1. തന്റെ ശിഷ്യ​ന്മാ​രെ കാത്തു​കൊ​ള്ള​ണ​മെന്നു യേശു യഹോ​വ​യോട്‌ അപേക്ഷി​ച്ചത്‌ എന്തു​കൊ​ണ്ടാണ്‌?

ഭൂമി​യി​ലെ തന്റെ അവസാ​ന​രാ​ത്രി യേശു തന്റെ ശിഷ്യ​ന്മാർക്കു നേരി​ടാൻപോ​കുന്ന പ്രശ്‌ന​ങ്ങ​ളെ​ക്കു​റിച്ച്‌ ചിന്തിച്ചു. യേശു​വി​നു തന്റെ ശിഷ്യ​ന്മാ​രെ ഒരുപാട്‌ ഇഷ്ടമാ​യി​രു​ന്നു. അതു​കൊണ്ട്‌ യേശു പിതാ​വി​നോട്‌ ‘ദുഷ്ടനാ​യ​വ​നിൽനിന്ന്‌ അവരെ കാത്തു​കൊ​ള്ളണം’ എന്ന്‌ അപേക്ഷി​ച്ചു. (യോഹ. 17:14, 15) താൻ പെട്ടെ​ന്നു​തന്നെ സ്വർഗ​ത്തി​ലേക്കു പോകു​ക​യാ​ണെ​ന്നും യഹോ​വയെ സേവി​ക്കാൻ ആഗ്രഹി​ക്കുന്ന എല്ലാവ​രു​മാ​യും പിശാ​ചായ സാത്താൻ പോരാ​ടു​മെ​ന്നും യേശു​വിന്‌ അറിയാ​മാ​യി​രു​ന്നു. അതു​കൊണ്ട്‌ യഹോ​വ​യു​ടെ ജനത്തിനു സംരക്ഷണം ആവശ്യ​മാണ്‌.

2. യഹോവ നമ്മുടെ പ്രാർഥ​ന​യ്‌ക്ക്‌ ഉത്തരം തരു​മെന്നു നമുക്ക്‌ ഉറപ്പു​ള്ളത്‌ എന്തു​കൊണ്ട്‌?

² തന്റെ മകനെ ഒരുപാട്‌ ഇഷ്ടമാ​യ​തു​കൊണ്ട്‌ യേശു​വി​ന്റെ ആ പ്രാർഥന യഹോവ കേട്ടു. യഹോ​വ​യു​ടെ ഇഷ്ടം ചെയ്യാൻ നമ്മൾ പരമാ​വധി ശ്രമി​ക്കു​ന്നെ​ങ്കിൽ യഹോ​വ​യ്‌ക്കു നമ്മളെ​യും ഇഷ്ടമാ​യി​രി​ക്കും. സഹായ​ത്തി​നും സംരക്ഷ​ണ​ത്തി​നും വേണ്ടി നമ്മൾ പ്രാർഥി​ക്കു​മ്പോൾ യഹോവ ആ പ്രാർഥ​ന​യ്‌ക്ക്‌ ഉത്തരം തരുക​യും ചെയ്യും. മക്കളോ​ടു സ്‌നേ​ഹ​മുള്ള ഒരു അപ്പനെ​പ്പോ​ലെ​യാണ്‌ യഹോവ. അതു​കൊണ്ട്‌ നമുക്കു വേണ്ട സംരക്ഷണം യഹോവ തരും. അങ്ങനെ ചെയ്യു​ന്നി​ല്ലെ​ങ്കിൽ യഹോ​വ​തന്നെ സ്വന്തം പേരിനു നിന്ദ വരുത്തു​ക​യാ​യി​രി​ക്കും.

3. എന്തു​കൊ​ണ്ടാണ്‌ നമുക്ക്‌ ഇന്ന്‌ യഹോ​വ​യു​ടെ സംരക്ഷണം ആവശ്യ​മാ​യി​രി​ക്കു​ന്നത്‌?

³ മുമ്പെ​ന്ന​ത്തെ​ക്കാ​ളും അധികം നമുക്ക്‌ ഇന്ന്‌ യഹോ​വ​യു​ടെ സംരക്ഷണം ആവശ്യ​മാണ്‌. സാത്താനെ ഭൂമി​യി​ലേക്കു വലി​ച്ചെ​റി​ഞ്ഞി​രി​ക്കു​ന്നു. അവൻ ഇപ്പോൾ ‘ഉഗ്ര​കോ​പ​ത്തി​ലാണ്‌.’ (വെളി. 12:12) നമ്മളെ ഉപദ്ര​വി​ക്കു​ന്നവർ “ദൈവ​ത്തി​നു​വേണ്ടി ഒരു പുണ്യ​പ്ര​വൃ​ത്തി ചെയ്യു​ക​യാ​ണെന്നു” ചിന്തി​ക്കാൻപോ​ലും സാത്താൻ ഇടയാ​ക്കി​യി​രി​ക്കു​ന്നു. (യോഹ. 16:2) ഇനി, ലോക​ത്തി​ലെ ആളുക​ളിൽനിന്ന്‌ നമ്മൾ വ്യത്യ​സ്‌ത​രാ​യി നിൽക്കു​ന്ന​തു​കൊണ്ട്‌ ദൈവ​വി​ശ്വാ​സ​മി​ല്ലാ​ത്ത​വർപോ​ലും നമ്മളെ ഉപദ്ര​വി​ക്കാൻ സാത്താൻ ഇടയാ​ക്കു​ന്നു. ഉപദ്ര​വങ്ങൾ നേരി​ടു​ന്നത്‌ എന്തിന്റെ പേരി​ലാ​യാ​ലും നമ്മൾ പേടി​ക്കേണ്ട ആവശ്യ​മില്ല. എന്തു​കൊണ്ട്‌? ദൈവ​വ​ചനം പറയുന്നു: “കർത്താവ്‌ വിശ്വ​സ്‌ത​നാണ്‌. കർത്താവ്‌ നിങ്ങളെ ശക്തി​പ്പെ​ടു​ത്തു​ക​യും ദുഷ്ടനിൽനിന്ന്‌  സംരക്ഷി​ക്കു​ക​യും ചെയ്യും.” (2 തെസ്സ. 3:3) യഹോവ എങ്ങനെ​യാ​ണു നമ്മളെ സംരക്ഷി​ക്കു​ന്നത്‌? നമുക്ക്‌ ഇപ്പോൾ രണ്ടു വഴികൾ നോക്കാം.

