1. ബൈബിൾ പഠിച്ചു​തു​ട​ങ്ങി​യ​പ്പോൾ ഏതൊക്കെ സത്യങ്ങ​ളാ​ണു നിങ്ങൾ മനസ്സി​ലാ​ക്കി​യത്‌?

 നിങ്ങൾ ആദ്യമാ​യി ബൈബിൾ പഠിച്ച സമയ​ത്തെ​ക്കു​റിച്ച്‌ ഓർക്കു​ന്നു​ണ്ടോ? അന്ന്‌ എന്തൊക്കെ കാര്യ​ങ്ങ​ളാ​ണു മനസ്സി​ലാ​ക്കി​യത്‌? ദൈവ​ത്തിന്‌ ഒരു പേരു​ണ്ടെന്ന്‌ അറിഞ്ഞ​പ്പോൾ ഒരുപക്ഷേ നിങ്ങൾ അതിശ​യി​ച്ചു​പോ​യി​ട്ടു​ണ്ടാ​കും. ദൈവം ആളുകളെ തീ നരകത്തി​ലിട്ട്‌ ശിക്ഷി​ക്കു​ന്നി​ല്ലെന്നു കേട്ട​പ്പോൾ നിങ്ങൾക്ക്‌ ആശ്വാസം തോന്നി​യോ? ഇനി, മരിച്ചു​പോയ പ്രിയ​പ്പെ​ട്ട​വരെ വീണ്ടും കാണാ​മെ​ന്നും അവരോ​ടൊ​പ്പം ഭൂമി​യി​ലെ പറുദീ​സ​യിൽ ജീവി​ക്കാ​മെ​ന്നും അറിഞ്ഞ​പ്പോൾ നിങ്ങൾക്ക്‌ ആവേശം തോന്നി​യി​ട്ടു​ണ്ടാ​കണം.

2. ബൈബിൾസ​ത്യ​ങ്ങൾ പഠിക്കു​ന്നതു കൂടാതെ മറ്റെന്തു പുരോ​ഗ​തി​കൂ​ടെ നിങ്ങൾ വരുത്തി? (എഫെസ്യർ 5:1, 2)

² ദൈവ​വ​ചനം കൂടുതൽ പഠിച്ച​പ്പോൾ യഹോ​വ​യോ​ടുള്ള നിങ്ങളു​ടെ സ്‌നേഹം ആഴമു​ള്ള​താ​യി. ആ സ്‌നേഹം, പഠിച്ച കാര്യങ്ങൾ അനുസ​രി​ക്കാൻ നിങ്ങളെ പ്രേരി​പ്പി​ച്ചു. ബൈബിൾത​ത്ത്വ​ങ്ങൾക്ക​നു​സ​രിച്ച്‌ നിങ്ങൾ നല്ല തീരു​മാ​ന​ങ്ങ​ളെ​ടു​ത്തു. യഹോ​വയെ സന്തോ​ഷി​പ്പി​ക്കാൻ ആഗ്രഹി​ച്ച​തു​കൊണ്ട്‌ ശരിയാ​യി ചിന്തി​ക്കാ​നും പ്രവർത്തി​ക്കാ​നും നിങ്ങൾ പഠിച്ചു. ഒരു കുട്ടി അവന്റെ സ്‌നേ​ഹ​മുള്ള പിതാ​വി​നെ അനുക​രി​ക്കു​ന്ന​തു​പോ​ലെ നിങ്ങളും നിങ്ങളു​ടെ സ്വർഗീ​യ​പി​താ​വി​നെ അനുക​രി​ക്കു​ക​യാ​യി​രു​ന്നു.—എഫെസ്യർ 5:1, 2 വായി​ക്കുക.

3. ഏതൊക്കെ ചോദ്യ​ങ്ങൾ നമുക്കു സ്വയം ചോദി​ക്കാം?

³ നമുക്ക്‌ ഇങ്ങനെ സ്വയം ചോദി​ക്കാം: ‘സ്‌നാ​ന​മേ​റ്റ​പ്പോൾ ഉണ്ടായി​രു​ന്ന​തി​നെ​ക്കാൾ കൂടുതൽ സ്‌നേഹം ഇപ്പോൾ എനിക്ക്‌ യഹോ​വ​യോ​ടു​ണ്ടോ? അന്നു​തൊട്ട്‌ ഞാൻ യഹോ​വ​യെ​പ്പോ​ലെ​യാ​ണോ ചിന്തി​ക്കു​ക​യും പ്രവർത്തി​ക്കു​ക​യും ചെയ്യു​ന്നത്‌, പ്രത്യേ​കി​ച്ചും സഹോ​ദ​ര​ങ്ങ​ളോ​ടു സ്‌നേഹം കാണി​ക്കുന്ന കാര്യ​ത്തിൽ?’ ഇങ്ങനെ​യൊ​ക്കെ ചിന്തി​ച്ച​പ്പോൾ നിങ്ങൾക്ക്‌ “ആദ്യമു​ണ്ടാ​യി​രുന്ന സ്‌നേഹം” കുറഞ്ഞു​പോ​യി​ട്ടു​ണ്ടെന്നു തോന്നി​യെ​ങ്കിൽ നിരാ​ശ​പ്പെ​ടേണ്ടാ. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്കും ഇങ്ങനെ സംഭവി​ച്ചു. എന്നിട്ടും യേശു അവരെ ഉപേക്ഷി​ച്ചില്ല. (വെളി. 2:4, 7) നമ്മളെ​യും ഉപേക്ഷി​ക്കില്ല. കാരണം തുടക്ക​ത്തി​ലു​ണ്ടാ​യി​രുന്ന  സ്‌നേഹം വീണ്ടും ശക്തമാ​ക്കാൻ നമുക്കു കഴിയു​മെന്നു യേശു​വിന്‌ അറിയാം.

