വീക്ഷാഗോപുരത്തിന്റെ ഈ വർഷത്തെ ലക്കങ്ങൾ നിങ്ങൾ ശ്രദ്ധ​യോ​ടെ വായി​ച്ചു​കാ​ണു​മ​ല്ലോ. പിൻവ​രുന്ന ചോദ്യ​ങ്ങൾക്ക്‌ ഉത്തരം പറയാൻ കഴിയു​മോ?

‘മനസ്സു പുതു​ക്കുക’ എന്നു പറയു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌? (റോമ. 12:2)

അതിനു ജീവി​ത​ത്തിൽ കുറെ നല്ല കാര്യങ്ങൾ ചെയ്‌താൽ മാത്രം പോരാ. നമ്മൾ ഉള്ളിന്റെ ഉള്ളിൽ എങ്ങനെ​യുള്ള വ്യക്തി​യാ​ണെന്നു പരി​ശോ​ധിച്ച്‌, വേണ്ട മാറ്റങ്ങൾ വരുത്തു​ന്ന​തും നമ്മുടെ ജീവി​തത്തെ യഹോ​വ​യു​ടെ നിലവാ​ര​ങ്ങ​ളോ​ടു കഴിയു​ന്നത്ര യോജി​പ്പിൽ കൊണ്ടു​വ​രു​ന്ന​തും അതിൽ ഉൾപ്പെ​ടു​ന്നു.—w23.01, പേ. 8-9.

ഇന്നത്തെ ലോക​സം​ഭ​വങ്ങൾ കാണു​മ്പോൾ നമുക്ക്‌ എങ്ങനെ ശരിയായ കാഴ്‌ച​പ്പാ​ടു​ണ്ടാ​യി​രി​ക്കാം?

ലോക​സം​ഭ​വങ്ങൾ കാണു​മ്പോൾ ബൈബിൾപ്ര​വ​ച​നങ്ങൾ എങ്ങനെ നിറ​വേ​റു​ന്നെന്ന്‌ അറിയാൻ നമുക്കു പൊതു​വേ താത്‌പ​ര്യം തോന്നും. വെറും ഊഹാ​പോ​ഹങ്ങൾ പറയു​ന്നതു സഭയിൽ ഭിന്നി​പ്പു​ണ്ടാ​ക്കും. അതു​കൊണ്ട്‌ യഹോ​വ​യു​ടെ സംഘടന പ്രസി​ദ്ധീ​ക​രി​ച്ചി​ട്ടുള്ള വിവര​ങ്ങ​ളു​ടെ അടിസ്ഥാ​ന​ത്തിൽ സംസാ​രി​ക്കുക. (1 കൊരി. 1:10)—w23.02, പേ. 16.

യേശു​വി​ന്റെ സ്‌നാനം യേശു​വി​ന്റെ അനുഗാ​മി​ക​ളു​ടേ​തിൽനിന്ന്‌ വ്യത്യാ​സ​പ്പെ​ട്ടി​രി​ക്കു​ന്നത്‌ എങ്ങനെ?

ദൈവ​ത്തി​നു സമർപ്പിച്ച ഒരു ജനത്തിന്റെ ഭാഗമാ​യി ജനിച്ച​തു​കൊണ്ട്‌ യേശു​വി​നു നമ്മളെ​പ്പോ​ലെ, തന്നെത്തന്നെ യഹോ​വ​യ്‌ക്കു സമർപ്പി​ക്കേണ്ട ആവശ്യ​മി​ല്ലാ​യി​രു​ന്നു. ഇനി, പാപമി​ല്ലാത്ത ഒരു പൂർണ​മ​നു​ഷ്യ​നാ​യി​രു​ന്ന​തു​കൊണ്ട്‌ തന്റെ പാപ​ത്തെ​ക്കു​റിച്ച്‌ ഓർത്ത്‌ പശ്ചാത്ത​പി​ക്കേണ്ട ആവശ്യ​വും യേശു​വി​നി​ല്ലാ​യി​രു​ന്നു.—w23.03, പേ. 5.

മീറ്റി​ങ്ങിൽ ഉത്തരം പറയാൻ മറ്റുള്ള​വരെ എങ്ങനെ സഹായി​ക്കാം?

നമ്മൾ ചെറിയ അഭി​പ്രാ​യങ്ങൾ പറഞ്ഞാൽ മറ്റുള്ള​വർക്ക്‌ കൂടുതൽ അവസരങ്ങൾ കിട്ടും. ഇനി ഖണ്ഡിക​യി​ലുള്ള എല്ലാം നമ്മൾതന്നെ പറയരുത്‌. അപ്പോൾ മറ്റുള്ള​വർക്കു പറയാൻ ആശയങ്ങൾ ബാക്കി​യു​ണ്ടാ​കും.—w23.04, പേ. 23.

യശയ്യ 35:8-ൽ പറയുന്ന “വിശു​ദ്ധ​വഴി” എന്താണ്‌?

