1. അവസാനം എപ്പോ​ഴാ​യി​രി​ക്കും എന്നതി​നെ​ക്കു​റിച്ച്‌ യേശു തന്റെ ശിഷ്യ​ന്മാ​രോട്‌ എന്തു പറഞ്ഞു, അവർക്ക്‌ എന്തു മുന്നറി​യി​പ്പും നൽകി?

 യേശു​വി​ന്റെ മരണത്തി​നു കുറച്ച്‌ ദിവസം മുമ്പ്‌ ശിഷ്യ​ന്മാ​രിൽ നാലു പേർ യേശു​വി​നോ​ടു ചോദി​ച്ചു: ‘വ്യവസ്ഥി​തി അവസാ​നി​ക്കാൻപോ​കു​ന്നു എന്നതിന്റെ അടയാളം എന്തായി​രി​ക്കും?’ (മത്താ. 24:3) യരുശ​ലേ​മും അവിടത്തെ ദേവാ​ല​യ​വും നശിപ്പി​ക്ക​പ്പെ​ടുന്ന സമയം എങ്ങനെ തിരി​ച്ച​റി​യു​മെന്നു മനസ്സി​ലാ​ക്കാ​നാ​യി​രി​ക്കാം അവർ ആഗ്രഹി​ച്ചത്‌. എന്നാൽ അവർക്കു കൊടുത്ത മറുപ​ടി​യിൽ അന്നത്തെ ജൂതവ്യ​വ​സ്ഥി​തി​യു​ടെ അവസാ​ന​ത്തെ​ക്കു​റിച്ച്‌ മാത്രമല്ല, നമ്മൾ ജീവി​ക്കുന്ന ഈ ‘വ്യവസ്ഥി​തി​യു​ടെ അവസാ​ന​ത്തെ​ക്കു​റി​ച്ചും’ യേശു സംസാ​രി​ച്ചു. അവസാനം എപ്പോ​ഴാ​യി​രി​ക്കും എന്നതി​നെ​ക്കു​റിച്ച്‌ യേശു ഇങ്ങനെ പറഞ്ഞു: “ആ ദിവസ​വും മണിക്കൂ​റും പിതാ​വി​ന​ല്ലാ​തെ ആർക്കും, സ്വർഗ​ത്തി​ലെ ദൂതന്മാർക്കോ പുത്ര​നു​പോ​ലു​മോ അറിയില്ല.” എന്നിട്ട്‌ യേശു ശിഷ്യ​ന്മാർക്ക്‌ ഇങ്ങനെ​യൊ​രു മുന്നറി​യി​പ്പും നൽകി: ‘ഉണർന്നി​രി​ക്കൂ! ഉണർവോ​ടി​രി​ക്കൂ.’—മർക്കോ. 13:32-37; അടിക്കു​റിപ്പ്‌.

2. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ഉണർവോ​ടി​രി​ക്കേ​ണ്ടി​യി​രു​ന്നത്‌ എന്തു​കൊണ്ട്‌?

² ഒന്നാം നൂറ്റാ​ണ്ടിൽ യഹൂദ്യ​യി​ലു​ണ്ടാ​യി​രുന്ന ക്രിസ്‌ത്യാ​നി​കൾ ഉണർവോ​ടി​രി​ക്ക​ണ​മാ​യി​രു​ന്നു. കാരണം അങ്ങനെ ചെയ്‌തെ​ങ്കി​ലേ അവർക്കു ജീവൻ രക്ഷിക്കാ​നാ​കു​മാ​യി​രു​ന്നു​ള്ളൂ. ജൂതവ്യ​വ​സ്ഥി​തി​യു​ടെ നാശം തൊട്ട​ടുത്ത്‌ എത്തി​യെന്നു മനസ്സി​ലാ​ക്കാൻ സഹായി​ക്കുന്ന ഒരു കാര്യം യേശു തന്റെ അനുഗാ​മി​ക​ളോ​ടു പറഞ്ഞി​രു​ന്നു. യേശു പറഞ്ഞു: “സൈന്യ​ങ്ങൾ യരുശ​ലേ​മി​നു ചുറ്റും പാളയ​മ​ടി​ച്ചി​രി​ക്കു​ന്നതു കാണു​മ്പോൾ അവളുടെ നാശം അടുത്തി​രി​ക്കു​ന്നു എന്ന്‌ അറിഞ്ഞു​കൊ​ള്ളുക.” അതു കാണു​മ്പോൾത്തന്നെ യേശു പറഞ്ഞതു​പോ​ലെ അവർ ‘മലകളി​ലേക്ക്‌ ഓടി​പ്പോ​ക​ണ​മാ​യി​രു​ന്നു.’ (ലൂക്കോ. 21:20, 21) അങ്ങനെ ചെയ്‌ത​വർക്കു റോമാ​ക്കാർ യരുശ​ലേം നശിപ്പിച്ച സമയത്ത്‌ ജീവൻ രക്ഷിക്കാൻ കഴിഞ്ഞു.

