1-2. യഹോ​വ​യു​ടെ വിശ്വ​സ്‌ത​ദാ​സർ എങ്ങനെ​യുള്ള പ്രശ്‌നങ്ങൾ നേരി​ട്ടേ​ക്കാം?

 ഒറ്റ ദിവസം​കൊണ്ട്‌ നമ്മുടെ ജീവിതം ചില​പ്പോൾ കീഴ്‌മേൽ മറി​ഞ്ഞേ​ക്കാം. ചില അനുഭ​വങ്ങൾ നോക്കാം. നമ്മുടെ ഒരു സഹോ​ദ​ര​നായ ലൂയിസിന്‌ a ഒരു അപൂർവ​തരം കാൻസ​റു​ണ്ടെന്നു കണ്ടെത്തി. ഇനി ഏതാനും മാസങ്ങളേ ജീവി​ച്ചി​രി​ക്കൂ എന്നു ഡോക്ടർ അദ്ദേഹ​ത്തോ​ടു പറഞ്ഞു. മോണിക്ക സഹോ​ദ​രി​യും ഭർത്താ​വും ആത്മീയ​കാ​ര്യ​ങ്ങൾ വളരെ തിര​ക്കോ​ടെ ചെയ്‌തു​പോ​രു​ക​യാ​യി​രു​ന്നു. അങ്ങനെ​യി​രി​ക്കെ ഒരു ദിവസം, മൂപ്പനാ​യി​രുന്ന തന്റെ ഭർത്താവ്‌ വർഷങ്ങ​ളാ​യി ഒരു ഇരട്ടജീ​വി​തം നയിക്കു​ക​യാ​യി​രു​ന്നെന്നു സഹോ​ദരി മനസ്സി​ലാ​ക്കി. ഒലീവിയ എന്ന ഏകാകി​നി​യായ സഹോ​ദ​രിക്ക്‌, ഒരു വലിയ കൊടു​ങ്കാ​റ്റു വരുന്നു എന്ന മുന്നറി​യി​പ്പി​നെ തുടർന്ന്‌ വീട്‌ വിട്ടു​പോ​കേ​ണ്ടി​വന്നു. തിരി​ച്ചെ​ത്തി​യ​പ്പോ​ഴേ​ക്കും സഹോ​ദ​രി​യു​ടെ വീട്‌ കൊടു​ങ്കാ​റ്റു തകർത്തു​ക​ള​ഞ്ഞി​രു​ന്നു. ഏതാനും നിമി​ഷ​ങ്ങൾകൊ​ണ്ടാണ്‌ ഇവരു​ടെ​യെ​ല്ലാം ജീവിതം മാറി​മ​റി​ഞ്ഞത്‌. ഇതു​പോ​ലെ ജീവി​തത്തെ പിടി​ച്ചു​ലച്ച എന്തെങ്കി​ലും നിങ്ങൾക്കു നേരി​ടേ​ണ്ടി​വ​ന്നി​ട്ടു​ണ്ടോ?

² നമ്മൾ യഹോ​വ​യു​ടെ വിശ്വസ്‌ത ദാസരാ​ണെ​ങ്കി​ലും, നമുക്കും മറ്റുള്ള​വ​രെ​പ്പോ​ലെ പ്രശ്‌ന​ങ്ങ​ളും രോഗ​ങ്ങ​ളും ഒക്കെ ഉണ്ടാകും. അതുകൂ​ടാ​തെ, ദൈവ​ജ​ന​മാ​യ​തി​ന്റെ പേരി​ലുള്ള എതിർപ്പോ ഉപദ്ര​വ​മോ നമുക്കു നേരി​ട്ടേ​ക്കാം. ആ പ്രശ്‌ന​ങ്ങ​ളെ​ല്ലാം ദൈവം തടയു​ന്നി​ല്ലെ​ങ്കി​ലും നമ്മളെ സഹായി​ക്കു​മെന്നു വാക്കു​ത​ന്നി​ട്ടുണ്ട്‌. (യശ. 41:10) സാഹച​ര്യം എത്ര കഠിന​മാ​ണെ​ങ്കി​ലും യഹോ​വ​യു​ടെ സഹായ​മു​ണ്ടെ​ങ്കിൽ നമുക്കു സന്തോഷം നിലനി​റു​ത്താ​നും നല്ല തീരു​മാ​ന​ങ്ങ​ളെ​ടു​ക്കാ​നും വിശ്വ​സ്‌ത​രാ​യി തുടരാ​നും കഴിയും. അങ്ങനെ യഹോവ നമ്മളെ സഹായി​ക്കുന്ന നാലു വിധങ്ങ​ളെ​ക്കു​റിച്ച്‌ ഈ ലേഖന​ത്തിൽ ചർച്ച ചെയ്യും. ആ സഹായം കിട്ടാൻ നമ്മൾ എന്താണു ചെയ്യേ​ണ്ട​തെ​ന്നും നമ്മൾ നോക്കും.

 യഹോവ നിങ്ങളെ കാക്കും

3. ജീവി​ത​ത്തിൽ അപ്രതീ​ക്ഷി​ത​മായ ദുരന്തങ്ങൾ ഉണ്ടാകു​മ്പോൾ നമുക്ക്‌ എന്തു ചെയ്യാൻ കഴിയാ​തെ​വ​ന്നേ​ക്കാം?