ആലങ്കാ​രി​കാർഥ​ത്തിൽ പറഞ്ഞി​രി​ക്കുന്ന ഈ പ്രധാ​ന​വീ​ഥി ആദ്യം ചിത്രീ​ക​രി​ച്ചത്‌, ജൂതന്മാർ ബാബി​ലോ​ണിൽനിന്ന്‌ സ്വദേ​ശ​ത്തേക്കു പോയ വഴിയെ ആണ്‌. നമ്മുടെ കാലത്ത്‌ അതിന്‌ എന്തെങ്കി​ലും അർഥമു​ണ്ടോ? 1919-നു നൂറ്റാ​ണ്ടു​കൾക്കു മുമ്പു​തന്നെ ബൈബി​ളി​ന്റെ അച്ചടി​യും പരിഭാ​ഷ​യും പോലുള്ള മുന്നൊ​രു​ക്കങ്ങൾ നടന്നു. ആത്മീയ​പ​റു​ദീ​സ​യി​ലുള്ള ദൈവ​ജനം ‘വിശു​ദ്ധ​വ​ഴി​യി​ലൂ​ടെ’ യാത്ര ചെയ്യു​ക​യാണ്‌. അത്‌ അവരെ ദൈവ​രാ​ജ്യ​ത്തി​ന്റെ അനു​ഗ്ര​ഹ​ങ്ങ​ളിൽ കൊ​ണ്ടെ​ത്തി​ക്കും.—w23.05, പേ. 15-19.

ഏതു രണ്ട്‌ ആലങ്കാ​രിക സ്‌ത്രീ​ക​ളെ​ക്കു​റിച്ച്‌ പറഞ്ഞു​കൊ​ണ്ടാണ്‌ സുഭാ​ഷി​തങ്ങൾ 9-ാം അധ്യായം ഉപദേശം തരുന്നത്‌?

‘വിവര​ദോ​ഷി​യായ സ്‌ത്രീ​യു​ടെ’ ക്ഷണം ‘ശവക്കു​ഴി​യി​ലേ​ക്കും,’ ‘യഥാർഥ​ജ്ഞാ​നത്തെ’ ചിത്രീ​ക​രി​ക്കുന്ന സ്‌ത്രീ​യു​ടെ ക്ഷണം ‘വകതി​രി​വി​ന്റെ വഴിയി​ലേ​ക്കും’ ജീവനി​ലേ​ക്കും നയിക്കു​ന്ന​താ​യി സുഭാ​ഷി​ത​ങ്ങ​ളിൽ പറഞ്ഞി​രി​ക്കു​ന്നു. (സുഭാ. 9:1, 6, 13, 18)—w23.06, പേ. 22-24.

ലോത്തി​നോട്‌ ഇടപെ​ട്ട​പ്പോൾ ദൈവം എങ്ങനെ​യാണ്‌ താഴ്‌മ​യും വഴക്കവും കാണി​ച്ചത്‌?

യഹോവ നീതി​മാ​നായ ലോത്തി​നോ​ടു സൊ​ദോ​മിൽനിന്ന്‌ മലനാ​ട്ടിലേക്ക്‌ ഓടി​പ്പോ​കാൻ പറഞ്ഞു. പക്ഷേ സോവ​റി​ലേക്കു പോകാൻ തന്നെ അനുവ​ദി​ക്ക​ണ​മെന്ന്‌ അദ്ദേഹം അപേക്ഷി​ച്ചപ്പോൾ യഹോവ അതിന്‌ അനുവ​ദി​ച്ചു.—w23.07, പേ. 21.

ഭർത്താവ്‌ അശ്ലീലം കാണുന്ന ഒരാളാ​ണെ​ങ്കിൽ ഭാര്യക്ക്‌ എന്തു ചെയ്യാം?

ഭാര്യ സ്വയം കുറ്റ​പ്പെ​ടു​ത്ത​രു​തെന്ന്‌ ഓർക്കണം. യഹോ​വ​യു​മാ​യുള്ള ബന്ധം ശക്തമാ​ക്കു​ന്ന​തിൽ ശ്രദ്ധി​ക്കു​ക​യും വേണം. പ്രശ്‌നങ്ങൾ നേരി​ട്ട​പ്പോൾ യഹോ​വ​യിൽനിന്ന്‌ ആശ്വാസം കണ്ടെത്തിയ ബൈബി​ളി​ലെ സ്‌ത്രീ​ക​ഥാ​പാ​ത്ര​ങ്ങ​ളെ​ക്കു​റിച്ച്‌ ആഴത്തിൽ ചിന്തി​ക്കുക. പ്രലോ​ഭ​ന​ത്തിന്‌ ഇടയാ​ക്കി​യേ​ക്കാ​വുന്ന സാഹച​ര്യ​ങ്ങൾ ഒഴിവാ​ക്കാ​നും ഭാര്യക്ക്‌ ഇണയെ സഹായി​ക്കാം.—w23.08, പേ. 14-17.

