1. ബൈബിൾ പഠിക്കാൻതു​ട​ങ്ങു​ന്ന​തി​നു മുമ്പ്‌ നിങ്ങളു​ടെ ജീവിതം എങ്ങനെ​യു​ള്ള​താ​യി​രു​ന്നു?

 യഹോ​വ​യു​ടെ സാക്ഷി​ക​ളു​ടെ​കൂ​ടെ ബൈബിൾ പഠിക്കാൻതു​ട​ങ്ങു​ന്ന​തി​നു മുമ്പ്‌ നിങ്ങളു​ടെ ജീവിതം എങ്ങനെ​യു​ള്ള​താ​യി​രു​ന്നു? നമ്മളിൽ പലർക്കും അതെക്കു​റിച്ച്‌ ഓർക്കാൻപോ​ലും ഇഷ്ടമില്ല. ശരിയും തെറ്റും സംബന്ധിച്ച ലോക​ത്തി​ലെ ആളുക​ളു​ടെ ചിന്തയാ​യി​രി​ക്കാം നമ്മുടെ മനോ​ഭാ​വ​ത്തെ​യും വ്യക്തി​ത്വ​ത്തെ​യും സ്വാധീ​നി​ച്ചി​രു​ന്നത്‌. അതു​കൊ​ണ്ടു​തന്നെ സാധ്യ​ത​യ​നു​സ​രിച്ച്‌ നമ്മൾ “പ്രത്യാ​ശ​യി​ല്ലാ​ത്ത​വ​രും ദൈവ​മി​ല്ലാ​ത്ത​വ​രും” ആയിരു​ന്നു. (എഫെ. 2:12) എന്നാൽ ബൈബിൾ പഠിക്കാൻതു​ട​ങ്ങി​യ​തോ​ടെ നമ്മുടെ ജീവിതം ആകെ മാറി.

2. ബൈബിൾ പഠിച്ച​പ്പോൾ നിങ്ങൾ എന്തൊക്കെ മനസ്സി​ലാ​ക്കി?

² ബൈബിൾ പഠിച്ച​പ്പോൾ, നിങ്ങളെ ഒരുപാ​ടു സ്‌നേ​ഹി​ക്കുന്ന ഒരു പിതാവ്‌ സ്വർഗ​ത്തി​ലു​ണ്ടെന്നു നിങ്ങൾ തിരി​ച്ച​റി​ഞ്ഞു. യഹോ​വയെ സന്തോ​ഷി​പ്പി​ക്കാ​നും ദൈവത്തെ ആരാധി​ക്കു​ന്ന​വ​രു​ടെ കുടും​ബ​ത്തി​ലെ അംഗമാ​കാ​നും ആഗ്രഹി​ക്കു​ന്നെ​ങ്കിൽ, ജീവി​ത​ത്തി​ലും ചിന്താ​രീ​തി​യി​ലും വലിയ മാറ്റങ്ങൾ വരു​ത്തേ​ണ്ട​തു​ണ്ടെന്നു നിങ്ങൾ മനസ്സി​ലാ​ക്കി. യഹോവ ശരിയാ​ണെന്നു പറയു​ന്നതു ചെയ്യാ​നും തെറ്റാ​ണെന്നു പറയു​ന്നത്‌ ഒഴിവാ​ക്കാ​നും നിങ്ങൾ പഠി​ക്കേ​ണ്ട​തു​ണ്ടാ​യി​രു​ന്നു.—എഫെ. 5:3-5.

3. കൊ​ലോ​സ്യർ 3:9, 10 പറയു​ന്ന​ത​നു​സ​രിച്ച്‌ നമ്മൾ എന്തു ചെയ്യാ​നാണ്‌ യഹോവ ആഗ്രഹി​ക്കു​ന്നത്‌, ഈ ലേഖന​ത്തിൽ നമ്മൾ എന്തു പഠിക്കും?

³ നമ്മുടെ സ്രഷ്ടാ​വും പിതാ​വും ആയ യഹോ​വ​യ്‌ക്ക്‌ തന്റെ ആരാധ​ക​രു​ടെ കുടും​ബ​ത്തി​ലെ ഓരോ അംഗവും എങ്ങനെ പെരു​മാ​റ​ണ​മെന്നു പറയാ​നുള്ള അവകാ​ശ​മുണ്ട്‌. സ്‌നാ​ന​പ്പെ​ടു​ന്ന​തി​നു മുമ്പ്‌ നമ്മൾ ‘പഴയ വ്യക്തി​ത്വം അതിന്റെ എല്ലാ ശീലങ്ങ​ളും സഹിതം ഉരിഞ്ഞു​ക​ള​യാൻ’ ശ്രമി​ക്ക​ണ​മെന്ന്‌ യഹോവ ആവശ്യ​പ്പെ​ടു​ന്നുണ്ട്‌. * (കൊ​ലോ​സ്യർ 3:9, 10 വായി​ക്കുക.) സ്‌നാ​ന​മേൽക്കാൻ ആഗ്രഹി​ക്കു​ന്ന​വർക്കു പിൻവ​രുന്ന മൂന്നു ചോദ്യ​ങ്ങ​ളു​ടെ ഉത്തരം ഈ ലേഖന​ത്തി​ലൂ​ടെ കണ്ടെത്താ​നാ​കും: (1) എന്താണു “പഴയ വ്യക്തി​ത്വം?” (2) പഴയ വ്യക്തി​ത്വം ഉരിഞ്ഞു​ക​ള​യാൻ യഹോവ നമ്മളോട്‌ ആവശ്യ​പ്പെ​ടു​ന്നത്‌ എന്തു​കൊ​ണ്ടാണ്‌? (3) നമുക്ക്‌ അത്‌ എങ്ങനെ ചെയ്യാം? ഇനി, സ്‌നാ​ന​പ്പെ​ട്ട​വർക്കും ഈ ലേഖനം പ്രയോ​ജനം ചെയ്യും. പഴയ വ്യക്തി​ത്വ​ത്തി​ന്റെ ഭാഗമായ സ്വഭാ​വ​വും ചിന്താ​രീ​തി​യും വീണ്ടും തലപൊ​ക്കു​ന്നത്‌ ഒഴിവാ​ക്കാൻ ഇതിലെ വിവരങ്ങൾ അവരെ സഹായി​ക്കും.

