1. ആശ്വാസം നൽകുന്ന ഏതു കാര്യം യഹോവ അബ്രാ​ഹാ​മി​നെ പഠിപ്പി​ച്ചു?

 അബ്രാ​ഹാ​മിന്‌ ഒരിക്ക​ലും മറക്കാൻപ​റ്റാത്ത ഒരു സംഭാ​ഷ​ണ​മാ​യി​രു​ന്നു അത്‌. താൻ സൊ​ദോ​മി​ലെ​യും ഗൊ​മോ​റ​യി​ലെ​യും പട്ടണങ്ങളെ പൂർണ​മാ​യും നശിപ്പി​ക്കാൻ പോകു​ക​യാ​ണെന്ന്‌ ദൈവം ഒരു ദൂതനി​ലൂ​ടെ അബ്രാ​ഹാ​മി​നോ​ടു പറഞ്ഞു. അതു​കേട്ട്‌ ആശങ്ക​തോ​ന്നിയ അബ്രാ​ഹാം ഇങ്ങനെ ചോദി​ച്ചു: “ദുഷ്ടന്മാ​രു​ടെ​കൂ​ടെ നീതി​മാ​ന്മാ​രെ​യും അങ്ങ്‌ നശിപ്പി​ച്ചു​ക​ള​യു​മോ? . . . സർവഭൂ​മി​യു​ടെ​യും ന്യായാ​ധി​പൻ നീതി പ്രവർത്തി​ക്കാ​തി​രി​ക്കു​മോ?” തന്റെ പ്രിയ​സു​ഹൃ​ത്തായ അബ്രാ​ഹാ​മി​നെ, ആ സാഹച​ര്യ​ത്തിൽ യഹോവ ക്ഷമയോ​ടെ വിലപ്പെട്ട ഒരു പാഠം പഠിപ്പി​ച്ചു: ദൈവം നീതി​മാ​ന്മാ​രായ ആളുകളെ ഒരിക്ക​ലും നശിപ്പി​ക്കില്ല. അതു നമുക്കും ആശ്വാസം തരുന്ന ഒരു കാര്യ​മാണ്‌.—ഉൽപ. 18:23-33.

2. യഹോ​വ​യു​ടെ വിധികൾ നീതി​യും കരുണ​യും ഉള്ളതാ​യി​രി​ക്കു​മെന്നു നമുക്ക്‌ ഉറപ്പു​ള്ളത്‌ എന്തു​കൊണ്ട്‌?

² യഹോ​വ​യു​ടെ വിധികൾ നീതി​യും കരുണ​യും ഉള്ളതാ​ണെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാ​വു​ന്നത്‌ എന്തു​കൊണ്ട്‌? കാരണം യഹോവ ആളുക​ളു​ടെ “ഹൃദയ​ത്തിന്‌ ഉള്ളിലു​ള്ളതു കാണുന്നു.” (1 ശമു. 16:7) “മനുഷ്യ​രു​ടെ​യെ​ല്ലാം ഹൃദയം” ദൈവ​ത്തിന്‌ അറിയാ​മെന്ന്‌ ബൈബിൾ പറയുന്നു. (1 രാജാ. 8:39; 1 ദിന. 28:9) അതു ശരിക്കും അതിശ​യി​പ്പി​ക്കുന്ന ഒരു കാര്യ​മല്ലേ? യഹോ​വ​യു​ടെ ജ്ഞാനം നമുക്ക്‌ ചിന്തി​ക്കാ​വു​ന്ന​തി​ലും അപ്പുറ​മാണ്‌. അതു​കൊണ്ട്‌ ദൈവ​ത്തി​ന്റെ ചില തീരു​മാ​ന​ങ്ങ​ളും വിധി​ക​ളും നമുക്കു പൂർണ​മാ​യും മനസ്സി​ലാ​ക​ണ​മെ​ന്നില്ല. പൗലോസ്‌ അപ്പോ​സ്‌തലൻ യഹോ​വ​യെ​ക്കു​റിച്ച്‌ പറഞ്ഞത്‌ എത്ര സത്യമാണ്‌: “ദൈവ​ത്തി​ന്റെ വിധികൾ പരി​ശോ​ധി​ച്ച​റി​യുക തികച്ചും അസാധ്യം!”—റോമ. 11:33.

3-4. ചില​പ്പോൾ നമ്മുടെ മനസ്സിൽ ഏതു സംശയങ്ങൾ വന്നേക്കാം, ഈ ലേഖന​ത്തിൽ നമ്മൾ എന്തു പഠിക്കും? (യോഹ​ന്നാൻ 5:28, 29)

³ എങ്കിലും അബ്രാ​ഹാ​മി​നു തോന്നി​യ​തു​പോ​ലുള്ള ചില സംശയങ്ങൾ നമ്മുടെ മനസ്സി​ലും വന്നേക്കാം. നമ്മൾ ചില​പ്പോൾ ഇങ്ങനെ​പോ​ലും ചിന്തി​ച്ചേ​ക്കാം: ‘സൊ​ദോ​മി​ലെ​യും ഗൊ​മോ​റ​യി​ലെ​യും ആളുക​ളെ​പ്പോ​ലെ, മുൻകാ​ല​ങ്ങ​ളിൽ യഹോവ നേരിട്ട്‌ നശിപ്പി​ച്ച​വ​രു​ടെ കാര്യ​ത്തിൽ എന്തെങ്കി​ലും പ്രതീ​ക്ഷ​യ്‌ക്കു വകയു​ണ്ടോ? “നീതി​കെ​ട്ട​വ​രു​ടെ” പുനരു​ത്ഥാ​ന​ത്തിൽ അവർ ആരെങ്കി​ലും ഉണ്ടാകാൻ സാധ്യ​ത​യു​ണ്ടോ?’—പ്രവൃ. 24:15.

