1, 2. (എ) എന്തു സമ്മാന​ത്തി​നു​വേ​ണ്ടി​യാ​ണു ദൈവ​ത്തി​ന്‍റെ ദാസർ നോക്കി​യി​രി​ക്കു​ന്നത്‌? (ബി) സമ്മാന​ത്തിൽ കണ്ണ് ഉറപ്പി​ക്കാൻ നമ്മളെ എന്തു സഹായി​ക്കും? (ലേഖനാ​രം​ഭ​ത്തി​ലെ ചിത്രം കാണുക.)

അഭിഷി​ക്ത​ക്രി​സ്‌ത്യാ​നി​കൾക്കു പൗലോസ്‌ അപ്പോ​സ്‌ത​ല​നെ​പ്പോ​ലെ ‘സ്വർഗീ​യ​വി​ളി​യെന്ന സമ്മാനം’ ലഭിക്കാ​നുള്ള പ്രത്യാ​ശ​യുണ്ട്. (ഫിലി. 3:14) സ്വർഗീ​യ​രാ​ജ്യ​ത്തിൽ യേശു​ക്രി​സ്‌തു​വി​നോ​ടൊത്ത്‌ ഭരണം നടത്താ​നും മനുഷ്യ​കു​ടും​ബത്തെ പൂർണ​ത​യി​ലേക്കു നയിക്കാ​നും അവർ ആകാം​ക്ഷ​യോ​ടെ കാത്തി​രി​ക്കു​ന്നു. (വെളി. 20:6) എത്ര മഹത്തായ പ്രത്യാ​ശ​യാ​ണു ദൈവം അവരുടെ മുന്നിൽ തുറന്നു​കൊ​ടു​ത്തി​രി​ക്കു​ന്നത്‌! വേറെ ആടുകൾക്കു മറ്റൊരു പ്രത്യാ​ശ​യാ​ണു​ള്ളത്‌. ഭൂമി​യിൽ നിത്യം ജീവി​ക്കാ​നുള്ള സമ്മാനം നേടാ​നാണ്‌ അവർ നോക്കി​യി​രി​ക്കു​ന്നത്‌. അതും എത്ര സന്തോഷം നൽകുന്ന ഒരു പ്രത്യാ​ശ​യാണ്‌!​—2 പത്രോ. 3:13.

² വിശ്വ​സ്‌ത​രാ​യി​രി​ക്കാ​നും സമ്മാനം നേടാ​നും അഭിഷി​ക്ത​രായ സഹക്രി​സ്‌ത്യാ​നി​കളെ സഹായി​ക്കു​ന്ന​തി​നു പൗലോസ്‌ അവരെ ഇങ്ങനെ പ്രോ​ത്സാ​ഹി​പ്പി​ച്ചു: “ഉന്നതങ്ങ​ളി​ലു​ള്ള​വ​യിൽ മനസ്സു​റ​പ്പി​ക്കുക.” (കൊലോ. 3:2) സ്വർഗ​ത്തിൽ അവർക്കാ​യി കരുതി​വെ​ച്ചി​രി​ക്കുന്ന അവകാശം അവർ മനസ്സിൽ സൂക്ഷി​ക്ക​ണ​മാ​യി​രു​ന്നു. (കൊലോ. 1:4, 5) സ്വർഗീ​യ​പ്ര​ത്യാ​ശ​യാ​ണെ​ങ്കി​ലും ഭൗമി​ക​പ്ര​ത്യാ​ശ​യാ​ണെ​ങ്കി​ലും, ദൈവ​ദാ​സർക്ക് യഹോവ വെച്ചു​നീ​ട്ടി​യി​രി​ക്കുന്ന അനു​ഗ്ര​ഹ​ങ്ങ​ളെ​ക്കു​റിച്ച് ആഴമായി ചിന്തി​ക്കു​ന്നത്‌, സമ്മാന​ത്തിൽ കണ്ണ് ഉറപ്പി​ക്കാൻ അവരെ സഹായി​ക്കും.​—1 കൊരി. 9:24.

3. എന്തൊക്കെ അപകട​ങ്ങ​ളെ​ക്കു​റി​ച്ചാ​ണു പൗലോസ്‌ സഹവി​ശ്വാ​സി​കൾക്കു മുന്നറി​യി​പ്പു കൊടു​ത്തത്‌?

 ³ സമ്മാനം കിട്ടുന്നതിൽനിന്ന് നമ്മളെ തടയാൻ സാധ്യ​ത​യുള്ള അപകട​ങ്ങ​ളെ​ക്കു​റി​ച്ചും പൗലോസ്‌ സഹക്രി​സ്‌ത്യാ​നി​കളെ ഓർമി​പ്പി​ച്ചു. ഉദാഹ​ര​ണ​ത്തിന്‌, ക്രിസ്‌തു​വി​ലുള്ള വിശ്വാ​സ​ത്തി​നു പകരം മോശ​യു​ടെ നിയമം അനുസ​രി​ച്ചു​കൊണ്ട് ദൈവ​ത്തി​ന്‍റെ പ്രീതി നേടാൻ ആഗ്രഹി​ക്കുന്ന കള്ളക്രി​സ്‌ത്യാ​നി​ക​ളെ​ക്കു​റിച്ച് കൊ​ലോ​സ്യ​യി​ലു​ള്ള​വർക്കു പൗലോസ്‌ എഴുതി. (കൊലോ. 2:16-18) സമ്മാനം കിട്ടു​ന്ന​തി​നു തടസ്സമാ​യേ​ക്കാ​വുന്ന അപകട​ങ്ങ​ളെ​ക്കു​റി​ച്ചും പൗലോസ്‌ പറഞ്ഞു. തെറ്റായ ലൈം​ഗി​കാ​ഗ്ര​ഹങ്ങൾ എങ്ങനെ ചെറു​ക്കാ​മെ​ന്നും സഹവി​ശ്വാ​സി​ക​ളും കുടും​ബാം​ഗ​ങ്ങ​ളും ആയുള്ള പ്രശ്‌നങ്ങൾ എങ്ങനെ പരിഹ​രി​ക്കാ​മെ​ന്നും പൗലോസ്‌ വിശദീ​ക​രി​ച്ചു. അദ്ദേഹം പറഞ്ഞ അപകടങ്ങൾ ഇന്നും നമുക്കു ചുറ്റു​മുണ്ട്. അതു​കൊണ്ട് ആ ഉപദേ​ശങ്ങൾ നമുക്കു വില​പ്പെ​ട്ട​താണ്‌. ഇപ്പോൾ പൗലോസ്‌ കൊ​ലോ​സ്യ​യി​ലു​ള്ള​വർക്ക് എഴുതിയ കത്തിലെ ചില മുന്നറി​യി​പ്പു​കൾ പരി​ശോ​ധി​ക്കാം.

