1. തന്റെ ആരാധകർ എന്തു ചെയ്യാ​നാണ്‌ യഹോവ ആഗ്രഹി​ക്കു​ന്നത്‌? (ചിത്ര​വും കാണുക.)

 ആശ്വാസം വേണ്ട​പ്പോ​ഴോ എന്തു ചെയ്യണ​മെന്ന്‌ അറിയാ​ത്ത​പ്പോ​ഴോ സഹായ​ത്തി​നാ​യി നമ്മൾ ആരി​ലേ​ക്കാ​യി​രി​ക്കും നോക്കുക. തീർച്ച​യാ​യും നമ്മളെ​ല്ലാം യഹോ​വ​യോ​ടു പ്രാർഥി​ക്കും. ‘ഇടവി​ടാ​തെ പ്രാർഥി​ക്കാ​നാ​ണു’ ബൈബിൾ പറയു​ന്നത്‌. (1 തെസ്സ. 5:17) അതു​കൊണ്ട്‌ നമ്മൾ അങ്ങനെ ചെയ്യാൻ യഹോവ ആഗ്രഹി​ക്കു​ന്നു​വെന്ന്‌ ഉറപ്പാണ്‌. ജീവി​ത​ത്തി​ലെ ഏതു സാഹച​ര്യ​ത്തി​ലും സഹായ​ത്തി​നും മാർഗ​നിർദേ​ശ​ത്തി​നും ആയി നമുക്കു ദൈവത്തെ സമീപി​ക്കാ​നാ​കും. (സുഭാ. 3:5, 6) എത്ര കൂടെ​ക്കൂ​ടെ പ്രാർഥി​ക്കാം എന്നതിനു ദൈവം പരിധി​യൊ​ന്നും വെച്ചി​ട്ടില്ല. കാരണം, നമുക്കു​വേണ്ടി എത്ര സമയം വേണ​മെ​ങ്കി​ലും തരാൻ ദൈവ​ത്തിന്‌ ഒരു മടിയു​മില്ല.

2. ഈ ലേഖന​ത്തിൽ നമ്മൾ എന്തു പഠിക്കും?

² ദൈവ​ത്തോ​ടു പ്രാർഥി​ക്കാ​നാ​കു​ന്നത്‌ എത്ര വലി​യൊ​രു അനു​ഗ്ര​ഹ​മാണ്‌! എങ്കിലും, പലപല തിരക്കു​കൾക്കി​ട​യിൽ പ്രാർഥി​ക്കാൻ സമയം കണ്ടെത്തു​ന്നത്‌ എപ്പോ​ഴും അത്ര എളുപ്പമല്ല. ഇനി, എങ്ങനെ കുറെ​ക്കൂ​ടി നന്നായി പ്രാർഥി​ക്കാ​മെ​ന്നും നമ്മൾ ചിന്തി​ച്ചേ​ക്കാം. ഈ രണ്ടു പ്രശ്‌ന​ങ്ങൾക്കു​മുള്ള പരിഹാ​ര​ത്തെ​ക്കു​റിച്ച്‌ തിരു​വെ​ഴു​ത്തു​കൾ പറയു​ന്നുണ്ട്‌. പ്രാർഥ​ന​യ്‌ക്കു സമയം കണ്ടെത്തുന്ന കാര്യ​ത്തിൽ യേശു​വി​ന്റെ മാതൃക നമ്മളെ എങ്ങനെ സഹായി​ക്കു​മെന്ന്‌ ഈ ലേഖന​ത്തിൽ കാണും. കൂടാതെ നമ്മുടെ പ്രാർഥന മെച്ച​പ്പെ​ടു​ത്താൻ അതിൽ ഉൾപ്പെ​ടു​ത്താ​വുന്ന അഞ്ചു കാര്യ​ങ്ങ​ളെ​ക്കു​റി​ച്ചും നമ്മൾ ചർച്ച ചെയ്യും.

3. പ്രാർഥ​ന​യെ​ക്കു​റിച്ച്‌ യേശു എന്താണു മനസ്സി​ലാ​ക്കി​യത്‌?

³ നമ്മുടെ പ്രാർഥ​നകൾ യഹോ​വ​യ്‌ക്കു വളരെ വില​പ്പെ​ട്ട​താ​ണെന്നു യേശു​വിന്‌ അറിയാ​മാ​യി​രു​ന്നു. പിതാ​വി​ന്റെ​കൂ​ടെ സ്വർഗ​ത്തി​ലാ​യി​രുന്ന സമയത്ത്‌ വിശ്വ​സ്‌ത​ദാ​സ​രു​ടെ പ്രാർഥ​ന​യ്‌ക്ക്‌ യഹോവ ഉത്തരം നൽകു​ന്നതു യേശു കണ്ടിട്ടുണ്ട്‌. ഉദാഹ​ര​ണ​ത്തിന്‌, ഹന്നയു​ടെ​യും ദാവീ​ദി​ന്റെ​യും ഏലിയ​യു​ടെ​യും അതു​പോ​ലെ മറ്റു പലരു​ടെ​യും ആത്മാർഥ​മായ പ്രാർഥ​ന​കൾക്ക്‌ യഹോവ ഉത്തരം കൊടു​ത്ത​പ്പോൾ യേശു കൂടെ​യു​ണ്ടാ​യി​രു​ന്നു. (1 ശമു. 1:10, 11, 20; 1 രാജാ. 19:4-6; സങ്കീ. 32:5) അതു​കൊ​ണ്ടാണ്‌ ഒരു മടിയും വിചാ​രി​ക്കാ​തെ, കൂടെ​ക്കൂ​ടെ  പ്രാർഥി​ക്കാൻ യേശു ശിഷ്യ​ന്മാ​രെ പഠിപ്പി​ച്ചത്‌.—മത്താ. 7:7-11.

4. യേശു​വി​ന്റെ പ്രാർഥ​ന​ക​ളിൽനിന്ന്‌ നമുക്ക്‌ എന്തെല്ലാം പഠിക്കാം?

