1. യഹോ​വയെ നമ്മുടെ വഴികാ​ട്ടി​യാ​ക്കേ​ണ്ടത്‌ എന്തു​കൊ​ണ്ടാ​ണെന്ന്‌ ഒരു ഉദാഹ​ര​ണ​ത്തി​ലൂ​ടെ പറയുക.

 നിങ്ങൾ ഒരു കാട്ടിൽ അകപ്പെ​ട്ടു​പോ​യെന്നു വിചാ​രി​ക്കുക. ചുറ്റും ഒരുപാട്‌ അപകടങ്ങൾ പതിയി​രി​പ്പുണ്ട്‌. വന്യമൃ​ഗങ്ങൾ, രോഗം വരുത്തുന്ന പ്രാണി​കൾ, വിഷ​ച്ചെ​ടി​കൾ, വലിയ കുഴികൾ അങ്ങനെ പലതും. എന്നാൽ, ഈ അപകട​ങ്ങ​ളെ​ക്കു​റി​ച്ചൊ​ക്കെ അറിയാ​വുന്ന, നിങ്ങളെ സംരക്ഷി​ക്കാൻ കഴിയുന്ന ഒരു വഴികാ​ട്ടി കൂടെ​യു​ണ്ടെ​ങ്കി​ലോ? അത്‌ എത്ര നല്ലതാ​യി​രി​ക്കും അല്ലേ? ഒരുപാട്‌ അപകടങ്ങൾ പതിയി​രി​ക്കുന്ന ആ കാടു​പോ​ലെ​ത​ന്നെ​യാണ്‌ നമുക്കു ചുറ്റു​മുള്ള ലോക​വും. നമ്മുടെ ആത്മീയാ​രോ​ഗ്യ​ത്തി​നു ഭീഷണി​യാ​കുന്ന പല കാര്യ​ങ്ങ​ളും അവി​ടെ​യുണ്ട്‌. എന്നാൽ ഏറ്റവും മികച്ച വഴികാ​ട്ടി​യായ യഹോ​വ​യാണ്‌ നമ്മോ​ടൊ​പ്പ​മു​ള്ളത്‌. യഹോവ നമ്മളെ അപകട​ങ്ങ​ളിൽനി​ന്നൊ​ക്കെ സംരക്ഷി​ക്കു​ക​യും പുതിയ ലോക​ത്തി​ലെ നിത്യ​ജീ​വ​നി​ലേക്കു കൈപി​ടിച്ച്‌ നടത്തു​ക​യും ചെയ്യും.

2. യഹോവ നമ്മളെ എങ്ങനെ​യാ​ണു വഴിന​യി​ക്കു​ന്നത്‌?

² യഹോവ നമ്മളെ എങ്ങനെ​യാ​ണു വഴിന​യി​ക്കു​ന്നത്‌? പ്രധാ​ന​മാ​യും തന്റെ വചനമായ ബൈബി​ളി​ലൂ​ടെ. എന്നാൽ, അതോ​ടൊ​പ്പം മനുഷ്യ​പ്ര​തി​നി​ധി​ക​ളെ​യും യഹോവ അതിനാ​യി ഉപയോ​ഗി​ക്കു​ന്നുണ്ട്‌. ഉദാഹ​ര​ണ​ത്തിന്‌, നല്ല തീരു​മാ​ന​ങ്ങ​ളെ​ടു​ക്കാൻ നമ്മളെ സഹായി​ക്കുന്ന ആത്മീയ​ഭ​ക്ഷണം നൽകു​ന്ന​തിന്‌, യഹോവ ‘വിശ്വ​സ്‌ത​നും വിവേ​കി​യും ആയ അടിമയെ’ ഉപയോ​ഗി​ക്കു​ന്നു. (മത്താ. 24:45) നമ്മളെ വഴി നയിക്കു​ന്ന​തിന്‌, പ്രാപ്‌ത​രായ മറ്റു പുരു​ഷ​ന്മാ​രെ​യും യഹോവ ഉപയോ​ഗി​ക്കു​ന്നുണ്ട്‌. ഉദാഹ​ര​ണ​ത്തിന്‌, സർക്കിട്ട്‌ മേൽവി​ചാ​ര​ക​ന്മാ​രും സഭയിലെ മൂപ്പന്മാ​രും പ്രയാ​സ​ക​ര​മായ സാഹച​ര്യ​ങ്ങൾ ഉണ്ടാകു​മ്പോൾ മുന്നോ​ട്ടു​പോ​കാൻ ആവശ്യ​മായ പ്രോ​ത്സാ​ഹ​ന​വും നിർദേ​ശ​ങ്ങ​ളും ഒക്കെ നമുക്കു തരുന്നു. ബുദ്ധി​മു​ട്ടു​നി​റഞ്ഞ ഈ അവസാ​ന​സ​മ​യ​ങ്ങ​ളിൽ നമ്മളെ ഇത്ര നന്നായി വഴിന​ട​ത്തു​ന്ന​തിന്‌ യഹോ​വ​യോ​ടു നമുക്ക്‌ ഒരുപാ​ടു നന്ദിയുണ്ട്‌! അത്‌ യഹോ​വ​യു​ടെ അംഗീ​കാ​ര​മു​ണ്ടാ​യി​രി​ക്കാ​നും ജീവന്റെ വഴിയി​ലൂ​ടെ യാത്ര തുടരാ​നും നമ്മളെ സഹായി​ക്കും.

3. ഈ ലേഖന​ത്തിൽ നമ്മൾ എന്തെല്ലാം പഠിക്കും?

