അങ്ങനെ​യാ​ണെന്ന രീതി​യിൽ മുമ്പ് നമ്മുടെ പ്രസി​ദ്ധീ​ക​ര​ണ​ങ്ങ​ളിൽ ചില പരാമർശങ്ങൾ വന്നിട്ടുണ്ട്. അത്‌ എബ്രായർ 12:16-നു ചേർച്ച​യി​ലാ​ണെ​ന്നാ​ണു നമ്മൾ വിചാ​രി​ച്ചി​രു​ന്നത്‌. ഏശാവ്‌ ‘വിശു​ദ്ധ​കാ​ര്യ​ങ്ങളെ മാനി​ച്ചി​ല്ലെ​ന്നും’ ‘ഒരു നേരത്തെ ഭക്ഷണത്തി​നു​വേണ്ടി മൂത്ത മകൻ എന്ന നിലയി​ലുള്ള തന്‍റെ അവകാ​ശങ്ങൾ (യാക്കോ​ബി​നു) വെച്ചു​മാ​റി​യെ​ന്നും’ ആ വാക്യം പറയുന്നു. ‘മൂത്ത മകന്‍റെ അവകാ​ശങ്ങൾ’ കിട്ടി​യ​പ്പോൾ അതോ​ടൊ​പ്പം മിശി​ഹ​യു​ടെ ഒരു പൂർവി​ക​നാ​യി​രി​ക്കാ​നുള്ള പദവി​യും യാക്കോ​ബി​നു കിട്ടി​യ​താ​യി ഈ വാക്യം സൂചി​പ്പി​ക്കു​ന്ന​തു​പോ​ലെ തോന്നി.​—മത്താ. 1:2, 16; ലൂക്കോ. 3:23, 34.

എങ്കിലും മിശി​ഹ​യു​ടെ പൂർവി​ക​നാ​കാൻ ഒരു വ്യക്തി മൂത്ത മകനാ​യി​രി​ക്ക​ണ​മെ​ന്നി​ല്ലെന്ന് ബൈബിൾവി​വ​ര​ണങ്ങൾ തെളി​യി​ക്കു​ന്നു. ചില തെളി​വു​കൾ നോക്കാം:

യാക്കോ​ബി​നു (ഇസ്രാ​യേൽ) ലേയയി​ലൂ​ടെ ജനിച്ച മൂത്ത മകൻ രൂബേ​നാ​യി​രു​ന്നു, യാക്കോബ്‌ ഏറെ സ്‌നേ​ഹിച്ച ഭാര്യ​യായ റാഹേ​ലി​ന്‍റെ മൂത്ത മകനായി യോ​സേ​ഫും ജനിച്ചു. പിന്നീട്‌, രൂബേൻ ദുഷ്‌പ്ര​വൃ​ത്തി ചെയ്‌തതു കാരണം മൂത്ത മകന്‍റെ അവകാശം യോ​സേ​ഫി​നു ലഭിച്ചു. (ഉൽപ. 29:31-35; 30:22-25; 35:22-26; 49:22-26; 1 ദിന. 5:1, 2) എങ്കിലും മിശിഹ വന്നത്‌ രൂബേ​നി​ലൂ​ടെ​യോ യോ​സേ​ഫി​ലൂ​ടെ​യോ അല്ലായി​രു​ന്നു. പകരം യാക്കോ​ബി​നു ലേയയി​ലു​ണ്ടായ നാലാ​മത്തെ മകനായ യഹൂദ​യി​ലൂ​ടെ ആയിരു​ന്നു.​—ഉൽപ. 49:10.

 ലൂക്കോസ്‌ 3:32-ൽ മിശി​ഹ​യു​ടെ വംശാ​വ​ലി​യി​ലെ അഞ്ചു പേരെ​ക്കു​റിച്ച് പറഞ്ഞി​രി​ക്കു​ന്നു. അവരെ​ല്ലാം മൂത്ത മക്കളാ​യി​രു​ന്നി​രി​ക്കണം. ഉദാഹ​ര​ണ​ത്തിന്‌, ബോവ​സി​നു ഓബേദ്‌ ജനിച്ചു. ഓബേ​ദി​ന്‍റെ മകനാ​യി​രു​ന്നു യിശ്ശായി.​—രൂത്ത്‌ 4:17, 20-22; 1 ദിന. 2:10-12.

