നിലനിൽക്കാൻ ആഗ്രഹി​ക്കു​ന്നെന്നു നമുക്ക്‌ ഓരോ ദിവസ​ത്തെ​യും ജീവി​ത​രീ​തി​യി​ലൂ​ടെ തെളി​യി​ക്കാം. സ്‌മാ​ര​കാ​ച​രണം അങ്ങനെ ചെയ്യാ​നുള്ള നമ്മുടെ തീരു​മാ​നം ശക്തമാ​ക്കും.

20. സ്‌മാ​ര​ക​ത്തി​നു കൂടി​വ​രാൻ നമുക്ക്‌ എന്തെല്ലാം കാരണ​ങ്ങ​ളുണ്ട്‌?

²⁰ നമ്മുടെ പ്രത്യാശ, എന്നെന്നും സ്വർഗ​ത്തിൽ ജീവി​ക്കാ​നോ ഭൂമി​യിൽ ജീവി​ക്കാ​നോ ആയാലും, സ്‌മാ​ര​ക​ത്തി​നു കൂടി​വ​രാൻ നമു​ക്കെ​ല്ലാം ശക്തമായ കാരണ​ങ്ങ​ളുണ്ട്‌. ഓരോ വർഷവും സ്‌മാ​ര​ക​ത്തി​നു കൂടി​വ​രു​മ്പോൾ നമ്മളെ​ല്ലാ​വ​രും ഒരുപാ​ടു സ്‌നേ​ഹി​ക്കുന്ന യേശു​ക്രി​സ്‌തു​വി​നെ​ക്കു​റി​ച്ചും യേശു നമുക്കു​വേണ്ടി സ്വന്തം ജീവൻ നൽകി​യ​തി​നെ​ക്കു​റി​ച്ചും ഒക്കെ ഓർക്കും. ഇനി, അതിലും പ്രധാ​ന​മാ​യി യഹോവ നമ്മളോ​ടു കാണിച്ച ആ വലിയ സ്‌നേ​ഹ​ത്തെ​ക്കു​റി​ച്ചും നമ്മൾ ഓർക്കും. കാരണം, സ്വന്തം മകനെ​യാണ്‌ യഹോവ നമുക്കു​വേണ്ടി മോച​ന​വി​ല​യാ​യി നൽകി​യത്‌. ഈ വർഷത്തെ സ്‌മാ​ര​കാ​ച​രണം 2022 ഏപ്രിൽ 15, വെള്ളി​യാഴ്‌ച വൈകു​ന്നേ​ര​മാണ്‌. യഹോ​വ​യെ​യും യഹോ​വ​യു​ടെ പ്രിയ മകനെ​യും നമ്മൾ സ്‌നേ​ഹി​ക്കു​ന്നു. അതു​കൊണ്ട്‌ യേശു​വി​ന്റെ മരണത്തി​ന്റെ ഓർമ ആചരി​ക്കുന്ന ആ ദിവസം നമുക്ക്‌ അതിനാ​യി കൂടി​വ​രാം. അതിലും പ്രധാ​ന​മാ​യി മറ്റെന്താ​ണു നമുക്കു​ള്ളത്‌?