1-2. ശിം​ശോ​നെ​ക്കു​റി​ച്ചുള്ള വിവരണം പഠിക്കു​ന്നതു നമുക്കു പ്രയോ​ജനം ചെയ്യു​ന്നത്‌ എങ്ങനെ?

 ശിം​ശോൻ എന്ന പേര്‌ കേൾക്കു​മ്പോൾ നിങ്ങളു​ടെ മനസ്സി​ലേക്ക്‌ ആദ്യം വരുന്നത്‌ എന്താണ്‌? സാധ്യ​ത​യ​നു​സ​രിച്ച്‌ അദ്ദേഹ​ത്തി​ന്റെ അസാധാ​ര​ണ​മായ ശക്തിയാ​യി​രി​ക്കും. അതു ശരിയു​മാണ്‌. പക്ഷേ അദ്ദേഹം തെറ്റായ ചില തീരു​മാ​ന​ങ്ങ​ളെ​ടു​ത്തു. അതിന്റെ മോശ​മായ ഫലങ്ങൾ അനുഭ​വി​ക്കു​ക​യും ചെയ്‌തു. എങ്കിലും, യഹോവ കൂടു​ത​ലാ​യി ശ്രദ്ധി​ച്ചതു ശിം​ശോ​ന്റെ വിശ്വ​സ്‌ത​ത​യോ​ടെ​യുള്ള സേവന​മാണ്‌. അവ നമ്മുടെ പ്രയോ​ജ​ന​ത്തി​നാ​യി ബൈബി​ളിൽ ഉൾപ്പെ​ടു​ത്തു​ക​യും ചെയ്‌തു.

² തന്റെ ജനമായ ഇസ്രാ​യേ​ലി​നെ സഹായി​ക്കാൻ അതിശ​യ​ക​ര​മായ പലതും ചെയ്യു​ന്ന​തിന്‌ യഹോവ ശിം​ശോ​നെ ഉപയോ​ഗി​ച്ചു. ശിം​ശോൻ മരിച്ച്‌ നൂറ്റാ​ണ്ടു​കൾക്കു ശേഷം വിശ്വാ​സ​ത്തി​ന്റെ നല്ല മാതൃ​ക​ക​ളാ​യി​രുന്ന ആളുക​ളോ​ടൊ​പ്പം ശിം​ശോ​ന്റെ പേരും ഉൾപ്പെ​ടു​ത്താൻ യഹോവ അപ്പോ​സ്‌ത​ല​നായ പൗലോ​സി​നെ പ്രേരി​പ്പി​ക്കു​ക​യും ചെയ്‌തു. (എബ്രാ. 11:32-34) അദ്ദേഹ​ത്തി​ന്റെ മാതൃക നമുക്കു വലി​യൊ​രു പ്രോ​ത്സാ​ഹ​ന​മാണ്‌. കാരണം ബുദ്ധി​മു​ട്ടുള്ള സാഹച​ര്യ​ങ്ങ​ളി​ലൂ​ടെ കടന്നു​പോ​യ​പ്പോൾ അദ്ദേഹം യഹോ​വ​യിൽ ആശ്രയി​ച്ചു. ഈ ലേഖന​ത്തിൽ ശിം​ശോ​നിൽനിന്ന്‌ നമുക്ക്‌ എന്തു പഠിക്കാ​മെ​ന്നും അദ്ദേഹ​ത്തി​ന്റെ മാതൃക നമ്മളെ പ്രോ​ത്സാ​ഹി​പ്പി​ക്കു​ന്നത്‌ എങ്ങനെ​യെ​ന്നും കാണാം.

3. ശിം​ശോന്‌ എന്തു നിയമ​ന​മാ​ണു കിട്ടി​യത്‌?

³ ശിം​ശോൻ ജനിക്കുന്ന സമയത്ത്‌ ഫെലി​സ്‌ത്യ​രാണ്‌ ഇസ്രാ​യേ​ല്യ​രെ ഭരിച്ചി​രു​ന്നത്‌. (ന്യായാ. 13:1) അവർ ദൈവ​ജ​നത്തെ അടിച്ച​മർത്തി​യി​രു​ന്നു. അവരുടെ ക്രൂര​മായ ഭരണം ഇസ്രാ​യേ​ല്യ​രു​ടെ ജീവിതം കഷ്ടത്തി​ലാ​ക്കി. അതു​കൊണ്ട്‌ ‘ഫെലി​സ്‌ത്യ​രു​ടെ കൈയിൽനിന്ന്‌ ഇസ്രാ​യേ​ല്യ​രെ രക്ഷിക്കു​ന്ന​തിൽ മുൻ​കൈ​യെ​ടു​ക്കാൻ’ യഹോവ ശിം​ശോ​നെ തിര​ഞ്ഞെ​ടു​ത്തു. (ന്യായാ. 13:5) വളരെ ബുദ്ധി​മു​ട്ടുള്ള നിയമ​ന​മാ​യി​രു​ന്നു അത്‌. യഹോ​വ​യിൽ ആശ്രയി​ച്ചാ​ലേ ശിം​ശോന്‌ അതു ചെയ്യാ​നാ​കു​മാ​യി​രു​ന്നു​ള്ളൂ.