4. ‘പഴയ വ്യക്തി​ത്വ​മുള്ള’ ഒരാളു​ടെ പെരു​മാ​റ്റം എങ്ങനെ​യാ​യി​രി​ക്കും?

⁴ ‘പഴയ വ്യക്തി​ത്വ​മുള്ള’ ഒരാളു​ടെ ചിന്തക​ളും പ്രവർത്ത​ന​ങ്ങ​ളും പൊതു​വേ തെറ്റായ രീതി​യി​ലു​ള്ള​താ​യി​രി​ക്കും. അങ്ങനെ​യുള്ള ഒരാൾ സ്വാർഥ​നും പെട്ടെന്നു ദേഷ്യ​പ്പെ​ടു​ന്ന​വ​നും നന്ദിയി​ല്ലാ​ത്ത​വ​നും അഹങ്കാ​രി​യും ഒക്കെയാ​യി​രി​ക്കാം. അധാർമി​ക​ത​യും അക്രമ​വും നിറഞ്ഞ സിനി​മകൾ കാണാ​നോ അശ്ലീലം കാണാ​നോ അയാൾ ഇഷ്ടപ്പെ​ട്ടേ​ക്കാം. എന്നാൽ അയാൾക്കു ചില നല്ല ഗുണങ്ങ​ളൊ​ക്കെ​യുണ്ട്‌. ഇനി, താൻ പറയു​ക​യോ പ്രവർത്തി​ക്കു​ക​യോ ചെയ്യുന്ന മോശ​മായ കാര്യ​ങ്ങ​ളെ​ക്കു​റിച്ച്‌ അയാൾക്കു കുറ്റ​ബോ​ധം തോന്നു​ന്നു​മു​ണ്ടാ​യി​രി​ക്കാം. പക്ഷേ തന്റെ ചിന്തയി​ലും പെരു​മാ​റ്റ​ത്തി​ലും മാറ്റങ്ങൾ വരുത്താ​നുള്ള അയാളു​ടെ ആഗ്രഹം അത്ര ശക്തമല്ല.—ഗലാ. 5:19-21; 2 തിമൊ. 3:2-5.

5. പഴയ വ്യക്തി​ത്വം ഉരിഞ്ഞു​ക​ള​യുന്ന കാര്യ​ത്തിൽ നമ്മൾ ന്യായ​മായ എന്തു പ്രതീ​ക്ഷ​വെ​ക്കണം? (പ്രവൃ​ത്തി​കൾ 3:19)

⁵ നമ്മളെ​ല്ലാം അപൂർണ​രാണ്‌. അതു​കൊണ്ട്‌ നമ്മുടെ ഹൃദയ​ത്തിൽനി​ന്നും മനസ്സിൽനി​ന്നും തെറ്റായ ചിന്തക​ളും ആഗ്രഹ​ങ്ങ​ളും പൂർണ​മാ​യി നീക്കം ചെയ്യാൻ നമുക്ക്‌ ആർക്കും കഴിയില്ല. ചില​പ്പോ​ഴൊ​ക്കെ, പിന്നീടു നമുക്കു ദുഃഖം തോന്നുന്ന തരത്തി​ലുള്ള ചില കാര്യങ്ങൾ നമ്മൾ പറയു​ക​യോ പ്രവർത്തി​ക്കു​ക​യോ ചെയ്‌തേ​ക്കാം. (യിരെ. 17:9; യാക്കോ. 3:2) എങ്കിലും പഴയ വ്യക്തി​ത്വം നമ്മൾ ഉരിഞ്ഞു​ക​ള​യണം. അങ്ങനെ ചെയ്‌താൽ തെറ്റായ മനോ​ഭാ​വ​ങ്ങ​ളെ​യും ശീലങ്ങ​ളെ​യും ഒരു പരിധി​വരെ നമുക്കു നിയ​ന്ത്രി​ക്കാ​നാ​കും. പിന്നീടു നമ്മൾ പഴയ ആളേ ആയിരി​ക്കില്ല.—യശ. 55:7; പ്രവൃ​ത്തി​കൾ 3:19 വായി​ക്കുക.

6. പഴയ വ്യക്തി​ത്വ​ത്തി​ന്റെ ഭാഗമായ തെറ്റായ ചിന്തക​ളും മോശ​മായ ശീലങ്ങ​ളും ഉപേക്ഷി​ക്കാൻ യഹോവ നമ്മളോ​ടു പറയു​ന്നത്‌ എന്തു​കൊ​ണ്ടാണ്‌?

⁶ യഹോവ നമ്മളെ ഒരുപാ​ടു സ്‌നേ​ഹി​ക്കു​ന്നുണ്ട്‌. നമുക്കു നല്ലൊരു ജീവി​ത​മു​ണ്ടാ​യി​രി​ക്കാൻ ആഗ്രഹി​ക്കു​ക​യും ചെയ്യുന്നു. അതു​കൊ​ണ്ടാ​ണു തെറ്റായ ചിന്തക​ളും മോശ​മായ ശീലങ്ങ​ളും ഉപേക്ഷി​ക്കാൻ യഹോവ നമ്മളോട്‌ ആവശ്യ​പ്പെ​ടു​ന്നത്‌. (യശ. 48:17, 18) നമ്മൾ അങ്ങനെ ചെയ്‌തി​ല്ലെ​ങ്കിൽ അതു നമ്മളെ​യും നമ്മുടെ ചുറ്റു​മു​ള്ള​വ​രെ​യും വേദനി​പ്പി​ക്കു​മെന്ന്‌ യഹോ​വ​യ്‌ക്ക്‌ അറിയാം. നമ്മു​ടെ​യും മറ്റുള്ള​വ​രു​ടെ​യും വിഷമം കാണു​ന്നത്‌ യഹോ​വ​യ്‌ക്കു സങ്കടമുള്ള കാര്യ​മാണ്‌.

