1. അബ്രാ​ഹാ​മി​ന്റെ പ്രത്യാ​ശ​യ്‌ക്കു നല്ല അടിസ്ഥാ​ന​മു​ണ്ടാ​യി​രു​ന്നെന്നു നമുക്കു പറയാ​നാ​കു​ന്നത്‌ എന്തു​കൊണ്ട്‌?

 യഹോവ തന്റെ സുഹൃ​ത്തായ അബ്രാ​ഹാ​മിന്‌ അദ്ദേഹ​ത്തി​ന്റെ സന്തതി​യി​ലൂ​ടെ ഭൂമി​യി​ലെ സകല ജനതക​ളും അനു​ഗ്ര​ഹി​ക്ക​പ്പെ​ടും എന്ന ഉറപ്പു​കൊ​ടു​ത്തു. (ഉൽപ. 15:5; 22:18) അബ്രാ​ഹാ​മി​നു ദൈവ​ത്തിൽ ശക്തമായ വിശ്വാ​സ​മു​ണ്ടാ​യി​രു​ന്ന​തു​കൊണ്ട്‌ ആ പറഞ്ഞത്‌ എന്തായാ​ലും നടക്കു​മെന്ന ബോധ്യ​മു​ണ്ടാ​യി​രു​ന്നു. പക്ഷേ, അബ്രാ​ഹാ​മിന്‌ 100 വയസ്സും ഭാര്യ​യായ സാറയ്‌ക്ക്‌ 90 വയസ്സും ഉള്ളപ്പോ​ഴും അവർക്കൊ​രു മകൻ ഉണ്ടായി​രു​ന്നില്ല. (ഉൽപ. 21:1-7) എന്നാൽ ബൈബിൾ പറയുന്നു: “വാഗ്‌ദാ​ന​ത്തി​നു ചേർച്ച​യിൽ താൻ അനേകം ജനതകൾക്കു പിതാ​വാ​കും എന്ന്‌ അബ്രാ​ഹാം പ്രത്യാ​ശ​യോ​ടെ വിശ്വ​സി​ച്ചു.” (റോമ. 4:18) കാലങ്ങ​ളാ​യുള്ള അബ്രാ​ഹാ​മി​ന്റെ പ്രത്യാശ വെറു​തെ​യാ​യി​ല്ലെന്നു നമുക്ക്‌ അറിയാം. കാത്തി​രു​ന്ന​തു​പോ​ലെ യിസ്‌ഹാക്ക്‌ എന്നൊരു മകൻ അവർക്കു ജനിച്ചു. യഹോവ തന്റെ വാക്കു പാലി​ക്കു​മെന്ന്‌ അബ്രാ​ഹാ​മി​നു അത്രയും ഉറപ്പു​ണ്ടാ​യി​രു​ന്നത്‌ എന്തു​കൊ​ണ്ടാണ്‌?

2. യഹോ​വ​യു​ടെ വാഗ്‌ദാ​നം നിറ​വേ​റു​മെന്ന്‌ അബ്രാ​ഹാ​മിന്‌ ഉറപ്പു​ണ്ടാ​യി​രു​ന്നത്‌ എന്തു​കൊണ്ട്‌?

² യഹോ​വയെ വളരെ നന്നായി അറിയാ​മാ​യി​രു​ന്ന​തു​കൊണ്ട്‌ ദൈവ​ത്തി​ന്റെ വാഗ്‌ദാ​നം നിറ​വേ​റു​മെന്ന്‌ “അബ്രാ​ഹാ​മി​നു പൂർണ​ബോ​ധ്യ​മു​ണ്ടാ​യി​രു​ന്നു.” (റോമ. 4:21) ശക്തമായ വിശ്വാ​സം ഉണ്ടായി​രു​ന്ന​തു​കൊ​ണ്ടാണ്‌ അബ്രാ​ഹാ​മി​നെ യഹോവ അംഗീ​ക​രി​ച്ച​തും നീതി​മാ​നാ​യി കണക്കാ​ക്കി​യ​തും. (യാക്കോ. 2:23) റോമർ 4:18 പറയു​ന്ന​തു​പോ​ലെ, അബ്രാ​ഹാ​മി​ന്റെ വിശ്വാ​സ​വും പ്രത്യാ​ശ​യും തമ്മിൽ ബന്ധമു​ണ്ടാ​യി​രു​ന്നു. നമുക്ക്‌ ഇപ്പോൾ പ്രത്യാ​ശ​യെ​ക്കു​റിച്ച്‌ റോമർ 5-ാം അധ്യാ​യ​ത്തിൽ പൗലോസ്‌ പറഞ്ഞി​രി​ക്കു​ന്നത്‌ എന്താ​ണെന്നു നോക്കാം.

3. പൗലോസ്‌ പ്രത്യാ​ശ​യെ​ക്കു​റിച്ച്‌ എന്താണു പറയു​ന്നത്‌?

