1-2. സ്‌നാ​ന​മേൽക്കു​ന്ന​തി​നു മുമ്പ്‌ ഒരു വ്യക്തി എന്തു ചെയ്യേ​ണ്ട​തുണ്ട്‌?

 കഴിഞ്ഞ അഞ്ചു വർഷത്തി​നു​ള്ളിൽ പത്തു ലക്ഷത്തി​ല​ധി​കം ആളുക​ളാണ്‌ യഹോ​വ​യു​ടെ സാക്ഷി​ക​ളാ​യി സ്‌നാ​ന​മേ​റ്റത്‌. അവരിൽ പലരും ഒന്നാം നൂറ്റാ​ണ്ടി​ലെ ശിഷ്യ​നായ തിമൊ​ഥെ​യൊ​സി​നെ​പ്പോ​ലെ “ശൈശ​വം​മു​തലേ” സത്യം പഠിച്ച​വ​രാണ്‌. (2 തിമൊ. 3:14, 15) എന്നാൽ, ചിലർ മുതിർന്ന​ശേ​ഷ​മാണ്‌ യഹോ​വ​യെ​ക്കു​റിച്ച്‌ പഠിച്ചത്‌. മറ്റു ചിലരാ​കട്ടെ പ്രായ​മാ​യ​ശേ​ഷ​വും. അടുത്തി​ടെ ഒരു സ്‌ത്രീ സ്‌നാ​ന​മേ​റ്റത്‌ എത്രാ​മത്തെ വയസ്സി​ലാ​ണെ​ന്നോ? 97-ാമത്തെ വയസ്സിൽ!

² നിങ്ങൾ ഒരു ബൈബിൾ വിദ്യാർഥി​യാ​ണോ, അല്ലെങ്കിൽ സാക്ഷി​ക​ളു​ടെ കുടും​ബ​ത്തിൽ വളർന്നു​വ​രുന്ന ഒരാളാ​ണോ? എന്തുത​ന്നെ​യാ​യാ​ലും സ്‌നാ​ന​പ്പെ​ടു​ന്ന​തി​നെ​ക്കു​റിച്ച്‌ നിങ്ങൾ ചിന്തി​ക്കു​ന്നു​ണ്ടെ​ങ്കിൽ, അത്‌ വളരെ നല്ലൊരു ലക്ഷ്യമാണ്‌. എന്നാൽ സ്‌നാ​ന​പ്പെ​ടു​ന്ന​തി​നു മുമ്പ്‌ യഹോ​വ​യ്‌ക്കു നിങ്ങ​ളെ​ത്തന്നെ സമർപ്പി​ക്കേ​ണ്ട​തുണ്ട്‌. സമർപ്പ​ണ​ത്തിൽ എന്താണ്‌ ഉൾപ്പെ​ട്ടി​രി​ക്കു​ന്ന​തെന്ന്‌ ഈ ലേഖനം വിശദീ​ക​രി​ക്കും. കൂടാതെ, വേണ്ട പുരോ​ഗതി വരുത്തി​ക്ക​ഴി​ഞ്ഞും സമർപ്പിച്ച്‌ സ്‌നാ​ന​മേൽക്കാൻ മടിച്ചു​നിൽക്ക​രു​താ​ത്തത്‌ എന്തു​കൊ​ണ്ടാ​ണെ​ന്നും നമ്മൾ പഠിക്കും.

എന്താണു സമർപ്പണം?

3. ബൈബിൾക്കാ​ല​ങ്ങ​ളിൽ യഹോ​വ​യ്‌ക്കു തങ്ങളെ​ത്തന്നെ സമർപ്പിച്ച ചിലരു​ടെ ഉദാഹ​ര​ണങ്ങൾ പറയുക.

³ ബൈബി​ളിൽ സമർപ്പണം എന്നതു​കൊണ്ട്‌ ഉദ്ദേശി​ക്കു​ന്നത്‌ എന്തെങ്കി​ലും ഒരു പ്രത്യേ​ക​കാ​ര്യ​ത്തി​നാ​യി വേർതി​രി​ക്കു​ന്ന​തി​നെ​യാണ്‌. ഒരു ജനതയെന്ന നിലയിൽ യഹോ​വ​യ്‌ക്കു സമർപ്പി​ക്ക​പ്പെ​ട്ട​വ​രാ​യി​രു​ന്നു ഇസ്രാ​യേ​ല്യർ. എന്നാൽ ആ ജനതയിൽത്ത​ന്നെ​യുള്ള ചില വ്യക്തികൾ യഹോ​വ​യ്‌ക്കു​വേണ്ടി ഒരു പ്രത്യേ​ക​വി​ധ​ത്തിൽ സമർപ്പി​ച്ച​വ​രാ​യി​രു​ന്നു. ഉദാഹ​ര​ണ​ത്തിന്‌, അഹരോന്‌ തന്റെ തലപ്പാ​വി​ന്റെ മുൻഭാ​ഗ​ത്താ​യി “സമർപ്പ​ണ​ത്തി​ന്റെ വിശു​ദ്ധ​ചി​ഹ്ന​മായ” തിളങ്ങുന്ന സ്വർണ​ത്ത​കിട്‌ ഉണ്ടായി​രു​ന്നു. ആ സ്വർണ​ത്ത​കിട്‌ യഹോ​വയെ ഒരു പ്രത്യേ​ക​വി​ധ​ത്തിൽ സേവി​ക്കാൻ, അതായത്‌ ഇസ്രാ​യേ​ലി​ന്റെ മഹാപു​രോ​ഹി​ത​നാ​യി സേവി​ക്കാൻ, അദ്ദേഹത്തെ തിര​ഞ്ഞെ​ടു​ത്തി​രി​ക്കു​ന്നു എന്ന്‌ സൂചി​പ്പി​ച്ചു. (ലേവ്യ 8:9) ഇനി, നാസീർവ്ര​ത​ക്കാ​രും യഹോ​വയെ ഒരു പ്രത്യേ​ക​വി​ധ​ത്തിൽ സേവി​ക്കാൻ  സമർപ്പി​ച്ച​വ​രാ​യി​രു​ന്നു. “നാസീർവ്ര​തസ്ഥൻ” എന്ന വാക്കു വന്നിരി​ക്കു​ന്നത്‌, നാസിർ എന്ന എബ്രാ​യ​പ​ദ​ത്തിൽനി​ന്നാണ്‌. “വേർതി​രി​ക്ക​പ്പെ​ട്ടവൻ,” “സമർപ്പി​തൻ” എന്നൊ​ക്കെ​യാണ്‌ ആ വാക്കിന്റെ അർഥം. മോശ​യു​ടെ നിയമ​ത്തിൽ അവർക്കു​വേണ്ടി പ്രത്യേ​കം കൊടു​ത്തി​രുന്ന കല്പനകൾ അവർ അനുസ​രി​ക്ക​ണ​മാ​യി​രു​ന്നു.—സംഖ്യ 6:2-8.

