1. അബ്രാ​ഹാ​മി​ന്റെ വിശ്വാ​സ​ത്തെ​ക്കു​റിച്ച്‌ ചിന്തി​ക്കു​മ്പോൾ നമ്മൾ ഏതു ചോദ്യം ചോദി​ച്ചേ​ക്കാം?

 പലരും അബ്രാ​ഹാ​മി​നെ​ക്കു​റിച്ച്‌ കേട്ടി​ട്ടു​ണ്ടെ​ങ്കി​ലും അദ്ദേഹ​ത്തെ​ക്കു​റിച്ച്‌ കൂടു​ത​ലാ​യൊ​ന്നും അവർക്ക്‌ അറിയില്ല. പക്ഷേ നമുക്ക്‌ ഒരുപാ​ടു കാര്യങ്ങൾ അറിയാം. ഉദാഹ​ര​ണ​ത്തിന്‌ അബ്രാ​ഹാ​മി​നെ ‘വിശ്വാ​സ​മുള്ള സകലരു​ടെ​യും പിതാ​വെന്നു’ വിളി​ച്ചി​രി​ക്കു​ന്നു. (റോമ. 4:11) പക്ഷേ, നമ്മൾ ഇങ്ങനെ ചോദി​ച്ചേ​ക്കാം: ‘അബ്രാ​ഹാ​മി​ന്റെ അതേ മാതൃ​ക​യും വിശ്വാ​സ​വും പിൻപ​റ്റാൻ എനിക്കു കഴിയു​മോ?’ ഉറപ്പാ​യും നിങ്ങൾക്കു കഴിയും.

2. അബ്രാ​ഹാ​മി​ന്റെ മാതൃ​ക​യെ​ക്കു​റിച്ച്‌ നമ്മൾ പഠി​ക്കേ​ണ്ടത്‌ എന്തു​കൊണ്ട്‌? (യാക്കോബ്‌ 2:22, 23)

² അബ്രാ​ഹാ​മി​ന്റേ​തു​പോ​ലുള്ള വിശ്വാ​സം വളർത്തി​യെ​ടു​ക്കാ​നുള്ള ഒരു വഴി അദ്ദേഹ​ത്തി​ന്റെ മാതൃ​ക​യെ​ക്കു​റിച്ച്‌ പഠിക്കു​ന്ന​താണ്‌. ദൈവ​ത്തി​ന്റെ കല്പന അനുസ​രിച്ച്‌ അബ്രാ​ഹാം ഒരു ദൂര​ദേ​ശ​ത്തേക്കു പോയി. വർഷങ്ങ​ളോ​ളം കൂടാ​ര​ങ്ങ​ളിൽ താമസി​ച്ചു. തന്റെ പ്രിയ മകനായ യിസ്‌ഹാ​ക്കി​നെ ബലിയർപ്പി​ക്കാൻ തയ്യാറാ​യി. ശക്തമായ വിശ്വാ​സ​മു​ള്ള​തു​കൊ​ണ്ടാണ്‌ ഇതെല്ലാം ചെയ്‌തത്‌. അബ്രാ​ഹാ​മി​ന്റെ ഈ വിശ്വാ​സ​വും പ്രവൃ​ത്തി​ക​ളും ദൈവ​ത്തി​ന്റെ അംഗീ​കാ​ര​വും സൗഹൃ​ദ​വും അദ്ദേഹ​ത്തി​നു നേടി​ക്കൊ​ടു​ത്തു. (യാക്കോബ്‌ 2:22, 23 വായി​ക്കുക.) ആ അനു​ഗ്ര​ഹങ്ങൾ നിങ്ങളും ആസ്വദി​ക്കാൻ യഹോവ ആഗ്രഹി​ക്കു​ന്നു. അതു​കൊ​ണ്ടാണ്‌ അബ്രാ​ഹാ​മി​ന്റെ മാതൃ​ക​യെ​ക്കു​റിച്ച്‌ എഴുതാൻ ബൈബി​ളെ​ഴു​ത്തു​കാ​രായ പൗലോ​സി​നെ​യും യാക്കോ​ബി​നെ​യും ദൈവം പ്രചോ​ദി​പ്പി​ച്ചത്‌. റോമർ 4-ാം അധ്യാ​യ​ത്തി​ലും യാക്കോബ്‌ 2-ാം അധ്യാ​യ​ത്തി​ലും അബ്രാ​ഹാ​മി​നെ​ക്കു​റിച്ച്‌ പറഞ്ഞി​രി​ക്കുന്ന കാര്യങ്ങൾ ഈ ലേഖന​ത്തിൽ നമ്മൾ ചർച്ച ചെയ്യും. ഈ രണ്ട്‌ എഴുത്തു​കാ​രും അബ്രാ​ഹാ​മി​നെ​ക്കു​റിച്ച്‌ വളരെ പ്രധാ​ന​പ്പെട്ട ഒരു കാര്യം പറയു​ന്നുണ്ട്‌.

3. ഏതു തിരു​വെ​ഴു​ത്തു ഭാഗമാ​ണു പൗലോ​സും യാക്കോ​ബും ഒരേ​പോ​ലെ ഉപയോ​ഗി​ച്ചത്‌?

