1. യേശു ആദ്യത്തെ അത്ഭുതം നടത്തിയ ആ സാഹച​ര്യ​മൊ​ന്നു വിവരി​ക്കുക.

 വർഷം എ.ഡി. 29-ന്റെ അവസാനം. യേശു ശുശ്രൂഷ തുടങ്ങിയ സമയം. കാനാ​യിൽ നടക്കുന്ന ഒരു വിവാ​ഹ​വി​രു​ന്നി​നു യേശു​വി​നെ​യും അമ്മ മറിയ​യെ​യും ചില ശിഷ്യ​ന്മാ​രെ​യും ക്ഷണിച്ചി​ട്ടുണ്ട്‌. യേശു വളർന്ന നസറെത്ത്‌ പട്ടണത്തി​നു വടക്കാണ്‌ ഈ ഗ്രാമം. വധൂവ​ര​ന്മാ​രു​ടെ വീട്ടു​കാ​രു​മാ​യി വളരെ അടുപ്പ​മുള്ള ആളാണു മറിയ. അതു​കൊ​ണ്ടു​തന്നെ സാധ്യ​ത​യ​നു​സ​രിച്ച്‌ മറിയ വിരു​ന്നു​കാ​രെ സത്‌ക​രി​ക്കുന്ന തിരക്കി​ലാണ്‌. എന്നാൽ ഇപ്പോൾ ആ കുടും​ബ​ത്തി​നും വധൂവ​ര​ന്മാർക്കും നാണ​ക്കേടു വരുത്തുന്ന ഒരു സാഹച​ര്യം ഉണ്ടാകു​ന്നു: വീഞ്ഞു തീർന്നു​പോ​യി. b പ്രതീ​ക്ഷി​ച്ച​തി​ലും കൂടുതൽ വിരു​ന്നു​കാർ വന്നതു​കൊ​ണ്ടാ​യി​രി​ക്കാം അങ്ങനെ സംഭവി​ച്ചത്‌. മറിയ പെട്ടെ​ന്നു​തന്നെ മകന്റെ അടുത്ത്‌ ചെന്ന്‌ പറയുന്നു: “അവർക്കു വീഞ്ഞില്ല.” (യോഹ. 2:1-3) യേശു എന്തു ചെയ്‌തു? അത്ഭുത​ക​ര​മാ​യി വെള്ളം ‘മേത്തരം വീഞ്ഞാക്കി’ മാറ്റി.—യോഹ. 2:9, 10.

2-3. (എ) ഏതൊക്കെ തരത്തി​ലുള്ള അത്ഭുത​ങ്ങ​ളാ​ണു യേശു ചെയ്‌തത്‌? (ബി) യേശു​വി​ന്റെ അത്ഭുത​ങ്ങ​ളിൽനിന്ന്‌ നമുക്കു പ്രയോ​ജനം നേടാൻ കഴിയു​ന്നത്‌ എങ്ങനെ?

² യേശു പ്രസം​ഗ​പ്ര​വർത്തനം നടത്തിയ കാലത്ത്‌ ഇതു​പോ​ലെ പല അത്ഭുത​ങ്ങ​ളും ചെയ്‌തി​ട്ടുണ്ട്‌. c ആയിര​ക്ക​ണ​ക്കിന്‌ ആളുകൾക്കാണ്‌ അതിൽനിന്ന്‌ പ്രയോ​ജനം കിട്ടി​യത്‌. ഉദാഹ​ര​ണ​ത്തിന്‌ യേശു ചെയ്‌ത രണ്ട്‌ അത്ഭുത​ങ്ങ​ളു​ടെ കാര്യം മാത്രം നോക്കുക: ഒരു അവസര​ത്തിൽ 5,000 പുരു​ഷ​ന്മാർക്കും മറ്റൊരു അവസര​ത്തിൽ 4,000 പുരു​ഷ​ന്മാർക്കും യേശു അത്ഭുത​ക​ര​മാ​യി ഭക്ഷണം നൽകി. അവി​ടെ​യു​ണ്ടാ​യി​രുന്ന  സ്‌ത്രീ​ക​ളെ​യും കുട്ടി​ക​ളെ​യും കൂടെ ചേർത്താൽ സാധ്യ​ത​യ​നു​സ​രിച്ച്‌ മൊത്തം സംഖ്യ 27,000-ത്തിലധി​കം വരുമാ​യി​രു​ന്നു. (മത്താ. 14:15-21; 15:32-38) ആ രണ്ടു സന്ദർഭ​ത്തി​ലും യേശു ഒരുപാ​ടു രോഗി​ക​ളെ​യും സുഖ​പ്പെ​ടു​ത്തി. (മത്താ. 14:14; 15:30, 31) അത്ഭുത​ക​ര​മാ​യി ഭക്ഷണം കിട്ടു​ക​യും സുഖം​പ്രാ​പി​ക്കു​ക​യും ചെയ്‌ത​പ്പോൾ ആ ജനം എത്ര അതിശ​യി​ച്ചു​പോ​യി​രി​ക്കാം!

³ യേശു​വി​ന്റെ അത്ഭുത​ങ്ങ​ളിൽനിന്ന്‌ നമുക്ക്‌ ഒരുപാ​ടു കാര്യങ്ങൾ പഠിക്കാൻ കഴിയും. വിശ്വാ​സം ബലപ്പെ​ടു​ത്തുന്ന അത്തരം ചില പാഠങ്ങ​ളെ​ക്കു​റി​ച്ചാണ്‌ ഈ ലേഖന​ത്തിൽ ചർച്ച ചെയ്യു​ന്നത്‌. ഇനി, അത്ഭുതങ്ങൾ ചെയ്‌ത​പ്പോൾ യേശു കാണിച്ച താഴ്‌മ​യും അനുക​മ്പ​യും എങ്ങനെ ജീവി​ത​ത്തിൽ പകർത്താ​മെ​ന്നും പഠിക്കും.