⁴ പ്രാർഥ​ന​യു​ടെ കാര്യ​ത്തിൽ യേശു ശിഷ്യ​ന്മാർക്കു നല്ലൊരു മാതൃക കാണി​ച്ചു​കൊ​ടു​ത്തു. തന്റെ ശുശ്രൂ​ഷ​ക്കാ​ല​ത്തെ​ല്ലാം യേശു കൂടെ​ക്കൂ​ടെ പ്രാർഥി​ച്ചു. ധാരാളം ആളുകൾ എപ്പോ​ഴും കൂടെ​യു​ണ്ടാ​യി​രു​ന്ന​തു​കൊ​ണ്ടും ഒരുപാ​ടു കാര്യങ്ങൾ ചെയ്യാ​നു​ണ്ടാ​യി​രു​ന്ന​തു​കൊ​ണ്ടും പ്രാർഥി​ക്കാൻ യേശു​വി​നു പ്രത്യേ​ക​സ​മയം മാറ്റി​വെ​ക്ക​ണ​മാ​യി​രു​ന്നു. (മർക്കോ. 6:31, 45, 46) അതു​കൊണ്ട്‌ ഒറ്റയ്‌ക്ക്‌ ഇരുന്ന്‌ പ്രാർഥി​ക്കാ​നാ​യി യേശു ചില​പ്പോ​ഴൊ​ക്കെ അതിരാ​വി​ലെ എഴു​ന്നേൽക്കു​മാ​യി​രു​ന്നു. (മർക്കോ. 1:35) കുറഞ്ഞത്‌ ഒരു തവണ​യെ​ങ്കി​ലും പ്രധാ​ന​പ്പെട്ട തീരു​മാ​ന​മെ​ടു​ക്കു​ന്ന​തി​നു മുമ്പ്‌ യേശു രാത്രി മുഴുവൻ പ്രാർഥി​ച്ചു. (ലൂക്കോ. 6:12, 13) ഇനി, തന്റെ മരണത്തി​ന്റെ തലേ രാത്രി യേശു പല തവണ പ്രാർഥി​ച്ചു. കാരണം ഭൂമി​യി​ലെ തന്റെ നിയമ​ന​ത്തിൽ ഏറ്റവും ബുദ്ധി​മു​ട്ടുള്ള കാര്യ​മാ​ണു താൻ ചെയ്യാൻപോ​കു​ന്ന​തെന്നു യേശു​വിന്‌ അറിയാ​മാ​യി​രു​ന്നു.—മത്താ. 26:39, 42, 44.

5. പ്രാർഥ​ന​യു​ടെ കാര്യ​ത്തിൽ നമുക്ക്‌ എങ്ങനെ യേശു​വി​നെ അനുക​രി​ക്കാം?

⁵ എത്ര തിരക്കു​ണ്ടെ​ങ്കി​ലും പ്രാർഥി​ക്കാ​നാ​യി സമയം മാറ്റി​വെ​ക്ക​ണ​മെന്നു യേശു​വി​ന്റെ മാതൃക നമ്മളെ പഠിപ്പി​ക്കു​ന്നു. അതിനു​വേണ്ടി നമ്മൾ ചില​പ്പോൾ യേശു​വി​നെ​പ്പോ​ലെ അതിരാ​വി​ലെ എഴു​ന്നേൽക്കു​ക​യോ രാത്രി​യിൽ വൈകി ഉറങ്ങു​ക​യോ ചെയ്യേ​ണ്ട​തു​ണ്ടാ​യി​രി​ക്കും. അങ്ങനെ ചെയ്യു​മ്പോൾ പ്രാർഥന എന്ന സമ്മാനം തന്നതിനു യഹോ​വ​യോ​ടു നന്ദിയു​ണ്ടെന്നു നമ്മൾ തെളി​യി​ക്കു​ക​യാ​യി​രി​ക്കും. ആദ്യമാ​യി​ട്ടു പ്രാർഥ​ന​യെ​ക്കു​റിച്ച്‌ മനസ്സി​ലാ​ക്കി​യ​പ്പോൾ ലിൻ എന്നു പേരുള്ള സഹോ​ദ​രി​ക്കു വളരെ വിലമ​തി​പ്പു തോന്നി. സഹോ​ദരി പറയുന്നു: “യഹോ​വ​യോട്‌ എനിക്ക്‌ എപ്പോൾ വേണ​മെ​ങ്കി​ലും പ്രാർഥി​ക്കാ​മെന്ന്‌ അറിഞ്ഞ​പ്പോൾ യഹോ​വയെ വളരെ അടുത്ത ഒരു സുഹൃ​ത്താ​യി കാണാൻ കഴിഞ്ഞു. എന്റെ പ്രാർഥന കുറെ​ക്കൂ​ടി മെച്ച​പ്പെ​ടു​ത്താ​നും എനിക്ക്‌ ആഗ്രഹം തോന്നി.” നമ്മളിൽ പലർക്കും അങ്ങനെ തോന്നു​ന്നു​ണ്ടാ​കും. അതു​കൊണ്ട്‌ പ്രാർഥ​ന​യിൽ ഉൾപ്പെ​ടു​ത്താ​നാ​കുന്ന പ്രധാ​ന​പ്പെട്ട അഞ്ചു കാര്യ​ങ്ങ​ളെ​ക്കു​റിച്ച്‌ നമുക്ക്‌ ഇനി നോക്കാം.

6. വെളി​പാട്‌ 4:10, 11 അനുസ​രിച്ച്‌ എന്തു ലഭിക്കാൻ യഹോവ യോഗ്യ​നാണ്‌?