³ പ്രശ്‌നം. ജീവി​ത​ത്തിൽ അപ്രതീ​ക്ഷി​ത​മായ ദുരന്തങ്ങൾ ഉണ്ടാകു​മ്പോൾ ശരിയായ രീതി​യിൽ ചിന്തി​ക്കാ​നോ തീരു​മാ​ന​ങ്ങ​ളെ​ടു​ക്കാ​നോ കഴിയാ​തെ​വ​ന്നേ​ക്കാം. കാരണം, അപ്പോൾ നമ്മുടെ ഹൃദയ​ത്തി​നു​ണ്ടാ​കുന്ന വേദന വളരെ വലുതാ​യി​രി​ക്കും; മനസ്സ്‌ ഭാര​പ്പെ​ട്ടി​രി​ക്കു​ക​യാ​യി​രി​ക്കും. മൂടൽമഞ്ഞ്‌ നിറഞ്ഞ വഴിയിൽ എങ്ങോട്ടു പോക​ണ​മെന്ന്‌ അറിയാ​തെ നിൽക്കുന്ന ഒരു അവസ്ഥ! മുമ്പ്‌ കണ്ട രണ്ടു സഹോ​ദ​രി​മാർക്കും പ്രശ്‌നങ്ങൾ നേരി​ട്ട​പ്പോൾ അങ്ങനെ​ത​ന്നെ​യാ​ണു തോന്നി​യത്‌. ഒലീവിയ പറയുന്നു: “കൊടു​ങ്കാ​റ്റിൽ വീടു തകർന്നതു കണ്ടപ്പോൾ ഞാനാകെ മരവിച്ച അവസ്ഥയി​ലാ​യി. അത്‌ എനിക്കു താങ്ങാ​നാ​യില്ല.” ഭർത്താവു തന്നോടു കാണിച്ച വഞ്ചന​യെ​ക്കു​റിച്ച്‌ മോണിക്ക പറയുന്നു: “വെറും നിരാ​ശയല്ല, അതിലും വലിയ എന്തോ ആണ്‌ എനിക്കു തോന്നി​യത്‌. അത്‌ എന്റെ ഹൃദയത്തെ തകർത്തു​ക​ളഞ്ഞു. ഓരോ ദിവസ​ത്തെ​യും കാര്യങ്ങൾ ചെയ്യു​ന്ന​തു​പോ​ലും എനിക്കു വലിയ ബുദ്ധി​മു​ട്ടാ​യി. എന്റെ ജീവി​ത​ത്തിൽ ഇങ്ങനെ സംഭവി​ക്കു​മെന്നു ഞാൻ ഒട്ടും പ്രതീ​ക്ഷി​ച്ചില്ല.” ഇതു​പോ​ലെ തളർന്നു​പോ​കു​മ്പോൾ നമ്മളെ എങ്ങനെ സഹായി​ക്കു​മെ​ന്നാണ്‌ യഹോവ ഉറപ്പു​ത​ന്നി​രി​ക്കു​ന്നത്‌?

4. ഫിലി​പ്പി​യർ 4:6, 7 അനുസ​രിച്ച്‌ യഹോവ എന്ത്‌ ഉറപ്പാണു തന്നിരി​ക്കു​ന്നത്‌?

⁴ യഹോവ എങ്ങനെ സഹായി​ക്കും. “ദൈവ​സ​മാ​ധാ​നം” നമുക്കു തരു​മെന്നു യഹോവ ഉറപ്പു​ത​ന്നി​ട്ടുണ്ട്‌. (ഫിലി​പ്പി​യർ 4:6, 7 വായി​ക്കുക.) എന്താണ്‌ ആ സമാധാ​നം? യഹോ​വ​യു​മാ​യി ഒരു നല്ല ബന്ധമു​ള്ള​തു​കൊണ്ട്‌ ഒരാളു​ടെ ഹൃദയ​ത്തി​നും മനസ്സി​നും തോന്നുന്ന സ്വസ്ഥത​യും ശാന്തത​യും ആണ്‌ അത്‌. ഈ സമാധാ​നം ‘മനുഷ്യ​ബു​ദ്ധിക്ക്‌ അതീത​മാണ്‌;’ അതായത്‌ നമുക്കു ചിന്തി​ക്കാൻ കഴിയു​ന്ന​തി​നും അപ്പുറം! നിങ്ങൾ യഹോ​വ​യോ​ടു തീവ്ര​മാ​യി പ്രാർഥി​ച്ച​ശേഷം എപ്പോ​ഴെ​ങ്കി​ലും ഇത്തരത്തിൽ മനസ്സിനു വളരെ ശാന്തത തോന്നി​യി​ട്ടു​ണ്ടോ? അതാണ്‌ “ദൈവ​സ​മാ​ധാ​നം.”

5. ദൈവ​സ​മാ​ധാ​നം നമ്മുടെ ഹൃദയ​ത്തെ​യും മനസ്സി​നെ​യും കാക്കു​ന്നത്‌ എങ്ങനെ?

⁵ ഫിലി​പ്പി​യർ 4:7-ൽ “ദൈവ​സ​മാ​ധാ​നം നിങ്ങളു​ടെ ഹൃദയ​ത്തെ​യും മനസ്സി​നെ​യും . . . കാക്കും” അല്ലെങ്കിൽ സംരക്ഷി​ക്കും എന്നു പറയുന്നു. ഇവിടെ “കാക്കും” എന്നതിനു മൂലഭാ​ഷ​യിൽ സൈന്യ​വു​മാ​യി ബന്ധപ്പെട്ട ഒരു പദമാണ്‌ ഉപയോ​ഗി​ച്ചി​രി​ക്കു​ന്നത്‌. ഒരു നഗരത്തെ കാക്കുന്ന, അതിനെ ആക്രമ​ണ​ങ്ങ​ളിൽനിന്ന്‌ സംരക്ഷി​ക്കുന്ന പടയാ​ളി​കളെ കുറി​ക്കാ​നാണ്‌ ഈ പദം ഉപയോ​ഗി​ച്ചി​രു​ന്നത്‌. അത്തര​മൊ​രു നഗരത്തിൽ താമസി​ക്കു​ന്നവർ സമാധാ​ന​ത്തോ​ടെ കിടന്നു​റ​ങ്ങും. കാരണം, കാവലി​നു പടയാ​ളി​ക​ളു​ണ്ടെന്ന്‌ അവർക്ക്‌ അറിയാം. ദൈവ​സ​മാ​ധാ​നം നമ്മുടെ ഹൃദയ​ത്തെ​യും മനസ്സി​നെ​യും കാക്കു​മ്പോൾ ഇതു​പോ​ലൊ​രു സുരക്ഷി​ത​ത്വ​വും ശാന്തത​യും ആണ്‌ നമുക്കും തോന്നു​ന്നത്‌. (സങ്കീ. 4:8) സാഹച​ര്യ​ത്തി​നു മാറ്റം വന്നി​ല്ലെ​ങ്കി​ലും നമുക്ക്‌ ആ സമാധാ​നം അനുഭ​വി​ക്കാ​നാ​കും, ഹന്നയുടെ കാര്യ​ത്തി​ലെ​ന്ന​പോ​ലെ. (1 ശമു. 1:16-18) ഇങ്ങനെ മനസ്സ്‌ ശാന്തമാ​കു​മ്പോൾ ശരിയായ രീതി​യിൽ ചിന്തി​ക്കാ​നും നല്ല തീരു​മാ​ന​ങ്ങ​ളെ​ടു​ക്കാ​നും നമുക്ക്‌ എളുപ്പ​മാ​യി​രി​ക്കും.

