‘സർവാ​ശ്വാ​സ​ത്തി​ന്റെ​യും ദൈവ​മാ​യവൻ’ എന്നും ‘നമ്മുടെ കഷ്ടതക​ളി​ലൊ​ക്കെ​യും നമ്മെ ആശ്വസി​പ്പി​ക്കു​ന്നവൻ’ എന്നും ആണ്‌ യഹോവയെക്കുറിച്ച്‌ a അപ്പൊ​സ്‌ത​ല​നായ പൗലോസ്‌ പറയു​ന്നത്‌. (2 കൊരി​ന്ത്യർ 1:3, 4) ദൈവ​ത്തി​നു സഹായി​ക്കാൻ കഴിയാ​ത്ത​താ​യി ആരുമി​ല്ലെ​ന്നും നമ്മുടെ സ്വർഗീയ പിതാ​വിന്‌ ആശ്വസി​പ്പി​ക്കാൻ കഴിയാ​ത്തത്ര വലിയ ദുരന്ത​ങ്ങ​ളി​ല്ലെ​ന്നും ബൈബിൾ നമുക്ക്‌ ഉറപ്പു തരുന്നു.

എന്നാൽ ദൈവ​ത്തിൽനി​ന്നുള്ള ആശ്വാസം കിട്ടണ​മെ​ങ്കിൽ നമ്മൾ ചെയ്യേണ്ട ഒരു കാര്യ​മുണ്ട്‌. ഒരു ഡോക്‌ടറെ കാണാ​നുള്ള സമയം പറഞ്ഞൊത്ത്‌ അദ്ദേഹ​ത്തി​ന്റെ അടുത്ത്‌ ചെന്നി​ല്ലെ​ങ്കിൽ അദ്ദേഹ​ത്തി​നു നമ്മളെ സഹായി​ക്കാൻ കഴിയു​മോ? “പറഞ്ഞൊ​ക്കാ​തെ രണ്ടാളു​കൾ ഒരുമിച്ച്‌ നടക്കു​മോ” എന്നു പ്രവാ​ച​ക​നായ ആമോസ്‌ ചോദി​ച്ചു. (ആമോസ്‌ 3:3, ഓശാന.) അതു​കൊ​ണ്ടാ​ണു തിരു​വെ​ഴു​ത്തു​കൾ ഇങ്ങനെ പറയു​ന്നത്‌: “ദൈവ​ത്തോട്‌ അടുത്തു ചെല്ലു​വിൻ; എന്നാൽ അവൻ നിങ്ങ​ളോട്‌ അടുത്തു വരും.”—യാക്കോബ്‌ 4:8.

ദൈവം നമ്മളോട്‌ അടുത്ത്‌ വരു​മെന്ന്‌ എന്താണ്‌ ഉറപ്പ്‌? ഒന്നാമ​താ​യി, നമ്മളെ സഹായി​ക്കാൻ ആഗ്രഹ​മു​ണ്ടെന്നു ദൈവം ആവർത്തിച്ച്‌ നമ്മളോ​ടു പറയുന്നു. (ലേഖന​ത്തി​ലെ  ചതുരം കാണുക.) രണ്ടാമ​താ​യി, ദൈവം ആശ്വസി​പ്പിച്ച അനേക​മാ​ളു​ക​ളു​ടെ ബോധ്യ​പ്പെ​ടു​ത്തുന്ന സാക്ഷ്യ​മൊ​ഴി​കൾ നമുക്കുണ്ട്‌—കഴിഞ്ഞ കാലങ്ങ​ളി​ലെ​യും ഇക്കാല​ത്തെ​യും ആളുകൾ അക്കൂട്ട​ത്തി​ലുണ്ട്‌.

ഇന്നു ദൈവ​ത്തി​ന്റെ സഹായം തേടുന്ന പലരെ​യും​പോ​ലെ​യാ​യി​രു​ന്നു ദാവീ​ദും. അദ്ദേഹ​ത്തെ​യും ദുരന്തങ്ങൾ വിട്ടൊ​ഴി​ഞ്ഞി​രു​ന്നില്ല. “ഞാൻ . . . നിന്നോ​ടു നിലവി​ളി​ക്കു​മ്പോൾ എന്റെ യാചന​ക​ളു​ടെ ശബ്ദം കേൾക്കേ​ണമേ” എന്ന്‌ ഒരിക്കൽ ദാവീദ്‌ യഹോ​വ​യോട്‌ അപേക്ഷി​ച്ചു. ദൈവം ഉത്തരം കൊടു​ത്തോ? തീർച്ച​യാ​യും. ദാവീദ്‌ തുടർന്ന്‌ പറഞ്ഞു: ‘എനിക്കു സഹായം ലഭിച്ചു; അതു​കൊണ്ട്‌ എന്റെ ഹൃദയം ഉല്ലസി​ക്കു​ന്നു.’—സങ്കീർത്തനം 28:2, 7.

