1-2. (എ) ഏതു സാഹച​ര്യ​ത്തി​ലാ​ണു പൗലോസ്‌ എഫെ​സൊ​സി​ലു​ള്ള​വർക്ക്‌ കത്ത്‌ എഴുതി​യത്‌, എന്തു​കൊണ്ട്‌? (ബി) ഈ ലേഖന​ത്തിൽ ഏതൊക്കെ ചോദ്യ​ങ്ങൾക്കുള്ള ഉത്തരങ്ങൾ നമ്മൾ കണ്ടെത്തും?

 പൗലോസ്‌ അപ്പോ​സ്‌തലൻ റോമിൽ തടവി​ലാ​യി​രുന്ന സമയത്ത്‌ സഹവി​ശ്വാ​സി​കളെ പ്രോ​ത്സാ​ഹി​പ്പി​ക്കാൻ ആഗ്രഹി​ച്ചു. അവരെ നേരിട്ട്‌ പോയി കാണാൻ കഴിയാ​ത്ത​തു​കൊണ്ട്‌ അദ്ദേഹം അവർക്കു കത്തുകൾ എഴുതി. എഫെ​സൊ​സി​ലു​ള്ള​വർക്ക്‌ അദ്ദേഹം അത്തരത്തിൽ ഒരു കത്ത്‌ അയച്ചു. ഏതാണ്ട്‌ എ.ഡി. 60-ലോ എ.ഡി. 61-ലോ ആയിരു​ന്നു അത്‌.—എഫെ. 1:1; 4:1.

² ഏകദേശം പത്തു വർഷം മുമ്പ്‌ പൗലോസ്‌ എഫെ​സൊ​സി​ലു​ണ്ടാ​യി​രു​ന്നു. സന്തോ​ഷ​വാർത്ത പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്‌തു​കൊണ്ട്‌ കുറച്ച്‌ നാൾ അദ്ദേഹം അവിടെ ചെലവ​ഴി​ച്ചു. (പ്രവൃ. 19:1, 8-10; 20:20, 21) പൗലോസ്‌ അവി​ടെ​യുള്ള സഹോ​ദ​ര​ങ്ങളെ ഒരുപാ​ടു സ്‌നേ​ഹി​ച്ചി​രു​ന്നു. അതു​കൊ​ണ്ടു​തന്നെ യഹോ​വയെ വിശ്വ​സ്‌ത​മാ​യി സേവി​ക്കു​ന്ന​തിൽ തുടരു​ന്ന​തിന്‌ അവരെ സഹായി​ക്കാൻ അദ്ദേഹം ആഗ്രഹി​ച്ചു. എന്നാൽ പൗലോസ്‌ എന്തു​കൊ​ണ്ടാണ്‌ അക്കാലത്തെ അഭിഷിക്ത ക്രിസ്‌ത്യാ​നി​കൾക്ക്‌ ഇരുട്ടി​നെ​യും വെളി​ച്ച​ത്തെ​യും കുറിച്ച്‌ എഴുതി​യത്‌? അദ്ദേഹ​ത്തി​ന്റെ ആ വാക്കു​ക​ളിൽനിന്ന്‌ എല്ലാ ക്രിസ്‌ത്യാ​നി​കൾക്കും എന്തെല്ലാം പാഠങ്ങൾ പഠിക്കാ​നാ​കും? ഈ ചോദ്യ​ങ്ങൾക്കുള്ള ഉത്തരങ്ങൾ നമുക്ക്‌ നോക്കാം.

ഇരുട്ടിൽനിന്ന്‌ വെളി​ച്ച​ത്തി​ലേക്ക്‌

3. എഫെ​സൊ​സി​ലു​ള്ള​വർക്ക്‌ എഴുതിയ കത്തിൽ പൗലോസ്‌ അവരെ എന്തി​നോ​ടു താരത​മ്യ​പ്പെ​ടു​ത്തി?

³ പൗലോസ്‌ എഫെ​സൊ​സി​ലെ ക്രിസ്‌ത്യാ​നി​കൾക്ക്‌ എഴുതി: “മുമ്പ്‌ നിങ്ങൾ ഇരുട്ടാ​യി​രു​ന്നു. പക്ഷേ ഇപ്പോൾ . . . വെളി​ച്ച​മാണ്‌.” (എഫെ. 5:8) ഇവിടെ പൗലോസ്‌ എഫെ​സൊ​സി​ലു​ള്ള​വരെ ആദ്യം ഇരുട്ടി​നോ​ടും പിന്നെ വെളി​ച്ച​ത്തോ​ടും താരത​മ്യ​പ്പെ​ടു​ത്തി​യത്‌ അവർ എത്ര വലിയ മാറ്റമാ​ണു വരുത്തി​യ​തെന്നു കാണി​ക്കാ​നാ​യി​രു​ന്നു. അവർ “മുമ്പ്‌ . . . ഇരുട്ടാ​യി​രു​ന്നു” എന്നു പൗലോസ്‌ പറഞ്ഞതി​ന്റെ കാരണം നമുക്ക്‌ ആദ്യം നോക്കാം.

4. എഫെ​സൊ​സി​ലു​ള്ളവർ ഏത്‌ അർഥത്തി​ലാ​ണു വ്യാജ​മ​തങ്ങൾ പരത്തുന്ന ഇരുട്ടി​ലാ​യി​രു​ന്നത്‌?