3. ഈ ലേഖന​ത്തിൽ നമ്മൾ എന്താണു പഠിക്കാൻപോ​കു​ന്നത്‌?

 ³ ഈ ദുഷ്ട​ലോ​ക​ത്തി​ന്റെ നാശം വളരെ അടുത്തി​രി​ക്കുന്ന സമയത്താ​ണു നമ്മൾ ജീവി​ക്കു​ന്നത്‌. അതു​കൊണ്ട്‌ നമ്മൾ സുബോ​ധ​മു​ള്ള​വ​രാ​യി ഉണർവോ​ടി​രി​ക്കണം. ഈ ലേഖന​ത്തിൽ, ലോക​സം​ഭ​വ​ങ്ങ​ളൊ​ക്കെ അടുത്ത്‌ നിരീ​ക്ഷി​ക്കു​മ്പോൾ നമുക്ക്‌ എങ്ങനെ ശരിയായ കാഴ്‌ച​പ്പാ​ടു നിലനി​റു​ത്താ​മെ​ന്നും നമ്മളെ​ത്തന്നെ എങ്ങനെ സൂക്ഷി​ക്കാ​മെ​ന്നും, അതു​പോ​ലെ ശേഷി​ച്ചി​രി​ക്കുന്ന സമയം എങ്ങനെ ഏറ്റവും നന്നായി ഉപയോ​ഗി​ക്കാ​മെ​ന്നും നമ്മൾ പഠിക്കും.

4. ലോക​സം​ഭ​വങ്ങൾ കാണു​മ്പോൾ ബൈബിൾപ്ര​വ​ച​നങ്ങൾ എങ്ങനെ നിറ​വേ​റു​ന്നെന്ന്‌ അറിയാൻ നമുക്കു താത്‌പ​ര്യം തോന്നു​ന്നത്‌ എന്തു​കൊണ്ട്‌?

⁴ ഇന്നത്തെ ലോക​സം​ഭ​വങ്ങൾ കാണു​മ്പോൾ ബൈബിൾപ്ര​വ​ച​നങ്ങൾ എങ്ങനെ നിറ​വേ​റു​ന്നെന്ന്‌ അറിയാൻ നമുക്കു പൊതു​വേ താത്‌പ​ര്യം തോന്നും. കാരണം ഈ ദുഷ്ട​ലോ​ക​ത്തി​ന്റെ നാശം അടുത്തി​രി​ക്കു​ന്നെന്നു സൂചി​പ്പി​ക്കുന്ന സംഭവ​ങ്ങ​ളെ​ക്കു​റിച്ച്‌ യേശു കൃത്യ​മാ​യി നമ്മളോ​ടു പറഞ്ഞി​ട്ടുണ്ട്‌. (മത്താ. 24:3-14) കൂടാതെ ബൈബിൾപ്ര​വ​ച​നങ്ങൾ എങ്ങനെ നിറ​വേ​റു​ന്നു എന്നതിന്‌ അടുത്ത ശ്രദ്ധ നൽകാ​നും അങ്ങനെ വിശ്വാ​സം ശക്തമാ​ക്കി​നി​റു​ത്താ​നും അപ്പോ​സ്‌ത​ല​നായ പത്രോ​സും നമ്മളെ പ്രോ​ത്സാ​ഹി​പ്പി​ച്ചി​രി​ക്കു​ന്നു. (2 പത്രോ. 1:19-21) ഇനി, വെളി​പാ​ടു പുസ്‌തകം തുടങ്ങു​ന്ന​തു​തന്നെ ഇങ്ങനെ പറഞ്ഞു​കൊ​ണ്ടാണ്‌: “യേശു​ക്രി​സ്‌തു​വി​ന്റെ വെളി​പാട്‌: ഉടനെ സംഭവി​ക്കാ​നുള്ള കാര്യങ്ങൾ തന്റെ അടിമ​കളെ കാണി​ക്കാൻവേണ്ടി ദൈവം അതു യേശു​വി​നു കൊടു​ത്തു.” (വെളി. 1:1) അതു​കൊണ്ട്‌ ഇന്നത്തെ ലോക​സം​ഭ​വ​ങ്ങ​ളി​ലും അവ ബൈബിൾപ്ര​വ​ച​ന​ങ്ങ​ളു​ടെ നിവൃ​ത്തി​യാ​യി​രി​ക്കു​ന്നത്‌ എങ്ങനെ എന്നതി​ലും നമു​ക്കെ​ല്ലാം താത്‌പ​ര്യ​മുണ്ട്‌. സ്വാഭാ​വി​ക​മാ​യും നമ്മൾ മറ്റുള്ള​വ​രോട്‌ അതെക്കു​റിച്ച്‌ സംസാ​രി​ക്കു​ക​യും ചെയ്യും.