4. ഫെലി​സ്‌ത്യ​രു​ടെ കൈയിൽനിന്ന്‌ രക്ഷപ്പെ​ടാൻ യഹോവ എങ്ങനെ​യാ​ണു ശിം​ശോ​നെ സഹായി​ച്ചത്‌? (ന്യായാ​ധി​പ​ന്മാർ 15:14-16)

 ⁴ ശിം​ശോൻ യഹോ​വ​യിൽ ആശ്രയി​ക്കു​ക​യും ദൈവം അദ്ദേഹത്തെ സഹായി​ക്കു​ക​യും ചെയ്‌ത​തി​ന്റെ ഒരു ഉദാഹ​രണം നോക്കാം. ഒരിക്കൽ ഫെലി​സ്‌ത്യ​രു​ടെ സൈന്യം ശിം​ശോ​നെ പിടി​കൂ​ടാ​നാ​യി ലേഹി​യി​ലേക്കു വന്നു. സാധ്യ​ത​യ​നു​സ​രിച്ച്‌ യഹൂദ​യി​ലുള്ള ഒരു സ്ഥലമാണ്‌ ഇത്‌. ആ സൈന്യ​ത്തെ കണ്ടപ്പോൾ യഹൂദ​യി​ലു​ള്ള​വർക്കു പേടി​യാ​യി. അതു​കൊണ്ട്‌ ശിം​ശോ​നെ ശത്രു​ക്കൾക്കു കൈമാ​റാൻ അവർ തീരു​മാ​നി​ച്ചു. അങ്ങനെ ശിം​ശോ​ന്റെ സ്വന്തം ആളുകൾതന്നെ അദ്ദേഹത്തെ പിടിച്ച്‌ രണ്ടു പുതിയ കയറു​കൊണ്ട്‌ ബന്ധിച്ച്‌ ഫെലി​സ്‌ത്യ​രു​ടെ കൈയിൽ ഏൽപ്പിച്ചു. (ന്യായാ. 15:9-13) എന്നാൽ “യഹോ​വ​യു​ടെ ആത്മാവ്‌ ശിം​ശോ​നു ശക്തി പകർന്നു.” കൈയിൽ കെട്ടി​യി​രുന്ന കയർ നൂലു​പോ​ലെ പൊട്ടി​പ്പോ​യി. അപ്പോ​ഴാണ്‌ ‘ഒരു ആൺകഴു​ത​യു​ടെ പച്ചത്താ​ടി​യെല്ല്‌ ശിം​ശോ​ന്റെ കണ്ണിൽപ്പെ​ടു​ന്നത്‌.’ അത്‌ എടുത്ത്‌ അദ്ദേഹം 1,000 ഫെലി​സ്‌ത്യ​രെ കൊന്നു.—ന്യായാ​ധി​പ​ന്മാർ 15:14-16 വായി​ക്കുക.

5. യഹോ​വ​യി​ലാണ്‌ ആശ്രയി​ക്കു​ന്ന​തെന്നു ശിം​ശോൻ തെളി​യി​ച്ചത്‌ എങ്ങനെ?

⁵ കഴുത​യു​ടെ താടി​യെല്ല്‌ പൊതു​വേ ആരും ആയുധ​മാ​യി ഉപയോ​ഗി​ക്കാ​റി​ല്ല​ല്ലോ. എന്നിട്ടും ശിം​ശോൻ എന്തു​കൊ​ണ്ടാ​യി​രി​ക്കാം ശത്രു​ക്കളെ ആക്രമി​ക്കാൻ അത്‌ ഉപയോ​ഗി​ച്ചത്‌? കാരണം താൻ ഏത്‌ ആയുധം ഉപയോ​ഗി​ച്ചാ​ലും ഫെലി​സ്‌ത്യ​രു​ടെ മേൽ വിജയം നേടാൻ യഹോവ തന്നെ സഹായി​ക്കു​മെന്ന്‌ അദ്ദേഹ​ത്തിന്‌ അറിയാ​മാ​യി​രു​ന്നു. അതു​കൊണ്ട്‌ യഹോ​വ​യു​ടെ ഇഷ്ടം ചെയ്യു​ന്ന​തിന്‌ എന്തു ലഭ്യമാ​യി​രു​ന്നോ അത്‌ അദ്ദേഹം ഉപയോ​ഗി​ച്ചു. യഹോ​വ​യിൽ ആശ്രയി​ച്ച​തു​കൊണ്ട്‌ ആ ശത്രു​ക്ക​ളെ​യെ​ല്ലാം കൊന്ന്‌ വലി​യൊ​രു വിജയം നേടാൻ യഹോവ ശിം​ശോ​നെ സഹായി​ച്ചു.

6. ശിം​ശോ​നെ​ക്കു​റി​ച്ചുള്ള വിവര​ണ​ത്തിൽനിന്ന്‌ നമുക്കു പഠിക്കാ​നാ​കുന്ന ഒരു കാര്യം എന്താണ്‌?

⁶ നമുക്കു കിട്ടുന്ന നിയമനം എത്ര ബുദ്ധി​മു​ട്ടു​ള്ള​താ​ണെ​ങ്കി​ലും അതു ചെയ്യാൻ ആവശ്യ​മായ ശക്തി യഹോവ തരും. ചില​പ്പോൾ നമുക്കു ചിന്തി​ക്കാൻപോ​ലും പറ്റാത്ത രീതി​യി​ലാ​യി​രി​ക്കാം ദൈവം അതു ചെയ്യു​ന്നത്‌. ദൈവ​ത്തി​ന്റെ ഇഷ്ടം ചെയ്യാ​നുള്ള സഹായ​ത്തി​നാ​യി യഹോ​വ​യിൽ ആശ്രയി​ക്കു​ന്നെ​ങ്കിൽ ശിം​ശോ​നെ ശക്തി​പ്പെ​ടു​ത്തിയ യഹോവ നിങ്ങ​ളെ​യും സഹായി​ക്കും, ഉറപ്പ്‌!—സുഭാ. 16:3.

7. യഹോവ എങ്ങനെ​യാ​ണു കാര്യ​ങ്ങളെ വഴിന​യി​ക്കു​ന്ന​തെന്നു നോ​ക്കേ​ണ്ടതു പ്രധാ​ന​മാ​ണെന്നു തെളി​യി​ക്കുന്ന ഒരു ഉദാഹ​രണം പറയുക.