 ⁴ മതപര​മായ ഇരുട്ട്‌. സത്യം പഠിക്കു​ക​യും ക്രിസ്‌ത്യാ​നി​ക​ളാ​യി​ത്തീ​രു​ക​യും ചെയ്യു​ന്ന​തി​നു മുമ്പ്‌ എഫെ​സൊ​സി​ലു​ള്ളവർ തെറ്റായ മതാചാ​ര​ങ്ങൾക്കും അന്ധവി​ശ്വാ​സ​ങ്ങൾക്കും അടിമ​ക​ളാ​യി​രു​ന്നു. കാരണം, എഫെ​സൊസ്‌ നഗരത്തി​ലാ​യി​രു​ന്നു വളരെ പ്രശസ്‌ത​മായ അർത്തെ​മിസ്‌ ദേവി​യു​ടെ ക്ഷേത്രം സ്ഥിതി ചെയ്‌തി​രു​ന്നത്‌. പണ്ടുകാ​ലത്തെ ആളുകൾ അതിനെ ഏഴു ലോകാ​ത്ഭു​ത​ങ്ങ​ളിൽ ഒന്നായി​ട്ടാണ്‌ കണ്ടിരു​ന്നത്‌. അവിടെ ആരാധ​ന​യ്‌ക്കാ​യി പോയി​രു​ന്നവർ വിഗ്ര​ഹാ​രാ​ധ​ന​യിൽ മുഴു​കി​യി​രു​ന്നു. ആ ക്ഷേത്ര​ത്തി​ന്റെ​യും അതിലെ ദേവി​യു​ടെ​യും വിഗ്ര​ഹങ്ങൾ ഉണ്ടാക്കി വിൽക്കു​ന്നത്‌ അവിടത്തെ വലി​യൊ​രു ബിസി​നെ​സ്സാ​യി​രു​ന്നു. (പ്രവൃ. 19:23-27) കൂടാതെ മന്ത്ര​പ്ര​യോ​ഗ​ങ്ങൾക്കും പേരു​കേ​ട്ട​താ​യി​രു​ന്നു ആ നഗരം.—പ്രവൃ. 19:19.

5. എഫെ​സൊ​സി​ലു​ള്ളവർ ഏത്‌ അർഥത്തി​ലാ​ണു ധാർമി​ക​മാ​യി ഇരുട്ടി​ലാ​യി​രു​ന്നത്‌?

⁵ ധാർമി​ക​മായ ഇരുട്ട്‌. എഫെ​സൊ​സി​ലു​ള്ളവർ ധാർമി​ക​മാ​യി അധഃപ​തി​ച്ച​വ​രും നാണം​കെട്ട പ്രവൃ​ത്തി​കൾ ചെയ്യു​ന്ന​വ​രും ആയിരു​ന്നു. അശ്ലീല​സം​സാ​രം ആ നഗരത്തി​ലെ പ്രദർശ​ന​ശാ​ല​ക​ളിൽ മാത്രമല്ല മതപര​മായ ആഘോ​ഷ​ങ്ങ​ളിൽപോ​ലും വളരെ സാധാ​ര​ണ​മാ​യി​രു​ന്നു. (എഫെ. 5:3) അവി​ടെ​യു​ള്ള​വ​രിൽ പലരും ‘സദാചാ​ര​ബോ​ധം തീർത്തും നഷ്ടപ്പെ​ട്ട​വ​രാ​യി​രു​ന്നു.’ ആ പ്രയോ​ഗ​ത്തി​ന്റെ അക്ഷരാർഥ​മെ​ടു​ത്താൽ, അവർ തെറ്റു ചെയ്യു​മ്പോൾ ഹൃദയ​ത്തിൽ “ഒട്ടും വേദന തോന്നാത്ത അവസ്ഥയിൽ” ആയിരു​ന്നു. (എഫെ. 4:17-19) ശരിയും തെറ്റും സംബന്ധിച്ച്‌ യഹോ​വ​യു​ടെ നിലവാ​ര​ങ്ങ​ളെ​ക്കു​റിച്ച്‌ പഠിക്കു​ന്ന​തി​നു മുമ്പ്‌ തെറ്റു ചെയ്യു​മ്പോൾ അവർക്ക്‌ യാതൊ​രു മനസ്സാ​ക്ഷി​ക്കു​ത്തും തോന്നി​യി​രു​ന്നില്ല. അവരുടെ പ്രവൃ​ത്തി​കളെ യഹോവ എങ്ങനെ​യാ​ണു കാണു​ന്ന​തെന്ന്‌ അവർ ചിന്തി​ച്ചി​രു​ന്നു​മില്ല. അതു​കൊ​ണ്ടാ​ണു പൗലോസ്‌ ഇങ്ങനെ പറഞ്ഞത്‌: “അവരുടെ മനസ്സ്‌ ഇരുള​ട​ഞ്ഞ​താ​യി​ത്തീർന്നു. അങ്ങനെ, ദൈവം തരുന്ന ജീവനിൽനിന്ന്‌ അവർ അകന്നു​പോ​യി​രി​ക്കു​ന്നു.”

6. എഫെ​സൊ​സി​ലു​ള്ള​വ​രോട്‌ അവർ “ഇപ്പോൾ . . . വെളി​ച്ച​മാണ്‌” എന്നു പൗലോ​സി​നു പറയാൻ കഴിഞ്ഞത്‌ എന്തു​കൊണ്ട്‌?