³ ഉൽപത്തി 15:6-ലെ വാക്കുകൾ പൗലോ​സും യാക്കോ​ബും അവരുടെ എഴുത്തു​ക​ളിൽ ഉപയോ​ഗി​ച്ചി​രി​ക്കു​ന്നതു കാണാം: “(അബ്രാ​ഹാം)  യഹോ​വ​യിൽ വിശ്വ​സി​ച്ചു. അതു​കൊണ്ട്‌ ദൈവം (അബ്രാ​ഹാ​മി​നെ) നീതി​മാ​നാ​യി കണക്കാക്കി.” ദൈവം നീതി​മാ​നാ​യി കണക്കാ​ക്കുന്ന ഒരാൾ, ദൈവ​ത്തി​ന്റെ അംഗീ​കാ​ര​മുള്ള, ദൈവ​ത്തി​ന്റെ കണ്ണിൽ കുറ്റമി​ല്ലാത്ത ഒരാളാ​യി​രി​ക്കും. പാപി​യും അപൂർണ​നും ആയ ഒരു മനുഷ്യ​നെ ദൈവം കുറ്റമി​ല്ലാ​ത്ത​വ​നാ​യി കാണു​ന്നത്‌ എത്ര വലി​യൊ​രു കാര്യ​മാ​ണല്ലേ? ദൈവം നമ്മളെ​യും അങ്ങനെ കാണാ​നാ​ണു നമ്മൾ ആഗ്രഹി​ക്കു​ന്നത്‌. അതു സാധ്യ​വു​മാണ്‌. എന്നാൽ എങ്ങനെ? അതു മനസ്സി​ലാ​ക്കാൻ ദൈവം എന്തു​കൊ​ണ്ടാണ്‌ അബ്രാ​ഹാ​മി​നെ നീതി​മാ​നെന്നു വിളി​ച്ച​തെന്നു നോക്കാം.

4. നീതി​മാ​നാ​യി​രി​ക്കു​ന്ന​തി​നു മനുഷ്യ​നുള്ള തടസ്സം എന്താണ്‌?

⁴ എല്ലാ മനുഷ്യ​രും പാപി​ക​ളാ​ണെന്നു പൗലോസ്‌ റോമർക്കുള്ള കത്തിൽ പറഞ്ഞു. (റോമ. 3:23) പാപി​യായ ഒരു മനുഷ്യന്‌ എങ്ങനെ നീതി​മാ​നാ​യി​രി​ക്കാൻ കഴിയും? കുറ്റമി​ല്ലാ​ത്ത​വ​നാ​യി​രു​ന്നു​കൊണ്ട്‌ ദൈവ​ത്തി​ന്റെ അംഗീ​കാ​രം നേടാൻ എങ്ങനെ സാധി​ക്കും? അബ്രാ​ഹാ​മി​ന്റെ മാതൃക ഉപയോ​ഗി​ച്ചു​കൊണ്ട്‌ പൗലോസ്‌ അതിനുള്ള ഉത്തരം കണ്ടെത്താൻ നമ്മളെ സഹായി​ക്കു​ന്നുണ്ട്‌.

5. എന്തിന്റെ അടിസ്ഥാ​ന​ത്തി​ലാണ്‌ യഹോവ അബ്രാ​ഹാ​മി​നെ നീതി​മാ​നെന്നു വിളി​ച്ചത്‌? (റോമർ 4:2-4)

⁵ കനാൻ ദേശത്ത്‌ താമസി​ക്കു​മ്പോ​ഴാണ്‌ യഹോവ അബ്രാ​ഹാ​മി​നെ നീതി​മാ​നെന്നു വിളി​ക്കു​ന്നത്‌. എന്തു​കൊ​ണ്ടാണ്‌ യഹോവ അങ്ങനെ വിളി​ച്ചത്‌? മോശ​യി​ലൂ​ടെ കൊടുത്ത നിയമം അതേപടി അനുസ​രി​ച്ച​തു​കൊ​ണ്ടാ​ണോ? ഒരിക്ക​ലു​മല്ല. (റോമ. 4:13) കാരണം ദൈവം ഇസ്രാ​യേൽ ജനതയ്‌ക്ക്‌ ആ നിയമം കൊടു​ക്കു​ന്നത്‌ അബ്രാ​ഹാ​മി​നെ നീതി​മാ​നെന്നു വിളിച്ച്‌ 400 വർഷം കഴിഞ്ഞാണ്‌. എങ്കിൽ എന്തിന്റെ അടിസ്ഥാ​ന​ത്തി​ലാണ്‌ യഹോവ അദ്ദേഹത്തെ നീതി​മാ​നെന്നു വിളി​ച്ചത്‌? അബ്രാ​ഹാ​മി​ന്റെ വിശ്വാ​സം കാരണം. അങ്ങനെ വിളി​ച്ചത്‌ ദൈവ​ത്തി​ന്റെ അനർഹദയ ആയിരു​ന്നു.—റോമർ 4:2-4 വായി​ക്കുക.

