1. സന്തോ​ഷ​ത്തോ​ടെ യഹോ​വയെ സേവി​ക്കാൻ ബുദ്ധി​മു​ട്ടു തോന്നു​മ്പോ​ഴും പിടി​ച്ചു​നിൽക്കാൻ ഏതു ഗുണം നമ്മളെ സഹായി​ക്കും? (ചിത്ര​വും കാണുക.)

 നല്ല കാറ്റത്ത്‌ ഉയരമുള്ള തെങ്ങ്‌ ആടിയു​ല​യു​ന്നതു നിങ്ങൾ കണ്ടിട്ടി​ല്ലേ? കാറ്റി​ന​നു​സ​രിച്ച്‌ അതു വളയു​ന്നുണ്ട്‌, പക്ഷേ ഒടിയു​ന്നില്ല. വഴക്കമു​ള്ള​തു​കൊ​ണ്ടാ​ണു ശക്തമായ കാറ്റ്‌ അടിക്കു​മ്പോ​ഴും ആ മരത്തിനു പിടി​ച്ചു​നിൽക്കാ​നാ​കു​ന്നത്‌. അതു​പോ​ലെ സന്തോ​ഷ​ത്തോ​ടെ യഹോ​വയെ സേവി​ക്കാൻ ബുദ്ധി​മു​ട്ടു തോന്നു​മ്പോ​ഴും പിടി​ച്ചു​നിൽക്കാൻ നമ്മളും വഴക്കമു​ള്ള​വ​രാ​യി​രി​ക്കണം. നമുക്ക്‌ അത്‌ എങ്ങനെ ചെയ്യാം? നമ്മുടെ സാഹച​ര്യ​ങ്ങൾക്കു മാറ്റം​വ​രു​മ്പോൾ അതി​നോ​ടു പൊരു​ത്ത​പ്പെ​ട്ടു​കൊ​ണ്ടും നമ്മു​ടേ​തിൽനിന്ന്‌ വ്യത്യ​സ്‌ത​മായ, മറ്റുള്ള​വ​രു​ടെ വീക്ഷണ​ങ്ങ​ളെ​യും തീരു​മാ​ന​ങ്ങ​ളെ​യും ആദരി​ച്ചു​കൊ​ണ്ടും വഴക്കമു​ള്ള​വ​രാ​ണെന്നു നമുക്കു തെളി​യി​ക്കാം.

2. (എ) സാഹച​ര്യ​ങ്ങൾക്കു മാറ്റം വരു​മ്പോൾ അതുമാ​യി പൊരു​ത്ത​പ്പെ​ടാൻ ഏതു ഗുണങ്ങൾ നമ്മളെ സഹായി​ക്കും? (ബി) ഈ ലേഖന​ത്തിൽ നമ്മൾ എന്താണു പഠിക്കു​ന്നത്‌?

² യഹോ​വ​യു​ടെ ദാസന്മാ​രെ​ന്ന​നി​ല​യിൽ, നമ്മൾ വഴക്കമു​ള്ള​വ​രാ​യി​രി​ക്കാൻ ആഗ്രഹി​ക്കു​ന്നു. അതിനു​വേണ്ടി നമ്മൾ താഴ്‌മ​യും അനുക​മ്പ​യും ഉള്ളവരാ​യി​രി​ക്കേ​ണ്ട​തുണ്ട്‌. ഈ ലേഖന​ത്തിൽ, സാഹച​ര്യ​ങ്ങൾക്കു മാറ്റം​വ​ന്ന​പ്പോൾ അതുമാ​യി പൊരു​ത്ത​പ്പെ​ടാൻ ഈ ഗുണങ്ങൾ ചില ക്രിസ്‌ത്യാ​നി​കളെ സഹായി​ച്ചത്‌ എങ്ങനെ​യാ​ണെന്നു നമ്മൾ കാണും. കൂടാതെ അവ നമ്മളെ എങ്ങനെ സഹായി​ക്കു​മെ​ന്നും പഠിക്കും. എന്നാൽ അതിനു മുമ്പ്‌ വഴക്കം കാണി​ക്കു​ന്ന​തിൽ യഹോ​വ​യും യേശു​വും എങ്ങനെ​യാണ്‌ ഏറ്റവും നല്ല മാതൃ​ക​ക​ളാ​യി​രി​ക്കു​ന്ന​തെന്നു നോക്കാം.

3. യഹോവ വഴക്കമുള്ള ദൈവ​മാ​ണെന്നു നമുക്ക്‌ എങ്ങനെ അറിയാം?

³ യഹോ​വയെ ബൈബിൾ “പാറ” എന്നു വിളി​ച്ചി​ട്ടുണ്ട്‌. (ആവ. 32:4) കാരണം ഇളകാതെ, ഉറച്ചു​നിൽക്കുന്ന ദൈവ​മാണ്‌ യഹോവ. അതേസ​മയം യഹോവ വഴക്കമു​ള്ള​വ​നു​മാണ്‌. സാഹച​ര്യ​ങ്ങൾക്കു മാറ്റം​വ​രു​മ്പോ​ഴും തന്റെ ഉദ്ദേശ്യം നടപ്പാ​ക്കാൻവേണ്ടി വഴക്കം കാണി​ക്കാൻ യഹോവ തയ്യാറാ​കു​ന്നു. ഇനി, സാഹച​ര്യ​ങ്ങൾക്കു മാറ്റം​വ​രു​മ്പോൾ അതുമാ​യി ഇണങ്ങി​ച്ചേ​രാ​നുള്ള കഴി​വോ​ടെ, തന്റെ ഛായയി​ലാ​ണു യഹോവ മനുഷ്യ​നെ സൃഷ്ടി​ച്ചി​രി​ക്കു​ന്ന​തും. ജീവി​ത​ത്തിൽ ബുദ്ധി​മു​ട്ടുള്ള സാഹച​ര്യ​ങ്ങൾ ഉണ്ടാകു​മ്പോൾ അതിന​നു​സ​രിച്ച്‌ ഏറ്റവും ശരിയായ തീരു​മാ​നങ്ങൾ എടുക്കാൻ സഹായി​ക്കുന്ന ബൈബിൾത​ത്ത്വ​ങ്ങ​ളും യഹോവ നൽകി​യി​ട്ടുണ്ട്‌. “പാറ”പോലെ ഇളക്കമി​ല്ലാ​ത്ത​വ​നാ​ണെ​ങ്കി​ലും യഹോവ വഴക്കമു​ള്ള​വ​നാ​ണെന്ന്‌ യഹോ​വ​യു​ടെ​തന്നെ  മാതൃ​ക​യും നമുക്കു തന്നിട്ടുള്ള ബൈബിൾത​ത്ത്വ​ങ്ങ​ളും തെളി​യി​ക്കു​ന്നു.