4. യേശു​വി​ന്റെ അത്ഭുത​ങ്ങ​ളിൽനിന്ന്‌ നമുക്ക്‌ ആരെക്കു​റിച്ച്‌ പഠിക്കാ​നാ​കും?

⁴ യേശു ചെയ്‌ത അത്ഭുത​ങ്ങ​ളിൽനിന്ന്‌ യേശു​വി​നെ​ക്കു​റിച്ച്‌ മാത്രമല്ല പിതാ​വായ ദൈവ​ത്തെ​ക്കു​റി​ച്ചും പലതും പഠിക്കാ​നാ​കും. കാരണം ഈ അത്ഭുത​ങ്ങ​ളൊ​ക്കെ ചെയ്യാ​നുള്ള ശക്തി യഹോ​വ​യിൽനി​ന്നാണ്‌ യേശു​വി​നു കിട്ടി​യത്‌. പ്രവൃ​ത്തി​കൾ 10:38 പറയു​ന്നത്‌, “യേശു​വി​നെ ദൈവം പരിശു​ദ്ധാ​ത്മാ​വി​നാ​ലും ശക്തിയാ​ലും അഭി​ഷേകം ചെയ്‌തെ​ന്നും ദൈവം കൂടെ​യു​ണ്ടാ​യി​രു​ന്ന​തി​നാൽ യേശു ദേശം മുഴുവൻ സഞ്ചരിച്ച്‌ നല്ല കാര്യങ്ങൾ ചെയ്യു​ക​യും പിശാച്‌ കഷ്ടപ്പെ​ടു​ത്തി​യി​രുന്ന എല്ലാവ​രെ​യും സുഖ​പ്പെ​ടു​ത്തു​ക​യും ചെയ്‌തെ​ന്നും” ആണ്‌. സത്യത്തിൽ, പിതാ​വി​ന്റെ ചിന്തക​ളും വികാ​ര​ങ്ങ​ളും യേശു അതേ വിധത്തിൽ പകർത്തി. അത്ഭുതങ്ങൾ ഉൾപ്പെടെ യേശു ചെയ്‌ത​തും പറഞ്ഞതും ആയ എല്ലാ കാര്യ​ങ്ങ​ളി​ലും അതാണു കാണു​ന്നത്‌. (യോഹ. 14:9) യേശു​വി​ന്റെ അത്ഭുത​ങ്ങ​ളിൽനിന്ന്‌ പഠിക്കാൻ കഴിയുന്ന മൂന്നു പാഠങ്ങ​ളെ​ക്കു​റിച്ച്‌ നോക്കാം.

5. അത്ഭുതങ്ങൾ ചെയ്യാൻ യേശു​വി​നെ പ്രേരി​പ്പി​ച്ചത്‌ എന്താണ്‌? (മത്തായി 20:30-34)

⁵ ഒന്ന്‌, യേശു​വും പിതാ​വും നമ്മളെ ആഴമായി സ്‌നേ​ഹി​ക്കു​ന്നു. ദുരി​തങ്ങൾ അനുഭ​വി​ച്ചി​രു​ന്ന​വരെ സഹായി​ക്കു​ന്ന​തിന്‌ അത്ഭുത​ക​ര​മായ ശക്തി ഉപയോ​ഗി​ച്ച​തി​ലൂ​ടെ ആളുകളെ താൻ എത്ര ആഴമായി സ്‌നേ​ഹി​ക്കു​ന്നു​ണ്ടെന്നു യേശു തെളി​യി​ച്ചു. ഒരിക്കൽ അന്ധരായ രണ്ടു പേർ സഹായ​ത്തി​നാ​യി യേശു​വി​നോട്‌ അപേക്ഷി​ച്ചു. (മത്തായി 20:30-34 വായി​ക്കുക.) അപ്പോൾ ‘മനസ്സ്‌ അലിഞ്ഞിട്ട്‌’ യേശു അവരെ സുഖ​പ്പെ​ടു​ത്തി. ‘മനസ്സ്‌ അലിഞ്ഞു’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു ക്രിയാ​പ​ദ​ത്തി​നു ശരീര​ത്തി​ന്റെ ഉള്ളിന്റെ ഉള്ളിൽനിന്ന്‌ വരുന്ന തീവ്ര​മായ അനുക​മ്പയെ സൂചി​പ്പി​ക്കാ​നാ​കും. ഈ അനുക​മ്പ​യാണ്‌ അനേകർക്കു ഭക്ഷണം കൊടു​ക്കാ​നും കുഷ്‌ഠ​രോ​ഗി​യെ സുഖ​പ്പെ​ടു​ത്താ​നും എല്ലാം യേശു​വി​നെ പ്രേരി​പ്പി​ച്ചത്‌. അതിലൂ​ടെ യേശു അവരോ​ടുള്ള സ്‌നേഹം തെളി​യി​ച്ചു. (മത്താ. 15:32; മർക്കോ. 1:41) ‘ആർദ്രാ​നു​ക​മ്പ​യു​ടെ’ ദൈവ​മായ യഹോ​വ​യും പുത്ര​നായ യേശു​വും നമ്മളെ ഒരുപാ​ടു സ്‌നേ​ഹി​ക്കു​ന്നു​ണ്ടെ​ന്നും നമ്മൾ ദുരി​തങ്ങൾ അനുഭ​വി​ക്കു​മ്പോൾ അത്‌ അവരെ വേദനി​പ്പി​ക്കു​ന്നു​ണ്ടെ​ന്നും ഉറപ്പോ​ടെ പറയാൻ കഴിയും. (ലൂക്കോ. 1:78; 1 പത്രോ. 5:7) മനുഷ്യർ അനുഭ​വി​ക്കുന്ന ദുരി​തങ്ങൾ മാറ്റു​ന്ന​തിന്‌ അവർ എത്രമാ​ത്രം ആഗ്രഹി​ക്കു​ന്നു​ണ്ടാ​കും!

