1, 2. നമ്മളെ ഐക്യ​ത്തിൽ ഒന്നിപ്പി​ക്കുന്ന ഏത്‌ ആചരണ​മാണ്‌ 2018-ൽ നടക്കാൻ പോകു​ന്നത്‌, എന്തു​കൊണ്ട്? (ലേഖനാ​രം​ഭ​ത്തി​ലെ ചിത്രം കാണുക.)

ദിവസം 2018 മാർച്ച് 31 ശനിയാഴ്‌ച. സൂര്യൻ പടിഞ്ഞാ​റേ ചക്രവാ​ള​ത്തിൽ മറയാൻപോ​കു​ക​യാണ്‌. ദൈവ​ജ​ന​വും താത്‌പ​ര്യ​ക്കാ​രായ അനേക​രും കർത്താ​വി​ന്‍റെ അത്താഴ​ത്തി​ന്‍റെ വാർഷി​കാ​ച​ര​ണ​ത്തി​നാ​യി അന്നേ ദിവസം കൂടി​വ​രും. ഭൂഗോ​ളം അതിന്‍റെ അച്ചുത​ണ്ടിൽ തിരി​യവെ, ലോക​ത്തി​ന്‍റെ പല ഭാഗങ്ങ​ളി​ലാ​യി ക്രിസ്‌തു​വി​ന്‍റെ മരണത്തെ ഓർമി​ക്കാൻ ദശലക്ഷങ്ങൾ ഒത്തു​ചേ​രും. ആണ്ടി​ലൊ​രി​ക്കൽ നടക്കുന്ന ഈ ആചരണം​പോ​ലെ ഐക്യം വിളി​ച്ചോ​തുന്ന മറ്റൊരു സംഭവ​വും ഈ ഭൂമു​ഖ​ത്തില്ല!

² ആ ദിവസത്തിന്‍റെ ഓരോ മണിക്കൂറിലും ലക്ഷക്കണക്കിന്‌ ആളുകൾ ഭൂമി​യു​ടെ പല ഭാഗങ്ങ​ളിൽ ഈ പ്രത്യേക ആചരണ​ത്തിൽ പങ്കെടു​ക്കും. അതു കാണുന്ന യഹോ​വ​യു​ടെ​യും യേശു​വി​ന്‍റെ​യും സന്തോഷം നമുക്കു ഭാവന​യിൽ കാണാനേ സാധിക്കൂ! “എല്ലാ ജനതക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും നിന്നുള്ള, ആർക്കും എണ്ണിത്തി​ട്ട​പ്പെ​ടു​ത്താൻ കഴിയാത്ത ഒരു മഹാപു​രു​ഷാ​രം . . . ‘നമുക്കു ലഭിച്ച രക്ഷയ്‌ക്കു നമ്മൾ, സിംഹാ​സ​ന​ത്തിൽ ഇരിക്കുന്ന നമ്മുടെ ദൈവ​ത്തോ​ടും കുഞ്ഞാ​ടി​നോ​ടും കടപ്പെ​ട്ടി​രി​ക്കു​ന്നു’” എന്ന് ഉറക്കെ പറയു​ന്ന​താ​യി ബൈബിൾ മുൻകൂ​ട്ടി​പ്പ​റ​ഞ്ഞി​ട്ടുണ്ട്. (വെളി. 7:9, 10) വർഷം​തോ​റും സ്‌മാ​രകം ആചരി​ച്ചു​കൊണ്ട് യഹോ​വ​യെ​യും യേശു​വി​നെ​യും ആദരി​ക്കു​ന്നത്‌ എത്ര മഹത്തായ ഒരു കാര്യ​മാണ്‌!

3. ഈ ലേഖനം ഏതെല്ലാം ചോദ്യങ്ങൾക്ക് ഉത്തരം തരും?

 ³ ഇതി​നോ​ടുള്ള ബന്ധത്തിൽ പിൻവ​രുന്ന ചില ചോദ്യ​ങ്ങൾ നമ്മൾ ഈ ലേഖന​ത്തിൽ ചർച്ച ചെയ്യും. (1) നമുക്ക് ഓരോ​രു​ത്തർക്കും എങ്ങനെ സ്‌മാ​ര​കാ​ച​ര​ണ​ത്തി​നാ​യി ഒരുങ്ങാം, അതിൽനിന്ന് പ്രയോ​ജനം നേടാം? (2) ഏതു വിധങ്ങ​ളി​ലാ​ണു സ്‌മാ​രകം ദൈവ​ജ​ന​ത്തിന്‌ ഇടയിലെ ഐക്യം ഉന്നമി​പ്പി​ക്കു​ന്നത്‌? (3) വ്യക്തി​ക​ളെന്ന നിലയിൽ നമുക്ക് എങ്ങനെ ഐക്യ​ത്തി​നു സംഭാവന ചെയ്യാൻ കഴിയും? (4) ഒരു അവസാന സ്‌മാ​ര​കാ​ച​രണം എന്നെങ്കി​ലും ഉണ്ടാകു​മോ, ഉണ്ടെങ്കിൽ എപ്പോൾ?

4. എന്തു ശ്രമം ചെയ്‌തും സ്‌മാ​ര​കാ​ച​ര​ണ​ത്തി​നു കൂടി​വ​രേ​ണ്ടത്‌ എന്തു​കൊണ്ട്?