⁶ എന്നാൽ എഫെ​സൊ​സി​ലു​ണ്ടാ​യി​രുന്ന ചിലർ ഇരുട്ടിൽത്തന്നെ തുടർന്നില്ല. പൗലോസ്‌ അവരെ​ക്കു​റിച്ച്‌ ഇങ്ങനെ എഴുതി: “നിങ്ങൾ . . . ഇപ്പോൾ കർത്താ​വി​നു​ള്ള​വ​രാ​യ​തു​കൊണ്ട്‌ വെളി​ച്ച​മാണ്‌.” (എഫെ. 5:8) തിരു​വെ​ഴു​ത്തു സത്യമാ​കുന്ന വെളിച്ചം അവർ രണ്ടു കൈയും നീട്ടി സ്വീക​രി​ച്ചു. (സങ്കീ. 119:105) അതുവരെ ചെയ്‌തു​പോ​ന്നി​രുന്ന വ്യാജ​മ​താ​ചാ​ര​ങ്ങ​ളും അധാർമി​ക​പ്ര​വൃ​ത്തി​ക​ളും അവർ ഉപേക്ഷി​ച്ചു. അവർ എല്ലാ കാര്യ​ത്തി​ലും ‘ദൈവത്തെ അനുക​രി​ക്കു​ന്ന​വ​രാ​യി.’ യഹോ​വയെ ആരാധി​ക്കാ​നും യഹോ​വയെ സന്തോ​ഷി​പ്പി​ക്കാ​നും കഴിവി​ന്റെ പരമാ​വധി ശ്രമി​ക്കു​ക​യും ചെയ്‌തു.—എഫെ. 5:1.

7. നമ്മുടെ സാഹച​ര്യം എഫെ​സൊ​സി​ലെ ചില ക്രിസ്‌ത്യാ​നി​ക​ളു​ടേ​തു​പോ​ലെ ആയിരി​ക്കു​ന്നത്‌ എങ്ങനെ?

 ⁷ അതു​പോ​ലെ സത്യം പഠിക്കു​ന്ന​തി​നു മുമ്പ്‌ നമ്മളും വ്യാജ​മ​തങ്ങൾ പരത്തുന്ന ഇരുട്ടി​ലാ​യി​രു​ന്നു, ധാർമി​ക​മായ അന്ധകാ​ര​ത്തി​ലാ​യി​രു​ന്നു. നമ്മളിൽ ചിലർ വ്യാജ​മ​ത​ങ്ങ​ളി​ലെ വിശേ​ഷ​ദി​വ​സങ്ങൾ ആഘോ​ഷി​ച്ചി​രു​ന്നു. മറ്റു ചിലർ അധാർമി​ക​പ്ര​വൃ​ത്തി​ക​ളിൽ ഏർപ്പെ​ട്ടി​രു​ന്നു. പക്ഷേ ശരി​തെ​റ്റു​ക​ളെ​ക്കു​റിച്ച്‌ യഹോവ വെച്ചി​രി​ക്കുന്ന നിലവാ​രങ്ങൾ മനസ്സി​ലാ​ക്കി കഴിഞ്ഞ​പ്പോൾ നമ്മൾ മാറ്റങ്ങൾ വരുത്തി. യഹോവ ആഗ്രഹി​ക്കു​ന്ന​തു​പോ​ലെ നമ്മൾ ജീവി​ക്കാൻതു​ടങ്ങി. അതിന്റെ ഫലമായി നമുക്കു പല അനു​ഗ്ര​ഹ​ങ്ങ​ളും ലഭിച്ചു. (യശ. 48:17) എന്നാൽ, അതോടെ നമ്മൾ സുരക്ഷി​ത​രാ​യെന്ന്‌ അർഥമില്ല. ഉപേക്ഷി​ച്ചു​പോന്ന ഇരുട്ടിൽനിന്ന്‌ നമ്മൾ തുടർന്നും അകന്നു​നിൽക്കണം; ‘വെളി​ച്ച​ത്തി​ന്റെ മക്കളായി നടക്കു​ക​യും’ വേണം. നമുക്ക്‌ അത്‌ എങ്ങനെ ചെയ്യാം?

ഇരുട്ടിൽനിന്ന്‌ അകന്നു​നിൽക്കു​ക

8. എഫെസ്യർ 5:3-5 പറയു​ന്ന​ത​നു​സ​രിച്ച്‌, എഫെ​സൊ​സു​കാർ എന്തെല്ലാം ഒഴിവാ​ക്ക​ണ​മാ​യി​രു​ന്നു?

⁸ എഫെസ്യർ 5:3-5 വായി​ക്കുക. ധാർമി​ക​മായ ഇരുട്ടിൽനിന്ന്‌ അകന്നു​മാ​റി നിൽക്കു​ന്ന​തിന്‌, എഫെ​സൊ​സി​ലെ ക്രിസ്‌ത്യാ​നി​കൾ യഹോ​വ​യ്‌ക്ക്‌ ഇഷ്ടമി​ല്ലാത്ത കാര്യങ്ങൾ തുടർന്നും ഒഴിവാ​ക്ക​ണ​മാ​യി​രു​ന്നു. അതിൽ ലൈം​ഗിക അധാർമി​കത മാത്രമല്ല, അശ്ലീല​സം​സാ​ര​വും ഒഴിവാ​ക്കു​ന്നത്‌ ഉൾപ്പെ​ട്ടി​രു​ന്നു. ‘ക്രിസ്‌തു​വി​ന്റെ​യും ദൈവ​ത്തി​ന്റെ​യും രാജ്യ​ത്തിൽ അവകാശം’ കിട്ടണ​മെ​ങ്കിൽ, അവർ ഇങ്ങനെ​യുള്ള കാര്യങ്ങൾ ഒഴിവാ​ക്കി​യേ മതിയാ​കൂ എന്ന്‌ പൗലോസ്‌ അവരെ ഓർമി​പ്പി​ച്ചു.