 ³ “പ്രത്യാശ ഒരിക്ക​ലും നമ്മളെ നിരാ​ശ​പ്പെ​ടു​ത്തില്ല” എന്നു പറയാ​നാ​കു​ന്ന​തി​ന്റെ കാരണം പൗലോസ്‌ വിശദീ​ക​രി​ക്കു​ന്നുണ്ട്‌. (റോമ. 5:5) നമ്മുടെ പ്രത്യാശ ശക്തമാ​ക്കാൻ കഴിയു​ന്നത്‌ എങ്ങനെ​യാ​ണെ​ന്നും പൗലോ​സി​ന്റെ വാക്കു​ക​ളിൽനിന്ന്‌ നമുക്കു മനസ്സി​ലാ​ക്കാം. റോമർ 5:1-5 ചർച്ച ചെയ്യു​മ്പോൾ നിങ്ങളു​ടെ പ്രത്യാശ എങ്ങനെ​യാ​ണു കാലങ്ങൾകൊണ്ട്‌ ശക്തമാ​യി​രി​ക്കു​ന്ന​തെന്നു ചിന്തി​ക്കുക. അത്‌ ഇനിയും എങ്ങനെ ശക്തമാ​ക്കാൻ കഴിയു​മെ​ന്നും നമ്മൾ പഠിക്കും. എന്നാൽ അതിനു മുമ്പ്‌ നമ്മളെ ഒരിക്ക​ലും നിരാ​ശ​പ്പെ​ടു​ത്തു​ക​യി​ല്ലെന്നു പൗലോസ്‌ പറഞ്ഞ മഹത്തായ ഒരു പ്രത്യാ​ശ​യെ​ക്കു​റിച്ച്‌ നമുക്കു നോക്കാം.

4. റോമർ 5:1, 2 എന്തി​നെ​ക്കു​റി​ച്ചാ​ണു പറയു​ന്നത്‌?

⁴ റോമർ 5:1, 2 വായി​ക്കുക. റോമി​ലുള്ള സഭയ്‌ക്കാ​ണു പൗലോസ്‌ ഈ വാക്കുകൾ എഴുതി​യത്‌. ആ സഹോ​ദ​രങ്ങൾ യഹോ​വ​യെ​യും യേശു​വി​നെ​യും കുറിച്ച്‌ പഠിച്ച്‌, അവരിൽ വിശ്വാ​സം അർപ്പി​ക്കു​ക​യും ക്രിസ്‌ത്യാ​നി​ക​ളാ​യി​ത്തീ​രു​ക​യും ചെയ്‌ത​വ​രാ​യി​രു​ന്നു. അതു​കൊണ്ട്‌ ദൈവം അവരെ ‘വിശ്വാ​സ​ത്തി​ന്റെ പേരിൽ നീതി​മാ​ന്മാ​രാ​യി പ്രഖ്യാ​പി​ച്ചു,’ പരിശു​ദ്ധാ​ത്മാ​വി​നാൽ അഭി​ഷേകം ചെയ്‌തു. അങ്ങനെ ഉറപ്പുള്ള ശ്രേഷ്‌ഠ​മാ​യൊ​രു പ്രത്യാശ അവർക്കു ലഭിച്ചു.

5. അഭിഷി​ക്തർക്കുള്ള പ്രത്യാശ എന്താണ്‌?

⁵ പൗലോസ്‌ പിന്നീട്‌ എഫെ​സൊ​സി​ലെ അഭിഷി​ക്ത​ക്രി​സ്‌ത്യാ​നി​കൾക്ക്‌ എഴുതി​യ​പ്പോൾ അവർക്കു കിട്ടാ​നി​രുന്ന പ്രത്യാ​ശ​യെ​ക്കു​റിച്ച്‌ പറഞ്ഞു. ‘വിശു​ദ്ധർക്കാ​യുള്ള ഒരു അവകാശം’ ആയിരു​ന്നു അത്‌. (എഫെ. 1:18) കൊ​ലോ​സ്യർക്ക്‌ എഴുതി​യ​പ്പോൾ അത്‌ എവി​ടെ​യാ​ണു കിട്ടു​ന്ന​തെ​ന്നും പൗലോസ്‌ സൂചി​പ്പി​ച്ചു. “സ്വർഗ​ത്തിൽ നിങ്ങൾക്കു​വേണ്ടി കരുതി​യി​രി​ക്കുന്ന പ്രത്യാശ” എന്നാണു പൗലോസ്‌ അതിനെ വിളി​ച്ചത്‌. (കൊലോ. 1:4, 5) അതു​കൊണ്ട്‌ അഭിഷി​ക്ത​ക്രി​സ്‌ത്യാ​നി​കൾക്കുള്ള പ്രത്യാശ, പുനരു​ത്ഥാ​ന​പ്പെട്ട്‌ സ്വർഗ​ത്തിൽ എന്നേക്കും ജീവി​ക്കുക എന്നതാണ്‌. അവിടെ അവർ ക്രിസ്‌തു​വി​നോ​ടൊ​പ്പം ഭരിക്കും.—1 തെസ്സ. 4:13-17; വെളി. 20:6.

6. അഭിഷി​ക്ത​നായ ഒരു സഹോ​ദരൻ തന്റെ പ്രത്യാ​ശ​യെ​ക്കു​റിച്ച്‌ പറഞ്ഞത്‌ എന്താണ്‌?