6. ദൈവ​സ​മാ​ധാ​ന​ത്തിൽനിന്ന്‌ പ്രയോ​ജനം കിട്ടാൻ നമ്മൾ എന്തു ചെയ്യണം? (ചിത്ര​വും കാണുക.)

⁶ നമ്മൾ എന്തു ചെയ്യണം. ഒരു പ്രശ്‌ന​മു​ണ്ടാ​കു​മ്പോൾ നഗരത്തി​ലെ ആളുകൾ ആദ്യം കാവൽക്കാ​രനെ  വിളി​ക്കും. (ലൂക്കോ. 11:9; 1 തെസ്സ. 5:17) നമുക്കും അതുതന്നെ ചെയ്യാം. നമ്മുടെ ജീവി​ത​ത്തിൽ പ്രശ്‌ന​ങ്ങ​ളു​ണ്ടാ​കു​മ്പോൾ ദൈവ​സ​മാ​ധാ​നം കിട്ടു​ന്ന​തു​വരെ നമുക്കു പ്രാർഥി​ച്ചു​കൊ​ണ്ടി​രി​ക്കാം. നേരത്തെ കണ്ട ലൂയിസ്‌ സഹോ​ദ​ര​ന്റെ​യും ഭാര്യ അനയു​ടെ​യും അനുഭ​വ​ത്തി​ലേക്കു വരാം. സഹോ​ദരൻ ഇനി ഏതാനും മാസമേ ജീവി​ച്ചി​രി​ക്കൂ എന്ന്‌ അറിഞ്ഞ​പ്പോൾ അവർ ആ സാഹച​ര്യ​ത്തെ എങ്ങനെ​യാ​ണു നേരി​ട്ടത്‌? സഹോ​ദരൻ പറയുന്നു: “അത്തര​മൊ​രു സമയത്ത്‌ ചികി​ത്സ​യോ​ടും മറ്റു കാര്യ​ങ്ങ​ളോ​ടും ബന്ധപ്പെട്ട്‌ തീരു​മാ​ന​ങ്ങ​ളെ​ടു​ക്കു​ന്നത്‌ ഒട്ടും എളുപ്പമല്ല. പ്രാർഥ​ന​യാണ്‌ ആ സമയ​ത്തെ​ല്ലാം സമാധാ​ന​ത്തോ​ടെ​യി​രി​ക്കാൻ ഞങ്ങളെ സഹായി​ച്ചത്‌.” ലൂയിസ്‌ സഹോ​ദ​ര​നും ഭാര്യ​യും പറഞ്ഞത്‌, മനസ്സമാ​ധാ​ന​ത്തി​നും ശാന്തത​യ്‌ക്കും തീരു​മാ​ന​ങ്ങ​ളെ​ടു​ക്കാ​നുള്ള ജ്ഞാനത്തി​നും വേണ്ടി യഹോ​വ​യോട്‌ അവർ വീണ്ടും​വീ​ണ്ടും തീവ്ര​മാ​യി പ്രാർഥി​ച്ചു​കൊ​ണ്ടി​രു​ന്നു എന്നാണ്‌. അപ്പോൾ അവർ യഹോ​വ​യു​ടെ സഹായം അനുഭ​വി​ച്ച​റി​ഞ്ഞു. ഇതു​പോ​ലെ നിങ്ങളും എന്തെങ്കി​ലും പ്രശ്‌നം നേരി​ടു​ന്നു​ണ്ടെ​ങ്കിൽ മടുത്തു​പി​ന്മാ​റാ​തെ യഹോ​വ​യോ​ടു പ്രാർഥി​ച്ചു​കൊ​ണ്ടി​രി​ക്കുക. അപ്പോൾ യഹോവ നൽകുന്ന സമാധാ​നം നിങ്ങളു​ടെ ഹൃദയ​ത്തെ​യും മനസ്സി​നെ​യും കാക്കു​ന്നതു നിങ്ങൾ അനുഭ​വി​ച്ച​റി​യും.—റോമ. 12:12.

യഹോവ നിങ്ങൾക്കു സ്ഥിരത നൽകും

7. പ്രയാ​സ​ക​ര​മായ സാഹച​ര്യ​ങ്ങ​ളി​ലൂ​ടെ കടന്നു​പോ​കു​മ്പോൾ നമ്മുടെ അവസ്ഥ എന്തായി​രി​ക്കും?