⁶ യഹോ​വയെ സ്‌തു​തി​ക്കുക. സ്വർഗ​ത്തി​ലുള്ള 24 മൂപ്പന്മാർ യഹോ​വയെ ആരാധി​ക്കു​ന്ന​താ​യി ഒരു ദർശന​ത്തിൽ അപ്പോ​സ്‌ത​ല​നായ യോഹ​ന്നാൻ കണ്ടു. “മഹത്ത്വ​വും ബഹുമാ​ന​വും ശക്തിയും” ലഭിക്കാൻ യഹോവ യോഗ്യ​നാ​ണെന്നു പറഞ്ഞു​കൊണ്ട്‌ അവർ ദൈവത്തെ സ്‌തു​തി​ച്ചു. (വെളി​പാട്‌ 4:10, 11 വായി​ക്കുക.) വിശ്വ​സ്‌ത​രായ ദൂതന്മാർക്കും യഹോ​വയെ സ്‌തു​തി​ക്കാൻ ഒരുപാ​ടു കാരണ​ങ്ങ​ളുണ്ട്‌. അവർ യഹോ​വ​യോ​ടൊ​പ്പം സ്വർഗ​ത്തി​ലാ​യ​തു​കൊണ്ട്‌ അവർക്കു യഹോ​വയെ അടുത്ത്‌ അറിയാം.  യഹോവ ചെയ്യുന്ന ഓരോ കാര്യ​ത്തി​ലും യഹോ​വ​യു​ടെ ഗുണങ്ങൾ അവർക്കു കാണാൻ കഴിയും. അത്‌ യഹോ​വയെ സ്‌തു​തി​ക്കാൻ അവരെ പ്രേരി​പ്പി​ക്കു​ന്നു.—ഇയ്യോ. 38:4-7.

7. യഹോ​വയെ സ്‌തു​തി​ക്കാൻ നമുക്ക്‌ എന്തെല്ലാം കാരണ​ങ്ങ​ളുണ്ട്‌?

⁷ നമ്മളും പ്രാർഥ​ന​യിൽ യഹോ​വയെ സ്‌തു​തി​ക്കേ​ണ്ട​തുണ്ട്‌. യഹോ​വ​യിൽ നിങ്ങൾ ഏറ്റവും ഇഷ്ടപ്പെ​ടു​ന്നത്‌ എന്താണ്‌, യഹോ​വ​യോ​ടു നന്ദി തോന്നാ​നുള്ള കാരണങ്ങൾ എന്തൊ​ക്കെ​യാണ്‌ എന്നെല്ലാം എടുത്തു​പ​റ​ഞ്ഞു​കൊണ്ട്‌ അതു ചെയ്യാ​നാ​കും. ബൈബിൾ വായി​ക്കു​ക​യും പഠിക്കു​ക​യും ചെയ്യു​മ്പോൾ യഹോ​വ​യു​ടെ ഗുണങ്ങ​ളിൽ നിങ്ങൾക്ക്‌ ഏറ്റവും ഇഷ്ടപ്പെ​ട്ടത്‌ ഏതാ​ണെ​ന്നും തന്റെ പ്രവൃ​ത്തി​ക​ളി​ലൂ​ടെ യഹോവ അത്‌ എങ്ങനെ​യാ​ണു കാണി​ച്ചി​രി​ക്കു​ന്ന​തെ​ന്നും മനസ്സി​ലാ​ക്കാൻ ശ്രമി​ക്കുക. (ഇയ്യോ. 37:23; റോമ. 11:33) എന്നിട്ട്‌ അതെക്കു​റിച്ച്‌ എന്താണു തോന്നു​ന്ന​തെന്നു യഹോ​വ​യോ​ടു പറയുക. ഇനി, യഹോവ നമുക്കും മറ്റു സഹോ​ദ​ര​ങ്ങൾക്കും വേണ്ടി ചെയ്യുന്ന കാര്യ​ങ്ങൾക്കാ​യും യഹോ​വയെ സ്‌തു​തി​ക്കാം. യഹോവ എല്ലായ്‌പോ​ഴും നമുക്കു​വേണ്ടി കരുതു​ക​യും നമ്മളെ സംരക്ഷി​ക്കു​ക​യും ചെയ്യു​ന്നു​ണ്ട​ല്ലോ.—1 ശമു. 1:27; 2:1, 2.

8. യഹോ​വ​യോ​ടു നന്ദി പറയാൻ നമുക്കുള്ള ചില കാരണങ്ങൾ ഏതൊ​ക്കെ​യാണ്‌? (1 തെസ്സ​ലോ​നി​ക്യർ 5:18)

⁸ യഹോ​വ​യോ​ടു നന്ദി പറയുക. പ്രാർഥി​ക്കു​മ്പോൾ യഹോ​വ​യോ​ടു നന്ദി പറയാൻ നമുക്ക്‌ ഒരുപാ​ടു കാരണ​ങ്ങ​ളുണ്ട്‌. (1 തെസ്സ​ലോ​നി​ക്യർ 5:18 വായി​ക്കുക.) നമ്മൾ ആസ്വദി​ക്കുന്ന എല്ലാ നന്മകൾക്കും ദൈവ​ത്തോ​ടു നന്ദി പറയാൻ കഴിയും. കാരണം, അതെല്ലാം വരുന്നത്‌ യഹോ​വ​യിൽനി​ന്നാ​ണ​ല്ലോ. (യാക്കോ. 1:17) ഉദാഹ​ര​ണ​ത്തിന്‌, മനോ​ഹ​ര​മായ ഈ ഭൂമി​ക്കും അതിലെ അതിശ​യി​പ്പി​ക്കുന്ന സൃഷ്ടി​കൾക്കും എല്ലാം നമുക്കു ദൈവ​ത്തോ​ടു നന്ദി പറയാം. നമ്മുടെ ജീവൻ, കുടും​ബം, കൂട്ടു​കാർ, നമുക്കുള്ള പ്രത്യാശ എന്നിവ​യ്‌ക്കും നന്ദി പറയാം. യഹോ​വ​യു​ടെ ഒരു സുഹൃ​ത്താ​യി​രി​ക്കാൻ നമ്മളെ അനുവ​ദി​ച്ചി​രി​ക്കു​ന്ന​തി​നും നന്ദി പറയാൻ നമ്മൾ ആഗ്രഹി​ക്കു​ന്നു.