4. (എ) ജീവിതം യഹോ​വ​യ്‌ക്കു സമർപ്പി​ക്കു​മ്പോൾ ഏതു കാര്യം നിങ്ങൾക്ക്‌ ഏറ്റവും പ്രധാ​ന​പ്പെ​ട്ട​താ​യി​ത്തീ​രും? (ബി) നിങ്ങ​ളെ​ത്തന്നെ ‘ത്യജി​ക്കുക’ എന്നതിന്റെ അർഥം എന്താണ്‌? (ചിത്ര​വും കാണുക.)

⁴ നിങ്ങ​ളെ​ത്തന്നെ യഹോ​വ​യ്‌ക്കു സമർപ്പി​ക്കു​മ്പോൾ യേശു​വി​ന്റെ ഒരു ശിഷ്യ​നാ​കാൻ നിങ്ങൾ തീരു​മാ​നി​ക്കു​ക​യാണ്‌. അതോ​ടൊ​പ്പം ദൈവ​ത്തി​ന്റെ ഇഷ്ടം ചെയ്യുക എന്നതു നിങ്ങൾ ജീവി​ത​ത്തി​ലെ ഏറ്റവും പ്രധാ​ന​പ്പെട്ട കാര്യ​മാ​ക്കു​ക​യും ചെയ്യുന്നു. അതിൽ എന്താണ്‌ ഉൾപ്പെ​ടു​ന്നത്‌? യേശു പറഞ്ഞു: “എന്റെ അനുഗാ​മി​യാ​കാൻ ആഗ്രഹി​ക്കു​ന്നവൻ സ്വയം ത്യജിച്ച്‌ തന്റെ ദണ്ഡനസ്‌തം​ഭം എടുത്ത്‌ എന്നെ അനുഗ​മി​ക്കട്ടെ.” (മത്താ. 16:24) “സ്വയം ത്യജിച്ച്‌” എന്നതി​നുള്ള ഗ്രീക്കു പദത്തെ “തന്നോ​ടു​തന്നെ ഇല്ല എന്നു പറയണം” എന്നും പരിഭാ​ഷ​പ്പെ​ടു​ത്താ​നാ​കും. അതായത്‌, യഹോ​വ​യ്‌ക്കു സമർപ്പിച്ച്‌ കഴിഞ്ഞാൽ പിന്നെ നിങ്ങൾ യഹോ​വ​യ്‌ക്ക്‌ ഇഷ്ടമി​ല്ലാത്ത ഒരു കാര്യ​ത്തോട്‌ ‘ഇല്ല’ എന്നു പറയണം. (2 കൊരി. 5:14, 15) ലൈം​ഗിക അധാർമി​കത പോ​ലെ​യുള്ള ‘ജഡത്തിന്റെ പ്രവൃ​ത്തി​ക​ളോട്‌’ ഇല്ല എന്നു പറയു​ന്നത്‌ അതിൽ ഉൾപ്പെ​ടു​ന്നു. (ഗലാ. 5:19-21; 1 കൊരി. 6:18) ഇതു​പോ​ലെ​യുള്ള നിയ​ന്ത്ര​ണങ്ങൾ നിങ്ങളു​ടെ ജീവിതം ബുദ്ധി​മു​ട്ടാ​ക്കു​മോ? യഹോ​വയെ സ്‌നേ​ഹി​ക്കു​ക​യും ദൈവ​ത്തി​ന്റെ നിയമങ്ങൾ നിങ്ങളു​ടെ നന്മയ്‌ക്കു​വേ​ണ്ടി​യാ​ണെന്ന്‌ ഉറപ്പു​ണ്ടാ​യി​രി​ക്കു​ക​യും ചെയ്യു​ന്നെ​ങ്കിൽ നിങ്ങൾക്ക്‌ അങ്ങനെ തോന്നില്ല. (സങ്കീ. 119:97; യശ. 48:17, 18) നിക്കോ​ളാസ്‌ സഹോ​ദരൻ അതെക്കു​റിച്ച്‌ പറഞ്ഞത്‌ ഇങ്ങനെ​യാണ്‌: “യഹോ​വ​യു​ടെ നിലവാ​ര​ങ്ങളെ നിങ്ങൾക്കു രണ്ടു രീതി​യിൽ കാണാ​നാ​കും; ഒന്നുകിൽ ഇഷ്ടമുള്ള കാര്യങ്ങൾ ചെയ്യു​ന്ന​തിൽനിന്ന്‌ നിങ്ങളെ തടയുന്ന ജയില​ഴി​കൾപോ​ലെ, അല്ലെങ്കിൽ ഒരു സിംഹ​ത്തി​ന്റെ ആക്രമ​ണ​ത്തിൽനിന്ന്‌ നിങ്ങളെ രക്ഷിക്കാൻ വെച്ചി​രി​ക്കുന്ന ഇരുമ്പ​ഴി​കൾപോ​ലെ.”