4. ഈ ലേഖന​ത്തിൽ നമ്മൾ എന്തു പഠിക്കും?

⁴ യഹോ​വ​യോ​ടും ആളുക​ളോ​ടും ഉള്ള സ്‌നേഹം തുടർന്നും ശക്തമാ​ക്കാൻ നമുക്ക്‌ എന്തു ചെയ്യാ​മെന്ന്‌ ഈ ലേഖന​ത്തിൽ പഠിക്കും. അങ്ങനെ സ്‌നേഹം ശക്തമാ​ക്കു​മ്പോൾ നമുക്കും മറ്റുള്ള​വർക്കും ലഭിക്കുന്ന ചില അനു​ഗ്ര​ഹ​ങ്ങ​ളെ​ക്കു​റി​ച്ചും നമ്മൾ കാണും.

5-6. (എ) പൗലോ​സി​നു ശുശ്രൂ​ഷ​യിൽ എന്തെല്ലാം പ്രശ്‌നങ്ങൾ നേരിട്ടു? (ബി) ദൈവ​സേ​വ​ന​ത്തിൽ തുടരാൻ പൗലോ​സി​നെ എന്താണു സഹായി​ച്ചത്‌?

⁵ യഹോ​വയെ സേവി​ക്കു​ന്ന​തിൽ പൗലോസ്‌ വളരെ​യ​ധി​കം സന്തോഷം ആസ്വദി​ച്ചി​രു​ന്നു. എങ്കിലും അദ്ദേഹ​ത്തി​നു പല ബുദ്ധി​മു​ട്ടു​ക​ളും നേരി​ടേ​ണ്ടി​വന്നു. ഉദാഹ​ര​ണ​ത്തിന്‌, പൗലോ​സി​നു കൂടെ​ക്കൂ​ടെ നീണ്ട യാത്രകൾ നടത്തേ​ണ്ടി​വ​രു​മാ​യി​രു​ന്നു. അക്കാലത്ത്‌ യാത്രകൾ അത്ര എളുപ്പ​വു​മാ​യി​രു​ന്നില്ല. ആ സമയത്ത്‌ പൗലോ​സി​നു ‘നദിക​ളി​ലെ ആപത്തും കവർച്ച​ക്കാ​രിൽനി​ന്നുള്ള ആപത്തും’ ഉണ്ടായി​ട്ടുണ്ട്‌. ശത്രു​ക്ക​ളിൽനിന്ന്‌ ഉപദ്രവം സഹി​ക്കേ​ണ്ടി​വന്ന സാഹച​ര്യ​ങ്ങ​ളി​ലൂ​ടെ​യും അദ്ദേഹം കടന്നു​പോ​യി​ട്ടുണ്ട്‌. (2 കൊരി. 11:23-27) ഇനി, പൗലോസ്‌ തന്റെ ക്രിസ്‌തീയ സഹോ​ദ​ര​ങ്ങൾക്കു​വേണ്ടി ആത്മാർഥ​മാ​യി ചെയ്‌ത ശ്രമങ്ങളെ അവർ പലപ്പോ​ഴും വിലമ​തി​ച്ചു​മില്ല.—2 കൊരി. 10:10; ഫിലി. 4:15.

⁶ എന്നിട്ടും ദൈവ​സേ​വ​ന​ത്തിൽ തുടരാൻ പൗലോ​സി​നെ എന്താണു സഹായി​ച്ചത്‌? തിരു​വെ​ഴു​ത്തു​ക​ളിൽനി​ന്നും സ്വന്തം അനുഭ​വ​ങ്ങ​ളിൽനി​ന്നും പൗലോസ്‌ യഹോ​വ​യു​ടെ വ്യക്തി​ത്വ​ത്തെ​ക്കു​റിച്ച്‌ ഒരുപാ​ടു കാര്യങ്ങൾ പഠിച്ചു. അങ്ങനെ, യഹോവ തന്നെ സ്‌നേ​ഹി​ക്കു​ന്നു​ണ്ടെന്ന ഉറപ്പ്‌ അദ്ദേഹ​ത്തി​നു കിട്ടി. (റോമ. 8:38, 39; എഫെ. 2:4, 5) അതു​കൊ​ണ്ടു​തന്നെ പൗലോ​സി​നും യഹോ​വ​യോ​ടു വളരെ​യ​ധി​കം സ്‌നേഹം തോന്നി. “വിശു​ദ്ധരെ ശുശ്രൂ​ഷി​ച്ച​തി​ലൂ​ടെ​യും” അതിൽ തുടർന്ന​തി​ലൂ​ടെ​യും പൗലോസ്‌ ദൈവ​ത്തോ​ടുള്ള സ്‌നേഹം കാണിച്ചു.—എബ്രാ. 6:10.

7. യഹോ​വ​യോ​ടുള്ള സ്‌നേഹം ശക്തമാ​ക്കാൻ നമ്മളെ സഹായി​ക്കുന്ന ഒരു കാര്യം ഏതാണ്‌?