4. എഫെസ്യർ 6:13-17 അനുസ​രിച്ച്‌ നമ്മളെ സംരക്ഷി​ക്കാൻ യഹോവ എന്താണു തന്നിരി​ക്കു​ന്നത്‌?

⁴ സാത്താന്റെ ആക്രമ​ണ​ത്തിൽനിന്ന്‌ സംരക്ഷി​ക്കാൻ യഹോവ നമുക്കു “സമ്പൂർണ​പ​ട​ക്കോപ്പ്‌” നൽകി​യി​രി​ക്കു​ന്നു. (എഫെസ്യർ 6:13-17 വായി​ക്കുക.) ദൈവം തന്നിരി​ക്കുന്ന ആ പടക്കോപ്പ്‌ ശക്തമാണ്‌, ഫലപ്ര​ദ​വു​മാണ്‌. എന്നാൽ പടക്കോ​പ്പി​ന്റെ ഓരോ ഭാഗവും നമ്മൾ ധരിച്ചാൽ മാത്രമേ നമുക്കു സംരക്ഷണം ലഭിക്കു​ക​യു​ള്ളൂ. അതിലെ ഓരോ ഭാഗ​ത്തെ​യും​കു​റിച്ച്‌ നമുക്ക്‌ ഇപ്പോൾ വിശദ​മാ​യൊ​ന്നു നോക്കാം.

5. എന്താണ്‌ സത്യം എന്ന അരപ്പട്ട, എന്തു​കൊ​ണ്ടാ​ണു നമ്മൾ അതു ധരി​ക്കേ​ണ്ടത്‌?

⁵ സത്യം എന്ന അരപ്പട്ട. ദൈവ​വ​ച​ന​മാ​കുന്ന ബൈബി​ളി​ലെ സത്യങ്ങ​ളെ​യാണ്‌ അതു സൂചി​പ്പി​ക്കു​ന്നത്‌. നമ്മൾ ഈ അരപ്പട്ട ധരി​ക്കേ​ണ്ടത്‌ എന്തു​കൊ​ണ്ടാണ്‌? ‘നുണയു​ടെ അപ്പനായ’ സാത്താ​നിൽനിന്ന്‌ നമ്മളെ സംരക്ഷി​ക്കു​ന്ന​തിന്‌. (യോഹ. 8:44) ആയിര​ക്ക​ണ​ക്കി​നു വർഷങ്ങ​ളാ​യി സാത്താൻ നുണ പറയു​ക​യും ‘ഭൂലോ​കത്തെ മുഴുവൻ വഴി​തെ​റ്റി​ക്കു​ക​യും’ ചെയ്യുന്നു. (വെളി. 12:9) എന്നാൽ അവന്റെ വഞ്ചനയിൽപ്പെ​ടാ​തി​രി​ക്കാൻ ബൈബി​ളിൽ കാണുന്ന സത്യങ്ങൾ നമ്മളെ സംരക്ഷി​ക്കു​ന്നു. നമ്മൾ എങ്ങനെ​യാണ്‌ ഈ ആലങ്കാ​രിക അരപ്പട്ട ധരിക്കു​ന്നത്‌? യഹോ​വ​യെ​ക്കു​റി​ച്ചുള്ള സത്യം പഠിച്ചു​കൊ​ണ്ടും “ദൈവാ​ത്മാ​വോ​ടെ​യും സത്യ​ത്തോ​ടെ​യും” യഹോ​വയെ ആരാധി​ച്ചു​കൊ​ണ്ടും എല്ലാത്തി​ലും സത്യസ​ന്ധ​രാ​യി​രു​ന്നു​കൊ​ണ്ടും ആണ്‌ നമ്മൾ ആ അരപ്പട്ട ധരിക്കു​ന്നത്‌.—യോഹ. 4:24; എഫെ. 4:25; എബ്രാ. 13:18.

6. എന്താണു നീതി എന്ന കവചം, നമ്മൾ അതു ധരി​ക്കേ​ണ്ടത്‌ എന്തു​കൊ​ണ്ടാണ്‌?