⁴ സ്‌മാ​ര​ക​ത്തിൽ പങ്കെടു​ക്കേ​ണ്ടത്‌ ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്? സഭാ​യോ​ഗങ്ങൾ നമ്മുടെ ആരാധ​ന​യു​ടെ ഭാഗമാ​ണെന്ന് ഓർക്കുക. വർഷത്തി​ലെ ഏറ്റവും പ്രധാ​ന​പ്പെട്ട സഭാ​യോ​ഗ​മാ​ണു സ്‌മാ​ര​കാ​ച​രണം. അതിൽ പങ്കെടു​ക്കാ​നാ​യി ആരൊ​ക്കെ​യാ​ണു ശ്രമം ചെയ്യു​ന്ന​തെന്ന് യഹോ​വ​യും യേശു​വും ഉറപ്പാ​യും ശ്രദ്ധി​ക്കും. അതു​കൊണ്ട്, തീർത്തും ബുദ്ധി​മു​ട്ടി​ലാ​ക്കുന്ന ശാരീ​രി​ക​പ്ര​ശ്‌ന​ങ്ങ​ളോ മറ്റു സാഹച​ര്യ​ങ്ങ​ളോ ഇല്ലെങ്കിൽ നമ്മൾ സ്‌മാ​ര​കാ​ച​ര​ണ​ത്തി​നു തീർച്ച​യാ​യും കൂടി​വ​രും. ആരാധ​ന​യ്‌ക്കാ​യി കൂടി​വ​രു​ന്നതു നമ്മൾ വളരെ പ്രധാ​ന​മാ​യി കാണു​ന്നെന്നു പ്രവൃ​ത്തി​ക​ളാൽ തെളി​യി​ക്കുക. അപ്പോൾ ദൈവ​ത്തി​ന്‍റെ “ഓർമ​പ്പു​സ്‌ത​ക​ത്തിൽ” അതായത്‌, നിത്യ​ജീ​വന്‍റെ നിരയി​ലേക്കു വരുന്ന​വ​രു​ടെ പേരുകൾ എഴുതുന്ന “ജീവന്‍റെ പുസ്‌ത​ക​ത്തിൽ,” നമ്മുടെ പേര്‌ എഴുതാ​നാ​യി നമ്മൾ യഹോ​വ​യ്‌ക്കു മറ്റൊരു കാരണം​കൂ​ടി നൽകു​ക​യാണ്‌.​—മലാ. 3:16; വെളി. 20:15.

5. നമ്മൾ “വിശ്വാ​സ​ത്തിൽത്ത​ന്നെ​യാ​ണോ എന്നു” സ്‌മാ​ര​ക​ത്തി​നു മുമ്പുള്ള ദിവസ​ങ്ങ​ളിൽ നമുക്ക് എങ്ങനെ ‘പരി​ശോ​ധി​ക്കാം?’

⁵ സ്‌മാ​ര​ക​ത്തി​നു മുമ്പുള്ള ദിവസ​ങ്ങ​ളിൽ, യഹോ​വ​യു​മാ​യുള്ള ബന്ധത്തെ​ക്കു​റിച്ച് പ്രാർഥ​നാ​പൂർവം ചിന്തി​ക്കാൻ നമുക്ക് ഓരോ​രു​ത്തർക്കും സമയം മാറ്റി​വെ​ക്കാം. (2 കൊരി​ന്ത്യർ 13:5 വായി​ക്കുക.) നമുക്ക് അത്‌ എങ്ങനെ ചെയ്യാം? നമ്മൾ ‘വിശ്വാ​സ​ത്തിൽത്ത​ന്നെ​യാ​ണോ എന്നു പരി​ശോ​ധി​ക്കു​ന്ന​തി​ലൂ​ടെ.’ അങ്ങനെ ഒരു പരി​ശോ​ധന നടത്താൻ പിൻവ​രുന്ന ചോദ്യ​ങ്ങൾ സ്വയം ചോദി​ക്കുക: ‘തന്‍റെ ഇഷ്ടം നിവർത്തി​ക്കാ​നാ​യി യഹോവ ഉപയോ​ഗി​ക്കുന്ന ഒരേ ഒരു സംഘട​ന​യു​ടെ ഭാഗമാ​ണു ഞാൻ എന്ന് എനിക്കു വിശ്വാ​സ​മു​ണ്ടോ? ദൈവ​രാ​ജ്യ​ത്തി​ന്‍റെ സന്തോ​ഷ​വാർത്ത പ്രസം​ഗി​ക്കു​ന്ന​തി​നും പഠിപ്പി​ക്കു​ന്ന​തി​നും എന്‍റെ കഴിവി​ന്‍റെ പരമാ​വധി ഞാൻ ചെയ്യു​ന്നു​ണ്ടോ? ഇത്‌ അവസാ​ന​നാ​ളു​ക​ളാ​ണെ​ന്നും സാത്താന്‍റെ ഭരണത്തിന്‌ ഉടൻ തിരശ്ശീല വീഴാൻ പോകു​ക​യാ​ണെ​ന്നും എനിക്ക് ഉറപ്പു​ണ്ടെന്ന് എന്‍റെ പ്രവൃ​ത്തി​കൾ തെളി​യി​ക്കു​ന്നു​ണ്ടോ? ജീവിതം യഹോ​വ​യ്‌ക്കു സമർപ്പിച്ച സമയത്ത്‌ എനിക്ക് യഹോ​വ​യി​ലും യേശു​ക്രി​സ്‌തു​വി​ലും ഉണ്ടായി​രുന്ന അതേ വിശ്വാ​സം ഇപ്പോ​ഴു​മു​ണ്ടോ?’ (മത്താ. 24:14; 2 തിമൊ. 3:1; എബ്രാ. 3:14) ഈ ചോദ്യ​ങ്ങ​ളെ​ക്കു​റിച്ച് കാര്യ​മാ​യൊ​ന്നു ചിന്തി​ക്കുക. നമ്മൾ എങ്ങനെ​യു​ള്ള​വ​രാ​ണെന്നു പരീക്ഷിച്ച് ഉറപ്പു​വ​രു​ത്താൻ അതു നമ്മളെ സഹായി​ക്കും.

6. (എ) ജീവനി​ലേ​ക്കുള്ള ഒരേ ഒരു വഴി ഏതാണ്‌? (ബി) ഓരോ വർഷവും സ്‌മാ​ര​ക​ത്തിന്‌ ഒരുങ്ങാ​നാ​യി ഒരു മൂപ്പൻ എന്താണു ചെയ്യു​ന്നത്‌, അതു​പോ​ലെ നിങ്ങൾക്ക് എങ്ങനെ സ്‌മാ​ര​ക​ത്തി​നാ​യി ഒരുങ്ങാം?