⁷ ദൈവ​വ​ചനം ഉത്സാഹ​ത്തോ​ടെ പഠിച്ചു​കൊണ്ട്‌ യഹോ​വ​യോ​ടുള്ള നമ്മുടെ സ്‌നേഹം ശക്തമാ​ക്കാ​നാ​കും. ബൈബിൾ വായി​ക്കു​മ്പോൾ ഓരോ ഭാഗവും യഹോ​വ​യെ​ക്കു​റിച്ച്‌ എന്താണു പഠിപ്പി​ക്കു​ന്ന​തെന്നു മനസ്സി​ലാ​ക്കാൻ ശ്രമി​ക്കുക. എന്നിട്ട്‌ നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘യഹോവ എന്നെ സ്‌നേ​ഹി​ക്കു​ന്നു​ണ്ടെന്ന്‌ ഈ ബൈബിൾവി​വ​രണം എങ്ങനെ​യാ​ണു കാണി​ക്കു​ന്നത്‌? യഹോ​വയെ സ്‌നേ​ഹി​ക്കാൻ എന്തൊക്കെ കാരണ​ങ്ങ​ളാണ്‌ അത്‌ എനിക്കു തരുന്നത്‌?’

8. യഹോ​വ​യോ​ടുള്ള സ്‌നേ​ഹ​ത്തിൽ വളരാൻ പ്രാർഥന എങ്ങനെ​യാ​ണു നമ്മളെ സഹായി​ക്കു​ന്നത്‌?

⁸ യഹോ​വ​യോ​ടുള്ള സ്‌നേ​ഹ​ത്തിൽ വളരാൻ നമ്മളെ സഹായി​ക്കുന്ന മറ്റൊരു കാര്യം എല്ലാ ദിവസ​വും മനസ്സു​തു​റന്ന്‌ ദൈവ​ത്തോ​ടു പ്രാർഥി​ക്കുക എന്നതാണ്‌. (സങ്കീ. 25:4, 5) അപ്പോൾ യഹോവ നമ്മുടെ പ്രാർഥ​ന​കൾക്ക്‌ ഉത്തരം തരും. (1 യോഹ. 3:21, 22) ഏഷ്യയിൽ നിന്നുള്ള കെൻ സഹോ​ദരി പറയുന്നു: “ദൈവ​ത്തെ​ക്കു​റിച്ച്‌ പഠിച്ച കാര്യ​ങ്ങ​ളാണ്‌ യഹോ​വയെ സ്‌നേ​ഹി​ക്കാൻ ആദ്യം എന്നെ പ്രേരി​പ്പി​ച്ചത്‌. പക്ഷേ എന്റെ പ്രാർഥ​ന​കൾക്ക്‌ യഹോവ ഉത്തരം തരുന്നതു കണ്ടപ്പോൾ ആ സ്‌നേഹം കൂടുതൽ ആഴമു​ള്ള​താ​യി. അപ്പോൾ യഹോ​വയെ സന്തോ​ഷി​പ്പി​ക്കുന്ന കാര്യങ്ങൾ ചെയ്യാൻ എനിക്ക്‌ ആഗ്രഹം തോന്നി.” b

9. സ്‌നേഹം കാണി​ക്കു​ന്ന​തിൽ തിമൊ​ഥെ​യൊസ്‌ പുരോ​ഗതി വരുത്തി​യെന്നു പൗലോ​സി​ന്റെ വാക്കുകൾ സൂചി​പ്പി​ക്കു​ന്നത്‌ എങ്ങനെ?

⁹ പൗലോസ്‌ ഒരു മിഷനറി യാത്ര​യ്‌ക്കി​ട​യിൽ തിമൊ​ഥെ​യൊസ്‌ എന്ന ചെറു​പ്പ​ക്കാ​രനെ കണ്ടുമു​ട്ടി. തിമൊ​ഥെ​യൊ​സിന്‌ യഹോ​വ​യോ​ടും ആളുക​ളോ​ടും സ്‌നേ​ഹ​മു​ണ്ടാ​യി​രു​ന്നു. കുറച്ച്‌ വർഷങ്ങൾക്കു​ശേഷം അദ്ദേഹ​ത്തെ​ക്കു​റിച്ച്‌ പൗലോസ്‌ ഇങ്ങനെ പറഞ്ഞു: “നിങ്ങളു​ടെ കാര്യ​ത്തിൽ ഇത്ര ആത്മാർഥ​മായ താത്‌പ​ര്യം കാണി​ക്കു​മെന്ന്‌ എനിക്ക്‌ ഉറപ്പുള്ള മറ്റാരും ഇവി​ടെ​യില്ല.” (ഫിലി. 2:20) ഇതു പറഞ്ഞ​പ്പോൾ പൗലോ​സി​ന്റെ മനസ്സി​ലു​ണ്ടാ​യി​രു​ന്നത്‌ കാര്യങ്ങൾ സംഘടി​പ്പി​ക്കാ​നോ പ്രസം​ഗങ്ങൾ നടത്താ​നോ ഉള്ള തിമൊ​ഥെ​യൊ​സി​ന്റെ കഴിവ​ല്ലാ​യി​രു​ന്നു, മറിച്ച്‌ സഹോ​ദ​ര​ങ്ങ​ളോ​ടുള്ള സ്‌നേ​ഹ​മാ​യി​രു​ന്നു. സ്‌നേഹം കാണി​ക്കു​ന്ന​തിൽ തിമൊ​ഥെ​യൊസ്‌ വരുത്തിയ പുരോ​ഗതി അദ്ദേഹം പ്രത്യേ​കം ശ്രദ്ധി​ച്ചി​രു​ന്നു. തിമൊ​ഥെ​യൊസ്‌ സേവി​ച്ചി​രുന്ന സഭകളി​ലെ സഹോ​ദ​രങ്ങൾ അദ്ദേഹ​ത്തി​ന്റെ വരവി​നാ​യി ആകാം​ക്ഷ​യോ​ടെ കാത്തി​രു​ന്നി​ട്ടു​ണ്ടെന്ന്‌ ഉറപ്പാണ്‌.—1 കൊരി. 4:17.