5. നമ്മൾ എന്തു ചെയ്യരുത്‌, എന്തു ചെയ്യണം? (ചിത്ര​ങ്ങ​ളും കാണുക.)

⁵ ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ ചർച്ച ചെയ്യു​മ്പോൾ, അടുത്ത​താ​യി എന്തായി​രി​ക്കും സംഭവി​ക്കാൻ പോകു​ന്ന​തെന്നു വെറു​മൊ​രു ഊഹത്തി​ന്റെ അടിസ്ഥാ​ന​ത്തിൽ പറയാ​തി​രി​ക്കാൻ നമ്മൾ ശ്രദ്ധി​ക്കണം. കാരണം അത്തരം സംസാരം സഭയിൽ ഭിന്നിപ്പ്‌ ഉണ്ടാക്കു​കയേ ഉള്ളൂ. ഉദാഹ​ര​ണ​ത്തിന്‌, ചില​പ്പോൾ ലോക​നേ​താ​ക്ക​ന്മാർ ഏതെങ്കി​ലും ഒരു പ്രത്യേ​ക​പ്ര​ശ്‌നം പരിഹ​രിച്ച്‌ സമാധാ​ന​വും സുരക്ഷി​ത​ത്വ​വും കൊണ്ടു​വ​രു​ന്ന​തി​നെ​ക്കു​റിച്ച്‌ പറയു​ന്നതു നമ്മൾ കേട്ടേ​ക്കാം. ഉടനെ, ആ പ്രസ്‌താ​വന 1 തെസ്സ​ലോ​നി​ക്യർ 5:3-ന്റെ നിവൃ​ത്തി​യാ​ണെന്നു ചിന്തി​ക്ക​രുത്‌. പകരം യഹോ​വ​യു​ടെ സംഘടന പ്രസി​ദ്ധീ​ക​രി​ച്ചി​ട്ടുള്ള ഏറ്റവും പുതിയ വിവരങ്ങൾ പഠിക്കുക. ആ വിവര​ങ്ങളെ അടിസ്ഥാ​ന​മാ​ക്കി​യാ​ണു നമ്മൾ കാര്യങ്ങൾ ചർച്ച ചെയ്യു​ന്ന​തെ​ങ്കിൽ അത്‌ “ഒരേ ചിന്ത​യോ​ടെ” ഐക്യ​ത്തിൽ തുടരാൻ സഭയെ സഹായി​ക്കും.—1 കൊരി. 1:10; 4:6.

6. 2 പത്രോസ്‌ 3:11-13-ൽനിന്ന്‌ നമ്മൾ എന്താണു പഠിക്കു​ന്നത്‌?

⁶ 2 പത്രോസ്‌ 3:11-13 വായി​ക്കുക. ബൈബിൾപ്ര​വ​ച​ന​ങ്ങ​ളെ​ക്കു​റിച്ച്‌ പഠിക്കു​മ്പോൾ ശരിയായ ഒരു കാഴ്‌ച​പ്പാ​ടു​ണ്ടാ​യി​രി​ക്കാൻ അപ്പോ​സ്‌ത​ല​നായ പത്രോസ്‌ നമ്മളെ സഹായി​ക്കു​ന്നു. ‘യഹോ​വ​യു​ടെ ദിവസ​ത്തി​ന്റെ സാന്നി​ധ്യം എപ്പോ​ഴും മനസ്സിൽക്കണ്ട്‌ ജീവി​ക്കാ​നാ​ണു’ പത്രോസ്‌ നമ്മളെ ഉപദേ​ശി​ക്കു​ന്നത്‌. നമ്മൾ അങ്ങനെ ചെയ്യു​ന്നത്‌ യഹോവ അർമ​ഗെ​ദോൻ വരുത്തുന്ന “ദിവസ​വും മണിക്കൂ​റും” കണക്കു​കൂ​ട്ടി​യെ​ടു​ക്കാ​നല്ല, പകരം ശേഷി​ച്ചി​രി​ക്കുന്ന സമയം ‘വിശു​ദ്ധ​മായ പെരു​മാ​റ്റ​ത്തി​നും ഭക്തിപൂർണ​മായ പ്രവൃ​ത്തി​കൾക്കും’ വേണ്ടി ഏറ്റവും നന്നായി ഉപയോ​ഗി​ക്കാൻ ആഗ്രഹി​ക്കു​ന്ന​തു​കൊ​ണ്ടാണ്‌. (മത്താ. 24:36; ലൂക്കോ. 12:40) മറ്റു വാക്കു​ക​ളിൽ പറഞ്ഞാൽ, നമ്മുടെ പെരു​മാ​റ്റ​രീ​തി​കൾ ദൈവിക നിലവാ​ര​ങ്ങൾക്കു ചേർച്ച​യി​ലു​ള്ള​താ​ണെ​ന്നും ദൈവ​സേ​വ​ന​ത്തിൽ നമ്മൾ ചെയ്യു​ന്ന​തെ​ല്ലാം യഹോ​വ​യോ​ടുള്ള സ്‌നേ​ഹ​ത്താൽ പ്രേരി​ത​മാ​യി​ട്ടാ​ണെ​ന്നും ഉറപ്പു​വ​രു​ത്താൻവേ​ണ്ടി​യാണ്‌. അതിനു നമ്മൾ നമ്മളെ​ത്തന്നെ സൂക്ഷി​ക്കണം.