 ⁴ നമ്മൾ ഈ അടുത്ത​കാ​ലത്ത്‌, ‘ജീവനാ​യുള്ള പുനരു​ത്ഥാ​ന​ത്തെ​ക്കു​റി​ച്ചും’ ‘ന്യായ​വി​ധി​ക്കാ​യുള്ള പുനരു​ത്ഥാ​ന​ത്തെ​ക്കു​റി​ച്ചും’ മുമ്പ്‌ മനസ്സി​ലാ​ക്കി​യി​രു​ന്ന​തിൽനിന്ന്‌ വ്യത്യ​സ്‌ത​മായ ചില കാര്യങ്ങൾ പഠിച്ചു. a (യോഹ​ന്നാൻ 5:28, 29 വായി​ക്കുക.) നമ്മുടെ മറ്റു ചില പഠിപ്പി​ക്ക​ലു​ക​ളി​ലും മാറ്റങ്ങൾ വരു​ത്തേ​ണ്ട​തുണ്ട്‌ എന്നു മനസ്സി​ലാ​ക്കാൻ ഈ പുതിയ ഗ്രാഹ്യം സഹായി​ച്ചു. അതെക്കു​റി​ച്ചാണ്‌ ഈ ലേഖന​ത്തി​ലും അടുത്ത ലേഖന​ത്തി​ലും നമ്മൾ ചർച്ച ചെയ്യു​ന്നത്‌. ആദ്യം, യഹോ​വ​യു​ടെ നീതി​യുള്ള വിധി​ക​ളെ​ക്കു​റിച്ച്‌ നമുക്ക്‌ എന്ത്‌ അറിയില്ല എന്നു നോക്കും, അതിനു ശേഷം നമുക്ക്‌ എന്ത്‌ അറിയാം എന്നും ചിന്തി​ക്കും.

നമുക്ക്‌ എന്ത്‌ അറിയില്ല?

5. സൊ​ദോ​മി​ലും ഗൊ​മോ​റ​യി​ലും യഹോവ നശിപ്പി​ച്ചു​കളഞ്ഞ ആളുക​ളെ​ക്കു​റിച്ച്‌ മുമ്പ്‌ നമ്മുടെ പ്രസി​ദ്ധീ​ക​ര​ണ​ങ്ങ​ളിൽ എന്താണു പറഞ്ഞി​രു​ന്നത്‌?

⁵ നീതി​കെ​ട്ട​വ​രാ​യി യഹോവ വിധി​ച്ച​വ​രു​ടെ കാര്യ​ത്തിൽ എന്തു സംഭവി​ക്കു​മെ​ന്നാണ്‌ മുമ്പ്‌ നമ്മുടെ പ്രസി​ദ്ധീ​ക​ര​ണ​ങ്ങ​ളിൽ പറഞ്ഞി​രു​ന്നത്‌? സൊ​ദോ​മി​ലെ​യും ഗൊ​മോ​റ​യി​ലെ​യും നിവാ​സി​ക​ളെ​പ്പോ​ലെ​യുള്ള അത്തരം ആളുകൾക്ക്‌ പുനരു​ത്ഥാ​നം ഇല്ല എന്നാണ്‌ നമ്മൾ ചിന്തി​ച്ചി​രു​ന്നത്‌. എങ്കിലും അതെക്കു​റിച്ച്‌ പ്രാർഥ​നാ​പൂർവം പഠിച്ച​പ്പോൾ ഒരു ചോദ്യം ഉയർന്നു​വന്നു: അക്കാര്യം നമുക്ക്‌ അത്ര ഉറപ്പിച്ച്‌ പറയാൻ പറ്റുമോ?

6. (എ) നീതി​കെട്ട ആളുകളെ യഹോവ ന്യായം​വി​ധി​ച്ച​തി​ന്റെ ചില ഉദാഹ​ര​ണങ്ങൾ പറയുക. (ബി) അവരെ​ക്കു​റിച്ച്‌ നമുക്ക്‌ എന്ത്‌ അറിയില്ല?

⁶ നീതി​കെ​ട്ട​വർക്ക്‌ എതിരെ യഹോവ നടത്തിയ മറ്റു ചില ന്യായ​വി​ധി​ക​ളെ​ക്കു​റി​ച്ചും ബൈബിൾ പറയു​ന്നുണ്ട്‌. ഉദാഹ​ര​ണ​ത്തിന്‌, നോഹ​യു​ടെ കാലത്ത്‌ ഒരു പ്രളയം വരുത്തി​ക്കൊണ്ട്‌ അന്നുണ്ടാ​യി​രു​ന്ന​വരെ യഹോവ നശിപ്പി​ച്ചു​ക​ളഞ്ഞു. ഇനി, ഇസ്രാ​യേ​ല്യ​രെ ഉപയോ​ഗിച്ച്‌ യഹോവ വാഗ്‌ദ​ത്ത​ദേ​ശത്ത്‌ ജീവി​ച്ചി​രുന്ന ഏഴു ജനതകളെ തുടച്ചു​നീ​ക്കി. അതു​പോ​ലെ യഹോ​വ​യു​ടെ ഒരു ദൂതൻ ഒറ്റ രാത്രി​കൊണ്ട്‌ 1,85,000 അസീറി​യൻ പടയാ​ളി​കളെ കൊന്നു. (ഉൽപ. 7:23; ആവ. 7:1-3; യശ. 37:36, 37) ഈ ഓരോ സാഹച​ര്യ​ത്തി​ലും അതിൽ ഉൾപ്പെ​ട്ടി​രുന്ന ഓരോ വ്യക്തി​യെ​യും യഹോവ നിത്യ​നാ​ശ​ത്തി​നു വിധിച്ചു എന്നു നമുക്കു തീർത്തു​പ​റ​യാൻ പറ്റുമോ? അവർക്കു പുനരു​ത്ഥാ​ന​പ്ര​ത്യാ​ശ ഇല്ല എന്നു പറയാ​നാ​കു​മോ? അങ്ങനെ ചിന്തി​ക്കാൻ വേണ്ടത്ര വിവരങ്ങൾ ബൈബിൾ നമുക്കു നൽകു​ന്നില്ല. എന്തു​കൊ​ണ്ടാണ്‌ അങ്ങനെ പറയു​ന്നത്‌?

7. പ്രളയ​ത്തി​ന്റെ സമയത്തും കനാൻദേശം പിടി​ച്ച​ട​ക്കി​യ​പ്പോ​ഴും കൊല്ല​പ്പെ​ട്ട​വ​രു​ടെ കാര്യ​ത്തിൽ നമുക്ക്‌ എന്ത്‌ അറിയില്ല? (ചിത്രം കാണുക.)

