1-2. ലോത്തി​നെ​പ്പോ​ലെ ഇന്നത്തെ ക്രിസ്‌ത്യാ​നി​ക​ളും ഏതു പ്രശ്‌നം നേരി​ടു​ന്നു?

 യഹോ​വ​യു​ടെ ധാർമി​ക​നി​ല​വാ​ര​ങ്ങളെ ഒട്ടും​തന്നെ ആദരി​ക്കാ​ത്ത​വ​രാണ്‌ ഇന്നു നമുക്കു ചുറ്റു​മു​ള്ളത്‌. അതു കാണു​മ്പോൾ നീതി​മാ​നായ ലോത്തി​നു തോന്നി​യ​തു​പോ​ലെ​യാ​ണു നമുക്കും തോന്നു​ന്നത്‌. അദ്ദേഹം ‘ധിക്കാ​രി​ക​ളു​ടെ ധിക്കാ​ര​ത്തോ​ടെ​യുള്ള പെരു​മാ​റ്റ​ത്തിൽ ഏറെ മനോ​വി​ഷമം അനുഭ​വി​ച്ചി​രു​ന്നു.’ കാരണം നമ്മുടെ സ്വർഗീ​യ​പി​താ​വിന്‌ അത്തരം പെരു​മാ​റ്റങ്ങൾ അങ്ങേയറ്റം വെറു​പ്പാ​ണെന്ന്‌ അദ്ദേഹ​ത്തിന്‌ അറിയാ​മാ​യി​രു​ന്നു. (2 പത്രോ. 2:7, 8) ദൈവ​ഭ​യ​വും ദൈവ​ത്തോ​ടുള്ള സ്‌നേ​ഹ​വു​മാ​ണു ചുറ്റു​മുള്ള ആളുക​ളു​ടെ അധാർമി​ക​പ്ര​വർത്ത​ന​ങ്ങളെ വെറു​ക്കാൻ ലോത്തി​നെ പ്രേരി​പ്പി​ച്ചത്‌. അതു​പോ​ലെ ദൈവ​ത്തോ​ടുള്ള സ്‌നേഹം നിലനി​റു​ത്തു​ക​യും ശരിയായ ദൈവ​ഭയം വളർത്തി​യെ​ടു​ക്കു​ക​യും ചെയ്യു​ന്നെ​ങ്കിൽ നമുക്കും ധാർമി​ക​ശു​ദ്ധി​യു​ള്ള​വ​രാ​യി തുടരാ​നാ​കും.—സുഭാ. 14:2.

² ഇക്കാര്യ​ത്തിൽ നമ്മളെ സഹായി​ക്കു​ന്ന​തി​നു​വേണ്ടി യഹോവ സ്‌നേ​ഹ​ത്തോ​ടെ ചില ഉപദേ​ശങ്ങൾ തരുന്നുണ്ട്‌. സുഭാ​ഷി​തങ്ങൾ എന്ന ബൈബിൾപു​സ്‌ത​ക​ത്തിൽ അതു കാണാം. പുരു​ഷ​ന്മാ​രോ സ്‌ത്രീ​ക​ളോ ചെറു​പ്പ​ക്കാ​രോ പ്രായ​മാ​യ​വ​രോ ആയ എല്ലാ ക്രിസ്‌ത്യാ​നി​കൾക്കും പ്രയോ​ജനം ചെയ്യുന്ന ഉപദേ​ശ​ങ്ങ​ളാണ്‌ അവ.

3. സുഭാ​ഷി​തങ്ങൾ 17:3 പറയു​ന്ന​ത​നു​സ​രിച്ച്‌ നമ്മുടെ ഹൃദയം തെറ്റി​ലേക്കു പോകാ​തെ ശ്രദ്ധി​ക്കേ​ണ്ട​തി​ന്റെ ഒരു പ്രധാ​ന​കാ​രണം എന്താണ്‌? (ചിത്ര​വും കാണുക.)

³ നമ്മുടെ ഹൃദയം തെറ്റായ വഴിയി​ലേക്കു പോകാ​തെ ശ്രദ്ധി​ക്കേ​ണ്ട​തി​ന്റെ ഒരു പ്രധാ​ന​കാ​രണം യഹോവ ഹൃദയ​ങ്ങളെ പരി​ശോ​ധി​ക്കു​ന്നു എന്നതാണ്‌. പുറ​മേ​യു​ള്ളതു മാത്രമല്ല, ഉള്ളി​ന്റെ​യു​ള്ളിൽ നമ്മൾ എങ്ങനെ​യു​ള്ള​വ​രാ​ണെ​ന്നും യഹോ​വ​യ്‌ക്ക്‌ അറിയാ​നാ​കും. (സുഭാ​ഷി​തങ്ങൾ 17:3 വായി​ക്കുക.) യഹോ​വ​യു​ടെ ഉപദേ​ശങ്ങൾ നമ്മൾ ഹൃദയ​ത്തിൽ നിറയ്‌ക്കു​ക​യാ​ണെ​ങ്കിൽ യഹോ​വ​യ്‌ക്കു സന്തോ​ഷ​മാ​കും. (യോഹ. 4:14) നിത്യ​ജീ​വൻ നേടാൻ സഹായി​ക്കുന്ന അത്തരം ഉപദേ​ശങ്ങൾ ഹൃദയ​ത്തിൽ നിറഞ്ഞി​രി​ക്കു​ന്ന​തു​കൊണ്ട്‌ സാത്താ​നും ഈ ദുഷ്ട​ലോ​ക​വും കൊണ്ടു​വ​രുന്ന അധഃപ​തിച്ച ധാർമി​ക​നി​ല​വാ​ര​ങ്ങ​ളും നുണക​ളും നമ്മുടെ ഹൃദയ​ത്തി​ലേക്കു കടക്കില്ല. (1 യോഹ. 5:18, 19) അപ്പോൾ യഹോ​വ​യോ​ടു നമ്മൾ കൂടുതൽ അടുക്കും. ദൈവ​ത്തോ​ടുള്ള സ്‌നേ​ഹ​വും ആദരവും വർധി​ക്കു​ക​യും ചെയ്യും.  നമ്മുടെ സ്വർഗീ​യ​പി​താ​വി​നെ സങ്കട​പ്പെ​ടു​ത്താൻ ആഗ്രഹി​ക്കാ​ത്ത​തു​കൊണ്ട്‌ യഹോ​വ​യ്‌ക്ക്‌ എതിരെ തെറ്റു ചെയ്യു​ന്ന​തി​നെ​ക്കു​റിച്ച്‌ നമുക്കു ചിന്തി​ക്കാൻപോ​ലും പറ്റില്ല. പാപം ചെയ്യാ​നുള്ള ഒരു പ്രലോ​ഭനം ഉണ്ടാകു​മ്പോൾ ‘എന്നെ ഇത്രമാ​ത്രം സ്‌നേ​ഹി​ക്കുന്ന ദൈവത്തെ എനിക്ക്‌ എങ്ങനെ മനഃപൂർവം വിഷമി​പ്പി​ക്കാ​നാ​കും’ എന്നു നമ്മൾ ചിന്തി​ക്കും.—1 യോഹ. 4:9, 10.