4. അധാർമി​ക​മോ​ഹങ്ങൾ നമ്മുടെ സമ്മാനം തട്ടി​ത്തെ​റി​പ്പി​ച്ചേ​ക്കാ​വു​ന്നത്‌ എങ്ങനെ?

⁴ മഹത്തായ ഭാവി​പ്ര​ത്യാ​ശ​യെ​ക്കു​റിച്ച് ഓർമി​പ്പി​ച്ച​ശേഷം പൗലോസ്‌ സഹോ​ദ​ര​ങ്ങൾക്ക് ഇങ്ങനെ എഴുതി: ‘അതു​കൊണ്ട് ലൈം​ഗിക അധാർമി​കത, അശുദ്ധി, അനിയ​ന്ത്രി​ത​മായ കാമാ​വേശം, ദുഷിച്ച മോഹങ്ങൾ, അത്യാ​ഗ്രഹം എന്നിങ്ങ​നെ​യുള്ള കാര്യ​ങ്ങ​ളിൽ നിങ്ങളു​ടെ ഭൗമി​കാ​വ​യ​വ​ങ്ങളെ കൊന്നു​ക​ള​യുക.’ (കൊലോ. 3:5) അധാർമി​ക​മോ​ഹ​ങ്ങൾക്കു വളരെ​യ​ധി​കം ശക്തിയുണ്ട്. ആത്മീയ​നി​ധി​കൾ നമുക്കു ലഭിക്കു​ന്ന​തിന്‌ അതൊരു തടസ്സമാ​യേ​ക്കാം. അധാർമി​ക​മോ​ഹ​ങ്ങ​ളു​ടെ വലയിൽ അകപ്പെ​ട്ടു​പോയ ഒരു സഹോ​ദരൻ സഭയി​ലേക്കു തിരി​ച്ചു​വ​ന്ന​ശേഷം പറഞ്ഞു: “കുഴപ്പ​ത്തിൽ ചെന്ന് ചാടു​ന്ന​തു​വരെ അതിൽനിന്ന് പുറത്ത്‌ കടക്കാൻ എനിക്കു പറ്റിയില്ല. അത്ര വലുതാ​യി​രു​ന്നു അതിന്‍റെ വശീക​ര​ണ​ശക്തി.”

5. അപകട​ക​ര​മായ സാഹച​ര്യ​ങ്ങ​ളിൽ നമ്മളെ​ത്തന്നെ എങ്ങനെ സംരക്ഷി​ക്കാം?