എന്നാൽ ദാവീദ്‌ യിശ്ശാ​യി​യു​ടെ മൂത്ത മകനല്ലാ​യി​രു​ന്നു. യിശ്ശാ​യി​യു​ടെ എട്ടു മക്കളിൽ അവസാ​ന​ത്തെ​യാ​ളാ​യി​രു​ന്നു ദാവീദ്‌. എങ്കിലും ദാവീ​ദി​ലൂ​ടെ​യാ​ണു മിശിഹ ജനിച്ചത്‌. (1 ശമു. 16:10, 11; 17:12; മത്താ. 1:5, 6) അതു​പോ​ലെ മിശി​ഹ​യു​ടെ വംശാ​വ​ലി​യി​ലെ അടുത്ത കണ്ണിയാ​യി​രുന്ന ശലോ​മോൻ ദാവീ​ദി​ന്‍റെ മൂത്ത മകനല്ലാ​യി​രു​ന്നു.​—2 ശമു. 3:2-5.

എന്നാൽ മൂത്ത മകന്‌ യാതൊ​രു പ്രാധാ​ന്യ​വു​മി​ല്ലെ​ന്നാ​ണോ ഇതിനർഥം? അല്ല. അദ്ദേഹ​ത്തിന്‌ ആദരണീ​യ​മായ ഒരു സ്ഥാനമു​ണ്ടാ​യി​രു​ന്നു. അടുത്ത കുടും​ബ​ത്ത​ല​വ​നാ​കു​മാ​യി​രുന്ന അദ്ദേഹ​ത്തി​നു സ്വത്തിന്‍റെ ഇരട്ടി ഓഹരി​യും ലഭിക്കു​മാ​യി​രു​ന്നു.​—ഉൽപ. 43:33; ആവ. 21:17; യോശു. 17:1.

എന്നാൽ മൂത്ത മകന്‍റെ അവകാശം വേറൊ​രു മകനു കൊടു​ക്കാ​നും കഴിയു​മാ​യി​രു​ന്നു. ഉദാഹ​ര​ണ​ത്തിന്‌, അബ്രാ​ഹാം മൂത്ത മകനായ യിശ്‌മാ​യേ​ലി​നെ പറഞ്ഞയ​ച്ചു​കൊണ്ട് ആ അവകാശം യിസ്‌ഹാ​ക്കി​നു കൊടു​ത്തു. (ഉൽപ. 21:14-21; 22:2) നേരത്തെ സൂചി​പ്പി​ച്ച​തു​പോ​ലെ മൂത്ത മകന്‍റെ അവകാശം രൂബേനു കൊടു​ക്കാ​തെ യാക്കോബ്‌ യോ​സേ​ഫി​നാ​ണു കൊടു​ത്തത്‌.

എബ്രായർ 12:16-ലെ വാക്കുകൾ നമുക്ക് ഒന്നുകൂ​ടി നോക്കാം: “അധാർമി​ക​പ്ര​വൃ​ത്തി​കൾ ചെയ്യു​ന്ന​വ​രോ ഒരു നേരത്തെ ഭക്ഷണത്തി​നു​വേണ്ടി മൂത്ത മകൻ എന്ന നിലയി​ലുള്ള തന്‍റെ അവകാ​ശങ്ങൾ വെച്ചു​മാ​റിയ ഏശാവി​നെ​പ്പോ​ലെ വിശു​ദ്ധ​കാ​ര്യ​ങ്ങളെ മാനി​ക്കാ​ത്ത​വ​രോ നിങ്ങളു​ടെ ഇടയി​ലി​ല്ലെന്ന് ഉറപ്പു വരുത്തുക.” എന്താണ്‌ ഈ വാക്കു​ക​ളു​ടെ അർഥം?

മിശി​ഹ​യു​ടെ വംശാ​വ​ലി​യെ​ക്കു​റി​ച്ചല്ല അപ്പോ​സ്‌ത​ല​നായ പൗലോസ്‌ ഇവിടെ ചർച്ച ചെയ്യു​ന്നത്‌. ക്രിസ്‌ത്യാ​നി​ക​ളോട്‌ അവരുടെ ‘പാദങ്ങൾക്കു നേരായ പാത ഒരുക്കാൻ’ അദ്ദേഹം പറഞ്ഞു​ക​ഴി​ഞ്ഞതേ ഉണ്ടായി​രു​ന്നു​ള്ളൂ. അങ്ങനെ അവർക്കു “ദൈവ​ത്തി​ന്‍റെ അനർഹദയ നേടു​ന്നെന്ന്” ഉറപ്പു വരുത്താ​മാ​യി​രു​ന്നു. എന്നാൽ ലൈം​ഗിക അധാർമി​ക​ത​യിൽ ഏർപ്പെ​ട്ടി​രു​ന്നെ​ങ്കിൽ അവർക്ക് അതു നഷ്ടപ്പെ​ടു​മാ​യി​രു​ന്നു. (എബ്രാ. 12:12-16) അങ്ങനെ സംഭവി​ച്ചാൽ അവർ ഏശാവി​നെ​പ്പോ​ലെ​യാ​കും. ‘വിശു​ദ്ധ​കാ​ര്യ​ങ്ങളെ മാനി​ക്കു​ന്ന​തിൽ’ ഏശാവ്‌ പരാജ​യ​പ്പെട്ടു, അതായത്‌ വിശു​ദ്ധ​കാ​ര്യ​ങ്ങളെ തുച്ഛീ​ക​രി​ച്ചു.