4. യഹോവ വഴക്കമുള്ള ദൈവ​മാണ്‌ എന്നതിന്‌ ഒരു ഉദാഹ​രണം പറയുക. (ലേവ്യ 5:7, 11)

⁴ യഹോവ എല്ലാ കാര്യ​ങ്ങ​ളും ചെയ്യു​ന്നതു വളരെ കൃത്യ​ത​യോ​ടെ​യാണ്‌, വഴക്കം കാണി​ച്ചു​കൊ​ണ്ടു​മാണ്‌. അതു​കൊ​ണ്ടാ​ണു മനുഷ്യ​രോട്‌ ഇടപെ​ടു​മ്പോൾ യഹോവ കടും​പി​ടി​ത്തം കാണി​ക്കാ​ത്തത്‌. ദൈവം ഇസ്രാ​യേ​ല്യ​രോട്‌ ഇടപെ​ട്ടത്‌ എങ്ങനെ​യാ​ണെന്നു നോക്കുക. ഉദാഹ​ര​ണ​ത്തിന്‌, ലേവ്യ 5:7, 11-ൽ (വായി​ക്കുക.) പറഞ്ഞി​രി​ക്കു​ന്ന​തു​പോ​ലെ തന്റെ സാഹച​ര്യ​ത്തി​ന​നു​സ​രിച്ച്‌ എന്ത്‌ അർപ്പി​ക്ക​ണ​മെന്നു തീരു​മാ​നി​ക്കാൻ ഓരോ വ്യക്തി​ക്കും യഹോവ അനുവാ​ദം നൽകി​യി​രു​ന്നു. പണക്കാ​രിൽനി​ന്നും പാവ​പ്പെ​ട്ട​വ​രിൽനി​ന്നും യഹോവ ഒരേ യാഗങ്ങൾ ആവശ്യ​പ്പെ​ട്ടില്ല.

5. യഹോവ താഴ്‌മ​യും അനുക​മ്പ​യും കാണി​ച്ച​തി​ന്റെ ഓരോ ഉദാഹ​രണം പറയുക.

⁵ വഴക്കം കാണി​ക്കാൻ യഹോ​വയെ പ്രേരി​പ്പി​ക്കുന്ന രണ്ടു ഗുണങ്ങ​ളാ​ണു താഴ്‌മ​യും അനുക​മ്പ​യും. ഉദാഹ​ര​ണ​ത്തിന്‌ സോ​ദോ​മി​ലെ ദുഷ്ടമ​നു​ഷ്യ​രെ നശിപ്പി​ക്കാൻപോ​കുന്ന സമയത്ത്‌ യഹോവ താഴ്‌മ കാണി​ച്ചത്‌ എങ്ങനെ​യാ​ണെന്നു നോക്കുക. തന്റെ ദൂതന്മാ​രെ അയച്ച്‌ യഹോവ നീതി​മാ​നായ ലോത്തി​നോ​ടു മലനാ​ട്ടി​ലേക്ക്‌ ഓടി​പ്പോ​കാൻ പറഞ്ഞു. പക്ഷേ അങ്ങോ​ട്ടു​പോ​കാൻ ഭയം തോന്നി​യ​തു​കൊണ്ട്‌ അടുത്തുള്ള ചെറിയ പട്ടണമായ സോവ​റി​ലേക്കു പോകാൻ തന്നെയും കുടും​ബ​ത്തെ​യും അനുവ​ദി​ക്ക​ണ​മെന്ന്‌ അദ്ദേഹം അപേക്ഷി​ച്ചു. യഹോ​വ​യ്‌ക്കു വേണ​മെ​ങ്കിൽ ലോത്തി​നോട്‌, ‘ഞാൻ പറയു​ന്ന​തങ്ങ്‌ അനുസ​രി​ച്ചാൽ മതി’ എന്നു പറയാ​മാ​യി​രു​ന്നു. കാരണം ആ പട്ടണവും നശിപ്പി​ക്കാൻ യഹോവ തീരു​മാ​നി​ച്ചി​രു​ന്ന​താണ്‌. എന്നിട്ടും അവി​ടേക്കു പോകാൻ യഹോവ ലോത്തി​നെ അനുവ​ദി​ച്ചു. ആ പട്ടണം നശിപ്പി​ച്ചു​മില്ല. (ഉൽപ. 19:18-22) ഇനി, വർഷങ്ങൾക്കു​ശേഷം നിനെ​വെ​യി​ലെ ആളുക​ളോട്‌ യഹോവ അനുകമ്പ കാണിച്ചു. ആ നഗര​ത്തെ​യും അതിലെ ദുഷ്ടമ​നു​ഷ്യ​രെ​യും പെട്ടെ​ന്നു​തന്നെ നശിപ്പി​ക്കു​മെന്ന്‌ അറിയി​ക്കാൻ യഹോവ യോന പ്രവാ​ച​കനെ അങ്ങോട്ട്‌ അയച്ചു. പക്ഷേ നിനെ​വെ​ക്കാർ മാനസാ​ന്ത​ര​പ്പെ​ട്ട​തു​കൊണ്ട്‌ യഹോ​വ​യ്‌ക്ക്‌ അവരോട്‌ അനുകമ്പ തോന്നു​ക​യും ആ നഗരം നശിപ്പി​ക്കേണ്ടാ എന്നു തീരു​മാ​നി​ക്കു​ക​യും ചെയ്‌തു.—യോന 3:1, 10; 4:10, 11.

6. യഹോ​വ​യു​ടെ മാതൃക അനുക​രി​ച്ചു​കൊണ്ട്‌ യേശു വഴക്കം കാണി​ച്ച​തി​നു ചില ഉദാഹ​ര​ണങ്ങൾ പറയുക.

⁶ യഹോ​വ​യു​ടെ മാതൃക അനുക​രി​ച്ചു​കൊണ്ട്‌ യേശു​വും അനുകമ്പ കാണിച്ചു. യേശു​വി​നെ ഭൂമി​യി​ലേക്ക്‌ അയച്ചത്‌ ‘ഇസ്രാ​യേൽഗൃ​ഹ​ത്തി​ലെ കാണാ​തെ​പോയ ആടുക​ളോ​ടു’ സന്തോ​ഷ​വാർത്ത അറിയി​ക്കാ​നാണ്‌. പക്ഷേ ആ നിയമനം ചെയ്‌ത​പ്പോൾ യേശു വഴക്കം കാണിച്ചു. ഉദാഹ​ര​ണ​ത്തിന്‌ ഒരിക്കൽ ഇസ്രാ​യേ​ല്യ​യ​ല്ലാത്ത ഒരു സ്‌ത്രീ തന്റെ മകൾക്കു “കടുത്ത ഭൂതോ​പ​ദ്രവം” ഉണ്ടെന്നും അവളെ സുഖ​പ്പെ​ടു​ത്ത​ണ​മെ​ന്നും യേശു​വി​നോട്‌ അപേക്ഷി​ച്ചു. അപ്പോൾ ആ സ്‌ത്രീ ആവശ്യ​പ്പെ​ട്ട​തു​പോ​ലെ അനുക​മ്പ​യോ​ടെ അവരുടെ മകളെ സുഖ​പ്പെ​ടു​ത്താൻ യേശു തയ്യാറാ​യി. (മത്താ. 15:21-28) ഇനി മറ്റൊരു ഉദാഹ​രണം നോക്കാം: ‘എന്നെ തള്ളിപ്പ​റ​യു​ന്ന​വരെ ഞാനും തള്ളിപ്പ​റ​യും’ എന്ന്‌ യേശു മുമ്പൊ​രി​ക്കൽ പറഞ്ഞി​രു​ന്ന​താണ്‌. (മത്താ. 10:33) പക്ഷേ തന്നെ മൂന്നു തവണ തള്ളിപ്പറഞ്ഞ പത്രോ​സി​നെ യേശു തള്ളിപ്പ​റ​ഞ്ഞോ? ഇല്ല. തനിക്കു പറ്റിയ തെറ്റി​നെ​ക്കു​റിച്ച്‌ പത്രോ​സിന്‌ പശ്ചാത്താ​പം ഉണ്ടെന്നും അദ്ദേഹം വളരെ വിശ്വ​സ്‌ത​നായ ഒരു മനുഷ്യ​നാ​ണെ​ന്നും യേശു​വിന്‌ അറിയാ​മാ​യി​രു​ന്നു. അതു​കൊണ്ട്‌ തന്റെ പുനരു​ത്ഥാ​ന​ത്തി​നു ശേഷം യേശു പത്രോ​സി​നെ നേരിൽ കണ്ടു. (ലൂക്കോ. 24:33, 34) മാത്രമല്ല, അദ്ദേഹ​ത്തോ​ടു ക്ഷമി​ച്ചെ​ന്നും ഇപ്പോ​ഴും അദ്ദേഹത്തെ സ്‌നേ​ഹി​ക്കു​ന്നു​ണ്ടെ​ന്നും സർവസാ​ധ്യ​ത​യു​മ​നു​സ​രിച്ച്‌ പത്രോ​സിന്‌ ഉറപ്പു​കൊ​ടു​ത്തി​ട്ടു​മു​ണ്ടാ​കണം.

