1. യഹോ​വ​യെ​ക്കു​റിച്ച്‌ ചിന്തി​ക്കു​മ്പോൾ നിങ്ങളു​ടെ മനസ്സി​ലേക്ക്‌ എന്താണു വരുന്നത്‌?

 യഹോ​വ​യെ​ക്കു​റിച്ച്‌ ചിന്തി​ക്കു​മ്പോ​ഴും പ്രാർഥി​ക്കു​മ്പോ​ഴും നിങ്ങളു​ടെ മനസ്സിൽ യഹോ​വ​യെ​ക്കു​റിച്ച്‌ എങ്ങനെ​യുള്ള ഒരു ചിത്ര​മാ​ണു വരുന്നത്‌? യഹോ​വയെ കാണാൻ പറ്റി​ല്ലെ​ങ്കി​ലും ബൈബിൾ ദൈവത്തെ പല വിധങ്ങ​ളിൽ വർണി​ച്ചി​ട്ടുണ്ട്‌. യഹോ​വയെ “സൂര്യ​നും പരിച​യും” എന്നും “ദഹിപ്പി​ക്കുന്ന അഗ്നി” എന്നും വിളി​ച്ചി​രി​ക്കു​ന്നു. (സങ്കീ. 84:11; എബ്രാ. 12:29) യഹോ​വ​യു​ടെ സാന്നി​ധ്യ​ത്തെ ഇന്ദ്രനീ​ല​ക്ക​ല്ലി​നോ​ടും തിളങ്ങുന്ന ഒരു ലോഹ​ത്തോ​ടും മഴവി​ല്ലി​ന്റെ ശോഭ​യോ​ടും ഒക്കെ താരത​മ്യ​പ്പെ​ടു​ത്തി​യി​ട്ടുണ്ട്‌. (യഹ. 1:26-28) ഇത്തരം വർണനകൾ നമ്മളിൽ ചില​പ്പോൾ ഭയാദ​ര​വോ പേടി​യോ നിറ​ച്ചേ​ക്കാം.

2. യഹോ​വ​യോട്‌ അടുക്കാൻ ചിലർക്കു ബുദ്ധി​മുട്ട്‌ തോന്നി​യേ​ക്കാ​വു​ന്നത്‌ എന്തു​കൊണ്ട്‌?

² നമുക്കു ദൈവത്തെ കാണാൻ കഴിയാ​ത്ത​തു​കൊണ്ട്‌ ദൈവം നമ്മളെ സ്‌നേ​ഹി​ക്കു​ന്നു​ണ്ടെന്നു വിശ്വ​സി​ക്കാൻ ബുദ്ധി​മുട്ട്‌ തോന്നി​യേ​ക്കാം. നമ്മളിൽ ചിലർ ജീവി​ത​ത്തി​ലു​ണ്ടായ ചില അനുഭ​വങ്ങൾ കാരണം യഹോ​വ​യ്‌ക്കു തങ്ങളെ സ്‌നേ​ഹി​ക്കാ​നേ കഴിയി​ല്ലെന്നു ചിന്തി​ക്കു​ന്ന​വ​രാ​യി​രി​ക്കും. ഒരുപക്ഷേ സ്വന്തം പിതാവ്‌ അവരെ സ്‌നേ​ഹി​ച്ചി​ട്ടേ ഉണ്ടാകില്ല. നമ്മുടെ ഈ ചിന്തകൾ യഹോവ മനസ്സി​ലാ​ക്കു​ന്നുണ്ട്‌. യഹോ​വ​യോട്‌ അടുക്കാൻ നമുക്കു തോന്നുന്ന ആ ബുദ്ധി​മുട്ട്‌ ദൈവ​ത്തിന്‌ അറിയാം. അതു​കൊണ്ട്‌ നമ്മളെ സഹായി​ക്കു​ന്ന​തി​നാ​യി, താൻ എങ്ങനെ​യുള്ള ഒരു പിതാ​വാ​ണെന്നു ദൈവ​വ​ച​ന​ത്തി​ലൂ​ടെ യഹോവ നമുക്കു വെളി​പ്പെ​ടു​ത്തി​ത്ത​ന്നി​രി​ക്കു​ന്നു.

3. യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ നമ്മൾ അടുത്ത്‌ പരിചി​ന്തി​ക്കേ​ണ്ടത്‌ എന്തു​കൊണ്ട്‌?

³ ഒറ്റ വാക്കിൽ ദൈവത്തെ വർണി​ക്കാൻ പറഞ്ഞാൽ നമുക്ക്‌ യഹോ​വയെ സ്‌നേഹം എന്നു വിളി​ക്കാ​നാ​കും. ബൈബിൾ പറയുന്നു: “ദൈവം സ്‌നേ​ഹ​മാണ്‌.” (1 യോഹ. 4:8) യഹോവ ചെയ്യുന്ന എല്ലാ കാര്യ​ങ്ങ​ളി​ലും ഈ സ്‌നേ​ഹ​മുണ്ട്‌. ഈ സ്‌നേഹം വളരെ വിശാ​ല​മാണ്‌, ശക്തവു​മാണ്‌. അതു​കൊ​ണ്ടാണ്‌, തന്നെ സ്‌നേ​ഹി​ക്കാ​ത്ത​വ​രെ​പ്പോ​ലും യഹോവ സ്‌നേ​ഹി​ക്കു​ന്നത്‌. (മത്താ. 5:44, 45) ഈ ലേഖന​ത്തിൽ യഹോ​വ​യെ​ക്കു​റി​ച്ചും യഹോ​വ​യു​ടെ സ്‌നേ​ഹ​ത്തെ​ക്കു​റി​ച്ചും നമ്മൾ അടുത്ത്‌ പരിചി​ന്തി​ക്കും. കാരണം, നമ്മൾ എത്രയ​ധി​കം ദൈവ​ത്തെ​ക്കു​റിച്ച്‌ പഠിക്കു​ന്നു​വോ അത്രയ​ധി​കം നമുക്കു ദൈവത്തെ തിരിച്ച്‌ സ്‌നേ​ഹി​ക്കാൻ തോന്നും.

 യഹോവ നമ്മളെ ഒരുപാ​ടു സ്‌നേ​ഹി​ക്കു​ന്നു

4. യഹോ​വ​യു​ടെ വാത്സല്യ​ത്തെ​ക്കു​റിച്ച്‌ ചിന്തി​ക്കു​മ്പോൾ നിങ്ങൾക്ക്‌ എന്താണു തോന്നു​ന്നത്‌? (ചിത്ര​വും കാണുക.)