9. അധാർമി​ക​പ്ര​വൃ​ത്തി​ക​ളി​ലേക്കു നയി​ച്ചേ​ക്കാ​വുന്ന കാര്യങ്ങൾ ഒഴിവാ​ക്കേ​ണ്ട​തി​ന്റെ പ്രാധാ​ന്യം എന്താണ്‌?

⁹ ‘പ്രയോ​ജ​ന​മി​ല്ലാത്ത ഇരുട്ടി​ന്റെ പ്രവൃ​ത്തി​ക​ളിൽ’ പെട്ടു​പോ​കാ​തി​രി​ക്ക​ണ​മെ​ങ്കിൽ, നമ്മളും അവയ്‌ക്ക്‌ എതിരെ പോരാ​ടി​ക്കൊ​ണ്ടി​രി​ക്കണം. (എഫെ. 5:11) ഒരു വ്യക്തി എത്ര കൂടുതൽ അശുദ്ധ​മായ അല്ലെങ്കിൽ അധാർമി​ക​മായ കാര്യങ്ങൾ കാണു​ക​യും കേൾക്കു​ക​യും അവയെ​ക്കു​റിച്ച്‌ സംസാ​രി​ക്കു​ക​യും ചെയ്യു​ന്നു​വോ അത്ര കൂടുതൽ ആ വ്യക്തി തെറ്റു ചെയ്യാ​നുള്ള സാധ്യ​ത​യുണ്ട്‌. അത്‌ തെളി​യി​ക്കുന്ന ഒട്ടനവധി ഉദാഹ​ര​ണങ്ങൾ ഉണ്ട്‌. (ഉൽപ. 3:6; യാക്കോ. 1:14, 15) ഒരു രാജ്യത്ത്‌ കുറെ സഹോ​ദ​രങ്ങൾ സോഷ്യൽമീ​ഡി​യ​യിൽ ഒരു ഗ്രൂപ്പ്‌ ഉണ്ടാക്കി. ആദ്യ​മൊ​ക്കെ ആത്മീയ​കാ​ര്യ​ങ്ങ​ളാ​യി​രു​ന്നു അവരുടെ സംസാ​ര​വി​ഷയം. പക്ഷേ പതു​ക്കെ​പ്പ​തു​ക്കെ അവരുടെ സംസാ​ര​ത്തിൽ മോശ​മായ കാര്യങ്ങൾ കയറി​വ​രാൻതു​ടങ്ങി. കുറച്ച്‌ കഴിഞ്ഞ്‌ ലൈം​ഗി​ക​തയെ ചുറ്റി​പ്പ​റ്റി​യാ​യി അവരുടെ സംഭാ​ഷ​ണങ്ങൾ. അശുദ്ധ​മായ ഇത്തരം സംസാരം, തങ്ങളെ ലൈം​ഗിക അധാർമി​ക​ത​യിൽ കൊ​ണ്ടെ​ത്തി​ച്ചെന്ന്‌ ഇവരിൽ പലരും പിന്നീട്‌ സമ്മതിച്ചു.

10. സാത്താൻ എങ്ങനെ​യാ​ണു നമ്മളെ വഞ്ചിക്കാൻ ശ്രമി​ക്കു​ന്നത്‌? (എഫെസ്യർ 5:6)

¹⁰ സാത്താൻ പണ്ടുമു​തലേ ഉപയോ​ഗി​ക്കുന്ന ഒരു തന്ത്ര​ത്തെ​ക്കു​റിച്ച്‌ നമ്മൾ അറിഞ്ഞി​രി​ക്കണം. ശരി​യേത്‌ തെറ്റേത്‌ എന്നു തിരി​ച്ച​റി​യാൻ കഴിയാ​ത്ത​വി​ധം ആളുകളെ ആശയക്കു​ഴ​പ്പ​ത്തി​ലാ​ക്കുക എന്നതാണ്‌ അത്‌. (യശ. 5:20; 2 കൊരി. 4:4) ഇന്നും സാത്താന്റെ ലോകം അതേ തന്ത്രം ഉപയോ​ഗിച്ച്‌ നമ്മളെ വഞ്ചിക്കാൻ ശ്രമി​ക്കു​ന്നു. (2 പത്രോ. 2:19) യഹോവ അശുദ്ധ​മെ​ന്നും അധാർമി​ക​മെ​ന്നും പറയുന്ന കാര്യ​ങ്ങ​ളിൽ യാതൊ​രു തെറ്റും ഇല്ലെന്നു നമ്മളെ വിശ്വ​സി​പ്പി​ക്കാൻ ഇന്നത്തെ ലോകം ശ്രമി​ക്കു​ക​യാണ്‌. അതു​കൊ​ണ്ടാണ്‌ ഇന്നത്തെ സിനി​മ​ക​ളും ടിവി പരിപാ​ടി​ക​ളും വെബ്‌​സൈ​റ്റു​ക​ളും യഹോ​വ​യു​ടെ നീതി​യുള്ള നിലവാ​ര​ങ്ങൾക്ക്‌ എതിരായ ആശയങ്ങൾ പ്രചരി​പ്പി​ക്കു​ന്നത്‌. അതെ, ശരിക്കും സാത്താൻ നമ്മളെ വഞ്ചിക്കാൻ ശ്രമി​ക്കു​ക​യാണ്‌. അശുദ്ധ​മായ പ്രവൃ​ത്തി​ക​ളും ജീവി​ത​രീ​തി​ക​ളും ഒരു തെറ്റ​ല്ലെ​ന്നും അവകൊണ്ട്‌ ഒരു ദോഷ​വും വരി​ല്ലെ​ന്നും അവ രസകര​മാ​ണെ​ന്നും നമ്മളെ വിശ്വ​സി​പ്പി​ക്കാ​നാണ്‌ സാത്താൻ നോക്കു​ന്നത്‌.—എഫെസ്യർ 5:6 വായി​ക്കുക.