9. യഹോ​വ​യോ​ടു നന്ദിയു​ള്ള​വ​രാ​യി​രി​ക്കാൻ നമ്മൾ പഠി​ക്കേ​ണ്ടത്‌ എന്തു​കൊണ്ട്‌?

⁹ യഹോ​വ​യോ​ടു നന്ദി പറയാൻ നമുക്ക്‌ ഓരോ​രു​ത്തർക്കു​മുള്ള കാരണങ്ങൾ കണ്ടെത്തു​ന്ന​തി​നു ചില​പ്പോൾ പ്രത്യേ​ക​ശ്രമം ചെയ്യേ​ണ്ട​തു​ണ്ടാ​യി​രി​ക്കാം. കാരണം, നമ്മൾ ജീവി​ക്കു​ന്നതു നന്ദിയി​ല്ലാത്ത ആളുകൾ നിറഞ്ഞ ഒരു ലോക​ത്താണ്‌. തങ്ങൾക്ക്‌ ഉള്ള കാര്യ​ങ്ങൾക്കു നന്ദി കാണി​ക്കു​ന്ന​തി​നു പകരം, ഇനി എന്തു കിട്ടും എന്നതു മാത്ര​മാണ്‌ അവരുടെ ചിന്ത. ആ മനോ​ഭാ​വം നമ്മളി​ലേക്കു കടന്നു​വ​ന്നാൽ, പ്രാർഥന നമുക്കു വേണ്ട കാര്യ​ങ്ങ​ളു​ടെ ഒരു നീണ്ട ലിസ്റ്റ്‌ മാത്ര​മാ​യി​ത്തീർന്നേ​ക്കാം. അങ്ങനെ സംഭവി​ക്കാ​തി​രി​ക്ക​ണ​മെ​ങ്കിൽ, യഹോവ നമുക്കു​വേണ്ടി ചെയ്‌തു​ത​രുന്ന കാര്യ​ങ്ങൾക്കു നന്ദിയു​ള്ള​വ​രാ​യി​രി​ക്കാ​നും നന്ദി കാണി​ക്കാ​നും നമ്മൾ പഠി​ക്കേ​ണ്ട​തുണ്ട്‌.—ലൂക്കോ. 6:45.

10. നന്ദിയു​ള്ള​വ​ളാ​യി​രു​ന്നതു സഹിച്ചു​നിൽക്കാൻ ഒരു സഹോ​ദ​രി​യെ സഹായി​ച്ചത്‌ എങ്ങനെ? (ചിത്ര​വും കാണുക.)

¹⁰ നന്ദിയു​ള്ള​വ​രാ​യി​രി​ക്കു​ന്നതു പ്രയാ​സ​സാ​ഹ​ച​ര്യ​ങ്ങ​ളിൽ സഹിച്ചു​നിൽക്കാൻ നമ്മളെ സഹായി​ക്കും. 2015 ജനുവരി 15 ലക്കം വീക്ഷാ​ഗോ​പു​ര​ത്തിൽ വന്ന ക്യൂങ്‌-സൂക്ക്‌ സഹോ​ദ​രി​യു​ടെ അനുഭവം അതാണു കാണി​ക്കു​ന്നത്‌. സഹോ​ദ​രി​യു​ടെ ശ്വാസ​കോ​ശ​ത്തിൽ മാരക​മായ ക്യാൻസർ പിടി​പെട്ടു. അതെക്കു​റിച്ച്‌ സഹോ​ദരി പറഞ്ഞത്‌ ഇങ്ങനെ​യാണ്‌: “ഈ ആരോ​ഗ്യ​പ്ര​ശ്‌നം എന്നെ തകർത്തു​ക​ളഞ്ഞു. എനിക്ക്‌ എല്ലാം നഷ്ടപ്പെ​ട്ട​തു​പോ​ലെ . . . ! ഞാൻ വല്ലാതെ ഭയന്നു​പോ​യി.” ഈ സാഹച​ര്യ​ത്തിൽ പിടി​ച്ചു​നിൽക്കാൻ സഹോ​ദ​രി​യെ സഹായി​ച്ചത്‌ എന്താണ്‌? ദിവസ​വും രാത്രി ഉറങ്ങു​ന്ന​തി​നു മുമ്പ്‌ സഹോ​ദരി വീടിനു മുകളിൽ പോയി നിന്ന്‌ ആ ദിവസം ലഭിച്ച അഞ്ച്‌ അനു​ഗ്ര​ഹങ്ങൾ എടുത്തു​പ​റഞ്ഞ്‌ ഉച്ചത്തിൽ ദൈവ​ത്തി​നു നന്ദി പറയു​മാ​യി​രു​ന്നു.  അതു സഹോ​ദ​രി​ക്കു വലിയ ആശ്വാസം നൽകി. യഹോ​വയെ താൻ എത്രമാ​ത്രം സ്‌നേ​ഹി​ക്കു​ന്നു​ണ്ടെന്നു തെളി​യി​ക്കാൻ അതു സഹോ​ദ​രി​യെ പ്രേരി​പ്പി​ക്കു​ക​യും ചെയ്‌തു. പരി​ശോ​ധ​നകൾ നിറഞ്ഞ സാഹച​ര്യ​ങ്ങ​ളിൽ യഹോവ എങ്ങനെ​യാ​ണു തന്റെ ദാസരെ താങ്ങു​ന്ന​തെന്നു സഹോ​ദരി അനുഭ​വി​ച്ച​റി​ഞ്ഞു. നമ്മു​ടെ​യെ​ല്ലാം ജീവി​ത​ത്തിൽ പ്രശ്‌ന​ങ്ങ​ളെ​ക്കാൾ പതിന്മ​ടങ്ങ്‌ അനു​ഗ്ര​ഹ​ങ്ങ​ളാ​ണു​ള്ള​തെന്നു തിരി​ച്ച​റി​യാ​നും സഹോ​ദ​രി​ക്കാ​യി. പ്രശ്‌ന​ങ്ങ​ളൊ​ക്കെ​യു​ണ്ടെ​ങ്കി​ലും യഹോ​വ​യ്‌ക്കു നന്ദി പറയാൻ ക്യൂങ്‌-സൂക്കി​നെ​പ്പോ​ലെ നമുക്കും ധാരാളം കാരണ​ങ്ങ​ളുണ്ട്‌. പ്രാർഥ​ന​യിൽ യഹോ​വ​യോ​ടു നന്ദി പറയുന്ന ഒരു രീതി നമുക്കു​ണ്ടെ​ങ്കിൽ, പ്രശ്‌നങ്ങൾ ഉണ്ടാകു​മ്പോൾ സഹിച്ചു​നിൽക്കാ​നും സന്തോഷം നിലനി​റു​ത്താ​നും നമുക്കാ​കും.