7. ഫിലി​പ്പി​യർ 4:5-നു ചേർച്ച​യിൽ മറ്റുള്ളവർ നമ്മളെ എങ്ങനെ​യുള്ള ഒരാളാ​യി കാണാ​നാ​ണു നമ്മൾ ആഗ്രഹി​ക്കു​ന്നത്‌?

⁷ യഹോ​വ​യും യേശു​വും വഴക്കം കാണി​ക്കു​ന്ന​വ​രാ​ണെന്നു നമ്മൾ കണ്ടു. എന്നാൽ നമ്മൾ അങ്ങനെ​യാ​ണോ? നമ്മൾ വഴക്കമു​ള്ള​വ​രാ​യി​രി​ക്കാൻ യഹോവ പ്രതീ​ക്ഷി​ക്കു​ന്നുണ്ട്‌. (ഫിലി​പ്പി​യർ 4:5-ഉം അടിക്കു​റി​പ്പും വായി​ക്കുക.) നമുക്ക്‌ നമ്മളോ​ടു​തന്നെ ഇങ്ങനെ ചോദി​ക്കാം: ‘ആളുകൾ പൊതു​വേ എന്നെ എങ്ങനെ​യാ​ണു  കാണു​ന്നത്‌? വഴക്കവും ന്യായ​ബോ​ധ​വും ഉള്ള ഒരാളാ​യി​ട്ടാ​ണോ അതോ ഒരു വിട്ടു​വീ​ഴ്‌ച​യ്‌ക്കും തയ്യാറാ​കാത്ത കടും​പി​ടി​ത്ത​ക്കാ​ര​നാ​യി​ട്ടാ​ണോ? ഞാൻ ചിന്തി​ക്കു​ന്ന​തു​പോ​ലെ​തന്നെ മറ്റുള്ളവർ എല്ലാ കാര്യ​ങ്ങ​ളും ചെയ്യണ​മെന്നു ഞാൻ വാശി​പി​ടി​ക്കാ​റു​ണ്ടോ? അതോ മറ്റുള്ള​വർക്കു പറയാ​നു​ള്ളതു കേൾക്കു​ക​യും സാധ്യ​മാ​കു​മ്പോ​ഴൊ​ക്കെ അവരുടെ ഇഷ്ടത്തിനു വഴങ്ങി​ക്കൊ​ടു​ക്കു​ക​യും ചെയ്യാ​റു​ണ്ടോ?’ നമ്മൾ എത്രയ​ധി​കം വഴക്കം കാണി​ക്കു​ന്നോ അത്രയ​ധി​കം യഹോ​വ​യെ​യും യേശു​വി​നെ​യും അനുക​രി​ക്കു​ക​യാ​യി​രി​ക്കും. വഴക്കം കാണി​ക്കേ​ണ്ടതു വളരെ പ്രധാ​ന​മാ​യി​രി​ക്കുന്ന രണ്ടു സാഹച​ര്യ​ങ്ങ​ളെ​ക്കു​റിച്ച്‌ നോക്കാം: ഒന്ന്‌, നമ്മുടെ ജീവി​ത​സാ​ഹ​ച​ര്യ​ങ്ങൾക്കു മാറ്റം​വ​രു​മ്പോൾ. രണ്ട്‌, മറ്റുള്ള​വ​രു​ടെ ചിന്തക​ളും തീരു​മാ​ന​ങ്ങ​ളും നമ്മു​ടേ​തിൽനിന്ന്‌ വ്യത്യ​സ്‌ത​മാ​യി​രി​ക്കു​മ്പോൾ.

8. സാഹച​ര്യ​ങ്ങൾക്കു മാറ്റം​വ​രു​മ്പോൾ വഴക്കമു​ള്ള​വ​രാ​യി​രി​ക്കാൻ നമുക്ക്‌ എങ്ങനെ കഴിയും? (അടിക്കു​റി​പ്പും കാണുക.)

⁸ ജീവി​ത​സാ​ഹ​ച​ര്യ​ങ്ങൾക്കു മാറ്റം​വ​രു​മ്പോൾ നമ്മൾ വഴക്കം കാണി​ക്കേ​ണ്ടി​വ​രും. കാരണം ഒട്ടും പ്രതീ​ക്ഷി​ക്കാത്ത രീതി​യി​ലാ​യി​രി​ക്കാം നമ്മുടെ ജീവിതം മാറി​മ​റി​യു​ന്നത്‌. ഉദാഹ​ര​ണ​ത്തിന്‌, ഗുരു​ത​ര​മായ ഒരു ആരോ​ഗ്യ​പ്ര​ശ്‌നം നമ്മുടെ ജീവി​ത​ത്തി​ന്റെ താളം തെറ്റി​ച്ചേ​ക്കാം. അല്ലെങ്കിൽ സാമ്പത്തി​ക​രം​ഗ​ത്തോ രാഷ്‌ട്രീ​യ​ത​ല​ത്തി​ലോ അപ്രതീ​ക്ഷി​ത​മാ​യി ഉണ്ടാകുന്ന ചില മാറ്റങ്ങൾ നമ്മുടെ ജീവിതം ബുദ്ധി​മു​ട്ടി​ലാ​ക്കി​യേ​ക്കാം. (സഭാ. 9:11; 1 കൊരി. 7:31) ഇനി, നമ്മുടെ നിയമ​ന​ത്തിൽ വരുന്ന ഒരു മാറ്റം​പോ​ലും നമ്മളെ വിഷമി​പ്പി​ച്ചേ​ക്കാം. നമ്മുടെ സാഹച​ര്യം എന്താ​ണെ​ങ്കി​ലും ആ മാറ്റവു​മാ​യി പൊരു​ത്ത​പ്പെ​ടാൻ പിൻവ​രുന്ന നാലു കാര്യങ്ങൾ നമ്മളെ സഹായി​ക്കും: (1) നമ്മുടെ സാഹച​ര്യം മാറി​യെന്ന്‌ അംഗീ​ക​രി​ക്കുക. (2) കഴിഞ്ഞ​തി​നെ​ക്കു​റിച്ച്‌ ഓർത്ത്‌ വിഷമി​ക്കാ​തെ ഇനി എന്തു ചെയ്യാ​മെന്നു നോക്കുക. (3) ജീവി​ത​ത്തി​ലെ നല്ല കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക. (4) മറ്റുള്ള​വരെ സഹായി​ക്കാൻ എന്തെങ്കി​ലും ചെയ്യുക. b ഈ നാലു കാര്യങ്ങൾ നമ്മളെ എങ്ങനെ സഹായി​ക്കു​മെന്നു മനസ്സി​ലാ​ക്കാൻ ചില സഹോ​ദ​ര​ങ്ങ​ളു​ടെ ജീവി​താ​നു​ഭ​വങ്ങൾ നോക്കാം.