⁷ പ്രശ്‌നം. ഒരു പ്രശ്‌ന​ത്തി​ലൂ​ടെ കടന്നു​പോ​കു​മ്പോൾ നമ്മുടെ ചിന്തക​ളും വികാ​ര​ങ്ങ​ളും കാര്യ​ങ്ങ​ളോ​ടു പ്രതി​ക​രി​ക്കുന്ന വിധവും എല്ലാം മാറി​ക്കൊ​ണ്ടി​രി​ക്കും. തിരമാ​ല​ക​ളിൽപ്പെട്ട്‌ അങ്ങോ​ട്ടു​മി​ങ്ങോ​ട്ടും ആടിയു​ല​യുന്ന ഒരു കപ്പൽപോ​ലെ​യാ​യി​രി​ക്കും നമ്മൾ. ലൂയി​സി​ന്റെ മരണ​ശേഷം പല തരത്തി​ലുള്ള വികാ​ര​ങ്ങ​ളി​ലൂ​ടെ​യാ​ണു അന കടന്നു​പോ​യത്‌. സഹോ​ദരി പറഞ്ഞു: “അദ്ദേഹം പോയ​തിൽപ്പി​ന്നെ എനിക്ക്‌ ആകെ ഒരു ശൂന്യ​ത​യാ​യി​രു​ന്നു. ഇടയ്‌ക്ക്‌ എന്റെ അവസ്ഥ ഓർത്ത്‌ എനിക്ക്‌ എന്നോ​ടു​തന്നെ സഹതാപം തോന്നും. ചില​പ്പോൾ വിഷമം പുറ​ത്തേ​ക്കു​വ​രു​ന്നതു ദേഷ്യ​മാ​യി​ട്ടാ​യി​രി​ക്കും.” കൂടാതെ, അതുവരെ ലൂയിസ്‌ വളരെ നന്നായി ചെയ്‌തു​കൊ​ണ്ടി​രുന്ന കാര്യ​ങ്ങ​ളിൽ, തനിയെ തീരു​മാ​ന​മെ​ടു​ക്കേ​ണ്ടി​വ​ന്ന​പ്പോൾ സഹോ​ദ​രി​ക്കു ഒറ്റപ്പെ​ട​ലും നിരാ​ശ​യും തോന്നി. ആർത്തി​ര​മ്പുന്ന ഒരു കടലിൽപ്പെ​ട്ട​തു​പോ​ലെ​യാ​ണു ചില​പ്പോ​ഴൊ​ക്കെ സഹോ​ദ​രി​ക്കു തോന്നി​യത്‌. ഇതു​പോ​ലെ, നമ്മുടെ ഉള്ളിൽ വികാ​രങ്ങൾ അലതല്ലു​മ്പോൾ യഹോവ എങ്ങനെ​യാ​ണു നമ്മളെ സഹായി​ക്കു​ന്നത്‌?

8. യശയ്യ 33:6-ൽ യഹോവ എന്ത്‌ ഉറപ്പാണു തരുന്നത്‌?

⁸ യഹോവ എങ്ങനെ സഹായി​ക്കും. യഹോവ നമുക്കു സ്ഥിരത നൽകു​മെന്ന്‌ ഉറപ്പു​ത​ന്നി​രി​ക്കു​ന്നു. (യശയ്യ 33:6 വായി​ക്കുക.) ഒരു കൊടു​ങ്കാ​റ്റിൽ അകപ്പെട്ട കപ്പൽ അങ്ങോ​ട്ടു​മി​ങ്ങോ​ട്ടും ശക്തമായി ആടിയു​ല​ഞ്ഞേ​ക്കാം. എന്നാൽ ഇങ്ങനെ ആടിയു​ല​യു​ന്നതു കുറയ്‌ക്കാൻ പല കപ്പലു​ക​ളു​ടെ​യും അടിഭാ​ഗത്ത്‌ ഇരുവ​ശ​ങ്ങ​ളി​ലാ​യി ചിറകു​പോ​ലെ നിൽക്കുന്ന ഒരു വസ്‌തു പിടി​പ്പി​ച്ചി​ട്ടുണ്ട്‌. വശങ്ങളി​ലേക്ക്‌ അധികം ചെരി​യാ​തെ സ്ഥിരത​യോ​ടെ മുന്നോ​ട്ടു​പോ​കാൻ ഇതു കപ്പലിനെ സഹായി​ക്കും. അതു​കൊ​ണ്ടു​തന്നെ യാത്ര​ക്കാർക്കു സുരക്ഷി​ത​മാ​യും സുഖക​ര​മാ​യും അതിൽ യാത്ര ചെയ്യാൻ പറ്റും. എന്നാൽ, കപ്പലുകൾ മുന്നോ​ട്ടു പോകു​മ്പോ​ഴാണ്‌ ഈ സംവി​ധാ​നം നന്നായി പ്രവർത്തി​ക്കു​ന്നത്‌. ഇതു​പോ​ലെ നമ്മളും, പ്രശ്‌നങ്ങൾ നേരി​ടു​മ്പോൾ വിശ്വ​സ്‌ത​മാ​യി മുന്നോ​ട്ടു പോകു​ന്നെ​ങ്കിൽ യഹോവ നമുക്കു സ്ഥിരത നൽകും.

9. സ്ഥിരത​യോ​ടെ മുന്നോ​ട്ടു​പോ​കാൻ നമ്മുടെ ഗവേഷണ ഉപകര​ണങ്ങൾ സഹായി​ക്കു​ന്നത്‌ എങ്ങനെ? (ചിത്ര​വും കാണുക.)