⁵ യഹോ​വ​യു​ടെ ധാർമി​ക​നി​ല​വാ​ര​ങ്ങ​ളിൽ വിട്ടു​വീഴ്‌ച ചെയ്യാൻ പ്രലോ​ഭനം തോന്നുന്ന സാഹച​ര്യ​ങ്ങ​ളിൽ വിശേ​ഷാൽ ജാഗ്ര​ത​യു​ള്ള​വ​രാ​യി​രി​ക്കണം. ഉദാഹ​ര​ണ​ത്തിന്‌, വിവാഹം കഴിക്കാൻ ആഗ്രഹി​ക്കുന്ന ഇണകൾ വിവാ​ഹ​ത്തി​നു മുമ്പ് ഇടപഴ​കു​മ്പോൾ സ്‌പർശനം, ചുംബനം എന്നീ കാര്യ​ങ്ങ​ളിൽ എത്ര​ത്തോ​ളം പോക​ണ​മെന്നു നിശ്ചയി​ക്കു​ന്നതു ജ്ഞാനമാ​യി​രി​ക്കും. അതു​പോ​ലെ, രണ്ടു​പേ​രും തനിച്ചാ​യി​രി​ക്കുന്ന കാര്യ​ത്തി​ലും ശ്രദ്ധയു​ള്ള​വ​രാ​യി​രി​ക്കണം. (സുഭാ. 22:3) കൂടാതെ, ജോലി​യു​ടെ ആവശ്യ​ത്തി​നാ​യി വീട്ടിൽനിന്ന് അകലെ​യാ​യി​രി​ക്കു​മ്പോ​ഴോ എതിർലിം​ഗ​ത്തിൽപ്പെട്ട ഒരാ​ളോ​ടൊ​പ്പം ഒറ്റയ്‌ക്കു ജോലി ചെയ്യു​മ്പോ​ഴോ ഒക്കെ പ്രലോ​ഭ​ന​മു​ണ്ടാ​കാൻ സാധ്യ​ത​യുണ്ട്. (സുഭാ. 2:10-12, 16) ഇത്തരം ഒരു സാഹച​ര്യ​ത്തി​ലാ​കുന്ന പക്ഷം നിങ്ങൾ ഒരു യഹോ​വ​യു​ടെ സാക്ഷി​യാ​ണെന്ന കാര്യം വ്യക്തമാ​ക്കുക, മാന്യ​മാ​യി ഇടപെ​ടുക. ശൃംഗ​രി​ക്കു​ന്നത്‌ അപകട​ത്തിൽ കൊ​ണ്ടെ​ത്തി​ച്ചേ​ക്കാ​മെന്ന് ഓർക്കുക. നമുക്ക് ഏകാന്ത​ത​യോ വിഷാ​ദ​മോ തോന്നുന്ന സമയത്ത്‌ പ്രലോ​ഭ​ന​ങ്ങൾക്കു വഴങ്ങാ​നുള്ള സാധ്യത കൂടു​ത​ലാ​യി​രി​ക്കും. കാരണം അത്തരം സാഹച​ര്യ​ങ്ങ​ളിൽ മറ്റൊ​രാ​ളു​ടെ സഹായ​ത്തി​നോ സാന്ത്വ​ന​ത്തി​നോ വേണ്ടി നമ്മുടെ ഹൃദയം തുടി​ച്ചേ​ക്കാം, വൈകാ​രി​ക​പി​ന്തുണ അതിയാ​യി ആഗ്രഹി​ക്കു​ന്ന​തു​കൊണ്ട് ആരെങ്കി​ലും നമ്മുടെ കാര്യ​ത്തിൽ താത്‌പ​ര്യ​മെ​ടു​ത്താൽ നമ്മൾ പ്രലോ​ഭ​ന​ത്തി​നു വശംവ​ദ​രാ​കാൻ സാധ്യ​ത​യുണ്ട്. നിങ്ങൾ അങ്ങനെ ഒരു സാഹച​ര്യ​ത്തി​ലൂ​ടെ കടന്നു​പോ​കു​ന്നെ​ങ്കിൽ സഹായ​ത്തി​നാ​യി യഹോ​വ​യി​ലേ​ക്കും ദൈവ​ജ​ന​ത്തി​ലേ​ക്കും തിരി​യുക. സമ്മാനം കവർന്നെ​ടു​ക്കാൻ യാതൊ​ന്നി​നെ​യും അനുവ​ദി​ക്ക​രുത്‌.​—സങ്കീർത്തനം 34:18; സുഭാ​ഷി​തങ്ങൾ 13:20 വായി​ക്കുക.

6. വിനോ​ദങ്ങൾ തിര​ഞ്ഞെ​ടു​ക്കു​മ്പോൾ നമ്മൾ ഏതു കാര്യം മനസ്സിൽപ്പി​ടി​ക്കണം?

⁶ അധാർമി​ക​മോ​ഹങ്ങൾ ‘കൊന്നു​ക​ള​യാൻ’ അധാർമി​ക​വി​നോ​ദങ്ങൾ നമ്മൾ ഒഴിവാ​ക്കണം. ഇന്നത്തെ മിക്ക വിനോ​ദ​ങ്ങ​ളും പുരാ​ത​ന​കാ​ലത്തെ സൊ​ദോ​മി​ന്‍റെ​യും ഗൊ​മോ​റ​യു​ടെ​യും അവസ്ഥയാ​ണു നമ്മുടെ ഓർമ​യി​ലേക്കു കൊണ്ടു​വ​രു​ന്നത്‌. (യൂദ 7) ‘ലൈം​ഗിക അധാർമി​ക​ത​യ്‌ക്ക് ഒരു കുഴപ്പ​വു​മില്ല, അത്‌ ഒരു സാധാരണ സംഗതി​യാണ്‌’ എന്നതു​പോ​ലുള്ള ആശയങ്ങ​ളാണ്‌ ഇന്നത്തെ വിനോ​ദ​മാ​ധ്യ​മങ്ങൾ പ്രചരി​പ്പി​ക്കു​ന്നത്‌. ഈ വിനോ​ദ​ലോ​കം വെച്ചു​നീ​ട്ടുന്ന എന്തും ഇരു​കൈ​യും നീട്ടി സ്വീക​രി​ക്കു​ന്നെ​ങ്കിൽ നമ്മുടെ ജാഗ്രത നഷ്ടപ്പെ​ട്ടേ​ക്കാം. അതു​കൊണ്ട്, സമ്മാന​ത്തിൽനിന്ന് നമ്മുടെ ദൃഷ്ടി വ്യതി​ച​ലി​പ്പി​ക്കാത്ത തരം വിനോ​ദ​മാ​യി​രി​ക്കണം നമ്മൾ തിര​ഞ്ഞെ​ടു​ക്കേ​ണ്ടത്‌.​—സുഭാ. 4:23.

7. ക്രിസ്‌തീ​യ​സ​ഭ​യിൽ എന്തെല്ലാം പ്രശ്‌നങ്ങൾ നമ്മൾ നേരി​ട്ടേ​ക്കാം?