4. ദൈവ​ഭയം പ്രലോ​ഭ​ന​ത്തിൽ വീണു​പോ​കാ​തെ ഒരു സഹോ​ദ​രി​യെ സംരക്ഷി​ച്ചത്‌ എങ്ങനെ?

⁴ ക്രൊ​യേ​ഷ്യ​യിൽനി​ന്നുള്ള മാർത്ത സഹോ​ദ​രി​ക്കു ലൈം​ഗിക അധാർമി​ക​ത​യിൽ വീണു​പോ​കാൻ ഇടയാ​ക്കുന്ന തരത്തി​ലുള്ള ഒരു പ്രലോ​ഭനം നേരിട്ടു. സഹോ​ദരി എഴുതു​ന്നു: “കുറച്ച്‌ സമയത്തെ സുഖത്തി​നു​വേ​ണ്ടി​യുള്ള ആ ആഗ്രഹത്തെ ചെറു​ക്കു​ന്ന​തും ശരിയായ രീതി​യിൽ ചിന്തി​ക്കു​ന്ന​തും അത്ര എളുപ്പ​മ​ല്ലെന്ന്‌ എനിക്കു തോന്നി. എന്നാൽ യഹോ​വ​യോ​ടുള്ള ഭയം എന്നെ സംരക്ഷി​ച്ചു.” b ദൈവ​ഭയം എങ്ങനെ​യാ​ണു നമുക്ക്‌ ഒരു സംരക്ഷ​ണ​മാ​കു​ന്നത്‌? തെറ്റായ ഒരു തീരു​മാ​നം വരുത്തി​വെ​ച്ചേ​ക്കാ​വുന്ന മോശം ഫലങ്ങ​ളെ​ക്കു​റിച്ച്‌ ചിന്തി​ച്ചതു തന്നെ സഹായി​ച്ച​താ​യി മാർത്ത പറയുന്നു. നമുക്കും അങ്ങനെ​തന്നെ ചെയ്യാം. ഓർക്കുക, നമ്മുടെ തെറ്റായ തീരു​മാ​നങ്ങൾ യഹോ​വയെ സങ്കട​പ്പെ​ടു​ത്തും. മാത്രമല്ല, എന്നെന്നും ദൈവത്തെ ആരാധി​ക്കാ​നുള്ള അവസരം നമുക്ക്‌ ഇല്ലാതാ​കു​ക​യും ചെയ്യും. നമുക്കു​ണ്ടാ​യേ​ക്കാ​വുന്ന എത്ര വലിയ നഷ്ടമാ​യി​രി​ക്കും അത്‌!—ഉൽപ. 6:5, 6.

5. ലിയോ​യു​ടെ അനുഭ​വ​ത്തിൽനിന്ന്‌ നമുക്ക്‌ എന്തു പഠിക്കാം?

⁵ യഹോ​വാ​ഭയം ഉണ്ടെങ്കിൽ തെറ്റായ കാര്യങ്ങൾ ചെയ്യു​ന്ന​വ​രു​മാ​യുള്ള കൂട്ടു​കെട്ടു നമ്മൾ ഒഴിവാ​ക്കും. കോം​ഗോ​യിൽ താമസി​ക്കുന്ന ലിയോ സഹോ​ദരൻ തന്റെ അനുഭ​വ​ത്തി​ലൂ​ടെ അതു മനസ്സി​ലാ​ക്കി. സ്‌നാ​ന​പ്പെട്ട്‌ നാലു വർഷം കഴിഞ്ഞ​പ്പോൾ ദൈവ​ത്തി​ന്റെ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാത്ത ആളുക​ളു​മാ​യി അദ്ദേഹം കൂട്ടു​കൂ​ടാൻ തുടങ്ങി. കാരണം ലിയോ ചിന്തി​ച്ചത്‌, അവർ ചെയ്യുന്ന കാര്യങ്ങൾ ചെയ്യാ​ത്തി​ട​ത്തോ​ളം താൻ യഹോ​വ​യു​ടെ മുമ്പാകെ തെറ്റു​കാ​ര​നാ​കില്ല എന്നാണ്‌. പക്ഷേ ആ കൂട്ടു​കെട്ടു പെട്ടെ​ന്നു​തന്നെ അദ്ദേഹത്തെ അമിത​മായ കുടി​യി​ലേ​ക്കും അധാർമി​ക​പ്ര​വർത്ത​ന​ങ്ങ​ളി​ലേ​ക്കും നയിച്ചു. അപ്പോൾ അദ്ദേഹം മാതാ​പി​താ​ക്കൾ തന്നെ പഠിപ്പിച്ച കാര്യ​ങ്ങ​ളെ​ക്കു​റി​ച്ചും യഹോ​വയെ ആരാധി​ച്ചി​രു​ന്ന​പ്പോൾ തനിക്കു​ണ്ടാ​യി​രുന്ന സന്തോ​ഷ​ത്തെ​ക്കു​റി​ച്ചും ഓർത്തു. അതു ശരിയായ രീതി​യിൽ ചിന്തി​ക്കാ​നും പ്രവർത്തി​ക്കാ​നും അദ്ദേഹത്തെ പ്രേരി​പ്പി​ച്ചു. മൂപ്പന്മാ​രു​ടെ സഹായ​ത്തോ​ടെ ലിയോ യഹോ​വ​യി​ലേക്കു മടങ്ങി​വന്നു. അദ്ദേഹം ഇപ്പോൾ സന്തോ​ഷ​ത്തോ​ടെ ഒരു മൂപ്പനും പ്രത്യേക മുൻനി​ര​സേ​വ​ക​നു​മാ​യി പ്രവർത്തി​ക്കു​ന്നു.