⁶ അഭിഷി​ക്ത​ക്രി​സ്‌ത്യാ​നി​കൾ തങ്ങളുടെ പ്രത്യാ​ശയെ വളരെ​യ​ധി​കം വിലമ​തി​ക്കു​ന്നുണ്ട്‌. അവരിൽ ഒരാളാ​യി​രു​ന്നു ഫ്രഡെ​റിക്‌ ഫ്രാൻസ്‌ സഹോ​ദരൻ. വർഷങ്ങ​ളോ​ളം യഹോ​വയെ വിശ്വ​സ്‌ത​മാ​യി സേവിച്ച സഹോ​ദരൻ 1991-ൽ തന്റെ പ്രത്യാ​ശ​യെ​ക്കു​റിച്ച്‌ ഇങ്ങനെ​യാ​ണു പറഞ്ഞത്‌: “ഉറപ്പുള്ള ഒന്നാണ്‌ നമ്മുടെ  പ്രത്യാശ. 1,44,000-ത്തിലെ ഓരോ​രു​ത്തർക്കും അതു ലഭിക്കു​മെ​ന്നതു തീർച്ച​യാണ്‌. നമ്മൾ ചിന്തി​ക്കു​ന്ന​തി​നെ​ക്കാ​ളും എത്രയോ വലുതാ​ണു നമുക്കു ലഭിക്കാ​നി​രി​ക്കുന്ന പ്രതി​ഫലം! . . . ആ പ്രത്യാ​ശ​യു​ടെ മൂല്യ​ത്തിന്‌ ഇപ്പോ​ഴും മങ്ങലേ​റ്റി​ട്ടില്ല. . . . എത്രയ​ധി​കം കാത്തി​രി​ക്കു​ന്നു​വോ അത്രയ​ധി​കം ഞങ്ങളുടെ വിലമ​തി​പ്പു കൂടു​ക​യാണ്‌. ആയിര​ക്ക​ണ​ക്കി​നു വർഷങ്ങൾ വേണ​മെ​ങ്കി​ലും കാത്തി​രി​ക്കാൻ ഞങ്ങൾ തയ്യാറാണ്‌. കാരണം, കാത്തി​രി​ക്കാൻ തക്ക മൂല്യം അതിനുണ്ട്‌. മുമ്പെ​ന്ന​ത്തെ​ക്കാ​ളും നമ്മുടെ പ്രത്യാ​ശയെ ഞാൻ ഇപ്പോൾ ഏറെ വിലമ​തി​ക്കു​ന്നു.”

7-8. നമ്മിൽ മിക്കവർക്കും ഉള്ള പ്രത്യാശ എന്താണ്‌? (റോമർ 8:20, 21)

⁷ ഇന്ന്‌ യഹോ​വയെ ആരാധി​ക്കുന്ന മിക്കവർക്കും മറ്റൊരു പ്രത്യാ​ശ​യാ​ണു​ള്ളത്‌; ദൈവ​രാ​ജ്യ​ത്തിൻകീ​ഴിൽ ഭൂമി​യിൽ എന്നേക്കും ജീവി​ക്കാം എന്ന പ്രത്യാശ. അബ്രാ​ഹാ​മും അതിനാ​യി​ട്ടാ​ണു കാത്തി​രു​ന്നത്‌. (എബ്രാ. 11:8-10, 13) പൗലോസ്‌ മഹത്തായ ഈ പ്രത്യാ​ശ​യെ​ക്കു​റിച്ച്‌ തന്റെ കത്തിൽ എഴുതി. (റോമർ 8:20, 21 വായി​ക്കുക.) ആദ്യം സന്തോ​ഷ​വാർത്ത കേട്ട​പ്പോൾ നിങ്ങൾക്ക്‌ ഏറ്റവും ഇഷ്ടപ്പെ​ട്ടത്‌ എന്താണ്‌? നമ്മൾ പാപമി​ല്ലാ​തെ, പൂർണ​രാ​യി​ത്തീ​രുന്ന ഒരു ദിവസം വരും എന്നതാ​ണോ? അതോ മരിച്ചു​പോയ പ്രിയ​പ്പെ​ട്ട​വരെ പറുദീ​സ​യിൽ വീണ്ടും കാണാ​നാ​കും എന്നതാ​ണോ? ദൈവം ഇങ്ങനെ ‘പ്രത്യാ​ശ​യ്‌ക്കു വക നൽകി​യി​രി​ക്കു​ന്ന​തു​കൊണ്ട്‌’ നമുക്കു നോക്കി​യി​രി​ക്കാൻ ഒരുപാ​ടു കാര്യ​ങ്ങ​ളുണ്ട്‌.

⁸ നമ്മൾ എന്നേക്കും ജീവി​ക്കാൻപോ​കു​ന്നത്‌ സ്വർഗ​ത്തി​ലാ​ണെ​ങ്കി​ലും ഭൂമി​യി​ലാ​ണെ​ങ്കി​ലും അതു സന്തോ​ഷി​ക്കാ​നുള്ള കാരണങ്ങൾ നൽകുന്ന മഹത്തായ ഒരു പ്രത്യാ​ശ​യാണ്‌. ആ പ്രത്യാ​ശ​യ്‌ക്ക്‌ ഇനിയും ശക്തമാ​കാ​നും കഴിയും. അത്‌ എങ്ങനെ​യെ​ന്നാ​ണു പൗലോസ്‌ അടുത്ത​താ​യി പറയു​ന്നത്‌. അതെക്കു​റിച്ച്‌ ഇനി നോക്കാം. പ്രത്യാശ നമ്മളെ ഒരിക്ക​ലും നിരാ​ശ​പ്പെ​ടു​ത്തി​ല്ലെന്ന്‌ അപ്പോൾ നമുക്കു കൂടുതൽ ബോധ്യ​മാ​കും.