5. (എ) നിങ്ങൾ എങ്ങനെ​യാ​ണു നിങ്ങ​ളെ​ത്തന്നെ യഹോ​വ​യ്‌ക്കു സമർപ്പി​ക്കു​ന്നത്‌? (ബി) സമർപ്പ​ണ​വും സ്‌നാ​ന​വും തമ്മിലുള്ള വ്യത്യാ​സം എന്താണ്‌? (ചിത്ര​വും കാണുക.)

⁵ നിങ്ങൾ എങ്ങനെ​യാ​ണു നിങ്ങ​ളെ​ത്തന്നെ യഹോ​വ​യ്‌ക്കു  സമർപ്പി​ക്കു​ന്നത്‌? യഹോ​വയെ മാത്രമേ ആരാധി​ക്കൂ എന്നും യഹോ​വ​യു​ടെ ഇഷ്ടത്തിന്‌ ജീവി​ത​ത്തിൽ ഒന്നാം സ്ഥാനം നൽകു​മെ​ന്നും പ്രാർഥ​ന​യി​ലൂ​ടെ യഹോ​വ​യ്‌ക്കു വാക്കു കൊടു​ത്തു​കൊണ്ട്‌. അതിലൂ​ടെ ‘മുഴു​ഹൃ​ദ​യ​ത്തോ​ടും മുഴു​ദേ​ഹി​യോ​ടും മുഴു​മ​ന​സ്സോ​ടും മുഴു​ശ​ക്തി​യോ​ടും കൂടെ’ യഹോ​വയെ സ്‌നേ​ഹി​ക്കു​മെ​ന്നാണ്‌ നിങ്ങൾ പറയു​ന്നത്‌. (മർക്കോ. 12:30) നിങ്ങൾക്കും യഹോ​വ​യ്‌ക്കും ഇടയി​ലുള്ള സ്വകാ​ര്യ​മായ ഒരു കാര്യ​മാണ്‌ സമർപ്പണം. എന്നാൽ, സ്‌നാനം പരസ്യ​മാ​യി ചെയ്യു​ന്ന​താണ്‌. നിങ്ങൾ സമർപ്പി​ച്ചെന്നു മറ്റുള്ള​വർക്ക്‌ അതിലൂ​ടെ വ്യക്തമാ​കും. സമർപ്പണം പാവന​മായ ഒരു നേർച്ച​യാണ്‌. അതിനു ചേർച്ച​യിൽ ജീവി​ക്കുക എന്നതാ​യി​രി​ക്കണം നിങ്ങളു​ടെ ലക്ഷ്യം. യഹോ​വ​യും നിങ്ങളിൽനിന്ന്‌ അതു പ്രതീ​ക്ഷി​ക്കു​ന്നുണ്ട്‌.—സഭാ. 5:4, 5.

സമർപ്പി​ക്കേ​ണ്ടത്‌ എന്തു​കൊ​ണ്ടാണ്‌?

6. യഹോ​വ​യ്‌ക്കു തന്നെത്തന്നെ സമർപ്പി​ക്കാൻ ഒരാളെ പ്രേരി​പ്പി​ക്കു​ന്നത്‌ എന്താണ്‌?

⁶ നിങ്ങൾ യഹോ​വയെ സ്‌നേ​ഹി​ക്കു​ന്നു എന്നതാണു യഹോ​വ​യ്‌ക്കു സമർപ്പി​ക്കാൻ നിങ്ങളെ പ്രേരി​പ്പി​ക്കുന്ന ഏറ്റവും പ്രധാ​ന​കാ​ര്യം. എന്നാൽ ആ സ്‌നേഹം വെറും വികാരം മാത്രമല്ല. പകരം അതിന്റെ അടിസ്ഥാ​നം “തികഞ്ഞ ജ്ഞാനവും ആത്മീയ​ഗ്രാ​ഹ്യ​വും” ആണ്‌. അതായത്‌ യഹോ​വ​യെ​ക്കു​റിച്ച്‌ നിങ്ങൾ മനസ്സി​ലാ​ക്കിയ കാര്യങ്ങൾ. (കൊലോ. 1:9) തിരു​വെ​ഴു​ത്തു​കൾ പഠിച്ച​തി​ലൂ​ടെ (1) യഹോവ ഒരു യഥാർഥ വ്യക്തി​യാ​ണെ​ന്നും (2) ബൈബിൾ ദൈവ​ത്തി​ന്റെ വചനമാ​ണെ​ന്നും (3) തന്റെ ഇഷ്ടം നടത്താൻ യഹോവ തന്റെ സംഘട​നയെ ഉപയോ​ഗി​ക്കു​ന്നെ​ന്നും നിങ്ങൾക്കു പൂർണ​ബോ​ധ്യ​മാ​യി​ട്ടുണ്ട്‌.

7. ദൈവ​ത്തി​നു സമർപ്പി​ക്കു​ന്ന​തി​നു മുമ്പു​തന്നെ നമ്മൾ എന്തെല്ലാം ചെയ്യു​ന്നു​ണ്ടാ​യി​രി​ക്കും?