7. നമ്മു​ടെ​തന്നെ കാര്യ​ത്തിൽ ശ്രദ്ധയു​ള്ള​വ​രാ​ണെന്ന്‌ എങ്ങനെ തെളി​യി​ക്കാം? (ലൂക്കോസ്‌ 21:34)

⁷ ലോക​സം​ഭ​വ​ങ്ങ​ളിൽ മാത്രമല്ല നമ്മു​ടെ​തന്നെ കാര്യ​ത്തി​ലും ശ്രദ്ധയു​ള്ള​വ​രാ​യി​രി​ക്ക​ണ​മെന്നു യേശു തന്റെ ശിഷ്യ​ന്മാ​രോ​ടു പറഞ്ഞു. ലൂക്കോസ്‌ 21:34-ലെ (വായി​ക്കുക.) യേശു​വി​ന്റെ വാക്കുകൾ അതാണു കാണി​ക്കു​ന്നത്‌. അവിടെ യേശു പറഞ്ഞു: ‘നിങ്ങൾ സൂക്ഷി​ക്കണം.’ അങ്ങനെ  സൂക്ഷി​ക്കുന്ന ഒരു വ്യക്തി യഹോ​വ​യു​മാ​യുള്ള തന്റെ ബന്ധത്തെ അപകട​പ്പെ​ടു​ത്തി​യേ​ക്കാ​വുന്ന കാര്യ​ങ്ങ​ളെ​ക്കു​റിച്ച്‌ എപ്പോ​ഴും ശ്രദ്ധയുള്ള ആളായി​രി​ക്കും. ഇനി, എന്തെങ്കി​ലും ശ്രദ്ധയിൽപ്പെ​ട്ടാൽ അവ ഒഴിവാ​ക്കു​ക​യും ചെയ്യും. അതിലൂ​ടെ അദ്ദേഹ​ത്തി​നു ദൈവ​സ്‌നേ​ഹ​ത്തിൽ തുടരാ​നാ​കും.—സുഭാ. 22:3; യൂദ 20, 21.

8. ക്രിസ്‌ത്യാ​നി​കൾക്കു പൗലോസ്‌ അപ്പോ​സ്‌തലൻ എന്ത്‌ ഉപദേ​ശ​മാ​ണു നൽകി​യത്‌?

⁸ നമ്മൾ എന്തു ചെയ്യുന്നു എന്നതിനു ശ്രദ്ധ കൊടു​ക്ക​ണ​മെന്ന്‌ അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​കളെ ഉപദേ​ശി​ച്ചു. ഉദാഹ​ര​ണ​ത്തിന്‌ എഫെ​സൊ​സി​ലെ ക്രിസ്‌ത്യാ​നി​ക​ളോ​ടു പൗലോസ്‌ പറഞ്ഞത്‌, ‘നിങ്ങൾ എങ്ങനെ ജീവി​ക്കു​ന്നെന്നു പ്രത്യേ​കം ശ്രദ്ധി​ക്കുക; ബുദ്ധി​ഹീ​ന​രാ​യല്ല, ബുദ്ധി​യോ​ടെ നടക്കുക’ എന്നാണ്‌. (എഫെ. 5:15, 16) യഹോ​വ​യു​മാ​യുള്ള നമ്മുടെ ബന്ധത്തെ തകർക്കാൻ സാത്താൻ ശ്രമി​ച്ചു​കൊ​ണ്ടി​രി​ക്കു​ക​യാണ്‌. അതു​കൊ​ണ്ടാണ്‌ “എപ്പോ​ഴും യഹോ​വ​യു​ടെ ഇഷ്ടം എന്താ​ണെന്നു മനസ്സി​ലാ​ക്കാൻ ശ്രമി​ക്കുക” എന്നു ബൈബിൾ നമ്മളോ​ടു പറയു​ന്നത്‌. അങ്ങനെ സാത്താ​നിൽനിന്ന്‌ ഉണ്ടാകുന്ന എല്ലാ തരം ആക്രമ​ണ​ങ്ങ​ളെ​യും ചെറു​ക്കാൻ നമുക്കാ​കും.—എഫെ. 5:17.