10. അന്നയും ഭർത്താ​വും എങ്ങനെ​യാ​ണു സഹോ​ദ​ര​ങ്ങ​ളോ​ടു സ്‌നേഹം കാണി​ച്ചത്‌?

¹⁰ സഹോ​ദ​ര​ങ്ങളെ സഹായി​ക്കാ​നുള്ള അവസരങ്ങൾ  കണ്ടെത്താൻ നമ്മളും ശ്രമി​ക്കു​ന്നു. (എബ്രാ. 13:16) കഴിഞ്ഞ ലേഖന​ത്തിൽ കണ്ട അന്നയുടെ അനുഭവം നോക്കാം. കൊടു​ങ്കാ​റ്റി​നെ തുടർന്ന്‌ സഹോ​ദ​രി​യും ഭർത്താ​വും ഒരു സഹോ​ദ​ര​കു​ടും​ബത്തെ ചെന്ന്‌ കണ്ടു. അപ്പോ​ഴാണ്‌ അറിയു​ന്നതു കൊടു​ങ്കാ​റ്റിൽ അവരുടെ വീടിന്റെ മേൽക്കൂര തകർന്നു​പോ​യെന്ന്‌. കൂടാതെ അവരുടെ വസ്‌ത്ര​ങ്ങ​ളെ​ല്ലാം ചെളി​പി​ടിച്ച്‌ പോയി​രു​ന്നു. അന്ന പറയുന്നു: “ഞങ്ങൾ ആ വസ്‌ത്ര​ങ്ങ​ളെ​ല്ലാം കൊണ്ടു​വന്ന്‌ അലക്കി തേച്ച്‌ തിരികെ കൊടു​ത്തു. ഞങ്ങൾക്ക്‌ അതൊരു ചെറിയ കാര്യ​മാ​യി​രു​ന്നു. പക്ഷേ അങ്ങനെ ചെയ്‌ത​തു​കൊണ്ട്‌ ഞങ്ങൾക്കി​ട​യി​ലെ സ്‌നേഹം വളരെ ശക്തമായി. അത്‌ ഇന്നുവരെ തുടരു​ക​യും ചെയ്യുന്നു.” സഹോ​ദ​ര​ങ്ങ​ളോ​ടു​ണ്ടാ​യി​രുന്ന സ്‌നേ​ഹ​മാണ്‌ അവർക്കു വേണ്ട സഹായങ്ങൾ ചെയ്‌തു​കൊ​ടു​ക്കാൻ അന്നയെ​യും ഭർത്താ​വി​നെ​യും പ്രേരി​പ്പി​ച്ചത്‌.—1 യോഹ. 3:17, 18.

11. (എ) നമ്മൾ സഹോ​ദ​ര​ങ്ങ​ളോ​ടു സ്‌നേഹം കാണി​ക്കു​മ്പോൾ പലപ്പോ​ഴും അവർക്ക്‌ എന്തായി​രി​ക്കും തോന്നു​ന്നത്‌? (ബി) സുഭാ​ഷി​തങ്ങൾ 19:17 അനുസ​രിച്ച്‌ നമ്മൾ സ്‌നേഹം കാണി​ക്കു​മ്പോൾ യഹോവ എന്തു ചെയ്യും?