 ⁹ നമ്മൾ എന്തു ചെയ്യണം. നമ്മുടെ ഉള്ളിൽ വികാ​രങ്ങൾ ശക്തമായി അലയടി​ക്കു​മ്പോ​ഴും ആത്മീയ​കാ​ര്യ​ങ്ങൾ മുടങ്ങാ​തെ ചെയ്യാൻ പരമാ​വധി ശ്രമി​ക്കുക. മുമ്പത്തെ അത്രയും ചെയ്യാൻ നിങ്ങൾക്കു കഴിഞ്ഞി​ല്ലെ​ങ്കി​ലും വിഷമി​ക്കേണ്ടാ. കാരണം, നിങ്ങൾക്കു പറ്റുന്ന​തി​ലും കൂടുതൽ ചെയ്യാൻ യഹോവ ഒരിക്ക​ലും പ്രതീ​ക്ഷി​ക്കില്ല. (ലൂക്കോസ്‌ 21:1-4 താരത​മ്യം ചെയ്യുക.) പ്രശ്‌ന​ത്തി​ലൂ​ടെ കടന്നു​പോ​കു​മ്പോ​ഴും വ്യക്തി​പ​ര​മായ പഠനത്തി​നും ധ്യാന​ത്തി​നും സമയം മാറ്റി​വെ​ക്കണം. കാരണം, വികാ​രങ്ങൾ നിയ​ന്ത്രി​ക്കാ​നും ഉറച്ചു​നിൽക്കാ​നും സഹായി​ക്കുന്ന ഏറ്റവും മികച്ച ആത്മീയ​വി​വ​രങ്ങൾ യഹോവ തന്റെ സംഘട​ന​യി​ലൂ​ടെ നമുക്കു നൽകി​യി​ട്ടുണ്ട്‌. ആവശ്യ​മായ വിവരങ്ങൾ കണ്ടെത്താൻ JW ലൈ​ബ്രറി ആപ്ലി​ക്കേഷൻ, യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള ഗവേഷ​ണ​സ​ഹാ​യി എന്നതു​പോ​ലുള്ള ഉപകര​ണങ്ങൾ നിങ്ങൾക്ക്‌ ഉപയോ​ഗി​ക്കാ​നാ​കും. നേരത്തെ കണ്ട മോണിക്ക, ഉള്ളിലുള്ള വിഷമങ്ങൾ ശക്തമാ​കാൻ തുടങ്ങു​മ്പോൾത്തന്നെ ഇത്തരം ഗവേഷണ ഉപകര​ണങ്ങൾ ഉപയോ​ഗിച്ച്‌ പഠിക്കു​മാ​യി​രു​ന്നു. അതിനാ​യി സഹോ​ദരി, ഗവേഷണ ഉപകരണം തുറന്ന്‌ അതിൽ “ദേഷ്യം” എന്നോ മറ്റു ചില​പ്പോൾ “വഞ്ചന”, “വിശ്വ​സ്‌തത” എന്നോ ഒക്കെ ടൈപ്പ്‌ ചെയ്‌തു. എന്നിട്ട്‌, ആശ്വാസം തോന്നു​ന്ന​തു​വരെ അതിൽ കിട്ടുന്ന വിവരങ്ങൾ വായിച്ചു. “മിക്ക​പ്പോ​ഴും ഒരു വല്ലാത്ത മാനസി​കാ​വ​സ്ഥ​യി​ലാണ്‌ ഞാൻ പഠിക്കാൻ തുടങ്ങി​യി​രു​ന്നത്‌. പക്ഷേ, വായി​ച്ചു​കൊ​ണ്ടി​രി​ക്കു​മ്പോൾ പതി​യെ​പ്പ​തി​യെ യഹോവ എന്നെ ചേർത്തു​പി​ടി​ക്കു​ന്ന​തു​പോ​ലെ എനിക്കു തോന്നി. എന്റെ ഉള്ളിൽ മാറി​മ​റി​യുന്ന വികാ​രങ്ങൾ ദൈവം മനസ്സി​ലാ​ക്കു​ന്നു​ണ്ടെ​ന്നും എന്നെ സഹായി​ക്കു​ന്നു​ണ്ടെ​ന്നും അപ്പോൾ ഞാൻ തിരി​ച്ച​റി​ഞ്ഞു.” യഹോവ നൽകുന്ന ഈ കരുതൽ, വികാ​ര​ങ്ങ​ളു​ടെ തിരമാ​ലകൾ ഒന്നു ശാന്തമാ​കു​ന്ന​തു​വരെ സ്ഥിരത​യോ​ടെ മുന്നോ​ട്ടു​പോ​കാൻ നമ്മളെ​യും സഹായി​ക്കും.—സങ്കീ. 119:143, 144.

യഹോവ നിങ്ങളെ താങ്ങി​നി​റു​ത്തും

10. സമ്മർദം നിറഞ്ഞ ഒരു സാഹച​ര്യ​ത്തി​ലൂ​ടെ കടന്നു​പോ​യാൽ നമുക്ക്‌ എന്തു തോന്നി​യേ​ക്കാം?

¹⁰ പ്രശ്‌നം. വളരെ സമ്മർദം നിറഞ്ഞ ഒരു സാഹച​ര്യ​ത്തി​ലൂ​ടെ കടന്നു​പോ​കു​മ്പോൾ ചില ദിവസ​ങ്ങ​ളിൽ നമ്മൾ ശാരീ​രി​ക​മാ​യും മാനസി​ക​മാ​യും തളർന്നു​പോ​യേ​ക്കാം. പരിക്കു പറ്റിയ ഒരു കായി​ക​താ​രത്തെ പോ​ലെ​യാ​യി​രി​ക്കും നമ്മൾ. മുമ്പ്‌ നല്ലപോ​ലെ ഓടി​യി​രു​ന്നെ​ങ്കി​ലും ഇപ്പോൾ അദ്ദേഹ​ത്തി​നു ശരിക്കു നടക്കാൻപോ​ലും പറ്റുന്നില്ല. അതു​പോ​ലെ മുമ്പ്‌ നമ്മൾ വളരെ എളുപ്പ​ത്തിൽ, ഇഷ്ടപ്പെട്ട്‌ ചെയ്‌തി​രുന്ന കാര്യ​ങ്ങ​ളൊ​ന്നും ഇപ്പോൾ നമുക്കു ചെയ്യാനേ തോന്നു​ന്നി​ല്ലാ​യി​രി​ക്കും. നമുക്കും ഏലിയ​യെ​പ്പോ​ലെ വെറുതേ കിടന്നു​റ​ങ്ങാ​നാ​യി​രി​ക്കും തോന്നു​ന്നത്‌. (1 രാജാ. 19:5-7) ഇങ്ങനെ തളർന്നു​പോ​കു​മ്പോൾ നമ്മളെ എങ്ങനെ സഹായി​ക്കു​മെ​ന്നാണ്‌ യഹോവ ഉറപ്പു​ത​ന്നി​രി​ക്കു​ന്നത്‌?