9. യഹോ​വ​യു​ടെ ഇഷ്ടം എന്താ​ണെന്നു നമുക്ക്‌ എങ്ങനെ തിരി​ച്ച​റി​യാം?

⁹ യഹോ​വ​യു​മാ​യുള്ള നമ്മുടെ ബന്ധത്തെ അപകട​പ്പെ​ടു​ത്തി​യേ​ക്കാ​വുന്ന എല്ലാ പ്രശ്‌ന​ങ്ങ​ളെ​ക്കു​റി​ച്ചും ബൈബിൾ വ്യക്തമാ​യി പറയു​ന്നില്ല. പലപ്പോ​ഴും ബൈബി​ളിൽ നേരിട്ട്‌ ചർച്ച ചെയ്‌തി​ട്ടി​ല്ലാത്ത പല കാര്യ​ങ്ങ​ളി​ലും നമുക്കു തീരു​മാ​ന​മെ​ടു​ക്കേ​ണ്ടി​വ​ന്നേ​ക്കാം. അത്തരം സന്ദർഭ​ങ്ങ​ളിൽ ശരിയായ തീരു​മാ​ന​മെ​ടു​ക്കു​ന്ന​തിന്‌ അതെക്കു​റി​ച്ചുള്ള “യഹോ​വ​യു​ടെ ഇഷ്ടം” എന്താ​ണെന്നു തിരി​ച്ച​റി​യണം. അതിനു​വേണ്ടി നമ്മൾ പതിവാ​യി ബൈബിൾ പഠിക്കു​ക​യും പഠിക്കുന്ന കാര്യ​ങ്ങ​ളെ​ക്കു​റിച്ച്‌ ആഴത്തിൽ ചിന്തി​ക്കു​ക​യും വേണം. യഹോ​വ​യു​ടെ ഇഷ്ടം നന്നായി മനസ്സി​ലാ​ക്കു​ക​യും ‘ക്രിസ്‌തു​വി​ന്റെ മനസ്സു​ള്ള​വ​രാ​യി​രി​ക്കാൻ’ പരമാ​വധി ശ്രമി​ക്കു​ക​യും ചെയ്യു​ന്നെ​ങ്കിൽ ‘ബുദ്ധി​യോ​ടെ നടക്കാൻ’ നമുക്കാ​കും. കൂടാതെ വ്യക്തമായ നിയമം ഇല്ലെങ്കിൽപ്പോ​ലും ശരിയായ തീരു​മാ​ന​മെ​ടു​ക്കാ​നും നമുക്കു കഴിയും. (1 കൊരി. 2:14-16) ചില​പ്പോൾ, യഹോ​വ​യു​മാ​യുള്ള നമ്മുടെ ബന്ധത്തെ അപകട​പ്പെ​ടു​ത്തി​യേ​ക്കാ​വുന്ന കാര്യങ്ങൾ നമുക്കു പെട്ടെന്നു തിരി​ച്ച​റി​യാ​നാ​യേ​ക്കും. എന്നാൽ എല്ലായ്‌പോ​ഴും അത്‌ അങ്ങനെ​യാ​യി​രി​ക്ക​ണ​മെ​ന്നില്ല.

10. നമ്മൾ ഒഴിവാ​ക്കേണ്ട ചില അപകടങ്ങൾ ഏതൊ​ക്കെ​യാണ്‌?

¹⁰ നമ്മൾ ഒഴിവാ​ക്കേണ്ട ചില അപകട​ങ്ങ​ളാ​ണു ശൃംഗാ​രം, അമിത​മായ തീറ്റി​യും കുടി​യും, മുറി​പ്പെ​ടു​ത്തുന്ന സംസാരം, അക്രമം നിറഞ്ഞ വിനോ​ദ​പ​രി​പാ​ടി​കൾ, അശ്ലീലം തുടങ്ങിയ കാര്യങ്ങൾ. (സങ്കീ. 101:3) ശത്രു​വായ പിശാച്‌ യഹോ​വ​യു​മാ​യുള്ള നമ്മുടെ ബന്ധത്തെ തകർക്കാ​നുള്ള അവസരങ്ങൾ തേടി​ക്കൊ​ണ്ടി​രി​ക്കു​ക​യാണ്‌. (1 പത്രോ. 5:8) അതു​കൊണ്ട്‌ സൂക്ഷി​ച്ചി​ല്ലെ​ങ്കിൽ അവൻ നമ്മുടെ മനസ്സി​ലും ഹൃദയ​ത്തി​ലും മത്സരം, സത്യസ​ന്ധ​ത​യി​ല്ലായ്‌മ, അത്യാ​ഗ്രഹം, ശത്രുത, ധാർഷ്‌ഠ്യം, പക എന്നിവ​പോ​ലുള്ള കാര്യ​ങ്ങ​ളു​ടെ വിത്തുകൾ പാകും. (ഗലാ. 5:19-21) അതിന്റെ അപകടം ആദ്യ​മൊ​ന്നും നമ്മൾ തിരി​ച്ച​റി​യി​ല്ലാ​യി​രി​ക്കും. എന്നാൽ അത്തരം തെറ്റായ കാര്യങ്ങൾ മനസ്സിൽനിന്ന്‌ കളയാൻ പെട്ടെന്നു ശ്രമി​ച്ചി​ല്ലെ​ങ്കിൽ അവ അവി​ടെ​യി​രുന്ന്‌ ഒരു വിഷ​ച്ചെ​ടി​പോ​ലെ വളരും. അതു നമുക്ക്‌ അപകടം ചെയ്യും.—യാക്കോ. 1:14, 15.