6. ഏതു രണ്ടു സ്‌ത്രീ​ക​ളെ​ക്കു​റി​ച്ചാ​യി​രി​ക്കും നമ്മൾ ഇനി ചർച്ച ചെയ്യു​ന്നത്‌?

⁶ നമുക്ക്‌ ഇപ്പോൾ സുഭാ​ഷി​തങ്ങൾ 9-ാം അധ്യായം നോക്കാം.  അവിടെ ജ്ഞാന​ത്തെ​യും വിഡ്ഢിത്തത്തെയും രണ്ടു സ്‌ത്രീ​ക​ളാ​യി ചിത്രീ​ക​രി​ച്ചി​രി​ക്കു​ന്നു. (റോമർ 5:14; ഗലാത്യർ 4:24 താരത​മ്യം ചെയ്യുക.) അതു പഠിക്കു​മ്പോൾ ഒരു കാര്യം മനസ്സിൽപ്പി​ടി​ക്കുക. സാത്താന്റെ ലോകം ഇന്ന്‌ അധാർമി​ക​ത​യും അശ്ലീല​വും കൊണ്ട്‌ നിറഞ്ഞി​രി​ക്കു​ക​യാണ്‌. (എഫെ. 4:19) അതു​കൊ​ണ്ടു​തന്നെ നമ്മൾ ദൈവ​ഭയം വളർത്തി​യെ​ടു​ക്കേ​ണ്ട​തും തെറ്റായ കാര്യ​ങ്ങ​ളിൽനിന്ന്‌ ഓടി​യ​ക​ലേ​ണ്ട​തും വളരെ പ്രധാ​ന​മാണ്‌. (സുഭാ. 16:6) സുഭാ​ഷി​തങ്ങൾ 9-ാം അധ്യാ​യ​ത്തിൽ പറഞ്ഞി​രി​ക്കുന്ന കാര്യങ്ങൾ പുരു​ഷ​ന്മാർക്കും സ്‌ത്രീ​കൾക്കും ഒരു​പോ​ലെ പ്രയോ​ജനം ചെയ്യു​ന്ന​വ​യാണ്‌. അവിടെ കാണുന്ന രണ്ടു സ്‌ത്രീ​ക​ളും ‘സാമാ​ന്യ​ബോ​ധ​മി​ല്ലാ​ത്ത​വർക്ക്‌’ അതായത്‌ അനുഭ​വ​പ​രി​ച​യ​മി​ല്ലാ​ത്ത​വർക്ക്‌ ഒരു ക്ഷണം നീട്ടി​ക്കൊ​ടു​ക്കു​ന്നുണ്ട്‌. രണ്ടു പേരും ക്ഷണിക്കു​ന്നത്‌ ഒരേ കാര്യ​ത്തി​നാണ്‌, ‘വീട്ടിൽ വന്ന്‌ ആഹാരം കഴിക്കാൻ.’ (സുഭാ. 9:1, 5, 6, 13, 16, 17) എന്നാൽ ആരുടെ ക്ഷണം സ്വീക​രി​ക്കു​ന്നു എന്നതിനെ ആശ്രയിച്ച്‌ അവർക്കു​ണ്ടാ​കുന്ന അനുഭവം വ്യത്യ​സ്‌ത​മാ​യി​രി​ക്കും.

7. സുഭാ​ഷി​തങ്ങൾ 9:13-18 അനുസ​രിച്ച്‌ വിവര​ദോ​ഷി​യായ സ്‌ത്രീ​യു​ടെ ക്ഷണം സ്വീക​രി​ക്കു​ന്നത്‌ എന്തി​ലേ​ക്കാ​ണു നയിക്കു​ന്നത്‌? (ചിത്ര​വും കാണുക.)