³ എങ്കിലും, യഹോവ നടത്തുന്ന വഴിയി​ലൂ​ടെ പോകാൻ ചില​പ്പോൾ നമുക്കു ബുദ്ധി​മുട്ട്‌ തോന്നി​യേ​ക്കാം; പ്രത്യേ​കി​ച്ചും നിർദേ​ശങ്ങൾ കിട്ടു​ന്നത്‌ അപൂർണ മനുഷ്യ​രിൽനി​ന്നാ​ണെ​ങ്കിൽ. ചില​പ്പോൾ നമുക്ക്‌ ഇഷ്ടമി​ല്ലാത്ത ഒരു കാര്യ​മാ​യി​രി​ക്കാം അവർ നമ്മളോട്‌ ആവശ്യ​പ്പെ​ടു​ന്നത്‌.  അല്ലെങ്കിൽ, കിട്ടിയ നിർദേശം അത്ര പ്രാ​യോ​ഗി​ക​മ​ല്ലെ​ന്നും അതു​കൊ​ണ്ടു​തന്നെ അത്‌ യഹോ​വ​യിൽനി​ന്നു​ള്ള​ത​ല്ലെ​ന്നും നമ്മൾ ചിന്തി​ച്ചേ​ക്കാം. അത്തരം സമയങ്ങ​ളിൽ നമുക്ക്‌ അനുസ​രി​ക്കാൻ കഴിയ​ണ​മെ​ങ്കിൽ, യഹോ​വ​യാ​ണു തന്റെ ജനത്തെ വഴിന​യി​ക്കു​ന്ന​തെ​ന്നും ആ വഴിയേ പോകു​ന്നത്‌ അനു​ഗ്ര​ഹങ്ങൾ നേടി​ത്ത​രു​മെ​ന്നും നമുക്കു നല്ല ബോധ്യം വേണം. ആ ബോധ്യം ശക്തമാ​ക്കാൻ സഹായി​ക്കുന്ന മൂന്നു കാര്യങ്ങൾ ഈ ലേഖന​ത്തിൽ പഠിക്കും: (1) ബൈബിൾക്കാ​ല​ങ്ങ​ളിൽ യഹോവ തന്റെ ജനത്തെ വഴിന​യി​ച്ചത്‌ എങ്ങനെ​യാണ്‌, (2) ഇന്ന്‌ യഹോവ തന്റെ ജനത്തെ വഴിന​യി​ക്കു​ന്നത്‌ എങ്ങനെ​യാണ്‌, (3) യഹോവ നടത്തുന്ന വഴിയേ എപ്പോ​ഴും പോകു​ന്നെ​ങ്കിൽ നമുക്ക്‌ എന്തെല്ലാം പ്രയോ​ജ​നങ്ങൾ ലഭിക്കും?

ഇസ്രാ​യേൽ ജനതയെ യഹോവ വഴിന​യി​ച്ചത്‌ എങ്ങനെ​യാണ്‌

4-5. ഇസ്രാ​യേ​ല്യ​രെ നയിക്കാൻ മോശയെ ഉപയോ​ഗി​ക്കു​ന്നതു താനാ​ണെന്ന്‌ യഹോവ കാണി​ച്ചു​കൊ​ടു​ത്തത്‌ എങ്ങനെ? (പുറം​താ​ളി​ലെ ചിത്രം കാണുക.)

⁴ ഇസ്രാ​യേ​ല്യ​രെ ഈജി​പ്‌തിൽനിന്ന്‌ മോചി​പ്പിച്ച്‌ കൊണ്ടു​വ​രാൻ യഹോവ മോശയെ നിയമി​ച്ചു. മോശ​യി​ലൂ​ടെ താനാണ്‌ അവരെ വഴിന​യി​ക്കു​ന്നത്‌ എന്നതിനു വ്യക്തമായ അടയാളം യഹോവ ഇസ്രാ​യേ​ല്യർക്കു കൊടു​ത്തു. ഉദാഹ​ര​ണ​ത്തിന്‌, പകൽ മേഘസ്‌തം​ഭ​വും രാത്രി അഗ്നിസ്‌തം​ഭ​വും തങ്ങൾക്കു മുമ്പേ പോകു​ന്നത്‌ ഇസ്രാ​യേ​ല്യർക്കു കാണാ​മാ​യി​രു​ന്നു. (പുറ. 13:21) അത്‌ നയിക്കുന്ന വഴിയി​ലൂ​ടെ​യാ​ണു മോശ ഇസ്രാ​യേ​ല്യ​രെ കൊണ്ടു​പോ​യത്‌. അങ്ങനെ അവർ ചെങ്കട​ലിന്‌ അടു​ത്തെത്തി. അപ്പോ​ഴാണ്‌, ഈജി​പ്‌തി​ലെ സൈന്യം പിന്നാലെ വന്നത്‌. കടലി​നും സൈന്യ​ത്തി​നും നടുവി​ലായ അവർ ആകെ പേടി​ച്ചു​പോ​യി. തങ്ങളെ അങ്ങോട്ടു നയിച്ച മോശ​യ്‌ക്കു തെറ്റു​പ​റ്റി​യെന്ന്‌ അവർ ചിന്തിച്ചു. പക്ഷേ, മോശ​യ്‌ക്കു തെറ്റു​പ​റ്റി​യി​ട്ടി​ല്ലാ​യി​രു​ന്നു. മോശ​യി​ലൂ​ടെ യഹോവ മനഃപൂർവ്വം തന്റെ ജനത്തെ അങ്ങോട്ട്‌ നയിച്ച​തു​ത​ന്നെ​യാണ്‌. (പുറ. 14:2) അതിശ​യ​ക​ര​മായ വിധത്തിൽ യഹോവ അന്ന്‌ അവരെ വിടു​വി​ച്ചു.—പുറ. 14:26-28.

⁵ പിന്നീ​ടുള്ള 40 വർഷം, ദൈവ​ജ​നത്തെ വിജന​ഭൂ​മി​യി​ലൂ​ടെ നയിക്കു​ന്ന​തി​നു മോശ ഈ മേഘസ്‌തം​ഭത്തെ ആശ്രയി​ച്ചു. a കുറച്ച്‌ കാല​ത്തേക്ക്‌ മോശ​യു​ടെ കൂടാ​ര​ത്തി​നു മുകളിൽ യഹോവ ഈ സ്‌തംഭം നിറു​ത്തി​യി​രു​ന്നു. എല്ലാ ഇസ്രാ​യേ​ല്യർക്കും അത്‌ കാണാ​നും കഴിയു​മാ​യി​രു​ന്നു. (പുറ. 33:7, 9, 10) ആ സ്‌തം​ഭ​ത്തിൽനിന്ന്‌ യഹോവ മോശ​യോ​ടു സംസാ​രി​ക്കും. അങ്ങനെ കിട്ടുന്ന നിർദേ​ശങ്ങൾ മോശ ജനത്തെ അറിയി​ച്ചു. (സങ്കീ. 99:7) അതു​കൊ​ണ്ടു​തന്നെ യഹോ​വ​യാ​ണു മോശയെ ഉപയോ​ഗി​ക്കു​ന്ന​തെന്നു വിശ്വ​സി​ക്കാൻ ഇസ്രാ​യേ​ല്യർക്കു ശക്തമായ കാരണ​ങ്ങ​ളു​ണ്ടാ​യി​രു​ന്നു.