⁶ സ്‌മാ​ര​ക​ത്തി​ന്‍റെ പ്രാധാ​ന്യ​ത്തെ​ക്കു​റിച്ച് ചർച്ച ചെയ്യുന്ന ലേഖനങ്ങൾ വായി​ക്കു​ക​യും ധ്യാനി​ക്കു​ക​യും ചെയ്യുക. (യോഹ​ന്നാൻ 3:16; 17:3 വായി​ക്കുക.) നിത്യ​ജീ​വ​നി​ലേ​ക്കുള്ള ഒരേ ഒരു വഴി യഹോ​വയെ അറിയു​ന്ന​തും ദൈവ​ത്തി​ന്‍റെ ഏകജാ​ത​പു​ത്ര​നായ യേശു​വിൽ വിശ്വ​സി​ക്കു​ന്ന​തും ആണ്‌. സ്‌മാ​ര​ക​ത്തി​നു തയ്യാ​റെ​ടു​ക്കു​മ്പോൾ യഹോ​വ​യോ​ടും യേശു​വി​നോ​ടും കൂടുതൽ അടുക്കാൻ സഹായി​ക്കുന്ന ചില പഠനപ​രി​പാ​ടി​കൾ നിങ്ങൾക്ക് ആസൂ​ത്രണം ചെയ്യാ​നാ​കു​മോ? വളരെ​ക്കാ​ല​മാ​യി മൂപ്പനാ​യി സേവി​ക്കുന്ന ഒരു സഹോ​ദരൻ എന്താണു ചെയ്യു​ന്ന​തെന്നു നോക്കാം. സ്‌മാ​ര​ക​ത്തെ​ക്കു​റി​ച്ചും യഹോ​വ​യും യേശു​വും നമ്മളോ​ടു കാണിച്ച സ്‌നേ​ഹ​ത്തെ​ക്കു​റി​ച്ചും ചർച്ച ചെയ്യുന്ന പല വർഷങ്ങ​ളി​ലെ വീക്ഷാ​ഗോ​പു​ര​ലേ​ഖ​നങ്ങൾ അദ്ദേഹം ശേഖരി​ച്ചു. സ്‌മാ​ര​ക​ത്തി​നു മുമ്പുള്ള ആഴ്‌ച​ക​ളിൽ അദ്ദേഹം ഈ ലേഖനങ്ങൾ വീണ്ടും വായി​ക്കു​ക​യും ഈ ആചരണ​ത്തി​ന്‍റെ പ്രാധാ​ന്യ​ത്തെ​ക്കു​റിച്ച് ധ്യാനി​ക്കു​ക​യും ചെയ്യും. ചില​പ്പോ​ഴൊ​ക്കെ തന്‍റെ ശേഖര​ത്തി​ലേക്ക് അദ്ദേഹം ഒന്നോ രണ്ടോ ലേഖനങ്ങൾ കൂട്ടി​ച്ചേർക്കും. ഈ ലേഖന​ങ്ങ​ളും സ്‌മാരക ബൈബിൾവാ​യ​നാ​ഭാ​ഗ​വും വായി​ക്കു​ക​യും ധ്യാനി​ക്കു​ക​യും ചെയ്യു​ന്ന​തി​ലൂ​ടെ പുതി​യ​പു​തിയ കാര്യങ്ങൾ ഓരോ വർഷവും പഠിക്കാ​നാ​കു​ന്നു എന്ന് അദ്ദേഹം പറയുന്നു. വർഷങ്ങൾ കടന്നു​പോ​കും​തോ​റും യഹോ​വ​യോ​ടും യേശു​വി​നോ​ടും ഉള്ള സ്‌നേഹം കൂടി​ക്കൂ​ടി വരുന്ന​താ​യി അദ്ദേഹ​ത്തി​നു തോന്നു​ന്നു. ഇങ്ങനെ​യൊ​രു പഠനപ​രി​പാ​ടി​യു​ണ്ടെ​ങ്കിൽ യഹോ​വ​യോ​ടും യേശു​വി​നോ​ടും ഉള്ള നിങ്ങളു​ടെ സ്‌നേ​ഹ​വും ആഴമു​ള്ള​താ​കും. അതു സ്‌മാ​ര​കാ​ച​ര​ണ​ത്തിൽനിന്ന് കൂടുതൽ പ്രയോ​ജനം നേടാൻ നിങ്ങളെ സഹായി​ക്കും.

7. (എ) കർത്താ​വി​ന്‍റെ അത്താഴം ഏർപ്പെ​ടു​ത്തിയ രാത്രി​യിൽ യേശു എന്താണു പ്രാർഥി​ച്ചത്‌? (ബി) യേശു​വി​ന്‍റെ പ്രാർഥ​ന​യ്‌ക്ക് യഹോവ ഉത്തരം കൊടു​ത്തെന്ന് എന്തു കാണി​ക്കു​ന്നു?

⁷ കർത്താ​വി​ന്‍റെ അത്താഴം ഏർപ്പെ​ടു​ത്തിയ ആ രാത്രി​യിൽ, തന്‍റെ അനുഗാ​മി​കൾ എല്ലാവ​രും യോജി​പ്പി​ലാ​യി​രി​ക്കാ​നും താനും പിതാ​വും ആസ്വദി​ക്കുന്ന അമൂല്യ​മായ ഐക്യം അവർക്കി​ട​യി​ലു​ണ്ടാ​കാ​നും യേശു അപേക്ഷി​ച്ചു. (യോഹ​ന്നാൻ 17:20, 21 വായി​ക്കുക.) തന്‍റെ പ്രിയ​മ​കന്‍റെ ആ പ്രാർഥ​ന​യ്‌ക്ക് യഹോവ ഉത്തരം നൽകി​യി​രി​ക്കു​ന്നു, ഇന്നു ദശലക്ഷങ്ങൾ യഹോ​വ​യാ​ണു തന്‍റെ മകനെ അയച്ച​തെന്നു വിശ്വ​സി​ക്കു​ന്നു. ദൈവ​ജ​ന​ത്തി​ന്‍റെ മറ്റെല്ലാ യോഗ​ങ്ങ​ളെ​ക്കാ​ളും സ്‌മാ​ര​കാ​ച​രണം യഹോ​വ​യു​ടെ സാക്ഷി​ക​ളു​ടെ യോജി​പ്പിന്‌ അനി​ഷേ​ധ്യ​മായ തെളിവ്‌ നൽകു​ന്നുണ്ട്. പല രാജ്യ​ക്കാ​രും പല നിറക്കാ​രും ആയ ആളുകൾ ഭൂമി​യി​ലെ​ങ്ങു​മുള്ള യോഗ​സ്ഥ​ല​ങ്ങ​ളിൽ അന്നേ ദിവസം ഒരുമി​ച്ചു​കൂ​ടു​ന്നു. വ്യത്യ​സ്‌ത​വർഗ​ക്കാർ മതപര​മായ ഒരു യോഗ​ത്തിന്‌ ഒരുമിച്ച് കൂടി​വ​രു​ന്നതു ചില പ്രദേ​ശ​ങ്ങ​ളിൽ കേട്ടു​കേൾവി​പോ​ലു​മി​ല്ലാ​ത്ത​താണ്‌. ചിലർ അതിനെ പുച്ഛ​ത്തോ​ടെ​യാ​ണു കാണു​ന്നത്‌. പക്ഷേ, യഹോ​വ​യു​ടെ​യും യേശു​വി​ന്‍റെ​യും കണ്ണുക​ളിൽ അത്തരം യോജിപ്പ് എത്ര മനോ​ഹ​ര​മാണ്‌!