7. റോമർ 12:1, 2 അനുസ​രിച്ച്‌ നമ്മുടെ മുമ്പിൽ ഏതു തിര​ഞ്ഞെ​ടു​പ്പാ​ണു​ള്ളത്‌?

⁷ നമ്മൾ വ്യക്തി​ത്വ​ത്തിൽ മാറ്റം​വ​രു​ത്താൻ ശ്രമി​ക്കു​മ്പോൾ ആദ്യ​മൊ​ക്കെ നമ്മുടെ ചില കൂട്ടു​കാ​രും ബന്ധുക്ക​ളും നമ്മളെ കളിയാ​ക്കി​യേ​ക്കാം. (1 പത്രോ. 4:3, 4) ‘ഇഷ്ടമു​ള്ള​തു​പോ​ലെ ജീവി​ക്കാ​നുള്ള സ്വാത​ന്ത്ര്യം നമുക്കുണ്ട്‌, മറ്റുള്ളവർ എന്തിനാ അതിൽ തലയി​ടു​ന്നത്‌’ എന്നായി​രി​ക്കാം അവർ പറയു​ന്നത്‌. എന്നാൽ യഹോ​വ​യു​ടെ നിലവാ​ര​ങ്ങളെ തള്ളിക്ക​ള​യു​ന്ന​വർക്കു ശരിക്കും സ്വാത​ന്ത്ര്യം കിട്ടു​ന്നില്ല. വാസ്‌ത​വ​ത്തിൽ, അങ്ങനെ ചെയ്യു​ന്ന​തി​ലൂ​ടെ അവർ സാത്താൻ നിയ​ന്ത്രി​ക്കുന്ന ഈ ലോക​ത്തി​ന്റെ സ്വാധീ​ന​ത്തി​ലാ​കു​ക​യാണ്‌. (റോമർ 12:1, 2 വായി​ക്കുക.) അതു​കൊണ്ട്‌ നമ്മൾ ഒരു തിര​ഞ്ഞെ​ടു​പ്പു നടത്തേ​ണ്ടി​വ​രും: ഒന്നുകിൽ സാത്താന്റെ ലോക​വും നമ്മു​ടെ​തന്നെ പാപാ​വ​സ്ഥ​യും രൂപ​പ്പെ​ടു​ത്തിയ നമ്മുടെ പഴയ വ്യക്തി​ത്വം നിലനി​റു​ത്തുക. അല്ലെങ്കിൽ യഹോ​വ​യു​ടെ സഹായ​ത്താൽ വേണ്ട മാറ്റങ്ങൾ വരുത്തി ഒരു നല്ല വ്യക്തി​യാ​യി​ത്തീ​രുക.—യശ. 64:8.

8. തെറ്റായ ചിന്തക​ളും മോശ​മായ ശീലങ്ങ​ളും ഉപേക്ഷി​ക്കാൻ നമ്മളെ എന്തു സഹായി​ക്കും?

⁸ തെറ്റായ ചിന്തക​ളും മോശ​മായ ശീലങ്ങ​ളും ഉപേക്ഷി​ക്കാൻ നമുക്ക്‌ അത്ര പെട്ടെ​ന്നൊ​ന്നും പറ്റി​ല്ലെ​ന്നും അതിനു ശ്രമം ആവശ്യ​മാ​ണെ​ന്നും യഹോ​വ​യ്‌ക്ക്‌ അറിയാം. (സങ്കീ. 103:13, 14) എന്നാൽ വേണ്ട മാറ്റങ്ങൾ വരുത്താൻ ആവശ്യ​മായ അറിവും ശക്തിയും പിന്തു​ണ​യും യഹോവ തരുന്നുണ്ട്‌. ദൈവ​വ​ച​ന​ത്തി​ലൂ​ടെ​യും ആത്മാവി​ലൂ​ടെ​യും സംഘട​ന​യി​ലൂ​ടെ​യും ആണ്‌ നമുക്ക്‌ അതു കിട്ടു​ന്നത്‌. യഹോ​വ​യു​ടെ സഹായ​ത്താൽ ഇപ്പോൾത്തന്നെ പല മാറ്റങ്ങ​ളും വരുത്താൻ നിങ്ങൾക്കു കഴിഞ്ഞി​ട്ടി​ല്ലേ? എന്നാൽ സ്‌നാ​ന​മേൽക്കു​ന്ന​തി​നുള്ള യോഗ്യത നേടാൻ പഴയ വ്യക്തി​ത്വം ഉരിഞ്ഞു​ക​ള​യു​ന്ന​തിൽ നിങ്ങൾ ഇനിയും പുരോ​ഗ​മി​ക്കേ​ണ്ട​തു​ണ്ടാ​യി​രി​ക്കാം. അതിനു​വേണ്ടി ചെയ്യാ​നാ​കുന്ന ചില കാര്യങ്ങൾ നമുക്കു നോക്കാം.

9. ബൈബിൾ നിങ്ങളെ എങ്ങനെ സഹായി​ക്കും?