6. യഹോ​വ​യു​ടെ വഴിന​ട​ത്തി​പ്പി​നോട്‌ ഇസ്രാ​യേ​ല്യർ എങ്ങനെ​യാ​ണു പ്രതി​ക​രി​ച്ചത്‌? (സംഖ്യ 14:2, 10, 11)

⁶ സങ്കടക​ര​മായ കാര്യം, മോശ യഹോ​വ​യു​ടെ പ്രതി​നി​ധി​യാണ്‌ എന്നതിനു വ്യക്തമായ തെളി​വു​ക​ളു​ണ്ടാ​യി​ട്ടും മിക്ക ഇസ്രാ​യേ​ല്യ​രും അത്‌ അവഗണി​ച്ചു. (സംഖ്യ 14:2, 10, 11 വായി​ക്കുക.) മോശ​യു​ടെ സ്ഥാനം അംഗീ​ക​രി​ക്കാൻ അവർ വീണ്ടും​വീ​ണ്ടും പരാജ​യ​പ്പെട്ടു. അതു​കൊണ്ട്‌ ഇസ്രാ​യേ​ല്യ​രു​ടെ ആ തലമു​റയെ വാഗ്‌ദ​ത്ത​ദേ​ശ​ത്തേക്കു കടക്കാൻ യഹോവ അനുവ​ദി​ച്ചില്ല.—സംഖ്യ 14:30.

7. യഹോ​വ​യു​ടെ വഴിന​ട​ത്തി​പ്പി​നു മനസ്സോ​ടെ കീഴ്‌പെ​ട്ട​വ​രു​ടെ ഉദാഹ​ര​ണങ്ങൾ പറയുക. (സംഖ്യ 14:24) (ചിത്ര​വും കാണുക.)

⁷ എന്നാൽ, ചില ഇസ്രാ​യേ​ല്യർ യഹോ​വ​യു​ടെ വഴിന​ട​ത്തി​പ്പി​നു മനസ്സോ​ടെ കീഴ്‌പെട്ടു. ഉദാഹ​ര​ണ​ത്തിന്‌, അവരിൽ ഒരാ​ളെ​ക്കു​റിച്ച്‌ യഹോവ ഇങ്ങനെ പറഞ്ഞു: ‘കാലേബ്‌ മുഴു​ഹൃ​ദ​യ​ത്തോ​ടെ എന്നെ അനുഗ​മി​ച്ചി​രി​ക്കു​ന്നു.’ (സംഖ്യ 14:24 വായി​ക്കുക.) ദൈവം കാലേ​ബി​നു പ്രതി​ഫലം നൽകി; അദ്ദേഹം തിര​ഞ്ഞെ​ടുത്ത സ്ഥലംതന്നെ വാഗ്‌ദ​ത്ത​ദേ​ശത്ത്‌ അവകാ​ശ​മാ​യി കൊടു​ത്തു. (യോശു. 14:12-14) യഹോ​വ​യു​ടെ വഴിന​ട​ത്തി​പ്പി​നു കീഴ്‌പെ​ടുന്ന കാര്യ​ത്തിൽ ഇസ്രാ​യേ​ല്യ​രു​ടെ അടുത്ത തലമു​റ​യും നല്ലൊരു മാതൃ​ക​വെച്ചു. മോശ​യ്‌ക്കു ശേഷം യോശുവ ഇസ്രാ​യേ​ല്യ​രു​ടെ നിയമിത നേതാ​വാ​യ​പ്പോൾ അവർ യോശു​വയെ “അദ്ദേഹ​ത്തി​ന്റെ ജീവി​ത​കാ​ലം മുഴുവൻ അങ്ങേയറ്റം ബഹുമാ​നി​ച്ചു.” (യോശു. 4:14) അതു​കൊണ്ട്‌ താൻ വാഗ്‌ദാ​നം ചെയ്‌ത ദേശ​ത്തേക്കു കടക്കാൻ അനുവ​ദി​ച്ചു​കൊണ്ട്‌ ആ തലമു​റയെ യഹോവ അനു​ഗ്ര​ഹി​ച്ചു.—യോശു. 21:43, 44.

8. രാജാ​ക്ക​ന്മാ​രു​ടെ കാലത്ത്‌ യഹോവ തന്റെ ജനത്തെ എങ്ങനെ​യാ​ണു വഴിന​യി​ച്ച​തെന്നു വിശദീ​ക​രി​ക്കുക. (ചിത്ര​വും കാണുക.)