8. ഐക്യ​ത്തെ​ക്കു​റിച്ച് യഹോവ യഹസ്‌കേ​ലിന്‌ എന്തു സന്ദേശ​മാ​ണു കൊടു​ത്തത്‌?

⁸ യഹോ​വ​യു​ടെ ജനമായ നമ്മൾ ആസ്വദി​ക്കുന്ന ഐക്യ​ത്തിൽ നമുക്ക് ഒട്ടും അത്ഭുത​മില്ല. കാരണം യഹോവ അതു മുൻകൂ​ട്ടി​പ്പ​റ​ഞ്ഞി​ട്ടു​ള്ള​താണ്‌. ‘യഹൂദ​യ്‌ക്കുള്ള വടിയും’ ‘യോ​സേ​ഫി​നുള്ള വടിയും’ ചേർത്ത്‌ ഒറ്റ വടിയാ​ക്കു​ന്ന​തി​നെ​ക്കു​റി​ച്ചുള്ള ഒരു സന്ദേശം യഹോവ യഹസ്‌കേൽ പ്രവാ​ച​കനു കൊടു​ത്തു. (യഹസ്‌കേൽ 37:15-17 വായി​ക്കുക.) 2016 ജൂലൈ ലക്കം വീക്ഷാ​ഗോ​പു​ര​ത്തി​ന്‍റെ “വായന​ക്കാ​രിൽനി​ന്നുള്ള ചോദ്യ​ങ്ങൾ” അതെക്കു​റിച്ച് ഇങ്ങനെ വിശദീ​ക​രി​ച്ചു: “വാഗ്‌ദ​ത്ത​ദേ​ശ​ത്തേക്കു മടങ്ങി​വ​ന്ന​തി​നു ശേഷം ഇസ്രാ​യേൽ ജനം ഒന്നായി​ത്തീ​രും എന്ന പ്രത്യാ​ശ​യു​ടെ സന്ദേശം യഹോവ യഹസ്‌കേ​ലി​നു നൽകി. അന്ത്യകാ​ലത്ത്‌ ദൈവത്തെ ആരാധി​ക്കു​ന്ന​വ​രും ഒരൊറ്റ ജനമാ​യി​ത്തീ​രും എന്ന് ആ പ്രവചനം മുൻകൂ​ട്ടി​പ്പ​റഞ്ഞു.”

9. ഓരോ വർഷ​ത്തെ​യും സ്‌മാ​രകം യഹസ്‌കേ​ലി​ന്‍റെ പ്രവച​ന​ത്തി​ന്‍റെ നിവൃ​ത്തി​ക്കു തെളിവ്‌ നൽകു​ന്നത്‌ എങ്ങനെ?

⁹ ‘യഹൂദ​യ്‌ക്കുള്ള വടി’ പ്രതീ​ക​പ്പെ​ടു​ത്തു​ന്നത്‌ അഭിഷി​ക്ത​രെ​യാണ്‌. അവരെ യഹോവ 1919 മുതൽ പുനഃ​സം​ഘ​ടി​പ്പി​ക്കാ​നും വീണ്ടും കൂട്ടി​ച്ചേർക്കാ​നും തുടങ്ങി. പിന്നീട്‌, ഭൂമി​യിൽ ജീവി​ക്കാൻ പ്രത്യാ​ശ​യുള്ള ധാരാളം പേർ അഭിഷി​ക്ത​രോ​ടു ചേർന്നു​തു​ടങ്ങി. അവരെ​യാ​ണു ‘യോ​സേ​ഫി​നുള്ള വടി’ പ്രതീ​ക​പ്പെ​ടു​ത്തു​ന്നത്‌. ആ രണ്ടു കൂട്ടരും ചേർന്ന് ‘ഒറ്റ ആട്ടിൻകൂ​ട്ട​മാ​യി.’ (യോഹ. 10:16; സെഖ. 8:23) ഈ രണ്ടു വടിക​ളെ​യും ചേർത്ത്‌ തന്‍റെ കൈയിൽ ഒറ്റ വടിയാ​ക്കു​മെന്ന് യഹോവ വാഗ്‌ദാ​നം ചെയ്‌തി​രു​ന്നു. (യഹ. 37:19) ഇന്നു രണ്ടു കൂട്ടരും ഐക്യ​ത്തോ​ടെ ഒരൊറ്റ രാജാ​വി​ന്‍റെ കീഴിൽ സേവി​ക്കു​ന്നു. ദൈവ​ത്തി​ന്‍റെ “ദാസനായ ദാവീദ്‌” എന്നു പ്രാവ​ച​നി​ക​മാ​യി വിളി​ച്ചി​രി​ക്കുന്ന മഹത്ത്വീ​ക​രി​ക്ക​പ്പെട്ട യേശു​ക്രി​സ്‌തു​വാണ്‌ ആ രാജാവ്‌. (യഹ. 37:24, 25) ക്രിസ്‌തു​വി​ന്‍റെ മരണത്തി​ന്‍റെ സ്‌മാ​ര​ക​ത്തിന്‌ അഭിഷി​ക്ത​ശേ​ഷി​പ്പും വേറെ ആടുക​ളും ഒരുമിച്ച് കൂടി​വ​രു​മ്പോൾ യഹസ്‌കേ​ലിൽ മുൻകൂ​ട്ടി​പ്പ​റ​ഞ്ഞി​രി​ക്കുന്ന അമൂല്യ​മായ ഈ ഐക്യം എല്ലാവർക്കും ദൃശ്യ​മാ​കു​ന്നു. എങ്കിലും ഈ യോജി​പ്പു കാത്തു​സൂ​ക്ഷി​ക്കു​ന്ന​തി​ലും പരിര​ക്ഷി​ക്കു​ന്ന​തി​ലും നമുക്ക് ഓരോ​രു​ത്തർക്കും പങ്കുണ്ട്. നമ്മൾ എന്താണു ചെയ്യേ​ണ്ടത്‌?