⁷ ക്രിസ്‌തീ​യ​സ​ഭ​യു​ടെ ഭാഗമാ​യി​രി​ക്കു​ന്നത്‌ ഒരു  അനു​ഗ്ര​ഹ​മാ​ണെ​ന്ന​തിൽ സംശയ​മില്ല. മീറ്റി​ങ്ങു​ക​ളിൽ ദൈവ​വ​ചനം പഠിക്കു​ക​യും സഹോ​ദ​രങ്ങൾ സ്‌നേ​ഹ​ത്തോ​ടെ​യും ദയയോ​ടെ​യും പരസ്‌പരം പിന്തു​ണ​യ്‌ക്കു​ക​യും ചെയ്യു​ന്നത്‌, സമ്മാന​ത്തിൽ കണ്ണ് ഉറപ്പി​ക്കാൻ നമ്മളെ സഹായി​ക്കും. എങ്കിലും ചില​പ്പോൾ, തെറ്റി​ദ്ധാ​ര​ണകൾ കാരണം സഹോ​ദ​രങ്ങൾ തമ്മിലുള്ള ബന്ധത്തിനു വിള്ളൽ വീണേ​ക്കാം. അത്തരം പ്രശ്‌നങ്ങൾ പരിഹ​രി​ച്ചി​ല്ലെ​ങ്കിൽ അതു സഹോ​ദ​ര​ങ്ങ​ളു​ടെ മനസ്സിൽ നീരസ​വും വിദ്വേ​ഷ​വും ഒക്കെ നിറ​ച്ചേ​ക്കും.​—1 പത്രോസ്‌ 3:8, 9 വായി​ക്കുക.

8, 9. (എ) ഏതെല്ലാം ഗുണങ്ങ​ളു​ണ്ടാ​യി​രി​ക്കു​ന്നതു സമ്മാനം കരസ്ഥമാ​ക്കാൻ നമ്മളെ സഹായി​ക്കും? (ബി) ഒരു സഹക്രി​സ്‌ത്യാ​നി നമ്മളെ അസ്വസ്ഥ​രാ​ക്കു​ന്നെ​ങ്കിൽ സമാധാ​നം കാത്തു​സൂ​ക്ഷി​ക്കാൻ എങ്ങനെ സാധി​ക്കും?

⁸ നീരസം​മൂ​ലം നമ്മുടെ സമ്മാനം നഷ്ടപ്പെ​ടാ​തി​രി​ക്കാൻ എന്തു ചെയ്യാ​നാ​കും? പൗലോസ്‌ കൊ​ലോ​സ്യ​യി​ലു​ള്ള​വരെ ഇങ്ങനെ പ്രോ​ത്സാ​ഹി​പ്പി​ച്ചു: “നിങ്ങൾ ദൈവം തിര​ഞ്ഞെ​ടുത്ത വിശു​ദ്ധ​രും പ്രിയ​രും ആയതു​കൊണ്ട് ആർദ്ര​പ്രി​യം, അനുകമ്പ, ദയ, താഴ്‌മ, സൗമ്യത, ക്ഷമ എന്നിവ ധരിക്കുക. ഒരാൾക്കു മറ്റൊ​രാൾക്കെ​തി​രെ എന്തെങ്കി​ലും പരാതി​ക്കു കാരണ​മു​ണ്ടാ​യാൽത്തന്നെ അതു സഹിക്കു​ക​യും അന്യോ​ന്യം ഉദാര​മാ​യി ക്ഷമിക്കു​ക​യും ചെയ്യുക. യഹോവ നിങ്ങ​ളോട്‌ ഉദാര​മാ​യി ക്ഷമിച്ച​തു​പോ​ലെ നിങ്ങളും ക്ഷമിക്കുക. ഇതി​നെ​ല്ലാം പുറമേ ആളുകളെ ഒറ്റക്കെ​ട്ടാ​യി നിറു​ത്താൻ കഴിവുള്ള സ്‌നേഹം ധരിക്കുക.”​—കൊലോ. 3:12-14.

⁹ സ്‌നേ​ഹ​വും ദയയും പരസ്‌പരം ക്ഷമിക്കാൻ നമ്മളെ സഹായി​ക്കും. ഒരു സഹക്രി​സ്‌ത്യാ​നി​യു​ടെ വാക്കു​ക​ളോ പ്രവൃ​ത്തി​ക​ളോ നമ്മളെ മുറി​പ്പെ​ടു​ത്തി​യെ​ങ്കിൽ, നമ്മൾ ദയയി​ല്ലാ​തെ മറ്റുള്ള​വ​രോ​ടു പെരു​മാ​റു​ക​യോ സംസാ​രി​ക്കു​ക​യോ ചെയ്‌ത സാഹച​ര്യ​ങ്ങ​ളെ​ക്കു​റിച്ച് ചിന്തി​ക്കുക. അത്തരം സന്ദർഭ​ങ്ങ​ളിൽ അവർ നമ്മുടെ തെറ്റുകൾ ക്ഷമിച്ചി​ല്ലേ? അവർ കാണിച്ച ദയയും സ്‌നേ​ഹ​വും നമ്മൾ വിലമ​തി​ക്കു​ന്നി​ല്ലേ? (സഭാ​പ്ര​സം​ഗകൻ 7:21, 22 വായി​ക്കുക.) സത്യാ​രാ​ധ​കരെ ഐക്യ​ത്തിൽ കൂട്ടി​ച്ചേർത്തു​കൊണ്ട് ക്രിസ്‌തു ദയ കാണി​ച്ചി​രി​ക്കു​ന്ന​തിൽ നമ്മൾ നന്ദിയു​ള്ള​വ​രാണ്‌. (കൊലോ. 3:15) നമ്മളെ​ല്ലാം സേവി​ക്കു​ന്നത്‌ ഒരേ ദൈവ​ത്തെ​യാണ്‌, പ്രസം​ഗി​ക്കു​ന്നത്‌ ഒരേ സന്ദേശ​മാണ്‌, നേരി​ടുന്ന മിക്ക പ്രശ്‌ന​ങ്ങ​ളും സമാന​മാണ്‌. ദയയോ​ടെ​യും സ്‌നേ​ഹ​ത്തോ​ടെ​യും പരസ്‌പരം ക്ഷമിക്കു​മ്പോൾ നാം ആ ക്രിസ്‌തീയ ഐക്യ​ത്തി​നു മാറ്റു കൂട്ടു​ക​യാണ്‌. അതെ, ജീവനാ​കുന്ന സമ്മാന​ത്തിൽ നമ്മൾ ദൃഷ്ടി പതിപ്പി​ക്കു​ക​യാണ്‌.