⁸ വർഷങ്ങൾക്കു​ശേഷം, തന്റെ ജനത്തെ വഴിന​യി​ക്കാൻ യഹോവ ന്യായാ​ധി​പ​ന്മാ​രെ ഉപയോ​ഗി​ച്ചു. പിന്നീട്‌, രാജാ​ക്ക​ന്മാ​രു​ടെ കാലമാ​യ​പ്പോൾ പ്രവാ​ച​ക​ന്മാ​രി​ലൂ​ടെ​യാണ്‌ യഹോവ തന്റെ ജനത്തെ നയിച്ചത്‌. വിശ്വ​സ്‌ത​രായ  രാജാ​ക്ക​ന്മാർ, പ്രവാ​ച​ക​ന്മാർ പറഞ്ഞത്‌ അനുസ​രി​ച്ചു. ഉദാഹ​ര​ണ​ത്തിന്‌, നാഥാൻ പ്രവാ​ചകൻ ഒരു തിരുത്തൽ കൊടു​ത്ത​പ്പോൾ ദാവീദ്‌ രാജാവ്‌ അത്‌ താഴ്‌മ​യോ​ടെ സ്വീക​രി​ച്ചു. (2 ശമു. 12:7, 13; 1 ദിന. 17:3, 4) യഹോ​ശാ​ഫാത്ത്‌ രാജാവ്‌ നിർദേ​ശ​ങ്ങൾക്കാ​യി പ്രവാ​ച​ക​നായ യഹസീ​യേ​ലി​ലേക്കു നോക്കു​ക​യും ‘ദൈവ​ത്തി​ന്റെ പ്രവാ​ച​ക​ന്മാ​രിൽ വിശ്വ​സി​ക്കാൻ’ യഹൂദ​യി​ലു​ള്ള​വരെ പ്രോ​ത്സാ​ഹി​പ്പി​ക്കു​ക​യും ചെയ്‌തു. (2 ദിന. 20:14, 15, 20) ഇനി, ഒരു പ്രശ്‌നം നേരി​ട്ട​പ്പോൾ രാജാ​വായ ഹിസ്‌കിയ, യശയ്യ പ്രവാ​ച​കന്റെ സഹായം തേടി. (യശ. 37:1-6) രാജാ​ക്ക​ന്മാർ യഹോ​വ​യു​ടെ വഴിന​ട​ത്തിപ്പ്‌ അനുസ​രി​ച്ച​പ്പോ​ഴെ​ല്ലാം യഹോവ അവരെ അനു​ഗ്ര​ഹി​ക്കു​ക​യും ദേശത്തെ സംരക്ഷി​ക്കു​ക​യും ചെയ്‌തു. (2 ദിന. 20:29, 30; 32:22) പ്രവാ​ച​ക​ന്മാ​രെ ഉപയോ​ഗിച്ച്‌ യഹോ​വ​യാ​ണു തന്റെ ജനത്തെ വഴിന​യി​ക്കു​ന്ന​തെന്ന്‌ എല്ലാവർക്കും വ്യക്തമാ​യി​രു​ന്നു. എന്നിട്ടും ഒട്ടുമിക്ക രാജാ​ക്ക​ന്മാ​രും ഭൂരി​ഭാ​ഗം ഇസ്രാ​യേ​ല്യ​രും യഹോ​വ​യു​ടെ പ്രവാ​ച​ക​ന്മാ​രെ തള്ളിക്ക​ളഞ്ഞു.—യിരെ. 35:12-15.

ആദ്യകാല ക്രിസ്‌ത്യാ​നി​കളെ യഹോവ വഴിന​യി​ച്ചത്‌ എങ്ങനെ​യാണ്‌

9. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കളെ വഴിന​യി​ക്കാൻ യഹോവ ആരെയാണ്‌ ഉപയോ​ഗി​ച്ചത്‌? (ചിത്ര​വും കാണുക.)

⁹ എ.ഡി. ഒന്നാം നൂറ്റാ​ണ്ടി​ലാണ്‌ യഹോവ ക്രിസ്‌തീ​യസഭ സ്ഥാപി​ക്കു​ന്നത്‌. അന്ന്‌ യഹോവ ആ ക്രിസ്‌ത്യാ​നി​കളെ എങ്ങനെ​യാ​ണു വഴിന​യി​ച്ചത്‌? സഭയുടെ തലയായി യഹോവ യേശു​വി​നെ നിയമി​ച്ചു. (എഫെ. 5:23) എന്നാൽ, യേശു നേരിട്ട്‌ ഓരോ ശിഷ്യ​നെ​യും വഴിന​യി​ക്കു​ക​യാ​യി​രു​ന്നില്ല. നേതൃ​ത്വ​മെ​ടു​ക്കാൻ യേശു യരുശ​ലേ​മി​ലെ അപ്പോ​സ്‌ത​ല​ന്മാ​രെ​യും മൂപ്പന്മാ​രെ​യും ഉപയോ​ഗി​ച്ചു. (പ്രവൃ. 15:1, 2) ഇനി, അതോ​ടൊ​പ്പം ഓരോ സഭകളി​ലും മൂപ്പന്മാ​രെ നിയമി​ച്ചി​രു​ന്നു.—1 തെസ്സ. 5:12; തീത്തോ. 1:5.

10. (എ) ഒന്നാം നൂറ്റാ​ണ്ടി​ലെ മിക്ക ക്രിസ്‌ത്യാ​നി​ക​ളും തങ്ങൾക്കു ലഭിച്ച നിർദേ​ശ​ങ്ങ​ളോട്‌ എങ്ങനെ​യാ​ണു പ്രതി​ക​രി​ച്ചത്‌? (പ്രവൃ​ത്തി​കൾ 15:30, 31) (ബി) വഴിന​യി​ക്കാ​നാ​യി യഹോവ ഉപയോ​ഗിച്ച ആളുകളെ അംഗീ​ക​രി​ക്കാൻ ബൈബിൾക്കാ​ല​ങ്ങ​ളിൽ ചിലർ പരാജ​യ​പ്പെ​ട്ടത്‌ എന്തു​കൊ​ണ്ടാണ്‌? (“ വ്യക്തമായ തെളി​വു​ണ്ടാ​യി​ട്ടും അവർ അതു കണ്ടി​ല്ലെ​ന്നു​വെച്ചു” എന്ന ചതുരം കാണുക.)

¹⁰ യഹോവ വഴിന​യി​ച്ച​പ്പോൾ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ അതി​നോട്‌ എങ്ങനെ​യാ​ണു പ്രതി​ക​രി​ച്ചത്‌? കിട്ടിയ നിർദേ​ശങ്ങൾ അനുസ​രി​ക്കാൻ ഒട്ടുമിക്ക ആളുക​ളും സന്തോ​ഷ​മു​ള്ള​വ​രാ​യി​രു​ന്നു. “പ്രോ​ത്സാ​ഹനം ലഭിച്ച ശിഷ്യ​ന്മാർ അതിയാ​യി സന്തോ​ഷി​ച്ചു” എന്നു നമ്മൾ വായി​ക്കു​ന്നു. (പ്രവൃ​ത്തി​കൾ 15:30, 31 വായി​ക്കുക.) അങ്ങനെ​യെ​ങ്കിൽ നമ്മുടെ കാലത്ത്‌ യഹോവ തന്റെ ജനത്തെ വഴിന​യി​ച്ചു​കൊ​ണ്ടി​രി​ക്കു​ന്നത്‌ എങ്ങനെ​യാണ്‌?