⁷ ഒരു കൂട്ട​മെ​ന്ന​നി​ല​യിൽ യഹോവ അവരെ നശിപ്പി​ച്ചു; എങ്കിലും അതിലെ ഓരോ വ്യക്തി​യെ​യും യഹോവ എങ്ങനെ​യാ​ണു വീക്ഷി​ച്ച​തെ​ന്നും ഓരോ​രു​ത്തർക്കും എന്തു ന്യായ​വി​ധി​യാ​ണു കൊടു​ത്ത​തെ​ന്നും നമുക്ക്‌ അറിയില്ല. കൂടാതെ, മരിച്ചു​പോയ ഓരോ വ്യക്തി​ക്കും യഹോ​വ​യെ​ക്കു​റിച്ച്‌ അറിയാ​നും പശ്ചാത്ത​പി​ക്കാ​നും അവസരം കിട്ടി​യോ എന്നും നമുക്ക്‌ അറിയില്ല. ഉദാഹ​ര​ണ​ത്തിന്‌, പ്രളയ​ത്തി​നു​മു​മ്പുള്ള സമയത്ത്‌ നോഹ ‘നീതി​യെ​ക്കു​റിച്ച്‌ പ്രസം​ഗി​ച്ചു’ എന്നു ബൈബിൾ പറയു​ന്നുണ്ട്‌. (2 പത്രോ. 2:5) എന്നാൽ അത്രയും വലിയ പെട്ടകം പണിയു​ന്ന​തി​നി​ടെ അന്നു ഭൂമി​യി​ലു​ണ്ടാ​യി​രുന്ന എല്ലാവ​രു​ടെ​യും അടുത്തു​പോ​യി, വരാനി​രി​ക്കുന്ന നാശ​ത്തെ​ക്കു​റിച്ച്‌ അറിയി​ക്കാൻ നോഹ ശ്രമി​ച്ചോ എന്നു ബൈബിൾ പറയു​ന്നില്ല. അതു​പോ​ലെ കനാനി​ലെ ജനതക​ളു​ടെ കാര്യ​മെ​ടു​ത്താൽ അവി​ടെ​യു​ണ്ടാ​യി​രുന്ന ദുഷ്ടരായ എല്ലാവർക്കും യഹോ​വ​യെ​ക്കു​റിച്ച്‌ പഠിക്കാ​നും ജീവി​ത​ത്തിൽ മാറ്റങ്ങൾ വരുത്താ​നും ഉള്ള അവസരം ലഭിച്ചോ എന്നും നമുക്ക്‌ അറിയില്ല.

8. സൊ​ദോ​മി​ലെ​യും ഗൊ​മോ​റ​യി​ലെ​യും ആളുക​ളെ​ക്കു​റിച്ച്‌ നമുക്ക്‌ എന്ത്‌ അറിയില്ല?

⁸ സൊ​ദോ​മി​ലെ​യും ഗൊ​മോ​റ​യി​ലെ​യും ആളുക​ളു​ടെ കാര്യ​മോ? നീതി​മാ​നായ ലോത്ത്‌ അവരുടെ ഇടയിൽ ജീവി​ക്കു​ന്നു​ണ്ടാ​യി​രു​ന്നു. എങ്കിലും അദ്ദേഹം അവി​ടെ​യുള്ള എല്ലാവ​രോ​ടും പ്രസം​ഗി​ച്ചോ എന്നു നമുക്ക്‌ അറിയില്ല. ഇനി, അവർ അങ്ങേയറ്റം മോശ​മായ കാര്യങ്ങൾ ചെയ്യു​ന്ന​വ​രാ​യി​രു​ന്നു എന്നത്‌ ശരിയാണ്‌. എങ്കിലും, തങ്ങൾ ചെയ്യു​ന്നത്‌ തെറ്റാ​ണെന്ന്‌ അവരിൽ ഓരോ​രു​ത്തർക്കും അറിയാ​മാ​യി​രു​ന്നോ? ഇല്ലായി​രു​ന്നു എന്നു​വേണം കരുതാൻ. ലോത്തി​ന്റെ വീട്ടിൽ വന്ന അതിഥി​കളെ കിട്ടാ​നാ​യി ആ പട്ടണത്തി​ലെ പുരു​ഷ​ന്മാർ ലോത്തി​ന്റെ വീട്‌ വളഞ്ഞ സംഭവം ഓർക്കുക: ആ കൂട്ടത്തിൽ “ബാലന്മാർമു​തൽ വൃദ്ധന്മാർവരെ” ഉണ്ടായി​രു​ന്ന​താ​യി ബൈബിൾ പറയുന്നു. (ഉൽപ. 19:4; 2 പത്രോ. 2:7) കരുണ​യുള്ള ദൈവ​മായ യഹോവ ഇവരിൽ ആരെയും പുനരു​ത്ഥാ​ന​പ്പെ​ടു​ത്തേണ്ട എന്നു തീരു​മാ​നി​ച്ചോ? അത്‌ നമുക്ക്‌ അറിയില്ല. യഹോ​വ​യും അബ്രാ​ഹാ​മും തമ്മിലുള്ള സംഭാ​ഷ​ണ​ത്തിൽനിന്ന്‌ മനസ്സി​ലാ​കു​ന്നത്‌, ആ നഗരത്തിൽ പത്തു നീതി​മാ​ന്മാർപോ​ലും ഇല്ലായി​രു​ന്നു എന്നാണ്‌. (ഉൽപ. 18:32) അതു​കൊണ്ട്‌ അവർ നീതി​കെ​ട്ട​വ​രാ​യി​രു​ന്നു, യഹോവ അവർക്കു തക്കശിക്ഷ വിധി​ക്കു​ക​യും ചെയ്‌തു. പക്ഷേ അവരിൽ ആരും ‘നീതി​കെ​ട്ട​വ​രു​ടെ പുനരു​ത്ഥാ​ന​ത്തിൽ’ ജീവനി​ലേക്കു വരില്ല എന്നു നമുക്കു പറയാൻ പറ്റുമോ? ഇല്ല. നമുക്ക്‌ ഉറപ്പിച്ച്‌ പറയാ​നാ​കില്ല.

9. ശലോ​മോ​നെ​ക്കു​റിച്ച്‌ നമുക്ക്‌ എന്ത്‌ അറിയില്ല?