⁹ ബൈബിൾ ഉപയോ​ഗിച്ച്‌ നിങ്ങ​ളെ​ത്തന്നെ ഒന്ന്‌ അടുത്ത്‌ പരി​ശോ​ധി​ക്കുക. ദൈവ​വ​ചനം ഒരു കണ്ണാടി​പോ​ലെ​യാണ്‌. നമ്മൾ ചിന്തി​ക്കു​ക​യും സംസാ​രി​ക്കു​ക​യും പ്രവർത്തി​ക്കു​ക​യും ചെയ്യു​ന്നതു ശരിയാ​യി​ട്ടാ​ണോ എന്നു തിരി​ച്ച​റി​യാൻ അതു നമ്മളെ സഹായി​ക്കും. (യാക്കോ. 1:22-25) നിങ്ങളെ ബൈബിൾ പഠിപ്പി​ക്കുന്ന വ്യക്തി​ക്കും അനുഭ​വ​പ​രി​ച​യ​മുള്ള മറ്റു ക്രിസ്‌ത്യാ​നി​കൾക്കും ഇക്കാര്യ​ത്തിൽ നിങ്ങളെ സഹായി​ക്കാ​നാ​കും. ഉദാഹ​ര​ണ​ത്തിന്‌, നിങ്ങളു​ടെ കുറവു​ക​ളും നല്ല വശങ്ങളും തിരി​ച്ച​റി​യാൻ ബൈബിൾ ഉപയോ​ഗിച്ച്‌ അവർ നിങ്ങളെ സഹായി​ക്കും. ഇനി, മോശ​മായ ശീലങ്ങളെ മറിക​ട​ക്കാൻ ആവശ്യ​മായ നല്ല ഉപദേ​ശങ്ങൾ നമ്മുടെ പ്രസി​ദ്ധീ​ക​ര​ണ​ങ്ങ​ളി​ലു​മുണ്ട്‌. അവ എങ്ങനെ കണ്ടെത്താ​മെന്നു പറഞ്ഞു​ത​രാ​നും അവർക്കാ​കും. കൂടാതെ, നിങ്ങളെ സഹായി​ക്കാൻ യഹോവ എപ്പോ​ഴും തയ്യാറാണ്‌. സഹായി​ക്കാൻ ഏറ്റവും പറ്റിയ വ്യക്തി​യും യഹോ​വ​യാണ്‌. കാരണം നിങ്ങളു​ടെ ഹൃദയ​ത്തി​ലു​ള്ളത്‌ എന്താ​ണെന്ന്‌ യഹോ​വ​യ്‌ക്ക്‌ അറിയാം. (സുഭാ. 14:10; 15:11) അതു​കൊണ്ട്‌ ദിവസ​വും പ്രാർഥി​ക്കു​ന്ന​തും ദൈവ​വ​ചനം പഠിക്കു​ന്ന​തും ഒരു ശീലമാ​ക്കുക.

10. ഏലിയു​ടെ അനുഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌?

¹⁰ യഹോ​വ​യു​ടെ നിലവാ​ര​ങ്ങ​ളാണ്‌ ഏറ്റവും നല്ലതെന്ന്‌ ഉറപ്പു​ണ്ടാ​യി​രി​ക്കുക. യഹോവ നമ്മളോട്‌ ആവശ്യ​പ്പെ​ടുന്ന കാര്യ​ങ്ങ​ളെ​ല്ലാം നമുക്കു പ്രയോ​ജനം ചെയ്യു​ന്ന​വ​യാണ്‌. യഹോ​വ​യു​ടെ നിലവാ​ര​ങ്ങ​ള​നു​സ​രിച്ച്‌ ജീവി​ക്കു​ന്നെ​ങ്കിൽ നമുക്ക്‌ ആത്മാഭി​മാ​ന​വും ശരിക്കുള്ള സന്തോ​ഷ​വും നേടാ​നാ​കും. ജീവി​ത​ത്തിന്‌ ഒരു ഉദ്ദേശ്യ​മു​ണ്ടാ​കും. (സങ്കീ. 19:7-11) എന്നാൽ യഹോ​വ​യു​ടെ നിലവാ​രങ്ങൾ അവഗണിച്ച്‌ ജഡത്തിന്റെ പ്രവൃ​ത്തി​കൾ ചെയ്യു​ന്ന​വർക്ക്‌ അതിന്റെ ദുരന്ത​ഫ​ലങ്ങൾ അനുഭ​വി​ക്കേ​ണ്ടി​വ​രും. സ്വന്തം ജീവി​ത​ത്തി​ലൂ​ടെ അതു തിരി​ച്ച​റിഞ്ഞ വ്യക്തി​യാണ്‌ ഏലി സഹോ​ദരൻ. അദ്ദേഹ​ത്തി​ന്റെ അപ്പനും അമ്മയും യഹോ​വയെ സ്‌നേ​ഹി​ക്കു​ന്ന​വ​രാ​യി​രു​ന്നു. കുട്ടി​ക്കാ​ലം മുതലേ അവർ യഹോ​വ​യെ​ക്കു​റിച്ച്‌ അവനെ പഠിപ്പി​ച്ചു. എന്നാൽ കൗമാ​ര​ത്തിൽ എത്തിയ​പ്പോ​ഴേ​ക്കും അവനു കുറെ ചീത്ത കൂട്ടു​കാ​രു​ണ്ടാ​യി​രു​ന്നു. മയക്കു​മ​രു​ന്നും ഉപയോ​ഗി​ക്കാൻതു​ടങ്ങി. കൂടാതെ അധാർമി​ക​ത​യും മോഷ​ണ​വും അവന്റെ ജീവി​ത​ത്തി​ന്റെ ഭാഗമാ​യി. അവൻ പെട്ടെന്നു ദേഷ്യ​പ്പെ​ടുന്ന അക്രമ​സ്വ​ഭാ​വ​മുള്ള ഒരാളാ​യി മാറി. “ചുരു​ക്കി​പ്പ​റ​ഞ്ഞാൽ, ഒരു ക്രിസ്‌ത്യാ​നി​യെന്ന നിലയിൽ എന്തു ചെയ്യരു​തെ​ന്നാ​ണോ എന്നെ പഠിപ്പി​ച്ചി​രു​ന്നത്‌ അതെല്ലാം ഞാൻ ചെയ്‌തു” എന്ന്‌ ഏലി സമ്മതി​ക്കു​ന്നു. പക്ഷേ ചെറു​പ്പ​ത്തിൽ പഠിച്ച​തൊ​ന്നും ഏലി മറന്നി​രു​ന്നില്ല. ഒടുവിൽ അദ്ദേഹം വീണ്ടും ബൈബിൾ പഠിക്കാൻതു​ടങ്ങി. നല്ല ശ്രമം ചെയ്‌ത്‌ തന്റെ ദുശ്ശീ​ല​ങ്ങ​ളെ​ല്ലാം ഉപേക്ഷിച്ച്‌ അദ്ദേഹം 2000-ത്തിൽ സ്‌നാ​ന​മേറ്റു. യഹോ​വ​യു​ടെ നിലവാ​രങ്ങൾ അനുസ​രിച്ച്‌ ജീവി​ച്ചത്‌ അദ്ദേഹ​ത്തിന്‌ എങ്ങനെ പ്രയോ​ജനം ചെയ്‌തു? ഏലി പറയുന്നു: “ഇപ്പോൾ . . . ഒരു ശുദ്ധമ​ന​സ്സാ​ക്ഷി​യും മനസ്സമാ​ധാ​ന​വും എനിക്കുണ്ട്‌.” * യഹോ​വ​യു​ടെ നിലവാ​രങ്ങൾ അനുസ​രിച്ച്‌ ജീവി​ക്കാ​ത്തത്‌ നമുക്കു​തന്നെ ദോഷം ചെയ്യു​മെന്ന്‌ ഈ അനുഭവം നമ്മളെ പഠിപ്പി​ക്കു​ന്നു. യഹോ​വ​യു​ടെ നിലവാ​ര​ങ്ങളെ തള്ളിക്ക​ള​യു​ന്ന​വ​രെ​പ്പോ​ലും സഹായി​ക്കാൻ യഹോവ തയ്യാറാ​ണെന്ന്‌ ഓർക്കുക.