10, 11. (എ) അസൂയ​യു​ടെ അപകടം എന്താണ്‌? (ബി) അസൂയ കാരണം സമ്മാനം നഷ്ടമാ​കാ​തി​രി​ക്കാൻ നമുക്ക് എന്തു ചെയ്യാ​നാ​കും?

¹⁰ സമ്മാനം തട്ടി​ത്തെ​റി​പ്പി​ച്ചേ​ക്കാ​വുന്ന മറ്റൊരു സംഗതി​യാണ്‌ അസൂയ. അതിന്‍റെ അപകടം വ്യക്തമാ​ക്കുന്ന പല ദൃഷ്ടാ​ന്ത​ങ്ങ​ളും ബൈബി​ളി​ലുണ്ട്. ഉദാഹ​ര​ണ​ത്തിന്‌, കയീൻ തന്‍റെ സഹോ​ദ​ര​നായ ഹാബേ​ലി​നോട്‌ അസൂയ പൂണ്ട് അദ്ദേഹത്തെ കൊന്നു. കോര​ഹും ദാഥാ​നും അബീരാ​മും മോശ​യോട്‌ അസൂയ​പ്പെട്ട് അദ്ദേഹ​ത്തിന്‌ എതിരെ മത്സരിച്ചു. ഇനി, ശൗൽ രാജാവ്‌ ദാവീ​ദി​ന്‍റെ വിജയ​ത്തിൽ അസൂയ മൂത്ത്‌ അദ്ദേഹത്തെ കൊല്ലാൻ ശ്രമിച്ചു. “അസൂയ​യും വഴക്ക് ഉണ്ടാക്കാ​നുള്ള പ്രവണ​ത​യും ഉള്ളിടത്ത്‌ എല്ലാം കുഴഞ്ഞു​മ​റിഞ്ഞ അവസ്ഥയി​ലാ​യി​രി​ക്കും; അവിടെ എല്ലാ തരം തിന്മക​ളു​മുണ്ട്” എന്നു ദൈവ​വ​ചനം പറഞ്ഞി​രി​ക്കു​ന്ന​തിൽ അതിശ​യി​ക്കാ​നില്ല.​—യാക്കോ. 3:16.

¹¹ നമ്മുടെ ഹൃദയ​ത്തിൽ സ്‌നേ​ഹ​വും ദയയും വളർത്തി​യെ​ടു​ക്കു​ന്നെ​ങ്കിൽ നമ്മൾ പെട്ടെന്ന് അസൂയ​പ്പെ​ടില്ല. ദൈവ​വ​ചനം പറയുന്നു: “സ്‌നേഹം ക്ഷമയും ദയയും ഉള്ളതാണ്‌. സ്‌നേഹം അസൂയ​പ്പെ​ടു​ന്നില്ല.” (1 കൊരി. 13:4) ഹൃദയ​ത്തിൽ അസൂയ വേരു പിടി​ക്കാ​തി​രി​ക്കാൻ, ദൈവം കാണു​ന്ന​തു​പോ​ലെ നമ്മൾ കാര്യങ്ങൾ വീക്ഷി​ക്കാൻ ശ്രമി​ക്കണം, നമ്മുടെ സഹോ​ദ​ര​ങ്ങളെ ഒരേ ശരീര​ത്തി​ലെ അവയവ​ങ്ങ​ളാ​യി കാണണം. അപ്പോൾ, “ഒരു അവയവ​ത്തി​നു ബഹുമാ​നം കിട്ടു​മ്പോൾ മറ്റുള്ള​വ​യെ​ല്ലാം അതി​നോ​ടൊ​പ്പം സന്തോ​ഷി​ക്കു​ന്നു” എന്ന വാക്യ​ത്തി​നു ചേർച്ച​യിൽ പ്രവർത്തി​ച്ചു​കൊണ്ട് നമുക്കു സഹാനു​ഭൂ​തി കാണി​ക്കാൻ കഴിയും. (1 കൊരി. 12:16-18, 26) മറ്റുള്ള​വർക്ക് അനു​ഗ്ര​ഹങ്ങൾ കിട്ടു​മ്പോൾ അസൂയ തോന്നു​ന്ന​തി​നു പകരം നമ്മൾ സന്തോ​ഷി​ക്കും. ശൗൽ രാജാ​വി​ന്‍റെ മകനായ യോനാ​ഥാ​നെ​ക്കു​റിച്ച് ചിന്തി​ക്കുക. ദാവീ​ദി​നെ കിരീ​ടാ​വ​കാ​ശി​യാ​യി തിര​ഞ്ഞെ​ടു​ത്ത​പ്പോൾ അസൂയ​പ്പെ​ടു​ന്ന​തി​നു പകരം അദ്ദേഹം ദാവീ​ദി​നെ ബലപ്പെ​ടു​ത്തു​ക​യാ​ണു ചെയ്‌തത്‌. (1 ശമു. 23:16-18) യോനാ​ഥാന്‌ ഉണ്ടായി​രു​ന്നത്ര ദയയും സ്‌നേ​ഹ​വും നമുക്കു​ണ്ടോ?