6. യഹോവ എങ്ങനെ​യാണ്‌ ഒരു പാപിയെ നീതി​മാ​നാ​യി കണക്കാ​ക്കു​ന്നത്‌?

⁶ ഒരാൾ ദൈവ​ത്തിൽ വിശ്വ​സി​ക്കു​ന്നെ​ങ്കിൽ “അയാളു​ടെ വിശ്വാ​സം നീതി​യാ​യി കണക്കി​ടും” എന്നു പൗലോസ്‌ പറഞ്ഞു. (റോമ. 4:5) തുടർന്ന്‌ അദ്ദേഹം ഇങ്ങനെ​യും പറയുന്നു: “പ്രവൃ​ത്തി​കൾ നോക്കാ​തെ​തന്നെ ദൈവം നീതി​മാ​നാ​യി കണക്കാ​ക്കുന്ന മനുഷ്യ​ന്റെ സന്തോ​ഷ​ത്തെ​പ്പറ്റി ദാവീ​ദും ഇങ്ങനെ പറയുന്നു: ‘ധിക്കാരം ക്ഷമിച്ചും പാപം മറച്ചും കിട്ടി​യവർ സന്തുഷ്ടർ. യഹോവ പാപം കണക്കി​ലെ​ടു​ക്കാത്ത മനുഷ്യൻ സന്തുഷ്ടൻ.’” (റോമ. 4:6-8; സങ്കീ. 32:1, 2) ദൈവ​ത്തിൽ വിശ്വ​സി​ക്കു​ന്ന​വ​രു​ടെ പാപങ്ങൾ ദൈവം ക്ഷമിക്കു​ന്നു, അല്ലെങ്കിൽ മറയ്‌ക്കു​ന്നു; അതു പൂർണ​മാ​യി മറന്നു​ക​ള​യു​ന്നു. പിന്നീട്‌ ഒരിക്ക​ലും അതു കണക്കി​ലെ​ടു​ക്കു​ന്നില്ല. അങ്ങനെ അവരുടെ വിശ്വാ​സ​ത്തി​ന്റെ അടിസ്ഥാ​ന​ത്തിൽ ദൈവം അവരെ കുറ്റമി​ല്ലാ​ത്ത​വ​രാ​യും നീതി​മാ​ന്മാ​രാ​യും കണക്കാ​ക്കു​ന്നു.

7. ദൈവ​ത്തി​ന്റെ വിശ്വ​സ്‌ത​രായ ആരാധകർ നീതി​മാ​ന്മാ​രാ​യി​രു​ന്നത്‌ ഏത്‌ അർഥത്തി​ലാണ്‌?

⁷ അബ്രാ​ഹാ​മി​നെ​യും ദാവീ​ദി​നെ​യും മറ്റു വിശ്വസ്‌ത ആരാധ​ക​രെ​യും നീതി​മാ​ന്മാ​രാ​യി ദൈവം കണ്ടെങ്കി​ലും അവർ അപ്പോ​ഴും പാപി​കൾത​ന്നെ​യാ​യി​രു​ന്നു. പക്ഷേ അവരുടെ വിശ്വാ​സം കാരണം അവരെ കുറ്റമ​റ്റ​വ​രാ​യി കാണാൻ ദൈവ​ത്തി​നു കഴിഞ്ഞു, പ്രത്യേ​കിച്ച്‌ ദൈവത്തെ ആരാധി​ക്കാ​ത്ത​വ​രു​മാ​യി താരത​മ്യം ചെയ്യു​മ്പോൾ. (എഫെ. 2:12) പൗലോസ്‌ തന്റെ കത്തിൽ വ്യക്തമാ​ക്കി​യ​തു​പോ​ലെ ദൈവ​ത്തി​ന്റെ സുഹൃ​ത്താ​കാൻ വിശ്വാ​സം കൂടിയേ തീരൂ. അബ്രാ​ഹാ​മി​ന്റെ​യും ദാവീ​ദി​ന്റെ​യും കാര്യ​ത്തിൽ അതു സത്യമാ​യി​രു​ന്നു. ഇന്നു നമ്മുടെ കാര്യ​ത്തി​ലും അതു സത്യമാണ്‌.

8-9. പൗലോ​സി​ന്റെ​യും യാക്കോ​ബി​ന്റെ​യും വാക്കു​കളെ ചിലർ തെറ്റി​ദ്ധ​രി​ച്ചി​രി​ക്കു​ന്നത്‌ എങ്ങനെ, എന്തു​കൊണ്ട്‌?