11. എഫെസ്യർ 5:7-ലെ ബുദ്ധി​യു​പ​ദേശം അനുസ​രി​ക്കു​ന്നത്‌ എത്ര പ്രധാ​ന​മാ​ണെന്ന്‌ ആഞ്ചലയു​ടെ അനുഭവം കാണി​ക്കു​ന്നത്‌ എങ്ങനെ? (ചിത്ര​വും കാണുക.)

¹¹ നമ്മുടെ സഹവാ​സ​വും നമ്മൾ ശ്രദ്ധി​ക്കണം. ചില ആളുക​ളു​മാ​യി സഹവസിച്ച്‌ കഴിഞ്ഞാൽ യഹോ​വ​യു​ടെ നിലവാ​രങ്ങൾ അനുസ​രി​ക്കു​ന്നതു കൂടുതൽ ബുദ്ധി​മു​ട്ടാ​കും. അങ്ങനെ​യു​ള്ള​വ​രു​മാ​യി നമ്മൾ സമയം ചെലവ​ഴി​ക്കണം എന്നാണ്‌ സാത്താൻ ആഗ്രഹി​ക്കു​ന്നത്‌. “നിങ്ങൾ അവരു​ടെ​കൂ​ടെ കൂടരുത്‌,” അതായത്‌ ദൈവ​ത്തി​ന്റെ കണ്ണിൽ തെറ്റായ കാര്യങ്ങൾ ചെയ്യു​ന്ന​വ​രു​മാ​യി കൂടരുത്‌ എന്നാണ്‌ പൗലോസ്‌ എഫെ​സൊ​സി​ലു​ള്ള​വ​രോ​ടു പറഞ്ഞത്‌. (എഫെ. 5:7) ഈ കാര്യ​ത്തിൽ എഫെ​സൊ​സി​ലു​ള്ളവർ ശ്രദ്ധി​ച്ച​തി​നെ​ക്കാൾ കൂടുതൽ നമ്മൾ ശ്രദ്ധി​ക്കണം. കാരണം, അവർക്കി​ല്ലാത്ത ഒരു അപകടം നമുക്കുണ്ട്‌. ഇക്കാലത്ത്‌, നേരിട്ട്‌ മാത്രമല്ല സോഷ്യൽമീ​ഡി​യ​യി​ലൂ​ടെ​യും  മോശ​മായ സുഹൃ​ത്തു​ക്കൾ നമ്മുടെ അടുത്ത്‌ വന്നേക്കാം. ഇത്‌ എത്ര അപകട​ക​ര​മാ​ണെന്ന്‌ ഏഷ്യയിൽ താമസി​ക്കുന്ന ആഞ്ചല a തിരി​ച്ച​റി​ഞ്ഞു. സഹോ​ദരി പറയുന്നു: “നമ്മൾപോ​ലും അറിയാ​തെ നമ്മുടെ ചിന്താ​രീ​തി​യെ മാറ്റുന്ന ഒരു കെണി​പോ​ലെ​യാണ്‌ ഇത്‌. എന്റെ കാര്യ​ത്തിൽ, ബൈബിൾത​ത്ത്വ​ങ്ങളെ ആദരി​ക്കാ​ത്ത​വ​രെ​യൊ​ക്കെ കൂട്ടു​കാ​രാ​ക്കു​ന്നത്‌ പതു​ക്കെ​പ്പ​തു​ക്കെ എനിക്ക്‌ ഒരു പ്രശ്‌ന​മ​ല്ലാ​താ​യി. അങ്ങനെ കുറച്ച്‌ കഴിഞ്ഞ്‌ യഹോ​വ​യ്‌ക്ക്‌ ഇഷ്ടമി​ല്ലാത്ത തരത്തിൽ ജീവി​ക്കു​ന്ന​തു​പോ​ലും തെറ്റല്ല എന്ന്‌ എനിക്കു തോന്നി​ത്തു​ടങ്ങി.” എന്തായാ​ലും, വേണ്ട മാറ്റങ്ങൾ വരുത്താൻ സ്‌നേ​ഹ​മുള്ള മൂപ്പന്മാർ ആഞ്ചലയെ സഹായി​ച്ചു. സഹോ​ദരി പറയുന്നു: “സോഷ്യൽ മീഡി​യ​യിൽ നോക്കി സമയം കളയു​ന്ന​തി​നു പകരം ഞാൻ ഇപ്പോൾ എന്റെ മനസ്സ്‌ ആത്മീയ​കാ​ര്യ​ങ്ങൾകൊണ്ട്‌ നിറയ്‌ക്കാൻ ശ്രമി​ക്കു​ക​യാണ്‌.”

12. ശരിയും തെറ്റും സംബന്ധിച്ച്‌ യഹോ​വ​യു​ടെ നിലവാ​ര​ങ്ങ​ളോ​ടു പറ്റിനിൽക്കാൻ എന്തു നമ്മളെ സഹായി​ക്കും?