6. ദൈവം യേശു​വിന്‌ എന്തി​നെ​ല്ലാ​മുള്ള ശക്തി നൽകി?

⁶ രണ്ട്‌, മനുഷ്യ​രു​ടെ എല്ലാ പ്രശ്‌ന​ങ്ങ​ളും പരിഹ​രി​ക്കു​ന്ന​തി​നുള്ള ശക്തി ദൈവം യേശു​വി​നു കൊടു​ത്തി​രി​ക്കു​ന്നു. സ്വന്തമാ​യി നമുക്കു പരിഹ​രി​ക്കാൻ കഴിയാത്ത എല്ലാ പ്രശ്‌ന​ങ്ങ​ളും ഇല്ലാതാ​ക്കാൻ യേശു​വി​നു കഴിയു​മെ​ന്നാ​ണു യേശു​വി​ന്റെ അത്ഭുതങ്ങൾ തെളി​യി​ക്കു​ന്നത്‌. ഉദാഹ​ര​ണ​ത്തിന്‌, മനുഷ്യ​ന്റെ പ്രശ്‌ന​ങ്ങ​ളു​ടെ അടിസ്ഥാ​ന​കാ​ര​ണ​മായ പാപ​ത്തെ​യും അതിന്റെ ഫലമാ​യുള്ള രോഗ​ത്തെ​യും മരണ​ത്തെ​യും ഒക്കെ നീക്കം​ചെ​യ്യാ​നുള്ള ശക്തി യേശു​വി​നുണ്ട്‌. (മത്താ. 9:1-6; റോമ. 5:12, 18, 19) “എല്ലാ തരം” രോഗങ്ങൾ സുഖ​പ്പെ​ടു​ത്താ​നും മരിച്ച​വരെ ഉയിർപ്പി​ക്കാൻപോ​ലും യേശു​വി​നു കഴിയു​മെന്നു യേശു ചെയ്‌ത അത്ഭുതങ്ങൾ തെളി​യി​ച്ചു. (മത്താ. 4:23; യോഹ. 11:43, 44) വലിയ കൊടു​ങ്കാ​റ്റു​കൾ ശമിപ്പി​ക്കാ​നും ദുഷ്ടാ​ത്മാ​ക്കളെ തോൽപ്പി​ക്കാ​നും ഉള്ള ശക്തിയും യേശു​വി​നുണ്ട്‌. (മർക്കോ. 4:37-39; ലൂക്കോ. 8:2) ഇത്തരത്തി​ലുള്ള ശക്തി യഹോവ തന്റെ മകനു നൽകി​യി​ട്ടു​ണ്ടെന്ന്‌ അറിയു​ന്നതു ശരിക്കും ആശ്വാ​സ​മാണ്‌, അല്ലേ?

7-8. (എ) യേശു​വി​ന്റെ അത്ഭുതങ്ങൾ നമുക്ക്‌ എന്ത്‌ ഉറപ്പു​ത​രു​ന്നു? (ബി) പുതിയ ലോക​ത്തിൽ ഏത്‌ അത്ഭുതം കാണാ​നാ​ണു നിങ്ങൾ ഏറ്റവും അധികം ആഗ്രഹി​ക്കു​ന്നത്‌?

⁷ മൂന്ന്‌, ദൈവ​രാ​ജ്യം വാഗ്‌ദാ​നം ചെയ്‌തി​രി​ക്കുന്ന അനു​ഗ്ര​ഹങ്ങൾ കിട്ടു​മെന്ന ഉറപ്പു നമുക്കു  ലഭിക്കു​ന്നു. ദൈവ​രാ​ജ്യ​ത്തി​ന്റെ രാജാ​വെന്ന നിലയിൽ താൻ മുഴു​ഭൂ​മി​യി​ലും എന്തെല്ലാം ചെയ്യു​മെന്നു മനുഷ്യ​നാ​യി​രു​ന്ന​പ്പോൾ യേശു ചെയ്‌ത അത്ഭുതങ്ങൾ പഠിപ്പി​ക്കു​ന്നു. ക്രിസ്‌തു​വി​ന്റെ ഭരണത്തിൻകീ​ഴിൽ പെട്ടെ​ന്നു​തന്നെ നമുക്കു കിട്ടാൻപോ​കുന്ന അനു​ഗ്ര​ഹ​ങ്ങ​ളെ​ക്കു​റിച്ച്‌ നോക്കുക: ഇന്നുള്ള എല്ലാ രോഗ​ങ്ങ​ളും വൈക​ല്യ​ങ്ങ​ളും നീക്കി മനുഷ്യർക്കു പൂർണാ​രോ​ഗ്യം കൊടു​ക്കും. (യശ. 33:24; 35:5, 6; വെളി. 21:3, 4) അന്നു പട്ടിണി​യോ പ്രകൃ​തി​ദു​ര​ന്ത​ത്താ​ലുള്ള കഷ്ടപ്പാ​ടു​ക​ളോ ആർക്കും ഉണ്ടാകില്ല. (യശ. 25:6; മർക്കോ. 4:41) “സ്‌മാ​ര​ക​ക്ക​ല്ല​റ​ക​ളി​ലുള്ള” നമ്മുടെ പ്രിയ​പ്പെ​ട്ട​വരെ തിരികെ കിട്ടു​ന്ന​തി​ന്റെ സന്തോ​ഷ​വും അന്നു നമുക്ക്‌ അനുഭ​വി​ക്കാ​നാ​കും. (യോഹ. 5:28, 29) പുതിയ ലോക​ത്തിൽ ഏത്‌ അത്ഭുതം കാണാ​നാ​ണു നിങ്ങൾ ഏറ്റവും അധികം ആഗ്രഹി​ക്കു​ന്നത്‌?