 ⁹ ഇനി, നീതി​മാ​ന്മാ​രാ​യി ജീവി​ച്ചിട്ട്‌ പിന്നീട്‌ നീതി​കെ​ട്ട​വ​രാ​യി മാറിയ ചില​രെ​ക്കു​റി​ച്ചും ബൈബി​ളിൽ കാണാം. അതിന്‌ ഉദാഹ​ര​ണ​മാണ്‌ ശലോ​മോൻ രാജാവ്‌. യഹോ​വ​യു​ടെ വഴികൾ നന്നായി അറിയാ​മാ​യി​രുന്ന, യഹോ​വ​യാൽ അനു​ഗ്ര​ഹി​ക്ക​പ്പെട്ട ഒരാളാ​യി​രു​ന്നി​ട്ടും ശലോ​മോൻ പിന്നീട്‌ വ്യാജ​ദൈ​വ​ങ്ങളെ ആരാധി​ക്കാൻ തുടങ്ങി. ശലോ​മോ​ന്റെ തെറ്റുകൾ യഹോ​വയെ അങ്ങേയറ്റം കോപി​പ്പി​ച്ചു. അതിന്റെ പരിണ​ത​ഫ​ലങ്ങൾ നൂറ്റാ​ണ്ടു​ക​ളോ​ളം നീണ്ടു​നി​ന്നു. ശരിയാണ്‌, വിശ്വ​സ്‌ത​രാ​ജാ​വായ ദാവീദ്‌ ഉൾപ്പെ​ടെ​യുള്ള ‘പൂർവി​ക​രെ​പ്പോ​ലെ ശലോ​മോൻ അന്ത്യവി​ശ്ര​മം​കൊ​ണ്ടു’ എന്നു ബൈബിൾ പറയു​ന്നുണ്ട്‌. (1 രാജാ. 11:5-9, 43; 2 രാജാ. 23:13) പക്ഷേ ബൈബി​ളിൽ അങ്ങനെ​യൊ​രു പദപ്ര​യോ​ഗം ഉപയോ​ഗി​ച്ചി​രി​ക്കു​ന്ന​തു​കൊണ്ട്‌ യഹോവ ശലോ​മോ​നെ പുനരു​ത്ഥാ​ന​പ്പെ​ടു​ത്തും എന്ന്‌ അത്‌ അർഥമാ​ക്കു​ന്നു​ണ്ടോ? അതെക്കു​റിച്ച്‌ ബൈബിൾ ഒന്നും പറയു​ന്നില്ല. “മരിച്ച​യാൾ പാപത്തിൽനിന്ന്‌ മോചി​ത​നാ​യ​ല്ലോ” എന്ന വാക്കു​ക​ളു​ടെ അടിസ്ഥാ​ന​ത്തിൽ ശലോ​മോൻ പുനരു​ത്ഥാ​ന​പ്പെ​ടു​മെന്നു ചിലർ ന്യായ​വാ​ദം ചെയ്‌തേ​ക്കാം. (റോമ. 6:7) പക്ഷേ ആ വാക്കു​ക​ളു​ടെ അർഥം, മരിച്ചു​പോയ എല്ലാ ആളുക​ളും പുനരു​ത്ഥാ​ന​ത്തിൽ വരും എന്നല്ല. കാരണം മരണം​കൊണ്ട്‌ നേടി​യെ​ടു​ക്കുന്ന ഒരു അവകാ​ശമല്ല പുനരു​ത്ഥാ​നം. പകരം, ആരൊക്കെ നിത്യം ജീവി​ക്ക​ണ​മെന്ന്‌ യഹോവ ആഗ്രഹി​ക്കു​ന്നോ, അവർക്ക്‌ യഹോവ സ്‌നേ​ഹ​ത്തോ​ടെ കൊടു​ക്കുന്ന ഒരു സമ്മാന​മാണ്‌ അത്‌. (ഇയ്യോ. 14:13, 14; യോഹ. 6:44) ശലോ​മോന്‌ ആ സമ്മാനം ലഭിക്കു​മോ? അത്‌ യഹോ​വ​യ്‌ക്ക്‌ അറിയാം. നമുക്ക്‌ അറിയില്ല. പക്ഷേ ഒരു കാര്യ​ത്തിൽ നമുക്ക്‌ ഉറപ്പുണ്ട്‌: യഹോവ എപ്പോ​ഴും ശരിയാ​യതേ ചെയ്യൂ.

നമുക്ക്‌ എന്ത്‌ അറിയാം?

10. മനുഷ്യ​രെ നശിപ്പി​ക്കു​ന്ന​തി​നെ​ക്കു​റിച്ച്‌ യഹോ​വ​യ്‌ക്ക്‌ എന്താണു തോന്നു​ന്നത്‌? (യഹസ്‌കേൽ 33:11) (ചിത്ര​വും കാണുക.)

¹⁰ യഹസ്‌കേൽ 33:11 വായി​ക്കുക. മനുഷ്യ​രെ ന്യായം വിധി​ക്കു​മ്പോൾ തനിക്ക്‌ എന്താണ്‌ തോന്നു​ന്നത്‌ എന്ന്‌ യഹോവ നമുക്കു വെളി​പ്പെ​ടു​ത്തി​ത്ത​ന്നി​ട്ടുണ്ട്‌. യഹസ്‌കേൽ പ്രവാ​ചകൻ എഴുതി​യ​തിന്‌ സമാന​മായ ഒരു കാര്യം അപ്പോ​സ്‌ത​ല​നായ പത്രോ​സും പറഞ്ഞു: ‘ആരും നശിച്ചു​പോ​കാൻ ദൈവം ആഗ്രഹി​ക്കു​ന്നില്ല.’ (2 പത്രോ. 3:9) ഈ വാക്കു​ക​ളിൽനിന്ന്‌, യഹോവ ആരെയും എന്നേക്കു​മാ​യി നശിപ്പി​ച്ചു​ക​ള​യാൻ തിരക്കു​കൂ​ട്ടില്ല എന്നു നമുക്ക്‌ അറിയാ​നാ​കു​ന്നു. അതു നമുക്ക്‌ ആശ്വാസം തരുന്നി​ല്ലേ? അങ്ങേയറ്റം കരുണാ​മ​യ​നാണ്‌ യഹോവ. ഒരാ​ളോ​ടു കരുണ കാണി​ക്കാൻ എന്തെങ്കി​ലും ഒരു സാധ്യ​ത​യു​ണ്ടെ​ങ്കിൽ യഹോവ അതു കാണി​ക്കും.

11. ആർക്കെ​ല്ലാം പുനരു​ത്ഥാ​നം ലഭിക്കില്ല, നമുക്ക്‌ അത്‌ എങ്ങനെ അറിയാം?

¹¹ പുനരു​ത്ഥാ​ന​പ്പെ​ടി​ല്ലാത്ത ആളുക​ളെ​ക്കു​റിച്ച്‌ നമുക്ക്‌ എന്ത്‌ അറിയാം? അങ്ങനെ​യുള്ള ചിലരു​ടെ കാര്യമേ ബൈബിൾ ഉറപ്പിച്ച്‌ പറയു​ന്നു​ള്ളൂ. b യൂദാസ്‌ ഇസ്‌ക​ര്യോത്ത്‌ പുനരു​ത്ഥാ​ന​പ്പെ​ടി​ല്ലെന്നു യേശു സൂചി​പ്പി​ച്ചു. (മർക്കോ. 14:21; യോഹ. 17:12-ഉം പഠനക്കു​റി​പ്പും കാണുക.) അതിനു കാരണ​വു​മുണ്ട്‌. യഹോ​വ​യ്‌ക്കും ദൈവ​പു​ത്ര​നും എതിരെ മനഃപൂർവം പ്രവർത്തി​ച്ച​യാ​ളാണ്‌ യൂദാസ്‌. (മർക്കോ. 3:29-ഉം പഠനക്കു​റി​പ്പു​ക​ളും കാണുക.) അതു​പോ​ലെ, തന്നെ എതിർത്ത ചില മതനേ​താ​ക്ക​ന്മാർക്കും പുനരു​ത്ഥാ​ന​പ്ര​ത്യാ​ശ ഉണ്ടാകി​ല്ലെന്ന്‌ യേശു പറഞ്ഞു. (മത്താ. 23:33; യോഹ. 19:11-ഉം “മനുഷ്യൻ”എന്ന പഠനക്കു​റി​പ്പും കാണുക.) ഇനി, പശ്ചാത്താ​പ​മി​ല്ലാത്ത വിശ്വാ​സ​ത്യാ​ഗി​കൾക്കു പുനരു​ത്ഥാ​നം ലഭിക്കി​ല്ലെന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു.—എബ്രാ. 6:4-8; 10:29.