¹² അധാർമി​ക​പ്ര​വൃ​ത്തി​ക​ളൊ​ന്നും ഒരു തെറ്റല്ല എന്ന ലോക​ത്തി​ന്റെ ചിന്തയ്‌ക്ക്‌ എതിരെ നമ്മൾ പോരാ​ടണം. കാരണം, ആ ചിന്ത തെറ്റാ​ണെന്നു നമുക്ക്‌ അറിയാം. (എഫെ. 4:19, 20) നമ്മളോ​ടു​തന്നെ ഇങ്ങനെ ചോദി​ക്കു​ന്നതു നല്ലതാണ്‌: ‘യഹോ​വ​യു​ടെ നിലവാ​ര​ങ്ങളെ ആദരി​ക്കാത്ത സഹജോ​ലി​ക്കാ​രു​മാ​യും സഹപാ​ഠി​ക​ളു​മാ​യും മറ്റുള്ള​വ​രു​മാ​യും അതിരു​ക​വിഞ്ഞ സഹവാ​സ​ത്തി​നു പോകാ​തി​രി​ക്കാൻ ഞാൻ ശ്രദ്ധി​ക്കാ​റു​ണ്ടോ? മറ്റുള്ളവർ എന്നെ കടും​പി​ടു​ത്ത​ക്കാ​രൻ എന്ന്‌ വിളി​ച്ചാൽപ്പോ​ലും ധൈര്യ​ത്തോ​ടെ യഹോ​വ​യു​ടെ നിലവാ​രങ്ങൾ അനുസ​രി​ക്കാൻ ഞാൻ തയ്യാറാ​കു​മോ?’ ഇനി, 2 തിമൊ​ഥെ​യൊസ്‌ 2:20-22 പറയു​ന്ന​തു​പോ​ലെ, ക്രിസ്‌തീ​യ​സ​ഭ​യിൽനിന്ന്‌ അടുത്ത സുഹൃ​ത്തു​ക്കളെ തിര​ഞ്ഞെ​ടു​ക്കു​മ്പോ​ഴും നമ്മൾ ശ്രദ്ധി​ക്കണം. കാരണം, സഭയി​ലു​ള്ള​വ​രാ​ണെ​ങ്കി​ലും ചിലർ, യഹോ​വയെ വിശ്വ​സ്‌ത​മാ​യി സേവി​ക്കാൻ നമ്മളെ സഹായി​ക്ക​ണ​മെ​ന്നില്ല.

“വെളി​ച്ച​ത്തി​ന്റെ മക്കളായി” നടക്കുക

13. “വെളി​ച്ച​ത്തി​ന്റെ മക്കളായി നടക്കുക” എന്നാൽ എന്താണ്‌ അർഥം? (എഫെസ്യർ 5:7-9)

¹³ എഫെ​സൊ​സി​ലെ ക്രിസ്‌ത്യാ​നി​കളെ, ഇരുട്ട്‌ ഒഴിവാ​ക്കാൻ മാത്രമല്ല ‘വെളി​ച്ച​ത്തി​ന്റെ മക്കളായി നടക്കാ​നും’ പൗലോസ്‌ പ്രോ​ത്സാ​ഹി​പ്പി​ച്ചു. (എഫെസ്യർ 5:7-9 വായി​ക്കുക.) എന്താണ്‌ അതിന്റെ അർഥം? ലളിത​മാ​യി പറഞ്ഞാൽ എല്ലായ്‌പ്പോ​ഴും ക്രിസ്‌ത്യാ​നി​ക​ളാ​യി ജീവി​ക്കുക. അതിനു നമ്മളെ സഹായി​ക്കുന്ന ഒരു കാര്യം ഉത്സാഹ​ത്തോ​ടെ ബൈബി​ളും പ്രസി​ദ്ധീ​ക​ര​ണ​ങ്ങ​ളും വായി​ക്കു​ന്ന​തും പഠിക്കു​ന്ന​തും ആണ്‌. ഇനി, ‘ലോക​ത്തി​ന്റെ വെളി​ച്ച​മായ’ യേശു​ക്രി​സ്‌തു​വി​ന്റെ മാതൃ​ക​യ്‌ക്കും പഠിപ്പി​ക്ക​ലി​നും അടുത്ത ശ്രദ്ധ കൊടു​ക്കു​ന്ന​തും വളരെ പ്രധാ​ന​മാണ്‌.—യോഹ. 8:12; സുഭാ. 6:23.

14. പരിശു​ദ്ധാ​ത്മാ​വി​നു നമ്മളെ എങ്ങനെ​യെ​ല്ലാം സഹായി​ക്കാ​നാ​കും?

 ¹⁴ ‘വെളി​ച്ച​ത്തി​ന്റെ മക്കളായി നടക്കാൻ’ നമുക്കു പരിശു​ദ്ധാ​ത്മാ​വി​ന്റെ സഹായ​വും കൂടിയേ തീരൂ. കാരണം, ഈ അധാർമി​ക​ലോ​ക​ത്തിൽ ശുദ്ധരാ​യി തുടരാൻ ഒട്ടും എളുപ്പമല്ല. (1 തെസ്സ. 4:3-5, 7, 8) ദൈവ​ത്തി​ന്റെ ചിന്തക​ളു​മാ​യി ചേരാത്ത ഈ ലോക​ത്തി​ന്റെ കാഴ്‌ച​പ്പാ​ടു​കൾക്കും ആശയങ്ങൾക്കും എതിരെ പോരാ​ടാൻ പരിശു​ദ്ധാ​ത്മാ​വി​നു നമ്മളെ സഹായി​ക്കാ​നാ​കും. കൂടാതെ “എല്ലാ തരം നന്മയും നീതി​യും” വളർത്തി​യെ​ടു​ക്കാ​നും ദൈവാ​ത്മാവ്‌ സഹായി​ക്കും.—എഫെ. 5:9.