11. യേശു സ്വർഗ​ത്തി​ലേക്കു പോയ​തി​നു ശേഷം ശിഷ്യ​ന്മാർക്കു നല്ല ധൈര്യം ആവശ്യ​മാ​യി​രു​ന്നത്‌ എന്തു​കൊണ്ട്‌?

¹¹ പ്രസം​ഗ​പ്ര​വർത്തനം ചെയ്യാ​നുള്ള ധൈര്യ​ത്തി​നാ​യി യഹോ​വ​യോട്‌ അപേക്ഷി​ക്കുക. യേശു സ്വർഗ​ത്തി​ലേക്കു പോകു​ന്ന​തി​നു തൊട്ടു​മുമ്പ്‌ “യരുശ​ലേ​മി​ലും യഹൂദ്യ​യിൽ എല്ലായി​ട​ത്തും ശമര്യ​യി​ലും ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും” തന്നെക്കു​റിച്ച്‌ ആളുക​ളോ​ടു പറയാ​നുള്ള നിയമ​ന​ത്തെ​പ്പറ്റി ശിഷ്യ​ന്മാ​രെ ഓർമി​പ്പി​ച്ചു. (പ്രവൃ. 1:8; ലൂക്കോ. 24:46-48) പക്ഷേ, അധികം താമസി​യാ​തെ ജൂത​നേ​താ​ക്ക​ന്മാർ അപ്പോ​സ്‌ത​ല​ന്മാ​രായ പത്രോ​സി​നെ​യും യോഹ​ന്നാ​നെ​യും അറസ്റ്റ്‌ ചെയ്‌ത്‌ സൻഹെ​ദ്രി​ന്റെ മുമ്പാകെ കൊണ്ടു​വ​ന്നിട്ട്‌ പ്രസം​ഗ​പ്ര​വർത്തനം നിറു​ത്താൻ ആവശ്യ​പ്പെട്ടു. അവരെ ഭീഷണി​പ്പെ​ടു​ത്തു​ക​പോ​ലും ചെയ്‌തു. (പ്രവൃ. 4:18, 21) എന്നാൽ പത്രോ​സും യോഹ​ന്നാ​നും എങ്ങനെ​യാ​ണു പ്രതി​ക​രി​ച്ചത്‌?

12. പ്രവൃ​ത്തി​കൾ 4:29, 31 പറയു​ന്ന​തു​പോ​ലെ ശിഷ്യ​ന്മാർ എന്തു ചെയ്‌തു?

¹² ജൂതമ​ത​നേ​താ​ക്ക​ന്മാർ ഭീഷണി​പ്പെ​ടു​ത്തി​യ​പ്പോൾ മറുപ​ടി​യാ​യി പത്രോ​സും യോഹ​ന്നാ​നും ഇങ്ങനെ പറഞ്ഞു: “ദൈവ​ത്തി​നു പകരം നിങ്ങളെ അനുസ​രി​ക്കു​ന്നതു ദൈവ​മു​മ്പാ​കെ ശരിയാ​ണോ? നിങ്ങൾതന്നെ ചിന്തി​ച്ചു​നോ​ക്കൂ. ഞങ്ങൾ കാണു​ക​യും കേൾക്കു​ക​യും ചെയ്‌ത കാര്യ​ങ്ങ​ളെ​ക്കു​റിച്ച്‌ സംസാ​രി​ക്കാ​തി​രി​ക്കാൻ ഞങ്ങൾക്കു കഴിയില്ല.” (പ്രവൃ. 4:19, 20) പത്രോ​സി​നെ​യും യോഹ​ന്നാ​നെ​യും വിട്ടയ​ച്ച​ശേഷം ശിഷ്യ​ന്മാർ എല്ലാവ​രും​കൂ​ടെ ദൈവ​ത്തി​ന്റെ ഇഷ്ടം ചെയ്യാ​നുള്ള ശക്തിക്കാ​യി യഹോ​വ​യോട്‌ ഇങ്ങനെ പ്രാർഥി​ച്ചു: “അങ്ങയുടെ വചനം പൂർണ​ധൈ​ര്യ​ത്തോ​ടെ പ്രസം​ഗി​ച്ചു​കൊ​ണ്ടി​രി​ക്കാൻ അങ്ങയുടെ ഈ ദാസരെ പ്രാപ്‌ത​രാ​ക്കേ​ണമേ.” അവരുടെ ഉള്ളുരു​കി​യുള്ള ആ പ്രാർഥ​ന​യ്‌ക്ക്‌ യഹോവ ഉത്തരം കൊടു​ത്തു.—പ്രവൃ​ത്തി​കൾ 4:29, 31 വായി​ക്കുക.

13. ജിൻ-ഹ്യൂക്കി​ന്റെ അനുഭ​വ​ത്തിൽനിന്ന്‌ നമുക്ക്‌ എന്തു പഠിക്കാം?