⁶ നീതി എന്ന കവചം. യഹോ​വ​യു​ടെ നീതി​യുള്ള നിലവാ​ര​ങ്ങ​ളെ​യാണ്‌ അതു സൂചി​പ്പി​ക്കു​ന്നത്‌. നമ്മൾ എന്തു​കൊ​ണ്ടാ​ണു മാറിൽ ഈ കവചം ധരി​ക്കേ​ണ്ടത്‌? കുന്തവും മറ്റും തുളച്ചു​ക​യ​റാ​തെ കവചം ഒരു പടയാ​ളി​യു​ടെ ഹൃദയത്തെ സംരക്ഷി​ക്കു​ന്ന​തു​പോ​ലെ നീതി എന്ന കവചം ഈ ലോക​ത്തി​ലെ ദുഷിച്ച സ്വാധീ​ന​ങ്ങ​ളിൽനിന്ന്‌ ഒരാളു​ടെ ആലങ്കാ​രിക ഹൃദയത്തെ സംരക്ഷി​ക്കു​ന്നു. (സുഭാ. 4:23) മുഴു​ഹൃ​ദ​യ​ത്തോ​ടെ നമ്മൾ യഹോ​വയെ സ്‌നേ​ഹി​ക്കാ​നും സേവി​ക്കാ​നും ആണ്‌ യഹോവ ആഗ്രഹി​ക്കു​ന്നത്‌. (മത്താ. 22:36, 37) അതു​കൊണ്ട്‌ യഹോവ വെറു​ക്കുന്ന, ഈ ലോക​ത്തി​ലെ കാര്യ​ങ്ങളെ നമ്മൾ സ്‌നേ​ഹി​ക്കാ​നും മുഴു​ഹൃ​ദ​യ​ത്തോ​ടെ യഹോ​വയെ സേവി​ക്കു​ന്ന​തി​നു തടയി​ടാ​നും ആണ്‌ സാത്താൻ ശ്രമി​ക്കു​ന്നത്‌. (യാക്കോ. 4:4; 1 യോഹ. 2:15, 16) ആ തന്ത്രങ്ങൾ ഫലിക്കാ​താ​കു​മ്പോൾ യഹോ​വ​യു​ടെ നിലവാ​ര​ങ്ങൾക്കെ​തി​രായ കാര്യങ്ങൾ നമ്മളെ​ക്കൊണ്ട്‌ ചെയ്യി​ക്കാൻ അവൻ ശ്രമി​ക്കും.

7. നമ്മൾ നീതി എന്ന കവചം എങ്ങനെ​യാ​ണു ധരിക്കു​ന്നത്‌?

⁷ ശരിയും തെറ്റും സംബന്ധി​ച്ചുള്ള യഹോ​വ​യു​ടെ നിലവാ​രങ്ങൾ സ്വീക​രി​ക്കു​ക​യും അതിന​നു​സ​രിച്ച്‌ ജീവി​ക്കു​ക​യും ചെയ്‌തു​കൊണ്ട്‌ നമ്മൾ നീതി എന്ന കവചം ധരിക്കു​ന്നു. (സങ്കീ. 97:10) യഹോ​വ​യു​ടെ നിലവാ​രങ്ങൾ നമ്മുടെ സ്വാത​ന്ത്ര്യ​ത്തിന്‌ ഒരു തടസ്സമാ​ണെന്നു ചിലർ വിചാ​രി​ച്ചേ​ക്കാം. എന്നാൽ ബൈബിൾത​ത്ത്വ​ങ്ങൾ അനുസ​രി​ക്കു​ന്നതു നിറു​ത്തി​ക്ക​ള​ഞ്ഞാൽ നമുക്ക്‌ അത്‌ അപകടം ചെയ്യും. അങ്ങനെ ചെയ്യു​ന്നത്‌ ഒരു പടയാളി ഒരു പൊരിഞ്ഞ പോരാ​ട്ട​ത്തിന്‌ ഇടയിൽ തന്റെ കവചത്തി​നു വലിയ ഭാരമാ​ണെന്നു പറഞ്ഞ്‌ അത്‌ ഊരി​മാ​റ്റു​ന്ന​തു​പോ​ലെ​യാ​യിരി​ക്കും. എന്തൊരു മണ്ടത്തര​മാ​യി​രി​ക്കും അത്‌. എന്നാൽ യഹോ​വയെ സ്‌നേ​ഹി​ക്കു​ന്ന​വർക്ക്‌ ദൈവ​ത്തി​ന്റെ കല്‌പ​നകൾ ഒരു ‘ഭാരമാ​യി തോന്നു​ക​യില്ല.’ പകരം, അതു തങ്ങളുടെ സംരക്ഷ​ണ​ത്തി​നു​ള്ള​താ​ണെന്ന്‌ അവർ തിരി​ച്ച​റി​യും.—1 യോഹ. 5:3.

8. സന്തോ​ഷ​വാർത്ത അറിയി​ക്കാ​നുള്ള ഒരുക്കം ചെരി​പ്പാ​യി അണിയുക എന്നു പറയു​ന്ന​തിന്റ അർഥം എന്താണ്‌?