⁴ ‘യഹോവ വാത്സല്യം നിറഞ്ഞ ദൈവ​മാണ്‌.’ (യാക്കോ. 5:11) ബൈബി​ളിൽ യഹോവ തന്നെ താരത​മ്യം ചെയ്‌തി​രി​ക്കു​ന്നത്‌, വാത്സല്യ​നി​ധി​യായ ഒരു അമ്മയോ​ടാണ്‌. (യശ. 66:12, 13) തന്റെ കുഞ്ഞിനെ സ്‌നേ​ഹ​ത്തോ​ടെ പരിപാ​ലി​ക്കുന്ന ഒരു അമ്മയെ​ക്കു​റിച്ച്‌ ചിന്തി​ക്കുക. ആ അമ്മ കുഞ്ഞിനെ മടിയി​ലി​രു​ത്തി ലാളി​ക്കും, ആശ്വസി​പ്പി​ക്കുന്ന രീതി​യിൽ മൃദു​സ്വ​ര​ത്തിൽ അവനോ​ടു സംസാ​രി​ക്കും. അവൻ കരയു​ക​യോ അവനു വേദനി​ക്കു​ക​യോ ചെയ്യു​മ്പോൾ അമ്മ ഓടി​യെത്തി വേണ്ട​തെ​ല്ലാം ചെയ്‌തു​കൊ​ടു​ക്കും. അതു​പോ​ലെ നമുക്കും വേദന തോന്നു​മ്പോൾ യഹോവ നമ്മളെ സ്‌നേ​ഹി​ക്കു​ന്നു​ണ്ടെന്ന്‌ ഉറപ്പു​ണ്ടാ​യി​രി​ക്കാം. സങ്കീർത്ത​ന​ക്കാ​രൻ എഴുതി: “ആകുല​ചി​ന്തകൾ എന്നെ വരിഞ്ഞു​മു​റു​ക്കി​യ​പ്പോൾ അങ്ങ്‌ എന്നെ ആശ്വസി​പ്പി​ച്ചു, എന്നെ സാന്ത്വ​ന​പ്പെ​ടു​ത്തി.”—സങ്കീ. 94:19.

5. യഹോ​വ​യു​ടെ അചഞ്ചല​സ്‌നേഹം നിങ്ങൾക്ക്‌ എങ്ങനെ​യാ​ണു പ്രയോ​ജനം ചെയ്യു​ന്നത്‌?

⁵ യഹോ​വ​യു​ടെ സ്‌നേഹം അചഞ്ചല​മാണ്‌. (സങ്കീ. 103:8) നമുക്ക്‌ എന്തെങ്കി​ലും തെറ്റു സംഭവി​ച്ചാ​ലും യഹോവ നമ്മളെ ഉപേക്ഷി​ക്കില്ല. ഇസ്രാ​യേ​ല്യർ പല തവണ യഹോ​വയെ സങ്കട​പ്പെ​ടു​ത്തി. എങ്കിലും ആ ജനം പശ്ചാത്ത​പി​ച്ച​പ്പോൾ യഹോവ തന്റെ അചഞ്ചല​സ്‌നേ​ഹ​ത്തെ​ക്കു​റിച്ച്‌ അവർക്ക്‌ ഇങ്ങനെ ഉറപ്പു​കൊ​ടു​ത്തു: “നീ എനിക്കു വളരെ വില​പ്പെ​ട്ട​വ​നാണ്‌, ഞാൻ നിന്നെ ആദരി​ക്കു​ന്നു, നിന്നെ സ്‌നേ​ഹി​ക്കു​ന്നു.” (യശ. 43:4, 5) യഹോ​വ​യു​ടെ സ്‌നേ​ഹ​ത്തിന്‌ ഇന്നും മാറ്റം വന്നിട്ടില്ല. നമുക്ക്‌ അതിൽ എപ്പോ​ഴും ആശ്രയി​ക്കാൻ കഴിയും. ഗുരു​ത​ര​മായ തെറ്റുകൾ ചെയ്‌താ​ലും യഹോവ നമ്മളെ കൈവി​ട്ടു​ക​ള​യില്ല. പശ്ചാത്ത​പിച്ച്‌ മടങ്ങി​വ​ന്നാൽ യഹോ​വ​യ്‌ക്ക്‌ അപ്പോ​ഴും മുമ്പു​ണ്ടാ​യി​രുന്ന അതേ സ്‌നേഹം നമ്മളോ​ടു​ണ്ടാ​യി​രി​ക്കും. യഹോവ നമ്മളോട്‌ “ഉദാര​മാ​യി ക്ഷമിക്കും” എന്ന്‌ ഉറപ്പു​ത​ന്നി​ട്ടുണ്ട്‌. (യശ. 55:7) അപ്പോൾ നമ്മൾ ‘യഹോ​വ​യിൽനി​ന്നുള്ള ഉന്മേഷ​കാ​ലങ്ങൾ’ ആസ്വദി​ക്കു​മെന്ന്‌ ബൈബിൾ പറയുന്നു.—പ്രവൃ. 3:19.

6. സെഖര്യ 2:8 യഹോ​വ​യെ​ക്കു​റിച്ച്‌ നമ്മളെ എന്താണ്‌ പഠിപ്പി​ക്കു​ന്നത്‌?