¹³ പ്രസം​ഗ​പ്ര​വർത്തനം നിറു​ത്താൻ അധികാ​രി​കൾ ആവശ്യ​പ്പെ​ട്ടാ​ലും അതു തുടർന്നും ചെയ്‌തു​കൊണ്ട്‌ നമുക്ക്‌ അപ്പോ​സ്‌ത​ല​ന്മാ​രു​ടെ മാതൃക അനുക​രി​ക്കാം. സൈന്യ​ത്തിൽ ചേരാ​തി​രു​ന്നതു കാരണം ജയിലി​ലാ​കേ​ണ്ടി​വന്ന ജിൻ-ഹ്യൂക്ക്‌ സഹോ​ദ​രന്റെ അനുഭവം നോക്കുക. ഏകാന്ത​ത​ട​വി​ലാ​യി​രുന്ന ചില ജയിൽപ്പു​ള്ളി​കൾക്കു ഭക്ഷണവും മറ്റു സാധന​ങ്ങ​ളും എത്തിച്ചു​കൊ​ടു​ക്കു​ന്ന​താ​യി​രു​ന്നു ജയിലിൽ അദ്ദേഹ​ത്തി​ന്റെ ജോലി. ജോലി​യു​മാ​യി ബന്ധപ്പെട്ട കാര്യ​ങ്ങ​ള​ല്ലാ​തെ ബൈബിൾവി​ഷ​യ​ങ്ങ​ളോ മറ്റ്‌ എന്തെങ്കി​ലു​മോ അവരോ​ടു സംസാ​രി​ക്കാൻ സഹോ​ദ​രന്‌ അനുവാ​ദ​മി​ല്ലാ​യി​രു​ന്നു. അതു​കൊണ്ട്‌ കിട്ടുന്ന എല്ലാ അവസര​ങ്ങ​ളി​ലും ധൈര്യ​ത്തോ​ടെ, നയപൂർവം സത്യം സംസാ​രി​ക്കാൻ സഹായി​ക്കണേ എന്ന്‌ അദ്ദേഹം പ്രാർഥി​ച്ചു. (പ്രവൃ. 5:29) സഹോ​ദരൻ പറയുന്നു: “യഹോവ എന്റെ പ്രാർഥ​ന​കൾക്ക്‌ ഉത്തരം നൽകി. അങ്ങനെ ജയിൽമു​റി​ക​ളു​ടെ വാതിൽക്കൽ നിന്ന്‌ അഞ്ചു മിനി​ട്ടു​കൊണ്ട്‌ നടത്തുന്ന പല ബൈബിൾപ​ഠ​നങ്ങൾ തുടങ്ങാ​നുള്ള ധൈര്യ​വും ജ്ഞാനവും എനിക്കു കിട്ടി. എന്നിട്ട്‌ രാത്രി​യിൽ ഞാൻ ഇരുന്ന്‌ അടുത്ത ദിവസം അവർക്കു കൊടു​ക്കാ​നുള്ള കത്തുകൾ എഴുതു​മാ​യി​രു​ന്നു.” പ്രസം​ഗ​പ്ര​വർത്തനം ചെയ്യാൻ യഹോവ നമ്മളെ​യും സഹായി​ക്കു​മെന്ന്‌ ഉറപ്പു​ണ്ടാ​യി​രി​ക്കാം. ജിൻ-ഹ്യൂക്കി​നെ​പ്പോ​ലെ ധൈര്യ​ത്തി​നും ജ്ഞാനത്തി​നും വേണ്ടി നമുക്കും പ്രാർഥി​ക്കാം.

14. പ്രശ്‌ന​ങ്ങളെ നേരി​ടാൻ നമ്മളെ എന്തു സഹായി​ക്കും? (സങ്കീർത്തനം 37:3, 5)

¹⁴ പ്രശ്‌ന​ങ്ങളെ നേരി​ടാ​നുള്ള സഹായ​ത്തി​നാ​യി യഹോ​വ​യോ​ടു അപേക്ഷി​ക്കുക. നമ്മളിൽ പലരും ശാരീ​രി​ക​വും മാനസി​ക​വും ആയ വിഷമങ്ങൾ അനുഭ​വി​ക്കു​ന്ന​വ​രാണ്‌. മറ്റു ചിലർക്കു പ്രിയ​പ്പെ​ട്ട​വരെ മരണത്തിൽ നഷ്ടപ്പെ​ട്ടി​ട്ടു​ണ്ടാ​കാം. ഇനി, വേറേ ചിലർ കുടും​ബ​പ്ര​ശ്‌ന​ങ്ങ​ളോ ഉപദ്ര​വ​മോ മറ്റു ബുദ്ധി​മു​ട്ടു​ക​ളോ നേരി​ടു​ന്ന​വ​രാ​കാം. മഹാമാ​രി​യും യുദ്ധങ്ങ​ളും ഇത്തരം പ്രശ്‌നങ്ങൾ സഹിച്ചു​നിൽക്കു​ന്നതു  കൂടുതൽ ബുദ്ധി​മു​ട്ടാ​ക്കി​യി​രി​ക്കു​ന്നു. അതു​കൊണ്ട്‌ നിങ്ങളു​ടെ സങ്കടങ്ങ​ളും വിഷമ​ങ്ങ​ളും എല്ലാം യഹോ​വ​യോ​ടു തുറന്നു​പ​റ​യുക, ഒരു അടുത്ത സുഹൃ​ത്തി​നോ​ടു സംസാ​രി​ക്കു​ന്ന​തു​പോ​ലെ. യഹോവ “നിനക്കു​വേണ്ടി പ്രവർത്തി​ക്കും” എന്ന വാക്കു​ക​ളിൽ വിശ്വാ​സ​മു​ണ്ടാ​യി​രി​ക്കുക.—സങ്കീർത്തനം 37:3, 5 വായി​ക്കുക.

15. ‘കഷ്ടതകൾ ഉണ്ടാകു​മ്പോൾ സഹിച്ചു​നിൽക്കാൻ’ പ്രാർഥന എങ്ങനെ​യാ​ണു സഹായി​ക്കു​ന്നത്‌? ഒരു അനുഭവം പറയുക.