9-10. പൗലോ​സി​ന്റെ ജീവിതം കാണി​ക്കു​ന്ന​തു​പോ​ലെ ക്രിസ്‌ത്യാ​നി​കൾ എന്തു പ്രതീ​ക്ഷി​ക്കണം? (റോമർ 5:3) (ചിത്ര​ങ്ങ​ളും കാണുക.)

⁹ റോമർ 5:3 വായി​ക്കുക. പ്രത്യാശ ശക്തമാ​കാൻ കഷ്ടതകൾ സഹായി​ച്ചേ​ക്കാം എന്നു പറഞ്ഞതു നിങ്ങൾ ശ്രദ്ധി​ച്ചോ? അതു നമ്മളെ അതിശ​യി​പ്പി​ച്ചേ​ക്കാം. ക്രിസ്‌തു​വി​ന്റെ അനുഗാ​മി​കൾക്കെ​ല്ലാം കഷ്ടതയു​ണ്ടാ​കും എന്നതാണു വസ്‌തുത. പൗലോ​സി​നെ​ക്കു​റിച്ച്‌ ചിന്തി​ക്കുക. പൗലോസ്‌ തെസ്സ​ലോ​നി​ക്യ​യി​ലുള്ള ക്രിസ്‌ത്യാ​നി​ക​ളോ​ടു പറഞ്ഞു: “നമ്മൾ കഷ്ടതകൾ സഹി​ക്കേ​ണ്ടി​വ​രു​മെന്നു നിങ്ങളു​ടെ​കൂ​ടെ ആയിരു​ന്ന​പ്പോൾത്തന്നെ ഞങ്ങൾ മുൻകൂ​ട്ടി​പ്പ​റ​യാ​റു​ണ്ടാ​യി​രു​ന്ന​ല്ലോ. . . . ഇപ്പോൾ അതു സംഭവി​ക്കു​ക​യും  ചെയ്‌തി​രി​ക്കു​ന്നു.” (1 തെസ്സ. 3:4) കൊരി​ന്തി​ലു​ള്ള​വർക്കു പൗലോസ്‌ എഴുതി: ‘സഹോ​ദ​ര​ങ്ങളേ, ഞങ്ങൾ സഹിച്ച കഷ്ടതകൾ നിങ്ങൾ അറിയാ​തെ പോക​രു​തെന്നു ഞങ്ങൾ ആഗ്രഹി​ക്കു​ന്നു. ജീവ​നോ​ടി​രി​ക്കു​മോ എന്നു​പോ​ലും ഞങ്ങൾക്ക്‌ ആശങ്ക തോന്നി.’—2 കൊരി. 1:8; 11:23-27.

¹⁰ ഏതെങ്കി​ലും തരത്തി​ലുള്ള കഷ്ടത തങ്ങൾ നേരി​ടേ​ണ്ടി​വ​രു​മെന്ന്‌ ഇന്നത്തെ ക്രിസ്‌ത്യാ​നി​കൾക്കും അറിയാം. (2 തിമൊ. 3:12) യേശു​വി​നെ വിശ്വ​സി​ക്കു​ക​യും അനുഗ​മി​ക്കു​ക​യും ചെയ്യു​ന്ന​തു​കൊണ്ട്‌ നിങ്ങൾക്ക്‌ അങ്ങനെ എന്തെങ്കി​ലും അനുഭ​വി​ക്കേ​ണ്ടി​വ​ന്നി​ട്ടു​ണ്ടോ? സുഹൃ​ത്തു​ക്ക​ളും ബന്ധുക്ക​ളും നിങ്ങളെ പരിഹ​സി​ച്ചി​ട്ടു​ണ്ടാ​കാം. ഉപദ്ര​വി​ക്കു​ക​പോ​ലും ചെയ്‌തു​കാ​ണും. ഇനി എല്ലാ കാര്യ​ത്തി​ലും സത്യസ​ന്ധ​രാ​യി​രി​ക്കാൻ നിങ്ങൾ ശ്രമി​ച്ച​തി​ന്റെ പേരിൽ ജോലി​സ്ഥ​ലത്ത്‌ പ്രശ്‌ന​ങ്ങ​ളു​ണ്ടാ​യോ? (എബ്രാ. 13:18) മറ്റുള്ള​വ​രോ​ടു സന്തോ​ഷ​വാർത്ത അറിയി​ച്ച​തു​കൊണ്ട്‌ ഗവൺമെ​ന്റി​ന്റെ എതിർപ്പു നേരി​ടേ​ണ്ടി​വ​ന്നോ? നേരി​ടുന്ന കഷ്ടതകൾ എന്തുത​ന്നെ​യാ​ണെ​ങ്കി​ലും, പൗലോസ്‌ പറഞ്ഞത്‌ നമ്മൾ സന്തോ​ഷി​ക്കണം എന്നാണ്‌. എന്തു​കൊണ്ട്‌?