¹¹ സഹോ​ദ​ര​ങ്ങ​ളോ​ടു സ്‌നേ​ഹ​വും ദയയും ഒക്കെ കാണി​ക്കു​മ്പോൾ നമ്മൾ യഹോ​വയെ അനുക​രി​ക്കാൻ ശ്രമി​ക്കു​ക​യാ​ണെന്ന്‌ അവർക്കു മനസ്സി​ലാ​കും. നമ്മൾ ചിന്തി​ക്കു​ന്ന​തി​നെ​ക്കാൾ അപ്പുറം നമ്മുടെ ആ പ്രവൃ​ത്തി​കളെ അവർ വിലമ​തി​ക്കു​ക​യും ചെയ്‌തേ​ക്കാം. നേരത്തേ കണ്ട കെൻ സഹോ​ദരി ചെറു​പ്പ​ത്തിൽ തന്നെ സഹായി​ച്ച​വരെ വളരെ സ്‌നേ​ഹ​ത്തോ​ടെ​യാണ്‌ ഓർക്കു​ന്നത്‌. സഹോ​ദരി പറയുന്നു: “എന്നെ സേവന​ത്തി​നു കൊണ്ടു​പോ​യി​രുന്ന സഹോ​ദ​രി​മാ​രോ​ടെ​ല്ലാം എനിക്ക്‌ ഒരുപാ​ടു നന്ദിയുണ്ട്‌. അവർ വീട്ടിൽ വന്ന്‌ എന്നെ കൂട്ടി​ക്കൊ​ണ്ടു​പോ​കും. ഇടയ്‌ക്ക്‌ എന്തെങ്കി​ലും കഴിക്കാൻ വാങ്ങി​ച്ചു​ത​രും. പിന്നെ തിരിച്ച്‌ വീട്ടിൽ കൊണ്ടു​വി​ടു​ക​യും ചെയ്യു​മാ​യി​രു​ന്നു. പക്ഷേ, ഇപ്പോ​ഴാ​ണു മനസ്സി​ലാ​കു​ന്നത്‌ അവർ അതിനു​വേണ്ടി എത്രമാ​ത്രം ശ്രമം ചെയ്‌തി​രു​ന്നു​വെന്ന്‌. അവർ അതെല്ലാം സന്തോ​ഷ​ത്തോ​ടെ​യാ​ണു ചെയ്‌തത്‌.” പക്ഷേ, നമ്മൾ ചെയ്യുന്ന കാര്യ​ങ്ങൾക്കു തിരിച്ച്‌ നന്ദി കാണി​ക്കാൻ മറ്റുള്ള​വർക്ക്‌ എപ്പോ​ഴും അവസരം കിട്ടണ​മെ​ന്നില്ല. തന്നെ സഹായി​ച്ച​വ​രെ​ക്കു​റിച്ച്‌ കെൻ സഹോ​ദരി തുടരു​ന്നു: “എന്നെ സഹായി​ച്ച​വർക്കെ​ല്ലാം വേണ്ടി തിരിച്ച്‌ എന്തെങ്കി​ലും ചെയ്യണ​മെന്ന്‌ എനിക്കുണ്ട്‌. പക്ഷേ അവരൊ​ക്കെ ഇന്ന്‌ എവി​ടെ​യാ​ണെന്ന്‌ എനിക്ക​റി​യില്ല. എന്നാൽ യഹോ​വ​യ്‌ക്ക്‌ അത്‌ അറിയാം. അതു​കൊണ്ട്‌ എനിക്കു​വേണ്ടി യഹോവ അവർക്കു പ്രതി​ഫലം നൽകട്ടെ എന്നാണ്‌ എന്റെ പ്രാർഥന.” സഹോ​ദരി പറഞ്ഞതു ശരിയാണ്‌. നമ്മൾ മറ്റുള്ള​വർക്കു​വേണ്ടി ചെയ്യുന്ന ഏറ്റവും  ചെറിയ കാര്യം​പോ​ലും യഹോവ ശ്രദ്ധി​ക്കു​ന്നുണ്ട്‌. അതിനു​വേണ്ടി നമ്മൾ ചെയ്യുന്ന ത്യാഗത്തെ വളരെ വിലപ്പെട്ട ഒന്നായിട്ട്‌, തനിക്കു തരുന്ന ഒരു കടമാ​യിട്ട്‌, ആണ്‌ യഹോവ കാണു​ന്നത്‌. അതു​കൊണ്ട്‌ നമ്മൾ ചെയ്യു​ന്ന​തിന്‌ യഹോവ പ്രതി​ഫലം തരു​മെന്ന്‌ ഉറപ്പാണ്‌.—സുഭാ​ഷി​തങ്ങൾ 19:17 വായി​ക്കുക.

12. സഹോ​ദ​ര​ന്മാർക്ക്‌ എങ്ങനെ സഭയിൽ സ്‌നേഹം കാണി​ക്കാ​നാ​കും? (ചിത്ര​ങ്ങ​ളും കാണുക.)

¹² നിങ്ങൾ ഒരു സഹോ​ദ​ര​നാ​ണെ​ങ്കിൽ സഹോ​ദ​ര​ങ്ങ​ളോ​ടു സ്‌നേഹം കാണി​ക്കാ​നും അവരെ കൂടു​ത​ലാ​യി സേവി​ക്കാ​നും നിങ്ങൾക്ക്‌ എന്തു ചെയ്യാ​നാ​കും? സഭയെ സഹായി​ക്കാൻ തനിക്കു കൂടു​ത​ലാ​യി എന്തൊക്കെ ചെയ്യാ​നാ​കു​മെന്നു ജോർഡൻ എന്ന ചെറു​പ്പ​ക്കാ​രൻ ഒരു മൂപ്പ​നോ​ടു ചോദി​ച്ചു. അതുവരെ വരുത്തി​യി​ട്ടുള്ള പുരോ​ഗ​തി​ക്കു ജോർഡനെ ആ മൂപ്പൻ അഭിന​ന്ദി​ച്ചു. എന്നിട്ട്‌, ഇനി എന്തൊക്കെ ചെയ്യാ​നാ​കു​മെന്നു പറഞ്ഞു​കൊ​ടു​ത്തു. ഉദാഹ​ര​ണ​ത്തിന്‌, മീറ്റി​ങ്ങി​നു നേരത്തേ വരാനും സഹോ​ദ​ര​ങ്ങ​ളോ​ടു സംസാ​രി​ക്കാ​നും അഭി​പ്രാ​യങ്ങൾ പറയാ​നും ആ മൂപ്പൻ ജോർഡ​നോ​ടു പറഞ്ഞു. കൂടാതെ, സ്വന്തം വയൽസേ​വ​ന​ഗ്രൂ​പ്പി​ന്റെ​കൂ​ടെ പതിവാ​യി പ്രസം​ഗ​പ്ര​വർത്ത​ന​ത്തി​നു പോകാ​നും സഹോ​ദ​ര​ങ്ങൾക്കു​വേണ്ടി വേറേ എന്തൊക്കെ ചെയ്യാ​നാ​കു​മെന്നു ചിന്തി​ക്കാ​നും ആവശ്യ​പ്പെട്ടു. ഇങ്ങനെ​യൊ​ക്കെ ചെയ്‌ത​പ്പോൾ പുതു​താ​യി ചില കാര്യങ്ങൾ എങ്ങനെ ചെയ്യാ​മെന്നു മാത്രമല്ല, സഹോ​ദ​ര​ങ്ങളെ എങ്ങനെ കൂടു​തൽക്കൂ​ടു​തൽ സ്‌നേ​ഹി​ക്കാ​മെ​ന്നും ജോർഡൻ പഠിച്ചു. ഇതിൽനി​ന്നെ​ല്ലാം ഒരു കാര്യം ജോർഡൻ മനസ്സി​ലാ​ക്കി: ഒരു സഹോ​ദരൻ ശുശ്രൂ​ഷാ​ദാ​സ​നാ​കു​ന്ന​തോ​ടെ സഹോ​ദ​ര​ങ്ങളെ സഹായി​ക്കാൻ തുടങ്ങു​കയല്ല, തുടരുക മാത്ര​മാ​ണു ചെയ്യു​ന്നത്‌.—1 തിമൊ. 3:8-10, 13.