⁶ സെഖര്യ 2:8 വായി​ക്കുക. യഹോവ നമ്മളെ താരത​മ്യം ചെയ്‌തി​രി​ക്കു​ന്നത്‌ തന്റെ കണ്ണിലെ കൃഷ്‌ണ​മ​ണി​യോ​ടാണ്‌. ശരീര​ത്തി​ലെ വളരെ വിലപ്പെട്ട, മൃദു​വായ ഒരു ഭാഗമാ​ണു കണ്ണ്‌. അതു​കൊണ്ട്‌ ഈ താരത​മ്യ​ത്തി​ലൂ​ടെ യഹോവ തന്റെ ജനത്തോട്‌ ഇങ്ങനെ​യാ​ണു പറയു​ന്നത്‌: ‘നിങ്ങളെ ആരെങ്കി​ലും ഉപദ്ര​വി​ച്ചാൽ എനിക്കു വളരെ വില​പ്പെ​ട്ട​തി​നെ​യാണ്‌ അവർ ഉപദ്ര​വി​ക്കു​ന്നത്‌.’ നമ്മളെ ഒരുപാ​ടു സ്‌നേ​ഹി​ക്കു​ന്ന​തു​കൊണ്ട്‌ നമ്മുടെ വികാ​രങ്ങൾ യഹോവ പെട്ടെന്നു മനസ്സി​ലാ​ക്കും; നമ്മളെ സംരക്ഷി​ക്കാ​നാ​യി പെട്ടെന്നു പ്രവർത്തി​ക്കും. നമുക്കു വേദനി​ക്കു​മ്പോൾ ഒപ്പം യഹോ​വ​യ്‌ക്കും വേദനി​ക്കു​ന്നുണ്ട്‌. അതു​കൊണ്ട്‌ നമുക്ക്‌ ഉറപ്പോ​ടെ ഇങ്ങനെ പ്രാർഥി​ക്കാ​നാ​കും: “അങ്ങയുടെ കണ്ണിലെ കൃഷ്‌ണ​മ​ണി​പോ​ലെ എന്നെ കാത്തു​കൊ​ള്ളേ​ണമേ.”—സങ്കീ. 17:8.

7. യഹോവ നമ്മളെ സ്‌നേ​ഹി​ക്കു​ന്നു​ണ്ടെന്ന ബോധ്യം ശക്തമാ​ക്കേ​ണ്ടത്‌ എന്തു​കൊണ്ട്‌?

⁷ യഹോവ നമ്മളെ ഓരോ​രു​ത്ത​രെ​യും സ്‌നേ​ഹി​ക്കു​ന്നു​ണ്ടെന്നു നമുക്ക്‌ ഉറപ്പു​ണ്ടാ​യി​രി​ക്കാൻ യഹോവ ആഗ്രഹി​ക്കു​ന്നു. എന്നാൽ മുൻകാല അനുഭ​വ​ങ്ങ​ളോ ഇപ്പോൾ കടന്നു​പോ​കുന്ന സാഹച​ര്യ​ങ്ങ​ളോ കാരണം, യഹോവ  നമ്മളെ സ്‌നേ​ഹി​ക്കു​ന്നു​ണ്ടോ എന്നു നമുക്കു സംശയം തോന്നി​യേ​ക്കാം. അത്‌ യഹോ​വ​യ്‌ക്കും അറിയാം. എന്നാൽ, യഹോവ സ്‌നേ​ഹി​ക്കു​ന്നു​ണ്ടെന്ന ബോധ്യം ശക്തമാ​ക്കാൻ നമുക്ക്‌ എന്തു ചെയ്യാം? യഹോവ യേശു​വി​നോ​ടും അഭിഷി​ക്ത​രോ​ടും നമ്മൾ ഓരോ​രു​ത്ത​രോ​ടും എങ്ങനെ​യാ​ണു സ്‌നേഹം പ്രകടി​പ്പി​ച്ചി​രി​ക്കു​ന്ന​തെന്നു മനസ്സി​ലാ​ക്കു​ന്നത്‌ അതിനു സഹായി​ക്കും.

യഹോവ സ്‌നേഹം പ്രകടി​പ്പി​ക്കു​ന്നു

8. തന്റെ പിതാ​വി​ന്റെ സ്‌നേ​ഹ​ത്തെ​ക്കു​റിച്ച്‌ യേശു​വിന്‌ ഉറപ്പു​ണ്ടാ​യി​രു​ന്നത്‌ എന്തു​കൊണ്ട്‌?

⁸ എണ്ണമറ്റ വർഷങ്ങ​ളാ​യി യഹോ​വ​യും യേശു​വും ഒരുമി​ച്ചാ​യി​രു​ന്നു. അവർ തമ്മിലുള്ള ബന്ധത്തിന്റെ ആഴം ഒരിക്ക​ലും അളക്കാ​നാ​കില്ല. ശരിക്കും പ്രപഞ്ച​ത്തി​ലെ ഏറ്റവും കാലപ്പ​ഴ​ക്ക​മുള്ള ബന്ധമാണ്‌ അവരു​ടേത്‌. മത്തായി 17:5 വായി​ക്കു​മ്പോൾ യേശു​വി​നോ​ടുള്ള തന്റെ ആ സ്‌നേഹം യഹോവ തുറന്നു​പ്ര​ക​ടി​പ്പി​ക്കു​ന്നതു കാണാം. “ഇവനിൽ ഞാൻ പ്രസാ​ദി​ച്ചി​രി​ക്കു​ന്നു” എന്നു മാത്രം യഹോ​വ​യ്‌ക്കു പറഞ്ഞാൽ മതിയാ​യി​രു​ന്നു. പക്ഷേ, യേശു​വി​നെ യഹോവ എത്രമാ​ത്രം സ്‌നേ​ഹി​ക്കു​ന്നു​ണ്ടെന്നു നമ്മൾ മനസ്സി​ലാ​ക്കാൻവേണ്ടി, “ഇവൻ എന്റെ പ്രിയ​പു​ത്രൻ” എന്നും​കൂ​ടെ യഹോവ പറഞ്ഞു. യേശു​വി​നെ​ക്കു​റിച്ച്‌ യഹോ​വ​യ്‌ക്ക്‌ അഭിമാ​ന​മാ​യി​രു​ന്നു; പ്രത്യേ​കി​ച്ചും യേശു പിന്നീട്‌ ചെയ്യാൻപോ​കുന്ന കാര്യങ്ങൾ ഓർത്ത്‌. (എഫെ. 1:7) ഇനി, പിതാ​വി​നു തന്നോ​ടുള്ള സ്‌നേ​ഹ​ത്തെ​ക്കു​റിച്ച്‌ യേശു​വി​നും സംശയ​മു​ണ്ടാ​യി​രു​ന്നില്ല. ആ സ്‌നേഹം യേശു ശരിക്കും അനുഭ​വി​ച്ച​റി​ഞ്ഞു. അതു​കൊ​ണ്ടാണ്‌ പിതാവ്‌ തന്നെ സ്‌നേ​ഹി​ക്കു​ന്നു​ണ്ടെന്നു യേശു പല തവണ പറഞ്ഞത്‌.—യോഹ. 3:35; 10:17; 17:24.