നമ്മളെ യഹോവ വഴിന​യി​ക്കു​ന്നത്‌ എങ്ങനെ​യാണ്‌

11. ആധുനി​ക​കാ​ലത്ത്‌ നേതൃ​ത്വ​മെ​ടു​ക്കു​ന്ന​വരെ യഹോവ വഴിന​യി​ച്ചെന്നു വ്യക്തമാ​ക്കുന്ന ഒരു ഉദാഹ​രണം പറയുക.

¹¹ യഹോവ ഇന്നും തന്റെ ജനത്തെ വഴിന​യി​ച്ചു​കൊ​ണ്ടി​രി​ക്കു​ക​യാണ്‌. തന്റെ വചനമായ ബൈബി​ളി​ലൂ​ടെ​യും  ക്രിസ്‌തീ​യ​സ​ഭ​യു​ടെ തലയായ തന്റെ പുത്ര​നി​ലൂ​ടെ​യും യഹോവ അതു ചെയ്യുന്നു. കൂടാതെ, പണ്ടത്തെ​പ്പോ​ലെ മനുഷ്യ​പ്ര​തി​നി​ധി​ക​ളെ​യും യഹോവ അതിനാ​യി ഉപയോ​ഗി​ക്കു​ന്നുണ്ട്‌. അതിന്‌ എന്തു തെളി​വാ​ണു നമുക്കു​ള്ളത്‌? ഒരു ഉദാഹ​രണം നോക്കാം. 1800-കളുടെ അവസാ​ന​ത്തിൽ ചാൾസ്‌ റ്റെയ്‌സ്‌ റസ്സൽ സഹോ​ദ​ര​നും സഹകാ​രി​ക​ളും ദൈവ​രാ​ജ്യ​ത്തോ​ടു ബന്ധപ്പെട്ട ബൈബിൾപ്ര​വ​ച​നങ്ങൾ നിറ​വേ​റു​ന്ന​തിൽ 1914 എന്ന വർഷത്തി​നു വലിയ പ്രാധാ​ന്യ​മു​ണ്ടെന്നു മനസ്സി​ലാ​ക്കാൻതു​ടങ്ങി. (ദാനി. 4:25, 26) ബൈബിൾ ആഴമായി പഠിക്കു​ക​യും അതിലെ പ്രവച​നങ്ങൾ നിറ​വേ​റു​മെന്നു വിശ്വ​സി​ക്കു​ക​യും ചെയ്‌ത​തു​കൊ​ണ്ടാണ്‌ അവർക്ക്‌ അങ്ങനെ​യൊ​രു നിഗമ​ന​ത്തി​ലെ​ത്താൻ കഴിഞ്ഞത്‌. അവരുടെ ഈ പഠനത്തെ യഹോവ വഴിന​യി​ക്കു​ന്നു​ണ്ടാ​യി​രു​ന്നോ? ഉറപ്പാ​യും. 1914-ൽ ദൈവ​രാ​ജ്യം ഭരണം ആരംഭി​ച്ചു എന്നതിന്‌ അന്നത്തെ ലോക​സം​ഭ​വങ്ങൾ തെളിവ്‌ നൽകി. ഒന്നാം ലോക​മ​ഹാ​യു​ദ്ധം ആരംഭി​ച്ചു. തുടർന്ന​ങ്ങോട്ട്‌ പകർച്ച​വ്യാ​ധി​ക​ളും ഭൂകമ്പ​ങ്ങ​ളും ഭക്ഷ്യക്ഷാ​മ​ങ്ങ​ളും ഉണ്ടായി. (ലൂക്കോ. 21:10, 11) തന്റെ ജനത്തെ സഹായി​ക്കു​ന്ന​തിന്‌ യഹോവ, ആത്മാർഥ​ത​യുള്ള ആ ക്രിസ്‌തീ​യ​പു​രു​ഷ​ന്മാ​രെ ഉപയോ​ഗി​ക്കു​ക​യാ​യി​രു​ന്നെന്നു വ്യക്തമാ​യി.

12-13. രണ്ടാം ലോക​മ​ഹാ​യു​ദ്ധ​ത്തി​ന്റെ സമയത്ത്‌ പ്രസം​ഗ​പ​ഠി​പ്പി​ക്കൽ പ്രവർത്തനം വ്യാപി​പ്പി​ക്കു​ന്ന​തി​നു​വേണ്ട എന്തൊക്കെ ക്രമീ​ക​ര​ണ​ങ്ങ​ളാ​ണു ചെയ്‌തത്‌?