11. ഏതു പരീക്ഷ​ണ​വും സഹിച്ചു​നിൽക്കാൻ നമ്മൾ ഉറച്ച തീരു​മാ​ന​മെ​ടു​ക്കേ​ണ്ടത്‌ എന്തു​കൊണ്ട്‌?

¹¹ കഷ്ടതക​ളു​ണ്ടാ​കു​മ്പോൾ നമുക്കു സന്തോ​ഷി​ക്കാൻ കഴിയു​ന്നത്‌, നമ്മളിൽ അതു പ്രധാ​ന​പ്പെട്ട ഒരു ഗുണം വളർത്തും എന്നതു​കൊ​ണ്ടാണ്‌. റോമർ 5:3 പറയു​ന്ന​തു​പോ​ലെ “കഷ്ടത സഹനശക്തി” ഉളവാ​ക്കു​ന്നു. എല്ലാ ക്രിസ്‌ത്യാ​നി​കൾക്കും കഷ്ടതയു​ണ്ടാ​കും. ഏതു പരീക്ഷണം ഉണ്ടായാ​ലും അതു സഹിച്ചു​നിൽക്കാൻ നമ്മൾ ഉറച്ച തീരു​മാ​ന​മെ​ടു​ക്കണം. എങ്കിൽ മാത്രമേ പ്രത്യാശ നിറ​വേ​റു​ന്നതു കാണാൻ നമുക്കു കഴിയൂ. പാറസ്ഥ​ലത്ത്‌ വീണ വിത്തി​നെ​ക്കു​റിച്ച്‌ പറഞ്ഞ​പ്പോൾ യേശു​വി​ന്റെ മനസ്സി​ലു​ണ്ടാ​യി​രുന്ന ആളുക​ളെ​പ്പോ​ലെ ആയിരി​ക്കാൻ നമ്മൾ ആഗ്രഹി​ക്കു​ന്നില്ല. ആദ്യം അവർ ദൈവ​വ​ചനം സന്തോ​ഷ​ത്തോ​ടെ സ്വീക​രി​ച്ചെ​ങ്കി​ലും ‘കഷ്ടതയും ഉപദ്ര​വ​വും ഉണ്ടായ​പ്പോൾ’ വീണു​പോ​യി. (മത്താ. 13:5, 6, 20, 21) പരീക്ഷ​ണങ്ങൾ സഹിച്ചു​നിൽക്കു​ന്നത്‌ അത്ര എളുപ്പ​മുള്ള കാര്യ​മ​ല്ലെ​ങ്കി​ലും അതിനു പ്രയോ​ജ​ന​ങ്ങ​ളുണ്ട്‌. എന്തൊ​ക്കെ​യാണ്‌ അത്‌?

12. സഹിച്ചു​നിൽക്കു​ന്നത്‌ എങ്ങനെ​യാ​ണു പ്രയോ​ജനം ചെയ്യു​ന്നത്‌?

¹² സഹിച്ചു​നിൽക്കു​ന്ന​തി​ന്റെ പ്രയോ​ജ​ന​ങ്ങ​ളെ​ക്കു​റിച്ച്‌ ശിഷ്യ​നായ യാക്കോബ്‌ എടുത്തു​പ​റ​യു​ന്നുണ്ട്‌. അദ്ദേഹം എഴുതി: “സഹനശക്തി അതിന്റെ ലക്ഷ്യം പൂർത്തീ​ക​രി​ക്കട്ടെ. അങ്ങനെ നിങ്ങൾ ഒന്നിലും കുറവി​ല്ലാ​ത്ത​വ​രാ​യി പൂർണ​രും എല്ലാം തികഞ്ഞ​വ​രും ആകും.” (യാക്കോ. 1:2-4) സഹനശ​ക്തിക്ക്‌ ഒരു ലക്ഷ്യം പൂർത്തീ​ക​രി​ക്കാ​നു​ണ്ടെന്നു യാക്കോബ്‌ ഇവിടെ പറയുന്നു. എന്താണ്‌ ആ ലക്ഷ്യം? വിശ്വാ​സ​വും ക്ഷമയും പോലുള്ള ഗുണങ്ങൾ ഇനിയും വർധി​പ്പി​ക്കാ​നും ദൈവ​ത്തിൽ കൂടുതൽ ആശ്രയി​ക്കാ​നും അതു നമ്മളെ സഹായി​ക്കും. സഹിച്ചു​നിൽക്കു​ന്ന​തി​ലൂ​ടെ നമുക്കു ലഭിക്കുന്ന പ്രധാ​ന​പ്പെട്ട മറ്റൊരു പ്രയോ​ജ​ന​വും ഉണ്ട്‌.