13. വീണ്ടും ഒരു മൂപ്പനാ​യി സേവി​ക്കാ​നുള്ള യോഗ്യ​ത​യി​ലെ​ത്താൻ സ്‌നേഹം എങ്ങനെ​യാ​ണു ക്രിസ്റ്റ്യൻ സഹോ​ദ​രനെ പ്രേരി​പ്പി​ച്ചത്‌?

¹³ മുമ്പ്‌ ഒരു ശുശ്രൂ​ഷാ​ദാ​സ​നോ മൂപ്പനോ ആയി സേവി​ച്ചി​രുന്ന ഒരാളാ​ണോ നിങ്ങൾ? അന്നു നിങ്ങൾ ചെയ്‌ത കാര്യ​ങ്ങ​ളും അതിനു നിങ്ങളെ പ്രേരി​പ്പിച്ച സ്‌നേ​ഹ​വും യഹോവ ഒരിക്ക​ലും മറക്കില്ല. (1 കൊരി. 15:58) ഇപ്പോൾ നിങ്ങൾ കാണി​ക്കുന്ന സ്‌നേ​ഹ​വും യഹോവ കാണു​ന്നുണ്ട്‌. ക്രിസ്റ്റ്യൻ എന്ന സഹോ​ദ​രനു മൂപ്പനാ​യുള്ള തന്റെ നിയമനം നഷ്ടപ്പെ​ട്ട​പ്പോൾ വളരെ നിരാശ തോന്നി. പക്ഷേ സഹോ​ദരൻ പറയുന്നു: “ഒരു മൂപ്പൻ ആണെങ്കി​ലും അല്ലെങ്കി​ലും യഹോ​വയെ സേവി​ക്കാൻവേണ്ടി എന്തൊക്കെ ചെയ്യാ​നാ​കു​മോ അതെല്ലാം ചെയ്യാൻ ഞാൻ തീരു​മാ​നി​ച്ചു.” കുറച്ച്‌ നാൾ കഴിഞ്ഞ​പ്പോൾ സഹോ​ദ​രനെ വീണ്ടും ഒരു മൂപ്പനാ​യി  നിയമി​ച്ചു. അദ്ദേഹം പറയുന്നു: “വീണ്ടും ആ നിയമനം സ്വീക​രി​ക്കാൻ എനിക്ക്‌ അൽപ്പം പേടി​യു​ണ്ടാ​യി​രു​ന്നു. എങ്കിലും, ഞാനൊ​രു മൂപ്പനാ​യി​രി​ക്കാൻ യഹോവ ആഗ്രഹി​ക്കു​ന്നു​ണ്ടെ​ങ്കിൽ തീർച്ച​യാ​യും ആ നിയമനം ഏറ്റെടു​ക്കു​മെന്നു ഞാൻ തീരു​മാ​നി​ച്ചു. കാരണം, ഞാൻ യഹോ​വ​യെ​യും സഹോ​ദ​ര​ങ്ങ​ളെ​യും അത്രമാ​ത്രം സ്‌നേ​ഹി​ക്കു​ന്നുണ്ട്‌.”

14. എലേന സഹോ​ദ​രി​യു​ടെ അനുഭ​വ​ത്തിൽനി​ന്നും നിങ്ങൾ എന്താണു പഠിച്ചത്‌?