⁷ “വിവര​ദോ​ഷി​യായ സ്‌ത്രീ” നൽകുന്ന ക്ഷണം എന്താ​ണെന്നു കണ്ടോ? (സുഭാ​ഷി​തങ്ങൾ 9:13-18 വായി​ക്കുക.) സാമാ​ന്യ​ബോ​ധ​മി​ല്ലാ​ത്ത​വ​രോട്‌ അവൾ ‘ഇവി​ടേക്കു വന്ന്‌’ ആഹാരം കഴിക്കൂ എന്ന്‌ ഒരു നാണവു​മി​ല്ലാ​തെ വിളി​ച്ചു​പ​റ​യു​ന്നു. ആ ക്ഷണം സ്വീക​രി​ക്കു​ന്ന​തി​ന്റെ ഫലം എന്തായി​രി​ക്കും? ‘മരിച്ച​വ​രാണ്‌ അവി​ടെ​യു​ള്ള​തെന്ന്‌’ വാക്യം പറയുന്നു. സുഭാ​ഷി​ത​ങ്ങ​ളു​ടെ പുസ്‌ത​ക​ത്തിൽ ഇതിനു മുമ്പും ഇതു​പോ​ലുള്ള ആലങ്കാ​രി​ക​ഭാഷ ഉപയോ​ഗി​ച്ചി​രി​ക്കു​ന്നതു നിങ്ങൾ ഓർക്കു​ന്നു​ണ്ടാ​കും. അവിടെ ‘വഴിപി​ഴച്ച, അസാന്മാർഗി​യായ’ ഒരു സ്‌ത്രീക്ക്‌ എതി​രെ​യുള്ള മുന്നറി​യി​പ്പു കാണാം. “അവളുടെ വീടു മരണത്തി​ലേക്കു താഴുന്നു” എന്നാണ്‌ അവിടെ പറഞ്ഞി​രി​ക്കു​ന്നത്‌. (സുഭാ. 2:11-19) ഇനി, സുഭാ​ഷി​തങ്ങൾ 5:3-10 വരെയുള്ള വാക്യ​ങ്ങ​ളിൽ “വഴിപി​ഴച്ച” മറ്റൊരു സ്‌ത്രീ​യെ​ക്കു​റി​ച്ചും ‘അവളുടെ കാലുകൾ മരണത്തി​ലേക്കു ഇറങ്ങു​ന്ന​തി​നെ​ക്കു​റി​ച്ചും’ പറഞ്ഞി​രി​ക്കു​ന്നു.

8. നമ്മൾ എന്തു തീരു​മാ​നം എടു​ക്കേ​ണ്ടി​വ​രും?

⁸ ‘വിവര​ദോ​ഷി​യായ സ്‌ത്രീ​യു​ടെ’ ക്ഷണം കിട്ടുന്ന വ്യക്തി ഒരു തീരു​മാ​നം എടു​ക്കേ​ണ്ടി​വ​രു​ന്നു: അതു സ്വീക​രി​ക്ക​ണോ, അതോ നിരസി​ക്ക​ണോ? നമുക്കും ഇതു​പോ​ലൊ​രു തീരു​മാ​നം എടുക്കേണ്ട സാഹച​ര്യം ഉണ്ടാ​യേ​ക്കാം. അധാർമി​ക​പ്ര​വർത്ത​ന​ങ്ങ​ളിൽ ഉൾപ്പെ​ടാൻ ആരെങ്കി​ലും നമ്മളെ നിർബ​ന്ധി​ക്കു​ക​യോ നമ്മുടെ കമ്പ്യൂ​ട്ട​റി​ലോ ഫോണി​ലോ ഒരു അശ്ലീല​ചി​ത്രം തെളി​ഞ്ഞു​വ​രു​ക​യോ ചെയ്യു​ന്ന​തു​പോ​ലുള്ള സാഹച​ര്യ​ങ്ങ​ളി​ലാ​യി​രി​ക്കാം അത്‌. അപ്പോൾ നമ്മൾ എന്തു ചെയ്യും?

9-10. ലൈം​ഗിക അധാർമി​കത ഒഴിവാ​ക്കേ​ണ്ട​തി​ന്റെ ചില കാരണങ്ങൾ എന്തൊ​ക്കെ​യാണ്‌?

⁹ ലൈം​ഗിക അധാർമി​കത ഒഴിവാ​ക്കാൻ നമുക്കു പ്രധാ​ന​പ്പെട്ട പല കാരണ​ങ്ങ​ളു​മുണ്ട്‌. “മോഷ്ടി​ക്കുന്ന വെള്ളത്തി​നു മധുര​മാണ്‌” എന്ന്‌ “വിവര​ദോ​ഷി​യായ സ്‌ത്രീ” പറയു​ന്ന​താ​യി സുഭാ​ഷി​ത​ങ്ങ​ളു​ടെ പുസ്‌ത​ക​ത്തിൽ നമ്മൾ വായി​ക്കു​ന്നു. എന്താണു ‘മോഷ്ടി​ക്കുന്ന വെള്ളം?’ ദമ്പതി​കൾക്കി​ട​യി​ലെ ലൈം​ഗി​ക​തയെ ഉന്മേഷം പകരുന്ന ശുദ്ധജ​ല​ത്തോ​ടാ​ണു ബൈബിൾ ഉപമി​ച്ചി​രി​ക്കു​ന്നത്‌. (സുഭാ. 5:15-18) നിയമ​പ​ര​മാ​യി വിവാ​ഹി​ത​രാ​യി​രി​ക്കുന്ന ഒരു പുരു​ഷ​നും സ്‌ത്രീ​ക്കും ഉചിത​മായ വിധത്തിൽ അത്തര​മൊ​രു സന്തോഷം ആസ്വദി​ക്കാ​നുള്ള അനുവാ​ദം ഉണ്ട്‌. എന്നാൽ ‘മോഷ്ടി​ക്കുന്ന വെള്ളം’ എന്നു പറഞ്ഞി​രി​ക്കു​ന്നതു നിയമ​വി​രു​ദ്ധ​മായ, അധാർമി​ക​മായ ലൈം​ഗി​ക​ബ​ന്ധ​ത്തെ​യാ​യി​രി​ക്കാം.  അതു പലപ്പോ​ഴും രഹസ്യ​ത്തി​ലാ​യി​രി​ക്കും നടക്കു​ന്നത്‌, ഒരു കള്ളൻ മോഷ്ടി​ക്കു​ന്ന​തു​പോ​ലെ. തങ്ങൾ ചെയ്യു​ന്നത്‌ ആരും അറിയില്ല എന്നു ചിന്തി​ക്കു​മ്പോൾ ‘മോഷ്ടിച്ച ആ വെള്ളത്തി​നു മധുര​മു​ള്ള​താ​യി’ തോന്നാം. പക്ഷേ അവർ തങ്ങളെ​ത്തന്നെ വഞ്ചിക്കു​ക​യാണ്‌. കാരണം, യഹോവ എല്ലാം കാണു​ന്നുണ്ട്‌. യഹോ​വ​യു​ടെ പ്രീതി നഷ്ടപ്പെ​ടു​ന്ന​തി​നെ​ക്കാൾ കയ്‌പേ​റിയ എന്താണു​ള്ളത്‌! ആ അനുഭവം ഒട്ടും ‘മധുര​മു​ള്ളതല്ല.’ (1 കൊരി. 6:9, 10) എന്നാൽ നഷ്ടം അവിടം​കൊണ്ട്‌ തീരു​ന്നില്ല.