11. ഏതെല്ലാം കാര്യങ്ങൾ യഹോവ വെറു​ക്കു​ന്നു?

¹¹ യഹോവ വെറു​ക്കുന്ന കാര്യ​ങ്ങളെ വെറു​ക്കാൻ പഠിക്കുക. (സങ്കീ. 97:10) “അഹങ്കാരം നിറഞ്ഞ കണ്ണുകൾ, നുണ പറയുന്ന നാവ്‌, നിരപ​രാ​ധി​ക​ളു​ടെ രക്തം ചൊരി​യുന്ന കൈകൾ” എന്നിവ​യെ​ല്ലാം യഹോവ വെറു​ക്കു​ന്നെന്നു ബൈബിൾ പറയുന്നു. (സുഭാ. 6:16, 17) കൂടാതെ, “അക്രമ​വാ​സ​ന​യു​ള്ള​വ​രെ​യും വഞ്ചക​രെ​യും യഹോവ വെറു​ക്കു​ന്നു.” (സങ്കീ. 5:6) ഇത്തരം മനോ​ഭാ​വ​ങ്ങ​ളും പ്രവർത്ത​ന​ങ്ങ​ളും യഹോവ എത്രമാ​ത്രം വെറു​ക്കു​ന്നെന്നു നോഹ​യു​ടെ നാളിലെ സംഭവ​ത്തിൽനിന്ന്‌ നമുക്കു മനസ്സി​ലാ​ക്കാം. അന്നു ഭൂമി അക്രമം​കൊണ്ട്‌ നിറഞ്ഞ​പ്പോൾ യഹോവ ആ ദുഷ്ടമ​നു​ഷ്യ​രെ​യെ​ല്ലാം നശിപ്പി​ച്ചു. (ഉൽപ. 6:13) ഇനി മറ്റൊരു ഉദാഹ​രണം നോക്കാം. നിരപ​രാ​ധി​യായ ഇണയെ ഉപേക്ഷി​ക്കാൻവേണ്ടി തന്ത്രപൂർവം പദ്ധതി​യി​ടു​ന്ന​വരെ താൻ വെറു​ക്കു​ന്നു​വെന്നു മലാഖി പ്രവാ​ച​ക​നി​ലൂ​ടെ യഹോവ പറഞ്ഞു. താൻ വെറു​ക്കുന്ന കാര്യങ്ങൾ ചെയ്യു​ന്ന​വ​രു​ടെ ആരാധന യഹോവ സ്വീക​രി​ക്കി​ല്ലെന്നു മാത്രമല്ല യഹോവ അവരെ വിധി​ക്കു​ക​യും ചെയ്യും.—മലാ. 2:13-16; എബ്രാ. 13:4.

12. “തിന്മയെ വെറു​ക്കുക” എന്നതിന്റെ അർഥം എന്താണ്‌?

¹² നമ്മൾ ‘തിന്മയെ വെറു​ക്കാൻ’ യഹോവ ആഗ്രഹി​ക്കു​ന്നു. (റോമ. 12:9) “വെറു​ക്കുക” എന്നതിന്‌ ഉപയോ​ഗി​ച്ചി​രി​ക്കുന്ന പദം ശക്തമായ വൈകാ​രിക പ്രതി​ക​ര​ണത്തെ സൂചി​പ്പി​ക്കുന്ന ഒന്നാണ്‌. ഉള്ളിന്റെ ഉള്ളിൽ എന്തി​നോ​ടെ​ങ്കി​ലും തോന്നുന്ന കടുത്ത അറപ്പി​നെ​യാണ്‌ അത്‌ അർഥമാ​ക്കു​ന്നത്‌. അതു മനസ്സി​ലാ​ക്കാൻ ഇങ്ങനെ​യൊ​ന്നു ചിന്തി​ക്കുക. ചീഞ്ഞ എന്തെങ്കി​ലും ഭക്ഷണസാ​ധനം കഴിക്കാൻ പറഞ്ഞാൽ നിങ്ങൾക്ക്‌ എന്തു തോന്നും? അതെക്കു​റിച്ച്‌ ഓർക്കു​മ്പോൾത്തന്നെ ഓക്കാ​നം​വ​രും, ശരിയല്ലേ? അതു​പോ​ലെ മോശ​മെന്ന്‌ യഹോവ പറയുന്ന ഒരു കാര്യം ചെയ്യു​ന്ന​തി​നെ​ക്കു​റിച്ച്‌ ചിന്തി​ക്കു​ന്ന​തു​തന്നെ നമുക്ക്‌ അറപ്പാ​യി​രി​ക്കണം.

13. നമ്മൾ തെറ്റായ കാര്യ​ങ്ങ​ളെ​ക്കു​റിച്ച്‌ ചിന്തി​ക്ക​രു​താ​ത്തത്‌ എന്തു​കൊണ്ട്‌?