¹⁵ മടുത്ത്‌ പിന്മാ​റാ​തെ പ്രാർഥി​ച്ചു​കൊ​ണ്ടി​രി​ക്കു​ന്നതു ‘കഷ്ടതകൾ ഉണ്ടാകു​മ്പോൾ സഹിച്ചു​നിൽക്കാൻ’ നമ്മളെ സഹായി​ക്കും. (റോമ. 12:12) തന്റെ ദാസന്മാർ ഏതെല്ലാം സാഹച​ര്യ​ങ്ങ​ളി​ലൂ​ടെ​യാ​ണു കടന്നു പോകു​ന്ന​തെന്ന്‌ യഹോ​വ​യ്‌ക്ക്‌ അറിയാം. “സഹായ​ത്തി​നാ​യുള്ള അവരുടെ നിലവി​ളി” ദൈവം കേൾക്കു​ന്നുണ്ട്‌. (സങ്കീ. 145:18, 19) അതു സത്യമാ​ണെന്ന്‌ 29 വയസ്സുള്ള മുൻനി​ര​സേ​വി​ക​യായ ക്രിസ്റ്റി അനുഭ​വി​ച്ച​റി​ഞ്ഞു. പെട്ടെ​ന്നാ​ണു സഹോ​ദ​രി​ക്കു ഗുരു​ത​ര​മായ ചില ആരോ​ഗ്യ​പ്ര​ശ്‌നങ്ങൾ തുടങ്ങി​യത്‌. അതോടെ സഹോ​ദരി കടുത്ത നിരാ​ശ​യി​ലാ​യി. കുറച്ച്‌ നാളു​കൾക്കു​ശേഷം സഹോ​ദ​രി​യു​ടെ അമ്മയ്‌ക്കും ഒരു രോഗ​മു​ണ്ടെന്നു കണ്ടെത്തി. അമ്മ മരിച്ചു​പോ​കു​മെന്ന്‌ ഏകദേശം ഉറപ്പാ​യി​രു​ന്നു. ആ സമയത്ത്‌ സഹോ​ദ​രി​യെ എന്താണു സഹായി​ച്ചത്‌? ക്രിസ്റ്റി പറയുന്നു: “ഓരോ ദിവസ​വും പിടി​ച്ചു​നിൽക്കാൻ ആവശ്യ​മായ ശക്തി തരണേ എന്നു ഞാൻ യഹോ​വ​യോ​ടു മുട്ടി​പ്പാ​യി പ്രാർഥി​ച്ചു. പതിവാ​യി മീറ്റി​ങ്ങു​കൾക്കു പോകു​ക​യും വ്യക്തി​പ​ര​മാ​യി പഠിക്കു​ക​യും ഒക്കെ ചെയ്‌തു​കൊണ്ട്‌ ആത്മീയ​കാ​ര്യ​ങ്ങൾക്കു മുടക്കം വരാതി​രി​ക്കാൻ ഞാൻ ശ്രദ്ധിച്ചു.” സഹോ​ദരി ഇങ്ങനെ​യും പറയുന്നു: “ആ പ്രയാ​സ​സ​മ​യ​ങ്ങ​ളിൽ പിടി​ച്ചു​നിൽക്കാൻ പ്രാർഥന എന്നെ ഒരുപാ​ടു സഹായി​ച്ചു. യഹോവ എപ്പോ​ഴും അരികി​ലു​ണ്ടെന്ന്‌ എനിക്ക്‌ അറിയാ​മാ​യി​രു​ന്നു. ആ ചിന്തതന്നെ എനിക്കു വലിയ ആശ്വാസം തന്നു. ആരോ​ഗ്യ​പ്ര​ശ്‌നങ്ങൾ പെട്ടെന്നു മാറി​യി​ല്ലെ​ങ്കി​ലും മനസ്സിനു സമാധാ​ന​വും ശാന്തത​യും നൽകി​ക്കൊണ്ട്‌ യഹോവ എന്റെ പ്രാർഥ​ന​കൾക്ക്‌ ഉത്തരം നൽകി.” “ദൈവ​ഭ​ക്തരെ എങ്ങനെ പരീക്ഷ​ണ​ങ്ങ​ളിൽനിന്ന്‌ രക്ഷിക്ക​ണ​മെന്ന്‌ യഹോ​വ​യ്‌ക്ക്‌ അറിയാം” എന്ന കാര്യം നമ്മൾ ഒരിക്ക​ലും മറക്കരുത്‌.—2 പത്രോ. 2:9.

16. പ്രലോ​ഭ​നത്തെ ചെറു​ക്കാൻ നമുക്ക്‌ യഹോ​വ​യു​ടെ സഹായം ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

¹⁶ പ്രലോ​ഭ​നത്തെ ചെറു​ക്കാ​നുള്ള സഹായ​ത്തി​നാ​യി യഹോ​വ​യോ​ടു പ്രാർഥി​ക്കുക. അപൂർണ​രാ​യ​തു​കൊണ്ട്‌ തെറ്റു ചെയ്യാ​നുള്ള പ്രലോ​ഭ​ന​ത്തിന്‌ എതിരെ നമ്മൾ എപ്പോ​ഴും പോരാ​ടേ​ണ്ട​തുണ്ട്‌.  പക്ഷേ, ആ പോരാ​ട്ടം കൂടുതൽ ബുദ്ധി​മു​ട്ടു​ള്ള​താ​ക്കി​ത്തീർക്കാൻ സാത്താൻ കഴിവി​ന്റെ പരമാ​വധി ശ്രമി​ക്കു​ന്നു. നമ്മുടെ ചിന്തകളെ ദുഷി​പ്പി​ക്കാൻ സാത്താൻ ഉപയോ​ഗി​ക്കുന്ന ഒരു കാര്യം മോശം വിനോ​ദ​ങ്ങ​ളാണ്‌. അവയ്‌ക്കു നമ്മുടെ മനസ്സിൽ തെറ്റായ ചിന്തകൾ നിറയ്‌ക്കാ​നാ​കും. അത്തരം ചിന്തകൾ യഹോ​വ​യു​ടെ മുമ്പാകെ നമ്മളെ അശുദ്ധ​രാ​ക്കു​ക​യും ഗുരു​ത​ര​മായ പാപം ചെയ്യു​ന്ന​തി​ലേക്കു നയിക്കു​ക​യും ചെയ്‌തേ​ക്കാം.—മർക്കോ. 7:21-23; യാക്കോ. 1:14, 15.

