▪ അല്ല. ദാവീദ്‌ ഉദ്ദേശി​ച്ചത്‌ അതായി​രു​ന്നില്ല.

ആ വാക്യ​ത്തി​ലും അതു​പോ​ലുള്ള മറ്റു വാക്യ​ങ്ങ​ളി​ലും അദ്ദേഹം എഴുതി​യത്‌ എന്താ​ണെന്നു നോക്കുക. “ഞാൻ എന്നും അങ്ങയുടെ പേര്‌ പാടി സ്‌തു​തി​ക്കും, ദിവസ​വും എന്റെ നേർച്ചകൾ നിറ​വേ​റ്റും.” “എന്റെ ദൈവ​മായ യഹോവേ, ഞാൻ മുഴു​ഹൃ​ദയാ അങ്ങയെ സ്‌തു​തി​ക്കു​ന്നു; തിരു​നാ​മം ഞാൻ എന്നെന്നും മഹത്ത്വ​പ്പെ​ടു​ത്തും.” “ഞാൻ . . . എന്നു​മെ​ന്നേ​ക്കും അങ്ങയുടെ പേര്‌ സ്‌തു​തി​ക്കും.”—സങ്കീ. 61:8; 86:12; 145:1, 2.

താൻ ഒരിക്ക​ലും മരിക്കില്ല എന്നു ചിന്തി​ച്ചി​ട്ടല്ല ദാവീദ്‌ ആ വാക്കുകൾ എഴുതി​യത്‌. പാപം ചെയ്‌താൽ മനുഷ്യൻ മരിക്കു​മെന്ന്‌ യഹോവ പറഞ്ഞി​രുന്ന കാര്യം ദാവീ​ദിന്‌ അറിയാ​മാ​യി​രു​ന്നു. താൻതന്നെ ഒരു പാപി​യാ​ണെന്നു ദാവീദ്‌ സമ്മതി​ക്കു​ക​യും ചെയ്‌തി​ട്ടുണ്ട്‌. (ഉൽപ. 3:3, 17-19; സങ്കീ. 51:4, 5) മാത്രമല്ല ദൈവ​ത്തി​ന്റെ അംഗീ​കാ​ര​മു​ണ്ടാ​യി​രുന്ന അബ്രാ​ഹാ​മി​നെ​യും യിസ്‌ഹാ​ക്കി​നെ​യും യാക്കോ​ബി​നെ​യും പോലു​ള്ളവർ മരിച്ചെന്ന കാര്യ​വും ദാവീ​ദിന്‌ അറിയാ​മാ​യി​രു​ന്നു. ഇനി, താൻത​ന്നെ​യും കുറച്ച്‌ നാൾ കഴിഞ്ഞ്‌ മരിക്കു​മെന്നു ദാവീദ്‌ ചിന്തി​ച്ചി​രു​ന്നു. (സങ്കീ. 37:25; 39:4) പക്ഷേ താൻ ജീവി​ച്ചി​രി​ക്കു​ന്നി​ട​ത്തോ​ളം കാലം ദൈവത്തെ സ്‌തു​തി​ക്കാൻ ദാവീ​ദി​നു ശക്തമായ ആഗ്രഹ​മു​ണ്ടാ​യി​രു​ന്നു. സങ്കീർത്തനം 61:8-ൽ ‘എന്നും ദൈവത്തെ സ്‌തു​തി​ക്കും’ എന്നു പറഞ്ഞ​പ്പോൾ ദാവീദ്‌ അതാണ്‌ ഉദ്ദേശി​ച്ചത്‌.—2 ശമു. 7:12.

ദാവീ​ദി​ന്റെ പല സങ്കീർത്ത​ന​ങ്ങ​ളും സ്വന്തം ജീവി​താ​നു​ഭ​വ​ങ്ങ​ളാണ്‌. സങ്കീർത്തനം 18, 51, 52 എന്നിവ​യു​ടെ മേലെ​ഴുത്ത്‌ പരി​ശോ​ധി​ച്ചാൽ നമുക്ക്‌ അതു മനസ്സി​ലാ​കും. ഒരു ഇടയനാ​യി​രുന്ന ദാവീദ്‌ 23-ാം സങ്കീർത്ത​ന​ത്തിൽ, തന്നെ വഴിന​ട​ത്തു​ക​യും സംരക്ഷി​ക്കു​ക​യും തനിക്ക്‌ ഉന്മേഷം പകരു​ക​യും ചെയ്യുന്ന ഒരു ഇടയനാ​യി യഹോ​വയെ വർണി​ച്ചി​രി​ക്കു​ന്നു. ഈ തിരി​ച്ച​റിവ്‌ തന്റെ ‘ജീവി​ത​കാ​ല​മെ​ല്ലാം’ ദൈവത്തെ സേവി​ക്കാൻ ദാവീ​ദി​നെ പ്രേരി​പ്പി​ച്ചു.—സങ്കീ. 23:6.