11. സങ്കീർത്തനം 94:18 അനുസ​രിച്ച്‌ യഹോവ നമ്മളെ സഹായി​ക്കുന്ന മറ്റൊരു വിധം ഏതാണ്‌?

¹¹ യഹോവ എങ്ങനെ സഹായി​ക്കും. യഹോവ നമ്മളെ താങ്ങി​നി​റു​ത്തു​മെന്ന്‌ ഉറപ്പു​ത​ന്നി​ട്ടുണ്ട്‌. (സങ്കീർത്തനം 94:18 വായി​ക്കുക.) പരിക്കു പറ്റിയ ഒരു കായി​ക​താ​ര​ത്തി​നു മുന്നോ​ട്ടു​പോ​കാൻ സഹായം  വേണം. അതു​പോ​ലെ നമുക്കും യഹോ​വ​യു​ടെ സേവന​ത്തിൽ ഉത്സാഹ​ത്തോ​ടെ നിൽക്കാൻ സഹായം വേണ്ടി​വ​രും. അതെക്കു​റിച്ച്‌ യഹോവ ഈ ഉറപ്പു​ത​രു​ന്നുണ്ട്‌: “‘പേടി​ക്കേണ്ടാ, ഞാൻ നിന്നെ സഹായി​ക്കും’ എന്നു നിന്നോ​ടു പറയുന്ന നിന്റെ ദൈവ​മായ യഹോവ എന്ന ഞാൻ, നിന്റെ വലങ്കൈ പിടി​ച്ചി​രി​ക്കു​ന്നു.” (യശ. 41:13) യഹോ​വ​യു​ടെ ആ സഹായം അനുഭ​വി​ച്ച​റിഞ്ഞ ആളാണു ദാവീദ്‌ രാജാവ്‌. പല പ്രയാ​സ​ങ്ങ​ളെ​യും ശത്രു​ക്ക​ളെ​യും നേരി​ടേ​ണ്ടി​വ​ന്ന​പ്പോൾ ദാവീദ്‌ യഹോ​വ​യോട്‌ ഇങ്ങനെ പറഞ്ഞു: “അങ്ങയുടെ വലങ്കൈ എന്നെ താങ്ങുന്നു.” (സങ്കീ. 18:35) അങ്ങനെ​യെ​ങ്കിൽ യഹോവ എങ്ങനെ​യാ​ണു നമ്മളെ താങ്ങി​നി​റു​ത്തു​ന്നത്‌?

12. തളർന്നി​രി​ക്കു​മ്പോൾ നമ്മളെ സഹായി​ക്കാൻ യഹോവ ആരെ ഉപയോ​ഗി​ച്ചേ​ക്കാം?

¹² നമ്മളെ താങ്ങി​നി​റു​ത്താൻ യഹോവ പലപ്പോ​ഴും മറ്റുള്ള​വരെ ഉപയോ​ഗി​ച്ചേ​ക്കാം. ഉദാഹ​ര​ണ​ത്തിന്‌, ദാവീദ്‌ ഒരിക്കൽ തളർന്നു​പോ​യ​പ്പോൾ കൂട്ടു​കാ​ര​നായ യോനാ​ഥാൻ അദ്ദേഹത്തെ ചെന്നു​കണ്ട്‌ ബലപ്പെ​ടു​ത്തു​ക​യും പ്രോ​ത്സാ​ഹി​പ്പി​ക്കു​ക​യും ചെയ്‌തു. (1 ശമു. 23:16, 17) ഇനി, ഏലിയ​യു​ടെ കാര്യ​ത്തിൽ എലീശയെ ഉപയോ​ഗി​ച്ചു​കൊണ്ട്‌ യഹോവ പ്രാ​യോ​ഗി​ക​സ​ഹാ​യം നൽകി. (1 രാജാ. 19:16, 21; 2 രാജാ. 2:2) ഇന്ന്‌ നമ്മളെ സഹായി​ക്കാ​നും നമ്മുടെ കുടും​ബാം​ഗ​ങ്ങ​ളെ​യോ സുഹൃ​ത്തു​ക്ക​ളെ​യോ മൂപ്പന്മാ​രെ​യോ യഹോവ പ്രചോ​ദി​പ്പി​ച്ചേ​ക്കാം. പക്ഷേ പലപ്പോ​ഴും വിഷമം തോന്നു​മ്പോൾ ഒറ്റയ്‌ക്ക്‌ ഇരിക്കാ​നാ​യി​രി​ക്കും നമ്മൾ ആഗ്രഹി​ക്കു​ന്നത്‌. അങ്ങനെ തോന്നി​പ്പോ​കു​ന്നതു സ്വാഭാ​വി​ക​മാണ്‌. എന്നാൽ യഹോ​വ​യു​ടെ സഹായം കിട്ടാൻ നമ്മൾ എന്തു ചെയ്യണം?

13. യഹോവ നമ്മളെ താങ്ങി​നി​റു​ത്തു​മ്പോൾ അതിൽനിന്ന്‌ പ്രയോ​ജനം നേടാൻ നമ്മൾ എന്തു ചെയ്യണം? (ചിത്ര​വും കാണുക.)