¹⁰ ലൈം​ഗിക അധാർമി​ക​ത​യിൽ ഏർപ്പെ​ടു​ന്ന​വർക്കു നാണ​ക്കേ​ടും വിലയി​ല്ലെന്ന തോന്ന​ലും ആഗ്രഹി​ക്കാത്ത ഗർഭധാ​ര​ണ​വും കുടും​ബ​പ്ര​ശ്‌ന​ങ്ങ​ളും ഒക്കെ ഉണ്ടാ​യേ​ക്കാം. ഇനി, അങ്ങനെ​യു​ള്ള​വർക്ക്‌ ആത്മീയ​മ​രണം സംഭവി​ക്കു​ന്നതു കൂടാതെ രോഗം പിടി​പെട്ട്‌ അകാല​മ​രണം സംഭവി​ക്കാ​നും സാധ്യ​ത​യുണ്ട്‌. അതു​കൊണ്ട്‌ വിവര​ദോ​ഷി​യായ സ്‌ത്രീ​യു​ടെ ക്ഷണം സ്വീക​രി​ക്കാ​തി​രി​ക്കു​ന്നത്‌ എത്ര ബുദ്ധി​യാ​യി​രി​ക്കും! (സുഭാ. 7:23, 26) സുഭാ​ഷി​തങ്ങൾ 9:18 പറയുന്നു: ‘അവളുടെ അതിഥി​കൾ ശവക്കു​ഴി​യു​ടെ ആഴങ്ങളി​ലാണ്‌.’ അങ്ങനെ​യാ​യി​ട്ടും എന്തു​കൊ​ണ്ടാ​ണു പലരും നാശത്തി​ലേക്കു നയിക്കുന്ന അവളുടെ ഈ ക്ഷണം സ്വീക​രി​ക്കു​ന്നത്‌?—സുഭാ. 9:13-18.

11. അശ്ലീലം കാണു​ന്നതു വളരെ ദോഷം ചെയ്യുന്ന ഒന്നായി​രി​ക്കു​ന്നത്‌ എങ്ങനെ?

¹¹ അശ്ലീലം എന്ന കെണി​യാ​ണു വിവര​ദോ​ഷി​യായ സ്‌ത്രീ​യു​ടെ ക്ഷണം സ്വീക​രി​ക്കു​ന്ന​തി​ലേക്കു പലരെ​യും നയിക്കു​ന്നത്‌. അശ്ലീലം കാണു​ന്നതു ദോഷം ചെയ്യി​ല്ലെ​ന്നാ​ണു പലരും ചിന്തി​ക്കു​ന്നത്‌. എന്നാൽ വാസ്‌ത​വ​ത്തിൽ അത്‌ ആളുകളെ മോശ​മാ​യി ബാധി​ക്കു​ക​യും തങ്ങളെ​ത്ത​ന്നെ​യും മറ്റുള്ള​വ​രെ​യും വിലകു​റച്ച്‌ കാണാൻ ഇടയാ​ക്കു​ക​യും ചെയ്യും. കൂടാതെ ആ ശീലത്തിൽനിന്ന്‌ പുറത്തു​ക​ട​ക്കാ​നും വളരെ ബുദ്ധി​മു​ട്ടാ​യി​ത്തീ​രും. അശ്ലീല​ചി​ത്രങ്ങൾ കാണു​ന്ന​വ​രു​ടെ മനസ്സിൽനിന്ന്‌ അവ പെട്ട​ന്നെ​ങ്ങും മായില്ല. ഇനി, അശ്ലീലം വീക്ഷി​ക്കു​ന്നതു മോശം ആഗ്രഹ​ങ്ങളെ ഇല്ലാതാ​ക്കു​കയല്ല, മറിച്ച്‌ അതിനെ ആളിക്ക​ത്തി​ക്കു​ക​യാ​ണു ചെയ്യു​ന്നത്‌. (കൊലോ. 3:5; യാക്കോ. 1:14, 15) അതു​കൊ​ണ്ടു​തന്നെ അശ്ലീലം വീക്ഷി​ക്കുന്ന പല ആളുക​ളും അധാർമി​ക​പ്ര​വർത്ത​ന​ങ്ങ​ളി​ലേക്കു ചെന്നെ​ത്തു​ന്നു.

12. മോശ​മായ ചിന്തകൾ ഉണർത്തുന്ന ചിത്രങ്ങൾ ഒഴിവാ​ക്കു​ന്ന​തി​നു നമുക്ക്‌ എന്തു ചെയ്യാം?