¹² രണ്ടാം ലോക​മ​ഹാ​യു​ദ്ധ​ത്തി​ന്റെ സമയത്ത്‌ നടന്ന മറ്റൊരു സംഭവം നോക്കാം. ലോകാ​സ്ഥാ​ന​ത്തുള്ള, നേതൃ​ത്വ​മെ​ടു​ക്കുന്ന സഹോ​ദ​രങ്ങൾ വെളി​പാട്‌ 17:8-നെക്കു​റിച്ച്‌ പഠിച്ച​തി​നു​ശേഷം ഒരു സത്യം മനസ്സി​ലാ​ക്കി. ഇപ്പോൾ നടക്കുന്ന ഈ യുദ്ധം അർമ​ഗെ​ദോ​നി​ലേക്കല്ല പോകു​ന്നത്‌. പകരം, ഒരു പരിധി​വരെ സമാധാ​ന​മുള്ള സമയം ഉണ്ടാകാൻ പോകു​ക​യാ​ണെന്ന്‌ അവർ തിരി​ച്ച​റി​ഞ്ഞു. പ്രസം​ഗ​പ്ര​വർത്തനം വിപു​ല​മാ​ക്കാ​നുള്ള വലി​യൊ​രു അവസര​മാ​യി​രി​ക്കും അതെന്നും അവർ മനസ്സി​ലാ​ക്കി. അതു​കൊണ്ട്‌ യുദ്ധം നടക്കുന്ന സമയത്തു​തന്നെ, അത്ര പ്രാ​യോ​ഗി​ക​മ​ല്ലെന്നു തോന്നു​മാ​യി​രുന്ന ചില കാര്യങ്ങൾ അവർ ചെയ്‌തു. ഉദാഹ​ര​ണ​ത്തിന്‌, ലോക​മെ​ങ്ങു​മുള്ള പ്രസം​ഗ​പ​ഠി​പ്പി​ക്കൽ വേലയ്‌ക്കു​വേണ്ടി മിഷന​റി​മാ​രെ പരിശീ​ലി​പ്പി​ക്കു​ന്ന​തിന്‌ യഹോ​വ​യു​ടെ സംഘടന വാച്ച്‌ടവർ ഗിലെ​യാദ്‌ ബൈബിൾ കോ​ളേജ്‌ (സ്‌കൂൾ) സ്ഥാപിച്ചു. യുദ്ധം നടന്നു​കൊ​ണ്ടി​രി​ക്കു​മ്പോൾത്തന്നെ മിഷന​റി​മാ​രെ പലയി​ട​ങ്ങ​ളി​ലേക്ക്‌ അയയ്‌ക്കാ​നും തുടങ്ങി. ഇനി, അതോ​ടൊ​പ്പം വിശ്വ​സ്‌ത​നായ അടിമ ദിവ്യാ​ധി​പത്യ ശുശ്രൂ​ഷാ കോഴ്‌സ്‌ b എന്നൊരു പുതിയ പരിപാ​ടി​യും ആരംഭി​ച്ചു. ഓരോ സഭകളി​ലും ഉള്ള സഹോ​ദ​ര​ങ്ങ​ളു​ടെ പ്രസം​ഗ​പ​ഠി​പ്പി​ക്കൽ വൈദ​ഗ്‌ധ്യം വർധി​പ്പി​ക്കു​ന്ന​തി​നാ​യി​രു​ന്നു അത്‌. ഇതിലൂ​ടെ​യെ​ല്ലാം മുന്നി​ലു​ണ്ടാ​യി​രുന്ന വലിയ പ്രസം​ഗ​പ്ര​വർത്ത​ന​ത്തി​നു​വേണ്ടി ദൈവ​ജ​നത്തെ ഒരുക്കു​ക​യാ​യി​രു​ന്നു.

¹³ പിന്തി​രിഞ്ഞ്‌ നോക്കു​മ്പോൾ യഹോവ പ്രയാസം നിറഞ്ഞ ആ സമയത്ത്‌ തന്റെ ജനത്തെ വഴിന​യി​ച്ചെന്നു നമുക്ക്‌ ഉറപ്പോ​ടെ പറയാ​നാ​കു​ന്നു. രണ്ടാം  ലോക​മ​ഹാ​യു​ദ്ധ​ത്തി​നു ശേഷം പല ദേശങ്ങ​ളി​ലും യഹോ​വ​യു​ടെ ജനത്തിനു സ്വാത​ന്ത്ര്യ​ത്തോ​ടെ പ്രസം​ഗ​പ്ര​വർത്തനം നടത്താൻ കഴിഞ്ഞി​രി​ക്കു​ന്നു. അങ്ങനെ നമ്മുടെ പ്രവർത്തനം ഭൂമി മുഴുവൻ വ്യാപി​ക്കാ​നും അനേകർ യഹോ​വ​യെ​ക്കു​റിച്ച്‌ അറിയാ​നും ഇടയായി.

14. യഹോ​വ​യു​ടെ സംഘട​ന​യിൽനി​ന്നും നിയമിത മൂപ്പന്മാ​രിൽനി​ന്നും ലഭിക്കുന്ന നിർദേ​ശങ്ങൾ നമുക്കു വിശ്വ​സി​ക്കാ​നാ​കു​ന്നത്‌ എന്തു​കൊണ്ട്‌? (വെളി​പാട്‌ 2:1) (ചിത്ര​വും കാണുക.)

¹⁴ ഇന്ന്‌, ഭരണസം​ഘ​ത്തി​ലെ അംഗങ്ങൾ വഴിന​ട​ത്തി​പ്പി​നാ​യി ക്രിസ്‌തു​വി​ലേക്കു നോക്കു​ന്നു. ഒരു നിർദേശം നൽകു​മ്പോൾ അത്‌ യഹോ​വ​യു​ടെ​യും യേശു​വി​ന്റെ​യും വീക്ഷണ​ത്തോ​ടു ചേർച്ച​യി​ലാ​യി​രി​ക്കാൻ അവർ ആഗ്രഹി​ക്കു​ന്നു. ആ നിർദേ​ശ​ങ്ങ​ളാ​ണു സർക്കിട്ട്‌ മേൽവി​ചാ​ര​ക​ന്മാ​രി​ലൂ​ടെ​യും മൂപ്പന്മാ​രി​ലൂ​ടെ​യും സഭകൾക്കു ലഭിക്കു​ന്നത്‌. c അഭിഷി​ക്ത​രായ മൂപ്പന്മാർ, വിശാ​ല​മായ അർഥത്തിൽ എല്ലാ മൂപ്പന്മാ​രും, ക്രിസ്‌തു​വി​ന്റെ “വലതു​കൈ​യിൽ” ഉള്ളവരാണ്‌. (വെളി​പാട്‌ 2:1 വായി​ക്കുക.) എന്നാൽ, ഈ മൂപ്പന്മാർ അപൂർണ​രാ​യ​തു​കൊ​ണ്ടു​തന്നെ അവർക്കു തെറ്റുകൾ പറ്റും. മോശ​യ്‌ക്കും യോശു​വ​യ്‌ക്കും അപ്പോ​സ്‌ത​ല​ന്മാർക്കും ഒക്കെ ചില​പ്പോൾ തെറ്റുകൾ പറ്റിയി​ട്ടുണ്ട്‌. (സംഖ്യ 20:12; യോശു. 9:14, 15; റോമ. 3:23) പക്ഷേ ഒരു കാര്യം ഉറപ്പാണ്‌; വിശ്വ​സ്‌ത​നായ അടിമ​യെ​യും എല്ലാ നിയമിത മൂപ്പന്മാ​രെ​യും ക്രിസ്‌തു ശ്രദ്ധ​യോ​ടെ വഴിന​യി​ക്കു​ന്നുണ്ട്‌. “വ്യവസ്ഥി​തി​യു​ടെ അവസാ​ന​കാ​ലം​വരെ” ക്രിസ്‌തു അതുതന്നെ ചെയ്യും. (മത്താ. 28:20) അതു​കൊണ്ട്‌, നേതൃ​ത്വ​മെ​ടു​ക്കാൻ നിയമി​ത​രാ​യി​രി​ക്കുന്ന മൂപ്പന്മാ​രി​ലൂ​ടെ യേശു നൽകുന്ന വഴിന​ട​ത്തി​പ്പിൽ വിശ്വ​സി​ക്കാൻ നമുക്ക്‌ എല്ലാ കാരണ​ങ്ങ​ളു​മുണ്ട്‌.