12. ഏതു തിരു​വെ​ഴു​ത്തു​ബു​ദ്ധി​യു​പ​ദേശം അനുസ​രി​ക്കു​ന്നതു കുടും​ബം ഒരുമിച്ച് സമ്മാനം നേടാൻ നമ്മളെ സഹായി​ക്കും?

¹² ബൈബിൾത​ത്ത്വ​ങ്ങൾ പ്രാവർത്തി​ക​മാ​ക്കു​ക​വഴി ഒരു കുടും​ബ​ത്തി​നു സമാധാ​ന​വും സന്തോ​ഷ​വും  കണ്ടെത്താ​നും സമ്മാനം നേടാ​നും കഴിയും. കൊ​ലോ​സ്യർക്കുള്ള കത്തിൽ കുടും​ബ​ങ്ങൾക്കു​വേണ്ട എന്തു ബുദ്ധി​യു​പ​ദേ​ശ​മാ​ണു പൗലോസ്‌ കൊടു​ത്തത്‌? “ഭാര്യ​മാ​രേ, നിങ്ങളു​ടെ ഭർത്താ​ക്ക​ന്മാർക്കു കീഴ്‌പെ​ട്ടി​രി​ക്കുക. അതാണ​ല്ലോ ഒരു ക്രിസ്‌ത്യാ​നി​ക്കു ചേർന്നത്‌. ഭർത്താ​ക്ക​ന്മാ​രേ, നിങ്ങളു​ടെ ഭാര്യ​മാ​രെ സ്‌നേ​ഹി​ക്കുക. അവരോ​ടു വല്ലാതെ ദേഷ്യ​പ്പെ​ട​രുത്‌. മക്കളേ, എല്ലാ കാര്യ​ങ്ങ​ളി​ലും നിങ്ങളു​ടെ മാതാ​പി​താ​ക്കളെ അനുസ​രി​ക്കുക. കാരണം ഇതു കർത്താ​വി​നു വലിയ ഇഷ്ടമുള്ള കാര്യ​മാണ്‌. പിതാ​ക്ക​ന്മാ​രേ, നിങ്ങളു​ടെ മക്കളെ വെറുതേ ദേഷ്യം പിടി​പ്പി​ക്ക​രുത്‌, അവരുടെ മനസ്സി​ടി​ഞ്ഞു​പോ​കും.” (കൊലോ. 3:18-21) ദൈവ​പ്ര​ചോ​ദി​ത​മാ​യി പൗലോസ്‌ എഴുതിയ ഈ ബുദ്ധി​യു​പ​ദേശം ഭർത്താ​ക്ക​ന്മാർക്കും ഭാര്യ​മാർക്കും കുട്ടി​കൾക്കും ഇന്നും പ്രയോ​ജനം ചെയ്യു​മെ​ന്ന​തി​നു രണ്ടു പക്ഷമില്ല.

13. അവിശ്വാ​സി​യായ ഭർത്താ​വി​നെ സത്യത്തി​ലേക്ക് ആകർഷി​ക്കാൻ ഒരു സഹോ​ദ​രിക്ക് എന്തു ചെയ്യാൻ കഴിയും?

¹³ അവിശ്വാ​സി​യായ ഭർത്താവ്‌ നിങ്ങ​ളോ​ടു നന്നായി​ട്ടല്ല പെരു​മാ​റു​ന്ന​തെന്നു കരുതുക. അതെക്കു​റിച്ച് പറഞ്ഞ് നിങ്ങൾ ദേഷ്യ​പ്പെ​ടു​ക​യും വഴക്കു​ണ്ടാ​ക്കു​ക​യും ചെയ്യു​ന്നെ​ങ്കിൽ സാഹച​ര്യം മെച്ച​പ്പെ​ടു​മോ? അദ്ദേഹം ഒരുപക്ഷേ നിങ്ങൾ ആഗ്രഹി​ക്കുന്ന വിധത്തിൽ ഇടപെ​ട്ടേ​ക്കാം. പക്ഷേ അദ്ദേഹം സത്യത്തി​ലേക്കു വരാൻ സാധ്യ​ത​യു​ണ്ടോ? ഇല്ല. എന്നാൽ, നിങ്ങൾ ഭർത്താ​വി​ന്‍റെ ശിരഃ​സ്ഥാ​നത്തെ ആദരി​ക്കു​ന്നെ​ങ്കിൽ അതു കുടും​ബ​ത്തിൽ സമാധാ​നം വരുത്തും, യഹോ​വ​യ്‌ക്കു സ്‌തുതി കരേറ്റും, ഒരുപക്ഷേ ഭർത്താവ്‌ സത്യാ​രാ​ധ​ന​യി​ലേക്കു വരാനും ഇടയാ​കും. അങ്ങനെ നിങ്ങൾക്കു രണ്ടു പേർക്കും സമ്മാനം നേടാൻ കഴിയും.​—1 പത്രോസ്‌ 3:1, 2 വായി​ക്കുക.

14. അവിശ്വാ​സി​യായ ഭാര്യ ബഹുമാ​നി​ക്കു​ന്നി​ല്ലെ​ങ്കിൽ ഒരു ഭർത്താവ്‌ എന്തു ചെയ്യണം?