13-14. സഹിച്ചു​നിൽക്കു​ന്നത്‌ എന്തു നേടി​ത്ത​രും, അതിനു പ്രത്യാ​ശ​യു​മാ​യുള്ള ബന്ധം എന്താണ്‌? (റോമർ 5:4)

¹³ റോമർ 5:4 വായി​ക്കുക. പൗലോസ്‌ പറയു​ന്ന​തു​പോ​ലെ, ‘സഹനശക്തി അംഗീ​കാ​രം’ ഉളവാ​ക്കു​ന്നു. അതായത്‌, നമ്മൾ സഹിച്ചു​നി​ന്നാൽ നമുക്ക്‌ യഹോ​വ​യു​ടെ അംഗീ​കാ​രം കിട്ടും. അതിനർഥം നിങ്ങൾ കഷ്ടപ്പെ​ടു​ന്ന​തിൽ യഹോവ സന്തോ​ഷി​ക്കു​ന്നു എന്നല്ല. പകരം നിങ്ങളിൽ, നിങ്ങൾ വിശ്വ​സ്‌ത​മാ​യി സഹിച്ചു​നി​ന്ന​തിൽ ആണ്‌ യഹോവ സന്തോ​ഷി​ക്കു​ന്നത്‌. സഹിച്ചു​നി​ന്നു​കൊണ്ട്‌ യഹോ​വ​യു​ടെ അംഗീ​കാ​രം നേടാ​നാ​കു​ന്നത്‌ എത്ര വലി​യൊ​രു അനു​ഗ്ര​ഹ​മാണ്‌!—സങ്കീ. 5:12.

¹⁴ അബ്രാ​ഹാ​മി​നെ​ക്കു​റിച്ച്‌ വീണ്ടും ചിന്തി​ക്കുക. അദ്ദേഹം സഹിച്ചു​നി​ന്ന​തു​കൊണ്ട്‌ ദൈവ​ത്തി​ന്റെ അംഗീ​കാ​രം നേടി. യഹോവ അദ്ദേഹത്തെ സുഹൃ​ത്താ​യി കാണു​ക​യും നീതി​മാ​നാ​യി കണക്കാ​ക്കു​ക​യും ചെയ്‌തു. (ഉൽപ. 15:6; റോമ. 4:13, 22) നമ്മുടെ കാര്യ​ത്തി​ലും അതു സത്യമാണ്‌. ദൈവ​സേ​വ​ന​ത്തിൽ നമ്മൾ എത്ര​ത്തോ​ളം ചെയ്യു​ന്നുണ്ട്‌, നമുക്ക്‌ എന്തൊക്കെ നിയമ​ന​ങ്ങ​ളുണ്ട്‌ എന്നതൊ​ന്നും നോക്കി​യല്ല ദൈവം നമ്മളെ അംഗീ​ക​രി​ക്കു​ന്നത്‌. പകരം, നമ്മൾ വിശ്വ​സ്‌ത​മാ​യി സഹിച്ചു​നിൽക്കു​ന്ന​തു​കൊ​ണ്ടാണ്‌. നമ്മുടെ പ്രായ​മോ സാഹച​ര്യ​മോ കഴിവു​ക​ളോ എന്തുത​ന്നെ​യാ​ണെ​ങ്കി​ലും നമുക്ക്‌ എല്ലാവർക്കും സഹിച്ചു​നിൽക്കാൻ കഴിയും. നിങ്ങൾ ഇപ്പോൾ ഏതെങ്കി​ലും പ്രശ്‌നം നേരി​ടു​ന്നു​ണ്ടോ? അതിനെ വിശ്വ​സ്‌ത​മാ​യി സഹിച്ചു​നിൽക്കു​ക​യാ​ണോ? എങ്കിൽ, നിങ്ങൾ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ക​യാണ്‌ എന്ന്‌ ഓർക്കുക. ദൈവാം​ഗീ​കാ​ര​മു​ണ്ടെന്ന ആ അറിവി​നു വലിയ ശക്തിയുണ്ട്‌. കാരണം അതു നമ്മുടെ പ്രത്യാശ ശക്തമാ​ക്കും.

15. റോമർ 5:4, 5-ൽ പൗലോസ്‌ എന്ത്‌ ആശയമാ​ണു പറയു​ന്നത്‌, ചിലരു​ടെ മനസ്സിൽ ഏതു ചോദ്യം വന്നേക്കാം?