9. റോമർ 5:5-ലെ ഏതു പദപ്ര​യോ​ഗ​മാണ്‌ അഭിഷി​ക്ത​രോ​ടുള്ള യഹോ​വ​യു​ടെ സ്‌നേഹം വർണി​ക്കു​ന്നത്‌? വിശദീ​ക​രി​ക്കുക.

⁹ അഭിഷി​ക്ത​രോ​ടുള്ള തന്റെ സ്‌നേ​ഹ​വും യഹോവ പ്രകടി​പ്പി​ക്കു​ന്നുണ്ട്‌. (റോമർ 5:5 വായി​ക്കുക.) ഈ വാക്യ​ത്തി​ലെ “ചൊരി​ഞ്ഞി​രി​ക്കു​ന്നു” എന്ന പദം ശ്രദ്ധി​ച്ചോ? ഒരു ബൈബിൾനി​ഘണ്ടു ആ പദത്തെ നിർവ​ചി​ക്കു​ന്നത്‌, “ഒരു അരുവി​പോ​ലെ നമ്മളി​ലേക്ക്‌ ഒഴുകു​ന്നു” എന്നാണ്‌. യഹോവ അഭിഷി​ക്തരെ എത്രമാ​ത്രം സ്‌നേ​ഹി​ക്കു​ന്നെന്നു മനസ്സി​ലാ​ക്കാൻ സഹായി​ക്കുന്ന നല്ലൊരു വർണന​യാണ്‌ അത്‌. തങ്ങളെ ‘ദൈവം സ്‌നേ​ഹി​ക്കു​ന്നു​ണ്ടെന്ന്‌’ അഭിഷി​ക്തർക്കും അറിയാം. (യൂദ 1) അതി​നോ​ടുള്ള അവരുടെ വിലമ​തിപ്പ്‌ യോഹ​ന്നാൻ അപ്പോ​സ്‌ത​ലന്റെ ഈ വാക്കു​ക​ളിൽനിന്ന്‌ മനസ്സി​ലാ​ക്കാം: “പിതാവ്‌ നമ്മളോ​ടു കാണിച്ച സ്‌നേഹം എത്ര വലുതാ​ണെന്നു നോക്കുക! അതു​കൊ​ണ്ടാണ്‌ നമ്മളെ ദൈവ​മ​ക്ക​ളെന്നു വിളി​ക്കു​ന്നത്‌!” (1 യോഹ. 3:1) യഹോവ അഭിഷി​ക്തരെ മാത്ര​മാ​ണോ ഇങ്ങനെ സ്‌നേ​ഹി​ക്കു​ന്നത്‌? അല്ല. നമ്മളെ എല്ലാവ​രെ​യും സ്‌നേ​ഹി​ക്കു​ന്നു​ണ്ടെന്ന്‌ യഹോവ തെളി​യി​ച്ചി​ട്ടുണ്ട്‌.

10. യഹോ​വ​യ്‌ക്കു നിങ്ങ​ളോ​ടുള്ള സ്‌നേ​ഹ​ത്തി​ന്റെ ഏറ്റവും വലിയ തെളിവ്‌ എന്താണ്‌?

¹⁰ യഹോ​വ​യു​ടെ സ്‌നേ​ഹ​ത്തി​ന്റെ ഏറ്റവും വലിയ തെളിവ്‌ എന്താണ്‌? മോച​ന​വില. ആരും ഇന്നേവരെ കാണി​ക്കാത്ത സ്‌നേ​ഹ​മാണ്‌ യഹോവ അതിലൂ​ടെ കാണി​ച്ചി​രി​ക്കു​ന്നത്‌! (യോഹ. 3:16; റോമ. 5:8) നമ്മുടെ പാപങ്ങൾ ക്ഷമിച്ചു​കി​ട്ടാ​നും നമുക്കു ദൈവ​ത്തി​ന്റെ സുഹൃ​ത്തു​ക്കൾ ആകാനും കഴി​യേ​ണ്ട​തി​നു തന്റെ പ്രിയ​മ​കനെ യഹോവ നമുക്കു​വേണ്ടി തന്നു. (1 യോഹ. 4:10) മോച​ന​വി​ല​യ്‌ക്കു​വേണ്ടി യഹോ​വ​യും യേശു​വും ചെയ്‌ത ത്യാഗ​ത്തെ​ക്കു​റിച്ച്‌ എത്ര​ത്തോ​ളം ചിന്തി​ക്കു​ന്നോ അത്ര​ത്തോ​ളം അവരുടെ സ്‌നേ​ഹ​ത്തി​ന്റെ ആഴം നമ്മൾ തിരി​ച്ച​റി​യും. (ഗലാ. 2:20) തന്റെ നീതി നടപ്പാ​ക്കാൻവേണ്ടി മാത്രമല്ല യഹോവ മോച​ന​വില ക്രമീ​ക​രി​ച്ചത്‌. അതു നമ്മളോ​ടുള്ള സ്‌നേ​ഹ​ത്തി​ന്റെ തെളി​വും വിലപ്പെട്ട ഒരു സമ്മാന​വും ആണ്‌. അതു​കൊ​ണ്ടാണ്‌ തനിക്ക്‌ ഏറ്റവും ഇഷ്ടമു​ണ്ടാ​യി​രുന്ന യേശു​വി​നെ​ത്തന്നെ നമുക്കു​വേണ്ടി തന്നത്‌. നമ്മൾ മരി​ക്കേ​ണ്ടി​ടത്ത്‌ തന്റെ മകൻ വേദന സഹിച്ച്‌ മരിക്കാൻ യഹോവ അനുവ​ദി​ച്ചു.

11. യിരെമ്യ 31:3-ൽനിന്ന്‌ നമ്മൾ എന്താണു മനസ്സി​ലാ​ക്കു​ന്നത്‌?