¹⁴ യഹോ​വ​യു​ടെ ജനം തങ്ങളുടെ അയൽക്കാ​രോ​ടും സ്‌നേഹം കാണി​ക്കു​ന്നു. (മത്താ. 22:37-39) ഉദാഹ​ര​ണ​ത്തിന്‌, ജോർജി​യ​യി​ലുള്ള എലേന സഹോ​ദരി പറയുന്നു: “ആദ്യ​മൊ​ക്കെ യഹോ​വ​യോ​ടുള്ള സ്‌നേ​ഹം​കൊണ്ട്‌ മാത്ര​മാ​ണു ഞാൻ പ്രസം​ഗ​പ്ര​വർത്തനം ചെയ്‌തത്‌. എന്നാൽ, സ്വർഗീയ പിതാ​വി​നോ​ടുള്ള എന്റെ സ്‌നേഹം കൂടി​യ​പ്പോൾ ആളുക​ളോ​ടുള്ള സ്‌നേ​ഹ​വും വർധിച്ചു. അവർ എന്തൊക്കെ പ്രശ്‌ന​ങ്ങ​ളാ​ണു നേരി​ടു​ന്ന​തെ​ന്നും ഏതൊക്കെ വിഷയ​ങ്ങ​ളെ​ക്കു​റിച്ച്‌ സംസാ​രി​ക്കാ​നാ​യി​രി​ക്കും അവർക്ക്‌ ഇഷ്ടമെ​ന്നും ഞാൻ ചിന്തി​ക്കാൻതു​ടങ്ങി. ഇങ്ങനെ അവരെ​ക്കു​റിച്ച്‌ എത്രയ​ധി​കം ചിന്തി​ച്ചോ അത്രയ​ധി​കം അവരെ സഹായി​ക്കാ​നുള്ള ആഗ്രഹ​വും വർധിച്ചു.”—റോമ. 10:13-15.

15-16. ചിത്ര​ങ്ങ​ളിൽ കാണി​ച്ചി​രി​ക്കു​ന്ന​തു​പോ​ലെ മറ്റുള്ള​വ​രോ​ടു സ്‌നേഹം കാണി​ക്കു​ന്ന​തി​ന്റെ പ്രയോ​ജ​നങ്ങൾ എന്താണ്‌?

¹⁵ നമ്മൾ സഹോ​ദ​ര​ങ്ങ​ളോ​ടു സ്‌നേഹം കാണി​ക്കു​മ്പോൾ അവർക്കു മാത്ര​മാ​യി​രി​ക്കില്ല അതിൽനിന്ന്‌ പ്രയോ​ജനം ലഭിക്കു​ന്നത്‌. അതാണു പൗലോ സഹോ​ദ​ര​ന്റെ​യും ഭാര്യ​യു​ടെ​യും അനുഭവം തെളി​യി​ക്കു​ന്നത്‌. കോവിഡ്‌-19 മഹാമാ​രി​യു​ടെ സമയത്ത്‌, ഫോണോ ടാബ്‌ലെ​റ്റോ ഉപയോ​ഗിച്ച്‌ എങ്ങനെ സന്തോ​ഷ​വാർത്ത അറിയി​ക്കാ​മെന്ന്‌ അവർ പ്രായ​മായ കുറെ സഹോ​ദ​രി​മാ​രെ പഠിപ്പി​ച്ചു​കൊ​ടു​ത്തു. അതിൽ ഒരു സഹോ​ദ​രിക്ക്‌ ആദ്യം അത്‌ അത്ര എളുപ്പ​മ​ല്ലാ​യി​രു​ന്നെ​ങ്കി​ലും പതിയെ അവർ അതു പഠി​ച്ചെ​ടു​ത്തു. അങ്ങനെ ആ സഹോ​ദ​രി​ക്കു തന്റെ ബന്ധുക്കളെ സ്‌മാ​ര​ക​ത്തി​നു ക്ഷണിക്കാ​നാ​യി.  അവരിൽ 60 പേരാണ്‌ വീഡി​യോ കോൺഫ​റൻസി​ങ്ങി​ലൂ​ടെ സ്‌മാ​രകം കൂടി​യത്‌. പൗലോ സഹോ​ദ​ര​ന്റെ​യും ഭാര്യ​യു​ടെ​യും ശ്രമങ്ങ​ളിൽനിന്ന്‌ ആ സഹോ​ദ​രി​ക്കും ബന്ധുക്കൾക്കും പ്രയോ​ജനം കിട്ടി. പിന്നീട്‌ ആ സഹോ​ദരി പൗലോ സഹോ​ദ​രന്‌ ഇങ്ങനെ എഴുതി: “ഞങ്ങളെ​പ്പോ​ലെ പ്രായ​മാ​യ​വർക്ക്‌ ഇതൊക്കെ പഠിപ്പി​ച്ചു​ത​ന്ന​തി​നു ഒരുപാ​ടു നന്ദി. യഹോ​വ​യ്‌ക്ക്‌ എന്നോ​ടുള്ള സ്‌നേ​ഹ​വും നിങ്ങളു​ടെ ആത്മാർഥ​മായ ശ്രമവും ഞാൻ ഒരിക്ക​ലും മറക്കില്ല.”

¹⁶ ഇത്തരം അനുഭ​വ​ങ്ങ​ളി​ലൂ​ടെ പൗലോ സഹോ​ദരൻ പ്രധാ​ന​പ്പെട്ട ഒരു കാര്യം മനസ്സി​ലാ​ക്കി: നമുക്കുള്ള അറിവോ കഴിവോ അല്ല സ്‌നേ​ഹ​മാണ്‌ ഏറ്റവും പ്രധാനം. അദ്ദേഹം പറയുന്നു: “ഞാൻ മുമ്പ്‌ ഒരു സർക്കിട്ട്‌ മേൽവി​ചാ​ര​ക​നാ​യി​രു​ന്നു. അന്നു ഞാൻ നടത്തിയ പ്രസം​ഗ​ങ്ങ​ളൊ​ക്കെ പലരും മറന്നു​പോ​യി​ട്ടു​ണ്ടാ​കും. പക്ഷേ ഒന്ന്‌ എനിക്ക​റി​യാം: അവരെ സഹായി​ക്കാൻവേണ്ടി ഞാൻ ചെയ്‌ത കാര്യങ്ങൾ ഇപ്പോ​ഴും അവർ ഓർക്കു​ന്നുണ്ട്‌.”