¹³ നമ്മൾ എന്തു ചെയ്യണം. നമ്മളെ​ത്തന്നെ ഒറ്റപ്പെ​ടു​ത്താ​നുള്ള തോന്ന​ലി​നെ മറിക​ട​ക്കുക. കാരണം അങ്ങനെ ഒറ്റപ്പെ​ടു​ത്തു​മ്പോൾ നമ്മൾ നമ്മളെ​ക്കു​റി​ച്ചും നമ്മുടെ പ്രശ്‌ന​ങ്ങ​ളെ​ക്കു​റി​ച്ചും മാത്ര​മാ​യി​രി​ക്കും ചിന്തി​ക്കു​ന്നത്‌. അപ്പോൾ ശരിയായ തീരു​മാ​ന​ങ്ങ​ളെ​ടു​ക്കാൻ നമുക്കു കഴിയാ​തെ​പോ​യേ​ക്കാം. (സുഭാ. 18:1) ജീവി​ത​ത്തിൽ ഒരു ദുരന്തം നേരി​ട്ടു​ക​ഴി​യു​മ്പോൾ അൽപ്പസ​മയം ഒറ്റയ്‌ക്കി​രി​ക്കാൻ നമുക്കു തോന്നി​യേ​ക്കാം; അത്‌ ആവശ്യ​വു​മാണ്‌. എന്നാൽ, എപ്പോ​ഴും നമ്മൾ അതാണു ചെയ്യു​ന്ന​തെ​ങ്കിൽ നമ്മളെ സഹായി​ക്കാ​നാ​യി യഹോവ നീട്ടുന്ന കൈ നമ്മൾ തട്ടിമാ​റ്റു​ന്നതു പോ​ലെ​യാ​യി​രി​ക്കും. അതു​കൊണ്ട്‌ എത്രതന്നെ മടി തോന്നി​യാ​ലും നമുക്കു കിട്ടുന്ന സഹായങ്ങൾ സ്വീക​രി​ക്കുക. കുടും​ബാം​ഗ​ങ്ങ​ളെ​യും സുഹൃ​ത്തു​ക്ക​ളെ​യും മൂപ്പന്മാ​രെ​യും എല്ലാം, നമ്മളെ താങ്ങി​നി​റു​ത്താ​നുള്ള യഹോ​വ​യു​ടെ കരങ്ങളാ​യി കാണുക.—സുഭാ. 17:17; യശ. 32:1, 2.

യഹോവ നിങ്ങളെ ആശ്വസി​പ്പി​ക്കും

14. നമ്മളെ ഭയപ്പെ​ടു​ത്തുന്ന ഏതെല്ലാം സാഹച​ര്യ​ങ്ങ​ളു​ണ്ടാ​യേ​ക്കാം?

¹⁴ പ്രശ്‌നം. ശരിക്കും ഭയം തോന്നുന്ന സാഹച​ര്യ​ങ്ങൾ ജീവി​ത​ത്തിൽ ഉണ്ടാ​യേ​ക്കാം. ബൈബി​ളിൽ, ശത്രുക്കൾ നിമി​ത്ത​മോ മറ്റു സമ്മർദ​ങ്ങൾകൊ​ണ്ടോ പേടി​യും സംഭ്ര​മ​വും ഒക്കെ തോന്നിയ വിശ്വ​സ്‌ത​രായ ദൈവ​ദാ​സ​രെ​ക്കു​റിച്ച്‌ പറയു​ന്നുണ്ട്‌. (സങ്കീ. 18:4; 55:1, 5) ഇതു​പോ​ലെ സ്‌കൂ​ളിൽനി​ന്നോ ജോലി​സ്ഥ​ല​ത്തു​നി​ന്നോ കുടും​ബ​ത്തിൽനി​ന്നോ  ഗവൺമെ​ന്റിൽനി​ന്നോ നമുക്ക്‌ എതിർപ്പു​കൾ നേരി​ട്ടേ​ക്കാം. അല്ലെങ്കിൽ ഗുരു​ത​ര​മായ ഒരു രോഗം കാരണം മരിച്ചു​പോ​കു​മോ എന്ന പേടി തോന്നി​യേ​ക്കാം. അത്തരം സാഹച​ര്യ​ങ്ങ​ളിൽ നിസ്സഹാ​യ​നായ ഒരു കൊച്ചു​കു​ട്ടി​യെ​പ്പോ​ലെ​യാണ്‌ നമ്മളെന്നു നമുക്കു തോന്നും. എന്നാൽ യഹോവ സഹായി​ക്കും. എങ്ങനെ?

15. സങ്കീർത്തനം 94:19 നമുക്ക്‌ എന്ത്‌ ഉറപ്പു​നൽകു​ന്നു?

¹⁵ യഹോവ എങ്ങനെ സഹായി​ക്കും. യഹോവ നമ്മളെ ആശ്വസി​പ്പി​ക്കും, സാന്ത്വ​ന​പ്പെ​ടു​ത്തും. (സങ്കീർത്തനം 94:19 വായി​ക്കുക.) ഈ വാക്യം വായി​ക്കു​മ്പോൾ, ശക്തമായ ഇടിയും മഴയും കാരണം ഉറങ്ങാൻ കഴിയാ​തെ, പേടിച്ച്‌ കരയുന്ന ഒരു കൊച്ചു​പെൺകു​ട്ടി​യു​ടെ ചിത്രം നമ്മുടെ മനസ്സി​ലേ​ക്കു​വ​ന്നേ​ക്കാം. അപ്പോൾ അവളുടെ അച്ഛൻ ഓടി​വന്ന്‌ അവളുടെ അടുത്തി​രി​ക്കു​ന്നു. ഉറങ്ങു​ന്ന​തു​വരെ അവളെ കൈക​ളിൽ ചേർത്തു​പി​ടി​ക്കു​ന്നു. ഇടിയും മഴയും മാറി​യി​ട്ടി​ല്ലെ​ങ്കി​ലും അച്ഛന്റെ കൈക​ളി​ലാ​യി​രി​ക്കു​ന്നത്‌ അവൾക്കു സുരക്ഷി​ത​ത്വം കൊടു​ക്കും. ഇതു​പോ​ലെ നമ്മളും ഭയന്നു​പോ​കു​മ്പോൾ മനസ്സ്‌ ഒന്നു ശാന്തമാ​കു​ന്ന​തു​വരെ നമ്മുടെ സ്വർഗീ​യ​പി​താവ്‌ നമ്മളെ ചേർത്തു​പി​ടി​ക്കും. എന്നാൽ, യഹോ​വ​യിൽനി​ന്നുള്ള ഈ ആശ്വാസം കിട്ടാൻ നമ്മൾ എന്തു ചെയ്യണം?