⁷ സത്യാ​രാ​ധ​ന​യ്‌ക്കു​വേ​ണ്ടി​യുള്ള കെട്ടി​ടങ്ങൾ പണിയുന്ന പല സഹോ​ദ​ര​ങ്ങ​ളും തങ്ങൾ യഹോ​വ​യിൽ ആശ്രയി​ക്കു​ന്നെന്നു തെളി​യി​ച്ചി​ട്ടുണ്ട്‌. മുമ്പൊ​ക്കെ മിക്ക പുതിയ രാജ്യ​ഹാ​ളു​ക​ളും നമ്മുടെ മറ്റു കെട്ടി​ട​ങ്ങ​ളും സഹോ​ദ​രങ്ങൾ സ്വന്തമാ​യി ഡിസൈൻ ചെയ്‌ത്‌ നിർമി​ക്കു​ക​യാ​ണു ചെയ്‌തി​രു​ന്നത്‌. എന്നാൽ കൂടു​തൽക്കൂ​ടു​തൽ  ആളുകൾ സംഘട​ന​യി​ലേക്കു വരാൻതു​ട​ങ്ങി​യ​തോ​ടെ ഇതി​നൊ​രു മാറ്റം വേണ്ടി​വന്നു. അതു​കൊണ്ട്‌ ഉത്തരവാ​ദി​ത്വ​പ്പെട്ട സഹോ​ദ​രങ്ങൾ ഇക്കാര്യ​ത്തിൽ യഹോ​വ​യു​ടെ ഇഷ്ടം എന്താ​ണെന്ന്‌ അറിയാൻ പ്രാർഥി​ക്കു​ക​യും മറ്റു ചില രീതികൾ പരീക്ഷി​ക്കു​ക​യും ചെയ്‌തു. അതി​ലൊ​ന്നു കെട്ടി​ടങ്ങൾ വാങ്ങി നമ്മുടെ ആവശ്യ​ത്തി​ന​നു​സ​രിച്ച്‌ വേണ്ട മാറ്റങ്ങൾ വരുത്തുക എന്നതാ​യി​രു​ന്നു. അടുത്ത​കാ​ലത്ത്‌ ലോക​ത്തി​ന്റെ പല ഭാഗങ്ങ​ളി​ലുള്ള നമ്മുടെ നിർമാ​ണ​പ്ര​വർത്ത​ന​ങ്ങ​ളിൽ ഉൾപ്പെ​ട്ടി​ട്ടുള്ള റോബർട്ട്‌ സഹോ​ദരൻ പറയുന്നു: “ആദ്യ​മൊ​ക്കെ ഇത്‌ ഉൾക്കൊ​ള്ളാൻ പലർക്കും ബുദ്ധി​മു​ട്ടാ​യി​രു​ന്നു. വർഷങ്ങ​ളാ​യി നമ്മൾ ചെയ്‌തു​കൊ​ണ്ടി​രു​ന്ന​തിൽനിന്ന്‌ വളരെ വ്യത്യ​സ്‌ത​മായ രീതി​യാ​യി​രു​ന്നു ഇത്‌. പക്ഷേ, അതുമാ​യി പൊരു​ത്ത​പ്പെ​ടാൻ സഹോ​ദ​രങ്ങൾ തയ്യാറാ​യി. യഹോവ ഇതിനെ അനു​ഗ്ര​ഹി​ക്കു​ന്നു​ണ്ടെ​ന്നും വ്യക്തമാ​യി​രു​ന്നു.” തന്റെ ഇഷ്ടം ചെയ്യാൻവേണ്ടി യഹോവ തന്റെ ജനത്തെ നയിക്കു​ന്ന​തി​ന്റെ ഒരു ഉദാഹ​രണം മാത്ര​മാണ്‌ ഇത്‌. അതു​കൊണ്ട്‌ ഇടയ്‌ക്കി​ടെ നമ്മളെ​ല്ലാം ഇങ്ങനെ ചിന്തി​ക്കു​ന്നത്‌ നന്നായി​രി​ക്കും: ‘യഹോവ കാര്യ​ങ്ങളെ വഴിന​യി​ക്കു​ന്നത്‌ എങ്ങനെ​യാ​ണെന്നു നോക്കാ​നും അതനു​സ​രിച്ച്‌ എന്റെ സേവന​ത്തിൽ വേണ്ട മാറ്റങ്ങൾ വരുത്താ​നും ഞാൻ തയ്യാറാ​കു​ന്നു​ണ്ടോ?’

8. ഒരിക്കൽ വല്ലാതെ ദാഹി​ച്ച​പ്പോൾ ശിം​ശോൻ എന്താണു ചെയ്‌തത്‌?

⁸ ശിം​ശോൻ ചെയ്‌ത, അതിശ​യി​പ്പി​ക്കുന്ന മറ്റു പല കാര്യ​ങ്ങ​ളെ​ക്കു​റി​ച്ചും നിങ്ങൾ വായി​ച്ചി​ട്ടു​ണ്ടാ​കും. ഒരിക്കൽ ശിം​ശോൻ ഒറ്റയ്‌ക്ക്‌ ഒരു സിംഹ​ത്തോ​ടു പോരാ​ടി അതിനെ കൊന്നു​ക​ളഞ്ഞു. മറ്റൊ​രി​ക്കൽ ഫെലി​സ്‌ത്യ നഗരമായ അസ്‌ക​ലോ​നി​ലെ 30 പുരു​ഷ​ന്മാ​രെ വകവരു​ത്തി. (ന്യായാ. 14:5, 6, 19) യഹോ​വ​യു​ടെ സഹായ​മി​ല്ലാ​തെ ഇതൊ​ന്നും ചെയ്യാ​നാ​കി​ല്ലെന്നു ശിം​ശോന്‌ അറിയാ​മാ​യി​രു​ന്നു. അതിനു തെളിവ്‌ നൽകുന്ന ഒരു സംഭവം നോക്കാം. ഒരിക്കൽ 1,000 ഫെലി​സ്‌ത്യ​രെ കൊന്നു​ക​ഴിഞ്ഞ്‌ ശിം​ശോ​നു വല്ലാതെ ദാഹിച്ചു. അപ്പോൾ അദ്ദേഹം എന്താണു ചെയ്‌തത്‌? കുടി​ക്കാ​നുള്ള വെള്ളം സ്വന്തമാ​യി കണ്ടെത്തു​ന്ന​തി​നു പകരം സഹായ​ത്തി​നാ​യി യഹോ​വ​യോട്‌ അപേക്ഷി​ച്ചു.—ന്യായാ. 15:18.