⁸ യേശു അത്ഭുതങ്ങൾ ചെയ്‌ത​പ്പോൾ വളരെ താഴ്‌മ​യും അനുക​മ്പ​യും ഉള്ളവനാ​ണെന്നു തെളി​യി​ച്ചു. നമ്മൾ ജീവി​ത​ത്തിൽ പകർത്തേണ്ട രണ്ടു ഗുണങ്ങ​ളാണ്‌ അവ. യേശു ഈ ഗുണങ്ങൾ കാണി​ച്ച​തി​ന്റെ രണ്ട്‌ ഉദാഹ​ര​ണങ്ങൾ നോക്കാം. ആദ്യ​ത്തേത്‌ കാനാ​യി​ലെ വിവാ​ഹ​വി​രു​ന്നി​ന്റെ സമയത്താണ്‌.

9. കാനാ​യി​ലെ വിവാ​ഹ​വി​രു​ന്നിൽ യേശു അത്ഭുതം ചെയ്‌തത്‌ എന്തു​കൊണ്ട്‌? (യോഹ​ന്നാൻ 2:6-10)

⁹ യോഹ​ന്നാൻ 2:6-10 വായി​ക്കുക. വിവാ​ഹ​വി​രു​ന്നിൽ വീഞ്ഞു തീർന്നു​പോ​യ​പ്പോൾ എന്തെങ്കി​ലും ചെയ്യാ​നുള്ള കടപ്പാ​ടൊ​ന്നും യേശു​വിന്‌ ഉണ്ടായി​രു​ന്നില്ല. കാരണം മിശിഹ അത്ഭുത​ക​ര​മാ​യി വീഞ്ഞ്‌ ഉണ്ടാക്കു​മെന്ന പ്രവച​ന​മൊ​ന്നും ഇല്ലായി​രു​ന്നു. എന്നാൽ ഇങ്ങനെ ഒന്നു ചിന്തി​ക്കുക: നിങ്ങളു​ടെ വിവാ​ഹ​ദി​വ​സ​ത്തിൽ ഭക്ഷണപാ​നീ​യങ്ങൾ തികയാ​തെ വന്നാൽ നിങ്ങൾക്ക്‌ എന്തു തോന്നും? അങ്ങനെ​യൊ​രു സാഹച​ര്യ​ത്തി​ലാ​യി​രുന്ന ആ കുടും​ബ​ത്തോ​ടു സാധ്യ​ത​യ​നു​സ​രിച്ച്‌ യേശു​വിന്‌ അനുകമ്പ തോന്നി, പ്രത്യേ​കിച്ച്‌ ആ ദമ്പതി​ക​ളോട്‌. ഉണ്ടാകു​മാ​യി​രുന്ന  നാണ​ക്കേ​ടിൽനിന്ന്‌ അവരെ രക്ഷിക്കാൻ യേശു ആഗ്രഹി​ച്ചു. അതു​കൊണ്ട്‌ ഈ ലേഖന​ത്തി​ന്റെ തുടക്ക​ത്തിൽ പറഞ്ഞതു​പോ​ലെ യേശു ഒരു അത്ഭുതം ചെയ്‌തു. ഏകദേശം 390 ലിറ്റർ വെള്ളം മേത്തരം വീഞ്ഞാക്കി മാറ്റി. യേശു അത്രയ​ധി​കം വീഞ്ഞ്‌ ഉണ്ടാക്കി​യത്‌, മിച്ചം​വ​രുന്ന വീഞ്ഞ്‌ പിന്നീട്‌ അവർക്ക്‌ ഉപയോ​ഗി​ക്കാ​മ​ല്ലോ എന്നോ അതു വിറ്റ്‌ കിട്ടുന്ന പണം ആ ദമ്പതി​കൾക്ക്‌ ഒരു സാമ്പത്തി​ക​സ​ഹാ​യ​മാ​കട്ടേ എന്നോ കരുതി​യാ​യി​രി​ക്കും. ആ വധൂവ​ര​ന്മാർക്കു യേശു​വി​നോട്‌ എത്രമാ​ത്രം നന്ദി തോന്നി​യി​രി​ക്കും!

10. യോഹ​ന്നാൻ 2-ാം അധ്യാ​യ​ത്തി​ലെ വിവര​ണ​ത്തിൽനിന്ന്‌ പ്രധാ​ന​പ്പെട്ട എന്തെല്ലാം കാര്യങ്ങൾ നമുക്കു പഠിക്കാം? (ചിത്ര​വും കാണുക.)