11. അത്ര പെട്ടെന്നു തിരി​ച്ച​റി​യാൻ കഴിയാ​ത്ത​തും നമ്മൾ ഒഴിവാ​ക്കേ​ണ്ട​തും ആയ ഒരു അപകടം ഏതാണ്‌, എന്തു​കൊ​ണ്ടാണ്‌ അത്‌ ഒഴിവാ​ക്കേ​ണ്ടത്‌?

¹¹ പെട്ടെന്നു തിരി​ച്ച​റി​യാൻ കഴിയാത്ത ഒരു അപകട​മാ​ണു ചീത്ത കൂട്ടു​കെട്ട്‌. ഇങ്ങനെ​യൊ​രു സാഹച​ര്യം നോക്കുക. യഹോ​വ​യു​ടെ സാക്ഷി അല്ലാത്ത ഒരാളു​ടെ​കൂ​ടെ​യാ​ണു നിങ്ങൾ ജോലി ചെയ്യു​ന്നത്‌. സാക്ഷി​ക​ളെ​ക്കു​റിച്ച്‌ ആ വ്യക്തിക്കു നല്ല ഒരു ധാരണ കൊടു​ക്കാൻ ആഗ്രഹി​ക്കു​ന്ന​തു​കൊണ്ട്‌ ദയയോ​ടെ ഇടപെ​ടാ​നും അയാളെ സഹായി​ക്കാ​നും നിങ്ങൾ ശ്രദ്ധി​ക്കു​ന്നു. ഇനി, ഇടയ്‌ക്കൊ​ക്കെ അയാളു​ടെ​കൂ​ടെ ഭക്ഷണം കഴിക്കാ​നും പോ​യേ​ക്കാം. പിന്നീട്‌ അത്‌ ഒരു പതിവാ​കു​ന്നു. ചില​പ്പോ​ഴൊ​ക്കെ അയാളു​ടെ സംസാരം അധാർമി​ക​വി​ഷ​യ​ങ്ങ​ളി​ലേക്കു തിരി​യു​ന്നുണ്ട്‌. നിങ്ങൾക്ക്‌ അത്‌ ഇഷ്ടമാ​കു​ന്നു​മില്ല. പക്ഷേ പതി​യെ​പ്പ​തി​യെ നിങ്ങൾക്ക്‌ അത്‌ അത്ര പ്രശ്‌ന​മ​ല്ലാ​താ​കു​ന്നു. അങ്ങനെ​യി​രി​ക്കെ ഒരു ദിവസം കൂട്ടു​കാ​രൻ ജോലി കഴിഞ്ഞ്‌ അൽപ്പം മദ്യം കഴിക്കാൻ ക്ഷണിക്കു​ന്നു. നിങ്ങൾ അതിനു സമ്മതി​ക്കു​ന്നു. ക്രമേണ നിങ്ങളും അയാ​ളെ​പ്പോ​ലെ ചിന്തി​ക്കാൻതു​ട​ങ്ങു​ന്നു. ഇനിയി​പ്പോൾ അയാ​ളെ​പ്പോ​ലെ പ്രവർത്തി​ക്കാ​നും വലിയ താമസം വരില്ല. നമ്മൾ എല്ലാവ​രോ​ടും ദയയും ബഹുമാ​ന​വും കാണി​ക്കണം എന്നുള്ളതു ശരിയാണ്‌. എന്നാൽ ഒരു കാര്യം  ഓർക്കുക: നമ്മൾ ആരു​ടെ​കൂ​ടെ സമയം ചെലവ​ഴി​ക്കു​ന്നോ അവരെ​പ്പോ​ലെ​യാ​യി​ത്തീ​രും. (1 കൊരി. 15:33) അതു​കൊണ്ട്‌ യേശു മുന്നറി​യി​പ്പു തന്നതു​പോ​ലെ നമ്മൾ നമ്മളെ​ത്തന്നെ സൂക്ഷി​ക്കണം. അങ്ങനെ ചെയ്യുന്ന ഒരാൾ യഹോ​വ​യു​ടെ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാത്ത ആളുക​ളു​മാ​യുള്ള അനാവ​ശ്യ​മായ കൂട്ടു​കെട്ട്‌ ഒഴിവാ​ക്കും. (2 കൊരി. 6:15) അപകടം മുൻകൂ​ട്ടി​ക്കണ്ട്‌ അതിൽനിന്ന്‌ ഓടി​യൊ​ളി​ക്കും.