12. യഹോ​വ​യു​ടെ കരുണ​യെ​ക്കു​റിച്ച്‌ നമുക്ക്‌ എന്ത്‌ അറിയാം, ചില ഉദാഹ​ര​ണങ്ങൾ പറയുക.

¹² എന്നാൽ യഹോ​വ​യു​ടെ കരുണ​യെ​ക്കു​റിച്ച്‌ നമുക്ക്‌ എന്ത്‌ അറിയാം? ‘ആരും നശിച്ചു​പോ​കാൻ താൻ ആഗ്രഹി​ക്കു​ന്നില്ല’ എന്ന്‌ യഹോവ എങ്ങനെ​യാ​ണു തെളി​യി​ച്ചി​രി​ക്കു​ന്നത്‌? ഗുരു​ത​ര​മായ പാപം ചെയ്‌ത ചില​രോട്‌ യഹോവ കരുണ കാണി​ച്ച​തിൽനിന്ന്‌ നമുക്ക്‌ അതു മനസ്സി​ലാ​ക്കാം. ദാവീദ്‌ രാജാ​വി​ന്റെ കാര്യ​മെ​ടു​ക്കുക: അദ്ദേഹം വ്യഭി​ചാ​ര​വും കൊല​പാ​ത​ക​വും പോ​ലെ​യുള്ള ഗുരു​ത​ര​മായ പാപങ്ങൾ ചെയ്‌തു. എന്നാൽ പശ്ചാത്ത​പി​ച്ച​പ്പോൾ യഹോവ അദ്ദേഹ​ത്തോ​ടു ക്ഷമിച്ചു. (2 ശമു. 12:1-13) ഇനി, മനശ്ശെ രാജാ​വി​ന്റെ കാര്യം പറഞ്ഞാൽ, ആയുസ്സി​ന്റെ അധിക​ഭാ​ഗ​വും അങ്ങേയറ്റം ദുഷ്ടത ചെയ്‌തു​കൂ​ട്ടിയ ആളായി​രു​ന്നു അദ്ദേഹം. അത്രയും മോശ​മായ കാര്യങ്ങൾ ചെയ്‌തി​ട്ടും മനശ്ശെ പിന്നീട്‌ പശ്ചാത്ത​പി​ച്ച​പ്പോൾ യഹോവ ക്ഷമിക്കു​ക​യും കരുണ കാണി​ക്കു​ക​യും ചെയ്‌തു. (2 ദിന. 33:9-16) ഈ ഉദാഹ​ര​ണങ്ങൾ നമ്മളെ എന്താണു പഠിപ്പി​ക്കു​ന്നത്‌? കരുണ കാണി​ക്കാൻ ഒരു അടിസ്ഥാ​നം ഉള്ളപ്പോൾ യഹോവ ഉറപ്പാ​യും കരുണ കാണി​ക്കും. തങ്ങൾ ഗുരു​ത​ര​മായ പാപങ്ങൾ ചെയ്‌തെന്നു തിരി​ച്ച​റി​യു​ക​യും പശ്ചാത്ത​പി​ക്കു​ക​യും ചെയ്യു​ന്ന​തു​കൊണ്ട്‌ യഹോവ അത്തരം ആളുകളെ ഉയിർപ്പി​ക്കും.

13. (എ) യഹോവ നിനെ​വെ​ക്കാ​രോ​ടു കരുണ കാണി​ച്ചത്‌ എന്തു​കൊണ്ട്‌? (ബി) പിന്നീട്‌ യേശു നിനെ​വെ​ക്കാ​രെ​ക്കു​റിച്ച്‌ എന്തു പറഞ്ഞു?

 ¹³ യഹോവ നിനെ​വെ​ക്കാ​രോ​ടു കരുണ കാണി​ച്ച​തി​നെ​ക്കു​റി​ച്ചും നമുക്ക്‌ അറിയാം. ദൈവം ആദ്യം യോന​യോട്‌ ഇങ്ങനെ​യാ​ണു പറഞ്ഞത്‌: “അവരുടെ ദുഷ്ടത എന്റെ ശ്രദ്ധയിൽപ്പെ​ട്ടി​രി​ക്കു​ന്നു.” എന്നാൽ അവർ തങ്ങളുടെ പാപങ്ങ​ളെ​ക്കു​റിച്ച്‌ പശ്ചാത്ത​പി​ച്ച​പ്പോൾ യഹോവ ദയയോ​ടെ അവരോ​ടു ക്ഷമിച്ചു. യോന​യിൽനിന്ന്‌ വ്യത്യ​സ്‌ത​മാ​യി യഹോവ അവരോട്‌ എത്ര വലിയ കരുണ​യാ​ണു കാണി​ച്ച​തെന്നു ചിന്തി​ക്കുക. ‘ശരിയും തെറ്റും എന്തെന്നു​പോ​ലും അറിയാ​ത്ത​വ​രാണ്‌’ നിനെ​വെ​ക്കാർ എന്നു കോപാ​കു​ല​നായ തന്റെ പ്രവാ​ച​കനെ ദൈവ​ത്തി​നു ഓർമി​പ്പി​ക്കേ​ണ്ടി​വന്നു. (യോന 1:1, 2; 3:10; 4:9-11) പിന്നീട്‌ യഹോ​വ​യു​ടെ നീതി​യെ​യും കരുണ​യെ​യും കുറിച്ച്‌ പഠിപ്പി​ക്കാൻ യേശു ഈ സംഭവം ഉപയോ​ഗി​ച്ചു. മാനസാ​ന്ത​ര​പ്പെട്ട ‘നിനെ​വെ​ക്കാർ ന്യായ​വി​ധി​യിൽ എഴു​ന്നേ​റ്റു​വ​രും’ എന്ന്‌ യേശു പറഞ്ഞു.—മത്താ. 12:41.

14. ‘ന്യായ​വി​ധി​ക്കാ​യുള്ള പുനരു​ത്ഥാ​ന​ത്തിൽ’ നിനെ​വെ​ക്കാർക്ക്‌ എന്തിനുള്ള അവസരം കിട്ടും?