⁸ സമാധാ​ന​ത്തി​ന്റെ സന്തോ​ഷ​വാർത്ത അറിയി​ക്കാ​നുള്ള ഒരുക്കം എന്ന ചെരിപ്പ്‌. ഈ ചെരിപ്പ്‌ നമ്മുടെ കാലിൽ എപ്പോ​ഴും ഉണ്ടായി​രി​ക്ക​ണ​മെന്നു പൗലോസ്‌ പറഞ്ഞു. അതായത്‌, ദൈവ​രാ​ജ്യ​ത്തി​ന്റെ സന്തോ​ഷ​വാർത്ത അറിയി​ക്കാൻ നമ്മൾ എപ്പോ​ഴും ഒരുങ്ങി​യി​രി​ക്കണം. നമ്മൾ ദൈവ​വ​ച​ന​ത്തി​ലെ സന്ദേശം ആളുകളെ അറിയി​ക്കു​മ്പോൾ നമ്മു​ടെ​തന്നെ വിശ്വാ​സം ബലപ്പെ​ടും. യഹോ​വ​യു​ടെ ജനം സന്തോ​ഷ​വാർത്ത അറിയി​ക്കാ​നുള്ള എല്ലാ അവസര​വും ഉപയോ​ഗി​ക്കു​ന്നതു കാണു​ന്നതു ശരിക്കും ഒരു പ്രോ​ത്സാ​ഹ​ന​മാണ്‌. ജോലി​സ്ഥ​ല​ത്തും സ്‌കൂ​ളി​ലും കടകളി​ലും വീടു​തോ​റും പോകു​മ്പോ​ഴും സാധനങ്ങൾ വാങ്ങാൻ പോകു​മ്പോ​ഴും വിശ്വാ​സ​ത്തി​ലി​ല്ലാത്ത ബന്ധുക്കളെ സന്ദർശി​ക്കു​മ്പോ​ഴും പരിച​യ​ക്കാ​രെ കണ്ടുമു​ട്ടു​മ്പോ​ഴും അവർ സന്തോ​ഷ​വാർത്ത പ്രസം​ഗി​ക്കു​ന്നു. ഇനി, കുറച്ച്‌ കാല​ത്തേക്കു വീട്ടിൽനിന്ന്‌ പുറത്ത്‌ ഇറങ്ങാൻ പറ്റാത്ത സാഹച​ര്യ​ങ്ങ​ളി​ലാ​ണെ​ങ്കിൽപ്പോ​ലും അവർ അങ്ങനെ​തന്നെ ചെയ്യുന്നു. പേടി​ച്ചിട്ട്‌ പ്രസം​ഗ​പ്ര​വർത്തനം നിറു​ത്തു​ന്നെ​ങ്കിൽ പോരാ​ട്ട​ത്തിന്‌ ഇടയിൽ ചെരിപ്പ്‌ ഊരി​മാ​റ്റുന്ന ഒരു പടയാ​ളി​പ്പോ​ലെ​യാ​യി​രി​ക്കും നമ്മൾ. ചെരി​പ്പി​ല്ലെ​ങ്കിൽ കാലിനു പരു​ക്കേൽക്കു​മെന്ന്‌ ഉറപ്പാണ്‌. അങ്ങനെ സംഭവി​ച്ചാൽ  ശത്രു​ക്ക​ളു​ടെ ആക്രമ​ണ​മു​ണ്ടാ​കു​മ്പോൾ അതിനെ ചെറു​ത്തു​നിൽക്കാൻ നമുക്കു ബുദ്ധി​മു​ട്ടാ​യി​രി​ക്കും, മേലു​ദ്യോ​ഗ​സ്ഥന്റെ ആജ്ഞയനു​സ​രിച്ച്‌ പ്രവർത്തി​ക്കാ​നും കഴിയാ​തെ വരും.

9. വിശ്വാ​സം എന്ന വലിയ പരിച നമുക്ക്‌ എങ്ങനെ​യാ​ണു സംരക്ഷ​ണ​മാ​യി​രി​ക്കു​ന്നത്‌?

⁹ വിശ്വാ​സം എന്ന വലിയ പരിച. യഹോ​വ​യി​ലുള്ള നമ്മുടെ വിശ്വാ​സ​മാണ്‌ ആ പരിച. ദൈവം തന്റെ എല്ലാ വാഗ്‌ദാ​ന​ങ്ങ​ളും നിറ​വേ​റ്റു​മെന്നു നമ്മൾ ഉറച്ച്‌ വിശ്വ​സി​ക്കു​ന്നു. ആ വിശ്വാ​സം “ദുഷ്ടന്റെ തീയമ്പു​കളെ മുഴുവൻ കെടു​ത്തി​ക്ക​ള​യാൻ” നമ്മളെ സഹായി​ക്കും. നമുക്ക്‌ എന്തു​കൊ​ണ്ടാണ്‌ ഈ വലിയ പരിച ആവശ്യ​മാ​യി​രി​ക്കു​ന്നത്‌? ഈ പരിച​യു​ണ്ടെ​ങ്കിൽ വിശ്വാ​സ​ത്യാ​ഗി​ക​ളു​ടെ പഠിപ്പി​ക്ക​ലു​ക​ളാൽ നമ്മൾ വഞ്ചിത​രാ​കു​ക​യില്ല. നമ്മുടെ വിശ്വാ​സ​ത്തെ​പ്രതി ആളുകൾ നമ്മളെ കളിയാ​ക്കു​മ്പോൾ നമ്മൾ നിരു​ത്സാ​ഹി​ത​രാ​കു​ക​യു​മില്ല. യഹോ​വ​യു​ടെ നിലവാ​ര​ങ്ങളെ ലംഘി​ക്കാൻ ആളുകൾ നമ്മളെ പ്രേരി​പ്പി​ക്കു​മ്പോൾ അതിനെ ചെറു​ത്തു​നിൽക്ക​ണ​മെ​ങ്കിൽ നമുക്കു വിശ്വാ​സം വേണം. വിശ്വാ​സം എന്ന പരിച​യു​ണ്ടെ​ങ്കിൽ സ്‌കൂ​ളി​ലോ ജോലി​സ്ഥ​ല​ത്തോ യഹോ​വ​യ്‌ക്ക്‌ ഇഷ്ടമി​ല്ലാത്ത കാര്യങ്ങൾ ചെയ്യാൻ ആളുകൾ നമ്മളെ പ്രേരി​പ്പി​ക്കു​മ്പോൾ നമുക്കു ചെറു​ത്തു​നിൽക്കാ​നാ​കും. (1 പത്രോ. 3:15) വിശ്വാ​സം എന്ന പരിച​യു​ണ്ടെ​ങ്കിൽ നല്ല ശമ്പളമുള്ള ജോലി​യാ​ണെ​ങ്കി​ലും നമ്മുടെ ആരാധ​ന​യ്‌ക്ക്‌ തടസ്സമാ​കു​ന്നെ​ങ്കിൽ നമ്മൾ അതു വേണ്ടെ​ന്നു​വെ​ക്കും. (എബ്രാ. 13:5, 6) വിശ്വാ​സം എന്ന പരിച​യു​ണ്ടെ​ങ്കിൽ എതിർപ്പു​ക​ളൊ​ക്കെ​യു​ണ്ടെ​ങ്കി​ലും നമ്മൾ യഹോ​വ​യെ​ത്തന്നെ സേവി​ക്കും.—1 തെസ്സ. 2:2.