യഹോ​വ​യു​ടെ വഴിയേ എപ്പോ​ഴും പോകു​ന്നതു പ്രയോ​ജനം ചെയ്യും

15-16. യഹോ​വ​യു​ടെ വഴിന​ട​ത്തി​പ്പി​നു ചേർച്ച​യിൽ ജീവി​ച്ച​വ​രു​ടെ അനുഭ​വ​ങ്ങ​ളിൽനിന്ന്‌ നിങ്ങൾ എന്താണ്‌ പഠിച്ചത്‌?

¹⁵ യഹോവ നടത്തുന്ന വഴി​യേ​തന്നെ പോകു​ന്നതു നമുക്ക്‌ ഇപ്പോൾത്തന്നെ അനു​ഗ്ര​ഹങ്ങൾ നേടി​ത്ത​രും. ഒരു ഉദാഹ​രണം നോക്കാം. ജീവിതം ലളിത​മാ​ക്കാൻ പ്രോ​ത്സാ​ഹനം ലഭിച്ച​പ്പോൾ ആൻഡി​യും റോസും d അത്‌ അനുസ​രി​ക്കാൻ തീരു​മാ​നി​ച്ചു. (മത്തായി 6:22-ന്റെ പഠനക്കു​റിപ്പ്‌ കാണുക.) അതിന്റെ ഫലമായി ദിവ്യാ​ധി​പത്യ നിർമാണ പ്രോ​ജ​ക്ടു​ക​ളിൽ സന്നദ്ധ​സേ​വനം ചെയ്യാൻ അവർക്ക്‌ അവസരം ലഭിച്ചു. റോസ്‌ പറയുന്നു: “ചില​പ്പോ​ഴൊ​ക്കെ ഞങ്ങൾ താമസി​ച്ചത്‌ അടുക്ക​ള​പോ​ലു​മി​ല്ലാത്ത ചെറിയ വീടു​ക​ളി​ലാണ്‌. ഫോട്ടോ എടുക്കു​ന്നത്‌ എനിക്കു വളരെ ഇഷ്ടമാ​യി​രു​ന്നു. അതിനു ഉപയോ​ഗി​ച്ചി​രുന്ന സാധന​ങ്ങ​ളൊ​ക്കെ ഞങ്ങൾ വിറ്റു. അതൊക്കെ വിൽക്കേ​ണ്ടി​വ​ന്ന​പ്പോൾ ഞാൻ കരഞ്ഞു​പോ​യി. പക്ഷേ, അബ്രാ​ഹാ​മി​ന്റെ ഭാര്യ​യായ സാറ​യെ​പ്പോ​ലെ പിന്നി​ലേക്ക്‌ അല്ല മുന്നി​ലേക്കു നോക്കാൻ ഞാൻ തീരു​മാ​നി​ച്ചു.” (എബ്രാ. 11:15) ഈ ദമ്പതി​കൾക്ക്‌ എന്ത്‌ അനു​ഗ്ര​ഹ​മാ​ണു കിട്ടി​യത്‌? റോസ്‌ പറയുന്നു: “ഞങ്ങൾക്കു​ള്ളത്‌ എല്ലാം വിട്ടു​കൊ​ടു​ത്തു​കൊണ്ട്‌ യഹോ​വയെ സേവി​ക്കു​ന്ന​തി​ന്റെ സംതൃ​പ്‌തി ഞങ്ങൾക്കു കിട്ടി. ദിവ്യാ​ധി​പത്യ നിയമ​നങ്ങൾ ചെയ്‌ത​പ്പോൾ പുതിയ ലോക​ത്തി​ലെ ജീവിതം എങ്ങനെ​യാ​യി​രി​ക്കു​മെന്ന്‌ ഒന്നു രുചി​ച്ചു​നോ​ക്കാൻ  ഞങ്ങൾക്കാ​യി.” ആൻഡി​യും ഇങ്ങനെ സമ്മതിച്ച്‌ പറയുന്നു: “ഞങ്ങളുടെ സമയവും ഊർജ​വും എല്ലാം മുഴു​വ​നാ​യി യഹോ​വ​യ്‌ക്കു കൊടു​ക്കാ​നാ​കു​ന്ന​തി​ന്റെ സന്തോഷം ഞങ്ങൾക്കുണ്ട്‌.”