10. ദൈവ​ജ​ന​ത്തിന്‌ ഇടയിലെ ഐക്യം വർധി​പ്പി​ക്കാൻ നമുക്ക് എന്തു ചെയ്യാം?

¹⁰ ദൈവ​ജ​ന​ത്തിന്‌ ഇടയിലെ ഐക്യം വർധി​പ്പി​ക്കാൻ നമ്മൾ ചെയ്യേണ്ട ഒരു കാര്യം താഴ്‌മ വളർത്തി​യെ​ടു​ക്കുക എന്നതാണ്‌. തങ്ങളെ​ത്തന്നെ താഴ്‌ത്താൻ ഭൂമി​യി​ലാ​യി​രു​ന്ന​പ്പോൾ യേശു ശിഷ്യ​ന്മാ​രോ​ടു പറഞ്ഞു. (മത്താ. 23:12) ഇന്നു മറ്റുള്ള​വ​രെ​ക്കാൾ ഉയർന്നു​നിൽക്കാ​നാ​ണു ലോക​ത്തി​ന്‍റെ ആത്മാവ്‌ ആളുകളെ പ്രേരി​പ്പി​ക്കു​ന്നത്‌. എന്നാൽ, നമ്മൾ താഴ്‌മ​യു​ള്ള​വ​രാ​ണെ​ങ്കിൽ ആ ആത്മാവ്‌ നമ്മളെ സ്വാധീ​നി​ക്കില്ല. പകരം നേതൃ​ത്വ​മെ​ടു​ക്കു​ന്ന​വർക്കു കീഴട​ങ്ങി​യി​രി​ക്കാൻ താഴ്‌മ നമ്മളെ സഹായി​ക്കും. അനുസ​ര​ണ​ത്തി​ന്‍റെ അത്തരം ഒരു ആത്മാവ്‌ സഹോ​ദ​ര​ങ്ങൾക്കി​ട​യി​ലെ ഐക്യ​ത്തിന്‌ അനിവാ​ര്യ​മാണ്‌. എല്ലാത്തി​നും ഉപരി, താഴ്‌മ​യു​ള്ള​വ​രാ​ണെ​ങ്കിൽ നമുക്ക് യഹോ​വ​യു​ടെ പ്രീതി ലഭിക്കും. “കാരണം ദൈവം അഹങ്കാ​രി​ക​ളോട്‌ എതിർത്തു​നിൽക്കു​ന്നു; എന്നാൽ താഴ്‌മ​യു​ള്ള​വ​രോട്‌ അനർഹദയ കാട്ടുന്നു.”​—1 പത്രോ. 5:5.

11. ഐക്യം വർധി​പ്പി​ക്കാൻ സ്‌മാ​ര​ക​ചി​ഹ്ന​ങ്ങ​ളു​ടെ അർഥ​ത്തെ​ക്കു​റിച്ച് ചിന്തി​ക്കു​ന്നതു നമ്മളെ സഹായി​ക്കു​ന്നത്‌ എങ്ങനെ?

¹¹ സ്‌മാ​ര​ക​ത്തിന്‌ ഉപയോ​ഗി​ക്കുന്ന ചിഹ്നങ്ങ​ളു​ടെ അർഥ​ത്തെ​ക്കു​റിച്ച് ചിന്തി​ക്കു​ന്ന​താണ്‌ ഐക്യം വർധി​പ്പി​ക്കാൻ നമുക്കു ചെയ്യാ​നാ​കുന്ന രണ്ടാമത്തെ  കാര്യം. സ്‌മാ​ര​ക​ദി​വ​സ​ത്തി​നു മുമ്പും അതു നടക്കുന്ന രാത്രി​യി​ലും പുളി​പ്പി​ല്ലാത്ത അപ്പത്തി​ന്‍റെ​യും ചുവന്ന വീഞ്ഞി​ന്‍റെ​യും പ്രാധാ​ന്യ​ത്തെ​ക്കു​റിച്ച് ഗൗരവ​മാ​യി ചിന്തി​ക്കുക. (1 കൊരി. 11:23-25) അപ്പം പ്രതി​നി​ധാ​നം ചെയ്യു​ന്നതു യേശു ബലിയാ​യി അർപ്പിച്ച പാപര​ഹി​ത​മായ ശരീര​ത്തെ​യാണ്‌. വീഞ്ഞു യേശു​വി​ന്‍റെ ചൊരി​യ​പ്പെട്ട രക്തത്തെ​യും. പക്ഷേ, ആ ചിഹ്നങ്ങൾ എന്താണ്‌ അർഥമാ​ക്കു​ന്ന​തെന്നു വെറുതേ മനസ്സി​ലാ​ക്കി​യാൽ മാത്രം പോരാ. അതിന്‍റെ പിന്നിലെ സ്‌നേഹം നമ്മൾ കാണണം. നമുക്കു​വേണ്ടി തന്‍റെ മകനെ തരാൻ യഹോവ കാണിച്ച സ്‌നേഹം, മനസ്സോ​ടെ തന്‍റെ ജീവൻ തരാൻ യേശു കാണിച്ച സ്‌നേഹം. സ്‌നേ​ഹ​ത്തി​ന്‍റെ ഏറ്റവും വലിയ രണ്ടു പ്രവൃ​ത്തി​കൾ! അവരുടെ സ്‌നേ​ഹ​ത്തെ​ക്കു​റിച്ച് ചിന്തി​ക്കു​ന്നത്‌ അവരെ തിരിച്ച് സ്‌നേ​ഹി​ക്കാൻ നമ്മളെ പ്രേരി​പ്പി​ക്കു​ന്നു. യഹോ​വ​യോ​ടു നമുക്കും നമ്മുടെ സഹാരാ​ധ​കർക്കും ഉള്ള സ്‌നേഹം നമ്മളെ ഒറ്റക്കെ​ട്ടാ​യി നിറു​ത്തുന്ന ഒരു ചരടു​പോ​ലെ​യാണ്‌. അതു നമ്മുടെ ഐക്യ​ത്തി​ന്‍റെ ചങ്ങല ബലിഷ്‌ഠ​മാ​ക്കു​ന്നു.