10. എന്താണു രക്ഷ എന്ന പടത്തൊ​പ്പി, എന്തു​കൊ​ണ്ടാ​ണു നമ്മൾ അതു ധരി​ക്കേ​ണ്ടത്‌?

¹⁰ രക്ഷ എന്ന പടത്തൊ​പ്പി. നമ്മുടെ പ്രത്യാ​ശ​യാണ്‌  യഹോവ നൽകുന്ന ഈ പടത്തൊ​പ്പി. നമ്മൾ യഹോ​വ​യു​ടെ ഇഷ്ടം ചെയ്യു​ന്നെ​ങ്കിൽ യഹോവ നമുക്കു പ്രതി​ഫലം തരു​മെ​ന്നും നമ്മൾ മരിച്ചു​പോ​യാ​ലും നമ്മളെ പുനരു​ത്ഥാ​ന​ത്തിൽ കൊണ്ടു​വ​രു​മെ​ന്നും ഉള്ള പ്രത്യാ​ശ​യാണ്‌ അത്‌. (1 തെസ്സ. 5:8; 1 തിമൊ. 4:10; തീത്തോ. 1:1, 2) പടത്തൊ​പ്പി ഒരു പടയാ​ളി​യു​ടെ തലയെ സംരക്ഷി​ക്കു​ന്ന​തു​പോ​ലെ രക്ഷയുടെ പ്രത്യാശ നമ്മുടെ ചിന്താ​രീ​തി​കളെ സംരക്ഷി​ക്കു​ന്നു. എങ്ങനെ? ആ പ്രത്യാശ ദൈവ​ത്തി​ന്റെ വാഗ്‌ദാ​ന​ങ്ങ​ളിൽ ശ്രദ്ധ കേന്ദ്രീ​ക​രി​ക്കാ​നും പ്രശ്‌ന​ങ്ങ​ളു​ണ്ടാ​കു​മ്പോൾ തകർന്നു​പോ​കാ​തി​രി​ക്കാ​നും നമ്മളെ സഹായി​ക്കും. നമുക്ക്‌ എങ്ങനെ ഈ പടത്തൊ​പ്പി ധരിക്കാം? ദൈവം ചിന്തി​ക്കു​ന്ന​തു​പോ​ലെ ചിന്തി​ച്ചു​കൊണ്ട്‌. ഉദാഹ​ര​ണ​ത്തിന്‌, അസ്ഥിര​മായ ധനത്തിൽ പ്രത്യാ​ശ​വെ​ക്കാ​തെ ദൈവ​ത്തിൽ പ്രത്യാ​ശ​വെ​ക്കാൻ അതു നമ്മളെ സഹായി​ക്കു​ന്നു.—സങ്കീ. 26:2; 104:34; 1 തിമൊ. 6:17.

11. എന്താണു ദൈവാ​ത്മാ​വി​ന്റെ വാൾ, നമ്മൾ അത്‌ ഉപയോ​ഗി​ക്കേ​ണ്ടത്‌ എന്തു​കൊണ്ട്‌?

¹¹ ദൈവാ​ത്മാ​വി​ന്റെ വാൾ. ദൈവ​വ​ച​ന​മായ ബൈബി​ളാണ്‌ അത്‌. വ്യാ​ജോ​പ​ദേ​ശ​ങ്ങളെ തുറന്നു​കാ​ട്ടാ​നും തെറ്റായ പഠിപ്പി​ക്ക​ലു​ക​ളിൽനി​ന്നും മോശ​മായ ശീലങ്ങ​ളിൽനി​ന്നും ആളുകളെ സ്വത​ന്ത്ര​രാ​ക്കാ​നും അതിനു കഴിയും. (2 കൊരി. 10:4, 5; 2 തിമൊ. 3:16, 17; എബ്രാ. 4:12) വ്യക്തി​പ​ര​മാ​യി പഠിക്കു​ന്ന​തി​ലൂ​ടെ​യും ദൈവ​ത്തി​ന്റെ സംഘട​ന​യിൽനിന്ന്‌ കിട്ടുന്ന പരിശീ​ല​ന​ത്തി​ലൂ​ടെ​യും ആ വാൾ നന്നായി ഉപയോ​ഗി​ക്കാൻ നമ്മൾ പഠിക്കു​ന്നു. (2 തിമൊ. 2:15) നമ്മളെ സംരക്ഷി​ക്കു​ന്ന​തി​നാ​യി യഹോവ സമ്പൂർണ​പ​ട​ക്കോപ്പ്‌ മാത്രമല്ല മറ്റൊരു സഹായം​കൂ​ടെ നൽകി​യി​ട്ടുണ്ട്‌. എന്താണ്‌ അത്‌?