12. വ്യവസ്ഥി​തി​യു​ടെ അവസാ​ന​ത്തി​നാ​യി കാത്തി​രുന്ന സമയത്ത്‌ യേശു​വി​ന്റെ ശിഷ്യ​ന്മാർ എന്തു ചെയ്യണ​മാ​യി​രു​ന്നു?

¹² യരുശ​ലേ​മി​ന്റെ​യും ദേവാ​ല​യ​ത്തി​ന്റെ​യും നാശത്തി​നാ​യി കാത്തി​രുന്ന സമയത്ത്‌ യേശു​വി​ന്റെ ശിഷ്യ​ന്മാർ വെറുതേ സമയം കളയാതെ തിര​ക്കോ​ടെ പ്രവർത്തി​ക്ക​ണ​മാ​യി​രു​ന്നു. കാരണം ദൈവ​രാ​ജ്യ​ത്തി​ന്റെ സന്തോ​ഷ​വാർത്ത “യരുശ​ലേ​മി​ലും യഹൂദ്യ​യിൽ എല്ലായി​ട​ത്തും ശമര്യ​യി​ലും ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും” അറിയി​ക്കാ​നാ​ണു യേശു അവരോ​ടു കല്പിച്ചിരുന്നത്‌. (പ്രവൃ. 1:6-8) അത്‌ എത്ര വലിയ ഒരു നിയമ​ന​മാ​യി​രു​ന്നെന്ന്‌ ഒന്നു ചിന്തി​ച്ചു​നോ​ക്കുക. അവർ കഴിവി​ന്റെ പരമാ​വധി അതു ചെയ്‌തു. അങ്ങനെ തങ്ങളുടെ സമയം ഏറ്റവും നന്നായി ഉപയോ​ഗി​ക്കാൻ അവർക്കു കഴിഞ്ഞു.

13. നമ്മൾ സമയം ഏറ്റവും നന്നായി ഉപയോ​ഗി​ക്കേ​ണ്ടത്‌ എന്തു​കൊണ്ട്‌? (കൊ​ലോ​സ്യർ 4:5)

¹³ കൊ​ലോ​സ്യർ 4:5 വായി​ക്കുക. നമ്മളെ​ത്തന്നെ സൂക്ഷി​ക്കു​ന്ന​തിൽ നമ്മുടെ സമയം എങ്ങനെ ഉപയോ​ഗി​ക്കു​ന്നു എന്നതി​നെ​ക്കു​റിച്ച്‌ ചിന്തി​ക്കു​ന്ന​തും ഉൾപ്പെ​ടു​ന്നുണ്ട്‌. അതു പ്രധാ​ന​മാണ്‌. കാരണം ‘അപ്രതീ​ക്ഷി​ത​സം​ഭ​വങ്ങൾ’ ആരുടെ ജീവി​ത​ത്തി​ലും ഉണ്ടാകാം. (സഭാ. 9:11) നാളെ നമ്മൾ ജീവ​നോ​ടെ കാണു​മെന്ന്‌ ആർക്കും ഉറപ്പി​ല്ല​ല്ലോ.

14-15. നമുക്ക്‌ എങ്ങനെ സമയം ഏറ്റവും നന്നായി ഉപയോ​ഗി​ക്കാ​നാ​കും? (എബ്രായർ 6:11, 12) (ചിത്ര​വും കാണുക.)