¹⁵ പൗലോസ്‌ വിശദീ​ക​രി​ച്ച​തു​പോ​ലെ, പ്രശ്‌നങ്ങൾ നമ്മൾ സഹിച്ചു​നിൽക്കു​മ്പോൾ യഹോ​വ​യു​ടെ അംഗീ​കാ​രം ലഭിക്കും. എന്നിട്ട്‌ പൗലോസ്‌ തുടർന്നു​പ​റ​യു​ന്നു: ‘അംഗീ​കാ​രം പ്രത്യാശ ഉളവാ​ക്കു​ന്നു. പ്രത്യാശ ഒരിക്ക​ലും നമ്മളെ നിരാ​ശ​പ്പെ​ടു​ത്തില്ല.’ (റോമ. 5:4, 5) ഇതു കേൾക്കു​മ്പോൾ ചിലർക്ക്‌ ഒരു സംശയം തോന്നി​യേ​ക്കാം. കാരണം, റോമി​ലെ ക്രിസ്‌ത്യാ​നി​കൾക്ക്‌ അപ്പോൾത്തന്നെ ഒരു പ്രത്യാ​ശ​യു​ള്ള​താ​യി റോമർ 5:2-ൽ പൗലോസ്‌ പറയു​ന്നുണ്ട്‌; അതായത്‌ “ദൈവ​മ​ഹ​ത്ത്വ​ത്തിൽ പങ്കു​ചേ​രാ​മെന്ന പ്രത്യാശ.” അതു​കൊണ്ട്‌ ചിലർ ചോദി​ച്ചേ​ക്കാം: ‘ആ ക്രിസ്‌ത്യാ​നി​കൾക്ക്‌ അപ്പോൾത്തന്നെ ഒരു പ്രത്യാ​ശ​യു​ണ്ടെ​ങ്കിൽ, പിന്നെ എന്തിനാണ്‌ റോമർ 5:4-ൽ പൗലോസ്‌ വീണ്ടും ഒരു പ്രത്യാ​ശ​യെ​ക്കു​റിച്ച്‌ പറയു​ന്നത്‌?’

16. ഒരു വ്യക്തി​യിൽ പ്രത്യാശ വളരാൻ തുടങ്ങു​ന്നത്‌ എങ്ങനെ​യാണ്‌? (ചിത്ര​ങ്ങ​ളും കാണുക.)

¹⁶ പ്രത്യാശ എന്നത്‌, വളരുന്ന അഥവാ കൂടു​തൽക്കൂ​ടു​തൽ ശക്തമാ​കുന്ന ഒന്നാ​ണെന്നു മനസ്സിൽപ്പി​ടി​ച്ചാൽ പൗലോസ്‌ പറഞ്ഞതി​ന്റെ അർഥം നമുക്കു മനസ്സി​ലാ​കും. ഉദാഹ​ര​ണ​ത്തിന്‌, ദൈവ​വ​ച​ന​ത്തി​ലെ മനോ​ഹ​ര​മായ പ്രത്യാ​ശ​യെ​ക്കു​റിച്ച്‌ നിങ്ങൾ ആദ്യമാ​യി കേട്ടത്‌ ഓർക്കു​ന്നു​ണ്ടോ? പറുദീ​സ​യിൽ എന്നേക്കും ജീവി​ക്കാ​മെന്ന്‌ അറിഞ്ഞ​പ്പോൾ ‘അതു കൊള്ളാം, പക്ഷേ നടക്കു​മോ’ എന്നു നിങ്ങൾക്കു തോന്നി​ക്കാ​ണും. എന്നാൽ, യഹോ​വ​യെ​ക്കു​റി​ച്ചും ബൈബി​ളി​ലെ വാഗ്‌ദാ​ന​ങ്ങ​ളെ​ക്കു​റി​ച്ചും നിങ്ങൾ കൂടു​തൽക്കൂ​ടു​തൽ മനസ്സി​ലാ​ക്കി​യ​പ്പോൾ ആ പ്രത്യാശ നടക്കും എന്ന നിങ്ങളു​ടെ വിശ്വാ​സം ശക്തമായി.

17. സമർപ്പ​ണ​ത്തി​നും സ്‌നാ​ന​ത്തി​നും ശേഷവും നിങ്ങളു​ടെ പ്രത്യാശ വളർന്നു​കൊ​ണ്ടി​രു​ന്നത്‌ എങ്ങനെ​യാണ്‌?

¹⁷ സമർപ്പ​ണ​ത്തി​നും സ്‌നാ​ന​ത്തി​നും ശേഷവും നിങ്ങൾ കൂടുതൽ പഠിച്ചു, കൂടുതൽ ആത്മീയ​പ​ക്വത നേടി. അങ്ങനെ പ്രത്യാശ വളർന്നു​കൊ​ണ്ടി​രു​ന്നു. (എബ്രാ. 5:13–6:1) റോമർ 5:2-4-ൽ പറയുന്ന കാര്യങ്ങൾ നിങ്ങളു​ടെ ജീവി​ത​ത്തി​ലും സംഭവി​ച്ചി​ട്ടു​ണ്ടാ​കും. കഷ്ടതക​ളു​ണ്ടാ​യ​പ്പോൾ നിങ്ങൾ സഹിച്ചു​നിൽക്കു​ക​യും ദൈവ​ത്തി​ന്റെ അംഗീ​കാ​രം തിരി​ച്ച​റി​യു​ക​യും ചെയ്‌തു. ആ തിരി​ച്ച​റിവ്‌ യഹോവ വാഗ്‌ദാ​നം ചെയ്‌തി​രി​ക്കുന്ന കാര്യങ്ങൾ ഉറപ്പാ​യും കിട്ടു​മെന്ന ബോധ്യം ശക്തമാക്കി. അങ്ങനെ ആദ്യമു​ണ്ടാ​യി​രു​ന്ന​തി​നെ​ക്കാൾ നിങ്ങളു​ടെ പ്രത്യാശ ശക്തമാ​യെന്നു പറയാം. ഇപ്പോൾ അതു നിങ്ങൾക്കു കൂടുതൽ വിലപ്പെട്ട ഒന്നായി​ത്തീർന്നു. അതു ജീവി​ത​ത്തി​ന്റെ  എല്ലാ മേഖല​യെ​യും സ്വാധീ​നി​ക്കാൻതു​ടങ്ങി; നിങ്ങൾ കുടും​ബാം​ഗ​ങ്ങ​ളോട്‌ ഇടപെ​ടുന്ന വിധ​ത്തെ​യും, എടുക്കുന്ന തീരു​മാ​ന​ങ്ങ​ളെ​യും, സമയം എങ്ങനെ ഉപയോ​ഗി​ക്കു​ന്നു എന്നതി​നെ​യും എല്ലാം.