9. ശിം​ശോൻ സഹായ​ത്തി​നാ​യി അപേക്ഷി​ച്ച​പ്പോൾ യഹോവ എന്തു ചെയ്‌തു? (ന്യായാ​ധി​പ​ന്മാർ 15:19-ഉം അടിക്കു​റി​പ്പും)

⁹ സഹായ​ത്തി​നു​വേണ്ടി ശിം​ശോൻ അപേക്ഷി​ച്ച​പ്പോൾ അത്ഭുത​ക​ര​മാ​യി ഒരു നീരുറവ പൊട്ടി​പ്പു​റ​പ്പെ​ടാൻ ഇടയാ​ക്കി​ക്കൊണ്ട്‌ യഹോവ അതിന്‌ ഉത്തരം നൽകി. അതിൽനിന്ന്‌ വെള്ളം കുടിച്ച “ശിം​ശോ​നു ശക്തി വീണ്ടു​കി​ട്ടി, ശിം​ശോൻ ഉന്മേഷ​വാ​നാ​യി.” (ന്യായാ​ധി​പ​ന്മാർ 15:19-ഉം അടിക്കു​റി​പ്പും വായി​ക്കുക.) തെളി​വ​നു​സ​രിച്ച്‌ പുതു​താ​യി ഉണ്ടായ ആ നീരുറവ, വർഷങ്ങൾക്കു​ശേഷം ശമുവേൽ പ്രവാ​ചകൻ ന്യായാ​ധി​പ​ന്മാ​രു​ടെ പുസ്‌തകം എഴുതിയ സമയത്തും അവി​ടെ​യു​ണ്ടാ​യി​രു​ന്നു. ആ നീരുറവ കണ്ടപ്പോ​ഴൊ​ക്കെ ഇസ്രാ​യേ​ല്യർ ഒരു കാര്യം ഓർത്തു​കാ​ണും: സഹായ​ത്തി​നാ​യി തന്നിൽ ആശ്രയി​ക്കുന്ന വിശ്വ​സ്‌ത​ദാ​സരെ യഹോവ ഒരിക്ക​ലും കൈവി​ടില്ല.

10. യഹോ​വ​യു​ടെ സഹായം കിട്ടാൻ നമ്മൾ എന്താണു ചെയ്യേ​ണ്ടത്‌? (ചിത്ര​വും കാണുക.)

¹⁰ നമുക്ക്‌ എത്ര​യൊ​ക്കെ കഴിവു​ക​ളു​ണ്ടെ​ങ്കി​ലും, ദൈവ​സേ​വ​ന​ത്തിൽ ഇതി​നോ​ടകം എന്തൊക്കെ ചെയ്യാ​നാ​യി​ട്ടു​ണ്ടെ​ങ്കി​ലും, സഹായ​ത്തി​നാ​യി നമ്മൾ എപ്പോ​ഴും യഹോ​വ​യി​ലേക്കു നോക്കണം. യഹോ​വ​യിൽ ആശ്രയി​ച്ചാൽ മാത്രമേ ദൈവം ചെയ്യാൻ ആവശ്യ​പ്പെ​ടുന്ന കാര്യ​ങ്ങ​ളെ​ല്ലാം നന്നായി ചെയ്യാൻ കഴിയു​ക​യു​ള്ളൂ എന്ന കാര്യം എളിമ​യോ​ടെ നമ്മൾ സമ്മതി​ക്കേ​ണ്ട​തുണ്ട്‌. യഹോവ കൊടുത്ത വെള്ളം കുടി​ച്ച​പ്പോൾ ശിം​ശോൻ ഉന്മേഷ​വാ​നാ​യി എന്നു നമ്മൾ കണ്ടു. അതു​പോ​ലെ വിശ്വ​സ്‌ത​രാ​യി തുടരാൻ യഹോവ തരുന്ന സഹായം സ്വീക​രി​ക്കു​മ്പോൾ നമ്മളും ആത്മീയ​മാ​യി ശക്തരാ​യി​ത്തീ​രും.—മത്താ. 11:28.

11. യഹോ​വ​യു​ടെ സഹായ​ത്തിൽനിന്ന്‌ പൂർണ​പ്ര​യോ​ജനം നേടാൻ നമുക്ക്‌ എന്തു ചെയ്യാം? ഒരു ദൃഷ്ടാ​ന്ത​ത്തി​ലൂ​ടെ വിവരി​ക്കുക.