¹³ തെറ്റായ കാര്യങ്ങൾ ചിന്തി​ക്കാ​തി​രി​ക്കുക. നമ്മൾ എന്തു ചിന്തി​ക്കു​ന്നോ അതനു​സ​രി​ച്ചാ​യി​രി​ക്കും പ്രവർത്തി​ക്കു​ന്നത്‌. അതു​കൊ​ണ്ടാ​ണു ഗുരു​ത​ര​മായ തെറ്റി​ലേക്കു നയി​ച്ചേ​ക്കാ​വുന്ന തരം ചിന്തകൾ നമ്മൾ ഉപേക്ഷി​ക്ക​ണ​മെന്നു യേശു പഠിപ്പി​ച്ചത്‌. (മത്താ. 5:21, 22, 28, 29) നമ്മുടെ സ്വർഗീ​യ​പി​താ​വി​നെ സന്തോ​ഷി​പ്പി​ക്കാ​നാ​ണു നമ്മളെ​ല്ലാം ആഗ്രഹി​ക്കു​ന്നത്‌, ശരിയല്ലേ? അതു​കൊണ്ട്‌, നമ്മുടെ മനസ്സിൽ വന്നേക്കാ​വുന്ന എല്ലാ തെറ്റായ ചിന്തക​ളെ​യും അപ്പോൾത്തന്നെ മാറ്റി​ക്ക​ള​യു​ന്നതു വളരെ പ്രധാ​ന​മാണ്‌.

14. നമ്മുടെ സംസാരം എന്തു വെളി​പ്പെ​ടു​ത്തും, നമ്മൾ ഏതെല്ലാം ചോദ്യ​ങ്ങൾ നമ്മളോ​ടു​തന്നെ ചോദി​ക്കണം?

¹⁴ മോശ​മായ സംസാരം ഒഴിവാ​ക്കുക. യേശു പറഞ്ഞു: “വായിൽനിന്ന്‌ വരുന്ന​തെ​ല്ലാം ഹൃദയ​ത്തിൽനി​ന്നാ​ണു വരുന്നത്‌.” (മത്താ. 15:18) അതിന്റെ അർഥം നമ്മൾ പറയുന്ന കാര്യ​ങ്ങ​ളിൽനിന്ന്‌ നമ്മൾ എങ്ങനെ​യുള്ള ആളാ​ണെന്നു മനസ്സി​ലാ​ക്കാം എന്നാണ്‌. ‘എന്തൊക്കെ നഷ്ടം വന്നാലും നുണ പറയില്ല എന്നൊരു ഉറച്ച തീരു​മാ​നം ഞാൻ എടുക്കു​മോ? വിവാ​ഹി​ത​നായ ഞാൻ എതിർലിം​ഗ​വർഗ​ത്തിൽപ്പെ​ട്ട​വ​രു​മാ​യി ശൃംഗ​രി​ക്കി​ല്ലെന്ന്‌ ഒരു തീരു​മാ​ന​മെ​ടു​ത്തി​ട്ടു​ണ്ടോ? എന്റെ സംസാ​ര​ത്തിൽ അശ്ലീല​ച്ചു​വ​യുള്ള കാര്യങ്ങൾ കടന്നു​വ​രാ​തി​രി​ക്കാൻ ഞാൻ ശ്രദ്ധി​ക്കു​ന്നു​ണ്ടോ? ആരെങ്കി​ലും എന്നെ ദേഷ്യം​പി​ടി​പ്പി​ക്കു​മ്പോൾ ശാന്തമാ​യി​ട്ടാ​ണോ ഞാൻ മറുപടി പറയാ​റു​ള്ളത്‌?’ ഇതെക്കു​റി​ച്ചൊ​ക്കെ ചിന്തി​ക്കു​ന്നതു നന്നായി​രി​ക്കും. നമ്മൾ പറയുന്ന കാര്യങ്ങൾ ഒരു ഷർട്ടിലെ ബട്ടൺസു​പോ​ലെ​യാ​ണെന്നു പറയാം. ബട്ടൺസ്‌ അഴിച്ചാൽ ഷർട്ട്‌ ഊരാൻ എളുപ്പ​മാ​യി​രി​ക്കും. അതു​പോ​ലെ നമ്മുടെ സംസാ​ര​ത്തിൽനിന്ന്‌ നുണയും അശ്ലീല​വും മറ്റു മോശ​മായ കാര്യ​ങ്ങ​ളും ഒഴിവാ​ക്കി​യാൽ പഴയ വ്യക്തി​ത്വം ഉരിഞ്ഞു​ക​ള​യാൻ എളുപ്പ​മാ​യി​രി​ക്കും.

15. നമ്മുടെ പഴയ വ്യക്തി​ത്വ​ത്തെ ‘സ്‌തം​ഭ​ത്തിൽ തറയ്‌ക്കുക’ എന്നു പറഞ്ഞി​രി​ക്കു​ന്ന​തി​ന്റെ അർഥം എന്താണ്‌?