 ¹⁴ അവിശ്വാ​സി​യായ ഭാര്യ തന്നെ ബഹുമാ​നി​ക്കു​ന്നി​ല്ലെന്നു കരുതുന്ന ഒരു ഭർത്താ​വാ​ണോ നിങ്ങൾ? തന്‍റെ അധികാ​രം കാണി​ച്ചു​കൊ​ടു​ക്കാൻവേണ്ടി ഭാര്യയെ ശകാരി​ക്കുന്ന ഒരു ഭർത്താ​വി​നു ഭാര്യ​യു​ടെ ആദരവ്‌ ലഭിക്കു​മോ? ഒരിക്ക​ലു​മില്ല! നിങ്ങൾ യേശു​വി​നെ അനുക​രി​ച്ചു​കൊണ്ട് സ്‌നേ​ഹ​ത്തോ​ടെ ശിരസ്ഥാ​നം പ്രയോ​ഗി​ക്കാ​നാ​ണു ദൈവം ആഗ്രഹി​ക്കു​ന്നത്‌. (എഫെ. 5:23) സ്‌നേ​ഹ​ത്തോ​ടെ​യും ക്ഷമയോ​ടെ​യും ആണ്‌ യേശു സഭയുടെ മേൽ അധികാ​രം പ്രയോ​ഗി​ക്കു​ന്നത്‌. (ലൂക്കോ. 9:46-48) യേശു​വി​നെ അനുക​രി​ക്കു​ന്നെ​ങ്കിൽ ഒരുപക്ഷേ ഭർത്താ​വി​നു ഭാര്യയെ സത്യാ​രാ​ധ​ന​യി​ലേക്കു കൊണ്ടു​വ​രാൻ കഴി​ഞ്ഞേ​ക്കും.

15. എങ്ങനെ ഒരു ക്രിസ്‌ത്യാ​നി​ക്കു ഭാര്യ​യോ​ടുള്ള സ്‌നേഹം കാണി​ക്കാൻ കഴിയും?

¹⁵ ഭർത്താ​ക്ക​ന്മാ​രോട്‌ ഇങ്ങനെ പറഞ്ഞി​രി​ക്കു​ന്നു: “ഭർത്താ​ക്ക​ന്മാ​രേ, നിങ്ങളു​ടെ ഭാര്യ​മാ​രെ സ്‌നേ​ഹി​ക്കുക. അവരോ​ടു വല്ലാതെ ദേഷ്യ​പ്പെ​ട​രുത്‌.” (കൊലോ. 3:19) ഭാര്യ​യു​ടെ അഭി​പ്രാ​യങ്ങൾ ശ്രദ്ധി​ച്ചു​കൊ​ണ്ടും ഭാര്യ പറയു​ന്ന​തി​നു താൻ വില കല്‌പി​ക്കു​ന്നെന്ന് ഉറപ്പു കൊടു​ത്തു​കൊ​ണ്ടും സ്‌നേ​ഹ​മുള്ള ഒരു ഭർത്താവ്‌ ഭാര്യയെ ആദരി​ക്കു​ന്നു. (1 പത്രോ. 3:7) ഭാര്യ​യു​ടെ ഇഷ്ടപ്ര​കാ​രം എല്ലാ കാര്യ​ങ്ങ​ളും ചെയ്യാൻ കഴിയി​ല്ലെ​ങ്കി​ലും ഭാര്യ​യു​ടെ അഭി​പ്രാ​യം​കൂ​ടെ കണക്കി​ലെ​ടു​ത്ത​തി​നു ശേഷമാ​യി​രി​ക്കും ഭർത്താവ്‌ ഒരു തീരു​മാ​ന​ത്തി​ലെ​ത്തു​ന്നത്‌. (സുഭാ. 15:22) സ്‌നേ​ഹ​മുള്ള ഒരു ഭർത്താവ്‌ ഭാര്യ​യു​ടെ ബഹുമാ​നം പിടി​ച്ചു​വാ​ങ്ങാൻ ശ്രമി​ക്കില്ല, മറിച്ച് അതു നേടി​യെ​ടു​ക്കും. ഭാര്യ​യെ​യും മക്കളെ​യും സ്‌നേ​ഹി​ക്കുന്ന ഒരു ഭർത്താവ്‌ യഹോ​വയെ സന്തോ​ഷ​ത്തോ​ടെ സേവി​ക്കുന്ന ഒരു കുടും​ബം പണിതു​യർത്തും. അവർ ഭാവി​യിൽ ഒരുമിച്ച് ജീവന്‍റെ സമ്മാനം നേടു​ക​യും ചെയ്യും.

16, 17. മാതാ​പി​താ​ക്ക​ളു​ടെ ശിക്ഷണ​ത്തോ​ടു നീരസം കാണി​ക്കാ​തി​രി​ക്കാൻ ചെറു​പ്പ​ക്കാർക്ക് എങ്ങനെ കഴിയും?

¹⁶ ചെറു​പ്പ​ക്കാ​രേ, മാതാ​പി​താ​ക്കൾ നിങ്ങളെ മനസ്സി​ലാ​ക്കു​ന്നി​ല്ലെ​ന്നും നിങ്ങൾക്ക് ആവശ്യ​ത്തി​നു സ്വാത​ന്ത്ര്യം തരുന്നി​ല്ലെ​ന്നും നിങ്ങൾക്കു തോന്നു​ന്നു​ണ്ടോ? അതെ​പ്രതി നിങ്ങൾക്ക് അസ്വസ്ഥത തോന്നി​യാൽ യഹോ​വയെ സേവി​ക്ക​ണോ എന്നു​പോ​ലും നിങ്ങൾ ചിന്തി​ച്ചു​പോ​യേ​ക്കാം. അങ്ങനെ നിങ്ങൾ യഹോ​വയെ സേവി​ക്കു​ന്നതു നിറു​ത്തി​യാൽ ഒരു കാര്യം നിങ്ങൾ തിരി​ച്ച​റി​യേ​ണ്ടി​വ​രും: ദൈവ​ഭ​യ​മുള്ള മാതാ​പി​താ​ക്ക​ളെ​യും സഹോ​ദ​ര​ങ്ങ​ളെ​യും പോലെ നിങ്ങളു​ടെ കാര്യ​ത്തിൽ താത്‌പ​ര്യ​മുള്ള മറ്റാരു​മില്ല എന്ന സത്യം.