12. നമുക്കു മറ്റെന്തും​കൂ​ടെ ആവശ്യ​മാണ്‌, എന്തു​കൊണ്ട്‌?

¹² വലിയ ഒരു സൈന്യ​ത്തെ ഒറ്റയ്‌ക്കു നേരി​ടാ​നാ​കി​ല്ലെന്ന്‌ അനുഭ​വ​പ​രി​ച​യ​മുള്ള ഒരു പടയാ​ളിക്ക്‌ അറിയാം. അതിന്‌ മറ്റു പടയാ​ളി​ക​ളു​ടെ സഹായ​വും ആവശ്യ​മാണ്‌. അതു​പോ​ലെ, സാത്താ​നെ​യും ഭൂതങ്ങ​ളെ​യും നമുക്ക്‌ ഒറ്റയ്‌ക്കു ചെറു​ത്തു​തോൽപ്പി​ക്കാ​നാ​കില്ല. നമുക്കു നമ്മുടെ സഹോ​ദ​ര​ങ്ങ​ളു​ടെ സഹായം ആവശ്യ​മാണ്‌. നമ്മളെ സഹായി​ക്കാ​നാ​യി യഹോവ നമുക്കു ലോക​വ്യാ​പ​ക​മാ​യുള്ള “സഹോ​ദ​ര​സ​മൂ​ഹത്തെ” തന്നിട്ടുണ്ട്‌. —1 പത്രോ. 2:17.

13. എബ്രായർ 10:24, 25 അനുസ​രിച്ച്‌ സഭാ​യോ​ഗ​ങ്ങൾക്കു ഹാജരാ​കു​ന്ന​തു​കൊണ്ട്‌ എന്തെല്ലാം പ്രയോ​ജ​നങ്ങൾ ലഭിക്കു​ന്നു?

¹³ നമുക്കു സഹായം ലഭിക്കുന്ന ഒരു വിധം സഭാ​യോ​ഗ​ങ്ങ​ളാണ്‌. (എബ്രായർ 10:24, 25 വായി​ക്കുക.) നമുക്ക്‌ ഇടയ്‌ക്കൊ​ക്കെ നിരു​ത്സാ​ഹം തോന്നി​യേ​ക്കാം. എന്നാൽ മീറ്റി​ങ്ങു​കൾക്കു ഹാജരാ​കു​ന്നത്‌ നമ്മുടെ ഉത്സാഹം വർധി​പ്പി​ക്കും. സഹോ​ദ​രീ​സ​ഹോ​ദ​ര​ന്മാർ മനസ്സു​തു​റന്ന്‌ അഭി​പ്രാ​യങ്ങൾ പറയു​മ്പോൾ അതു നമ്മളെ പ്രോ​ത്സാ​ഹി​പ്പി​ക്കു​ന്നു. ബൈബി​ളി​നെ അടിസ്ഥാ​ന​മാ​ക്കി​യുള്ള പ്രസം​ഗ​ങ്ങ​ളും അവതര​ണ​ങ്ങ​ളും യഹോ​വയെ സേവി​ക്കാ​നുള്ള നമ്മുടെ തീരു​മാ​നത്തെ ശക്തമാ​ക്കു​ന്നു. പരിപാ​ടി​കൾ തുടങ്ങു​ന്ന​തി​നു മുമ്പും അതിനു ശേഷവും സഹോ​ദ​ര​ങ്ങ​ളോ​ടു സംസാ​രി​ക്കു​ന്നതു നമുക്ക്‌ ഒരു പ്രോ​ത്സാ​ഹ​ന​മാണ്‌. (1 തെസ്സ. 5:14) ഇനി, മീറ്റി​ങ്ങു​കൾക്കു പോകു​മ്പോൾ മറ്റുള്ള​വരെ സഹായി​ക്കാ​നുള്ള അവസര​വും നമുക്കു കിട്ടുന്നു. അതും നമുക്കു സന്തോഷം നൽകുന്നു. (പ്രവൃ. 20:35; റോമ. 1:11, 12) മീറ്റി​ങ്ങു​കൾകൊണ്ട്‌ മറ്റു പ്രയോ​ജ​ന​ങ്ങ​ളു​മുണ്ട്‌. ശുശ്രൂ​ഷ​യ്‌ക്കു നമ്മളെ സജ്ജരാ​ക്കി​ക്കൊണ്ട്‌ ഒരർഥ​ത്തിൽ പോരാ​ട്ട​ത്തി​നുള്ള വൈദ​ഗ്‌ധ്യം വർധി​പ്പി​ക്കാ​നും യോഗങ്ങൾ നമ്മളെ സഹായി​ക്കു​ന്നു. ഉദാഹ​ര​ണ​ത്തിന്‌, പഠിപ്പി​ക്കാ​നുള്ള ഉപകര​ണങ്ങൾ എന്ന ഭാഗത്ത്‌ കൊടു​ത്തി​രി​ക്കുന്ന പ്രസി​ദ്ധീ​ക​ര​ണങ്ങൾ എങ്ങനെ നന്നായി ഉപയോ​ഗി​ക്കാ​മെന്നു നമ്മൾ പഠിക്കു​ന്നു. അതു​കൊണ്ട്‌ സഭാ​യോ​ഗ​ത്തി​നു​വേണ്ടി നന്നായി തയ്യാറാ​കുക. പരിപാ​ടി​കൾ നടക്കു​മ്പോൾ ശ്രദ്ധ​യോ​ടെ ഇരിക്കുക. അതിനു ശേഷം പഠിച്ച കാര്യങ്ങൾ പ്രാവർത്തി​ക​മാ​ക്കുക. ഇങ്ങനെ​യൊ​ക്കെ ചെയ്യു​മ്പോൾ നമ്മൾ ക്രിസ്‌തു​യേ​ശു​വി​ന്റെ ‘ഒരു മികച്ച പടയാ​ളി​യാ​യി​ത്തീ​രും.’—2 തിമൊ. 2:3.