ആശ്വാസം തരുന്ന കാര്യ​ത്തിൽ യേശു​വിന്‌ ഒരു പ്രധാന പങ്കുണ്ടാ​യി​രി​ക്ക​ണ​മെന്നു ദൈവം ആഗ്രഹി​ച്ചു. ദൈവം യേശു​വി​നെ ഏൽപ്പിച്ച ഉത്തരവാ​ദി​ത്വ​ങ്ങ​ളിൽ ‘ഹൃദയം തകർന്ന​വരെ മുറി​കെ​ട്ടു​ന്ന​തും’ ‘ദുഃഖി​ത​ന്മാ​രെ​യൊ​ക്കെ​യും ആശ്വസി​പ്പി​ക്കു​ന്ന​തും’ ഉൾപ്പെ​ട്ടി​രു​ന്നു. (യശയ്യ 61:1, 2) മുൻകൂ​ട്ടി​പ്പ​റ​ഞ്ഞി​രു​ന്ന​തു​പോ​ലെ യേശു, “ക്ലേശി​ത​രും ഭാരം ചുമക്കു​ന്ന​വ​രും ആയ” ആളുക​ളിൽ പ്രത്യേ​ക​മായ താത്‌പ​ര്യ​മെ​ടു​ത്തു.—മത്തായി 11:28-30.

ജ്ഞാനം നിറഞ്ഞ ഉപദേ​ശ​ങ്ങ​ളാ​ലും ആളുക​ളോ​ടു ദയയോ​ടെ ഇടപെ​ട്ടു​കൊ​ണ്ടും ചില​പ്പോ​ഴൊ​ക്കെ അവരുടെ രോഗം മാറ്റി​ക്കൊ​ണ്ടും യേശു ആളുകളെ ആശ്വസി​പ്പി​ച്ചു. “നിനക്കു മനസ്സു​ണ്ടെ​ങ്കിൽ എന്നെ ശുദ്ധനാ​ക്കാൻ കഴിയും” എന്ന്‌ ഒരിക്കൽ ഒരു കുഷ്‌ഠ​രോ​ഗി യാചനാ​സ്വ​ര​ത്തിൽ യേശു​വി​നോ​ടു പറഞ്ഞു. അതു കേട്ട്‌ അനുകമ്പ തോന്നി യേശു പറഞ്ഞു: “എനിക്കു  മനസ്സുണ്ട്‌; ശുദ്ധനാ​കുക.” (മർക്കോസ്‌ 1:40, 41) കുഷ്‌ഠ​രോ​ഗി അപ്പോൾത്തന്നെ സുഖ​പ്പെട്ടു.

നമ്മളെ ഓരോ​രു​ത്ത​രെ​യും നേരിട്ട്‌ കണ്ട്‌ ആശ്വസി​പ്പി​ക്കാൻ ഇന്നു ദൈവ​പു​ത്രൻ ഭൂമി​യി​ലില്ല. എന്നാൽ ‘സർവാ​ശ്വാ​സ​ത്തി​ന്റെ​യും ദൈവ​വും’ യേശു​വി​ന്റെ പിതാ​വും ആയ യഹോവ ഇന്നും ആളുകൾക്കു വേണ്ട സഹായം നൽകി​ക്കൊ​ണ്ടി​രി​ക്കു​ന്നു. (2 കൊരി​ന്ത്യർ 1:3) ആളുകളെ ആശ്വസി​പ്പി​ക്കാൻ ദൈവം ഉപയോ​ഗി​ക്കുന്ന നാലു പ്രധാ​ന​മാർഗങ്ങൾ നമുക്കു നോക്കാം.

• ബൈബിൾ. “മുമ്പ്‌ എഴുത​പ്പെ​ട്ട​വ​യെ​ല്ലാം നമ്മുടെ പ്രബോധനത്തിനുവേണ്ടിയുള്ളതാണ്‌—നമ്മുടെ സഹിഷ്‌ണു​ത​യാ​ലും തിരു​വെ​ഴു​ത്തു​ക​ളിൽനി​ന്നുള്ള ആശ്വാ​സ​ത്താ​ലും നമുക്കു പ്രത്യാശ ഉണ്ടാ​കേ​ണ്ട​തി​നു​വേണ്ടി.”—റോമർ 15:4.