എന്നാൽ യഹോവ പ്രചോ​ദി​പ്പി​ച്ചി​ട്ടാ​ണു ദാവീദ്‌ എല്ലാം എഴുതി​യത്‌ എന്ന കാര്യ​വും നമ്മൾ മനസ്സിൽപ്പി​ടി​ക്കണം. അതു​കൊ​ണ്ടു​തന്നെ ദാവീദ്‌ എഴുതിയ കാര്യ​ങ്ങ​ളിൽ ഭാവി​യിൽ നടക്കാ​നി​രുന്ന ചില പ്രവച​ന​ങ്ങ​ളും ഉൾപ്പെ​ട്ടി​ട്ടു​ണ്ടാ​യി​രു​ന്നു. ഉദാഹ​ര​ണ​ത്തിന്‌, സങ്കീർത്തനം 110-ൽ ദാവീദ്‌ തന്റെ ‘കർത്താവ്‌ സ്വർഗ​ത്തിൽ ദൈവ​ത്തി​ന്റെ വലതു​വ​ശത്ത്‌ ഇരിക്കു​ന്ന​താ​യും’ വലിയ അധികാ​രം സ്വീക​രി​ക്കു​ന്ന​താ​യും പറഞ്ഞു. എന്തിനുള്ള അധികാ​ര​മാ​യി​രു​ന്നു അത്‌? ദൈവ​ത്തി​ന്റെ ശത്രു​ക്കളെ കീഴട​ക്കാ​നും ഭൂമി​യി​ലെ ‘ജനതകൾക്കെ​തി​രെ ന്യായ​വി​ധി നടപ്പാ​ക്കാ​നും’ ഉള്ള അധികാ​രം. സ്വർഗ​ത്തി​ലി​രുന്ന്‌ ഭരണം നടത്തു​ക​യും ‘എന്നെന്നും പുരോ​ഹി​ത​നാ​യി​രി​ക്കു​ക​യും’ ചെയ്യു​മാ​യി​രുന്ന ആ മിശി​ഹ​യു​ടെ ഒരു പൂർവ​പി​താ​വാ​യി​രു​ന്നു ദാവീദ്‌. (സങ്കീ. 110:1-6) സങ്കീർത്തനം 110-ലെ പ്രവചനം തന്നെക്കു​റി​ച്ചു​ള്ള​താ​ണെ​ന്നും അതു ഭാവി​യിൽ നിറ​വേ​റു​മെ​ന്നും യേശു ഭൂമി​യി​ലാ​യി​രു​ന്ന​പ്പോൾ പറഞ്ഞു.—മത്താ. 22:41-45.

അതു​കൊണ്ട്‌ ദാവീദ്‌ എഴുതി​യ​വ​യിൽ, അദ്ദേഹ​ത്തി​ന്റെ കാലത്തെ കാര്യ​ങ്ങ​ളും പുനരു​ത്ഥാ​ന​ശേഷം അദ്ദേഹം എന്നെന്നും യഹോ​വയെ സ്‌തു​തി​ക്കുന്ന ഭാവി​കാ​ലത്ത്‌ നടക്കാ​നി​രി​ക്കുന്ന കാര്യ​ങ്ങ​ളും ഉണ്ടായി​രു​ന്നു. അങ്ങനെ നോക്കു​മ്പോൾ സങ്കീർത്തനം 37:10, 11, 29 വാക്യ​ങ്ങ​ളിൽ പറഞ്ഞി​രി​ക്കു​ന്നത്‌, പുരാതന ഇസ്രാ​യേ​ലി​ലെ അവസ്ഥ​യെ​ക്കു​റിച്ച്‌ മാത്രമല്ല ഭാവി​യിൽ ദൈവം തന്റെ വാഗ്‌ദാ​നം നിറ​വേ​റ്റു​മ്പോൾ ഈ ഭൂമി​യിൽ വരാനി​രി​ക്കുന്ന അവസ്ഥ​യെ​ക്കു​റി​ച്ചും ആണെന്നു നമുക്കു മനസ്സി​ലാ​ക്കാം.—ഈ ലക്കത്തിലെ “നീ എന്റെകൂ​ടെ പറുദീ​സ​യി​ലു​ണ്ടാ​യി​രി​ക്കും” എന്ന ലേഖന​ത്തി​ന്റെ 8-ാം ഖണ്ഡിക കാണുക.

ചുരു​ക്ക​ത്തിൽ, സങ്കീർത്തനം 61:8-ൽനിന്നും അതു​പോ​ലുള്ള മറ്റു വാക്യ​ങ്ങ​ളിൽനി​ന്നും നമ്മൾ മനസ്സി​ലാ​ക്കുന്ന കാര്യം ഇതാണ്‌: തന്റെ മരണം​വരെ യഹോ​വയെ സ്‌തു​തി​ക്കാൻ ദാവീദ്‌ ആഗ്രഹി​ച്ചു. കൂടാതെ ഭാവി​യിൽ യഹോവ ദാവീ​ദി​നെ തിരിച്ച്‌ ഭൂമി​യി​ലേക്കു കൊണ്ടു​വ​രു​മ്പോൾ അദ്ദേഹ​ത്തിന്‌ എന്നു​മെ​ന്നേ​ക്കും ദൈവത്തെ സ്‌തു​തി​ക്കാ​നാ​കു​ക​യും ചെയ്യും.