¹⁰ യോഹ​ന്നാൻ 2-ാം അധ്യാ​യ​ത്തി​ലെ ആ വിവര​ണ​ത്തിൽനിന്ന്‌ വളരെ പ്രധാ​ന​പ്പെട്ട ചില കാര്യങ്ങൾ നമുക്കു പഠിക്കാ​നാ​കും. കൽഭര​ണി​യിൽ വെള്ളം നിറച്ചതു യേശുവല്ല എന്ന കാര്യം നിങ്ങൾ ശ്രദ്ധി​ച്ചോ? പകരം ജോലി​ക്കാ​രെ​ക്കൊ​ണ്ടാണ്‌ അതു ചെയ്യി​ച്ചത്‌. (6, 7 വാക്യങ്ങൾ) തന്നി​ലേക്കു ശ്രദ്ധ ആകർഷി​ക്കാൻ യേശു ആഗ്രഹി​ച്ചില്ല. ഇനി, വെള്ളം വീഞ്ഞാ​ക്കി​യ​തി​നു ശേഷം യേശു​തന്നെ അതു വിരു​ന്നു​ന​ട​ത്തി​പ്പു​കാ​രനു കൊണ്ടു​പോ​യി കൊടു​ത്തില്ല. പകരം അതും ജോലി​ക്കാ​രോട്‌ ആവശ്യ​പ്പെ​ടു​ക​യാ​യി​രു​ന്നു. (8-ാം വാക്യം) താൻ ഉണ്ടാക്കിയ കുറച്ച്‌ വീഞ്ഞ്‌ അതിഥി​ക​ളു​ടെ മുന്നിൽ ഉയർത്തി​പ്പി​ടി​ച്ചിട്ട്‌ ‘ഈ വീഞ്ഞ്‌ ഒന്ന്‌ രുചി​ച്ചു​നോ​ക്കി​യേ, ഇതു ഞാൻ ഇപ്പോൾ ഉണ്ടാക്കി​യതാ’ എന്നു യേശു വീമ്പി​ള​ക്കി​യ​തു​മില്ല.

11. യേശു​വി​ന്റെ അത്ഭുത​ത്തിൽനിന്ന്‌ നമുക്ക്‌ എന്തു പഠിക്കാം?

¹¹ യേശു വെള്ളം വീഞ്ഞാ​ക്കി​യ​തിൽനിന്ന്‌ നമുക്ക്‌ എന്തു പഠിക്കാം? താഴ്‌മ​യെ​ക്കു​റിച്ച്‌ ഒരു പാഠം പഠിക്കാം. ഈ അത്ഭുത​ത്തെ​ക്കു​റി​ച്ചെന്നല്ല, തന്റെ ഒരു നേട്ട​ത്തെ​ക്കു​റി​ച്ചും യേശു ഒരിക്ക​ലും വീമ്പി​ള​ക്കി​യില്ല. പകരം താഴ്‌മ​യോ​ടെ എപ്പോ​ഴും എല്ലാ സ്‌തു​തി​യും മഹത്ത്വ​വും പിതാ​വി​നു കൊടു​ത്തു. (യോഹ. 5:19, 30; 8:28) യേശു​വി​നെ​പ്പോ​ലെ താഴ്‌മ​യു​ള്ള​വ​രാ​ണെ​ങ്കിൽ നമ്മളും, ചെയ്‌ത ഒരു കാര്യ​ത്തെ​ക്കു​റി​ച്ചും പൊങ്ങച്ചം പറയില്ല. ദൈവ​സേ​വ​ന​ത്തിൽ എന്തൊക്കെ ചെയ്‌താ​ലും അതെക്കു​റിച്ച്‌ വീമ്പി​ള​ക്കു​ന്ന​തി​നു പകരം അതൊക്കെ ചെയ്യാൻ അവസരം നൽകിയ ദൈവ​ത്തിൽ നമുക്ക്‌ അഭിമാ​നി​ക്കാം. (യിരെ. 9:23, 24) എല്ലാ സ്‌തു​തി​യും മഹത്ത്വ​വും നൽകേ​ണ്ടത്‌ യഹോ​വ​യ്‌ക്കാണ്‌. കാരണം യഹോ​വ​യു​ടെ സഹായം കൂടാതെ നമുക്ക്‌ ഒരു നേട്ടവും കൈവ​രി​ക്കാ​നാ​കില്ല.—1 കൊരി. 1:26-31.

12. യേശു​വി​ന്റെ താഴ്‌മ അനുക​രി​ക്കാൻ കഴിയുന്ന മറ്റൊരു വിധം ഏതാണ്‌? ഒരു ദൃഷ്ടാ​ന്ത​ത്തി​ലൂ​ടെ വിശദീ​ക​രി​ക്കുക.

¹² യേശു​വി​ന്റെ താഴ്‌മ അനുക​രി​ക്കാൻ കഴിയുന്ന മറ്റൊരു വിധം നോക്കാം. ഇങ്ങനെ ഒന്നു ചിന്തി​ക്കുക: ആദ്യത്തെ പൊതു​പ്ര​സം​ഗം നടത്തു​ന്ന​തി​നു​വേണ്ടി ചെറു​പ്പ​ക്കാ​ര​നായ ശുശ്രൂ​ഷാ​ദാ​സനെ ഒരു മൂപ്പൻ ഒരുപാ​ടു സമയ​മെ​ടുത്ത്‌ സഹായി​ക്കു​ന്നു. അങ്ങനെ ആ സഹോ​ദരൻ നല്ലൊരു പ്രസംഗം നടത്തി. സഭയിലെ എല്ലാവർക്കും അത്‌ ഇഷ്ടമാ​കു​ക​യും ചെയ്‌തു. മീറ്റിങ്ങ്‌ കഴിഞ്ഞ്‌ ഒരാൾ മൂപ്പ​നോ​ടു പറയുന്നു: ‘ആ സഹോ​ദ​രന്റെ പ്രസംഗം സൂപ്പർ ആയിരു​ന്നല്ലേ?’ അപ്പോൾ മൂപ്പൻ ഇങ്ങനെ പറയേ​ണ്ട​തു​ണ്ടോ? ‘ശരിയാ, പക്ഷേ അദ്ദേഹത്തെ സഹായി​ക്കാൻ ഞാൻ ഒരുപാ​ടു സമയം ചെലവ​ഴി​ച്ചി​ട്ടാ.’ അതോ താഴ്‌മ​യോ​ടെ അദ്ദേഹം ഇങ്ങനെ​യാ​ണോ പറയേ​ണ്ടത്‌: ‘വളരെ ശരിയാ, ഭംഗി​യാ​യിട്ട്‌ ചെയ്‌തു. ശരിക്കും സന്തോഷം തോന്നി.’ യഥാർഥ താഴ്‌മ​യു​ണ്ടെ​ങ്കിൽ മറ്റുള്ള​വർക്കു​വേണ്ടി എന്തെങ്കി​ലും നല്ല കാര്യം ചെയ്‌തിട്ട്‌ നമ്മൾ അതിന്റെ ബഹുമതി ഏറ്റെടു​ക്കില്ല. പകരം ആ കാര്യ​ങ്ങ​ളൊ​ക്കെ യഹോവ കാണു​ക​യും വിലമ​തി​ക്കു​ക​യും ചെയ്യു​ന്നു​ണ്ടെന്ന്‌ ഓർത്ത്‌ തൃപ്‌ത​രാ​യി​രി​ക്കും. (മത്തായി 6:2-4 താരത​മ്യം ചെയ്യുക; എബ്രാ. 13:16) അങ്ങനെ യേശു​വി​നെ അനുക​രി​ച്ചു​കൊണ്ട്‌ നമ്മൾ താഴ്‌മ കാണി​ക്കു​മ്പോൾ യഹോ​വ​യ്‌ക്കു സന്തോ​ഷ​മാ​കു​ക​യും ചെയ്യും.—1 പത്രോ. 5:6.