12. അടിമ​ക​ളു​മാ​യി കണക്കു തീർക്കുന്ന രാജാ​വി​ന്‍റെ ദൃഷ്ടാന്തം പറഞ്ഞു​കൊണ്ട് നമ്മൾ ക്ഷമിക്കാൻ യഹോവ പ്രതീ​ക്ഷി​ക്കു​ന്നെന്നു യേശു വ്യക്തമാ​ക്കി​യത്‌ എങ്ങനെ?

¹² മറ്റുള്ള​വ​രോട്‌ ഉദാര​മാ​യി ക്ഷമിക്കു​ന്ന​താണ്‌ ഐക്യം ഉന്നമി​പ്പി​ക്കാൻ നമുക്കു ചെയ്യാ​നാ​കുന്ന മൂന്നാ​മത്തെ കാര്യം. നമ്മളെ നീരസ​പ്പെ​ടു​ത്തു​ന്ന​വ​രോ​ടു ക്ഷമിക്കു​മ്പോൾ ക്രിസ്‌തു​വി​ന്‍റെ ബലിയി​ലൂ​ടെ നമ്മുടെ പാപങ്ങ​ളു​ടെ ക്ഷമ സാധ്യ​മാ​ക്കി​യ​തി​നു നന്ദിയു​ണ്ടെന്നു നമ്മൾ തെളി​യി​ക്കു​ക​യാണ്‌. മത്തായി 18:23-34 വരെയുള്ള വാക്യ​ങ്ങ​ളിൽ യേശു പറഞ്ഞ ദൃഷ്ടാ​ന്ത​ത്തെ​ക്കു​റിച്ച് ചിന്തി​ക്കുക. സ്വയം ചോദി​ക്കുക: ‘യേശു പഠിപ്പി​ച്ചത്‌ അനുസ​രി​ക്കാൻ എനിക്കു ശരിക്കും തോന്നു​ന്നു​ണ്ടോ? ഞാൻ എന്‍റെ സഹോ​ദ​ര​ങ്ങ​ളോ​ടു ക്ഷമയോ​ടെ​യാ​ണോ ഇടപെ​ടു​ന്നത്‌, അവരെ മനസ്സി​ലാ​ക്കു​ന്നു​ണ്ടോ? എന്നോടു തെറ്റു ചെയ്‌ത​വ​രോ​ടു ക്ഷമിക്കാൻ ഞാൻ ഒരുക്ക​മു​ള്ള​വ​നാ​ണോ?’ ഗൗരവം കുറഞ്ഞ തെറ്റു​ക​ളും ഗൗരവം കൂടിയ തെറ്റു​ക​ളും ഉണ്ട്. ചില തെറ്റുകൾ ക്ഷമിക്കാൻ അപൂർണ​രായ മനുഷ്യർക്ക് അത്ര എളുപ്പ​മ​ല്ലെ​ന്ന​തും ശരിയാണ്‌. പക്ഷേ, യഹോവ നമ്മളിൽനിന്ന് എന്താണു പ്രതീ​ക്ഷി​ക്കു​ന്ന​തെന്ന് ഈ ദൃഷ്ടാന്തം നമ്മളെ പഠിപ്പി​ക്കു​ന്നു. (മത്തായി 18:35 വായി​ക്കുക.) ന്യായ​മായ അടിസ്ഥാ​ന​മു​ണ്ടാ​യി​ട്ടും നമ്മൾ സഹോ​ദ​ര​ങ്ങ​ളോ​ടു ക്ഷമിക്കു​ന്നി​ല്ലെ​ങ്കിൽ യഹോവ നമ്മളോ​ടും ക്ഷമിക്കി​ല്ലെന്നു യേശു വ്യക്തമാ​ക്കി. എത്ര പ്രധാ​ന​പ്പെട്ട ഒരു ആശയമാ​ണിത്‌. യേശു നമ്മളെ പഠിപ്പി​ച്ചത്‌ അനുസ​രി​ച്ചു​കൊണ്ട് മറ്റുള്ള​വ​രോ​ടു ക്ഷമിക്കു​മ്പോൾ നമുക്കി​ട​യി​ലെ അമൂല്യ​മായ ഒത്തൊ​രുമ നമ്മൾ കാത്തു​പ​രി​പാ​ലി​ക്കു​ക​യാണ്‌.

13. ഐക്യം ഉന്നമി​പ്പി​ക്കു​ന്ന​തി​നാ​യി സമാധാ​ന​മു​ണ്ടാ​ക്കു​ന്ന​വ​രാ​ണു നമ്മളെന്ന് എങ്ങനെ തെളി​യി​ക്കാം?