⁸ വിശ്വാ​സ​വും പ്രവൃ​ത്തി​ക​ളും തമ്മിലുള്ള ബന്ധത്തെ​ക്കു​റിച്ച്‌ നൂറു​ക​ണ​ക്കി​നു വർഷങ്ങ​ളാ​യി ക്രൈ​സ്‌തവ മതനേ​താ​ക്ക​ന്മാ​രു​ടെ ഇടയിൽ ചൂടു​പി​ടിച്ച ചർച്ചകൾ നടക്കു​ന്നുണ്ട്‌. അവരിൽ ചിലർ പഠിപ്പി​ക്കു​ന്നതു രക്ഷ കിട്ടാൻ കർത്താ​വായ യേശു​വിൽ വിശ്വ​സി​ച്ചാൽ മാത്രം മതി​യെ​ന്നാണ്‌. “രക്ഷിക്ക​പ്പെ​ടാൻ യേശു​വിൽ വിശ്വ​സി​ക്കൂ” എന്ന്‌ അവർ പറയു​ന്നതു നിങ്ങൾ കേട്ടി​ട്ടു​ണ്ടാ​കാം. ‘പ്രവൃ​ത്തി​കൾ നോക്കാ​തെ​തന്നെ ദൈവം (ഒരു മനുഷ്യ​നെ) നീതി​മാ​നാ​യി കണക്കാ​ക്കു​ന്നു’ എന്ന പൗലോ​സി​ന്റെ വാക്കുകൾ അവർ അതിനാ​യി ചില​പ്പോൾ കൂട്ടു​പി​ടി​ക്കാ​റു​മുണ്ട്‌. (റോമ. 4:6) എന്നാൽ മറ്റു ചിലർ പഠിപ്പി​ക്കു​ന്നത്‌, പുണ്യ​സ്ഥ​ലങ്ങൾ സന്ദർശി​ക്കു​ക​യും സഭ പറയുന്ന ആചാരങ്ങൾ അനുഷ്‌ഠി​ക്കു​ക​യും ചെയ്‌താൽ നിങ്ങൾക്കു “നിങ്ങളെ രക്ഷിക്കാം” എന്നാണ്‌. ആ കാര്യത്തെ പിന്താ​ങ്ങാൻ  അവർ ഉപയോ​ഗി​ക്കു​ന്നതു യാക്കോബ്‌ 2:24-ലെ ഈ വാക്കു​ക​ളാ​യി​രി​ക്കാം: “ഒരാളെ നീതി​മാ​നാ​യി പ്രഖ്യാ​പി​ക്കു​ന്നത്‌ അയാളു​ടെ വിശ്വാ​സ​ത്താൽ മാത്രമല്ല, പ്രവൃ​ത്തി​ക​ളാ​ലു​മാണ്‌.”

⁹ ഇങ്ങനെ രണ്ട്‌ അഭി​പ്രാ​യങ്ങൾ ഉള്ളതു​കൊണ്ട്‌, വിശ്വാ​സ​ത്തി​ന്റെ​യും പ്രവൃ​ത്തി​ക​ളു​ടെ​യും വിഷയ​ത്തിൽ പൗലോ​സും യാക്കോ​ബും യോജി​പ്പി​ല​ല്ലെന്നു ചില ബൈബിൾപ​ണ്ഡി​ത​ന്മാർ തെറ്റി​ദ്ധ​രി​ച്ചി​രി​ക്കു​ന്നു. ദൈവ​ത്തി​ന്റെ അംഗീ​കാ​രം നേടാൻ വിശ്വാ​സം മാത്രം മതി​യെന്നു പൗലോസ്‌ പറയു​മ്പോൾ, അല്ല പ്രവൃ​ത്തി​ക​ളാ​ണു പ്രധാ​ന​മെന്നു യാക്കോബ്‌ പറയു​ന്ന​താ​യി അവർ വിചാ​രി​ക്കു​ന്നു. ഒരു ദൈവ​ശാ​സ്‌ത്ര പണ്ഡിതൻ അതെക്കു​റിച്ച്‌ പറയുന്നു: “നീതി​മാ​നാ​യി കണക്കാ​ക്ക​പ്പെ​ടാൻ വിശ്വാ​സം മാത്രം മതി, പ്രവൃ​ത്തി​കൾ ആവശ്യ​മി​ല്ലെന്നു പൗലോസ്‌ പറഞ്ഞതി​ന്റെ കാരണം യാക്കോ​ബി​നു മനസ്സി​ലാ​യി​ല്ലെന്നു തോന്നു​ന്നു.” പക്ഷേ ഓർക്കേണ്ട ഒരു കാര്യം, ആ തിരു​വെ​ഴു​ത്തു​ഭാ​ഗങ്ങൾ എഴുതാൻ പൗലോ​സി​നെ​യും യാക്കോ​ബി​നെ​യും പ്രചോ​ദി​പ്പി​ച്ചത്‌ യഹോ​വ​യാണ്‌. (2 തിമൊ. 3:16) അതു​കൊ​ണ്ടു​തന്നെ അവരുടെ വാക്കുകൾ തമ്മിൽ ന്യായ​മാ​യും യോജി​പ്പി​ലാ​യി​രി​ക്കേ​ണ്ട​താണ്‌. അത്‌ എങ്ങനെ​യാ​ണു യോജി​ക്കു​ന്ന​തെന്നു മനസ്സി​ലാ​ക്കാൻ അവർ അതു പറഞ്ഞ സന്ദർഭം നോക്കി​യാൽ മതി.

10. ഏതു ‘പ്രവൃ​ത്തി​ക​ളെ​ക്കു​റി​ച്ചാ​ണു’ പൗലോസ്‌ പ്രധാ​ന​മാ​യും പറഞ്ഞു​വ​ന്നത്‌? (റോമർ 3:21, 28) (ചിത്ര​വും കാണുക.)