¹¹ നമ്മൾ കണ്ടതു​പോ​ലെ യഹോ​വ​യ്‌ക്കു നമ്മളോ​ടു സ്‌നേഹം തോന്നുക മാത്രമല്ല, അത്‌ എത്ര​ത്തോ​ള​മു​ണ്ടെന്നു യഹോവ തുറന്നു​പ​റ​യു​ക​യും ചെയ്യുന്നു. (യിരെമ്യ 31:3 വായി​ക്കുക.) യഹോവ നമ്മളെ സ്‌നേ​ഹി​ക്കു​ന്ന​തു​കൊ​ണ്ടാണ്‌ നമ്മളെ തന്നി​ലേക്ക്‌ അടുപ്പി​ച്ചി​രി​ക്കു​ന്നത്‌. (ആവർത്തനം 7:7, 8 താരത​മ്യം ചെയ്യുക.) ആ സ്‌നേ​ഹ​ത്തിൽനിന്ന്‌ നമ്മളെ വേർപെ​ടു​ത്താൻ ഒന്നിനും, ഒരാൾക്കും കഴിയില്ല. (റോമ. 8:38, 39) യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ ചിന്തി​ക്കു​മ്പോൾ നിങ്ങൾക്ക്‌ എന്താണു തോന്നു​ന്നത്‌? ദൈവ​ത്തി​ന്റെ സ്‌നേ​ഹ​വും വാത്സല്യ​വും ദാവീ​ദിന്‌ എങ്ങനെ​യാണ്‌ അനുഭ​വ​പ്പെ​ട്ട​തെന്നു 23-ാം സങ്കീർത്ത​ന​ത്തിൽനിന്ന്‌ മനസ്സി​ലാ​ക്കാം. ആ ഭാഗം വായി​ക്കു​മ്പോൾ യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ നിങ്ങൾക്ക്‌ എന്താണു തോന്നു​ന്ന​തെന്നു ചിന്തി​ക്കുക.

യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ നിങ്ങൾക്ക്‌ എന്താണു തോന്നു​ന്നത്‌?

12. 23-ാം സങ്കീർത്ത​ന​ത്തിൽ ദാവീദ്‌ എന്തി​നെ​ക്കു​റി​ച്ചാണ്‌ വിശദീ​ക​രി​ക്കു​ന്നത്‌?

¹² സങ്കീർത്തനം 23:1-6 വായി​ക്കുക. 23-ാം സങ്കീർത്ത​ന​ത്തിൽ ദാവീദ്‌ ദൈവ​ത്തി​ന്റെ സ്‌നേ​ഹ​ത്തെ​യും വാത്സല്യ​ത്തെ​യും കുറിച്ച്‌ പറയു​ന്നുണ്ട്‌. ദാവീ​ദും ഇടയനായ യഹോ​വ​യും തമ്മിലുള്ള ശക്തമായ ബന്ധം  അതിൽ നന്നായി വിവരി​ക്കു​ന്നു. യഹോവ വഴിന​യി​ക്കു​ന്ന​തു​കൊണ്ട്‌ താൻ സുരക്ഷി​ത​നാ​ണെന്നു ദാവീ​ദി​നു തോന്നി. അദ്ദേഹം യഹോ​വ​യിൽ പൂർണ​മാ​യി ആശ്രയി​ച്ചു. യഹോവ തന്നോട്‌ ഓരോ ദിവസ​വും സ്‌നേഹം കാണി​ക്കു​മെന്നു ദാവീ​ദിന്‌ ഉറപ്പു​ണ്ടാ​യി​രു​ന്നു. എങ്ങനെ​യാണ്‌ ആ ബോധ്യം ദാവീ​ദി​നു കിട്ടി​യത്‌?

13. യഹോവ കരുത​മെന്നു ദാവീ​ദിന്‌ ഉറപ്പു​ണ്ടാ​യി​രു​ന്നത്‌ എന്തു​കൊണ്ട്‌?

¹³ “എനിക്ക്‌ ഒന്നിനും കുറവു​ണ്ടാ​കില്ല.” യഹോ​വ​യു​ടെ കരുതൽ ദാവീദ്‌ തിരി​ച്ച​റി​ഞ്ഞു. കാരണം ദാവീ​ദിന്‌ എന്താണോ വേണ്ടത്‌ അത്‌ യഹോവ എപ്പോ​ഴും കൊടു​ത്തി​രു​ന്നു. യഹോ​വ​യു​ടെ സൗഹൃ​ദ​വും അംഗീ​കാ​ര​വും തനിക്കു​ണ്ടെ​ന്നും ദാവീ​ദിന്‌ ഉറപ്പാ​യി​രു​ന്നു. അതു​കൊണ്ട്‌ ഭാവി​യിൽ എന്തൊക്കെ നേരി​ട്ടാ​ലും യഹോവ തനിക്കു​വേണ്ടി കരുതു​മെന്ന കാര്യ​ത്തിൽ ദാവീ​ദിന്‌ ഒരു സംശയ​വു​മി​ല്ലാ​യി​രു​ന്നു. യഹോ​വ​യു​ടെ സ്‌നേ​ഹ​ത്തി​ലും വാത്സല്യ​ത്തി​ലും ഉറപ്പു​ണ്ടാ​യി​രു​ന്ന​തു​കൊണ്ട്‌ ഏതു ഭയത്തെ​യും മറിക​ട​ക്കാ​നും സന്തോ​ഷ​വും സംതൃ​പ്‌തി​യും ആസ്വദി​ക്കാ​നും ദാവീ​ദി​നു കഴിഞ്ഞു.—സങ്കീ. 16:11.

14. യഹോവ നമുക്കു​വേണ്ടി എങ്ങനെ​യാ​യി​രി​ക്കാം കരുതു​ന്നത്‌?