¹¹ റഷ്യയിൽ കടുത്ത ഉപദ്രവം സഹിക്കുന്ന അലക്‌സി സഹോ​ദ​രന്റെ കാര്യം നോക്കുക. ആ സാഹച​ര്യ​ത്തി​ലും വിശ്വ​സ്‌ത​നാ​യി സഹിച്ചു​നിൽക്കാൻ അദ്ദേഹത്തെ സഹായി​ക്കു​ന്നത്‌ എന്താണ്‌? സഹോ​ദ​ര​നും ഭാര്യ​യും പതിവാ​യി ബൈബിൾ പഠിക്കു​ക​യും ദൈവ​സേ​വ​ന​ത്തിൽ ഉത്സാഹ​ത്തോ​ടെ പ്രവർത്തി​ക്കു​ക​യും ചെയ്യുന്ന ഒരു ശീലം വളർത്തി​യെ​ടു​ത്തി​രു​ന്നു. അതെക്കു​റിച്ച്‌ സഹോ​ദരൻ പറയു​ന്നത്‌ ഇതാണ്‌: “ദിവസ​വു​മുള്ള എന്റെ ബൈബിൾ വായന​യും വ്യക്തി​പ​ര​മായ പഠനവും മുടങ്ങാ​തി​രി​ക്കാൻ ഞാൻ ശ്രദ്ധി​ക്കു​ന്നു. എന്നും രാവിലെ ഭാര്യ​യും ഞാനും ഒരുമിച്ച്‌ ദിനവാ​ക്യം വായി​ക്കു​ക​യും പ്രാർഥി​ക്കു​ക​യും ചെയ്യും.” സഹോ​ദ​രന്റെ ഈ മാതൃ​ക​യിൽനിന്ന്‌ നമുക്ക്‌ എന്തു പഠിക്കാം? സ്വന്തം കഴിവിൽ ആശ്രയി​ക്കാ​തെ നമ്മൾ എപ്പോ​ഴും യഹോ​വ​യിൽ ആശ്രയി​ക്കണം. പതിവാ​യി ബൈബിൾ പഠിക്കു​ക​യും മറ്റ്‌ ആത്മീയ​പ്ര​വർത്ത​ന​ങ്ങ​ളിൽ ഉൾപ്പെ​ടു​ക​യും ചെയ്‌തു​കൊണ്ട്‌ നമ്മുടെ വിശ്വാ​സം ശക്തമാ​ക്കി​നി​റു​ത്തു​ന്ന​തി​ലൂ​ടെ നമുക്ക്‌ അത്‌ ചെയ്യാ​നാ​കും. അങ്ങനെ​യാ​കു​മ്പോൾ, തുടർന്നും  തന്നെ സേവി​ക്കാ​നുള്ള സഹായം യഹോവ നമുക്കു തരും. ശിം​ശോ​നെ ശക്തനാ​ക്കിയ ദൈവ​ത്തി​നു തീർച്ച​യാ​യും നമ്മളെ​യും ശക്തരാ​ക്കാ​നാ​കും.

12. ശിം​ശോൻ എടുത്ത തെറ്റായ തീരു​മാ​നം എന്തായി​രു​ന്നു, അദ്ദേഹം എടുത്ത മറ്റു തീരു​മാ​ന​ങ്ങ​ളിൽനിന്ന്‌ അതു വ്യത്യ​സ്‌ത​മാ​യി​രു​ന്നത്‌ എങ്ങനെ?

¹² നമ്മളെ​പ്പോ​ലെ​തന്നെ കുറവു​ക​ളൊ​ക്കെ​യുള്ള മനുഷ്യ​നാ​യി​രു​ന്നു ശിം​ശോ​നും. അതു​കൊണ്ട്‌ അദ്ദേഹം ഇടയ്‌ക്കൊ​ക്കെ തെറ്റായ തീരു​മാ​ന​ങ്ങ​ളെ​ടു​ത്തി​ട്ടുണ്ട്‌. അത്തര​മൊ​രു തീരു​മാ​ന​ത്തി​ന്റെ ഫലം വളരെ ദാരു​ണ​മാ​യി​രു​ന്നു. കാരണം, ആ തീരു​മാ​ന​മെ​ടു​ക്കു​മ്പോൾ യഹോവ നൽകിയ നിയമ​ന​ത്തെ​ക്കു​റിച്ച്‌ അദ്ദേഹം ചിന്തി​ച്ചി​രു​ന്നില്ല. അദ്ദേഹം എന്താണു ചെയ്‌തത്‌? കുറെ​ക്കാ​ലം ഒരു ന്യായാ​ധി​പ​നാ​യി പ്രവർത്തി​ച്ചു​ക​ഴിഞ്ഞ്‌ ശിം​ശോൻ “സോ​രേക്ക്‌ താഴ്‌വ​ര​യി​ലുള്ള ദലീല എന്ന യുവതി​യു​മാ​യി സ്‌നേ​ഹ​ത്തി​ലാ​യി.” (ന്യായാ. 16:4) നേരത്തേ ഒരു ഫെലി​സ്‌ത്യ സ്‌ത്രീ​യു​മാ​യി ശിം​ശോ​ന്റെ കല്യാണം ഉറപ്പി​ച്ചി​രു​ന്ന​താണ്‌. അതിനു “പിന്നിൽ യഹോ​വ​യാ​ണെന്ന്‌” ഉറപ്പാ​യി​രു​ന്നു. കാരണം, “ദൈവം ഫെലി​സ്‌ത്യർക്കെ​തി​രെ ഒരു അവസരം നോക്കി​യി​രി​ക്കു​ക​യാ​യി​രു​ന്നു.” പിന്നീട്‌, അദ്ദേഹം ഫെലി​സ്‌ത്യ​ന​ഗ​ര​മായ ഗസ്സയിൽ ഒരു വേശ്യ​യു​ടെ വീട്ടിൽ താമസി​ച്ചു. ആ സമയത്ത്‌ യഹോവ ശിം​ശോ​നെ ശക്തനാ​ക്കു​ക​യും അദ്ദേഹം നഗരക​വാ​ട​ത്തി​ന്റെ വാതി​ലു​കൾ പറി​ച്ചെ​ടുത്ത്‌ മലമു​ക​ളി​ലേക്കു കൊണ്ടു​പോ​കു​ക​യും ചെയ്‌തു. അങ്ങനെ ആ നഗരത്തി​ന്റെ സുരക്ഷാ​സം​വി​ധാ​നം തകർക്കാൻ അദ്ദേഹ​ത്തി​നു കഴിഞ്ഞു. (ന്യായാ. 14:1-4; 16:1-3) പക്ഷേ, ദലീല​യു​മാ​യുള്ള ശിം​ശോ​ന്റെ ബന്ധം അങ്ങനെ​യുള്ള ഒന്നായി​രു​ന്നില്ല. കാരണം, സാധ്യ​ത​യ​നു​സ​രിച്ച്‌ ദലീല ഒരു ഇസ്രാ​യേ​ല്യ​സ്‌ത്രീ​യാ​യി​രു​ന്നു. അതു​കൊണ്ട്‌ ആ ബന്ധം ഫെലി​സ്‌ത്യർക്കെ​തി​രെ പോരാ​ടു​ന്ന​തിന്‌ അദ്ദേഹത്തെ സഹായി​ക്കു​മാ​യി​രു​ന്നില്ല.