¹² നമ്മുടെ മൊ​ബൈ​ലി​ലോ ടാബി​ലോ ഒരു അശ്ലീല​ചി​ത്രം വരുക​യാ​ണെ​ങ്കിൽ ക്രിസ്‌ത്യാ​നി​ക​ളായ നമ്മൾ എന്തു ചെയ്യണം? പെട്ടെ​ന്നു​തന്നെ അതു മാറ്റി​ക്ക​ള​യണം. യഹോ​വ​യു​മാ​യുള്ള ബന്ധമാണു നമുക്ക്‌ ഏറ്റവും വില​പ്പെ​ട്ട​തെന്നു ചിന്തി​ക്കു​ന്നെ​ങ്കിൽ അങ്ങനെ ചെയ്യാൻ നമുക്ക്‌ എളുപ്പ​മാ​യി​രി​ക്കും. ചില ചിത്രങ്ങൾ അശ്ലീല​മ​ല്ലെന്നു പൊതു​വെ തോന്നി​യാൽപ്പോ​ലും അവയ്‌ക്കു നമ്മളിൽ മോശ​മായ ആഗ്രഹങ്ങൾ ഉണർത്താൻ കഴി​ഞ്ഞേ​ക്കും. അതു​പോ​ലും നമ്മൾ ഒഴിവാ​ക്കേ​ണ്ടത്‌ എന്തു​കൊ​ണ്ടാണ്‌? കാരണം, ഹൃദയ​ത്തിൽപ്പോ​ലും വ്യഭി​ചാ​രം ചെയ്യാൻ നമ്മളാ​രും ആഗ്രഹി​ക്കു​ന്നില്ല. (മത്താ. 5:28, 29) തായ്‌ലൻഡിൽ താമസി​ക്കുന്ന ഡേവിഡ്‌ എന്നു പേരുള്ള ഒരു മൂപ്പൻ പറയുന്നു: “എന്റെ മുന്നിൽ വരുന്നത്‌ അത്ര അശ്ലീല​ചി​ത്ര​മ​ല്ലെ​ങ്കിൽക്കൂ​ടി ഞാൻ അതുതന്നെ നോക്കി​ക്കൊ​ണ്ടി​രു​ന്നാൽ യഹോ​വ​യ്‌ക്ക്‌ ഇഷ്ടപ്പെ​ടു​മോ എന്ന്‌ ഞാൻ എന്നോ​ടു​തന്നെ ചോദി​ക്കും. ഇങ്ങനെ​യൊ​ക്കെ ചിന്തി​ക്കു​ന്നതു ജ്ഞാന​ത്തോ​ടെ പ്രവർത്തി​ക്കാൻ എന്നെ സഹായി​ക്കു​ന്നു.”

13. ജ്ഞാന​ത്തോ​ടെ പ്രവർത്തി​ക്കാൻ നമ്മളെ എന്തു സഹായി​ക്കും?

¹³ നമ്മൾ ചെയ്യുന്ന കാര്യങ്ങൾ യഹോ​വയെ വിഷമി​പ്പി​ക്കു​മോ​യെന്നു ചിന്തി​ക്കു​ന്നതു ജ്ഞാന​ത്തോ​ടെ പ്രവർത്തി​ക്കാൻ നമ്മളെ സഹായി​ക്കും. അത്തരം ദൈവ​ഭ​യ​മാണ്‌ “ജ്ഞാനത്തി​ന്റെ തുടക്കം” അഥവാ അടിസ്ഥാ​നം. (സുഭാ. 9:10) സുഭാ​ഷി​തങ്ങൾ 9-ാം അധ്യാ​യ​ത്തി​ന്റെ തുടക്ക​ത്തിൽ അതെക്കു​റി​ച്ചാ​ണു പറയു​ന്നത്‌. അവിടെ ‘യഥാർഥ​ജ്ഞാ​നത്തെ’ മറ്റൊരു സ്‌ത്രീ​യാ​യി ചിത്രീ​ക​രി​ച്ചി​രി​ക്കു​ന്നു.

14. സുഭാ​ഷി​തങ്ങൾ 9:1-6-ൽ വ്യത്യ​സ്‌ത​മായ ഏതു ക്ഷണത്തെ​ക്കു​റിച്ച്‌ കാണാം?

¹⁴ സുഭാ​ഷി​തങ്ങൾ 9:1-6 വായി​ക്കുക. ഇവിടെ നമ്മുടെ സ്രഷ്ടാ​വും ജ്ഞാനത്തി​ന്റെ ഉറവി​ട​വും ആയ യഹോ​വ​യിൽനിന്ന്‌ വരുന്ന ഒരു ക്ഷണത്തെ​ക്കു​റിച്ച്‌ നമ്മൾ കാണുന്നു. (സുഭാ. 2:6; റോമ. 16:27) ഏഴു തൂണു​ക​ളുള്ള വലി​യൊ​രു വീട്ടി​ലേ​ക്കാണ്‌ യഹോവ നമ്മളെ ക്ഷണിക്കു​ന്നത്‌. അതു കാണി​ക്കു​ന്നതു തന്നിൽനിന്ന്‌ പഠിച്ചു​കൊണ്ട്‌ ജീവി​ത​ത്തിൽ ജ്ഞാനി​ക​ളാ​യി​രി​ക്കാൻ ആഗ്രഹി​ക്കുന്ന എല്ലാവ​രെ​യും യഹോവ ഉദാര​മാ​യി ക്ഷണിക്കു​ന്നു എന്നാണ്‌.

15. എന്തു ചെയ്യാ​നാ​ണു ദൈവം നമ്മളെ ക്ഷണിക്കു​ന്നത്‌?