¹⁰ റോമർ 3-ഉം 4-ഉം അധ്യാ​യ​ങ്ങ​ളിൽ പൗലോസ്‌ ഏതു ‘പ്രവൃ​ത്തി​ക​ളെ​ക്കു​റി​ച്ചാ​ണു’ പറഞ്ഞത്‌? പൗലോസ്‌ പ്രധാ​ന​മാ​യും പറഞ്ഞു​വ​രു​ന്നത്‌ സീനായ്‌ പർവത​ത്തിൽവെച്ച്‌ മോശ​യി​ലൂ​ടെ കൊടുത്ത നിയമ​ത്തി​ന്റെ പ്രവൃ​ത്തി​ക​ളെ​ക്കു​റി​ച്ചാണ്‌; അഥവാ ആ “നിയമം ആവശ്യ​പ്പെ​ടുന്ന കാര്യങ്ങൾ” ചെയ്യു​ന്ന​തി​നെ​ക്കു​റി​ച്ചാണ്‌. (റോമർ 3:21, 28 വായി​ക്കുക.) കാരണം പൗലോ​സി​ന്റെ കാലത്ത്‌ ചില ജൂത​ക്രി​സ്‌ത്യാ​നി​കൾ, മോശ​യി​ലൂ​ടെ കൊടുത്ത നിയമ​വും അതിന്റെ പ്രവൃ​ത്തി​ക​ളും തുടർന്നും പിൻപ​റ്റ​ണ​മെന്നു നിർബ​ന്ധം​പി​ടി​ച്ചി​രു​ന്ന​താ​യി തോന്നു​ന്നു. അതു​കൊ​ണ്ടാണ്‌ ദൈവ​മു​മ്പാ​കെ നീതി​മാ​ന്മാ​രാ​യി​രി​ക്കാൻ “നിയമം ആവശ്യ​പ്പെ​ടുന്ന കാര്യങ്ങൾ” ചെയ്യേ​ണ്ട​തി​ല്ലെ​ന്നും വിശ്വാ​സ​മാ​ണു പ്രധാ​ന​മെ​ന്നും അബ്രാ​ഹാ​മി​ന്റെ മാതൃ​ക​യി​ലൂ​ടെ പൗലോസ്‌ വ്യക്തമാ​ക്കി​യത്‌. അതു നമുക്കു പ്രോ​ത്സാ​ഹനം തരുന്ന ഒരു കാര്യ​മാണ്‌. കാരണം,  ദൈവ​ത്തി​ലും യേശു​വി​ലും വിശ്വാ​സ​മു​ണ്ടെ​ങ്കിൽ നമുക്കും യഹോ​വ​യു​ടെ അംഗീ​കാ​രം കിട്ടും എന്നാണ​ല്ലോ അതു പഠിപ്പി​ക്കു​ന്നത്‌.

11. യാക്കോബ്‌ പറഞ്ഞത്‌ എങ്ങനെ​യുള്ള ‘പ്രവൃ​ത്തി​ക​ളെ​ക്കു​റി​ച്ചാണ്‌?’

¹¹ അങ്ങനെ​യെ​ങ്കിൽ യാക്കോബ്‌ 2-ാം അധ്യാ​യ​ത്തിൽ പറഞ്ഞി​രി​ക്കുന്ന “പ്രവൃ​ത്തി​കൾ” എന്താണ്‌? അത്‌ മോശ​യി​ലൂ​ടെ കൊടുത്ത “നിയമം ആവശ്യ​പ്പെ​ടുന്ന” പ്രവൃ​ത്തി​കൾ അല്ല. പകരം, ക്രിസ്‌ത്യാ​നി​കൾ ഓരോ ദിവസ​വും ചെയ്യേണ്ട കാര്യ​ങ്ങ​ളാണ്‌. ഒരു ക്രിസ്‌ത്യാ​നി ചെയ്യുന്ന അത്തരം പ്രവൃ​ത്തി​കൾ നോക്കി​യാൽ അദ്ദേഹ​ത്തി​നു ദൈവ​ത്തിൽ വിശ്വാ​സം ഉണ്ടോ ഇല്ലയോ എന്നു വ്യക്തമാ​കും. യാക്കോബ്‌ പറഞ്ഞ അത്തരം രണ്ട്‌ ഉദാഹ​ര​ണ​ങ്ങ​ളെ​ക്കു​റിച്ച്‌ നോക്കാം.

12. വിശ്വാ​സ​വും പ്രവൃ​ത്തി​ക​ളും തമ്മിലുള്ള ബന്ധം യാക്കോബ്‌ എങ്ങനെ​യാ​ണു വിശദീ​ക​രി​ച്ചത്‌? (ചിത്ര​വും കാണുക.)