⁷ യഹോ​വ​യ്‌ക്കു തങ്ങളെ​ത്തന്നെ സമർപ്പി​ക്കു​ന്നവർ ദൈവ​വ​ച​ന​ത്തി​ന്റെ അടിസ്ഥാ​ന​പ​ഠി​പ്പി​ക്ക​ലു​കൾ അറിയു​ന്ന​വ​രാ​യി​രി​ക്കണം, അതിലെ നിലവാ​ര​ങ്ങൾക്കു ചേർച്ച​യിൽ ജീവി​ക്കു​ന്ന​വ​രാ​യി​രി​ക്കണം. കൂടാതെ അവർ പഠിച്ച കാര്യ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു പറയാൻ കഴിവി​ന്റെ പരമാ​വധി ശ്രമി​ക്കു​ക​യും ചെയ്യും. (മത്താ. 28:19, 20) അവരുടെ ഉള്ളിൽ യഹോ​വ​യോ​ടുള്ള സ്‌നേഹം വളർന്നി​ട്ടുണ്ട്‌. യഹോ​വയെ മാത്രം ആരാധി​ക്കാൻ അവർ ശരിക്കും ആഗ്രഹി​ക്കു​ക​യും  ചെയ്യുന്നു. നിങ്ങൾ അങ്ങനെ​യുള്ള ഒരാളല്ലേ? നിങ്ങളെ പ്രചോ​ദി​പ്പി​ക്കു​ന്നതു സ്‌നേ​ഹ​മാ​ണെ​ങ്കിൽ, ബൈബിൾ പഠിപ്പി​ക്കുന്ന ആളെയോ മാതാ​പി​താ​ക്ക​ളെ​യോ സന്തോ​ഷി​പ്പി​ക്കാൻവേണ്ടി നിങ്ങൾ സമർപ്പി​ക്കു​ക​യും സ്‌നാ​ന​പ്പെ​ടു​ക​യും ചെയ്യില്ല. ഇനി, ‘കൂട്ടു​കാ​രെ​ല്ലാം സ്‌നാ​ന​പ്പെട്ടു, ഞാനും ഉടനെ സ്‌നാ​ന​പ്പെ​ടണം’ എന്നും നിങ്ങൾ ചിന്തി​ക്കില്ല.

8. നന്ദിയു​ള്ള​വ​രാ​യി​രി​ക്കു​ന്നത്‌ സമർപ്പി​ക്കാൻ നമ്മളെ പ്രേരി​പ്പി​ക്കു​ന്നത്‌ എങ്ങനെ? (സങ്കീർത്തനം 116:12-14)

⁸ യഹോവ നിങ്ങൾക്കു​വേണ്ടി ചെയ്‌ത​തി​നെ​ക്കു​റി​ച്ചെ​ല്ലാം ചിന്തി​ക്കു​മ്പോൾ യഹോ​വ​യ്‌ക്കു സമർപ്പി​ക്കാൻ നിങ്ങൾക്കു സ്വാഭാ​വി​ക​മാ​യും തോന്നും. (സങ്കീർത്തനം 116:12-14 വായി​ക്കുക.) “എല്ലാ നല്ല ദാനങ്ങ​ളും തികവുറ്റ സമ്മാന​ങ്ങ​ളും” യഹോവ തരുന്നു​വെന്ന്‌ ബൈബിൾ പറയുന്നു. (യാക്കോ. 1:17) അതിൽ ഏറ്റവും വലിയ സമ്മാനം ദൈവ​ത്തി​ന്റെ മകനായ യേശു​വി​ന്റെ ജീവനാണ്‌. അതിലൂ​ടെ നമുക്ക്‌ എത്ര വലിയ അനു​ഗ്ര​ഹ​ങ്ങ​ളാ​ണു കിട്ടി​യ​തെന്നു ചിന്തി​ച്ചു​നോ​ക്കുക! മോച​ന​വി​ല​യി​ലൂ​ടെ നമുക്ക്‌ യഹോ​വ​യു​മാ​യി ഒരു അടുത്ത​ബ​ന്ധ​ത്തി​ലേക്കു വരാൻ കഴിഞ്ഞു. എന്നേക്കും ജീവി​ക്കാ​നുള്ള പ്രത്യാ​ശ​യും കിട്ടി. (1 യോഹ. 4:9, 10, 19) യഹോവ കാണി​ച്ചി​രി​ക്കുന്ന ഈ വലിയ സ്‌നേ​ഹ​ത്തി​നും നമുക്കു നൽകി​യി​രി​ക്കുന്ന മറ്റ്‌ അനു​ഗ്ര​ഹ​ങ്ങൾക്കും തിരിച്ച്‌ നന്ദി കാണി​ക്കാ​നുള്ള ഏറ്റവും നല്ല വിധമാണ്‌ നമ്മുടെ ജീവിതം യഹോ​വ​യ്‌ക്കു സമർപ്പി​ക്കു​ന്നത്‌. (ആവ. 16:17; 2 കൊരി. 5:15) അതി​നെ​ക്കു​റിച്ച്‌ ജീവിതം ആസ്വദി​ക്കാം പുസ്‌ത​ക​ത്തി​ന്റെ 46-ാം പാഠത്തി​ലെ 4-ാം പോയിന്റ്‌ ചർച്ച ചെയ്യു​ന്നുണ്ട്‌. അതിൽ ദൈവ​ത്തിന്‌ കൊടു​ക്കുന്ന സമ്മാനങ്ങൾ എന്ന മൂന്നു മിനി​ട്ടുള്ള വീഡി​യോ​യും ഉണ്ട്‌.

സമർപ്പി​ക്കാ​നും സ്‌നാ​ന​പ്പെ​ടാ​നും നിങ്ങൾ തയ്യാറാ​യോ?

9. സമർപ്പി​ക്കുന്ന കാര്യ​ത്തിൽ ഒരു വ്യക്തി മറ്റുള്ള​വ​രു​മാ​യി താരത​മ്യം ചെയ്യരു​താ​ത്തത്‌ എന്തു​കൊണ്ട്‌?