13. ദലീല ശിം​ശോ​നോട്‌ എന്താണു ചെയ്‌തത്‌?

¹³ ശിം​ശോ​നെ​ക്കു​റി​ച്ചുള്ള രഹസ്യം ചോർത്തി​ക്കൊ​ടു​ക്കാ​മെന്നു പറഞ്ഞ്‌ ദലീല ഫെലി​സ്‌ത്യ​രു​ടെ കൈയിൽനിന്ന്‌ വലി​യൊ​രു തുക വാങ്ങി. ശിം​ശോന്‌ അവളുടെ ദുരു​ദ്ദേ​ശ്യം തിരി​ച്ച​റി​യാൻ കഴിഞ്ഞില്ല. ഒരുപക്ഷേ ദലീല​യോ​ടുള്ള സ്‌നേഹം കാരണം അവളെ കണ്ണുമ​ടച്ച്‌ വിശ്വ​സി​ച്ച​തു​കൊ​ണ്ടാ​യി​രി​ക്കും അങ്ങനെ സംഭവി​ച്ചത്‌. എന്തായാ​ലും, ശിം​ശോ​ന്റെ ശക്തിയു​ടെ രഹസ്യ​ത്തെ​ക്കു​റിച്ച്‌ ദലീല വീണ്ടും​വീ​ണ്ടും ചോദി​ച്ച​പ്പോൾ ശല്യം സഹിക്ക​വ​യ്യാ​തെ അദ്ദേഹം അതു വെളി​പ്പെ​ടു​ത്തി. അങ്ങനെ  അവസാനം അദ്ദേഹ​ത്തി​നു കുറച്ച്‌ കാല​ത്തേക്കു തന്റെ ശക്തിയും യഹോ​വ​യു​ടെ അംഗീ​കാ​ര​വും നഷ്ടപ്പെട്ടു.—ന്യായാ. 16:16-20.

14. ദലീലയെ വിശ്വ​സി​ച്ച​തു​കൊണ്ട്‌ ശിം​ശോന്‌ എന്തെല്ലാം വേദനകൾ സഹി​ക്കേ​ണ്ടി​വന്നു?

¹⁴ ശിം​ശോൻ യഹോ​വ​യിൽ ആശ്രയി​ക്കാ​തെ ദലീലയെ വിശ്വ​സി​ച്ച​തു​കൊണ്ട്‌ വേദനി​പ്പി​ക്കുന്ന പല കാര്യ​ങ്ങ​ളും സഹി​ക്കേ​ണ്ടി​വന്നു. ഫെലി​സ്‌ത്യർ ശിം​ശോ​നെ പിടി​കൂ​ടി അദ്ദേഹ​ത്തി​ന്റെ കണ്ണു കുത്തി​പ്പൊ​ട്ടി​ച്ചു. എന്നിട്ട്‌ ഗസ്സയിൽ ഒരു തടവറ​യി​ലാ​ക്കി. അവി​ടെ​യുള്ള ആളുകളെ ശിം​ശോൻ മുമ്പ്‌ നാണം കെടു​ത്തി​യ​താണ്‌. ഇപ്പോൾ ആ ആളുകൾ അദ്ദേഹത്തെ അടിമ​യാ​ക്കി ധാന്യം പൊടി​പ്പി​ക്കു​ക​യാണ്‌. ഫെലി​സ്‌ത്യർ എല്ലാവ​രും ഒരു ഉത്സവത്തി​നു കൂടി​വ​ന്ന​പ്പോൾ ശിം​ശോ​നെ അപമാ​നി​ക്കാൻ അവർ മറ്റൊരു കാര്യ​വും ചെയ്‌തു. ശിം​ശോ​നെ കീഴ്‌പെ​ടു​ത്താൻ സഹായി​ച്ചത്‌ തങ്ങളുടെ ദൈവ​മായ ദാഗോ​നാ​ണെന്നു പറഞ്ഞ്‌ അവർ ആ ദൈവ​ത്തി​നു വലി​യൊ​രു ബലി അർപ്പിച്ചു. കൂടാതെ ശിം​ശോ​നെ കളിയാ​ക്കാ​നും അതിൽ ‘രസം കണ്ടെത്താ​നും’ ഉത്സവം നടക്കു​ന്നി​ട​ത്തേക്ക്‌ അദ്ദേഹത്തെ കൊണ്ടു​വ​രു​ക​യും ചെയ്‌തു.—ന്യായാ. 16:21-25.

15. താൻ വീണ്ടും യഹോ​വ​യിൽ ആശ്രയി​ക്കു​ന്നെന്നു ശിം​ശോൻ തെളി​യി​ച്ചത്‌ എങ്ങനെ? (ന്യായാ​ധി​പ​ന്മാർ 16:28-30) (പുറം​താ​ളി​ലെ ചിത്രം കാണുക.)

