റോസി പറയുന്നു: “എന്‍റെ മനസ്സിനെ ഭാര​പ്പെ​ടു​ത്തുന്ന ചില ഉത്‌ക​ണ്‌ഠ​ക​ളിൽ കുടു​ങ്ങി​ക്കി​ട​ക്കു​ക​യാ​യി​രു​ന്നു ഞാൻ. ചില കാര്യങ്ങൾ ഞാൻ വെറുതേ ചിന്തി​ച്ചു​കൂ​ട്ടും. ചില​പ്പോൾ കാര്യങ്ങൾ അങ്ങേയറ്റം വഷളാ​കു​ന്നതു ഭാവന​യിൽ കണ്ട് ഞാൻ ഉത്‌ക​ണ്‌ഠ​പ്പെ​ടു​മാ​യി​രു​ന്നു. പക്ഷേ, കാര്യങ്ങൾ യഥാർഥ​ത്തിൽ അങ്ങനെ​യൊ​ന്നു​മാ​യി​രി​ക്കില്ല.” ഈ പ്രശ്‌നം പരിഹ​രി​ക്കാൻ റോസി​യെ സഹായി​ച്ചത്‌ ഏതു ബൈബിൾവാ​ക്യ​മാണ്‌? മത്തായി 6:34. അവിടെ ഇങ്ങനെ പറയുന്നു: “അടുത്ത ദിവസത്തെ ഓർത്ത്‌ ഒരിക്ക​ലും ഉത്‌ക​ണ്‌ഠ​പ്പെ​ട​രുത്‌. ആ ദിവസ​ത്തിന്‌ അതി​ന്‍റേ​തായ ഉത്‌ക​ണ്‌ഠ​ക​ളു​ണ്ടാ​യി​രി​ക്കു​മ​ല്ലോ. ഓരോ ദിവസ​ത്തി​നും അന്നന്നത്തെ ബുദ്ധി​മു​ട്ടു​കൾതന്നെ ധാരാളം.” യേശു​വി​ന്‍റെ ഈ വാക്കുകൾ, നാളെ എന്ത് സംഭവി​ച്ചേ​ക്കാ​മെന്ന് ഓർത്ത്‌ ഉത്‌ക​ണ്‌ഠ​പ്പെ​ടാ​തി​രി​ക്കാൻ തന്നെ സഹായി​ക്കു​ന്നു എന്നാണ്‌ റോസി ഇപ്പോൾ പറയു​ന്നത്‌. റോസി കൂട്ടി​ച്ചേർക്കു​ന്നു: “ഇപ്പോൾത്തന്നെ എനിക്ക് ആവശ്യ​ത്തി​നു പ്രശ്‌ന​ങ്ങ​ളുണ്ട്. അതി​ന്‍റെ​കൂ​ടെ ഇതുവരെ സംഭവി​ച്ചി​ട്ടി​ല്ലാ​ത്ത​തും സംഭവി​ക്കാൻ സാധ്യ​ത​യി​ല്ലാ​ത്ത​തു​മായ കാര്യ​ങ്ങ​ളെ​ക്കു​റി​ച്ചു​കൂ​ടി ഓർത്ത്‌ ആകുല​പ്പെ​ടാൻ ഇനി ഞാനില്ല.”