9. അപ്രതീ​ക്ഷി​ത​മായ ചില പ്രശ്‌നങ്ങൾ നേരി​ട്ട​പ്പോൾ അതുമാ​യി പൊരു​ത്ത​പ്പെ​ടാൻ ഒരു മിഷനറി ദമ്പതികൾ എന്താണു ചെയ്‌തത്‌?

⁹ സാഹച​ര്യം മാറി​യെന്ന്‌ അംഗീ​ക​രി​ക്കുക. ഇമ്മാനു​വ​ല​യ്‌ക്കും ഭാര്യ ഫ്രാൻസി​സ്‌ക​യ്‌ക്കും ഒരു വിദേ​ശ​രാ​ജ്യ​ത്തു മിഷന​റി​മാ​രാ​യി നിയമനം കിട്ടി. പുതിയ സ്ഥലത്തു ചെന്ന്‌ ഭാഷ പഠിക്കാ​നും സഹോ​ദ​ര​ങ്ങളെ പരിച​യ​പ്പെ​ടാ​നും ഒക്കെ തുടങ്ങി​യ​പ്പോ​ഴാ​ണു കോവിഡ്‌-19 മഹാമാ​രി പടർന്നു​പി​ടി​ക്കു​ന്നത്‌. അതോടെ അവർക്കു വീട്ടിൽത്തന്നെ കഴി​യേ​ണ്ടി​വന്നു. അങ്ങനെ​യി​രി​ക്കു​മ്പോൾ പെട്ടെന്നു ഫ്രാൻസി​സ്‌ക​യു​ടെ അമ്മ മരിച്ചു. അപ്പോൾ വീട്ടു​കാ​രെ കാണാൻ സഹോ​ദരി ഒരുപാട്‌ ആഗ്രഹി​ച്ചെ​ങ്കി​ലും മഹാമാ​രി കാരണം പോകാൻ പറ്റിയില്ല. ആ സാഹച​ര്യ​ങ്ങ​ളു​മാ​യി പൊരു​ത്ത​പ്പെ​ടാൻ സഹോ​ദ​രി​യെ എന്താണു സഹായി​ച്ചത്‌? ഒന്നാമ​താ​യി, ഇമ്മാനു​വ​ല​യും ഫ്രാൻസി​സ്‌ക​യും ഒരുമിച്ച്‌ ജ്ഞാനത്തി​നാ​യി യഹോ​വ​യോ​ടു പ്രാർഥി​ച്ചു. ആ സാഹച​ര്യ​ത്തിൽ അധിക​മൊ​ന്നും ഉത്‌ക​ണ്‌ഠ​പ്പെ​ടാ​തെ ഓരോ ദിവസ​ത്തെ​യും കാര്യ​ങ്ങ​ളെ​ക്കു​റിച്ച്‌ മാത്രം ചിന്തി​ക്കാൻ സഹായി​ക്കണേ എന്ന്‌ അപേക്ഷി​ച്ചു. യഹോവ കൃത്യ​സ​മ​യ​ത്തു​തന്നെ തന്റെ സംഘട​ന​യി​ലൂ​ടെ വേണ്ട സഹായം നൽകി​ക്കൊണ്ട്‌ അവരുടെ പ്രാർഥ​ന​യ്‌ക്ക്‌ ഉത്തരം കൊടു​ത്തു. ഉദാഹ​ര​ണ​ത്തിന്‌, ഒരു സഹോ​ദ​ര​നു​മാ​യി അഭിമു​ഖം നടത്തു​ന്ന​തി​ന്റെ ഒരു വീഡി​യോ അവർക്കു വലി​യൊ​രു പ്രോ​ത്സാ​ഹ​ന​മാ​യി​രു​ന്നു. അതിൽ അദ്ദേഹം ഇങ്ങനെ പറഞ്ഞു: “പുതിയ സാഹച​ര്യ​വു​മാ​യി എത്ര പെട്ടെന്നു പൊരു​ത്ത​പ്പെ​ടു​ന്നോ അത്ര പെട്ടെന്നു നമുക്കു നമ്മുടെ സന്തോഷം തിരി​ച്ചു​കി​ട്ടും. മാത്രമല്ല, ഈ പുതിയ സാഹച​ര്യ​ത്തി​ലും യഹോ​വയെ സേവി​ക്കാ​നും മറ്റുള്ള​വരെ സഹായി​ക്കാ​നും നമുക്കു കഴിയു​ക​യും ചെയ്യും.” c രണ്ടാമ​താ​യി, ടെലി​ഫോൺ സാക്ഷീ​ക​ര​ണ​ത്തി​ലെ തങ്ങളുടെ കഴിവു​കൾ മെച്ച​പ്പെ​ടു​ത്താൻ അവർ തീരു​മാ​നി​ച്ചു. അതിലൂ​ടെ ഒരു ബൈബിൾപ​ഠനം തുടങ്ങാൻപോ​ലും അവർക്കു കഴിഞ്ഞു. മൂന്നാ​മ​താ​യി, അവിടത്തെ സഹോ​ദ​രങ്ങൾ സ്‌നേ​ഹ​ത്തോ​ടെ നൽകിയ സഹായം സ്വീക​രി​ക്കാൻ അവർ തയ്യാറാ​യി. അവർ അതിന്‌ ഒരുപാ​ടു നന്ദിയു​ള്ള​വ​രാ​യി​രു​ന്നു. ഒരു സഹോ​ദ​രി​യാ​ണെ​ങ്കിൽ എല്ലാ ദിവസ​വും ഒരു ബൈബിൾവാ​ക്യം ഉൾപ്പെ​ടു​ത്തി​ക്കൊ​ണ്ടുള്ള ചെറിയ ഒരു മെസ്സേജ്‌ അവർക്ക്‌ അയയ്‌ക്കു​മാ​യി​രു​ന്നു. ഒരു വർഷം മുഴുവൻ സഹോ​ദരി അങ്ങനെ ചെയ്‌തു. നമ്മളും അതു​പോ​ലെ, സാഹച​ര്യ​ങ്ങൾക്കു മാറ്റം​വ​രു​മ്പോൾ അത്‌ അംഗീ​ക​രി​ക്കാൻ തയ്യാറാ​കു​ന്നെ​ങ്കിൽ ചെയ്യാ​നാ​കുന്ന കാര്യ​ങ്ങ​ളിൽ സന്തോഷം കണ്ടെത്താൻ നമുക്കാ​കും.