17. മറ്റുള്ള​വ​രോ​ടു സ്‌നേഹം കാണി​ക്കു​മ്പോൾ ആർക്കും​കൂ​ടെ അതിന്റെ പ്രയോ​ജനം കിട്ടും?

¹⁷ മറ്റുള്ള​വ​രോ​ടു സ്‌നേഹം കാണി​ക്കു​മ്പോൾ ഒട്ടും പ്രതീ​ക്ഷി​ക്കാത്ത വിധത്തിൽ നമുക്കും അനു​ഗ്ര​ഹങ്ങൾ കിട്ടും. ന്യൂസി​ലൻഡിൽ താമസി​ക്കുന്ന ജോനാ​ഥാ​ന്റെ അനുഭവം അതാണു കാണി​ക്കു​ന്നത്‌. ഒരു ശനിയാഴ്‌ച ഉച്ചകഴിഞ്ഞ്‌ നല്ല വെയി​ലത്ത്‌ ഒരു മുൻനി​ര​സേ​വകൻ ഒറ്റയ്‌ക്കു പ്രസം​ഗ​പ്ര​വർത്തനം ചെയ്യു​ന്നത്‌ അദ്ദേഹം കണ്ടു. എല്ലാ ശനിയാ​ഴ്‌ച​ക​ളി​ലും ഉച്ചകഴിഞ്ഞ്‌ ആ സഹോ​ദ​ര​ന്റെ​കൂ​ടെ സേവനം ചെയ്യാൻ ജോനാ​ഥാൻ തീരു​മാ​നി​ച്ചു. ഇങ്ങനെ ചെയ്‌ത​തു​കൊണ്ട്‌ തനിക്കു​തന്നെ അത്‌ ഒരുപാ​ടു പ്രയോ​ജനം ചെയ്യു​മെന്ന്‌ അന്ന്‌ അദ്ദേഹം ഒട്ടും കരുതി​യില്ല. ജോനാ​ഥാൻ പറയുന്നു: “അന്നൊക്കെ വയൽസേ​വ​ന​ത്തി​നു പോകു​ന്നത്‌ എനിക്ക്‌ അത്ര ഇഷ്ടമുള്ള കാര്യ​മാ​യി​രു​ന്നില്ല. എന്നാൽ ആ സഹോ​ദരൻ ബൈബിൾ സത്യങ്ങൾ പഠിപ്പി​ക്കുന്ന വിധവും അതു​കൊണ്ട്‌ ഉണ്ടാകുന്ന നല്ല ഫലങ്ങളും കണ്ടപ്പോൾ എനിക്കും അതി​നോട്‌ ഒരു ഇഷ്ടം തോന്നി​ത്തു​ടങ്ങി. കൂടാതെ എനിക്കു നല്ലൊരു കൂട്ടു​കാ​ര​നെ​യും കിട്ടി. ആത്മീയ​മാ​യി വളരാ​നും ശുശ്രൂ​ഷ​യിൽ സന്തോഷം കണ്ടെത്താ​നും യഹോ​വ​യോ​ടു കൂടുതൽ അടുക്കാ​നും അദ്ദേഹം എന്നെ സഹായി​ച്ചു.”

18. നമ്മൾ എന്തു ചെയ്യാ​നാണ്‌ യഹോവ ആഗ്രഹി​ക്കു​ന്നത്‌?

¹⁸ നമ്മളെ​ല്ലാ​വ​രും യഹോ​വ​യെ​യും മറ്റുള്ള​വ​രെ​യും കൂടു​തൽക്കൂ​ടു​തൽ സ്‌നേ​ഹി​ക്കാൻ യഹോവ ആഗ്രഹി​ക്കു​ന്നുണ്ട്‌. നമ്മൾ ഈ ലേഖന​ത്തിൽ പഠിച്ച​തു​പോ​ലെ ദൈവ​വ​ചനം വായി​ച്ചു​കൊ​ണ്ടും ധ്യാനി​ച്ചു​കൊ​ണ്ടും പതിവാ​യി പ്രാർഥി​ച്ചു​കൊ​ണ്ടും യഹോ​വ​യോ​ടുള്ള നമ്മുടെ സ്‌നേഹം ശക്തി​പ്പെ​ടു​ത്താ​നാ​കും. ഇനി, സഹോ​ദ​ര​ങ്ങൾക്കു​വേണ്ട സഹായങ്ങൾ ചെയ്‌തു​കൊ​ടു​ത്തു​കൊണ്ട്‌ അവരോ​ടുള്ള സ്‌നേ​ഹ​ത്തി​ലും വളരാം. അങ്ങനെ നമ്മുടെ സ്‌നേഹം കൂടു​ന്ന​ത​നു​സ​രിച്ച്‌ യഹോ​വ​യോ​ടും സഹോ​ദ​ര​ങ്ങ​ളോ​ടും ഉള്ള നമ്മുടെ അടുപ്പ​വും വർധി​ക്കും. എന്നു​മെ​ന്നും നമുക്ക്‌ ആ സ്‌നേ​ഹ​ബന്ധം ആസ്വദി​ക്കാ​നു​മാ​കും.