18. യഹോവ നമുക്ക്‌ എന്ത്‌ ഉറപ്പു തരുന്നു?

¹⁸ ദൈവാം​ഗീ​കാ​ര​ത്തി​ലൂ​ടെ ശക്തമാ​യി​ത്തീർന്ന നിങ്ങളു​ടെ പ്രത്യാ​ശ​യെ​ക്കു​റിച്ച്‌ പൗലോസ്‌ പറയുന്ന പ്രധാ​ന​പ്പെട്ട ഒരു കാര്യം നോക്കാം. ദൈവ​പ്ര​ചോ​ദി​ത​നാ​യി പൗലോസ്‌ ക്രിസ്‌ത്യാ​നി​കൾക്ക്‌ ഇങ്ങനെ എഴുതി: “നമ്മുടെ പ്രത്യാശ ഒരിക്ക​ലും നമ്മളെ നിരാ​ശ​പ്പെ​ടു​ത്തില്ല. കാരണം നമുക്കു നൽകിയ പരിശു​ദ്ധാ​ത്മാ​വി​ലൂ​ടെ ദൈവ​ത്തി​ന്റെ സ്‌നേഹം നമ്മുടെ ഹൃദയ​ങ്ങ​ളി​ലേക്കു ചൊരി​ഞ്ഞി​രി​ക്കു​ന്നു.” (റോമ. 5:5) നമ്മുടെ പ്രത്യാശ തീർച്ച​യാ​യും നിറ​വേ​റു​മെന്നു പൗലോ​സി​ലൂ​ടെ ദൈവം ഉറപ്പു തരുന്നു. അതെ, ദൈവം നിങ്ങൾക്കു തന്ന ആ പ്രത്യാശ നിറ​വേ​റു​മെന്നു ചിന്തി​ക്കാൻ എല്ലാ കാരണ​ങ്ങ​ളു​മുണ്ട്‌.

19. നിങ്ങളു​ടെ പ്രത്യാ​ശ​യെ​ക്കു​റിച്ച്‌ നിങ്ങൾക്ക്‌ എന്ത്‌ ഉറപ്പു​ണ്ടാ​യി​രി​ക്കാൻ കഴിയും?

¹⁹ യഹോവ അബ്രാ​ഹാ​മി​നു കൊടുത്ത ഉറപ്പി​നെ​ക്കു​റി​ച്ചും അദ്ദേഹത്തെ ദൈവം അംഗീ​ക​രി​ച്ച​തി​നെ​ക്കു​റി​ച്ചും സുഹൃ​ത്താ​ക്കി​യ​തി​നെ​ക്കു​റി​ച്ചും ഒക്കെ ചിന്തി​ക്കുക. അബ്രാ​ഹാ​മി​ന്റെ പ്രത്യാശ വെറു​തെ​യാ​യില്ല. ബൈബിൾ പറയുന്നു: “ക്ഷമയോ​ടെ കാത്തി​രു​ന്ന​ശേ​ഷ​മാണ്‌ അബ്രാ​ഹാ​മിന്‌ ഈ വാഗ്‌ദാ​നം ലഭിച്ചത്‌.” (എബ്രാ. 6:15; 11:9, 18; റോമ. 4:20-22) അദ്ദേഹ​ത്തി​നു നിരാ​ശ​പ്പെ​ടേ​ണ്ടി​വ​ന്നില്ല. വിശ്വ​സ്‌ത​രാ​യി നിൽക്കു​ന്നെ​ങ്കിൽ നിങ്ങൾക്കും പ്രതി​ഫലം ലഭിക്കും. ആ ഉറപ്പ്‌, സന്തോ​ഷി​ക്കാ​നുള്ള കാരണങ്ങൾ തരുന്നു. പ്രത്യാശ ഒരിക്ക​ലും നിങ്ങളെ നിരാ​ശ​പ്പെ​ടു​ത്തില്ല! (റോമ. 12:12) പൗലോസ്‌ എഴുതി: “നിങ്ങൾ ദൈവ​ത്തിൽ ആശ്രയി​ക്കു​മ്പോൾ പ്രത്യാശ നൽകുന്ന ആ ദൈവം നിങ്ങളിൽ വലിയ സന്തോ​ഷ​വും സമാധാ​ന​വും നിറയ്‌ക്കട്ടെ. അങ്ങനെ, പരിശു​ദ്ധാ​ത്മാ​വി​ന്റെ ശക്തിയാൽ നിങ്ങളിൽ പ്രത്യാശ നിറഞ്ഞു​ക​വി​യട്ടെ.”—റോമ. 15:13.