¹⁶ യഹോ​വ​യു​ടെ വഴിന​ട​ത്തി​പ്പി​നു ചേർച്ച​യിൽ ജീവി​ക്കു​മ്പോൾ മറ്റ്‌ എന്തു പ്രയോ​ജ​ന​മാ​ണു നമുക്കു​ള്ളത്‌? മാഴ്‌സി​യ​യു​ടെ അനുഭവം നോക്കാം: സഹോ​ദ​രി​ക്കു ഹൈസ്‌കൂൾ പഠനം കഴിഞ്ഞ​പ്പോൾ മുൻനി​ര​സേ​വനം ചെയ്യാ​നുള്ള പ്രോ​ത്സാ​ഹനം ലഭിച്ചു. (മത്താ. 6:33; റോമ. 12:11) ആ ലക്ഷ്യത്തിൽ പ്രവർത്തി​ക്കാ​നും സഹോ​ദരി തീരു​മാ​നി​ച്ചു. മാഴ്‌സിയ പറയുന്നു: “ഒരു യൂണി​വേ​ഴ്‌സി​റ്റി​യിൽ നാലു വർഷം പഠിക്കാ​നുള്ള സ്‌കോ​ളർഷിപ്പ്‌ എനിക്കു കിട്ടി. പക്ഷേ, ആത്മീയ​ല​ക്ഷ്യ​ങ്ങൾക്കു​വേണ്ടി പ്രവർത്തി​ക്കാ​നാ​ണു ഞാൻ ആഗ്രഹി​ച്ചത്‌. അതു​കൊണ്ട്‌ മുൻനി​ര​സേ​വനം ചെയ്യാൻ എന്നെ സഹായി​ക്കുന്ന ഒരു തൊഴി​ല​ധി​ഷ്‌ഠിത കോഴ്‌സ്‌ ഞാൻ തിര​ഞ്ഞെ​ടു​ത്തു. ഞാൻ എടുത്ത ഏറ്റവും നല്ല തീരു​മാ​ന​ങ്ങ​ളിൽ ഒന്നായി​രു​ന്നു അത്‌. ഇപ്പോൾ എനിക്ക്‌ സാധാരണ മുൻനി​ര​സേ​വനം ചെയ്യാൻ പറ്റുന്നുണ്ട്‌. എത്ര സമയം ജോലി ചെയ്യണ​മെന്ന്‌ എനിക്കു​തന്നെ തീരു​മാ​നി​ക്കാൻ കഴിയു​ന്ന​തു​കൊണ്ട്‌ ബഥേലി​ലും സഹായി​ക്കാ​നാ​കു​ന്നു. അതു​പോ​ലെ യഹോ​വ​യ്‌ക്കു​വേണ്ടി മറ്റു പല കാര്യങ്ങൾ ചെയ്യാ​നും കഴിയു​ന്നു.”

17. യഹോവ നയിക്കുന്ന വഴിയി​ലൂ​ടെ​തന്നെ പോകു​മ്പോൾ നമുക്കു ലഭിക്കുന്ന കൂടു​ത​ലായ അനു​ഗ്ര​ഹങ്ങൾ എന്തൊ​ക്കെ​യാണ്‌? (യശയ്യ 48:17, 18)

¹⁷ ചില​പ്പോ​ഴൊ​ക്കെ പണസ്‌നേ​ഹ​ത്തെ​ക്കു​റി​ച്ചോ ദൈവ​നി​യ​മങ്ങൾ ലംഘി​ക്കാൻ ഇടയാ​ക്കി​യേ​ക്കാ​വുന്ന കാര്യ​ങ്ങ​ളെ​ക്കു​റി​ച്ചോ നമുക്കു മുന്നറി​യി​പ്പു​കൾ ലഭിക്കാ​റുണ്ട്‌. അവ അനുസ​രി​ക്കു​ന്ന​തും നമുക്ക്‌ അനു​ഗ്ര​ഹങ്ങൾ നേടി​ത്ത​രും. ശുദ്ധമാ​യൊ​രു മനസ്സാ​ക്ഷി​യു​ണ്ടാ​യി​രി​ക്കാ​നും അനാവ​ശ്യ​മായ ടെൻഷ​നു​കൾ ഒഴിവാ​ക്കാ​നും അതു സഹായി​ക്കും. (1 തിമൊ. 6:9, 10) അങ്ങനെ മുഴു​ഹൃ​ദ​യ​ത്തോ​ടെ യഹോ​വയെ ആരാധി​ക്കാ​നാ​കു​മ്പോൾ നമുക്ക്‌ അളവറ്റ സന്തോ​ഷ​വും സമാധാ​ന​വും സംതൃ​പ്‌തി​യും തോന്നും.—യശയ്യ 48:17, 18 വായി​ക്കുക.

18. യഹോവ നടത്തുന്ന വഴിയി​ലൂ​ടെ പോകാൻ നിങ്ങൾ തീരു​മാ​നി​ച്ചി​രി​ക്കു​ന്നത്‌ എന്തു​കൊണ്ട്‌?

¹⁸ മഹാക​ഷ്ട​ത​യു​ടെ സമയത്തും തുടർന്ന​ങ്ങോട്ട്‌ ആയിരം വർഷഭ​ര​ണ​ത്തി​ലും നമ്മളെ വഴിന​യി​ക്കാ​നാ​യി യഹോവ മനുഷ്യ​പ്ര​തി​നി​ധി​കളെ ഉപയോ​ഗി​ക്കും എന്നതിനു സംശയ​മില്ല. (സങ്കീ. 45:16) ആ സമയത്ത്‌ അവരി​ലൂ​ടെ കിട്ടുന്ന നിർദേ​ശങ്ങൾ നമ്മൾ അനുസ​രി​ക്കു​മോ, നമ്മുടെ ഇഷ്ടത്തിനു നേർവി​പ​രീ​ത​മായ ഒരു കാര്യ​മാണ്‌ ചെയ്യാൻ പറയു​ന്ന​തെ​ങ്കിൽപ്പോ​ലും? അത്‌ ഇന്നു നമ്മൾ നിർദേ​ശങ്ങൾ അനുസ​രി​ക്കു​മോ എന്നതിനെ ആശ്രയി​ച്ചാ​ണി​രി​ക്കു​ന്നത്‌. അതു​കൊണ്ട്‌, നേതൃ​ത്വ​മെ​ടു​ക്കാൻ നിയമി​ത​രാ​യ​വരെ നമുക്ക്‌ അനുസ​രി​ക്കാം. അങ്ങനെ യഹോവ നടത്തുന്ന വഴിയി​ലൂ​ടെ​തന്നെ പോകാം. (യശ. 32:1, 2; എബ്രാ. 13:17) നമ്മളെ എല്ലാ ആത്മീയ അപകട​ങ്ങ​ളിൽനി​ന്നും സംരക്ഷി​ക്കുന്ന, പുതിയ ലോക​ത്തി​ലെ നിത്യ​ജീ​വൻ എന്ന ലക്ഷ്യത്തി​ലേക്കു കൈ പിടിച്ച്‌ നടത്തുന്ന യഹോവ എന്ന വഴികാ​ട്ടി​യിൽ ആശ്രയി​ക്കാൻ നമുക്ക്‌ എല്ലാ കാരണ​ങ്ങ​ളും ഉണ്ട്‌.