10. ജീവി​ത​ത്തിൽ വലി​യൊ​രു മാറ്റമു​ണ്ടാ​യ​പ്പോൾ അതുമാ​യി പൊരു​ത്ത​പ്പെ​ടാൻ ഒരു സഹോ​ദരി എന്താണു ചെയ്‌തത്‌?

¹⁰ മുന്നോട്ട്‌ എന്തു ചെയ്യാ​മെന്നു നോക്കുക, ജീവി​ത​ത്തി​ലെ നല്ല കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക. ജപ്പാനിൽ  താമസി​ക്കുന്ന റൊമാ​നി​യ​ക്കാ​രി​യായ ക്രിസ്റ്റീന സഹോ​ദ​രി​യു​ടെ അനുഭവം നോക്കാം. സഹോ​ദരി പോയി​ക്കൊ​ണ്ടി​രുന്ന ഇംഗ്ലീഷ്‌ സഭ നിറു​ത്ത​ലാ​ക്കി​യ​പ്പോൾ സഹോ​ദ​രിക്ക്‌ ആകെ വിഷമ​മാ​യി. പക്ഷേ കഴിഞ്ഞു​പോ​യ​തി​നെ​ക്കു​റിച്ച്‌ ഓർത്ത്‌ വിഷമി​ച്ചി​രി​ക്കാ​തെ ഇനി എന്തു ചെയ്യാ​മെന്നു സഹോ​ദരി ചിന്തിച്ചു. അങ്ങനെ ജാപ്പനീസ്‌ ഭാഷാ​സ​ഭ​യോ​ടൊ​പ്പം ഉത്സാഹ​ത്തോ​ടെ പ്രസം​ഗ​പ്ര​വർത്തനം ചെയ്‌തു​കൊണ്ട്‌ ആ സഭയിൽ തന്റെ കഴിവി​ന്റെ പരമാ​വധി പ്രവർത്തി​ക്കാൻ സഹോ​ദരി തീരു​മാ​നി​ച്ചു. കൂടാതെ ‘ജാപ്പനീസ്‌ ഭാഷ നന്നായി സംസാ​രി​ക്കാൻ പഠിപ്പി​ക്കാ​മോ’ എന്ന്‌, തന്റെകൂ​ടെ മുമ്പ്‌ ജോലി ചെയ്‌തി​രുന്ന ഒരു സ്‌ത്രീ​യോ​ടു ചോദി​ക്കു​ക​യും ചെയ്‌തു. അപ്പോൾ, ബൈബി​ളും ജീവിതം ആസ്വദി​ക്കാം എന്നേക്കും! എന്ന ലഘുപ​ത്രി​ക​യും ഉപയോ​ഗിച്ച്‌ ക്രിസ്റ്റീ​നയെ ജാപ്പനീസ്‌ ഭാഷ പഠിപ്പി​ക്കാ​മെന്ന്‌ ആ സ്‌ത്രീ സമ്മതിച്ചു. എന്തായി​രു​ന്നു ഫലം? ക്രിസ്റ്റീന ജാപ്പനീസ്‌ ഭാഷ നന്നായി സംസാ​രി​ക്കാൻ പഠി​ച്ചെന്നു മാത്രമല്ല ആ സ്‌ത്രീ ബൈബിൾസ​ത്യ​ങ്ങ​ളിൽ താത്‌പ​ര്യം കാണി​ക്കാൻ തുടങ്ങു​ക​യും ചെയ്‌തു. അതു​കൊണ്ട്‌ കഴിഞ്ഞ​തി​നെ​ക്കു​റിച്ച്‌ ഓർത്ത്‌ സങ്കട​പ്പെ​ടാ​തെ ജീവി​ത​ത്തിൽ സന്തോഷം തരുന്ന കാര്യ​ങ്ങ​ളിൽ ശ്രദ്ധിച്ച്‌ മുന്നോ​ട്ടു പോകു​ന്നെ​ങ്കിൽ പ്രതീ​ക്ഷി​ക്കാത്ത അനു​ഗ്ര​ഹ​ങ്ങ​ളാ​യി​രി​ക്കും നമുക്കു കിട്ടു​ന്നത്‌.

11. സാമ്പത്തി​ക​ബു​ദ്ധി​മുട്ട്‌ ഉണ്ടായ​പ്പോൾ അതുമാ​യി പൊരു​ത്ത​പ്പെ​ടാൻ ഒരു ദമ്പതി​കൾക്ക്‌ എങ്ങനെ​യാ​ണു കഴിഞ്ഞത്‌?

¹¹ മറ്റുള്ള​വരെ സഹായി​ക്കാൻ എന്തെങ്കി​ലും ചെയ്യുക. നമ്മുടെ പ്രവർത്ത​ന​ത്തി​നു നിരോ​ധ​ന​മുള്ള ഒരു രാജ്യത്ത്‌ താമസി​ക്കുന്ന ഒരു ദമ്പതി​ക​ളു​ടെ അനുഭവം നോക്കാം. ആ രാജ്യം സാമ്പത്തിക പ്രതി​സ​ന്ധി​യി​ലാ​യ​പ്പോൾ അവർക്കു സ്ഥിരമാ​യി ഉണ്ടായി​രുന്ന വരുമാ​നം നഷ്ടപ്പെട്ടു. അവർ എങ്ങനെ​യാണ്‌ അതുമാ​യി പൊരു​ത്ത​പ്പെ​ട്ടത്‌? ഒന്നാമ​താ​യി, ചെലവ്‌ ചുരുക്കി ജീവി​ക്കാൻ അവർ ശ്രമിച്ചു. കൂടാതെ തങ്ങളുടെ പ്രശ്‌ന​ത്തെ​ക്കു​റി​ച്ചു​തന്നെ ചിന്തി​ച്ചു​കൊ​ണ്ടി​രി​ക്കു​ന്ന​തി​നു പകരം കഴിയു​ന്നത്ര ആളുക​ളോ​ടു സന്തോ​ഷ​വാർത്ത അറിയി​ച്ചു​കൊണ്ട്‌ മറ്റുള്ള​വരെ സഹായി​ക്കു​ന്ന​തിൽ ശ്രദ്ധി​ക്കാൻ അവർ തീരു​മാ​നി​ച്ചു. (പ്രവൃ. 20:35) അതെക്കു​റിച്ച്‌ ഭർത്താവ്‌ പറയുന്നു: “പ്രസം​ഗ​പ്ര​വർത്ത​ന​ത്തി​നു​വേണ്ടി കൂടുതൽ സമയം ഉപയോ​ഗി​ച്ച​തു​കൊണ്ട്‌ ഞങ്ങളുടെ പ്രശ്‌ന​ത്തെ​ക്കു​റിച്ച്‌ ചിന്തി​ക്കാൻ അധികം സമയം കിട്ടി​യില്ല. മാത്രമല്ല, ദൈവ​സേ​വ​ന​ത്തിൽ കൂടുതൽ ചെയ്യാ​നും ഞങ്ങൾക്കു കഴിഞ്ഞു.” അതു​കൊണ്ട്‌ സാഹച​ര്യ​ങ്ങൾക്കു മാറ്റം​വ​രു​മ്പോ​ഴും മറ്റുള്ള​വരെ സഹായി​ക്കു​ന്നത്‌ എത്ര പ്രധാ​ന​മാ​ണെന്നു നമ്മൾ ഓർക്കണം, പ്രത്യേ​കിച്ച്‌ പ്രസം​ഗ​പ്ര​വർത്തനം ചെയ്‌തു​കൊണ്ട്‌.