⁹ സമർപ്പി​ക്കാ​നും സ്‌നാ​ന​പ്പെ​ടാ​നും ഉള്ള സമയമാ​യി​ട്ടി​ല്ലെന്നു ചില​പ്പോൾ നിങ്ങൾക്കു തോന്നി​യേ​ക്കാം. കാരണം, യഹോ​വ​യു​ടെ നിലവാ​ര​ങ്ങൾക്കു ചേർച്ച​യിൽ ജീവി​ക്കാൻ നിങ്ങൾ ഇനിയും മാറ്റങ്ങൾ വരു​ത്തേ​ണ്ട​തു​ണ്ടാ​കാം, അല്ലെങ്കിൽ വിശ്വാ​സം കുറച്ചു​കൂ​ടി ശക്തമാ​ക്കേ​ണ്ട​തു​ണ്ടാ​കാം. (കൊലോ. 2:6, 7) എല്ലാ ബൈബിൾ വിദ്യാർഥി​ക​ളും പുരോ​ഗതി വരുത്തു​ന്നത്‌ ഒരേ വേഗത്തി​ലാ​യി​രി​ക്കില്ല. ഇനി കുട്ടി​ക​ളു​ടെ കാര്യ​മെ​ടു​ത്താൽ, എല്ലാവ​രും ഒരേ പ്രായ​ത്തിൽ ആയിരി​ക്കില്ല സമർപ്പി​ക്കു​ക​യും സ്‌നാ​ന​പ്പെ​ടു​ക​യും ചെയ്യു​ന്നത്‌. അതു​കൊണ്ട്‌ മറ്റുള്ള​വ​രു​മാ​യി നിങ്ങ​ളെ​ത്തന്നെ താരത​മ്യം ചെയ്യരുത്‌. പകരം, നമ്മുടെ കഴിവി​ന​നു​സ​രിച്ച്‌ നമ്മൾ ആത്മീയ​പു​രോ​ഗതി വരുത്തി​യി​ട്ടു​ണ്ടോ എന്ന്‌ നോക്കുക.—ഗലാ. 6:4, 5.

10. സമർപ്പി​ക്കാ​നും സ്‌നാ​ന​പ്പെ​ടാ​നും തയ്യാറാ​യി​ട്ടി​ല്ലെന്നു മനസ്സി​ലാ​ക്കു​ന്നെ​ങ്കിൽ നിങ്ങൾക്ക്‌ എന്തു ചെയ്യാം? (“ സത്യത്തിൽ വളർന്നു​വ​രുന്ന കുട്ടി​കൾക്കാ​യി” എന്ന ചതുര​വും കാണുക.)

¹⁰ സ്വയം വിലയി​രു​ത്തു​മ്പോൾ സമർപ്പി​ക്കാൻ നിങ്ങൾ തയ്യാറാ​യി​ട്ടി​ല്ലെ​ന്നാ​ണു തോന്നു​ന്ന​തെ​ങ്കി​ലോ? തുടർന്നും ആ ലക്ഷ്യത്തിൽത്തന്നെ പ്രവർത്തി​ക്കുക. വേണ്ട മാറ്റങ്ങൾ വരുത്താൻ നിങ്ങൾ ശ്രമി​ക്കു​മ്പോൾ യഹോ​വ​യു​ടെ അനു​ഗ്ര​ഹ​ത്തി​നാ​യി പ്രാർഥി​ക്കുക. (ഫിലി. 2:13; 3:16) യഹോവ നിങ്ങളു​ടെ പ്രാർഥന കേൾക്കും, ഉത്തരം തരും എന്ന്‌ ഉറപ്പു​ണ്ടാ​യി​രി​ക്കുക.—1 യോഹ. 5:14.

ചിലരെ തടയു​ന്നത്‌ എന്താണ്‌?

11. വിശ്വ​സ്‌ത​രാ​യി തുടരാൻ യഹോവ എങ്ങനെ​യാ​ണു നമ്മളെ സഹായി​ക്കു​ന്നത്‌?

¹¹ സമർപ്പിച്ച്‌ സ്‌നാ​ന​മേൽക്കു​ന്ന​തി​നു തടസ്സമി​ല്ലാത്ത ചിലർപോ​ലും അതിനു മടിച്ചു​നിൽക്കാ​റുണ്ട്‌. ‘സ്‌നാ​ന​പ്പെ​ട്ട​ശേഷം ഗുരു​ത​ര​മായ ഒരു പാപം ചെയ്‌ത്‌ സഭയിൽനിന്ന്‌ എന്നെ പുറത്താ​ക്കി​യാ​ലോ’ എന്നാണ്‌ അവരുടെ പേടി. നിങ്ങൾക്ക്‌ അങ്ങനെ​യൊ​രു പേടി തോന്നു​ന്നു​ണ്ടെ​ങ്കിൽ ഓർക്കുക, “യഹോ​വ​യ്‌ക്ക്‌ ഇഷ്ടപ്പെട്ട വിധത്തിൽ നടക്കാ​നും ദൈവത്തെ പൂർണ​മാ​യി പ്രസാ​ദി​പ്പി​ക്കാ​നും” വേണ്ട സഹായ​മെ​ല്ലാം ഉറപ്പാ​യും യഹോവ നിങ്ങൾക്കു തരും. (കൊലോ. 1:10) ശരിയാ​യതു ചെയ്യാൻവേണ്ട ശക്തിയും ദൈവം തരും. യഹോവ അങ്ങനെ സഹായി​ക്കു​ന്ന​തു​കൊണ്ട്‌ വിശ്വാ​സ​ത്തിൽ തുടരാൻ അനേകർക്കും കഴിയു​ന്നു. (1 കൊരി. 10:13) ക്രിസ്‌തീ​യ​സ​ഭ​യിൽനിന്ന്‌ പുറത്താ​ക്കു​ന്ന​വ​രു​ടെ എണ്ണം താരത​മ്യേന കുറവാ​യി​രി​ക്കു​ന്ന​തി​ന്റെ ഒരു കാരണം അതാണ്‌. വിശ്വ​സ്‌ത​രാ​യി തുടരാൻ യഹോവ തന്റെ ജനത്തെ സഹായി​ക്കു​ന്നു.