• ദൈവ​ത്തി​ന്റെ പരിശു​ദ്ധാ​ത്മാവ്‌. യേശു മരിച്ച്‌ താമസി​യാ​തെ​തന്നെ ക്രിസ്‌തീ​യ​സ​ഭ​യ്‌ക്ക്‌ കുറച്ച്‌ കാല​ത്തേക്കു സമാധാ​നം ഉണ്ടായി. എന്തു​കൊണ്ട്‌? ‘പരിശു​ദ്ധാ​ത്മാ​വി​നാ​ലുള്ള ആശ്വാസം കൈ​ക്കൊണ്ട്‌ യഹോ​വാ​ഭ​യ​ത്തിൽ നടന്നതു​കൊണ്ട്‌.’ (പ്രവൃ​ത്തി​കൾ 9:31) ദൈവ​ത്തി​ന്റെ ചലനാ​ത്മ​ക​ശ​ക്തി​യായ പരിശു​ദ്ധാ​ത്മാ​വി​നു വലിയ ശക്തിയുണ്ട്‌. ഇത്‌ ഉപയോ​ഗിച്ച്‌ ദൈവ​ത്തിന്‌ ഏതു സാഹച​ര്യ​ത്തി​ലു​മുള്ള ആരെയും ആശ്വസി​പ്പി​ക്കാ​നാ​കും.

• പ്രാർഥന. “ഒന്നി​നെ​ക്കു​റി​ച്ചും ഉത്‌ക​ണ്‌ഠ​പ്പെ​ടേണ്ട” എന്നാണു ബൈബിൾ നമ്മളെ ഉപദേ​ശി​ക്കു​ന്നത്‌. പകരം, “നിങ്ങളു​ടെ അപേക്ഷകൾ . . . ദൈവത്തെ അറിയി​ക്കുക; അപ്പോൾ മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേശു മുഖാ​ന്തരം കാത്തു​കൊ​ള്ളും.”—ഫിലി​പ്പി​യർ 4:6, 7.

• സഹക്രി​സ്‌ത്യാ​നി​കൾ. നമ്മുടെ ആത്മാർഥ​സു​ഹൃ​ത്തു​ക്ക​ളായ അവർ നമുക്ക്‌ ആശ്വാ​സ​മേ​കി​ക്കൊണ്ട്‌ ഒരു താങ്ങും തണലും ആയി നില​കൊ​ള്ളു​ന്നു. “ഞെരു​ക്ക​ങ്ങ​ളി​ലും കഷ്ടങ്ങളി​ലും” തന്റെ കൂട്ടാ​ളി​കൾ “ബലപ്പെ​ടു​ത്തുന്ന സഹായ​മാ​യി​ത്തീർന്നു” എന്നാണ്‌ അപ്പൊ​സ്‌ത​ല​നായ പൗലോസ്‌ പറഞ്ഞത്‌.—1 തെസ്സ​ലോ​നി​ക്യർ 3:7; കൊ​ലോ​സ്യർ 4:11.

ഇതെല്ലാം പ്രാ​യോ​ഗി​ക​മാ​ണോ എന്നു നിങ്ങൾ അതിശ​യി​ച്ചേ​ക്കാം. തുടക്ക​ത്തിൽ പറഞ്ഞ പ്രശ്‌നങ്ങൾ നേരി​ട്ട​വ​രു​ടെ അനുഭ​വങ്ങൾ നമുക്ക്‌ ഒന്ന്‌ അടുത്ത്‌ പരി​ശോ​ധി​ക്കാം. അപ്പോൾ, ഒരു “അമ്മ ആശ്വസി​പ്പി​ക്കു​ന്ന​തു​പോ​ലെ ഞാൻ നിങ്ങളെ ആശ്വസി​പ്പി​ക്കും” എന്ന ദൈവ​ത്തി​ന്റെ വാഗ്‌ദാ​നം ദൈവം ഇന്നും പാലി​ക്കു​ന്നുണ്ട്‌ എന്നു നിങ്ങൾ മനസ്സി​ലാ​ക്കും.—യശയ്യ 66:13. (wp16-E No. 5)