¹⁴ ഏതു ‘ന്യായ​വി​ധി​യി​ലാണ്‌’ നിനെ​വെ​ക്കാർ ‘എഴു​ന്നേ​റ്റു​വ​രാൻ’ പോകു​ന്നത്‌? ഭാവി​യിൽ നടക്കാ​നി​രി​ക്കുന്ന ‘ന്യായ​വി​ധി​ക്കാ​യുള്ള ഒരു പുനരു​ത്ഥാ​ന​ത്തെ​ക്കു​റിച്ച്‌’ യേശു പറഞ്ഞു. (യോഹ. 5:29) ‘നീതി​മാ​ന്മാ​രും നീതി​കെ​ട്ട​വ​രും’ ഉയിർപ്പി​ക്ക​പ്പെ​ടുന്ന തന്റെ ആയിരം​വർഷ ഭരണമാണ്‌ യേശു അവിടെ ഉദ്ദേശി​ച്ചത്‌. (പ്രവൃ. 24:15) നീതി​കെ​ട്ട​വർക്ക്‌ അത്‌ ‘ന്യായ​വി​ധി​ക്കാ​യുള്ള ഒരു പുനരു​ത്ഥാ​ന​മാ​യി​രി​ക്കും.’ അതായത്‌ പുനരു​ത്ഥാ​ന​പ്പെ​ട്ടു​വ​രുന്ന നീതി​കെ​ട്ട​വ​രു​ടെ പ്രവൃ​ത്തി​കൾ യഹോ​വ​യും യേശു​വും നിരീ​ക്ഷി​ക്കു​ക​യും വിലയി​രു​ത്തു​ക​യും ചെയ്യും. ദൈവി​ക​പ​ഠി​പ്പി​ക്ക​ലു​ക​ളോട്‌ അവർ എങ്ങനെ​യാണ്‌ പ്രതി​ക​രി​ക്കു​ന്ന​തെ​ന്നും നോക്കും. പുനരു​ത്ഥാ​ന​പ്പെ​ടുന്ന ഒരു നിനെ​വെ​ക്കാ​രൻ യഹോ​വയെ ആരാധി​ക്കാൻ മനസ്സു​കാ​ണി​ക്കു​ന്നി​ല്ലെ​ങ്കിൽ തുടർന്ന്‌ ജീവി​ക്കാൻ യഹോവ അയാളെ അനുവ​ദി​ക്കില്ല. (യശ. 65:20) എന്നാൽ യഹോ​വയെ വിശ്വ​സ്‌ത​മാ​യി ആരാധി​ക്കാൻ തീരു​മാ​നി​ക്കു​ന്ന​വർക്ക്‌ അനുകൂ​ല​മായ വിധി​യാ​യി​രി​ക്കും കിട്ടുക. അവർക്ക്‌ എന്നേക്കും ജീവി​ക്കാ​നുള്ള അവസര​വും ഉണ്ടായി​രി​ക്കും.—ദാനി. 12:2.

15. (എ) സൊ​ദോ​മി​ലും ഗൊ​മോ​റ​യി​ലും നശിപ്പി​ക്ക​പ്പെട്ട ആരും പുനരു​ത്ഥാ​ന​ത്തി​ലേക്കു വരി​ല്ലെന്നു നമ്മൾ പറയരു​താ​ത്തത്‌ എന്തു​കൊണ്ട്‌? (ബി) യൂദ 7-ലെ വാക്കുകൾ നമ്മൾ എങ്ങനെ​യാ​ണു മനസ്സി​ലാ​ക്കേ​ണ്ടത്‌? (“ യൂദ എന്താണ്‌ അർഥമാ​ക്കി​യത്‌?” എന്ന ചതുരം കാണുക.)

¹⁵ തന്റെ പഠിപ്പി​ക്ക​ലു​കൾ തള്ളിക്ക​ള​ഞ്ഞ​വ​രെ​ക്കാൾ, സൊ​ദോ​മി​ലെ​യും ഗൊ​മോ​റ​യി​ലെ​യും ആളുകൾക്ക്‌ “ന്യായ​വി​ധി​ദി​വസം” കൂടുതൽ എളുപ്പ​മാ​യി​രി​ക്കു​മെന്ന്‌ യേശു പറഞ്ഞു. (മത്താ. 10:14, 15; 11:23, 24; ലൂക്കോ. 10:12) യേശു ഇവിടെ, അതിശ​യോ​ക്തി അലങ്കാരം ഉപയോ​ഗി​ക്കു​ക​യാ​യി​രു​ന്നെ​ന്നും സൊ​ദോ​മി​ലെ​യും ഗൊ​മോ​റ​യി​ലെ​യും ആളുകൾ ന്യായ​വി​ധി ദിവസ​ത്തിൽ പുനരു​ത്ഥാ​ന​പ്പെ​ടി​ല്ലെ​ന്നും നമ്മൾ ചിന്തി​ച്ചേ​ക്കാം. എന്നാൽ അത്‌ അങ്ങനെ​യ​ല്ലെന്നു വേണം മനസ്സി​ലാ​ക്കാൻ. c നിനെ​വെ​ക്കാർ “ന്യായ​വി​ധി​യിൽ”  എഴു​ന്നേ​റ്റു​വ​രു​മെന്ന്‌ യേശു പറഞ്ഞ​പ്പോൾ അക്ഷരാർഥ​ത്തിൽ നടക്കാൻപോ​കുന്ന ഒരു കാര്യം​ത​ന്നെ​യാ​ണു യേശു​വി​ന്റെ മനസ്സി​ലു​ണ്ടാ​യി​രു​ന്നത്‌. സമാന​മാ​യി, സൊ​ദോ​മി​ലെ​യും ഗൊ​മോ​റ​യി​ലെ​യും ആളുകൾ ന്യായ​വി​ധി​ദി​വ​സ​ത്തിൽ ഉണ്ടായി​രി​ക്കു​മെന്നു സൂചി​പ്പി​ച്ച​പ്പോ​ഴും യേശു സകല സാധ്യ​ത​യു​മ​നു​സ​രിച്ച്‌ അതിശ​യോ​ക്തി അലങ്കാരം ഉപയോ​ഗി​ക്കു​ക​യാ​യി​രു​ന്നില്ല. പകരം, ശരിക്കും നടക്കാൻപോ​കുന്ന കാര്യം പറയു​ക​യാ​യി​രു​ന്നു എന്നു വേണം കരുതാൻ. അങ്ങനെ ചിന്തി​ക്കാൻ കാരണ​മുണ്ട്‌. ഈ രണ്ടു സന്ദർഭ​ങ്ങ​ളി​ലും യേശു പറഞ്ഞ “ന്യായ​വി​ധി​ദി​വസം” ഉറപ്പാ​യും ഒന്നുത​ന്നെ​യാണ്‌. ‘ന്യായ​വി​ധി​ക്കാ​യുള്ള പുനരു​ത്ഥാ​ന​ത്തെ​ക്കു​റിച്ച്‌’ യേശു എന്താണു പറഞ്ഞത്‌ എന്ന്‌ ഓർക്കുക: അതിൽ “മോശ​മായ കാര്യങ്ങൾ ചെയ്‌തവർ” ഉൾപ്പെ​ടും. (യോഹ. 5:29) നിനെ​വെ​ക്കാ​രെ​പ്പോ​ലെ സൊ​ദോ​മി​ലെ​യും ഗൊ​മോ​റ​യി​ലെ​യും ആളുക​ളും മോശ​മായ കാര്യങ്ങൾ ചെയ്‌ത​വ​രാണ്‌. എന്നാൽ നിനെ​വെ​ക്കാ​രിൽനിന്ന്‌ വ്യത്യ​സ്‌ത​മാ​യി ഇവർക്ക്‌ പശ്ചാത്ത​പി​ക്കാൻ അവസരം കിട്ടി​യില്ല. ഇതി​ന്റെ​യെ​ല്ലാം അടിസ്ഥാ​ന​ത്തിൽ സൊ​ദോ​മി​ലെ​യും ഗൊ​മോ​റ​യി​ലെ​യും ആളുകൾക്ക്‌ പ്രത്യാ​ശ​യ്‌ക്കുള്ള വകയു​ണ്ടെ​ന്നു​വേണം കരുതാൻ. അവരിൽ കുറച്ചു​പേ​രെ​ങ്കി​ലും പുനരു​ത്ഥാ​ന​പ്പെ​ട്ടു​വ​രാൻ സാധ്യ​ത​യുണ്ട്‌. അവരെ യഹോ​വ​യെ​യും യേശു​ക്രി​സ്‌തു​വി​നെ​യും കുറിച്ച്‌ പഠിപ്പി​ക്കാ​നുള്ള അവസരം നമുക്ക്‌ ലഭിക്കു​ക​യും ചെയ്‌തേ​ക്കാം.