¹⁵ യഹോവ ഉദാര​നായ, സമൃദ്ധ​മാ​യി കൊടു​ക്കുന്ന ദൈവ​മാണ്‌.  സുഭാ​ഷി​തങ്ങൾ 9-ാം അധ്യാ​യ​ത്തിൽ ‘യഥാർഥ​ജ്ഞാ​നി​യാ​യി’ ചിത്രീ​ക​രി​ച്ചി​രി​ക്കുന്ന സ്‌ത്രീ​യി​ലും ഈ ഗുണങ്ങ​ളൊ​ക്കെ കാണാം. വിവര​ണ​ത്തിൽ നാം വായി​ക്കു​ന്നത്‌ ആ സ്‌ത്രീ ഇറച്ചി തയ്യാറാ​ക്കി വെച്ചി​രി​ക്കു​ന്ന​താ​യും വീഞ്ഞിൽ കൂട്ടു ചേർത്ത്‌ രുചി വർധി​പ്പി​ച്ചി​രി​ക്കു​ന്ന​താ​യും വീട്ടിലെ മേശ ഒരുക്കി​വെ​ച്ചി​രി​ക്കു​ന്ന​താ​യും ആണ്‌. (സുഭാ. 9:2, അടിക്കു​റിപ്പ്‌.) ഇനി 4, 5 വാക്യ​ങ്ങ​ളിൽ “സമാന്യ​ബോ​ധ​മി​ല്ലാ​ത്ത​വ​രോട്‌ അവൾ (യഥാർഥ​ജ്ഞാ​നം) ഇങ്ങനെ പറയുന്നു: ‘വരൂ, വന്ന്‌ എന്റെ അപ്പം തിന്നൂ.’” നമ്മൾ ജ്ഞാനി​യായ സ്‌ത്രീ​യു​ടെ ക്ഷണം സ്വീക​രി​ക്കേ​ണ്ടത്‌ എന്തു​കൊണ്ട്‌? കാരണം യഹോവ ആഗ്രഹി​ക്കു​ന്നതു തന്റെ മക്കൾ ജ്ഞാനി​ക​ളും സുരക്ഷി​ത​രും ആയിരി​ക്കാ​നാണ്‌. ജീവി​ത​ത്തിൽ ഒരു തെറ്റു പറ്റിയിട്ട്‌ അതിന്റെ മോശം അനുഭ​വ​ങ്ങ​ളിൽനിന്ന്‌ നമ്മൾ ഒരു പാഠം പഠിക്കാൻ യഹോവ ആഗ്രഹി​ക്കു​ന്നില്ല. അതു​കൊ​ണ്ടാണ്‌ ‘നേരു​ള്ള​വർക്കാ​യി ദൈവം ജ്ഞാനം സൂക്ഷി​ച്ചു​വെ​ച്ചി​രി​ക്കു​ന്നത്‌.’ (സുഭാ. 2:7) നമ്മുടെ ഉള്ളിൽ ശരിയായ ദൈവ​ഭയം ഉണ്ടെങ്കിൽ ദൈവ​ത്തി​ന്റെ ക്ഷണം സ്വീക​രി​ക്കു​ക​യും അതിനു ചേർച്ച​യിൽ പ്രവർത്തി​ക്കു​ക​യും ചെയ്‌തു​കൊണ്ട്‌ യഹോ​വയെ സന്തോ​ഷി​പ്പി​ക്കാൻ നമ്മൾ ആഗ്രഹി​ക്കും.—യാക്കോ. 1:25.

16. ജ്ഞാന​ത്തോ​ടെ ഒരു തീരു​മാ​ന​മെ​ടു​ക്കാൻ ദൈവ​ഭയം അലനെ സഹായി​ച്ചത്‌ എങ്ങനെ, അതിന്റെ പ്രയോ​ജനം എന്തായി​രു​ന്നു?

¹⁶ ദൈവ​ഭയം എങ്ങനെ​യാ​ണു ജ്ഞാന​ത്തോ​ടെ തീരു​മാ​ന​മെ​ടു​ക്കാൻ അലനെ സഹായി​ച്ച​തെന്നു നോക്കുക. അദ്ദേഹം ഒരു മൂപ്പനും സ്‌കൂൾ അധ്യാ​പ​ക​നു​മാണ്‌. സഹോ​ദരൻ പറയുന്നു: “എന്റെ കൂടെ ജോലി ചെയ്യുന്ന പല അധ്യാ​പ​ക​രും അശ്ലീല​സി​നി​മ​കളെ കാണു​ന്നതു ലൈം​ഗി​ക​വി​ദ്യാ​ഭ്യാ​സം കിട്ടാൻ സഹായി​ക്കുന്ന ഒന്നായി​ട്ടാണ്‌.” എന്നാൽ അതു ശരിയ​ല്ലെന്ന്‌ അലന്‌ അറിയാ​മാ​യി​രു​ന്നു. “ദൈവ​ഭയം ഉള്ളതു​കൊണ്ട്‌, അത്തരം സിനി​മകൾ കാണി​ല്ലെന്നു തീർത്തു​പ​റ​യാൻ എനിക്കാ​യി. അതിന്റെ കാരണം എന്താ​ണെന്നു സഹപ്ര​വർത്ത​ക​രോ​ടു വിശദീ​ക​രി​ക്കു​ക​യും ചെയ്‌തു.” അങ്ങനെ അദ്ദേഹം യഥാർഥ​ജ്ഞാ​ന​ത്തി​നു ചെവി കൊടു​ത്തു; ‘വകതി​രി​വി​ന്റെ വഴിയേ മുന്നോ​ട്ടു നടന്നു.’ (സുഭാ. 9:6) അലന്റെ ഈ ഉറച്ചനി​ല​പാ​ടു കണ്ട അധ്യാ​പ​ക​രിൽ ചിലർ ഇപ്പോൾ ബൈബിൾ പഠിക്കു​ക​യും മീറ്റി​ങ്ങു​കൾക്കു പങ്കെടു​ക്കു​ക​യും ചെയ്യു​ന്നുണ്ട്‌.

17-18. യഥാർഥ​ജ്ഞാ​ന​ത്തി​ന്റെ ക്ഷണം സ്വീക​രി​ക്കു​ന്ന​വർക്ക്‌ ഇപ്പോ​ഴും ഭാവി​യി​ലും എന്തൊക്കെ അനു​ഗ്ര​ഹങ്ങൾ ആസ്വദി​ക്കാ​നാ​കും? (ചിത്ര​വും കാണുക.)

