അതെക്കു​റിച്ച്‌ ബൈബിൾ ഒന്നും പറയു​ന്നില്ല. എങ്കിലും എന്തു​കൊ​ണ്ടാണ്‌ അവർ യഹൂദ്യ​യി​ലുള്ള ബേത്ത്‌ലെ​ഹെ​മിൽത്തന്നെ തുടരാൻ തീരു​മാ​നി​ച്ച​തെന്നു മനസ്സി​ലാ​ക്കാൻ സഹായി​ക്കുന്ന ചില കാര്യങ്ങൾ ബൈബി​ളി​ലുണ്ട്‌.

മറിയ ഗർഭി​ണി​യാ​യി ഒരു കുഞ്ഞിനു ജന്മം നൽകു​മെന്നു ദൂതൻ മറിയയെ അറിയി​ച്ചു. ദൂതൻ ഈ സന്ദേശം അറിയിച്ച സമയത്ത്‌ യോ​സേ​ഫും മറിയ​യും ഗലീല​യി​ലെ ഒരു പട്ടണമായ നസറെ​ത്തി​ലാ​യി​രു​ന്നു. (ലൂക്കോ. 1:26-31; 2:4) പിന്നീട്‌ ഒരിക്കൽ ഈജി​പ്‌തിൽനിന്ന്‌ അവർ വന്നതും നസറെ​ത്തി​ലേ​ക്കു​ത​ന്നെ​യാണ്‌. അങ്ങനെ യേശു​വും ഒരു നസറെ​ത്തു​കാ​ര​നാ​യി വളർന്നു. (മത്താ. 2:19-23) അതു​കൊ​ണ്ടൊ​ക്കെ​യാ​ണു യേശു​വി​നെ​യും യോ​സേ​ഫി​നെ​യും മറിയ​യെ​യും കുറിച്ച്‌ കേൾക്കു​മ്പോൾ നസറെത്ത്‌ എന്ന സ്ഥലം നമ്മുടെ മനസ്സി​ലേക്കു വരുന്നത്‌.

മറിയ​യ്‌ക്ക്‌ എലിസ​ബത്ത്‌ എന്നു പേരുള്ള ഒരു ബന്ധുവു​ണ്ടാ​യി​രു​ന്നു. യഹൂദ്യ​യി​ലാണ്‌ അവർ താമസി​ച്ചി​രു​ന്നത്‌. സെഖര്യ പുരോ​ഹി​തന്റെ ഭാര്യ​യാ​യി​രു​ന്നു എലിസ​ബത്ത്‌. പിന്നീട്‌ അവർക്കു ജനിച്ച മകനാണ്‌ സ്‌നാ​പ​ക​യോ​ഹ​ന്നാൻ. (ലൂക്കോ. 1:5, 9, 13, 36) എലിസ​ബ​ത്തി​നെ കാണാൻ ചെന്ന മറിയ മൂന്നു മാസ​ത്തോ​ളം അവരോ​ടൊ​പ്പം യഹൂദ്യ​യിൽ താമസി​ച്ചു. പിന്നെ മറിയ നസറെ​ത്തി​ലേക്കു തിരി​ച്ചു​പോ​യി. (ലൂക്കോ. 1:39, 40, 56) അതു​കൊ​ണ്ടു​തന്നെ മറിയ​യ്‌ക്ക്‌ യഹൂദ്യ​യി​ലെ പ്രദേ​ശ​മൊ​ക്കെ​യാ​യി​ട്ടു കുറച്ച്‌ പരിച​യ​മു​ണ്ടാ​യി​രു​ന്നു.