¹⁴ യഹോവ നമുക്കു​വേ​ണ്ടി​യും സ്‌നേ​ഹ​ത്തോ​ടെ കരുതും; പ്രത്യേ​കി​ച്ചും നമ്മൾ പ്രശ്‌ന​ങ്ങ​ളി​ലൂ​ടെ കടന്നു​പോ​കു​മ്പോൾ. 20 വർഷത്തി​ലേ​റെ​യാ​യി ബഥേലിൽ സേവി​ക്കുന്ന ക്ലെർ a എന്ന സഹോ​ദ​രി​യു​ടെ അനുഭവം നോക്കാം. ഒന്നിനു പുറകേ ഒന്നായി സഹോ​ദ​രി​യു​ടെ കുടും​ബ​ത്തിൽ പല പ്രശ്‌ന​ങ്ങ​ളു​ണ്ടാ​യ​പ്പോൾ സഹോ​ദരി ആകെ തളർന്നു​പോ​യി. സഹോ​ദ​രി​യു​ടെ പിതാ​വി​നു സ്‌​ട്രോക്ക്‌ വന്നു. ഒരു അനിയത്തി പുറത്താ​ക്ക​പ്പെട്ടു. അവരുടെ കുടും​ബ​ത്തി​നു​ണ്ടാ​യി​രുന്ന ചെറി​യൊ​രു ബിസി​നെ​സ്സും വീടും എല്ലാം നഷ്ടമായി. അപ്പോ​ഴെ​ല്ലാം യഹോവ അവർക്കു​വേണ്ടി സ്‌നേ​ഹ​ത്തോ​ടെ കരുതി​യത്‌ എങ്ങനെ​യാണ്‌? ക്ലെർ പറയുന്നു: “എന്റെ കുടും​ബ​ത്തിന്‌ എന്താണോ വേണ്ടത്‌ അത്‌ ഓരോ ദിവസ​വും കിട്ടു​ന്നു​ണ്ടെന്ന്‌ യഹോവ ഉറപ്പു​വ​രു​ത്തി. പലപ്പോ​ഴും ഞങ്ങളുടെ പ്രതീ​ക്ഷ​കൾക്കും അപ്പുറം ഞങ്ങൾക്കു​വേണ്ടി കരുതി. യഹോ​വ​യു​ടെ സ്‌നേ​ഹ​വും വാത്സല്യ​വും ഒക്കെ അനുഭ​വി​ച്ച​റിഞ്ഞ ആ നിമി​ഷങ്ങൾ ഞാൻ ഇടയ്‌ക്കി​ടെ ഓർക്കാ​റുണ്ട്‌. അത്‌ ഞാൻ ഒരിക്ക​ലും മറക്കില്ല. ആ ഓർമകൾ, പിന്നീട്‌ ജീവി​ത​ത്തിൽ പ്രശ്‌ന​ങ്ങ​ളു​ണ്ടാ​യ​പ്പോൾ ധൈര്യ​ത്തോ​ടെ മുന്നോ​ട്ടു പോകാൻ എന്നെ സഹായി​ച്ചു.”

15. ദാവീ​ദിന്‌ ഉന്മേഷം തോന്നി​യത്‌ എന്തു​കൊ​ണ്ടാണ്‌? (ചിത്ര​വും കാണുക.)

 ¹⁵ “എന്റെ ദൈവം എനിക്ക്‌ ഉന്മേഷം പകരുന്നു.” പലപ്പോ​ഴും താൻ നേരി​ടുന്ന പ്രശ്‌ന​ങ്ങ​ളും പരി​ശോ​ധ​ന​ക​ളും കാരണം ദാവീ​ദി​നു വളരെ വിഷമം തോന്നി. (സങ്കീ. 18:4-6) എന്നാൽ യഹോ​വ​യു​ടെ സ്‌നേ​ഹ​വും വാത്സല്യ​വും ദാവീ​ദിന്‌ ഉന്മേഷം പകർന്നു. ആകെ ക്ഷീണി​ത​നായ തന്റെ ഈ സുഹൃ​ത്തി​നെ യഹോവ ‘പച്ചപ്പുൽപ്പു​റ​ങ്ങ​ളി​ലേ​ക്കും ജലസമൃ​ദ്ധ​മായ വിശ്ര​മ​സ്ഥ​ല​ങ്ങ​ളി​ലേ​ക്കും’ നയിച്ചു. അങ്ങനെ ദാവീ​ദി​നു ശക്തി വീണ്ടെ​ടു​ക്കാ​നും മുന്നോ​ട്ടു​പോ​കാ​നും കഴിഞ്ഞു.—സങ്കീ. 18:28-32.

16. യഹോ​വ​യു​ടെ സ്‌നേഹം നിങ്ങൾക്ക്‌ ഉന്മേഷം നൽകി​യി​രി​ക്കു​ന്നത്‌ എങ്ങനെ​യാണ്‌?

¹⁶ അതു​പോ​ലെ ഇന്നും ജീവി​ത​ത്തിൽ പല പ്രശ്‌ന​ങ്ങ​ളും നേരി​ടു​ന്നു​ണ്ടെ​ങ്കി​ലും യഹോ​വ​യു​ടെ അചഞ്ചല​സ്‌നേഹം നിമി​ത്ത​മാ​ണു നമുക്ക്‌ ഇപ്പോ​ഴും പിടി​ച്ചു​നിൽക്കാ​നാ​കു​ന്നത്‌. (വിലാ. 3:22; കൊലോ. 1:11) റെയ്‌ച്ച​ലി​ന്റെ അനുഭവം നോക്കാം: കോവിഡ്‌ 19 മഹാമാ​രി​യു​ടെ സമയത്ത്‌, അവളുടെ ഭർത്താവ്‌ അവളെ​യും യഹോ​വ​യെ​യും ഉപേക്ഷി​ച്ചു​പോ​യി. അത്‌ റെയ്‌ച്ച​ലി​നെ തളർത്തി​ക്ക​ളഞ്ഞു. എന്നാൽ, യഹോവ എങ്ങനെ​യാ​ണു സഹായി​ച്ചത്‌? റെയ്‌ച്ചൽ പറയുന്നു: “ഞാൻ സ്‌നേ​ഹി​ക്ക​പ്പെ​ടു​ന്നു​ണ്ടെന്ന്‌ യഹോവ എല്ലായ്‌പ്പോ​ഴും ഉറപ്പു​വ​രു​ത്തി. എന്റെ കൂടെ എപ്പോ​ഴും കൂട്ടു​കാ​രു​ണ്ടാ​യി​രു​ന്നു, അവർ എനിക്കു​വേണ്ടി സമയം ചെലവ​ഴി​ച്ചു, ഭക്ഷണം ഉണ്ടാക്കി കൊണ്ടു​വന്നു. അവർ ആശ്വസി​പ്പി​ക്കുന്ന തിരു​വെ​ഴു​ത്തു​ക​ളും മെസ്സേ​ജു​ക​ളും അയച്ചു​തന്നു, സ്‌നേ​ഹ​ത്തോ​ടെ എന്നെ നോക്കി പുഞ്ചി​രി​ച്ചു. യഹോവ എനിക്കു​വേണ്ടി കരുതു​ന്നു​ണ്ടെന്ന്‌ എന്നെ ഓർമി​പ്പി​ച്ചു. ഇത്രയും സ്‌നേ​ഹ​മുള്ള ഒരു വലിയ കുടും​ബത്തെ തന്നതിനു ഞാൻ എപ്പോ​ഴും യഹോ​വ​യോ​ടു നന്ദി പറയുന്നു.”