14. മറ്റെന്തു സഹായം​കൂ​ടെ നമുക്കുണ്ട്‌?

¹⁴ ഇനി, ശക്തരായ ദൈവ​ദൂ​ത​ന്മാ​രു​ടെ പിന്തു​ണ​യും നമുക്കുണ്ട്‌. ഒരൊറ്റ ദൈവ​ദൂ​ത​ന്റെ​തന്നെ ശക്തി നമുക്ക്‌ അറിയാം. (യശ. 37:36) അങ്ങനെ​യെ​ങ്കിൽ കോടി​ക്ക​ണ​ക്കി​നു ദൈവ​ദൂ​ത​ന്മാർ ചേർന്ന ഒരു സൈന്യ​ത്തി​ന്റെ ശക്തി​യെ​ക്കു​റിച്ച്‌ ഒന്ന്‌ ആലോ​ചി​ച്ചു​നോ​ക്കുക. മനുഷ്യർക്കോ ഭൂതങ്ങൾക്കോ യഹോ​വ​യു​ടെ അതിശ​ക്ത​മായ ഈ സൈന്യ​ത്തെ നേരി​ടാ​നാ​കില്ല. വിശ്വ​സ്‌ത​നായ ഒരു സാക്ഷി​യു​ടെ​കൂ​ടെ യഹോ​വ​യു​മു​ണ്ടെ​ങ്കിൽ അവർക്കാ​യി​രി​ക്കും ഭൂരി​പക്ഷം. (ന്യായാ. 6:16) അതിന്‌ ഒരു സംശയ​വു​മില്ല. കൂടെ ജോലി ചെയ്യു​ന്ന​വ​രോ കൂടെ പഠിക്കു​ന്ന​വ​രോ വിശ്വാ​സ​ത്തി​ലി​ല്ലാത്ത ബന്ധുക്ക​ളോ നമ്മളോട്‌ എന്തെങ്കി​ലും പറയു​ക​യും പ്രവർത്തി​ക്കു​ക​യും ചെയ്യു​മ്പോൾ പേടി തോന്നു​ന്നെ​ങ്കിൽ ഇക്കാര്യം മനസ്സിൽപ്പി​ടി​ക്കുക. ഈ പോരാ​ട്ട​ത്തിൽ നിങ്ങൾ ഒറ്റയ്‌ക്കല്ല എന്ന്‌ ഓർക്കുക. നിങ്ങൾ പ്രവർത്തി​ക്കു​ന്നത്‌ യഹോ​വ​യു​ടെ നിർദേ​ശ​മ​നു​സ​രി​ച്ചാണ്‌. അതു​കൊണ്ട്‌ നിങ്ങൾക്ക്‌ യഹോ​വ​യു​ടെ സംരക്ഷ​ണ​മു​ണ്ടാ​യി​രി​ക്കും.

15. യശയ്യ 54:15,17 അനുസ​രിച്ച്‌ ദൈവ​ജ​നത്തെ നിശ്ശബ്ദ​രാ​ക്കാൻ ആർക്കും കഴിയി​ല്ലാ​ത്തത്‌ എന്തു​കൊണ്ട്‌?