12. പ്രസം​ഗ​പ്ര​വർത്ത​ന​ത്തിൽ വഴക്കം കാണി​ക്കാൻ അപ്പോ​സ്‌ത​ല​നായ പൗലോ​സി​ന്റെ മാതൃക നമ്മളെ സഹായി​ക്കു​ന്നത്‌ എങ്ങനെ?

¹² ശുശ്രൂ​ഷ​യിൽ നമ്മൾ വഴക്കം കാണി​ക്കേ​ണ്ട​തുണ്ട്‌. കാരണം പലപല മതവി​ശ്വാ​സ​ങ്ങ​ളും മനോ​ഭാ​വ​ങ്ങ​ളും ഉള്ള വ്യത്യ​സ്‌ത​പ​ശ്ചാ​ത്ത​ല​ങ്ങ​ളിൽപ്പെട്ട ആളുകളെ നമ്മൾ കണ്ടുമു​ട്ടു​ന്നു. ഇക്കാര്യ​ത്തിൽ അപ്പോ​സ്‌ത​ല​നായ പൗലോ​സി​ന്റെ മാതൃ​ക​യിൽനിന്ന്‌ നമുക്കു പഠിക്കാ​നാ​കും. അദ്ദേഹം പ്രസം​ഗ​പ്ര​വർത്ത​ന​ത്തിൽ വഴക്കം കാണിച്ചു. യേശു പൗലോ​സി​നെ ‘ജനതക​ളു​ടെ അപ്പോ​സ്‌ത​ല​നാ​യാ​ണു’ നിയമി​ച്ചത്‌. (റോമ. 11:13) ആ നിയമ​ന​ത്തി​ന്റെ ഭാഗമാ​യി പൗലോസ്‌ ജൂതന്മാ​രോ​ടും ഗ്രീക്കു​കാ​രോ​ടും ഉയർന്ന വിദ്യാ​ഭ്യാ​സ​മു​ള്ള​വ​രോ​ടും വെറും സാധാ​ര​ണ​ക്കാ​രോ​ടും അധികാ​രി​ക​ളോ​ടും രാജാ​ക്ക​ന്മാ​രോ​ടും ഒക്കെ പ്രസം​ഗി​ച്ചു. താൻ പറയുന്ന കാര്യങ്ങൾ പല പശ്ചാത്ത​ല​ത്തിൽപ്പെട്ട ആളുകളെ സ്വാധീ​നി​ക്കാൻവേണ്ടി അദ്ദേഹം “എല്ലാ തരം ആളുകൾക്കും എല്ലാമാ​യി​ത്തീർന്നു.” (1 കൊരി. 9:19-23) തന്റെ കേൾവി​ക്കാ​രു​ടെ സംസ്‌കാ​ര​വും പശ്ചാത്ത​ല​വും വിശ്വാ​സ​ങ്ങ​ളും എന്തൊ​ക്കെ​യാ​ണെന്നു നന്നായി ചിന്തി​ച്ചിട്ട്‌ ഓരോ​രു​ത്തർക്കും ആകർഷ​ക​മായ രീതി​യി​ലാണ്‌ അദ്ദേഹം സംസാ​രി​ച്ചത്‌. നമ്മളും അതു​പോ​ലെ ഓരോ​രു​ത്ത​രെ​യും സഹായി​ക്കാ​നുള്ള ഏറ്റവും നല്ല വഴി എന്താ​ണെന്നു നേര​ത്തേ​തന്നെ ചിന്തി​ക്കു​ക​യും കണ്ടുമു​ട്ടുന്ന ആളുകൾക്ക​നു​സ​രി​ച്ചു വഴക്കം കാണി​ക്കു​ക​യും ചെയ്യു​ന്നെ​ങ്കിൽ ശുശ്രൂ​ഷ​യിൽ നല്ല ഫലം കിട്ടും.

13. മറ്റുള്ള​വ​രു​ടെ വീക്ഷണ​ങ്ങളെ ആദരി​ക്കു​ന്നെ​ങ്കിൽ 1 കൊരി​ന്ത്യർ 8:9-ൽ പറഞ്ഞി​രി​ക്കുന്ന ഏതു പ്രശ്‌നം നമുക്ക്‌ ഒഴിവാ​ക്കാം?

¹³ നമ്മൾ വഴക്കമു​ള്ള​വ​രാ​ണെ​ങ്കിൽ മറ്റുള്ള​വ​രു​ടെ വീക്ഷണ​ങ്ങളെ ആദരി​ക്കാ​നും തയ്യാറാ​കും. ഉദാഹ​ര​ണ​ത്തിന്‌, ചില സഹോ​ദ​രി​മാർ മേക്കപ്പ്‌ ചെയ്‌ത്‌ ഒരുങ്ങി​ന​ട​ക്കാൻ ഇഷ്ടമു​ള്ള​വ​രാ​യി​രി​ക്കും. എന്നാൽ മറ്റു ചിലർക്ക്‌ അതി​നോ​ടു തീരെ താത്‌പ​ര്യം കാണില്ല. ഇനി, ചില ക്രിസ്‌ത്യാ​നി​കൾ മിതമായ അളവിൽ മദ്യം കഴിക്കു​ന്ന​വ​രാ​യി​രി​ക്കാം. പക്ഷേ മറ്റു ചിലർ അതു തൊടു​ക​പോ​ലു​മില്ല. നല്ല ആരോ​ഗ്യം ഉണ്ടായി​രി​ക്കാൻ നമ്മളെ​ല്ലാം ആഗ്രഹി​ക്കു​ന്നുണ്ട്‌. പക്ഷേ ആരോ​ഗ്യ​പ​രി​പാ​ല​ന​ത്തി​നു​വേണ്ടി ഓരോ​രു​ത്ത​രും തിര​ഞ്ഞെ​ടു​ക്കുന്ന രീതികൾ പലതാ​യി​രി​ക്കും. നമ്മൾ പറയു​ന്ന​താണ്‌ എപ്പോ​ഴും ശരി​യെന്നു ചിന്തി​ച്ചു​കൊണ്ട്‌ എല്ലാവ​രും അങ്ങനെ ചെയ്യണ​മെന്നു വാശി​പി​ടി​ച്ചാൽ അതു പലരെ​യും ഇടറി​വീ​ഴി​ക്കും, സഭയിൽ ഭിന്നിപ്പ്‌ ഉണ്ടാകു​ക​യും ചെയ്യും. അങ്ങനെ ചെയ്യാൻ നമ്മൾ ഒരിക്ക​ലും ആഗ്രഹി​ക്കില്ല!  (1 കൊരി​ന്ത്യർ 8:9 വായി​ക്കുക; 10:23, 24) ബൈബിൾത​ത്ത്വ​ങ്ങൾക്കു ചേർച്ച​യിൽ പ്രവർത്തി​ക്കു​ന്നതു സമനി​ല​യോ​ടെ കാര്യങ്ങൾ കാണാ​നും സഭയിൽ സമാധാ​നം നിലനി​റു​ത്താ​നും സഹായി​ക്കും. അത്‌ എങ്ങനെ​യാണ്‌ എന്നതിനു രണ്ട്‌ ഉദാഹ​ര​ണങ്ങൾ നോക്കാം.

14. വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും കാര്യ​ത്തിൽ ഒരു തീരു​മാ​ന​മെ​ടു​ക്കു​മ്പോൾ ഏതു ബൈബിൾത​ത്ത്വ​ങ്ങൾ നമ്മൾ ഓർക്കണം?

¹⁴ വസ്‌ത്ര​ധാ​ര​ണ​വും ചമയവും. എന്തു ധരിക്കണം എന്ന കാര്യ​ത്തിൽ കൃത്യ​മായ ഒരു നിയമം വെക്കു​ന്ന​തി​നു പകരം ഇക്കാര്യ​ത്തിൽ ഒരു തീരു​മാ​നം എടുക്കാൻ സഹായി​ക്കുന്ന ചില തത്ത്വങ്ങ​ളാണ്‌ യഹോവ നമുക്കു തന്നിട്ടു​ള്ളത്‌. വസ്‌ത്ര​ധാ​ര​ണ​ത്തി​ന്റെ കാര്യ​ത്തിൽ വഴക്കം കാണി​ച്ചു​കൊണ്ട്‌ നമുക്ക്‌ യഹോ​വയെ മഹത്ത്വ​പ്പെ​ടു​ത്താം. അതിനു​വേണ്ടി നമ്മൾ മാന്യ​മാ​യി, “സുബോ​ധ​ത്തോ​ടെ” വസ്‌ത്രം ധരിക്കണം. (1 തിമൊ. 2:9, 10; 1 പത്രോ. 3:3) അങ്ങനെ​യാ​കു​മ്പോൾ നമ്മൾ നമ്മളി​ലേ​ക്കു​തന്നെ അനാവ​ശ്യ​മാ​യി ശ്രദ്ധ ആകർഷി​ക്കില്ല. വസ്‌ത്ര​ധാ​ര​ണ​ത്തോ​ടും ഹെയർ​സ്റ്റൈ​ലി​നോ​ടും ബന്ധപ്പെട്ടു സ്വന്തം നിയമങ്ങൾ വെക്കാ​തി​രി​ക്കാൻ ബൈബിൾത​ത്ത്വ​ങ്ങൾ മൂപ്പന്മാ​രെ​യും സഹായി​ക്കും. ഉദാഹ​ര​ണ​ത്തിന്‌, ഒരു സഭയിലെ മൂപ്പന്മാർ അവി​ടെ​യുള്ള ചില ചെറു​പ്പ​ക്കാ​രെ ഇക്കാര്യ​ത്തിൽ സഹായി​ക്കാൻ ആഗ്രഹി​ച്ചു. അവിടെ വളരെ പ്രചാ​ര​ത്തി​ലി​രുന്ന ഒരു ഹെയർ​സ്റ്റൈ​ലാ​യി​രു​ന്നു അവരു​ടേത്‌. മുടിക്കു നീളം കുറവാ​യി​രു​ന്നെ​ങ്കി​ലും അതു ചീകി​യൊ​തു​ക്കാ​തെ നടക്കു​ന്ന​താ​യി​രു​ന്നു അവരുടെ രീതി. ഹെയർ​സ്റ്റൈ​ലി​ന്റെ കാര്യ​ത്തിൽ പ്രത്യേ​കിച്ച്‌ ഒരു നിയമം വെക്കാതെ ആ മൂപ്പന്മാർക്ക്‌ എങ്ങനെ അവരെ സഹായി​ക്കാ​നാ​കു​മാ​യി​രു​ന്നു? ആ ചെറു​പ്പ​ക്കാ​രോട്‌ ഇങ്ങനെ പറയാൻ സർക്കിട്ട്‌ മേൽവി​ചാ​രകൻ മൂപ്പന്മാ​രോ​ടു പറഞ്ഞു: “നിങ്ങൾ സ്റ്റേജിൽനിന്ന്‌ ഒരു പരിപാ​ടി നടത്തു​മ്പോൾ നിങ്ങൾ പറയുന്ന കാര്യ​ങ്ങ​ളെ​ക്കാൾ നിങ്ങളു​ടെ വസ്‌ത്ര​ധാ​ര​ണ​വും ചമയവും ആണ്‌ സഹോ​ദ​രങ്ങൾ ശ്രദ്ധി​ക്കു​ന്ന​തെ​ങ്കിൽ അതിൽ എന്തോ ഒരു കുഴപ്പ​മു​ണ്ടെ​ന്നല്ലേ അതു കാണി​ക്കു​ന്നത്‌?” അതുമാ​ത്രം മതിയാ​യി​രു​ന്നു ആ പ്രശ്‌നം പരിഹ​രി​ക്കാൻ. പ്രത്യേ​കി​ച്ചു നിയമം ഒന്നും വെക്കാ​തെ​തന്നെ എന്തു ചെയ്യണ​മെന്ന്‌ ആ ചെറു​പ്പ​ക്കാർക്കു മനസ്സി​ലാ​യി. d

15. ആരോ​ഗ്യ​പ​രി​പാ​ല​ന​ത്തോ​ടു ബന്ധപ്പെട്ട്‌ ശരിയായ തീരു​മാ​ന​മെ​ടു​ക്കാൻ ഏതു ബൈബിൾനി​യ​മ​ങ്ങ​ളും തത്ത്വങ്ങ​ളും നമ്മളെ സഹായി​ക്കും? (റോമർ 14:5)