13. നയിൻ നഗരത്തിന്‌ അടുത്തു​വെച്ച്‌ യേശു എന്താണു കണ്ടത്‌, അപ്പോൾ എന്തു ചെയ്‌തു? (ലൂക്കോസ്‌ 7:11-15)

¹³ ലൂക്കോസ്‌ 7:11-15 വായി​ക്കുക. യേശു പ്രസം​ഗ​പ്ര​വർത്തനം തുടങ്ങി ഏതാണ്ട്‌ രണ്ടു വർഷം കഴിഞ്ഞുള്ള ഒരു സമയം. ഇപ്പോൾ യേശു ഗലീല​യി​ലെ നയിൻ എന്ന നഗരത്തിന്‌ അടുത്ത്‌ എത്തിയി​രി​ക്കു​ക​യാണ്‌. ഏതാണ്ട്‌ 900 വർഷം മുമ്പ്‌ എലീശ പ്രവാ​ചകൻ ഒരു സ്‌ത്രീ​യു​ടെ മകനെ ഉയിർപ്പിച്ച ശൂനേ​മിന്‌ അടുത്തുള്ള ഒരു സ്ഥലമാണ്‌ ഇത്‌. (2 രാജാ. 4:32-37) യേശു നഗരക​വാ​ട​ത്തിന്‌ അടുത്ത്‌ എത്തിയ​പ്പോൾ ആളുകൾ ഒരാളു​ടെ ശവശരീ​രം ചുമന്നു​കൊണ്ട്‌ പുറ​ത്തേക്കു വരുന്നതു കണ്ടു. ഒരു വിധവ​യ്‌ക്ക്‌ ആകെയു​ണ്ടാ​യി​രുന്ന മകനെ​യാ​ണു നഷ്ടപ്പെ​ട്ടി​രി​ക്കു​ന്നത്‌. വളരെ സങ്കടക​ര​മായ ഒരു സാഹച​ര്യം. എന്നാൽ ആ അമ്മ ഒറ്റയ്‌ക്കല്ല. നഗരത്തി​ലെ ഒരു വലിയ ജനക്കൂട്ടം ഒപ്പമുണ്ട്‌. ആകെ സങ്കടത്തി​ലാ​യി​രുന്ന ആ അമ്മയ്‌ക്കു​വേണ്ടി യേശു ഇപ്പോൾ വലി​യൊ​രു കാര്യം ചെയ്യുന്നു. ശവമഞ്ച​ത്തി​ന്റെ അടു​ത്തേക്കു  ചെന്നിട്ട്‌ ആ ചെറു​പ്പ​ക്കാ​രനെ വീണ്ടും ജീവനി​ലേക്കു കൊണ്ടു​വ​രു​ന്നു. സുവി​ശേ​ഷ​വി​വ​ര​ണ​ങ്ങ​ളിൽ യേശു നടത്തി​യ​താ​യി പറയുന്ന മൂന്നു പുനരു​ത്ഥാ​ന​ങ്ങ​ളിൽ ആദ്യ​ത്തേ​താണ്‌ ഇത്‌.

14. ലൂക്കോസ്‌ 7-ാം അധ്യാ​യ​ത്തി​ലെ വിവര​ണ​ത്തിൽ കാണുന്ന ചില പ്രധാ​ന​പ്പെട്ട കാര്യങ്ങൾ എന്തൊ​ക്കെ​യാണ്‌? (ചിത്ര​വും കാണുക.)

¹⁴ ലൂക്കോസ്‌ 7-ാം അധ്യാ​യ​ത്തി​ലെ വിവര​ണ​ത്തിൽ കാണുന്ന ചില പ്രധാ​ന​പ്പെട്ട കാര്യങ്ങൾ നമുക്കു നോക്കാം. മകന്റെ മരണത്തിൽ ദുഃഖി​ച്ചി​രി​ക്കുന്ന അമ്മയെ ‘കണ്ടപ്പോൾ’ യേശു​വി​ന്റെ ‘മനസ്സ്‌ അലിഞ്ഞു’ എന്നു പറഞ്ഞി​രി​ക്കു​ന്നതു നിങ്ങൾ ശ്രദ്ധി​ച്ചോ? (13-ാം വാക്യം) യേശു അവിടെ കണ്ട കാര്യ​മാണ്‌ ആ അമ്മയോട്‌ അനുകമ്പ തോന്നാൻ ഇടയാ​ക്കി​യത്‌. എന്നാൽ അവരോട്‌ അനുകമ്പ തോന്നുക മാത്രമല്ല, യേശു അതു പ്രവൃ​ത്തി​യി​ലൂ​ടെ കാണി​ക്കു​ക​യും ചെയ്‌തു. ആശ്വസി​പ്പി​ക്കുന്ന രീതി​യിൽ ആ അമ്മയോ​ടു സംസാ​രി​ച്ചു. അവരോ​ടു “കരയേണ്ടാ” എന്നു പറഞ്ഞു. തുടർന്ന്‌ അവരെ സഹായി​ക്കാൻ യേശു ഒരു കാര്യം ചെയ്‌തു: ആ മകനെ ജീവനി​ലേക്കു കൊണ്ടു​വ​ന്നിട്ട്‌ “അമ്മയെ ഏൽപ്പിച്ചു.”—14, 15 വാക്യങ്ങൾ.