¹⁵ ശിം​ശോൻ ഗുരു​ത​ര​മായ തെറ്റു ചെയ്‌തെ​ങ്കി​ലും നിരാ​ശ​പ്പെട്ട്‌ യഹോ​വയെ സേവി​ക്കു​ന്നതു നിറു​ത്തി​ക്ക​ള​ഞ്ഞില്ല. പകരം, ഫെലി​സ്‌ത്യർക്കെ​തി​രെ പോരാ​ടാൻ ദൈവം കൊടുത്ത നിയമനം നിറ​വേ​റ്റാ​നുള്ള അവസര​ത്തി​നാ​യി അദ്ദേഹം കാത്തി​രു​ന്നു. (ന്യായാ​ധി​പ​ന്മാർ 16:28-30 വായി​ക്കുക.) ശിം​ശോൻ യഹോ​വ​യോ​ടു ഇങ്ങനെ അപേക്ഷി​ച്ചു: “ഫെലി​സ്‌ത്യ​രോ​ടു പ്രതി​കാ​രം ചെയ്യാൻ എനിക്കു ശക്തി നൽകേ​ണമേ.” യഹോവ ആ അപേക്ഷ കേൾക്കു​ക​യും ശിം​ശോ​നു വീണ്ടും അത്ഭുത​ക​ര​മാ​യി ശക്തി നൽകു​ക​യും ചെയ്‌തു. അങ്ങനെ ഇത്തവണ ഫെലി​സ്‌ത്യർക്കെ​തി​രെ മുമ്പ​ത്തെ​ക്കാ​ളെ​ല്ലാം വലിയ വിജയം നേടാൻ ശിം​ശോ​നു കഴിഞ്ഞു.

16. ശിം​ശോ​ന്റെ തെറ്റിൽനിന്ന്‌ നമുക്ക്‌ എന്തു പഠിക്കാം?

¹⁶ ശിം​ശോ​നു തന്റെ തെറ്റിന്റെ മോശം ഫലങ്ങൾ അനുഭ​വി​ക്കേ​ണ്ടി​വ​ന്നെ​ങ്കി​ലും അദ്ദേഹം യഹോ​വയെ സേവി​ക്കു​ന്നതു നിറു​ത്തി​ക്ക​ള​ഞ്ഞി​ല്ലെന്നു നമ്മൾ കണ്ടു. അതു​പോ​ലെ നമുക്കും ഒരു തെറ്റു പറ്റിയി​ട്ടു തിരുത്തൽ കിട്ടു​ക​യോ സേവന​പ​ദവി നഷ്ടപ്പെ​ടു​ക​യോ ഒക്കെ ചെയ്‌താൽ നമ്മളും യഹോ​വയെ സേവി​ക്കു​ന്നതു നിറു​ത്തി​ക്ക​ള​യ​രുത്‌. കാരണം യഹോവ ഒരിക്ക​ലും നമ്മളെ ഉപേക്ഷി​ച്ചു​ക​ള​യില്ല. (സങ്കീ. 103:8-10) ശിം​ശോ​ന്റെ കാര്യ​ത്തിൽ ചെയ്‌ത​തു​പോ​ലെ തെറ്റു​ക​ളൊ​ക്കെ പറ്റിയാ​ലും തന്റെ ഇഷ്ടം ചെയ്യാൻവേണ്ടി യഹോ​വ​യ്‌ക്കു തുടർന്നും നമ്മളെ ഉപയോ​ഗി​ക്കാ​നാ​കും.

17-18. മൈക്കി​ളി​ന്റെ അനുഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌? (ചിത്ര​വും കാണുക.)

¹⁷ മൈക്കിൾ എന്ന ചെറു​പ്പ​ക്കാ​രന്റെ അനുഭവം നോക്കുക. ഒരു ശുശ്രൂ​ഷാ​ദാ​സ​നും സാധാരണ മുൻനി​ര​സേ​വ​ക​നും ആയി അദ്ദേഹം സഭാകാ​ര്യ​ങ്ങ​ളിൽ തിര​ക്കോ​ടെ പ്രവർത്തി​ക്കു​ക​യാ​യി​രു​ന്നു. എന്നാൽ അദ്ദേഹം ഒരു തെറ്റു ചെയ്‌തു. അങ്ങനെ അദ്ദേഹ​ത്തി​നു തന്റെ സേവന​പ​ദ​വി​ക​ളെ​ല്ലാം നഷ്ടമായി. അദ്ദേഹം പറയുന്നു: “അതുവരെ ദൈവ​സേ​വ​ന​ത്തോ​ടു ബന്ധപ്പെട്ട എന്റെ കാര്യ​ങ്ങ​ളെ​ല്ലാം ഭംഗി​യാ​യി പോകു​ക​യാ​യി​രു​ന്നു. പെട്ടെ​ന്നാണ്‌ എല്ലാം നഷ്ടമാ​യത്‌. യഹോ​വ​യ്‌ക്കു​വേണ്ടി ഇനി ഒന്നും ചെയ്യാ​നാ​കി​ല്ലെന്ന്‌ എനിക്കു തോന്നി. എന്നാൽ,  യഹോവ എന്നെ ഉപേക്ഷി​ച്ചു​ക​ള​യി​ല്ലെന്ന്‌ എനിക്ക്‌ അറിയാ​മാ​യി​രു​ന്നു. പക്ഷേ അപ്പോ​ഴും, യഹോ​വ​യു​മാ​യി ആ പഴയ ബന്ധത്തി​ലേക്കു വരാനാ​കു​മോ, മുമ്പ​ത്തെ​പ്പോ​ലെ സഭയിൽ ഉത്തരവാ​ദി​ത്വ​ങ്ങൾ ചെയ്യാൻ പറ്റുമോ എന്നൊക്കെ ഞാൻ ചിന്തിച്ചു.”