യാസ്‌മിന്‌ ഉത്‌ക​ണ്‌ഠ​കൾകൊണ്ട് വീർപ്പു​മു​ട്ടു​ന്ന​തു​പോ​ലെ തോന്നി. യാസ്‌മിൻ പറയുന്നു: “പല ദിവസ​ങ്ങ​ളി​ലും ഞാൻ കരച്ചിൽത്ത​ന്നെ​യാ​യി​രു​ന്നു. ചില രാത്രി​ക​ളിൽ എനിക്ക് ഉറങ്ങാൻ കഴിഞ്ഞി​രു​ന്നില്ല. നിഷേ​ധ​ചി​ന്തകൾ എന്നെ ജീവ​നോ​ടെ വിഴു​ങ്ങു​ന്ന​തു​പോ​ലെ എനിക്കു തോന്നി.” ഏതു ബൈബിൾവാ​ക്യ​മാണ്‌ യാസ്‌മി​നെ സഹായി​ച്ചത്‌? 1 പത്രോസ്‌ 5:7. അവിടെ ഇങ്ങനെ പറയുന്നു: “ദൈവം നിങ്ങ​ളെ​ക്കു​റിച്ച് ചിന്തയു​ള്ള​വ​നാ​യ​തു​കൊണ്ട് നിങ്ങളു​ടെ എല്ലാ ഉത്‌ക​ണ്‌ഠ​ക​ളും ദൈവ​ത്തി​ന്‍റെ മേൽ ഇടുക.” യാസ്‌മിൻ പറയുന്നു: “ഞാൻ യഹോ​വ​യോ​ടു മുട്ടി​പ്പാ​യി പ്രാർഥി​ച്ചു. എന്‍റെ പ്രാർഥ​ന​കൾക്കു ദൈവം ഉത്തരം നൽകി. എന്‍റെ തോള​ത്തു​നിന്ന് വലി​യൊ​രു ഭാരം ഇറക്കി​വെ​ച്ച​തു​പോ​ലെ​യാണ്‌ എനിക്ക് അനുഭ​വ​പ്പെ​ട്ടത്‌. നിഷേ​ധ​ചി​ന്തകൾ  ഇടയ്‌ക്കി​ടെ മനസ്സി​ലേക്കു വരാറുണ്ട്. എന്നാൽ അതിനെ വരുതി​യിൽ നിറു​ത്താൻ ഇപ്പോൾ എനിക്ക് അറിയാം.”

ഇസബെല്ല എന്ന ചെറു​പ്പ​ക്കാ​രി പറയുന്നു: “കാര്യങ്ങൾ പിന്ന​ത്തേക്കു വെക്കുന്ന ശീലം പാരമ്പ​ര്യ​മാ​യി കിട്ടി​യ​താ​ണെന്ന് എനിക്കു തോന്നു​ന്നു. കാരണം എന്‍റെ ഡാഡി അങ്ങനെ​യാ​യി​രു​ന്നു. ഞാനും പ്രധാ​ന​പ്പെട്ട കാര്യങ്ങൾ യാതൊ​രു കാരണ​വു​മി​ല്ലാ​തെ മാറ്റി​വെ​ക്കു​മാ​യി​രു​ന്നു. ഒന്നുകിൽ വെറുതെ ഇരിക്കും അല്ലെങ്കിൽ ടിവി കാണും. ഒരു കാര്യം ഇങ്ങനെ പിന്നെ ചെയ്യാ​മെന്നു വെക്കു​ന്നത്‌ മോശ​മായ ഒരു ശീലമാണ്‌. കാരണം അത്‌ ആധി കൂട്ടും, ഒടുവിൽ ചെയ്യേണ്ട കാര്യം എങ്ങനെ​യെ​ങ്കി​ലും ഒക്കെ ചെയ്‌തു​തീർക്കേ​ണ്ടി​വ​രും.” ഈ ശീലം മാറ്റാൻ ഇസബെ​ല്ലയെ സഹായിച്ച ഒരു ബൈബിൾത​ത്ത്വം 2 തിമൊ​ഥെ​യൊസ്‌ 2:15-ൽ കാണാം. അവിടെ ഇങ്ങനെ പറയുന്നു: “ലജ്ജിക്കാൻ കാരണ​മി​ല്ലാത്ത പണിക്കാ​ര​നാ​യി, ദൈവാം​ഗീ​കാ​ര​ത്തോ​ടെ തിരു​സ​ന്നി​ധി​യിൽ നിൽക്കാൻ നിന്‍റെ കഴിവി​ന്‍റെ പരമാ​വധി ശ്രമി​ക്കുക.” ഇസബെല്ല തുടർന്ന് പറയുന്നു: “ജോലി നീട്ടി​നീ​ട്ടി വെച്ച് അവസാനം അത്‌ നന്നായി ചെയ്യാൻ പറ്റാ​തെ​വ​രും. അങ്ങനെ യഹോ​വ​യ്‌ക്കു അപമാനം വരുത്താൻ ഞാൻ ആഗ്രഹി​ച്ചില്ല.” ഇസബെല്ല അക്കാര്യ​ത്തിൽ വളരെ മെച്ച​പ്പെട്ടു.