16. എന്തിന്റെ അടിസ്ഥാ​ന​ത്തി​ലാണ്‌ ഒരാളെ പുനരു​ത്ഥാ​ന​പ്പെ​ടു​ത്ത​ണോ വേണ്ടയോ എന്ന്‌ യഹോവ തീരു​മാ​നി​ക്കു​ന്നത്‌? (യിരെമ്യ 17:10)

¹⁶ യിരെമ്യ 17:10 വായി​ക്കുക. യഹോവ ന്യായം​വി​ധി​ക്കു​ന്ന​തി​നെ​ക്കു​റിച്ച്‌ നമുക്ക്‌ അറിയാ​വുന്ന കാര്യങ്ങൾ ഈ വാക്യം ചുരു​ക്കി​പ്പ​റ​യു​ന്നുണ്ട്‌. അത്‌ ഇതാണ്‌: യഹോവ എല്ലായ്‌പോ​ഴും “ഹൃദയ​ത്തിന്‌ ഉള്ളി​ലേക്കു നോക്കു​ന്നു. ഉള്ളിന്റെ ഉള്ളിലെ ചിന്തകളെ പരി​ശോ​ധി​ക്കു​ന്നു.” ഭാവി​യി​ലെ പുനരു​ത്ഥാ​ന​ത്തി​ന്റെ കാര്യ​ത്തി​ലും യഹോവ അതുത​ന്നെ​യാ​ണു ചെയ്യാൻപോ​കു​ന്നത്‌. ‘ഓരോ മനുഷ്യ​നും അവനവന്റെ വഴികൾക്ക്‌ അനുസൃ​ത​മാ​യി പ്രതി​ഫലം കൊടു​ക്കും.’ ഒരാളെ പുനരു​ത്ഥാ​ന​പ്പെ​ടു​ത്ത​ണോ എന്നു തീരു​മാ​നി​ക്കു​മ്പോൾ യഹോവ തന്റെ നീതി​യുള്ള നിലവാ​ര​ങ്ങ​ളിൽ വിട്ടു​വീഴ്‌ച ചെയ്യില്ല. അതേസ​മയം കരുണ കാണി​ക്കാൻ എന്തെങ്കി​ലും ഒരു അടിസ്ഥാ​ന​മു​ള്ള​പ്പോൾ യഹോവ കരുണ കാണി​ക്കും. അതു​കൊണ്ട്‌ ഒരാൾക്ക്‌ പുനരു​ത്ഥാ​നം ഇല്ല എന്നു ബൈബിൾ പറയാ​ത്തി​ട​ത്തോ​ളം നമ്മൾ അങ്ങനെ നിഗമനം ചെയ്യരുത്‌. കാരണം നമുക്ക്‌ അത്‌ അറിയില്ല.

‘സർവഭൂ​മി​യു​ടെ​യും ന്യായാ​ധി​പൻ ഒരിക്ക​ലും നീതി പ്രവർത്തി​ക്കാ​തി​രി​ക്കില്ല’

17. മരിച്ചു​പോ​യ​വരെ എന്താണു കാത്തി​രി​ക്കു​ന്നത്‌?