15. യേശു​വി​ന്റെ അത്ഭുത​ത്തിൽനിന്ന്‌ നമുക്ക്‌ എന്തു പഠിക്കാം?

¹⁵ വിധവ​യു​ടെ മകനെ യേശു ഉയിർപ്പിച്ച അത്ഭുത​ത്തിൽനിന്ന്‌ നമുക്ക്‌ എന്തു പഠിക്കാം? പ്രിയ​പ്പെ​ട്ട​വ​രു​ടെ മരണത്തിൽ ദുഃഖി​ച്ചി​രി​ക്കു​ന്ന​വ​രോട്‌ അനുകമ്പ കാണി​ക്ക​ണ​മെന്ന വലി​യൊ​രു പാഠം ഇതിലൂ​ടെ നമ്മൾ പഠിക്കു​ന്നു. യേശു ചെയ്‌ത​തു​പോ​ലെ മരിച്ചു​പോ​യ​വരെ ജീവനി​ലേക്കു കൊണ്ടു​വ​രാ​നൊ​ന്നും നമുക്കു കഴിയില്ല; പക്ഷേ പ്രിയ​പ്പെ​ട്ട​വരെ നഷ്ടപ്പെ​ട്ട​തി​ന്റെ വേദന​യിൽ ദുഃഖി​ച്ചി​രി​ക്കു​ന്ന​വരെ നന്നായി നിരീ​ക്ഷി​ക്കു​ന്നെ​ങ്കിൽ യേശു​വി​നെ​പ്പോ​ലെ നമുക്കും അവരോട്‌ അനുകമ്പ തോന്നും. ആശ്വസി​പ്പി​ക്കുന്ന രീതി​യിൽ സംസാ​രി​ച്ചു​കൊ​ണ്ടും അവരെ സഹായി​ക്കാൻ നമ്മളാ​ലാ​കു​ന്നതു ചെയ്‌തു​കൊ​ണ്ടും അവരോട്‌ അനുകമ്പ കാണി​ക്കാൻ നമുക്കു മുൻ​കൈ​യെ​ടു​ക്കാം. d (സുഭാ. 17:17; 2 കൊരി. 1:3, 4; 1 പത്രോ. 3:8) സ്‌നേ​ഹ​ത്തോ​ടെ പറയു​ന്ന​തോ ചെയ്യു​ന്ന​തോ ആയ ചെറിയ കാര്യ​ങ്ങൾപോ​ലും അവരെ ഒരുപാട്‌ ആശ്വസി​പ്പി​ച്ചേ​ക്കാം.

16. ചിത്ര​ത്തിൽ പുനര​വ​ത​രി​പ്പി​ച്ചി​രി​ക്കു​ന്ന​തു​പോ​ലെ, മകളെ നഷ്ടമായ ഒരു അമ്മയ്‌ക്കു​ണ്ടായ അനുഭ​വ​ത്തിൽനിന്ന്‌ നമുക്ക്‌ എന്തു പഠിക്കാം?

¹⁶ കുറച്ച്‌ വർഷം മുമ്പ്‌ ഉണ്ടായ ഒരു അനുഭവം നോക്കാം. മീറ്റി​ങ്ങിന്‌ പാട്ടു പാടു​ന്ന​തി​നി​ടെ എതിർവ​ശത്തെ നിരയിൽ നിൽക്കുന്ന ഒരു അമ്മ കരയു​ന്നത്‌ ഒരു സഹോ​ദരി ശ്രദ്ധിച്ചു. പുനരു​ത്ഥാ​ന​പ്ര​ത്യാ​ശ​യെ​ക്കു​റി​ച്ചുള്ള ഒരു പാട്ടാ​യി​രു​ന്നു അത്‌. ആ അമ്മയുടെ മകൾ മരിച്ചിട്ട്‌ അധിക​മാ​യി​രു​ന്നില്ല. അത്‌ അറിയാ​മാ​യി​രുന്ന  സഹോ​ദരി പെട്ടെ​ന്നു​തന്നെ അടുത്ത്‌ ചെന്ന്‌ അവരെ ചേർത്തു​പി​ടി​ച്ചു​കൊണ്ട്‌ പാട്ടിന്റെ ബാക്കി​ഭാ​ഗം പാടി. പിന്നീട്‌ ആ അമ്മ പറഞ്ഞു: “എനിക്ക്‌ സഹോ​ദ​രീ​സ​ഹോ​ദ​ര​ന്മാ​രോട്‌ അകമഴിഞ്ഞ സ്‌നേഹം തോന്നി.” ആ മീറ്റി​ങ്ങി​നു പോയതു വളരെ നന്നാ​യെന്നു സഹോ​ദരി ചിന്തിച്ചു. “അവിടെ രാജ്യ​ഹാ​ളിൽനി​ന്നാ​ണു നമുക്കു സഹായം ലഭിക്കു​ന്നത്‌” എന്നും ആ അമ്മ പറഞ്ഞു. പ്രിയ​പ്പെ​ട്ട​വ​രു​ടെ മരണത്തിൽ ‘ഹൃദയം തകർന്നി​രി​ക്കു​ന്ന​വ​രോട്‌’ അനുകമ്പ കാണി​ക്കു​ന്ന​തി​നു​വേണ്ടി നമ്മൾ ചെയ്യുന്ന ചെറിയ കാര്യ​ങ്ങൾപോ​ലും യഹോവ ശ്രദ്ധി​ക്കു​ന്നുണ്ട്‌. മാത്രമല്ല, അതിനെ മൂല്യ​മു​ള്ള​താ​യി കാണു​ക​യും ചെയ്യുന്നു.—സങ്കീ. 34:18.