17. പ്രലോ​ഭനം ഒഴിവാ​ക്കാ​നുള്ള സഹായ​ത്തി​നാ​യി പ്രാർഥി​ക്കു​ന്ന​തോ​ടൊ​പ്പം നമ്മൾ മറ്റ്‌ എന്തുകൂ​ടെ ചെയ്യണം? (ചിത്ര​വും കാണുക.)

¹⁷ പ്രലോ​ഭ​നത്തെ ചെറു​ക്കാൻ നമുക്ക്‌ യഹോ​വ​യു​ടെ സഹായം കൂടിയേ തീരൂ. മാതൃ​കാ​പ്രാർഥ​ന​യിൽ യേശു ഈ വിഷയം​കൂ​ടി ഉൾപ്പെ​ടു​ത്തി: “പ്രലോ​ഭ​ന​ത്തിൽ അകപ്പെ​ടു​ത്താ​തെ ദുഷ്ടനിൽനിന്ന്‌ ഞങ്ങളെ വിടു​വി​ക്കേ​ണമേ.” (മത്താ. 6:13) യഹോവ നമ്മളെ സഹായി​ക്കാൻ ആഗ്രഹി​ക്കു​ന്നു. പക്ഷേ, നമ്മൾ സഹായം ചോദി​ക്കണം. മാത്രമല്ല, പ്രലോ​ഭ​ന​മാ​യേ​ക്കാ​വുന്ന കാര്യങ്ങൾ ഒഴിവാ​ക്കാൻ പരമാ​വധി ശ്രമി​ക്കു​ക​യും വേണം. അതിനാ​യി സാത്താന്റെ ലോക​ത്തിൽ നിറഞ്ഞു​നിൽക്കുന്ന തെറ്റായ ചിന്തകൾ അടങ്ങിയ കാര്യങ്ങൾ വായി​ക്കു​ക​യോ കേൾക്കു​ക​യോ ചെയ്യാ​തി​രി​ക്കാൻ നമുക്കു ശ്രദ്ധി​ക്കാം. (സങ്കീ. 97:10) പകരം ബൈബിൾ വായി​ക്കു​ക​യും പഠിക്കു​ക​യും ചെയ്‌തു​കൊണ്ട്‌ നമ്മുടെ മനസ്സിൽ ശരിയായ ചിന്തകൾ നിറയ്‌ക്കാം. മീറ്റി​ങ്ങു​കൾക്കു പോകു​ന്ന​തും പ്രസം​ഗ​പ്ര​വർത്തനം ചെയ്യു​ന്ന​തും നമ്മുടെ ചിന്തകൾ തെറ്റായ വഴിക്കു പോകാ​തെ സംരക്ഷി​ക്കും. ഇങ്ങനെ​യൊ​ക്കെ ചെയ്‌താൽ യഹോവ നമ്മളെ സഹായി​ക്കു​മെന്ന്‌ ഉറപ്പാണ്‌. നമുക്കു ചെറു​ക്കാ​നാ​കാത്ത ഒരു പ്രലോ​ഭ​ന​വും ഉണ്ടാകാൻ ദൈവം അനുവ​ദി​ക്കില്ല.—1 കൊരി. 10:12, 13.

18. പ്രാർഥ​ന​യോ​ടുള്ള ബന്ധത്തിൽ നമ്മൾ ഓരോ​രു​ത്ത​രും എന്തു ചെയ്യണം?

¹⁸ ബുദ്ധി​മു​ട്ടു​കൾ നിറഞ്ഞ ഈ അവസാ​ന​കാ​ലത്ത്‌ യഹോ​വ​യോ​ടു വിശ്വ​സ്‌ത​രാ​യി തുടരാൻ കഴിയ​ണ​മെ​ങ്കിൽ, നമ്മൾ ഓരോ​രു​ത്ത​രും മുമ്പെ​ന്ന​ത്തെ​ക്കാൾ അധികം പ്രാർഥി​ക്കേ​ണ്ട​തുണ്ട്‌. മനസ്സു തുറന്ന്‌ പ്രാർഥി​ക്കാൻ ഓരോ ദിവസ​വും സമയം മാറ്റി​വെ​ക്കുക. പ്രാർഥ​ന​യിൽ നമ്മൾ ‘ദൈവ​മു​മ്പാ​കെ ഹൃദയം പകരാൻ’ യഹോവ ആഗ്രഹി​ക്കു​ന്നു. (സങ്കീ. 62:8) യഹോ​വയെ സ്‌തു​തി​ക്കു​ക​യും യഹോവ നൽകുന്ന എല്ലാ കാര്യ​ങ്ങൾക്കും നന്ദി പറയു​ക​യും ചെയ്യുക. പ്രസം​ഗ​പ്ര​വർത്തനം ചെയ്യാ​നുള്ള ധൈര്യ​ത്തി​നാ​യി അപേക്ഷി​ക്കുക. പ്രശ്‌ന​ങ്ങളെ നേരി​ടാ​നും പ്രലോ​ഭ​ന​ങ്ങളെ ചെറു​ത്തു​നിൽക്കാ​നും ഉള്ള ശക്തിക്കാ​യി യാചി​ക്കുക. പതിവാ​യി യഹോ​വ​യോ​ടു പ്രാർഥി​ക്കു​ന്ന​തിന്‌ ഒരു തടസ്സമാ​കാൻ ആരെയും, ഒന്നി​നെ​യും അനുവ​ദി​ക്ക​രുത്‌. എന്നാൽ യഹോവ എങ്ങനെ​യാ​ണു നമ്മുടെ പ്രാർഥ​ന​കൾക്ക്‌ ഉത്തരം നൽകു​ന്നത്‌? അടുത്ത ലേഖനം ആ പ്രധാ​ന​പ്പെട്ട ചോദ്യം ചർച്ച ചെയ്യും.