12. ഗുരു​ത​ര​മായ പാപം ചെയ്യു​ന്നത്‌ ഒഴിവാ​ക്കാൻ നമുക്ക്‌ എങ്ങനെ കഴിയും?

¹² അപൂർണ​രാ​യ​തു​കൊണ്ട്‌ നമു​ക്കെ​ല്ലാം തെറ്റു ചെയ്യാ​നുള്ള പ്രലോ​ഭനം ഉണ്ടാകും. (യാക്കോ. 1:14) എങ്കിലും, പ്രലോ​ഭ​ന​മു​ണ്ടാ​കു​മ്പോൾ എന്തു ചെയ്യണ​മെന്നു തീരു​മാ​നി​ക്കേ​ണ്ടതു നിങ്ങളാണ്‌. കാരണം, നിങ്ങൾ എങ്ങനെ ജീവി​ക്കണം എന്നു തീരു​മാ​നി​ക്കാ​നുള്ള പൂർണ അധികാ​രം നിങ്ങൾക്കു തന്നെയാണ്‌. നമ്മുടെ ചിന്തക​ളെ​യും പ്രവൃ​ത്തി​ക​ളെ​യും നമുക്കു  നിയ​ന്ത്രി​ക്കാ​നാ​കി​ല്ലെന്നു ചിലർ പറഞ്ഞേ​ക്കാം. എന്നാൽ, അതു ശരിയല്ല. ഉള്ളിന്റെ ഉള്ളിലെ തെറ്റായ ചിന്തകളെ എങ്ങനെ നിയ​ന്ത്രി​ക്കാ​മെന്നു പഠിക്കാൻ നിങ്ങൾക്കു കഴിയും. അതു​കൊണ്ട്‌ ഒരു പ്രലോ​ഭനം തോന്നി​യാൽത്തന്നെ തെറ്റു ചെയ്യാ​തി​രി​ക്കാൻ നിങ്ങൾക്കാ​കും. അതിനു നമ്മളെ സഹായി​ക്കുന്ന പല കാര്യ​ങ്ങ​ളുണ്ട്‌. ദിവസ​വും പ്രാർഥി​ക്കുക. ദൈവ​വ​ചനം വ്യക്തി​പ​ര​മാ​യി പഠിക്കു​ന്നത്‌ ഒരു ശീലമാ​ക്കുക. മീറ്റി​ങ്ങു​കൾക്കു കൂടി​വ​രുക. വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു പറയുക. ഈ കാര്യങ്ങൾ ക്രമമാ​യി ചെയ്യു​ന്നത്‌ സമർപ്പ​ണ​ത്തി​നു ചേർച്ച​യിൽ ജീവി​ക്കാ​നുള്ള ശക്തി നിങ്ങൾക്കു തരും. നിങ്ങളു​ടെ സഹായ​ത്തിന്‌ യഹോ​വ​യു​ണ്ടെന്ന കാര്യ​വും ഒരിക്ക​ലും മറക്കരുത്‌.—ഗലാ. 5:16.

13. യോ​സേഫ്‌ നമുക്ക്‌ എന്തു നല്ല മാതൃ​ക​വെച്ചു?

¹³ ഒരു പ്രലോ​ഭ​ന​മു​ണ്ടാ​യാൽ എന്തു ചെയ്യണ​മെന്നു നേര​ത്തേ​തന്നെ തീരു​മാ​നി​ക്കു​ക​യാ​ണെ​ങ്കിൽ, സമർപ്പ​ണ​ത്തി​നു ചേർച്ച​യിൽ ജീവി​ക്കാൻ നിങ്ങൾക്കു കൂടുതൽ എളുപ്പ​മാ​യി​രി​ക്കും. നമ്മളെ​പ്പോ​ലെ​തന്നെ അപൂർണ​തകൾ ഉണ്ടായി​രു​ന്നി​ട്ടും അങ്ങനെ ചെയ്‌ത ചില​രെ​ക്കു​റിച്ച്‌ ബൈബി​ളിൽ പറയു​ന്നുണ്ട്‌. അതിൽ ഒരാളാണ്‌ യോ​സേഫ്‌. പോത്തി​ഫ​റി​ന്റെ ഭാര്യ പല തവണ യോ​സേ​ഫി​നെ വശീക​രി​ക്കാൻ ശ്രമിച്ചു. പക്ഷേ, അപ്പോൾ എന്തു ചെയ്യണ​മെന്ന കാര്യ​ത്തിൽ യോ​സേ​ഫിന്‌ യാതൊ​രു സംശയ​വും ഉണ്ടായി​രു​ന്നില്ല. അദ്ദേഹം അതിനു ‘സമ്മതി​ച്ചില്ല’ എന്നു ബൈബിൾ പറയുന്നു. “ഇത്ര വലി​യൊ​രു തെറ്റു ചെയ്‌ത്‌ ഞാൻ ദൈവ​ത്തോ​ടു പാപം ചെയ്യു​ന്നത്‌ എങ്ങനെ?” എന്നാണ്‌ യോ​സേഫ്‌ പറഞ്ഞത്‌. (ഉൽപ. 39:8-10) ആ സ്‌ത്രീ വശീക​രി​ക്കാൻ വരുന്ന​തി​നു മുമ്പു​തന്നെ അത്തര​മൊ​രു സാഹച​ര്യ​ത്തിൽ എന്തു ചെയ്യണ​മെന്നു യോ​സേ​ഫിന്‌ വ്യക്തമായ ധാരണ​യു​ണ്ടാ​യി​രു​ന്നു. അതു​കൊണ്ട്‌, പ്രലോ​ഭനം നേരി​ട്ട​പ്പോൾ ശരിയാ​യതു ചെയ്യാൻ അദ്ദേഹ​ത്തിന്‌ എളുപ്പ​മാ​യി​രു​ന്നു.