¹⁵ സാത്താന്റെ ലോക​ത്തി​നു നമ്മളെ വെറു​ക്കാൻ ഒരുപാട്‌ കാരണ​ങ്ങ​ളുണ്ട്‌. നമ്മൾ രാഷ്‌ട്രീ​യ​കാ​ര്യ​ങ്ങ​ളിൽ നിഷ്‌പ​ക്ഷ​രാ​യി നിൽക്കു​ന്നു, യുദ്ധങ്ങ​ളിൽ പങ്കെടു​ക്കു​ന്നില്ല, ദൈവ​ത്തി​ന്റെ പേര്‌ പ്രസി​ദ്ധ​മാ​ക്കു​ന്നു, ദൈവ​രാ​ജ്യ​ത്തി​ലൂ​ടെ മാത്രമേ ഭൂമി​യിൽ സമാധാ​നം കൊണ്ടു​വ​രാൻ കഴിയു​ക​യു​ള്ളൂ എന്നു പ്രസം​ഗി​ക്കു​ന്നു, ദൈവ​ത്തി​ന്റെ നിയമങ്ങൾ അനുസ​രി​ക്കു​ന്നു. ഈ ലോക​ത്തി​ന്റെ ഭരണാ​ധി​കാ​രി ദുഷ്ടനും കൊല​പാ​ത​കി​യും ആണെന്നു നമ്മൾ തുറന്നു​കാ​ട്ടു​ന്നു. (യോഹ. 8:44) സാത്താന്റെ ലോക​ത്തി​ന്റെ നാശം തൊട്ട​ടുത്ത്‌ എത്തിയി​രി​ക്കു​ന്നു എന്ന്‌ നമ്മൾ ആളുക​ളോ​ടു പറയുന്നു. എന്നാൽ നമ്മളെ നിശ്ശബ്ദ​രാ​ക്കാൻ സാത്താ​നോ അവനെ പിന്തു​ണ​യ്‌ക്കു​ന്ന​വർക്കോ ഒരിക്ക​ലും കഴിയില്ല. പകരം യഹോ​വയെ സ്‌തു​തി​ക്കാ​നാ​യി നമ്മൾ കഴിവി​ന്റെ പരമാ​വധി ശ്രമി​ക്കും. സാത്താൻ ശക്തനാ​ണെ​ങ്കി​ലും ദൈവ​രാ​ജ്യ​ത്തി​ന്റെ സന്ദേശം ലോക​മെ​ങ്ങു​മുള്ള ആളുക​ളു​ടെ പക്കലെ​ത്തു​ന്ന​തി​നു തടയി​ടാൻ സാത്താനു കഴിഞ്ഞി​ട്ടില്ല. യഹോ​വ​യു​ടെ സംരക്ഷ​ണ​മു​ള്ള​തു​കൊണ്ട്‌ മാത്ര​മാ​ണു നമുക്ക്‌ അതിനു കഴിഞ്ഞി​രി​ക്കു​ന്നത്‌.—യശയ്യ 54:15, 17 വായി​ക്കുക.

16. മഹാക​ഷ്ട​ത​യു​ടെ സമയത്ത്‌ യഹോവ തന്റെ ജനത്തെ സംരക്ഷി​ക്കു​ന്നത്‌ എങ്ങനെ?

¹⁶ ഇനി, ഭാവി​യിൽ എന്തായി​രി​ക്കും നടക്കാൻപോ​കു​ന്നത്‌? മഹാക​ഷ്ട​ത​യു​ടെ സമയത്ത്‌ യഹോവ രണ്ടു വിധങ്ങ​ളിൽ നമ്മളെ സംരക്ഷി​ക്കും. ഒന്ന്‌, വ്യാജ​മ​ത​ലോ​ക​സാ​മ്രാ​ജ്യ​മായ ബാബി​ലോൺ എന്ന മഹതിയെ ഭൂമി​യി​ലെ രാജാ​ക്ക​ന്മാർ നശിപ്പി​ക്കു​മ്പോൾ യഹോവ തന്റെ വിശ്വ​സ്‌ത​ദാ​സരെ സംരക്ഷി​ക്കും. (വെളി. 17:16-18; 18:2, 4) രണ്ട്‌, അർമ​ഗെ​ദോ​നിൽ ദൈവം സാത്താന്റെ ലോക​ത്തി​ന്റെ ബാക്കി ഭാഗങ്ങളെ നശിപ്പി​ക്കു​മ്പോ​ഴും തന്റെ ജനത്തെ സംരക്ഷി​ക്കും.—വെളി. 7:9, 10; 16:14, 16.

17. യഹോ​വ​യോട്‌ അടുത്തു​നിൽക്കു​ന്നത്‌ നമുക്ക്‌ എങ്ങനെ പ്രയോ​ജനം ചെയ്യും?

¹⁷ നമ്മൾ യഹോ​വ​യോട്‌ അടുത്തു​നിൽക്കു​ന്നെ​ങ്കിൽ നമുക്ക്‌ നിത്യ​മായ ഒരു ഹാനി വരുത്താൻ സാത്താന്‌ ഒരിക്ക​ലും കഴിയില്ല. പകരം നിത്യ​മായ നാശം സംഭവി​ക്കു​ന്നത്‌ അവനാ​യി​രി​ക്കും. (റോമ. 16:20) നമുക്കു ചെയ്യാ​നാ​കു​ന്നതു സമ്പൂർണ​പ​ട​ക്കോപ്പ്‌ ധരിക്കുക എന്നതാണ്‌. അത്‌ ഒരിക്ക​ലും ഊരി​മാ​റ്റാ​തി​രി​ക്കാം. സാത്താ​നും അവന്റെ ലോക​ത്തി​നും എതി​രെ​യുള്ള പോരാ​ട്ട​ത്തിൽ ഒറ്റയ്‌ക്കു പൊരു​തി ജയിക്കാ​മെന്ന്‌ ഒരിക്ക​ലും ചിന്തി​ക്ക​രുത്‌. നിങ്ങളു​ടെ സഹോ​ദ​രീ​സ​ഹോ​ദ​ര​ന്മാ​രെ പിന്തു​ണ​യ്‌ക്കുക. യഹോവ തരുന്ന നിർദേ​ശങ്ങൾ അനുസ​രി​ക്കുക. നിങ്ങൾ അങ്ങനെ ചെയ്യു​ന്നെ​ങ്കിൽ നിങ്ങളു​ടെ സ്‌നേ​ഹ​വാ​നായ സ്വർഗീ​യ​പി​താവ്‌ നിങ്ങളെ ശക്തി​പ്പെ​ടു​ത്തും, സംരക്ഷി​ക്കും, തീർച്ച!—യശ. 41:10.