¹⁷ ആദാമും ഹവ്വയും സാത്താ​ന്റെ​കൂ​ടെ ചേർന്ന്‌ യഹോ​വയെ ധിക്കരി​ച്ച​തു​മു​തൽ കോടി​ക്ക​ണ​ക്കിന്‌ ആളുകൾ മരിച്ചു​പോ​യി​ട്ടുണ്ട്‌. അതെ, ‘മരണമെന്ന ശത്രു’ അവരെ​യെ​ല്ലാം കീഴടക്കി. (1 കൊരി. 15:26) അവരെ​യെ​ല്ലാം എന്താണു കാത്തി​രി​ക്കു​ന്നത്‌? യേശു​വി​ന്റെ വിശ്വ​സ്‌ത​രായ അനുഗാ​മി​ക​ളിൽ കുറച്ചു​പേർ, അതായത്‌, 1,44,000 പേർ സ്വർഗ​ത്തി​ലെ അമർത്യ​ജീ​വ​നി​ലേക്ക്‌ ഉയിർപ്പി​ക്ക​പ്പെ​ടും. (വെളി. 14:1) യഹോ​വയെ  സ്‌നേ​ഹിച്ച വിശ്വ​സ്‌ത​രായ സ്‌ത്രീ​പു​രു​ഷ​ന്മാ​രു​ടെ ഒരു വലിയ കൂട്ടം ‘നീതി​മാ​ന്മാ​രു​ടെ പുനരു​ത്ഥാ​ന​ത്തിൽ’ ഉണ്ടായി​രി​ക്കും. ക്രിസ്‌തു​വി​ന്റെ ആയിരം​വർഷ ഭരണകാ​ല​ത്തും അന്തിമ​പ​രി​ശോ​ധ​ന​യു​ടെ സമയത്തും നീതി​മാ​ന്മാ​രാ​യി നിലനി​ന്നാൽ അവർക്ക്‌ ഭൂമി​യിൽ എന്നേക്കും ജീവി​ക്കാ​നാ​കും. (ദാനി. 12:13; എബ്രാ. 12:1) ആയിരം​വർഷ ഭരണകാ​ലത്ത്‌ ‘നീതി​കെ​ട്ട​വ​രും’ ഉയിർപ്പി​ക്ക​പ്പെ​ടും. അതിൽ യഹോ​വയെ മുമ്പൊ​രി​ക്ക​ലും സേവി​ച്ചി​ട്ടി​ല്ലാ​ത്ത​വ​രോ ‘മോശ​മായ കാര്യങ്ങൾ ചെയ്‌ത​വ​രോ’ പോലും ഉൾപ്പെ​ടും. മാറ്റങ്ങൾ വരുത്താ​നും യഹോ​വ​യു​ടെ വിശ്വ​സ്‌ത​ദാ​സ​രാ​കാ​നും അവർക്ക്‌ അപ്പോൾ അവസരം ലഭിക്കും. (ലൂക്കോ. 23:42, 43) എന്നാൽ ചില ആളുക​ളു​ടെ കാര്യ​ത്തിൽ യഹോവ അവരെ പുനരു​ത്ഥാ​ന​പ്പെ​ടു​ത്തില്ല എന്നു തീരു​മാ​നി​ച്ചി​ട്ടുണ്ട്‌. കാരണം അവർ അത്രയ​ധി​കം ദുഷ്ടന്മാ​രാ​യി​രു​ന്നു, യഹോ​വ​യ്‌ക്കും യഹോ​വ​യു​ടെ ഉദ്ദേശ്യ​ങ്ങൾക്കും എതിരെ മത്സരി​ക്കാൻ മനഃപൂർവം തീരു​മാ​നി​ച്ചു​റ​ച്ചി​രു​ന്നു.—ലൂക്കോ. 12:4, 5.

18-19. (എ) മരിച്ചു​പോ​യ​വരെ യഹോവ നീതി​യോ​ടെ ന്യായം​വി​ധി​ക്കു​മെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാ​വു​ന്നത്‌ എന്തു​കൊണ്ട്‌? (യശയ്യ 55:8, 9) (ബി) അടുത്ത ലേഖന​ത്തിൽ നമ്മൾ എന്തു ചർച്ച ചെയ്യും?

¹⁸ യഹോ​വ​യു​ടെ ന്യായ​വി​ധി​കൾ എല്ലാം ശരിയാ​യി​രി​ക്കു​മെന്നു നമുക്ക്‌ ഉറപ്പോ​ടെ പറയാൻ കഴിയു​മോ? കഴിയും. അബ്രാ​ഹാം മനസ്സി​ലാ​ക്കി​യ​തു​പോ​ലെ ഒരു പിഴവും പറ്റാത്ത ന്യായാ​ധി​പ​നാണ്‌ യഹോവ, ‘മുഴു​ഭൂ​മി​യു​ടെ​യും’ സർവജ്ഞാ​നി​യായ, കരുണാ​മ​യ​നായ “ന്യായാ​ധി​പൻ.” യഹോവ തന്റെ മകനായ യേശു​വി​നെ പരിശീ​ലി​പ്പിച്ച്‌, വിധി​ക്കാ​നുള്ള ഉത്തരവാ​ദി​ത്വം മുഴുവൻ യേശു​വി​നെ ഏൽപ്പി​ച്ചി​രി​ക്കു​ന്നു. (യോഹ. 5:22) ഓരോ മനുഷ്യ​ന്റെ​യും ഹൃദയ​ത്തിൽ എന്താ​ണെന്ന്‌ യഹോ​വ​യ്‌ക്കും യേശു​വി​നും അറിയാൻ പറ്റും. (മത്താ. 9:4) ഓരോ​രു​ത്ത​രു​ടെ​യും കാര്യ​ത്തിൽ അവർ ‘നീതി​യോ​ടെ മാത്രമേ പ്രവർത്തി​ക്കൂ.’

¹⁹ അതു​കൊണ്ട്‌, എപ്പോ​ഴും യഹോ​വ​യി​ലും യഹോ​വ​യു​ടെ തീരു​മാ​ന​ങ്ങ​ളി​ലും ഉറച്ചു​വി​ശ്വ​സി​ക്കു​മെന്ന്‌ ഒരു ദൃഢതീ​രു​മാ​നം എടുക്കുക. നമുക്ക്‌ മറ്റുള്ള​വരെ വിധി​ക്കാ​നുള്ള യോഗ്യത ഇല്ലെന്ന്‌ നമുക്ക്‌ അറിയാം. യഹോ​വ​യ്‌ക്കാണ്‌ അതിനുള്ള അധികാ​ര​മു​ള്ളത്‌. (യശയ്യ 55:8, 9 വായി​ക്കുക.) അതു​കൊണ്ട്‌ യഹോ​വ​യു​ടെ​യും മകനായ യേശു​വി​ന്റെ​യും ന്യായ​വി​ധി​യിൽ നമുക്ക്‌ പൂർണ വിശ്വാ​സ​മു​ള്ള​വ​രാ​യി​രി​ക്കാം. നമ്മുടെ രാജാ​വായ യേശു തന്റെ പിതാ​വി​ന്റെ നീതി​യും കരുണ​യും അതേപടി പകർത്തു​മെന്ന്‌ നമുക്ക്‌ ഉറപ്പുണ്ട്‌. (യശ. 11:3, 4) എന്നാൽ മഹാക​ഷ്ട​ത​യു​ടെ സമയത്തെ ദൈവ​ത്തി​ന്റെ വിധി​ക​ളെ​ക്കു​റിച്ച്‌ നമുക്ക്‌ എന്തു പറയാൻ പറ്റും? അതെക്കു​റിച്ച്‌ നമുക്ക്‌ എന്ത്‌ അറിയില്ല? എന്ത്‌ അറിയാം? അടുത്ത ലേഖന​ത്തിൽ നമ്മൾ ഈ ചോദ്യ​ങ്ങൾക്കുള്ള ഉത്തരം കണ്ടെത്തും.