16. യഹോവ നൽകുന്ന ആശ്വാ​സ​ത്തിൽനിന്ന്‌ നിങ്ങൾക്ക്‌ എങ്ങനെ പ്രയോ​ജനം നേടാം? (ചിത്ര​വും കാണുക.)

¹⁶ നമ്മൾ എന്തു ചെയ്യണം. പ്രാർഥി​ച്ചു​കൊ​ണ്ടും ദൈവ​വ​ചനം വായി​ച്ചു​കൊ​ണ്ടും യഹോ​വ​യോ​ടൊ​പ്പം പതിവാ​യി സമയം ചെലവ​ഴി​ക്കുക. (സങ്കീ. 77:1, 12-14) അങ്ങനെ​യൊ​രു ശീലം നമുക്കു​ണ്ടെ​ങ്കിൽ, പ്രശ്‌ന​ങ്ങ​ളു​ണ്ടാ​കു​മ്പോൾ നമ്മുടെ സ്വർഗീ​യ​പി​താ​വായ യഹോ​വ​യു​ടെ അടു​ത്തേക്ക്‌ ഓടി​ച്ചെ​ല്ലാ​നാ​യി​രി​ക്കും മിക്കവാ​റും നമുക്ക്‌ ആദ്യം തോന്നുക. നമ്മുടെ പേടി​യും ആകുല​ത​ക​ളും എല്ലാം യഹോ​വ​യോ​ടു തുറന്നു​പ​റ​യുക. എന്നിട്ട്‌, തിരു​വെ​ഴു​ത്തു​കൾ വായി​ക്കുക. അപ്പോൾ യഹോവ നിങ്ങളെ ആശ്വസി​പ്പി​ക്കു​ന്നത്‌ നിങ്ങൾക്കു അനുഭ​വി​ച്ച​റി​യാ​നാ​കും. (സങ്കീ. 119:28) പേടി തോന്നു​മ്പോൾ, ചില ബൈബിൾഭാ​ഗങ്ങൾ നിങ്ങൾക്കു പ്രത്യേ​കം ധൈര്യം പകർന്നേ​ക്കാം. ഉദാഹ​ര​ണ​ത്തിന്‌ ഇയ്യോബ്‌, സങ്കീർത്ത​നങ്ങൾ, സുഭാ​ഷി​തങ്ങൾ എന്നീ പുസ്‌ത​ക​ങ്ങ​ളും മത്തായി 6-ാം അധ്യാ​യ​ത്തി​ലെ യേശു​വി​ന്റെ വാക്കു​ക​ളും ഒക്കെ. യഹോ​വ​യോ​ടു പ്രാർഥി​ക്കു​ക​യും ദൈവ​വ​ചനം വായി​ക്കു​ക​യും ചെയ്യു​മ്പോൾ യഹോവ നിങ്ങളെ ചേർത്തു​പി​ടി​ക്കു​ന്നതു നിങ്ങൾക്ക്‌ അറിയാ​നാ​കും.

17. നമുക്ക്‌ എന്ത്‌ ഉറപ്പു​ണ്ടാ​യി​രി​ക്കാ​നാ​കും?

¹⁷ ജീവി​ത​ത്തി​ലെ ഇരുളടഞ്ഞ സമയങ്ങ​ളിൽ യഹോവ കൂടെ​യു​ണ്ടാ​കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാം. ദൈവം ഒരിക്ക​ലും നമ്മളെ ഒറ്റയ്‌ക്കാ​ക്കില്ല. (സങ്കീ. 23:4; 94:14) യഹോവ നമ്മളെ കാക്കും, നമുക്കു സ്ഥിരത നൽകും, നമ്മളെ താങ്ങി​നി​റു​ത്തും, ആശ്വസി​പ്പി​ക്കും. അത്‌ ദൈവ​ത്തി​ന്റെ വാക്കാണ്‌. യഹോ​വ​യെ​ക്കു​റിച്ച്‌ യശയ്യ 26:3 പറയുന്നു: “അങ്ങയെ സമ്പൂർണ​മാ​യി ആശ്രയി​ക്കു​ന്ന​വരെ അങ്ങ്‌ സംരക്ഷി​ക്കും; അങ്ങ്‌ അവർക്കു നിത്യ​സ​മാ​ധാ​നം നൽകും; അങ്ങയി​ലാ​ണ​ല്ലോ അവർ ആശ്രയി​ച്ചി​രി​ക്കു​ന്നത്‌.” അതു​കൊണ്ട്‌ യഹോ​വ​യിൽ ആശ്രയി​ക്കുക. യഹോവ നൽകുന്ന സഹായ​ത്തിൽനിന്ന്‌ പരമാ​വധി പ്രയോ​ജനം നേടുക. എങ്കിൽ, പ്രയാ​സ​സാ​ഹ​ച​ര്യ​ങ്ങ​ളി​ലും തളർന്നു​പോ​കാ​തെ ശക്തി വീണ്ടെ​ടു​ക്കാൻ നിങ്ങൾക്കാ​കും.