‘പേരു രേഖ​പ്പെ​ടു​ത്താ​നുള്ള’ കല്പന അനുസ​രി​ക്കു​ന്ന​തി​നു​വേണ്ടി യോ​സേഫ്‌ നസറെ​ത്തിൽനിന്ന്‌ ബേത്ത്‌ലെ​ഹെ​മി​ലേക്കു പോയി. പ്രവചനം അനുസ​രിച്ച്‌ മിശിഹ ജനി​ക്കേ​ണ്ടി​യി​രു​ന്ന​തും ‘ദാവീ​ദി​ന്റെ നഗരമായ’ ഈ ബേത്ത്‌ലെ​ഹെ​മി​ലാ​യി​രു​ന്നു. (ലൂക്കോ. 2:3, 4; 1 ശമു. 17:15; 20:6; മീഖ 5:2) അവി​ടെ​വെച്ച്‌ മറിയ യേശു​വി​നു ജന്മം നൽകി. പക്ഷേ ഒരു കൈക്കു​ഞ്ഞു​മാ​യി നസറെ​ത്തി​ലേക്ക്‌ ഒരു നീണ്ട യാത്ര നടത്താൻ യോ​സേഫ്‌ ആഗ്രഹി​ച്ചില്ല. പകരം, യരുശ​ലേ​മിൽനിന്ന്‌ ഏതാണ്ട്‌ ഒൻപതു കിലോ​മീ​റ്റർ മാത്രം ദൂരമുള്ള ബേത്ത്‌ലെ​ഹെ​മിൽ അവർ താമസി​ച്ചു. അതു​കൊ​ണ്ടു​തന്നെ അവർക്ക്‌ യേശു​വി​നെ ആലയത്തിൽകൊ​ണ്ടു​പോ​കാ​നും നിയമം ആവശ്യ​പ്പെ​ട്ടി​രുന്ന യാഗം അർപ്പി​ക്കാ​നും കൂടുതൽ സൗകര്യ​മാ​യി​രു​ന്നു.—ലേവ്യ 12:2, 6-8; ലൂക്കോ. 2:22-24.

ജനിക്കാൻപോ​കുന്ന കുഞ്ഞിനു “ദാവീ​ദി​ന്റെ സിംഹാ​സനം” കൊടു​ക്കു​മെ​ന്നും അവൻ ഒരു ‘രാജാ​വാ​യി ഭരിക്കു​മെ​ന്നും’ ദൂതൻ മറിയ​യോ​ടു നേരത്തേ പറഞ്ഞി​ട്ടു​ണ്ടാ​യി​രു​ന്നു. അതു​കൊണ്ട്‌ യേശു ദാവീ​ദി​ന്റെ നഗരത്തിൽ ജനിച്ചു എന്നതിന്‌ എന്തോ പ്രധാ​ന്യം ഉള്ളതായി യോ​സേ​ഫി​നും മറിയ​യ്‌ക്കും തോന്നി​യി​ട്ടു​ണ്ടാ​കണം. (ലൂക്കോ. 1:32, 33; 2:11, 17) എന്താണ്‌ ഇനി ചെയ്യേ​ണ്ട​തെന്നു ദൈവ​ത്തിൽനിന്ന്‌ ഒരു സൂചന കിട്ടു​ന്ന​തു​വരെ ആ നഗരത്തിൽത്തന്നെ തുടരു​ന്ന​താ​യി​രി​ക്കും നല്ലതെന്ന്‌ ഒരുപക്ഷേ അവർ ചിന്തി​ച്ചു​കാ​ണും.

അവർ ബേത്ത്‌ലെ​ഹെ​മിൽ എത്ര നാൾ താമസി​ച്ച​തി​നു ശേഷമാ​ണു ജ്യോ​ത്സ്യ​ന്മാർ അവരെ കാണാൻ വന്നതെന്നു നമുക്ക്‌ അറിയില്ല. എന്തായാ​ലും അവർ അപ്പോ​ഴേ​ക്കും ഒരു വീട്ടിൽ താമസം തുടങ്ങി​യി​രു​ന്ന​താ​യി ബൈബിൾ പറയുന്നു. അതു​പോ​ലെ അവരുടെ മകനെ ഒരു കൈക്കു​ഞ്ഞാ​യി​ട്ടല്ല, അൽപ്പം​കൂ​ടി മുതിർന്ന ഒരു ‘കുട്ടി​യാ​യി​ട്ടാണ്‌’ അവിടെ പറയു​ന്നത്‌. (മത്താ. 2:11) അവർ നസറെ​ത്തി​ലേക്കു തിരി​ച്ചു​പോ​കു​ന്ന​തി​നു പകരം ബേത്ത്‌ലെ​ഹെ​മിൽത്തന്നെ കുറച്ചു​നാൾ താമസി​ച്ചു​കാ​ണും എന്നാണു നമ്മൾ അതിൽനിന്ന്‌ മനസ്സി​ലാ​ക്കു​ന്നത്‌.