¹² ആദ്യത്തെ ഉദാഹ​ര​ണ​ത്തിൽ ക്രിസ്‌ത്യാ​നി​കൾ മറ്റുള്ള​വ​രോ​ടു പക്ഷപാ​ത​മി​ല്ലാ​തെ ഇടപെ​ടേ​ണ്ട​തി​നെ​ക്കു​റി​ച്ചാണ്‌ യാക്കോബ്‌ പറഞ്ഞത്‌. അതു വിശദീ​ക​രി​ക്കു​ന്ന​തിന്‌, സമ്പന്നനായ ഒരു വ്യക്തി​യോ​ടു പ്രത്യേ​ക​പ​രി​ഗണന കാണി​ക്കു​ക​യും ദരി​ദ്ര​നായ ഒരു വ്യക്തി​യോ​ടു ദയയി​ല്ലാ​തെ പെരു​മാ​റു​ക​യും ചെയ്‌ത ഒരാ​ളെ​ക്കു​റിച്ച്‌ യാക്കോബ്‌ പറയുന്നു. അങ്ങനെ​യുള്ള ഒരാൾ തനിക്കു വിശ്വാ​സ​മു​ണ്ടെന്ന്‌ അവകാ​ശ​പ്പെ​ട്ടാ​ലും അദ്ദേഹ​ത്തിന്‌ അതിന​നു​സ​രി​ച്ചുള്ള പ്രവൃ​ത്തി​ക​ളി​ല്ലെന്ന്‌ യാക്കോബ്‌ വ്യക്തമാ​ക്കി. (യാക്കോ. 2:1-5, 9) രണ്ടാമത്തെ ഉദാഹ​രണം, ഉണ്ണാനും ഉടുക്കാ​നും വകയി​ല്ലാത്ത ഒരു സഹോ​ദ​ര​നെ​യോ സഹോ​ദ​രി​യെ​യോ കണ്ടിട്ടും അവർക്ക്‌ ആവശ്യ​മായ സഹായം നൽകാത്ത ഒരു വ്യക്തി​യെ​ക്കു​റി​ച്ചാണ്‌. തനിക്കു വിശ്വാ​സ​മു​ണ്ടെന്ന്‌ ഈ വ്യക്തി​യും അവകാ​ശ​പ്പെ​ട്ടേ​ക്കാം. എന്നാൽ അദ്ദേഹ​ത്തി​നും അതിന​നു​സ​രി​ച്ചുള്ള പ്രവൃ​ത്തി​ക​ളില്ല. അതു​കൊ​ണ്ടാണ്‌ യാക്കോബ്‌ പറഞ്ഞത്‌: “പ്രവൃ​ത്തി​ക​ളി​ല്ലെ​ങ്കിൽ വിശ്വാ​സം ചത്തതാണ്‌.”—യാക്കോ. 2:14-17.

13. വിശ്വാ​സം പ്രവൃ​ത്തി​ക​ളി​ലൂ​ടെ കാണി​ക്ക​ണ​മെന്നു വ്യക്തമാ​ക്കാൻ യാക്കോബ്‌ ഏത്‌ ഉദാഹ​ര​ണ​മാണ്‌ ഉപയോ​ഗി​ച്ചത്‌? (യാക്കോബ്‌ 2:25, 26)

¹³ വിശ്വാ​സം പ്രവൃ​ത്തി​ക​ളി​ലൂ​ടെ കാണി​ച്ച​തി​ന്റെ നല്ലൊരു ഉദാഹ​ര​ണ​മാ​യി യാക്കോബ്‌ രാഹാ​ബി​നെ​ക്കു​റിച്ച്‌ പറയുന്നു. (യാക്കോബ്‌ 2:25, 26 വായി​ക്കുക.) രാഹാബ്‌ യഹോ​വ​യെ​ക്കു​റിച്ച്‌ കേൾക്കു​ക​യും  യഹോവ ഇസ്രാ​യേ​ലി​നെ പിന്തു​ണ​യ്‌ക്കു​ന്നു​ണ്ടെന്നു മനസ്സി​ലാ​ക്കു​ക​യും ചെയ്‌തി​രു​ന്നു. (യോശ. 2:9-11) രാഹാബ്‌ തന്റെ വിശ്വാ​സം പ്രവൃ​ത്തി​ക​ളി​ലൂ​ടെ കാണി​ക്കു​ക​യും ചെയ്‌തു. എങ്ങനെ? ജീവൻ അപകട​ത്തി​ലാ​യി​രുന്ന രണ്ട്‌ ഇസ്രാ​യേല്യ ഒറ്റുകാ​രെ സംരക്ഷി​ച്ചു​കൊണ്ട്‌. അങ്ങനെ ഇസ്രാ​യേ​ല്യ​യ​ല്ലാത്ത, അപൂർണ​യായ ഈ സ്‌ത്രീ​യെ, അബ്രാ​ഹാ​മി​ന്റെ കാര്യ​ത്തി​ലെ​ന്ന​പോ​ലെ നീതി​യു​ള്ള​വ​ളാ​യി കണക്കാക്കി. നമുക്കു വിശ്വാ​സ​മു​ണ്ടെ​ങ്കിൽ അതു പ്രവൃ​ത്തി​ക​ളി​ലൂ​ടെ കാണി​ക്കണം എന്ന കാര്യം രാഹാ​ബി​ലൂ​ടെ നമ്മൾ പഠിക്കു​ന്നു.