14. തെറ്റായ കാര്യ​ങ്ങ​ളോട്‌ ‘ഇല്ല’ എന്നു പറയാൻ നിങ്ങൾക്ക്‌ എങ്ങനെ പഠിക്കാം?

¹⁴ നമുക്ക്‌ എങ്ങനെ യോ​സേ​ഫി​നെ അനുക​രി​ച്ചു​കൊണ്ട്‌ പ്രലോ​ഭ​ന​ങ്ങളെ ഉടനടി തള്ളിക്ക​ള​യാം? ഒരു പ്രലോ​ഭ​ന​മു​ണ്ടാ​യാൽ എന്തു ചെയ്യണ​മെന്ന്‌ ഇപ്പോൾതന്നെ നിങ്ങൾക്കു തീരു​മാ​നി​ക്കാം. യഹോവ വെറു​ക്കുന്ന കാര്യ​ങ്ങ​ളോട്‌, രണ്ടാമ​തൊന്ന്‌ ആലോ​ചി​ക്കാ​തെ ‘ഇല്ല’ എന്നു പറയാൻ പഠിക്കുക. (സങ്കീ. 97:10; 119:165) അതെക്കു​റിച്ച്‌ ചിന്തി​ക്കാൻപോ​ലും തുനി​യ​രുത്‌. അങ്ങനെ ചെയ്‌താൽ പ്രലോ​ഭ​നങ്ങൾ വരു​മ്പോൾ നിങ്ങൾ ചാഞ്ചാ​ടില്ല. കാരണം, ഒരു പ്രലോ​ഭനം വരു​മ്പോൾ എന്തു ചെയ്യണ​മെ​ന്നും എന്തു പറയണ​മെ​ന്നും നിങ്ങൾക്ക്‌ അറിയാം.

15. യഹോ​വയെ ‘ആത്മാർഥ​മാ​യി അന്വേ​ഷി​ക്കു​ന്നെന്ന്‌’ ഒരാൾക്ക്‌ എങ്ങനെ കാണി​ക്കാം? (എബ്രായർ 11:6)

¹⁵ ചില​പ്പോൾ ഇതാണു സത്യ​മെന്ന്‌ നിങ്ങൾക്ക്‌ ഉറപ്പു​ണ്ടാ​യി​രി​ക്കും. യഹോ​വയെ മുഴു​ഹൃ​ദ​യ​ത്തോ​ടെ സേവി​ക്കാൻ നിങ്ങൾ ആഗ്രഹി​ക്കു​ന്നു​മു​ണ്ടാ​കും. എന്നിട്ടും സമർപ്പി​ക്കാ​നും സ്‌നാ​ന​പ്പെ​ടാ​നും സമയമാ​യി​ട്ടില്ല എന്നാണു നിങ്ങൾക്കു തോന്നു​ന്ന​തെ​ങ്കി​ലോ? ദാവീദ്‌ രാജാ​വി​ന്റെ മാതൃ​ക​യെ​ക്കു​റിച്ച്‌ ചിന്തി​ക്കു​ന്നതു നിങ്ങളെ സഹായി​ക്കും. ദാവീ​ദി​നെ​പ്പോ​ലെ നിങ്ങൾക്കും യഹോ​വ​യോ​ടു പ്രാർഥി​ക്കാം: “ദൈവമേ, എന്നെ സൂക്ഷ്‌മ​മാ​യി പരി​ശോ​ധിച്ച്‌ എന്റെ മനസ്സ്‌  അറി​യേ​ണമേ. എന്നെ പരി​ശോ​ധിച്ച്‌ എന്റെ ഉത്‌ക​ണ്‌ഠകൾ മനസ്സി​ലാ​ക്കേ​ണമേ. എന്നിൽ ഹാനി​ക​ര​മായ ഏതെങ്കി​ലും സ്വഭാ​വ​രീ​തി​ക​ളു​ണ്ടോ എന്നു നോ​ക്കേ​ണമേ; നിത്യ​ത​യു​ടെ പാതയിൽ എന്നെ നയി​ക്കേ​ണമേ.” (സങ്കീ. 139:23, 24) അങ്ങനെ പ്രാർഥി​ക്കു​മ്പോൾ, നിങ്ങൾ യഹോ​വ​യു​ടെ സഹായം തേടു​ക​യാ​ണെ​ന്നും സമർപ്പിച്ച്‌ സ്‌നാ​ന​മേൽക്കുക എന്ന ലക്ഷ്യത്തിൽ പ്രവർത്തി​ക്കു​ക​യാ​ണെ​ന്നും കാണി​ക്കു​ക​യാണ്‌. തന്നെ ‘ആത്മാർഥ​മാ​യി അന്വേ​ഷി​ക്കു​ന്ന​വരെ’ യഹോവ ഉറപ്പാ​യും അനു​ഗ്ര​ഹി​ക്കും.—എബ്രായർ 11:6 വായി​ക്കുക.