“രണ്ടു വയസ്സും അതിൽ താഴെ​യും പ്രായ​മുള്ള ആൺകു​ഞ്ഞു​ങ്ങ​ളെ​യെ​ല്ലാം” കൊന്നു കളയാൻ ഹെരോദ്‌ ഉത്തരവി​ട്ടു. (മത്താ. 2:16) ഈ കാര്യ​ത്തെ​ക്കു​റിച്ച്‌ ദൂതൻ യോ​സേ​ഫി​നു മുന്നറി​യി​പ്പു കൊടു​ത്ത​പ്പോൾ യേശു​വി​നെ​യും​കൊണ്ട്‌ അവർ ഈജി​പ്‌തി​ലേക്കു പോകു​ക​യും ഹെരോദ്‌ മരിക്കു​ന്ന​തു​വരെ അവി​ടെ​ത്തന്നെ താമസി​ക്കു​ക​യും ചെയ്‌തു. പിന്നീടു യോ​സേഫ്‌ അവരെ​യും​കൊണ്ട്‌ നസറെ​ത്തി​ലേക്കു പോയി. എന്തു​കൊ​ണ്ടാണ്‌ അവർ ബേത്ത്‌ലെ​ഹെ​മി​ലേക്കു പോകാ​തി​രു​ന്നത്‌? ആ സമയത്ത്‌ യഹൂദ്യ ഭരിച്ചി​രു​ന്നത്‌ ഹെരോ​ദി​ന്റെ മകനായ അർക്കെ​ല​യൊസ്‌ ആയിരു​ന്നു. അദ്ദേഹം ഒരു ക്രൂര​നാ​യി​രു​ന്ന​തു​കൊണ്ട്‌ യോ​സേ​ഫിന്‌ അങ്ങോ​ട്ടു​പോ​കാൻ പേടി​തോ​ന്നി. മാത്രമല്ല, ദൂതൻ അതെക്കു​റിച്ച്‌ മുന്നറി​യി​പ്പു കൊടു​ക്കു​ക​യും ചെയ്‌തി​രു​ന്നു. എന്തായാ​ലും യഹോ​വ​യു​ടെ ഒരു ആരാധ​ക​നാ​യി യേശു​വി​നെ വളർത്തി​ക്കൊ​ണ്ടു​വ​രാൻ സുരക്ഷി​ത​മായ ഒരു സ്ഥലമാ​യി​രു​ന്നു നസറെത്ത്‌.—മത്താ. 2:19-22; 13:55; ലൂക്കോ. 2:39, 52.

സാധ്യ​ത​യ​നു​സ​രിച്ച്‌ മറ്റുള്ള​വർക്കു സ്വർഗ​ത്തി​ലേക്കു പോകാൻ യേശു വഴി തുറന്നു​കൊ​ടു​ക്കു​ന്ന​തി​നു മുമ്പ്‌ യോ​സേഫ്‌ മരിച്ചു​പോ​യി​രു​ന്നു. അതു​കൊ​ണ്ടു​തന്നെ യോ​സേഫ്‌ ഭൂമി​യി​ലേ​ക്കാ​യി​രി​ക്കും പുനരു​ഥാ​ന​പ്പെ​ട്ടു​വ​രുക. ആ സമയത്ത്‌ പലർക്കും യോ​സേ​ഫി​നെ നേരിട്ട്‌ കാണാ​നും എന്തു​കൊ​ണ്ടാ​ണു യേശു ജനിച്ച​തി​നു ശേഷം അവർ ബേത്ത്‌ലെ​ഹെ​മിൽത്തന്നെ തുടർന്ന​തെന്നു വിശദ​മാ​യി ചോദി​ച്ച​റി​യാ​നും കഴിയും.