14. പൗലോ​സും യാക്കോ​ബും പറഞ്ഞ കാര്യങ്ങൾ തമ്മിൽ വൈരു​ധ്യ​മില്ല എന്നു പറയാ​നാ​കു​ന്നത്‌ എന്തു​കൊണ്ട്‌?

¹⁴ ബൈബി​ളെ​ഴു​ത്തു​കാ​രായ പൗലോ​സും യാക്കോ​ബും, വിശ്വാ​സ​വും പ്രവൃ​ത്തി​ക​ളും എന്ന വിഷയ​ത്തി​ന്റെ രണ്ടു വശങ്ങ​ളെ​ക്കു​റി​ച്ചാ​ണു സംസാ​രി​ച്ചത്‌. പൗലോസ്‌ ജൂത​ക്രി​സ്‌ത്യാ​നി​ക​ളോട്‌, മോശ​യി​ലൂ​ടെ കൊടുത്ത നിയമം വെറുതെ അനുസ​രി​ക്കു​ന്ന​തി​ലൂ​ടെ ദൈവ​ത്തി​ന്റെ അംഗീ​കാ​രം നേടാൻ കഴിയി​ല്ലെന്നു പറയു​ക​യാ​യി​രു​ന്നു. എന്നാൽ യാക്കോബ്‌ ഊന്നൽ കൊടു​ത്തത്‌ എല്ലാ ക്രിസ്‌ത്യാ​നി​ക​ളും തങ്ങളുടെ വിശ്വാ​സം മറ്റുള്ള​വർക്ക്‌ നന്മ ചെയ്‌തു​കൊണ്ട്‌ തെളി​യി​ക്കണം എന്ന കാര്യ​ത്തി​നാണ്‌.

15. നമ്മുടെ വിശ്വാ​സം പ്രവൃ​ത്തി​ക​ളി​ലൂ​ടെ തെളി​യി​ക്കാ​നാ​കുന്ന ചില വിധങ്ങൾ ഏതൊ​ക്കെ​യാണ്‌? (ചിത്ര​ങ്ങ​ളും കാണുക.)

¹⁵ നമ്മളെ നീതി​മാ​ന്മാ​രാ​യി കണക്കാ​ക്കാൻ, അബ്രാ​ഹാം ചെയ്‌ത അതേ കാര്യങ്ങൾ നമ്മളും ചെയ്യണ​മെന്നു യഹോവ പറയു​ന്നില്ല. ശരിക്കും പറഞ്ഞാൽ നമ്മുടെ വിശ്വാ​സം പ്രവൃ​ത്തി​ക​ളി​ലൂ​ടെ തെളി​യി​ക്കാൻ പല വിധങ്ങ​ളുണ്ട്‌: സഭയിൽ വരുന്ന പുതിയ ആളുകളെ സ്വാഗതം ചെയ്യാം, സഹായം ആവശ്യ​മുള്ള സഹോ​ദ​ര​ങ്ങൾക്കും നമ്മുടെ കുടും​ബാം​ഗ​ങ്ങൾക്കും വേണ്ട കാര്യങ്ങൾ ചെയ്‌തു​കൊ​ടു​ക്കാം. ഇതെല്ലാം ദൈവം ഇഷ്ടപ്പെ​ടുന്ന, അംഗീ​ക​രി​ക്കുന്ന കാര്യ​ങ്ങ​ളാണ്‌. (റോമ. 15:7; 1 തിമൊ. 5:4, 8; 1 യോഹ. 3:18) ഇനി, വിശ്വാ​സം പ്രവൃ​ത്തി​ക​ളി​ലൂ​ടെ തെളി​യി​ക്കാ​നുള്ള ഏറ്റവും നല്ലൊരു വഴി തീക്ഷ്‌ണ​ത​യോ​ടെ സന്തോ​ഷ​വാർത്ത അറിയി​ക്കു​ന്ന​താണ്‌. (1 തിമൊ. 4:16) യഹോ​വ​യു​ടെ വാഗ്‌ദാ​ന​ങ്ങ​ളെ​ല്ലാം നടക്കു​മെ​ന്നും ദൈവ​ത്തി​ന്റെ വഴിക​ളാണ്‌ ഏറ്റവും മികച്ച​തെ​ന്നും നമ്മൾ വിശ്വ​സി​ക്കു​ന്നു​ണ്ടെന്നു പ്രവൃ​ത്തി​ക​ളി​ലൂ​ടെ കാണി​ക്കാൻ നമു​ക്കെ​ല്ലാം കഴിയും. അങ്ങനെ ചെയ്യു​ന്നെ​ങ്കിൽ ദൈവം നമ്മളെ നീതി​മാ​ന്മാ​രാ​യി  കണക്കാ​ക്കു​മെ​ന്നും തന്റെ സുഹൃ​ത്തു​ക്ക​ളാ​ക്കു​മെ​ന്നും നമുക്ക്‌ ഉറപ്പു​ണ്ടാ​യി​രി​ക്കാം.

16. അബ്രാ​ഹാ​മി​ന്റെ വിശ്വാ​സ​വു​മാ​യി പ്രത്യാശ ബന്ധപ്പെ​ട്ടി​രു​ന്നത്‌ എങ്ങനെ​യാണ്‌?