നമ്മുടെ വിശ്വാ​സത്തെ ചോദ്യം ചെയ്യു​ന്ന​വർക്ക്‌ സൗമ്യ​മാ​യി ഉത്തരം കൊടു​ക്കാൻ ഉൾക്കാഴ്‌ച സഹായി​ക്കു​ന്നത്‌ എങ്ങനെ?

ഒരാൾ നമ്മുടെ വിശ്വാ​സത്തെ ചോദ്യം ചെയ്യു​മ്പോൾ അദ്ദേഹ​ത്തി​ന്റെ ചിന്തകൾ മനസ്സി​ലാ​ക്കാ​നുള്ള ഒരു വഴിയാ​യി അതിനെ കാണുക. സൗമ്യ​മാ​യി മറുപടി പറയാൻ അതു നമ്മളെ കൂടുതൽ സഹായി​ക്കും.—w23.09, പേ. 17.

മറിയ​ ധൈര്യം നേടി​യ​തിൽനിന്ന്‌ നമുക്ക്‌ എന്തു പഠിക്കാം?

മിശി​ഹ​യാ​കു​മാ​യി​രുന്ന കുഞ്ഞിനെ ഗർഭം ധരിക്കു​മെന്ന്‌ അറിഞ്ഞ​പ്പോൾ മറിയ ധൈര്യ​ത്തി​നും ശക്തിക്കും ആയി മറ്റുള്ള​വ​രു​ടെ സഹായം തേടി. ഗബ്രി​യേൽ ദൂത​നും എലിസ​ബ​ത്തും മറിയ​യ്‌ക്ക്‌ തിരു​വെ​ഴു​ത്തു​ക​ളിൽനിന്ന്‌ പ്രോ​ത്സാ​ഹനം കൊടു​ത്തു. മറിയ​യെ​പ്പോ​ലെ നമുക്കും സഹാരാ​ധ​ക​രിൽനിന്ന്‌ ധൈര്യ​വും ശക്തിയും നേടാ​നാ​കും.—w23.10, പേ. 15.

യഹോവ നമ്മുടെ പ്രാർഥ​ന​കൾക്ക്‌ എങ്ങനെ ഉത്തരം നൽകി​യേ​ക്കാം?

നമ്മുടെ പ്രാർഥ​നകൾ കേൾക്കു​മെന്ന ഉറപ്പ്‌ യഹോവ തന്നിട്ടുണ്ട്‌. ഉത്തരം തരു​മ്പോൾ തന്റെ ഉദ്ദേശ്യ​വു​മാ​യി അത്‌ എങ്ങനെ ബന്ധപ്പെ​ട്ടി​രി​ക്കു​ന്നെന്ന കാര്യം​കൂ​ടെ യഹോവ കണക്കി​ലെ​ടു​ക്കും. (യിരെ. 29:12) ഒരേ​പോ​ലെ​യുള്ള അപേക്ഷ​കൾക്കു വ്യത്യസ്‌ത വിധങ്ങ​ളി​ലാ​യി​രി​ക്കാം യഹോവ ഉത്തരം കൊടു​ക്കു​ന്നത്‌. പക്ഷേ യഹോവ എപ്പോ​ഴും നമ്മളെ സഹായി​ക്കും.—w23.11, പേ. 21-22.

റോമർ 5:2-ൽ ‘പ്രത്യാ​ശ​യെ​ക്കു​റിച്ച്‌’ പറഞ്ഞി​രി​ക്കുന്ന സ്ഥിതിക്ക്‌ 4-ാം വാക്യ​ത്തിൽ വീണ്ടും അതെക്കു​റിച്ച്‌ പറഞ്ഞി​രി​ക്കു​ന്നത്‌ എന്തു​കൊ​ണ്ടാണ്‌?

സന്തോ​ഷ​വാർത്ത കേൾക്കു​മ്പോൾ ഭൂമി​യി​ലെ പറുദീ​സ​യിൽ ജീവി​ക്കാ​മെന്ന പ്രത്യാശ ഒരാൾക്ക്‌ കിട്ടി​യേ​ക്കാം. എന്നാൽ അദ്ദേഹം കഷ്ടതകൾ നേരി​ടു​ക​യും അവ സഹിച്ചു​നിൽക്കു​ക​യും ദൈവാം​ഗീ​കാ​രം തിരി​ച്ച​റി​യു​ക​യും ചെയ്യു​ന്ന​തോ​ടെ അദ്ദേഹ​ത്തി​ന്റെ പ്രത്യാശ കൂടുതൽ ശക്തമാ​കു​ക​യും വിലപ്പെട്ട ഒന്നായി​ത്തീ​രു​ക​യും ചെയ്‌തേ​ക്കാം.—w23.12, പേ. 12-13.