¹⁷ മാതാ​പി​താ​ക്കൾ നിങ്ങളെ ഒരിക്ക​ലും തിരു​ത്തി​യി​ട്ടി​ല്ലെ​ങ്കിൽ അവർക്ക് യഥാർഥ​ത്തിൽ നിങ്ങ​ളോ​ടു സ്‌നേ​ഹ​മു​ണ്ടെന്നു പറയാൻ കഴിയു​മോ? (എബ്രാ. 12:8) ഒരുപക്ഷേ മാതാ​പി​താ​ക്കൾ ശിക്ഷണം തരുന്ന രീതി​യാ​യി​രി​ക്കാം നിങ്ങൾക്ക് ഇഷ്ടപ്പെ​ടാ​ത്തത്‌. ശിക്ഷണം തരുന്ന വിധ​ത്തെ​ക്കു​റിച്ച് ഓർത്ത്‌ വിഷമി​ക്കു​ന്ന​തി​നു പകരം എന്തു​കൊ​ണ്ടാണ്‌ അവർ ശിക്ഷണം തന്നതെന്നു ചിന്തി​ക്കുക. അതു​കൊണ്ട്, മാതാ​പി​താ​ക്കൾ കുറ്റ​പ്പെ​ടു​ത്തു​മ്പോൾ പ്രകോ​പി​ത​രാ​കു​ന്ന​തി​നു പകരം ശാന്തരാ​യി​രി​ക്കുക. ദൈവ​വ​ചനം പറയുന്നു: “അറിവു​ള്ളവൻ വാക്കുകൾ നിയ​ന്ത്രി​ക്കു​ന്നു; വകതി​രി​വു​ള്ളവൻ ശാന്തത പാലി​ക്കും.” (സുഭാ. 17:27) ഏതു രീതി​യി​ലാണ്‌ ഉപദേശം തന്നതെന്ന് ഓർത്ത്‌ വിഷമി​ക്കു​ന്ന​തി​നു പകരം ആ ബുദ്ധി​യു​പ​ദേ​ശ​ത്തിൽനിന്ന് പ്രയോ​ജനം നേടുക. ശാന്തത​യോ​ടെ ശിക്ഷണം സ്വീക​രി​ക്കാൻ കഴിയുന്ന പക്വത​യുള്ള ഒരാളാ​യി​ത്തീ​രുക എന്നതാ​യി​രി​ക്കട്ടെ നിങ്ങളു​ടെ ലക്ഷ്യം. (സുഭാ. 1:8) യഹോ​വയെ യഥാർഥ​ത്തിൽ സ്‌നേ​ഹി​ക്കുന്ന മാതാ​പി​താ​ക്ക​ളു​ണ്ടാ​യി​രി​ക്കു​ന്നത്‌ ഒരു അനു​ഗ്ര​ഹ​മാണ്‌. ജീവന്‍റെ സമ്മാനം നേടാൻ അവർ നിങ്ങളെ തീർച്ച​യാ​യും സഹായി​ക്കും.

18. സമ്മാന​ത്തിൽ കണ്ണ് ഉറപ്പി​ക്കാൻ നിങ്ങൾ തീരു​മാ​നി​ച്ചി​രി​ക്കു​ന്നത്‌ എന്തു​കൊണ്ട്?

¹⁸ നമ്മുടെ സമ്മാനം സ്വർഗ​ത്തി​ലെ അമർത്യ​ജീ​വ​നാ​യാ​ലും പറുദീ​സാ​ഭൂ​മി​യി​ലെ നിത്യ​ജീ​വ​നാ​യാ​ലും, അതെപ്പറ്റി വിഭാവന ചെയ്യു​ന്നതു നമ്മളെ വിസ്‌മ​യി​പ്പി​ക്കും. അത്‌ ഉറപ്പുള്ള ഒരു പ്രത്യാ​ശ​യാണ്‌, അതിന്‍റെ അടിസ്ഥാ​നം സ്രഷ്ടാ​വി​ന്‍റെ വാഗ്‌ദാ​ന​മാണ്‌. പറുദീ​സാ​ഭൂ​മി​യെ​ക്കു​റിച്ച് ദൈവം പറയുന്നു: “ഭൂമി മുഴുവൻ യഹോ​വ​യു​ടെ പരിജ്ഞാ​നം നിറഞ്ഞി​രി​ക്കും.” (യശ. 11:9) അന്നു ഭൂമി​യിൽ ജീവി​ച്ചി​രി​ക്കുന്ന എല്ലാവ​രും ദൈവ​ത്താൽ പഠിപ്പി​ക്ക​പ്പെ​ട്ട​വ​രാ​യി​രി​ക്കും. ആ സമ്മാന​ത്തി​നു നിങ്ങൾ എത്ര ശ്രമി​ച്ചാ​ലും അതൊരു നഷ്ടമേ അല്ല. അതു​കൊണ്ട് യഹോവ വാഗ്‌ദാ​നം ചെയ്‌തി​രി​ക്കുന്ന കാര്യ​ങ്ങ​ളിൽ മനസ്സു പതിപ്പി​ക്കുക, യാതൊ​ന്നും നിങ്ങളു​ടെ സമ്മാനം തട്ടി​ത്തെ​റി​പ്പി​ക്കാ​തി​രി​ക്കട്ടെ!