¹⁶ അബ്രാ​ഹാ​മിൽനിന്ന്‌ പഠിക്കാൻ കഴിയുന്ന മറ്റൊരു പ്രധാ​ന​പ്പെട്ട കാര്യ​ത്തെ​ക്കു​റി​ച്ചും റോമർ 4-ാം അധ്യായം പറയുന്നു— പ്രത്യാ​ശ​യു​ടെ പ്രാധാ​ന്യ​ത്തെ​ക്കു​റിച്ച്‌. അബ്രാ​ഹാം അനേകം ജനതകൾക്കു പിതാ​വാ​യി​ത്തീ​രു​മെ​ന്നും അദ്ദേഹ​ത്തി​ലൂ​ടെ “ഭൂമി​യി​ലെ കുടും​ബ​ങ്ങ​ളെ​ല്ലാം” അനു​ഗ്രഹം നേടു​മെ​ന്നും യഹോവ ഉറപ്പു​കൊ​ടു​ത്തി​രു​ന്നു. എത്ര നല്ലൊരു പ്രത്യാ​ശ​യാ​യി​രു​ന്നു അത്‌! (ഉൽപ. 12:3; 15:5; 17:4; റോമ. 4:17) എന്നാൽ അബ്രാ​ഹാ​മി​നു 100-ഉം സാറയ്‌ക്കു 90-ഉം വയസ്സാ​യി​ട്ടും യഹോവ പറഞ്ഞതു​പോ​ലെ അവർക്ക്‌ ഒരു മകനു​ണ്ടാ​യില്ല. മനുഷ്യ​ന്റെ വീക്ഷണ​ത്തിൽ ഇനി അവർക്ക്‌ ഒരു കുഞ്ഞു​ണ്ടാ​കു​മെന്നു ചിന്തി​ക്കാ​നേ പറ്റില്ലാ​യി​രു​ന്നു. ആ വാഗ്‌ദാ​നം വിശ്വ​സി​ക്കാൻ അബ്രാ​ഹാ​മി​നും അത്ര എളുപ്പ​മാ​യി​രു​ന്നില്ല. പക്ഷേ, “താൻ അനേകം ജനതകൾക്കു പിതാ​വാ​കും എന്ന്‌ അബ്രാ​ഹാം പ്രത്യാ​ശ​യോ​ടെ വിശ്വ​സി​ച്ചു.” (റോമ. 4:18, 19) അബ്രാ​ഹാ​മി​ന്റെ പ്രത്യാശ വെറു​തെ​യാ​യില്ല. കാത്തി​രു​ന്ന​തു​പോ​ലെ അവർക്ക്‌ യിസ്‌ഹാക്ക്‌ എന്ന മകൻ ജനിച്ചു.—റോമ. 4:20-22.

17. ദൈവ​ത്തി​ന്റെ സുഹൃ​ത്തു​ക്കൾ എന്ന നിലയിൽ നീതി​മാ​ന്മാ​രാ​യി​രി​ക്കാൻ നമുക്കും കഴിയു​മെന്ന്‌ ഉറപ്പു​ള്ളത്‌ എന്തു​കൊണ്ട്‌?

¹⁷ അബ്രാ​ഹാ​മി​നെ​പ്പോ​ലെ നമുക്കും ദൈവ​ത്തി​ന്റെ അംഗീ​കാ​രം നേടാ​നും ദൈവ​ത്തി​ന്റെ സുഹൃ​ത്തു​ക്കൾ എന്ന നിലയിൽ നീതി​മാ​ന്മാ​രാ​യി​രി​ക്കാ​നും കഴിയും. അതുത​ന്നെ​യാണ്‌ പൗലോ​സും പറഞ്ഞത്‌: “‘അത്‌ അബ്രാ​ഹാ​മി​നു കണക്കിട്ടു’ എന്ന്‌ എഴുതി​യി​രി​ക്കു​ന്നത്‌ അബ്രാ​ഹാ​മി​നു​വേണ്ടി മാത്രമല്ല, നമുക്കു​വേ​ണ്ടി​യു​മാണ്‌. നമുക്കും അതു കണക്കി​ടും. കാരണം, നമ്മുടെ കർത്താ​വായ യേശു​വി​നെ മരിച്ച​വ​രിൽനിന്ന്‌ ഉയിർപ്പിച്ച ദൈവ​ത്തിൽ നമ്മളും വിശ്വ​സി​ക്കു​ന്നുണ്ട്‌.” (റോമ. 4:23, 24) അബ്രാ​ഹാ​മി​നെ​പ്പോ​ലെ നമുക്കും വിശ്വാ​സ​വും പ്രവൃ​ത്തി​ക​ളും അതോ​ടൊ​പ്പം പ്രത്യാ​ശ​യും വേണം. റോമർ 5-ാം അധ്യാ​യ​ത്തിൽ പൗലോസ്‌ പ്രത്യാ​ശ​യെ​ക്കു​റിച്ച്‌ കൂടുതൽ പറയു​ന്നുണ്ട്‌. അടുത്ത ലേഖന​ത്തിൽ അതു ചർച്ച ചെയ്യും.