¹⁵ ആരോ​ഗ്യ​പ​രി​പാ​ലനം. സ്വന്തം ആരോ​ഗ്യ​പ​രി​പാ​ല​ന​ത്തി​ന്റെ കാര്യ​ത്തിൽ എന്തു ചെയ്യണ​മെന്ന്‌ ഓരോ​രു​ത്ത​രു​മാ​ണു  തീരു​മാ​നി​ക്കേ​ണ്ടത്‌. (ഗലാ. 6:5) ചികി​ത്സ​യോ​ടു ബന്ധപ്പെട്ട്‌ ഒരു ക്രിസ്‌ത്യാ​നി തീരു​മാ​ന​മെ​ടു​ക്കു​മ്പോൾ രക്തവും ഭൂതവി​ദ്യ​യും ഒഴിവാ​ക്കാ​നുള്ള ബൈബിൾനി​യമം അനുസ​രി​ക്കണം. (പ്രവൃ. 15:20; ഗലാ. 5:19, 20) ഇവ ഒഴി​കെ​യുള്ള കാര്യ​ങ്ങ​ളിൽ ഓരോ​രു​ത്തർക്കും സ്വന്തം ഇഷ്ടമനു​സ​രിച്ച്‌ തീരു​മാ​ന​മെ​ടു​ക്കാ​വു​ന്ന​താണ്‌. ആരോ​ഗ്യ​പ​രി​പാ​ല​ന​ത്തി​നു​വേണ്ടി ഓരോ​രു​ത്ത​രും വ്യത്യ​സ്‌ത​ചി​കി​ത്സാ​രീ​തി​കൾ തിര​ഞ്ഞെ​ടു​ത്തേ​ക്കാം. ഏതെങ്കി​ലും ഒരു ചികി​ത്സാ​രീ​തി​യോ​ടു നമുക്കു ചില​പ്പോൾ കൂടുതൽ ഇഷ്ടമു​ണ്ടാ​യി​രി​ക്കാം. പക്ഷേ വേറൊ​രാൾ മറ്റൊരു ചികി​ത്സാ​രീ​തി​യാണ്‌ ഇഷ്ടപ്പെ​ടു​ന്ന​തെ​ങ്കിൽ അവർക്ക്‌ അതു തീരു​മാ​നി​ക്കാ​നുള്ള അവകാശം ഉണ്ടെന്നു നമ്മൾ അംഗീ​ക​രി​ക്കണം. അതു​കൊണ്ട്‌ ഇതി​നോ​ടുള്ള ബന്ധത്തിൽ പിൻവ​രുന്ന നാലു കാര്യങ്ങൾ നമുക്കു മനസ്സിൽപ്പി​ടി​ക്കാം: (1) ദൈവ​രാ​ജ്യ​ത്തി​ലൂ​ടെ മാത്രമേ നമ്മുടെ ആരോ​ഗ്യ​പ്ര​ശ്‌നങ്ങൾ പൂർണ​മാ​യും എന്നേക്കു​മാ​യും മാറു​ക​യു​ള്ളൂ. (യശ. 33:24) (2) ചികി​ത്സ​യു​ടെ കാര്യ​ത്തിൽ ഒരു തീരു​മാ​ന​മെ​ടു​ക്കു​മ്പോൾ തനിക്ക്‌ ഏറ്റവും നല്ലത്‌ എന്താ​ണെന്ന്‌ ഓരോ വ്യക്തി​ക്കും ‘പൂർണ​ബോ​ധ്യ​മു​ണ്ടാ​യി​രി​ക്കണം.’ (റോമർ 14:5 വായി​ക്കുക.) (3) നമ്മൾ മറ്റുള്ള​വരെ വിധി​ക്കു​ക​യോ ആരെങ്കി​ലും ഇടറി​വീ​ഴാൻ ഇടയാ​ക്കു​ക​യോ അരുത്‌. (റോമ. 14:13) (4) നമ്മൾ എല്ലാവ​രെ​യും സ്‌നേ​ഹി​ക്കു​ക​യും നമ്മുടെ ഇഷ്ടത്തെ​ക്കാൾ സഭയുടെ ഐക്യ​മാ​ണു കൂടുതൽ പ്രധാ​ന​മെന്ന്‌ ഓർക്കു​ക​യും വേണം. (റോമ. 14:15, 19, 20) ഇതൊക്കെ മനസ്സിൽപ്പി​ടി​ച്ചു​കൊണ്ട്‌ പ്രവർത്തി​ക്കു​ക​യാ​ണെ​ങ്കിൽ സഹോ​ദ​ര​ങ്ങ​ളു​മാ​യി നല്ല ബന്ധത്തി​ലാ​യി​രി​ക്കാ​നും സഭയിൽ സമാധാ​നം നിലനി​റു​ത്താ​നും നമുക്കാ​കും.

16. മറ്റു മൂപ്പന്മാ​രോ​ടുള്ള ഇടപെ​ട​ലിൽ ഒരു മൂപ്പന്‌ എങ്ങനെ വഴക്കം കാണി​ക്കാ​നാ​കും? (ചിത്ര​ങ്ങ​ളും കാണുക.)

¹⁶ വഴക്കം കാണി​ക്കുന്ന കാര്യ​ത്തിൽ മൂപ്പന്മാർ നല്ലൊരു മാതൃ​ക​യാ​യി​രി​ക്കണം. (1 തിമൊ. 3:2, 3) ഉദാഹ​ര​ണ​ത്തിന്‌ തനിക്ക്‌ അനുഭ​വ​പ​രി​ചയം കൂടു​ത​ലു​ള്ള​തു​കൊണ്ട്‌ തന്റെ അഭി​പ്രാ​യം മറ്റു മൂപ്പന്മാർ എപ്പോ​ഴും സ്വീക​രി​ക്ക​ണ​മെന്ന്‌ ഒരു മൂപ്പൻ ചിന്തി​ക്ക​രുത്‌. ശരിയായ തീരു​മാ​ന​മെ​ടു​ക്കാൻ സഹായി​ക്കുന്ന ഒരു അഭി​പ്രാ​യം പറയാൻ മൂപ്പന്മാ​രു​ടെ സംഘത്തി​ലെ ആരെ വേണ​മെ​ങ്കി​ലും ദൈവാ​ത്മാ​വി​നു നയിക്കാ​നാ​കു​മെന്ന്‌ അദ്ദേഹം തിരി​ച്ച​റി​യണം. മൂപ്പന്മാ​രു​ടെ സംഘത്തിന്‌ ഒരു തീരു​മാ​ന​മെ​ടു​ക്കേ​ണ്ടി​വ​രു​മ്പോൾ ബൈബിൾത​ത്ത്വ​ങ്ങ​ളു​ടെ ലംഘന​മൊ​ന്നും ഉൾപ്പെ​ട്ടി​ട്ടി​ല്ലെ​ങ്കിൽ വഴക്കമുള്ള മൂപ്പന്മാർ ഭൂരി​പ​ക്ഷ​ത്തി​ന്റെ അഭി​പ്രാ​യ​ത്തോട്‌ മനസ്സോ​ടെ യോജി​ക്കും, ഒരുപക്ഷേ അതു സംബന്ധിച്ച തങ്ങളുടെ അഭി​പ്രാ​യം മറ്റൊ​ന്നാ​ണെ​ങ്കിൽപ്പോ​ലും.

17. വഴക്കം കാണി​ക്കു​ന്ന​തി​ലൂ​ടെ നമുക്ക്‌ എന്തെല്ലാം അനു​ഗ്ര​ഹങ്ങൾ കിട്ടും?

¹⁷ വഴക്കം കാണി​ക്കു​ന്ന​തി​ലൂ​ടെ നമുക്ക്‌ ഒരുപാട്‌ അനു​ഗ്ര​ഹ​ങ്ങ​ളാ​ണു കിട്ടു​ന്നത്‌. സഹോ​ദ​ര​ങ്ങ​ളു​മാ​യി നല്ല സ്‌നേ​ഹ​ബ​ന്ധ​ത്തി​ലാ​യി​രി​ക്കാ​നും സഭയിൽ സമാധാ​നം നിലനി​റു​ത്താ​നും കഴിയു​ന്നു. പല സംസ്‌കാ​ര​ത്തിൽനി​ന്നുള്ള വ്യത്യ​സ്‌ത​സ്വ​ഭാ​വ​ക്കാ​രായ സഹോ​ദ​ര​ങ്ങ​ളോ​ടൊ​പ്പം ഐക്യ​ത്തിൽ യഹോ​വയെ സേവി​ക്കു​ന്ന​തി​ന്റെ സന്തോഷം ആസ്വദി​ക്കാ​നാ​കു​ന്നു. ഏറ്റവും പ്രധാ​ന​മാ​യി, വഴക്കം കാണി​ക്കുന്ന ദൈവ​മായ യഹോ​വയെ അനുക​രി​ക്കു​ന്ന​തി​ന്റെ സംതൃ​പ്‌തി​യും നമുക്കുണ്ട്‌.