¹⁷ രണ്ടു സ്‌ത്രീ​ക​ളു​ടെ ഉദാഹ​ര​ണ​ത്തി​ലൂ​ടെ നല്ല ഒരു ഭാവി കിട്ടാൻ നമുക്ക്‌ എന്തു ചെയ്യാ​നാ​കു​മെന്ന്‌ യഹോവ കാണി​ച്ചു​ത​രു​ന്നു. ‘വിവര​ദോ​ഷി​യായ സ്‌ത്രീ​യു​ടെ’ ക്ഷണം സ്വീക​രി​ക്കുന്ന വ്യക്തികൾ അധാർമി​കത എന്ന ‘മധുരം’ ആസ്വദി​ക്കാൻ നോക്കു​ന്ന​വ​രാണ്‌. പക്ഷേ ഇപ്പോ​ഴത്തെ സുഖങ്ങ​ളു​ടെ പുറകേ പോകുന്ന അവർ മറക്കുന്ന ഒരു കാര്യ​മുണ്ട്‌: അത്‌ അവരുടെ ഭാവി അപകട​ത്തി​ലാ​ക്കു​മെന്ന കാര്യം. കാരണം അവർ ചെന്നെ​ത്താൻ പോകു​ന്നതു ‘ശവക്കു​ഴി​യു​ടെ ആഴങ്ങളി​ലാണ്‌.’—സുഭാ. 9:13, 17, 18.

¹⁸ എന്നാൽ ‘യഥാർഥ​ജ്ഞാ​ന​ത്തി​ന്റെ’ ക്ഷണം സ്വീക​രി​ക്കു​ന്ന​വ​രു​ടെ കാര്യം അങ്ങനെയല്ല. അവർ ഇന്നു ശരിക്കു​മൊ​രു വിരുന്ന്‌ ആസ്വദി​ക്കു​ക​യാണ്‌.  നന്നായി തയ്യാറാ​ക്കിയ, പോഷ​ക​സ​മൃ​ദ്ധ​മായ ഒരു ആത്മീയ​വി​രുന്ന്‌! (യശ. 65:13) യശയ്യ പ്രവാ​ച​ക​നി​ലൂ​ടെ യഹോവ പറയുന്നു: “ഞാൻ പറയു​ന്നതു ശ്രദ്ധി​ച്ചു​കേട്ട്‌ നല്ല ഭക്ഷണം കഴിക്കുക, അങ്ങനെ, സമ്പുഷ്ട​മായ ആഹാരം കഴിച്ച്‌ നിങ്ങൾ സന്തോ​ഷി​ച്ചാ​ന​ന്ദി​ക്കും.” (യശ. 55:1, 2) യഹോവ സ്‌നേ​ഹി​ക്കു​ന്ന​തി​നെ സ്‌നേ​ഹി​ക്കാ​നും വെറു​ക്കു​ന്ന​തി​നെ വെറു​ക്കാ​നും നമ്മൾ പഠിക്കു​ന്നു. (സങ്കീ. 97:10) ‘യഥാർഥ​ജ്ഞാ​ന​ത്തിൽനിന്ന്‌’ പ്രയോ​ജനം നേടാൻ മറ്റുള്ള​വരെ സഹായി​ക്കു​ന്ന​തി​ന്റെ സംതൃ​പ്‌തി​യും നമുക്കുണ്ട്‌. അതു നമ്മൾ ‘നഗരത്തി​ലെ ഉയർന്ന സ്ഥലങ്ങളിൽ ചെന്ന്‌ “അനുഭ​വ​ജ്ഞാ​ന​മി​ല്ലാ​ത്ത​വ​രെ​ല്ലാം ഇവി​ടേക്കു വരട്ടെ” എന്നു വിളി​ച്ചു​പ​റ​യു​ന്ന​തു​പോ​ലെ​യാണ്‌.’ ആ ക്ഷണത്തോ​ടു പ്രതി​ക​രി​ക്കു​ന്ന​വർക്കും നമുക്കും ഉള്ള പ്രയോ​ജ​നങ്ങൾ ഇന്നും എന്നേക്കും ഉള്ളതാണ്‌. അതെ, ‘വകതി​രി​വി​ന്റെ വഴിയേ മുന്നോ​ട്ടു നടന്നാൽ’ നമുക്ക്‌ എന്നെന്നും ‘ജീവി​ച്ചി​രി​ക്കാൻ’ കഴിയും.—സുഭാ. 9:3, 4, 6.

19. സഭാ​പ്ര​സം​ഗകൻ 12:13, 14 പറയു​ന്ന​ത​നു​സ​രിച്ച്‌ എന്തു ചെയ്യാൻ നമ്മൾ ഉറച്ച തീരു​മാ​ന​മെ​ടു​ക്കണം? (“ ദൈവ​ഭയം നമുക്കു പ്രയോ​ജനം ചെയ്യുന്നു” എന്ന ചതുര​വും കാണുക.)

¹⁹ സഭാ​പ്ര​സം​ഗകൻ 12:13, 14 വായി​ക്കുക. ദൈവ​ഭ​യ​ത്തിന്‌, ഈ ദുഷിച്ച ലോക​ത്തി​ന്റെ അവസാ​ന​നാ​ളു​ക​ളിൽ ജീവി​ക്കുന്ന നമ്മുടെ ഹൃദയത്തെ സംരക്ഷി​ക്കാ​നാ​കും. അത്‌ ധാർമി​ക​മാ​യി ശുദ്ധരാ​യി​രി​ക്കാ​നും യഹോ​വ​യോട്‌ അടുത്തു​നിൽക്കാ​നും നമ്മളെ സഹായി​ക്കും. ഇതേ ദൈവ​ഭയം യഥാർഥ​ജ്ഞാ​നം കണ്ടെത്താ​നും അതിൽനിന്ന്‌ പ്രയോ​ജനം നേടാ​നും പരമാ​വധി ആളുകളെ ക്ഷണിക്കാൻ നമ്മളെ പ്രേരി​പ്പി​ക്കു​ക​യും ചെയ്യും.