ഗോ​ത്ര​പി​താ​ക്ക​ന്മാ​രു​ടെ കാലത്താ​ണു ഏശാവ്‌ ജീവി​ച്ചി​രു​ന്നത്‌. ബലികൾ അർപ്പി​ക്കാ​നുള്ള പദവി ഇടയ്‌ക്കൊ​ക്കെ അദ്ദേഹ​ത്തി​നു ലഭിച്ചി​രു​ന്നി​രി​ക്കാം. (ഉൽപ. 8:20, 21; 12:7, 8; ഇയ്യോ. 1:4, 5) ജഡത്തിന്‍റെ കാര്യ​ങ്ങ​ളിൽ മനസ്സു പതിപ്പിച്ച ഏശാവ്‌ ഒരു കപ്പ് സൂപ്പി​നു​വേണ്ടി ആ പദവി​ക​ളെ​ല്ലാം വലി​ച്ചെ​റി​ഞ്ഞു. അബ്രാ​ഹാ​മി​ന്‍റെ സന്തതി അനുഭ​വി​ക്കു​മെന്നു മുൻകൂ​ട്ടി​പ്പറഞ്ഞ കഷ്ടപ്പാ​ടു​കൾ ഒഴിവാ​ക്കാൻ ഏശാവ്‌ ആഗ്രഹി​ച്ചി​രു​ന്നി​രി​ക്കണം. (ഉൽപ. 15:13) യഹോ​വയെ ആരാധി​ക്കാത്ത രണ്ടു സ്‌ത്രീ​കളെ വിവാഹം കഴിച്ചു​കൊണ്ട് മാതാ​പി​താ​ക്കളെ നിരാ​ശ​യി​ലാ​ഴ്‌ത്തിയ ഏശാവ്‌ അശുദ്ധ​മാ​യ​തി​നോ​ടാ​ണു തനിക്കു ചായ്‌വെന്നു വീണ്ടും തെളി​യി​ച്ചു. (ഉൽപ. 26:34, 35) സത്യ​ദൈ​വത്തെ ആരാധി​ക്കുന്ന ഒരാളെ മാത്രമേ വിവാ​ഹം​ക​ഴി​ക്കൂ എന്നു തീരു​മാ​നിച്ച യാക്കോ​ബിൽനിന്ന് എത്ര വ്യത്യ​സ്‌ത​നാ​യി​രു​ന്നു ഏശാവ്‌!​—ഉൽപ. 28:6, 7; 29:10-12, 18.

അതു​കൊണ്ട് മിശി​ഹ​യായ യേശു​വി​ന്‍റെ വംശാ​വ​ലി​യെ​ക്കു​റിച്ച് നമുക്ക് എന്തു നിഗമ​ന​ത്തി​ലെ​ത്താം? ചില​പ്പോ​ഴൊ​ക്കെ ആ കണ്ണി മൂത്ത മകനാ​യി​രു​ന്നു, എന്നാൽ എപ്പോ​ഴും അങ്ങനെ​യ​ല്ലാ​യി​രു​ന്നു. ജൂതന്മാ​രും ഈ കാര്യം തിരി​ച്ച​റി​യു​ക​യും അംഗീ​ക​രി​ക്കു​ക​യും ചെയ്‌തി​രു​ന്നു. അതു​കൊ​ണ്ടാണ്‌ യിശ്ശാ​യി​യു​ടെ ഏറ്റവും ഇളയ മകനായ ദാവീ​ദി​ലൂ​ടെ​യാ​ണു ക്രിസ്‌തു വരുന്ന​തെന്ന് അവർ പറഞ്ഞത്‌.​—മത്താ. 22:42.