17. “എനി​ക്കൊ​രു പേടി​യു​മില്ല” എന്നു ദാവീദ്‌ പറഞ്ഞത്‌ എന്തു​കൊ​ണ്ടാണ്‌?

¹⁷ “എനി​ക്കൊ​രു പേടി​യു​മില്ല; അങ്ങ്‌ എന്റെകൂ​ടെ​യു​ണ്ട​ല്ലോ.” ദാവീ​ദി​ന്റെ ജീവൻ പലപ്പോ​ഴും അപകട​ത്തി​ലാ​യി​ട്ടുണ്ട്‌. കൂടാതെ ശക്തരായ പല എതിരാ​ളി​ക​ളും അദ്ദേഹ​ത്തി​നു​ണ്ടാ​യി​രു​ന്നു. എന്നിരു​ന്നാ​ലും യഹോ​വ​യു​ടെ സ്‌നേഹം, താൻ സുരക്ഷി​ത​നാ​ണെന്നു ദാവീ​ദിന്‌ ഉറപ്പു​കൊ​ടു​ത്തു. ഓരോ സാഹച​ര്യ​ത്തി​ലും, യഹോവ തന്റെ കൂടെ​യു​ണ്ടെന്നു തിരി​ച്ച​റി​ഞ്ഞതു ദാവീ​ദി​നു വലി​യൊ​രു ആശ്വാ​സ​മാ​യി​രു​ന്നു. അതു​കൊ​ണ്ടാണ്‌ ദാവീദ്‌ ഇങ്ങനെ പാടി​യത്‌: “എന്റെ സകല ഭയങ്ങളിൽനി​ന്നും (യഹോവ) എന്നെ മോചി​പ്പി​ച്ചു.”(സങ്കീ. 34:4) ദാവീ​ദി​നു ചില​പ്പോ​ഴൊ​ക്കെ വലിയ പേടി തോന്നി. എന്നാൽ, യഹോവ തന്നെ സ്‌നേ​ഹി​ക്കു​ന്നു​ണ്ടെന്ന ബോധ്യം അതിലും വലുതാ​യി​രു​ന്ന​തു​കൊണ്ട്‌ ദാവീ​ദിന്‌ ആ പേടിയെ മറിക​ട​ക്കാൻ കഴിഞ്ഞു.

18. പേടി തോന്നു​മ്പോ​ഴും യഹോവ സ്‌നേ​ഹി​ക്കു​ന്നു​ണ്ടെന്ന ബോധ്യം നിങ്ങൾക്ക്‌ എങ്ങനെ ശക്തി പകർന്നേ​ക്കാം?

¹⁸ യഹോവ നമ്മളെ സ്‌നേ​ഹി​ക്കു​ന്നുണ്ട്‌ എന്ന ബോധ്യം പേടി​പ്പെ​ടു​ത്തുന്ന സാഹച​ര്യ​ങ്ങളെ നേരി​ടാൻ നമ്മളെ സഹായി​ക്കു​ന്നത്‌ എങ്ങനെ​യാണ്‌? ഒരു മുൻനി​ര​സേ​വി​ക​യായ സൂസി സഹോ​ദ​രി​യു​ടെ അനുഭവം നോക്കാം. തന്റെ മകൻ ആത്മഹത്യ ചെയ്‌ത​പ്പോൾ തനിക്കും ഭർത്താ​വി​നും എന്താണു തോന്നി​യ​തെന്നു സഹോ​ദരി പറയുന്നു: “ജീവി​ത​ത്തിൽ താങ്ങാ​നാ​കാത്ത പ്രശ്‌നങ്ങൾ പെട്ടെ​ന്നു​ണ്ടാ​കു​മ്പോൾ നമ്മുടെ ശക്തി ആകെ ചോർന്നു​പോ​കും. ഇതിലും മോശ​മായ എന്തെങ്കി​ലും സംഭവി​ക്കു​മോ എന്നായി​രി​ക്കും പിന്നെ നമ്മുടെ പേടി. പക്ഷേ, യഹോ​വ​യു​ടെ സ്‌നേ​ഹ​വും വാത്സല്യ​വും അനുഭ​വി​ച്ച​റി​ഞ്ഞ​പ്പോൾ ഞങ്ങളുടെ മനസ്സിന്‌ ഒരു ധൈര്യം കിട്ടി.” നേരത്തേ കണ്ട റെയ്‌ച്ചൽ പറയുന്നു: “ഒരു രാത്രി സങ്കടം താങ്ങാ​നാ​കാ​തെ എന്റെ ഹൃദയം പൊട്ടു​ന്ന​തു​പോ​ലെ തോന്നി. ഞാനാകെ പേടിച്ച്‌ യഹോ​വ​യോട്‌ ഉറക്കെ  കരഞ്ഞ്‌ പ്രാർഥി​ച്ചു. പെട്ടെ​ന്നു​തന്നെ എന്റെ മനസ്സ്‌ ഒന്നു ശാന്തമാ​യി. ഒരു അമ്മ തന്റെ കുഞ്ഞിനെ ആശ്വസി​പ്പിച്ച്‌ ഉറക്കു​ന്ന​തു​പോ​ലെ യഹോവ എന്നെ ആശ്വസി​പ്പി​ച്ചു. ഞാൻ അറിയാ​തെ ഉറങ്ങി​പ്പോ​യി. ആ നിമിഷം ഞാൻ ഒരിക്ക​ലും മറക്കില്ല.” ഒരു മൂപ്പനായ റ്റാസോ​സിന്‌, സൈന്യ​ത്തിൽ ചേരാ​തി​രു​ന്നതു കാരണം നാലു വർഷം ജയിലിൽ കഴി​യേ​ണ്ടി​വന്നു. ആ സമയത്ത്‌ യഹോ​വ​യു​ടെ സ്‌നേ​ഹ​വും കരുത​ലും അദ്ദേഹം എങ്ങനെ​യാണ്‌ അനുഭ​വി​ച്ച​റി​ഞ്ഞത്‌? അദ്ദേഹം പറയുന്നു: “എനിക്ക്‌ ആവശ്യ​മാ​യി​രു​ന്ന​തും അതില​ധി​ക​വും തന്നു​കൊണ്ട്‌ യഹോവ എനിക്കു​വേണ്ടി കരുതി. അത്‌ യഹോ​വ​യിൽ പൂർണ​മാ​യി ആശ്രയി​ക്കാ​നാ​കും എന്ന എന്റെ ബോധ്യം കൂടുതൽ ശക്തമാക്കി. ജയിലി​ലാ​യി​രി​ക്കു​ന്നതു മനസ്സു മടുപ്പി​ക്കുന്ന ഒരു കാര്യ​മാ​ണെ​ങ്കി​ലും എപ്പോ​ഴും സന്തോ​ഷ​ത്തോ​ടെ​യി​രി​ക്കാൻ യഹോവ തന്റെ ആത്മാവി​ലൂ​ടെ എന്നെ സഹായി​ച്ചു. എത്ര കൂടുതൽ ഞാൻ യഹോ​വ​യ്‌ക്കു​വേണ്ടി പ്രവർത്തി​ക്കു​ന്നു​വോ അത്രയ​ധി​കം യഹോ​വ​യു​ടെ സ്‌നേഹം അനുഭ​വി​ച്ച​റി​യാൻ കഴിയു​മെന്നു അതിലൂ​ടെ എനിക്കു മനസ്സി​ലാ​യി. അതു​കൊണ്ട്‌ ജയിലിൽ ആയിരി​ക്കെ​ത്തന്നെ ഒരു സാധാരണ മുൻനി​ര​സേ​വ​ക​നാ​യി പ്രവർത്തി​ക്കാൻ ഞാൻ തീരു​മാ​നി​ച്ചു.”