¹⁵ വേണ്ട മാറ്റങ്ങൾ വരുത്താൻ തയ്യാറാ​കുക. നമ്മുടെ ജീവി​ത​രീ​തി​യിൽ മാറ്റങ്ങൾ വരു​ത്തേ​ണ്ടത്‌ എത്ര പ്രധാ​ന​മാ​ണെന്നു റോമി​ലെ ക്രിസ്‌ത്യാ​നി​കൾക്കു പൗലോസ്‌ അപ്പോ​സ്‌തലൻ എഴുതിയ വാക്കുകൾ സൂചി​പ്പി​ക്കു​ന്നു. നമ്മുടെ പഴയ വ്യക്തി​ത്വ​ത്തെ “സ്‌തം​ഭ​ത്തിൽ” തറയ്‌ക്ക​ണ​മെ​ന്നാ​ണു പൗലോസ്‌ അവർക്ക്‌ എഴുതി​യത്‌. (റോമ. 6:6) എന്താണ്‌ അതിന്റെ അർഥം? യഹോ​വയെ സന്തോ​ഷി​പ്പി​ക്കാ​നാ​യി സ്‌തം​ഭ​ത്തിൽ മരിക്കാൻ യേശു തയ്യാറാ​യി. അതു​പോ​ലെ നമ്മളും യഹോ​വയെ സന്തോ​ഷി​പ്പി​ക്കാൻവേണ്ടി യഹോ​വ​യ്‌ക്ക്‌ ഇഷ്ടമി​ല്ലാത്ത മനോ​ഭാ​വ​ങ്ങ​ളെ​യും ശീലങ്ങ​ളെ​യും കൊല്ലാൻ തയ്യാറാ​കണം. ഒരു ശുദ്ധമ​ന​സ്സാ​ക്ഷി​യും നിത്യ​ജീ​വന്റെ പ്രത്യാ​ശ​യും ഉണ്ടായി​രി​ക്കാൻ നമ്മൾ അങ്ങനെ​യൊ​ക്കെ ചെയ്യണം. (യോഹ. 17:3; 1 പത്രോ. 3:21) യഹോ​വ​യു​ടെ നിലവാ​ര​ങ്ങൾക്ക​നു​സ​രിച്ച്‌ നമ്മളാണു മാറ്റങ്ങൾ വരു​ത്തേ​ണ്ടത്‌. അല്ലാതെ നമ്മുടെ ഇഷ്ടമനു​സ​രിച്ച്‌ യഹോവ തന്റെ നിലവാ​ര​ങ്ങൾക്കു മാറ്റ​മൊ​ന്നും വരുത്തില്ല.—യശ. 1:16-18; 55:9.

16. തെറ്റായ മോഹ​ങ്ങൾക്കെ​തി​രെ നിങ്ങൾ തുടർന്നും പോരാ​ടേ​ണ്ടത്‌ എന്തു​കൊ​ണ്ടാണ്‌?

¹⁶ തെറ്റായ മോഹ​ങ്ങൾക്കെ​തി​രെ നമ്മൾ തുടർന്നും പോരാ​ടണം. സ്‌നാ​ന​മേ​റ്റ​ശേ​ഷ​വും നമ്മൾ ആ പോരാ​ട്ടം തുട​രേ​ണ്ട​തുണ്ട്‌. മൊറീ​ഷ്യോ എന്നു പേരുള്ള ഒരാളു​ടെ അനുഭവം നോക്കുക. കൗമാ​ര​ത്തിൽ അദ്ദേഹം സ്വവർഗ​രതി ഇഷ്ടപ്പെ​ടുന്ന, അത്തര​മൊ​രു ജീവിതം നയിക്കുന്ന, ആളായി​രു​ന്നു. പിന്നീട്‌ അദ്ദേഹം യഹോ​വ​യു​ടെ സാക്ഷി​കളെ കണ്ടുമു​ട്ടു​ക​യും ബൈബിൾ പഠിക്കാൻതു​ട​ങ്ങു​ക​യും ചെയ്‌തു. അദ്ദേഹം തന്റെ ജീവി​ത​ത്തിൽ മാറ്റങ്ങൾ വരുത്തി. അങ്ങനെ 2002-ൽ സ്‌നാ​ന​മേറ്റു. ഇപ്പോൾ യഹോ​വയെ സേവി​ക്കാൻതു​ട​ങ്ങി​യിട്ട്‌ ഒരുപാ​ടു വർഷങ്ങ​ളാ​യെ​ങ്കി​ലും മൊറീ​ഷ്യോ പറയുന്നു: “എനിക്ക്‌ ഇപ്പോ​ഴും തെറ്റായ മോഹ​ങ്ങൾക്കെ​തി​രെ ഇടയ്‌ക്കൊ​ക്കെ പോരാ​ടേ​ണ്ട​തുണ്ട്‌.” പക്ഷേ അതോർത്ത്‌ അദ്ദേഹം നിരു​ത്സാ​ഹി​ത​നാ​കു​ന്നില്ല. പകരം അദ്ദേഹം പറയുന്നു: “അത്തരം തെറ്റായ മോഹ​ങ്ങൾക്കു കീഴ്‌പെ​ടാ​തി​രി​ക്കു​ന്ന​തി​ലൂ​ടെ എനിക്ക്‌ യഹോ​വയെ സന്തോ​ഷി​പ്പി​ക്കാ​നാ​കു​ന്നു എന്ന അറിവ്‌ വലി​യൊ​രു ആശ്വാ​സ​മാണ്‌.” *

17. നബൈ​ഹ​യു​ടെ അനുഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌?