യഹോ​വ​യോ​ടു കൂടു​തൽക്കൂ​ടു​തൽ അടുക്കുക

16-17. സത്യത്തി​ലുള്ള മാതാ​പി​താ​ക്കൾ വളർത്തി​ക്കൊണ്ട്‌ വരുന്ന​വരെ യഹോവ എങ്ങനെ​യാണ്‌ ആകർഷി​ക്കു​ന്നത്‌? (യോഹ​ന്നാൻ 6:44)

¹⁶ തന്റെ ശിഷ്യരെ ആകർഷി​ക്കു​ന്നത്‌ യഹോ​വ​യാ​ണെന്നു യേശു പറഞ്ഞു. (യോഹ​ന്നാൻ 6:44 വായി​ക്കുക.) അതെക്കു​റിച്ച്‌ ഒന്നു ചിന്തി​ക്കുക. യഹോവ നിങ്ങളെ ആകർഷി​ച്ചി​രി​ക്കു​ന്നു. തന്നി​ലേക്ക്‌ ആകർഷി​ക്കുന്ന ഓരോ വ്യക്തി​യി​ലും യഹോവ ഏതെങ്കി​ലും തരത്തി​ലുള്ള നന്മ കണ്ടിട്ടുണ്ട്‌. ആ വ്യക്തിയെ “തന്റെ പ്രത്യേ​ക​സ്വ​ത്താ​യി,” “വിലമ​തി​ക്കാ​നാ​കാത്ത അവകാ​ശ​മാ​യി” യഹോവ കാണുന്നു. (ആവ. 7:6; അടിക്കു​റിപ്പ്‌.) അതെ, യഹോവ നിങ്ങളെ അങ്ങനെ​യാണ്‌ കാണു​ന്നത്‌.

¹⁷ എന്നാൽ, സത്യത്തി​ലുള്ള മാതാ​പി​താ​ക്കൾ വളർത്തി​ക്കൊ​ണ്ടു​വ​രുന്ന യുവ​പ്രാ​യ​ത്തി​ലുള്ള ഒരാളാണ്‌ നിങ്ങ​ളെ​ങ്കി​ലോ? യഹോവ ആകർഷി​ച്ച​തു​കൊ​ണ്ടല്ല, പകരം മാതാ​പി​താ​ക്കൾ യഹോ​വയെ സേവി​ക്കു​ന്ന​തു​കൊ​ണ്ടാണ്‌ നിങ്ങളും അങ്ങനെ ചെയ്യു​ന്ന​തെന്നു തോന്നി​യേ​ക്കാം. എന്നാൽ, ബൈബിൾ പറയു​ന്നത്‌ ശ്രദ്ധി​ക്കുക: “ദൈവ​ത്തോട്‌ അടുത്ത്‌ ചെല്ലുക; അപ്പോൾ ദൈവം നിങ്ങ​ളോട്‌ അടുത്ത്‌ വരും.” (യാക്കോ. 4:8; 1 ദിന. 28:9) യഹോ​വ​യോട്‌ അടുക്കു​ന്ന​തി​നു നിങ്ങൾ ആദ്യ ചുവടു​വെ​ച്ചാൽ, യഹോവ നിങ്ങ​ളോട്‌ അടുത്തു വരും. ഒരു സാക്ഷി​കു​ടും​ബ​ത്തി​ന്റെ ഭാഗമാ​യി മാത്രമല്ല യഹോവ നിങ്ങളെ കാണു​ന്നത്‌. യഹോവ ഓരോ വ്യക്തി​യെ​യും ആണ്‌ ആകർഷി​ക്കു​ന്നത്‌, തന്നി​ലേക്ക്‌ അടുപ്പി​ക്കു​ന്നത്‌. അതിൽ ചെറു​പ്പം​മു​തലേ സത്യം പഠിച്ച്‌ വരുന്ന​വ​രു​മുണ്ട്‌. യാക്കോബ്‌ 4:8-ൽ നമ്മൾ വായി​ച്ച​തു​പോ​ലെ അങ്ങനെ​യൊ​രു വ്യക്തി യഹോ​വ​യോട്‌ അടുക്കാൻ വേണ്ട കാര്യങ്ങൾ ചെയ്യു​മ്പോൾ യഹോവ ആ വ്യക്തി​യോട്‌ അടുക്കും.— 2 തെസ്സ​ലോ​നി​ക്യർ 2:13 താരത​മ്യം ചെയ്യുക.

18. അടുത്ത ലേഖന​ത്തിൽ നമ്മൾ എന്തു ചർച്ച ചെയ്യും? (സങ്കീർത്തനം 40:8)

¹⁸ യഹോ​വ​യ്‌ക്കു സമർപ്പി​ക്കു​ക​യും സ്‌നാ​ന​പ്പെ​ടു​ക​യും ചെയ്യു​മ്പോൾ യേശു​വി​ന്റെ അതേ മനോ​ഭാ​വ​മാണ്‌ നിങ്ങൾ കാണി​ക്കു​ന്നത്‌. തന്റെ പിതാവ്‌ ആവശ്യ​പ്പെ​ടു​ന്ന​തെ​ല്ലാം ചെയ്യാൻ യേശു മനസ്സോ​ടെ മുന്നോ​ട്ടു​വന്നു. (സങ്കീർത്തനം 40:8 വായി​ക്കുക; എബ്രാ. 10:7) സ്‌നാ​ന​ത്തി​നു​ശേഷം യഹോ​വയെ തുടർന്നും വിശ്വ​സ്‌ത​മാ​യി സേവി​ക്കാൻ നിങ്ങളെ എന്തു സഹായി​ക്കു​മെന്ന്‌ അടുത്ത ലേഖന​ത്തിൽ നമ്മൾ ചർച്ച ചെയ്യും.