വാത്സല്യം നിറഞ്ഞ നമ്മുടെ ദൈവ​ത്തോട്‌ അടുക്കുക

19. (എ) ദൈവം നമ്മളെ സ്‌നേ​ഹി​ക്കു​ന്നു​ണ്ടെന്ന അറിവ്‌ നമ്മുടെ പ്രാർഥ​ന​കളെ എങ്ങനെ സ്വാധീ​നി​ക്കും? (ബി) യഹോ​വ​യു​ടെ സ്‌നേ​ഹ​ത്തെ​ക്കു​റി​ച്ചുള്ള ഏതു വർണന​യാണ്‌ നിങ്ങൾക്ക്‌ ഏറ്റവും ഇഷ്ടമാ​യത്‌? (“ യഹോ​വ​യു​ടെ വാത്സല്യ​വും സ്‌നേ​ഹ​വും എടുത്തു​കാ​ണി​ക്കുന്ന വാക്കുകൾ” എന്ന ചതുരം കാണുക.)

¹⁹ ‘സ്‌നേ​ഹ​ത്തി​ന്റെ ദൈവ​മായ’ യഹോവ എപ്പോ​ഴും നമ്മുടെ കൂടെ​യു​ണ്ടെ​ന്നാണ്‌ നമ്മൾ കണ്ട അനുഭ​വ​ങ്ങ​ളെ​ല്ലാം കാണി​ക്കു​ന്നത്‌. (2 കൊരി. 13:11) നമ്മുടെ ഓരോ​രു​ത്ത​രു​ടെ​യും കാര്യ​ത്തിൽ ദൈവ​ത്തി​നു താത്‌പ​ര്യ​മുണ്ട്‌. യഹോവ തന്റെ ‘അചഞ്ചല​മായ സ്‌നേ​ഹം​കൊണ്ട്‌ നമ്മളെ പൊതി​യു​മെന്നു’ നമുക്ക്‌ അറിയാം. (സങ്കീ. 32:10) ദൈവം നമ്മളോ​ടു സ്‌നേഹം കാണി​ച്ചി​രി​ക്കു​ന്നത്‌ എങ്ങനെ​യെ​ല്ലാ​മാ​ണെന്ന്‌ എത്രയ​ധി​കം ചിന്തി​ക്കു​ന്നോ അത്രയ​ധി​കം നമ്മൾ യഹോ​വയെ മനസ്സി​ലാ​ക്കും, അത്രയ​ധി​കം നമുക്ക്‌ യഹോ​വ​യോട്‌ അടുപ്പം തോന്നും. അങ്ങനെ​യാ​കു​മ്പോൾ നമ്മൾ യഹോ​വ​യോട്‌ ഉള്ളുതു​റന്ന്‌ സംസാ​രി​ക്കും. നമുക്ക്‌ യഹോ​വ​യു​ടെ സ്‌നേഹം എത്ര​ത്തോ​ളം ആവശ്യ​മാ​ണെ​ന്നും നമുക്ക്‌ എന്തെല്ലാം വിഷമ​ങ്ങ​ളു​ണ്ടെ​ന്നും നമ്മൾ നമ്മുടെ പിതാ​വി​നോ​ടു തുറന്നു​പ​റ​യും. കാരണം, യഹോവ നമ്മളെ മനസ്സി​ലാ​ക്കു​ന്നു​ണ്ടെ​ന്നും നമ്മളെ സഹായി​ക്കാ​നാ​യി നോക്കി​യി​രി​ക്കു​ക​യാ​ണെ​ന്നും നമുക്ക്‌ ഉറപ്പുണ്ട്‌.—സങ്കീ. 145:18, 19.

20. യഹോ​വ​യു​ടെ സ്‌നേഹം നമ്മളെ യഹോ​വ​യോട്‌ അടുപ്പി​ക്കു​ന്നത്‌ എങ്ങനെ​യാണ്‌?

²⁰ തണുപ്പുള്ള സമയത്ത്‌ നമ്മൾ തീയുടെ അടു​ത്തേക്ക്‌ ആകർഷി​ക്ക​പ്പെ​ടു​ന്ന​തു​പോ​ലെ ആകെ തണുത്തു​റഞ്ഞ ഈ ലോക​ത്തിൽ യഹോ​വ​യു​ടെ സ്‌നേഹം നമ്മളെ ആകർഷി​ക്കു​ന്നു. യഹോ​വ​യു​ടെ സ്‌നേഹം ശക്തമാ​ണെന്നു മാത്രമല്ല അതു വാത്സല്യം നിറഞ്ഞ​തു​മാണ്‌. അതു​കൊണ്ട്‌ യഹോ​വ​യു​ടെ സ്‌നേ​ഹ​വും വാത്സല്യ​വും രുചി​ച്ച​റി​യാ​നാ​കു​ന്ന​തിൽ സന്തോ​ഷി​ക്കുക. അപ്പോൾ നമുക്ക്‌ ഇങ്ങനെ പറയാൻ തോന്നും: “ഞാൻ യഹോ​വയെ സ്‌നേ​ഹി​ക്കു​ന്നു.”—സങ്കീ. 116:1.