15. പരിശു​ദ്ധാ​ത്മാവ്‌ ലഭിക്കാൻ നമുക്ക്‌ എന്തൊക്കെ ചെയ്യാം? (എഫെസ്യർ 5:19, 20)

¹⁵ പരിശു​ദ്ധാ​ത്മാവ്‌ ലഭിക്കാൻ നമ്മൾ ചെയ്യേണ്ട ഒരു കാര്യം അതിനു​വേണ്ടി പ്രാർഥി​ക്കുക എന്നതാണ്‌. യഹോവ ‘തന്നോടു ചോദി​ക്കു​ന്ന​വർക്കു പരിശു​ദ്ധാ​ത്മാ​വി​നെ കൊടു​ക്കും’ എന്ന്‌ യേശു പറഞ്ഞു. (ലൂക്കോ. 11:13) ക്രിസ്‌തീ​യ​യോ​ഗ​ങ്ങ​ളിൽ നമ്മൾ ഒരുമിച്ച്‌ യഹോ​വയെ സ്‌തു​തി​ക്കു​മ്പോ​ഴും നമുക്കു പരിശു​ദ്ധാ​ത്മാവ്‌ ലഭിക്കും. (എഫെസ്യർ 5:19, 20 വായി​ക്കുക.) പരിശു​ദ്ധാ​ത്മാ​വി​ന്റെ ആ സ്വാധീ​നം നമ്മു​ടെ​മേൽ ഉണ്ടെങ്കിൽ, ദൈവ​ത്തി​ന്റെ ഇഷ്ടത്തിനു ചേർച്ച​യിൽ ജീവി​ക്കാൻ അത്‌ നമ്മളെ സഹായി​ക്കും.

16. നല്ല തീരു​മാ​ന​ങ്ങ​ളെ​ടു​ക്കാൻ നമ്മളെ എന്തു സഹായി​ക്കും? (എഫെസ്യർ 5:10, 17)

¹⁶ ജീവി​ത​ത്തിൽ പ്രധാ​ന​പ്പെട്ട തീരു​മാ​ന​ങ്ങ​ളെ​ടു​ക്കേണ്ടി വരു​മ്പോൾ നമ്മൾ “യഹോ​വ​യു​ടെ ഇഷ്ടം എന്താ​ണെന്ന്‌” മനസ്സി​ലാ​ക്കി അതിനു ചേർച്ച​യിൽ പ്രവർത്തി​ക്കണം. (എഫെസ്യർ 5:10, 17 വായി​ക്കുക.) നമ്മുടെ സാഹച​ര്യ​ത്തോ​ടു ബന്ധപ്പെട്ട ബൈബിൾത​ത്ത്വ​ങ്ങൾ കണ്ടുപി​ടി​ക്കു​മ്പോൾ, ശരിക്കും ആ കാര്യ​ത്തെ​ക്കു​റിച്ച്‌ യഹോവ എന്താണ്‌ ചിന്തി​ക്കു​ന്ന​തെന്നു മനസ്സി​ലാ​ക്കാൻ നമ്മൾ ശ്രമി​ക്കു​ക​യാണ്‌. എന്നിട്ട്‌ ആ തത്ത്വങ്ങൾ ബാധക​മാ​ക്കു​ന്നെ​ങ്കിൽ നല്ല തീരു​മാ​ന​ങ്ങ​ളെ​ടു​ക്കാൻ നമുക്കു കഴിയും.

17. സമയം ബുദ്ധി​യോ​ടെ ഉപയോ​ഗി​ക്കു​ന്ന​തിൽ എന്താണ്‌ ഉൾപ്പെ​ടു​ന്നത്‌? (എഫെസ്യർ 5:15, 16) (ചിത്ര​വും കാണുക.)

¹⁷ സമയം ബുദ്ധി​പൂർവം ഉപയോ​ഗി​ക്കാ​നും എഫെ​സൊ​സി​ലെ ക്രിസ്‌ത്യാ​നി​കളെ പൗലോസ്‌ ഉപദേ​ശി​ച്ചു. (എഫെസ്യർ 5:15, 16 വായി​ക്കുക.) ‘ദുഷ്ടനായ’ സാത്താൻ ആഗ്രഹി​ക്കു​ന്നത്‌, നമ്മൾ ഈ ലോക​ത്തി​ലെ കാര്യ​ങ്ങൾക്കു പിന്നാലെ പോയി പരമാ​വധി സമയം കളയാ​നാണ്‌. അങ്ങനെ​യാ​കു​മ്പോൾ ദൈവ​സേ​വ​ന​ത്തി​നു നമുക്ക്‌ ഒട്ടും സമയം കിട്ടി​ല്ല​ല്ലോ. (1 യോഹ. 5:19) യഹോ​വയെ സേവി​ക്കാ​നുള്ള കൂടുതൽ അവസര​ങ്ങ​ളി​ലേക്കു നോക്കു​ന്ന​തി​നു പകരം ഒരു ക്രിസ്‌ത്യാ​നി​യു​ടെ ശ്രദ്ധ വസ്‌തു​വ​കകൾ, വിദ്യാ​ഭ്യാ​സം,  ജോലി പോലുള്ള കാര്യ​ങ്ങ​ളി​ലേക്കു വളരെ എളുപ്പം മാറി​പ്പോ​യേ​ക്കാം. അങ്ങനെ സംഭവി​ച്ചാൽ, ലോക​ത്തി​ന്റെ ചിന്ത അദ്ദേഹത്തെ സ്വാധീ​നി​ച്ചു​തു​ടങ്ങി എന്നതിന്റെ സൂചന​യാ​യി​രി​ക്കും അത്‌. ശരിയാണ്‌, ഈ കാര്യ​ങ്ങ​ളൊ​ന്നും ഒരു തെറ്റല്ല. പക്ഷേ, അവയൊ​ന്നും നമ്മുടെ ജീവി​ത​ത്തിൽ ഒന്നാമതു വരാൻ അനുവ​ദി​ക്ക​രുത്‌. ‘വെളി​ച്ച​ത്തി​ന്റെ മക്കളായി നടക്കാൻ’ പ്രധാ​ന​പ്പെട്ട കാര്യ​ങ്ങ​ളിൽത്തന്നെ ശ്രദ്ധി​ച്ചു​കൊണ്ട്‌, ‘നമ്മൾ സമയം ഏറ്റവും നന്നായി ഉപയോ​ഗി​ക്കണം.’