¹⁸ എന്തായാ​ലും മൈക്കിൾ യഹോ​വ​യു​ടെ ഇഷ്ടം ചെയ്യു​ന്നതു നിറു​ത്തി​ക്ക​ള​ഞ്ഞില്ല. അദ്ദേഹം ഇങ്ങനെ​യും പറയുന്നു: “യഹോ​വ​യു​മാ​യി പഴയ ബന്ധത്തി​ലേക്കു വരാൻ ഞാൻ ശ്രമം തുടങ്ങി. അതിനു​വേണ്ടി പതിവാ​യി ഉള്ളുതു​റന്ന്‌ പ്രാർഥി​ക്കു​ക​യും ദൈവ​വ​ചനം പഠിക്കു​ക​യും അതെക്കു​റിച്ച്‌ ആഴത്തിൽ ചിന്തി​ക്കു​ക​യും ചെയ്‌തു.” അങ്ങനെ കുറച്ച്‌ കാലം​കൊണ്ട്‌ മൈക്കി​ളി​നു തന്റെ നിയമ​നങ്ങൾ തിരി​ച്ചു​കി​ട്ടി. ഇപ്പോൾ അദ്ദേഹം ഒരു മൂപ്പനും സാധാരണ മുൻനി​ര​സേ​വ​ക​നും ആണ്‌. അദ്ദേഹം പറയുന്നു: “ആ സമയത്ത്‌ സഭയിൽനിന്ന്‌, പ്രത്യേ​കിച്ച്‌ മൂപ്പന്മാ​രിൽനിന്ന്‌, എനിക്കു നല്ല പിന്തു​ണ​യും പ്രോ​ത്സാ​ഹ​ന​വും കിട്ടി. യഹോവ എന്നെ ഇപ്പോ​ഴും സ്‌നേ​ഹി​ക്കു​ന്നു​ണ്ടെന്നു തിരി​ച്ച​റി​യാൻ അത്‌ സഹായി​ച്ചു. എനിക്ക്‌ ഇപ്പോൾ വീണ്ടും ശുദ്ധമ​ന​സ്സാ​ക്ഷി​യോ​ടെ സഭയിൽ സേവി​ക്കാൻ കഴിയു​ന്നു. ഈ അനുഭവം എന്നെ ഒരു കാര്യം പഠിപ്പി​ച്ചു. ആത്മാർഥ​മാ​യി പശ്ചാത്ത​പി​ക്കു​ന്ന​വ​രോട്‌ യഹോവ തീർച്ച​യാ​യും ക്ഷമിക്കും.” നമുക്കു തെറ്റു പറ്റിയാ​ലും അതു തിരു​ത്തു​ക​യും തുടർന്നും യഹോ​വ​യിൽ ആശ്രയി​ക്കു​ക​യും ചെയ്‌താൽ യഹോവ നമ്മളെ വീണ്ടും ഉപയോ​ഗി​ക്കു​ക​യും അനു​ഗ്ര​ഹി​ക്കു​ക​യും ചെയ്യു​മെന്ന്‌ ഉറപ്പാണ്‌.—സങ്കീ. 86:5; സുഭാ. 28:13.

19. ശിം​ശോ​ന്റെ മാതൃക നിങ്ങളെ ശക്തി​പ്പെ​ടു​ത്തി​യത്‌ എങ്ങനെ?

¹⁹ ഈ ലേഖന​ത്തിൽ നമ്മൾ കണ്ടതു ശിം​ശോ​ന്റെ ജീവി​ത​ത്തി​ലെ ചില പ്രധാ​ന​പ്പെട്ട സംഭവ​ങ്ങ​ളാണ്‌. അദ്ദേഹം എല്ലാം തികഞ്ഞ വ്യക്തി​യൊ​ന്നു​മാ​യി​രു​ന്നില്ല. ദലീല​യോ​ടുള്ള ബന്ധത്തിൽ അദ്ദേഹ​ത്തി​നു തെറ്റു പറ്റി. എന്നിട്ടും, യഹോ​വ​യു​ടെ ഇഷ്ടം ചെയ്യാ​നുള്ള ശ്രമം അദ്ദേഹം ഉപേക്ഷി​ച്ചില്ല. അതു​കൊണ്ട്‌ യഹോ​വ​യും അദ്ദേഹത്തെ ഉപേക്ഷി​ച്ചില്ല. പകരം, ഒരിക്കൽക്കൂ​ടി യഹോവ അദ്ദേഹത്തെ അതിശ​യ​ക​ര​മായ രീതി​യിൽ ഉപയോ​ഗി​ച്ചു. വിശ്വാ​സ​ത്തി​ന്റെ നല്ലൊരു മാതൃ​ക​യാ​യി യഹോവ തുടർന്നും അദ്ദേഹത്തെ കണക്കാ​ക്കു​ക​യും ചെയ്‌തു. എബ്രായർ 11-ാം അധ്യാ​യ​ത്തിൽ പറഞ്ഞി​രി​ക്കുന്ന വിശ്വ​സ്‌ത​രു​ടെ കൂട്ടത്തിൽ ശിം​ശോ​ന്റെ പേരും ഉൾപ്പെ​ടു​ത്തി​യ​തിൽനി​ന്നും നമുക്ക്‌ അതു മനസ്സി​ലാ​ക്കാം. നമുക്കു സഹായം ആവശ്യ​മാ​യി​വ​രു​മ്പോൾ വേണ്ട ശക്തി നൽകാൻ ഒരുങ്ങി​യി​രി​ക്കുന്ന സ്‌നേ​ഹ​വാ​നായ പിതാ​വി​നെ​യാ​ണു നമ്മൾ ആരാധി​ക്കു​ന്ന​തെന്ന്‌ അറിയു​ന്നത്‌ എത്ര സന്തോ​ഷ​മുള്ള കാര്യ​മാണ്‌! അതു​കൊണ്ട്‌ ശിം​ശോ​നെ​പ്പോ​ലെ നമുക്കും യഹോ​വ​യോട്‌ ഇങ്ങനെ അപേക്ഷി​ക്കാം: “എന്നെ ഓർക്കേ​ണമേ. . . . എനിക്കു ശക്തി നൽകേ​ണമേ.”—ന്യായാ. 16:28.