¹⁷ യഹോ​വ​യു​ടെ സഹായ​ത്തി​നാ​യി പ്രാർഥി​ക്കുക, സ്വന്തം ശക്തിയി​ലല്ല ദൈവാ​ത്മാ​വിൽ ആശ്രയി​ക്കുക. (ഗലാ. 5:22; ഫിലി. 4:6) പഴയ വ്യക്തി​ത്വം ഉരിഞ്ഞു​ക​ള​യാ​നും അതു വീണ്ടും ധരിക്കാ​തി​രി​ക്കാ​നും ആഗ്രഹി​ക്കു​ന്നെ​ങ്കിൽ നമ്മുടെ ഭാഗത്ത്‌ നല്ല ശ്രമം ആവശ്യ​മാണ്‌. നബൈഹ എന്ന ഒരു സ്‌ത്രീ​യു​ടെ അനുഭവം നമുക്കു നോക്കാം. നബൈ​ഹ​യ്‌ക്ക്‌ വെറും ആറു വയസ്സു​ള്ള​പ്പോൾ അപ്പൻ ഉപേക്ഷി​ച്ചു. “അത്‌ എന്നെ വല്ലാതെ വേദനി​പ്പി​ച്ചു” എന്ന്‌ അവർ പറയുന്നു. അതു​കൊണ്ട്‌ വളർന്നു​വ​ന്ന​പ്പോൾ നബൈഹ പെട്ടെന്നു ദേഷ്യ​പ്പെ​ടുന്ന ഒരു വഴക്കാ​ളി​യാ​യി മാറി. മയക്കു​മ​രു​ന്നി​ന്റെ വില്‌പന തുടങ്ങിയ അവർ പോലീ​സി​ന്റെ പിടി​യി​ലാ​യി, കുറെ വർഷം ജയിലി​ലും കിടന്നു. ആ സമയത്ത്‌ ജയിൽ സന്ദർശിച്ച സാക്ഷി​ക​ളോ​ടൊ​പ്പം നബൈഹ ബൈബിൾ പഠിക്കാൻ തയ്യാറാ​യി. അതോടെ അവർ ജീവി​ത​ത്തിൽ വലിയ​വ​ലിയ മാറ്റങ്ങൾ വരുത്താൻതു​ടങ്ങി. “എന്റെ പല ദുശ്ശീ​ല​ങ്ങ​ളും വിട്ടു​ക​ള​യാൻ എളുപ്പ​മാ​യി​രു​ന്നു. എന്നാൽ പുകവലി ഉപേക്ഷി​ക്കാൻ വലിയ പാടാ​യി​രു​ന്നു” എന്ന്‌ അവർ പറയുന്നു. ഒരു വർഷത്തി​ലേറെ നല്ല ശ്രമം ചെയ്‌തി​ട്ടാണ്‌ അവർക്ക്‌ ആ ശീലം ഉപേക്ഷി​ക്കാ​നാ​യത്‌. അതിനു നബൈ​ഹയെ സഹായി​ച്ചത്‌ എന്താണ്‌? അവർ പറയുന്നു: “ഏറ്റവും പ്രധാ​ന​മാ​യി എന്നും ഞാൻ അതെക്കു​റിച്ച്‌ യഹോ​വ​യോ​ടു പ്രാർഥി​ക്കു​മാ​യി​രു​ന്നു. അങ്ങനെ എനിക്ക്‌ അതിനു കഴിഞ്ഞു.” നബൈഹ ഇപ്പോൾ എല്ലാവ​രോ​ടും ഇങ്ങനെ പറയാ​റുണ്ട്‌: “യഹോ​വയെ സന്തോ​ഷി​പ്പി​ക്കാ​നാ​യി മാറ്റങ്ങൾ വരുത്താൻ എനിക്കു കഴി​ഞ്ഞെ​ങ്കിൽ ആർക്കു​വേ​ണ​മെ​ങ്കി​ലും അതിനു കഴിയും, ഉറപ്പാണ്‌!” *

18. 1 കൊരി​ന്ത്യർ 6:9-11 പറയു​ന്ന​ത​നു​സ​രിച്ച്‌ പല ദൈവ​ദാ​സ​ന്മാർക്കും എന്തിനു കഴിഞ്ഞി​ട്ടുണ്ട്‌?

¹⁸ ഒന്നാം നൂറ്റാ​ണ്ടിൽ ക്രിസ്‌തു​വി​നോ​ടൊ​പ്പം ഭരിക്കാൻവേണ്ടി യഹോവ തിര​ഞ്ഞെ​ടുത്ത പല ആളുക​ളും മുമ്പ്‌ വളരെ മോശ​മായ ജീവിതം നയിച്ചി​രു​ന്ന​വ​രാ​യി​രു​ന്നു. ഉദാഹ​ര​ണ​ത്തിന്‌, അവർ ഒരു സമയത്ത്‌ വ്യഭി​ചാ​രി​ക​ളും സ്വവർഗ​ര​തി​ക്കാ​രും കള്ളന്മാ​രും ഒക്കെയാ​യി​രു​ന്നു. എങ്കിലും ദൈവാ​ത്മാ​വി​ന്റെ സഹായ​ത്താൽ അവർക്കു തങ്ങളുടെ വ്യക്തി​ത്വ​ത്തിൽ മാറ്റങ്ങൾ വരുത്താ​നാ​യി. (1 കൊരി​ന്ത്യർ 6:9-11 വായി​ക്കുക.) ഇന്നും അതു​പോ​ലെ ജീവി​ത​ത്തിൽ മാറ്റങ്ങൾ വരുത്താൻ ബൈബിൾ ലക്ഷക്കണ​ക്കിന്‌ ആളുകളെ സഹായി​ച്ചി​ട്ടുണ്ട്‌. * അങ്ങനെ, വിട്ടു​ക​ള​യാൻ ബുദ്ധി​മു​ട്ടു​ണ്ടാ​യി​രുന്ന പല ദുശ്ശീ​ല​ങ്ങ​ളും ഉപേക്ഷി​ക്കാൻ അവർക്കു കഴിഞ്ഞു. അവരു​ടെ​യെ​ല്ലാം ജീവിതം ഒരു കാര്യം പഠിപ്പി​ക്കു​ന്നു: നിങ്ങൾക്കും വ്യക്തി​ത്വ​ത്തിൽ മാറ്റങ്ങൾ വരുത്താ​നും ദുശ്ശീ​ല​ങ്ങ​ളൊ​ക്കെ ഉപേക്ഷി​ക്കാ​നും അങ്ങനെ സ്‌നാ​ന​പ്പെ​ടാ​നുള്ള യോഗ്യത നേടാ​നും ആകും.

19. അടുത്ത ലേഖന​ത്തിൽ നമ്മൾ എന്താണു പഠിക്കു​ന്നത്‌?

¹⁹ സ്‌നാ​ന​പ്പെ​ടാ​നുള്ള യോഗ്യത നേടാൻ പഴയ വ്യക്തി​ത്വം ഉരിഞ്ഞു​ക​ള​ഞ്ഞാൽ മാത്രം പോരാ, പുതിയ വ്യക്തി​ത്വം ധരിക്കു​ക​യും വേണം. നമുക്ക്‌ അത്‌ എങ്ങനെ ചെയ്യാ​മെ​ന്നും അതിനു മറ്റുള്ള​വർക്കു നമ്മളെ എങ്ങനെ സഹായി​ക്കാ​മെ​ന്നും അടുത്ത ലേഖന​ത്തിൽ നമ്മൾ കാണും.