18. സമയം നന്നായി ഉപയോ​ഗി​ക്കാൻ ഡൊണാൾഡ്‌ എന്തൊ​ക്കെ​യാ​ണു ചെയ്‌തത്‌?

¹⁸ യഹോ​വ​യു​ടെ സേവന​ത്തിൽ കൂടുതൽ ചെയ്യാ​നുള്ള അവസര​ങ്ങൾക്കാ​യി നമ്മൾ നോക്കി​ക്കൊ​ണ്ടി​രി​ക്കണം. സൗത്ത്‌ ആഫ്രി​ക്ക​യി​ലുള്ള ഡൊണാൾഡ്‌ സഹോ​ദരൻ അതാണ്‌ ചെയ്‌തത്‌. അദ്ദേഹം പറയുന്നു: “ഞാൻ എന്റെ സാഹച​ര്യം ശരി​ക്കൊ​ന്നു വിലയി​രു​ത്തി. എന്നിട്ട്‌, ശുശ്രൂഷ കൂടുതൽ നന്നായി ചെയ്യാ​നുള്ള സഹായ​ത്തി​നാ​യി യഹോ​വ​യോട്‌ അപേക്ഷി​ച്ചു. പ്രസം​ഗ​പ്ര​വർത്ത​ന​ത്തി​നു കുറച്ചു​കൂ​ടി സമയം കിട്ടുന്ന ഒരു ജോലി കണ്ടുപി​ടി​ക്കാ​നും ഞാൻ പ്രാർഥി​ച്ചു. യഹോ​വ​യു​ടെ സഹായ​ത്താൽ എനിക്കു പറ്റിയ ഒരു ജോലി കിട്ടി. അങ്ങനെ ഞാനും എന്റെ ഭാര്യ​യും ഒരുമിച്ച്‌ മുഴു​സ​മ​യ​സേ​വ​ന​ത്തി​ലേക്കു കടന്നു.”

19. നമുക്ക്‌ എങ്ങനെ തുടർന്നും ‘വെളി​ച്ച​ത്തി​ന്റെ മക്കളായി നടക്കാം?’

¹⁹ പൗലോസ്‌ എഫെ​സൊ​സി​ലു​ള്ള​വർക്ക്‌ അയച്ച കത്ത്‌ ക്രിസ്‌തീ​യ​പാ​ത​യി​ലൂ​ടെ​ത്തന്നെ നടക്കാൻ അവരെ തീർച്ച​യാ​യും സഹായി​ച്ചി​ട്ടു​ണ്ടാ​കും. യഹോ​വ​യിൽനി​ന്നുള്ള ആ ഉപദേ​ശങ്ങൾ നമുക്കും പ്രയോ​ജനം ചെയ്യു​ന്ന​വ​യാണ്‌. നേരത്തേ കണ്ടതു​പോ​ലെ വിനോ​ദ​ത്തി​ന്റെ​യും കൂട്ടു​കെ​ട്ടി​ന്റെ​യും കാര്യ​ത്തിൽ ശരിയായ തിര​ഞ്ഞെ​ടു​പ്പു​കൾ നടത്താൻ അതു നമ്മളെ സഹായി​ക്കും. ചിട്ട​യോ​ടെ​യും ക്രമമാ​യും ബൈബിൾ പഠിച്ചു​കൊണ്ട്‌ സത്യത്തി​ന്റെ വെളി​ച്ച​ത്തിൽത്തന്നെ മുന്നോ​ട്ടു​ന​ട​ക്കാൻ അതു നമ്മളെ പ്രചോ​ദി​പ്പി​ക്കും. പരിശു​ദ്ധാ​ത്മാ​വി​നു നമ്മളിൽ നല്ല ഗുണങ്ങൾ വളർത്താൻ കഴിയു​മെ​ന്നും അത്‌ എത്ര​ത്തോ​ളം പ്രധാ​ന​മാ​ണെ​ന്നും നമ്മൾ കണ്ടു. പൗലോ​സി​ന്റെ കത്തിലെ വാക്കുകൾ അനുസ​രി​ക്കു​ന്നത്‌ യഹോ​വ​യു​ടെ ചിന്തകൾക്കു ചേർച്ച​യി​ലുള്ള തീരു​മാ​ന​ങ്ങ​ളെ​ടു​ക്കാൻ നമ്മളെ സഹായി​ക്കും. ഈ ഉപദേ​ശ​ങ്ങ​ളെ​ല്ലാം ലോക​ത്തി​ന്റെ ഇരുട്ടിൽനിന്ന്‌ അകന്നു​നിൽക്കാ​നും വെളി​ച്ച​ത്തിൽത്തന്നെ തുടരാ​നും നമ്മളെ സഹായി​ക്കട്ടെ!