¹³ മറ്റുള്ള​വ​രോ​ടു ക്ഷമിക്കു​മ്പോൾ സമാധാ​ന​മു​ണ്ടാ​ക്കു​ന്ന​വ​രാ​ണു നമ്മളെന്നു തെളി​യി​ക്കു​ക​യാണ്‌.  അപ്പോ​സ്‌ത​ല​നായ പൗലോ​സി​ന്‍റെ ഈ ഉപദേശം ഓർക്കുക: ‘നിങ്ങളെ ഒന്നിച്ചു​നി​റു​ത്തുന്ന സമാധാ​ന​ബന്ധം കാത്തു​കൊണ്ട് ആത്മാവി​നാ​ലുള്ള ഐക്യം നിലനി​റു​ത്താൻ ആത്മാർഥ​മാ​യി ശ്രമി​ക്കുക.’ (എഫെ. 4:3) മറ്റുള്ള​വ​രോ​ടു നമ്മൾ എങ്ങനെ​യാണ്‌ ഇടപെ​ടു​ന്ന​തെന്ന് ഈ സ്‌മാ​ര​ക​കാ​ല​ത്തും സ്‌മാ​ര​കാ​ച​രണം നടക്കുന്ന രാത്രി​യി​ലും ചിന്തി​ക്കുക. സ്വയം ചോദി​ക്കുക: ‘നീരസം വെച്ചു​കൊ​ണ്ടി​രി​ക്കുന്ന ഒരാളല്ല എന്ന പേര്‌ എനിക്കു​ണ്ടോ? സമാധാനവും ഐക്യ​വും ഉന്നമി​പ്പി​ക്കാൻ ഞാൻ എന്‍റെ കഴിവി​ന്‍റെ പരമാ​വധി ചെയ്യു​ന്നു​ണ്ടോ?’ സ്‌മാ​ര​ക​കാ​ലത്ത്‌ ചിന്തി​ക്കേണ്ട ഗൗരവ​മുള്ള ചോദ്യ​ങ്ങ​ളാണ്‌ ഇവ.

14. ‘സ്‌നേ​ഹ​ത്തോ​ടെ എല്ലാവ​രു​മാ​യി ഒത്തു​പോ​കു​ന്നെന്നു’ നമുക്ക് എങ്ങനെ തെളി​യി​ക്കാം?

¹⁴ സ്‌നേ​ഹ​ത്തി​ന്‍റെ ദൈവ​മായ യഹോ​വയെ അനുക​രി​ച്ചു​കൊണ്ട് മറ്റുള്ള​വരെ സ്‌നേ​ഹി​ക്കു​ന്ന​താണ്‌ ഐക്യം ഉന്നമി​പ്പി​ക്കാൻ നമുക്കു ചെയ്യാ​നാ​കുന്ന നാലാ​മത്തെ കാര്യം. (1 യോഹ. 4:8) നമ്മുടെ സഹാരാ​ധ​ക​രെ​ക്കു​റിച്ച് ഇങ്ങനെ​യൊ​ന്നു നമ്മൾ ഒരിക്ക​ലും പറയില്ല: ‘അവരെ സ്‌നേ​ഹി​ക്കാ​തെ നിവൃ​ത്തി​യി​ല്ല​ല്ലോ, അല്ലാതെ എനിക്ക് അവരോട്‌ ഇഷ്ടമു​ണ്ടാ​യി​ട്ടൊ​ന്നു​മല്ല!’ അങ്ങനെ ചിന്തി​ക്കു​ന്നതു ‘സ്‌നേ​ഹ​ത്തോ​ടെ എല്ലാവ​രു​മാ​യി ഒത്തു​പോ​ക​ണ​മെ​ന്നുള്ള’ പൗലോ​സി​ന്‍റെ ഉപദേ​ശ​ത്തി​നു നേർവി​പ​രീ​ത​മാണ്‌. (എഫെ. 4:2) വെറുതേ ‘എല്ലാവ​രു​മാ​യി ഒത്തു​പോ​കുക’ എന്നല്ല പൗലോസ്‌ പറഞ്ഞത്‌. “സ്‌നേ​ഹ​ത്തോ​ടെ” അതു ചെയ്യണ​മെ​ന്നാ​ണു പൗലോസ്‌ പറഞ്ഞ​തെന്നു ശ്രദ്ധി​ക്കുക. അതു തമ്മിൽ ഒരു വ്യത്യാ​സ​മുണ്ട്. എല്ലാ തരത്തി​ലു​മുള്ള ആളുകളെ യഹോവ തന്നി​ലേക്ക് ആകർഷി​ച്ചി​രി​ക്കു​ന്നു. (യോഹ. 6:44) അവരോ​ടു സ്‌നേഹം തോന്നുന്ന ഗുണങ്ങൾ ഉള്ളതു​കൊ​ണ്ടല്ലേ യഹോവ അവരെ ആകർഷി​ച്ച​തും തന്‍റെ സഭയുടെ ഭാഗമാ​ക്കി​യ​തും? അങ്ങനെ​യെ​ങ്കിൽ നമ്മുടെ ഒരു സഹോ​ദ​ര​നെ​ക്കു​റിച്ച് ‘അദ്ദേഹത്തെ സ്‌നേ​ഹി​ക്കാൻ എനിക്കു കഴിയില്ല’ എന്നു ചിന്തി​ക്കു​ന്ന​തിൽ ന്യായ​മു​ണ്ടോ? മറ്റുള്ള​വരെ സ്‌നേ​ഹി​ക്കാ​നാണ്‌ യഹോവ നമ്മളോ​ടു കല്‌പി​ച്ചി​രി​ക്കു​ന്നത്‌. അതു ചെയ്യു​ന്ന​തിൽനിന്ന് നമ്മൾ പിന്മാ​റി​നിൽക്ക​രുത്‌.​—1 യോഹ. 4:20, 21.

15. സ്‌മാ​ര​കാ​ച​രണം ഒരിക്കൽ അവസാ​നി​ക്കു​മെന്നു നമുക്ക് എങ്ങനെ അറിയാം?