 ¹⁴ നമ്മുടെ സമയം യഹോ​വ​യു​ടെ ഇഷ്ടം ചെയ്യാ​നും ദൈവ​വു​മാ​യുള്ള നമ്മുടെ സ്‌നേ​ഹ​ബന്ധം ശക്തമാ​ക്കാ​നും വേണ്ടി ഉപയോ​ഗി​ക്കു​ന്നെ​ങ്കിൽ അത്‌ ഏറ്റവും നന്നായി ഉപയോ​ഗി​ച്ചെന്നു പറയാ​നാ​കും. (യോഹ. 14:21) അതിനു നമ്മൾ ‘ഇളകി​പ്പോ​കാ​തെ ഉറച്ചു​നിൽക്കണം. അതു​പോ​ലെ കർത്താ​വി​ന്റെ വേലയിൽ എപ്പോ​ഴും തിരക്കു​ള്ള​വ​രാ​യി​രി​ക്കു​ക​യും വേണം.’ (1 കൊരി. 15:58) അങ്ങനെ ചെയ്യു​ന്നെ​ങ്കിൽ അവസാനം വരു​മ്പോൾ, അതു നമ്മു​ടെ​ത​ന്നെ​യോ ഈ വ്യവസ്ഥി​തി​യു​ടെ​യോ ആയാലും, സമയം കുറെ​ക്കൂ​ടെ നന്നായി ഉപയോ​ഗി​ച്ചി​രു​ന്നെ​ങ്കിൽ എന്ന്‌ ഓർത്ത്‌ നമ്മൾ സങ്കട​പ്പെ​ടില്ല.—മത്താ. 24:13; റോമ. 14:8.

¹⁵ ലോക​മെ​ങ്ങും ദൈവ​രാ​ജ്യ​ത്തി​ന്റെ സന്തോ​ഷ​വാർത്ത അറിയി​ക്കുന്ന പ്രവർത്ത​നത്തെ യേശു ഇന്നും നയിച്ചു​കൊ​ണ്ടാ​ണി​രി​ക്കു​ന്നത്‌. അതിന്‌ ആവശ്യ​മായ പരിശീ​ലനം യഹോ​വ​യു​ടെ സംഘട​ന​യി​ലൂ​ടെ യേശു നൽകു​ന്നുണ്ട്‌. കൂടാതെ സന്തോ​ഷ​വാർത്ത എല്ലായി​ട​ത്തും എത്തിക്കു​ന്ന​തി​നു വേണ്ട ഉപകര​ണ​ങ്ങ​ളും തരുന്നു. അങ്ങനെ യേശു വാക്കു പാലി​ച്ചി​രി​ക്കു​ന്നു. (മത്താ. 28:18-20) അപ്പോൾ നമ്മൾ എന്താണു ചെയ്യേ​ണ്ടത്‌? പ്രസം​ഗി​ക്കു​ക​യും ആളുകളെ പഠിപ്പി​ക്കു​ക​യും ചെയ്യുന്ന ഈ പ്രവർത്ത​ന​ത്തിൽ നമ്മൾ ഉത്സാഹ​ത്തോ​ടെ പങ്കെടു​ക്കണം. മാത്രമല്ല യഹോവ ഈ ദുഷ്ട​ലോ​ക​ത്തി​ന്റെ അവസാനം കൊണ്ടു​വ​രു​ന്ന​തി​നാ​യി കാത്തി​രി​ക്കുന്ന ഈ സമയത്ത്‌ നമ്മൾ ഉണർവോ​ടി​രി​ക്കു​ക​യും വേണം. എബ്രായർ 6:11, 12-ലെ ഉപദേശം അനുസ​രി​ക്കു​ന്നെ​ങ്കിൽ “അവസാ​നം​വരെ” നമുക്കു പ്രത്യാശ മുറു​കെ​പ്പി​ടി​ക്കാ​നാ​കും.—വായി​ക്കുക.

16. നമുക്ക്‌ ഇപ്പോൾ എന്തു ചെയ്യാം?

¹⁶ സാത്താന്റെ ലോകത്തെ നശിപ്പി​ക്കാ​നുള്ള ദിവസ​വും മണിക്കൂ​റും യഹോവ തീരു​മാ​നി​ച്ചു​വെ​ച്ചി​ട്ടുണ്ട്‌. തന്റെ വചനത്തിൽ യഹോവ രേഖ​പ്പെ​ടു​ത്തി​വെ​ച്ചി​രി​ക്കുന്ന പ്രവച​ന​ങ്ങ​ളെ​ല്ലാം അന്നു കൃത്യ​മാ​യി നിറ​വേ​റും. എന്നാൽ ‘അവസാനം വരാൻ വൈകു​ന്ന​ല്ലോ’ എന്നു ചില​പ്പോൾ നമുക്കു തോന്നി​യേ​ക്കാം. പക്ഷേ ഓർക്കുക: യഹോ​വ​യു​ടെ ദിവസം “താമസി​ക്കില്ല!” (ഹബ. 2:3) അതു​കൊണ്ട്‌ ‘രക്ഷയേ​കുന്ന ദൈവ​ത്തി​നാ​യി നമുക്കു ക്ഷമയോ​ടെ കാത്തി​രി​ക്കാം.’ അതെ, ‘യഹോ​വ​യ്‌ക്കാ​യി കാത്തു​കാ​ത്തി​രി​ക്കാം.’—മീഖ 7:7.