17. ഈ ലേഖന​ത്തിൽ നമ്മൾ എന്താണു പഠിച്ചത്‌?

¹⁷ യേശു​വി​ന്റെ അത്ഭുത​ങ്ങ​ളെ​ക്കു​റിച്ച്‌ ബൈബി​ളിൽ പറഞ്ഞി​രി​ക്കുന്ന ഭാഗങ്ങൾ പഠിക്കു​ന്നതു ശരിക്കും നമ്മുടെ വിശ്വാ​സത്തെ ബലപ്പെ​ടു​ത്തും. യഹോ​വ​യും യേശു​വും നമ്മളെ ആഴമായി സ്‌നേ​ഹി​ക്കു​ന്നു​ണ്ടെ​ന്നും മനുഷ്യ​രു​ടെ എല്ലാ പ്രശ്‌ന​ങ്ങ​ളും പരിഹ​രി​ക്കാ​നുള്ള ശക്തി യേശു​വി​നു​ണ്ടെ​ന്നും ദൈവ​രാ​ജ്യം വാഗ്‌ദാ​നം ചെയ്‌തി​രി​ക്കുന്ന അനു​ഗ്ര​ഹ​ങ്ങ​ളൊ​ക്കെ പെട്ടെ​ന്നു​തന്നെ കിട്ടു​മെന്ന്‌ ഉറപ്പു​ണ്ടാ​യി​രി​ക്കാ​നാ​കു​മെ​ന്നും അവ നമ്മളെ പഠിപ്പി​ക്കു​ന്നു. ആ വിവര​ണങ്ങൾ പഠിക്കു​മ്പോൾ യേശു​വി​ന്റെ ഗുണങ്ങൾ ജീവി​ത​ത്തിൽ എങ്ങനെ പകർത്താ​മെന്നു ചിന്തി​ക്കുക. യേശു ചെയ്‌ത മറ്റ്‌ അത്ഭുത​ങ്ങ​ളെ​ക്കു​റിച്ച്‌ പഠിക്കു​ന്ന​തി​നു കുടും​ബാ​രാ​ധ​ന​യു​ടെ സമയമോ വ്യക്തി​പ​ര​മായ പഠനത്തി​ന്റെ സമയമോ നിങ്ങൾക്കു മാറ്റി​വെ​ക്കാ​നാ​കു​മോ? അതിൽനിന്ന്‌ എന്തൊക്കെ പാഠങ്ങൾ പഠിക്കാ​മെന്നു നോക്കുക. എന്നിട്ട്‌ പഠിച്ച കാര്യങ്ങൾ മറ്റുള്ള​വ​രു​മാ​യി പങ്കു​വെ​ക്കാ​നും ശ്രമി​ക്കുക. അതിലൂ​ടെ രസകര​വും മറ്റുള്ള​വരെ ബലപ്പെ​ടു​ത്തു​ന്ന​തും ആയ പല കാര്യ​ങ്ങ​ളും ചർച്ച ചെയ്യാ​നുള്ള അവസരം നിങ്ങൾക്കു കിട്ടും.—റോമ. 1:11, 12.

18. അടുത്ത ലേഖന​ത്തിൽ എന്തു പഠിക്കും?

¹⁸ തന്റെ ശുശ്രൂഷ അവസാ​നി​ക്കാ​റായ സമയത്താ​ണു യേശു മൂന്നാ​മത്തെ പുനരു​ത്ഥാ​നം നടത്തി​യത്‌. അതാണു യേശു നടത്തി​യ​താ​യി ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന അവസാ​നത്തെ പുനരു​ത്ഥാ​നം. പക്ഷേ യേശു നടത്തിയ മറ്റു പുനരു​ത്ഥാ​ന​ങ്ങ​ളിൽനിന്ന്‌ അതി​നൊ​രു വ്യത്യാ​സ​മു​ണ്ടാ​യി​രു​ന്നു. തന്റെ അടുത്ത ഒരു സുഹൃ​ത്തി​നെ​യാണ്‌ യേശു ഉയിർപ്പി​ച്ചത്‌, അതും മരിച്ച്‌ നാലു ദിവസം കഴിഞ്ഞ്‌. ആ അത്ഭുത​ത്തെ​ക്കു​റി​ച്ചുള്ള സുവി​ശേ​ഷ​വി​വ​ര​ണ​ത്തിൽനിന്ന്‌ നമുക്ക്‌ എന്തൊക്കെ പാഠങ്ങൾ പഠിക്കാൻ കഴിയും? പുനരു​ത്ഥാ​ന​പ്ര​ത്യാ​ശ​യി​ലുള്ള വിശ്വാ​സം നമുക്ക്‌ എങ്ങനെ ശക്തമാ​ക്കാ​നാ​കും? ഈ ചോദ്യ​ങ്ങൾക്കുള്ള ഉത്തരം അടുത്ത ലേഖന​ത്തിൽ പഠിക്കും.