¹⁵ നമ്മൾ ആചരി​ക്കുന്ന ഏതെങ്കി​ലും ഒരു സ്‌മാ​രകം അവസാ​ന​ത്തേ​താ​യി​രി​ക്കും. നമുക്ക് അത്‌ എങ്ങനെ അറിയാം? യേശു​വി​ന്‍റെ മരണം വർഷം​തോ​റും ഓർത്തു​കൊണ്ട് “കർത്താവ്‌ വരുന്ന​തു​വരെ” അഭിഷി​ക്ത​ക്രി​സ്‌ത്യാ​നി​കൾ “കർത്താ​വി​ന്‍റെ മരണത്തെ പ്രഖ്യാ​പി​ക്കു​ക​യാണ്‌” എന്നു ദൈവ​പ്ര​ചോ​ദി​ത​നാ​യി പൗലോസ്‌ കൊരി​ന്ത്യർക്കുള്ള ഒന്നാമത്തെ കത്തിൽ എഴുതി. (1 കൊരി. 11:26) ലോകാ​വ​സാ​ന​ത്തെ​ക്കു​റി​ച്ചുള്ള പ്രവച​ന​ത്തിൽ യേശു​വും തന്‍റെ ‘വരവി​നെ​ക്കു​റിച്ച്’ പറഞ്ഞു. നമ്മുടെ തൊട്ടു​മു​മ്പി​ലുള്ള മഹാക​ഷ്ട​ത​യെ​ക്കു​റിച്ച് യേശു ഇങ്ങനെ പറഞ്ഞു: “അപ്പോൾ മനുഷ്യ​പു​ത്രന്‍റെ അടയാളം ആകാശത്ത്‌ ദൃശ്യ​മാ​കും. ഭൂമി​യി​ലെ എല്ലാ ഗോ​ത്ര​ങ്ങ​ളും നെഞ്ചത്ത​ടിച്ച് വിലപി​ക്കും. മനുഷ്യ​പു​ത്രൻ ശക്തി​യോ​ടെ​യും വലിയ മഹത്ത്വ​ത്തോ​ടെ​യും ആകാശ​മേ​ഘ​ങ്ങ​ളിൽ വരുന്നത്‌ അവർ കാണും. തിര​ഞ്ഞെ​ടു​ത്തി​രി​ക്കു​ന്ന​വരെ ആകാശ​ത്തി​ന്‍റെ ഒരറ്റം​മു​തൽ മറ്റേ അറ്റംവരെ നാലു ദിക്കിൽനി​ന്നും കൂട്ടി​ച്ചേർക്കാൻ മനുഷ്യ​പു​ത്രൻ തന്‍റെ ദൂതന്മാ​രെ ഉച്ചത്തി​ലുള്ള കാഹള​ശ​ബ്ദ​ത്തി​ന്‍റെ അകമ്പടി​യോ​ടെ അയയ്‌ക്കും.” (മത്താ. 24:29-31) മഹാക​ഷ്ട​ത​യു​ടെ സമയത്ത്‌ ഭൂമി​യിൽ അപ്പോ​ഴും ശേഷി​ക്കുന്ന അഭിഷി​ക്ത​ക്രി​സ്‌ത്യാ​നി​കളെ യേശു സ്വർഗ​ത്തി​ലേക്ക് എടുക്കു​മ്പോ​ഴാ​ണു ‘തിര​ഞ്ഞെ​ടു​ത്തി​രി​ക്കു​ന്ന​വരെ കൂട്ടി​ച്ചേർക്കു​ന്നത്‌.’ മഹാക​ഷ്ട​ത​യു​ടെ ആദ്യഘ​ട്ട​ത്തി​നു ശേഷം, എന്നാൽ അർമ​ഗെ​ദോൻ യുദ്ധത്തി​നു മുമ്പാ​യി​രി​ക്കും ഇതു സംഭവി​ക്കു​ന്നത്‌. അങ്ങനെ 1,44,000 പേരും ഭൂമി​യി​ലെ രാജാ​ക്ക​ന്മാർക്ക് എതി​രെ​യുള്ള യുദ്ധത്തിൽ യേശു​വി​നോ​ടൊ​പ്പം ചേരും. (വെളി. 17:12-14) അഭിഷി​ക്തരെ സ്വർഗ​ത്തി​ലേക്കു കൂട്ടി​ച്ചേർക്കു​ന്ന​തി​നു തൊട്ടു​മുമ്പ് നടക്കു​ന്ന​താ​യി​രി​ക്കും അവസാ​നത്തെ സ്‌മാ​രകം. അപ്പോ​ഴേ​ക്കും യേശു ‘വന്നിരി​ക്കും.’

16. ഈ വർഷത്തെ സ്‌മാ​ര​ക​ത്തി​നു ഹാജരാ​കാൻ നിങ്ങൾ തീരു​മാ​നി​ച്ചി​രി​ക്കു​ന്നത്‌ എന്തു​കൊണ്ട്?

¹⁶ ഈ വർഷം മാർച്ച് 31-നു നടക്കാ​നി​രി​ക്കുന്ന സ്‌മാ​ര​ക​ത്തിൽ പങ്കുപറ്റി അതിൽനിന്ന് പൂർണ​പ്ര​യോ​ജനം നേടാൻ നമുക്ക് ഉറച്ച തീരു​മാ​ന​മെ​ടു​ക്കാം. ദൈവ​ജ​ന​ത്തി​ന്‍റെ ഐക്യ​ത്തി​നു​വേണ്ടി നമ്മൾ ചെയ്യേ​ണ്ടതു ചെയ്യാ​നുള്ള സഹായ​ത്തി​നാ​യി യഹോ​വ​യോ​ടു നമുക്കു പ്രാർഥി​ക്കാം. (സങ്കീർത്തനം 133:1 വായി​ക്കുക.) ഓർക്കുക: നമ്മൾ ആചരി​ക്കുന്ന ഏതെങ്കി​ലും ഒരു സ്‌മാ​രകം അവസാ​ന​ത്തേ​താ​യി​രി​ക്കും. അതുവരെ സ്‌മാ​ര​കാ​ച​ര​ണ​ത്തി​നു ഹാജരാ​കാൻ എല്ലാ ശ്രമവും ചെയ്യാം. സ്‌മാ​ര​കാ​ച​ര​ണ​ത്തി​നു കൂടി​വ​രു​മ്പോൾ നമ്മൾ ആസ്വദി​ക്കുന്ന ഹൃദ്യ​മായ ഐക്യം നമുക്കു നിധി​പോ​ലെ കാത്തു​സൂ​ക്ഷി​ക്കാം.