ഇതുത​ന്നെ​യാണ്‌ കെൽസി​യു​ടെ​യും അഭി​പ്രാ​യം. “എനിക്കു ചെയ്യാ​നുള്ള പ്രോജക്‌ട്‌ ചെയ്‌തുതീർക്കാൻ അവസാ​ന​നി​മി​ഷം​വരെ ഞാൻ കാത്തി​രി​ക്കും. പിന്നെ ടെൻഷ​നാ​യി, കരച്ചി​ലാ​യി, ഉറക്കമി​ല്ലാ​താ​യി. കാര്യങ്ങൾ പിന്ന​ത്തേക്കു വെക്കുന്ന ശീലം അത്ര നല്ലതല്ല.” സുഭാ​ഷി​തങ്ങൾ 13:16-ൽ പറഞ്ഞി​രി​ക്കുന്ന കാര്യം കെൽസി​യെ സഹായി​ച്ചു: “വിവേ​കി​യായ മനുഷ്യൻ അറിവ്‌ നേടി കാര്യങ്ങൾ ചെയ്യുന്നു; എന്നാൽ വിഡ്‌ഢി തന്‍റെ വിഡ്‌ഢി​ത്തം തുറന്നു​കാ​ട്ടു​ന്നു.” ഈ ബൈബിൾവാ​ക്യ​ത്തെ​ക്കു​റിച്ച് ആഴത്തിൽ ചിന്തി​ച്ചത്‌ തന്നെ എങ്ങനെ​യാ​ണു സഹായി​ച്ച​തെന്നു കെൽസി പറയുന്നു: “കാര്യങ്ങൾ മുൻകൂ​ട്ടി ആസൂ​ത്രണം ചെയ്യു​ന്ന​താണ്‌ ബുദ്ധി. ഇപ്പോൾ എന്‍റെ മേശപ്പു​റത്ത്‌ ഒരു ഡയറി​യുണ്ട്. ചെയ്‌തു​തീർക്കാ​നുള്ള ജോലി​ക​ളൊ​ക്കെ ഞാൻ അതിൽ എഴുതി​വെ​ക്കും. മുൻകൂ​ട്ടി പ്ലാൻ ചെയ്യാ​നും കാര്യങ്ങൾ അവസാ​ന​നി​മി​ഷ​ത്തേക്ക് മാറ്റി വെക്കാ​തി​രി​ക്കാ​നും ഇത്‌ എന്നെ സഹായി​ക്കു​ന്നു.”

“എന്‍റെ ഭർത്താവ്‌ എന്നെയും നാലു മക്കളെ​യും ഉപേക്ഷി​ച്ചു​പോ​യി” എന്നു ക്രിസ്റ്റിൻ പറയുന്നു. ആ സാഹച​ര്യ​ത്തിൽ ക്രിസ്റ്റി​നെ സഹായിച്ച ബൈബിൾത​ത്ത്വം ഏതാണ്‌? സുഭാ​ഷി​തങ്ങൾ 17:17. അവിടെ പറയുന്നു: “യഥാർഥ​സ്‌നേ​ഹി​തൻ എല്ലാ കാലത്തും സ്‌നേ​ഹി​ക്കു​ന്നു; കഷ്ടതക​ളു​ടെ സമയത്ത്‌ അവൻ കൂടപ്പി​റ​പ്പാ​യി​ത്തീ​രു​ന്നു.” യഹോ​വ​യു​ടെ സാക്ഷി​യായ ക്രിസ്റ്റിൻ തന്‍റെ സഭയിലെ അംഗങ്ങ​ളു​ടെ സഹായം തേടി. എന്തായി​രു​ന്നു ഫലം? “സഭയിലെ എന്‍റെ കൂട്ടു​കാർ എന്നെ സഹായി​ക്കാൻ എന്‍റെ ചുറ്റു​മു​ണ്ടാ​യി​രു​ന്നു! ചിലർ ഭക്ഷണസാ​ധ​നങ്ങൾ കൊണ്ടു​വ​രും, ചിലർ സമ്മാന​മാ​യി പൂക്കൾ തരും. ഞങ്ങൾ വീട്‌ മാറിയ മൂന്നു പ്രാവ​ശ്യ​വും എന്നെയും കുട്ടി​ക​ളെ​യും സഹായി​ക്കാൻ ഒരു കൂട്ടം​ത​ന്നെ​യാണ്‌ എത്തിയത്‌! ഒരാൾ ഒരു ജോലി കണ്ടെത്താൻ എന്നെ സഹായി​ച്ചു. എന്തിനും ഏതിനും എന്‍റെ സുഹൃ​ത്തു​ക്കൾ എന്നോ​ടൊ​പ്പ​മു​ണ്ടാ​യി​രു​ന്നു.”

മുമ്പു പറഞ്ഞ ഡെൽഫിൻ ഏകാന്ത​ത​യു​മാ​യി മല്ലിട്ട ആളാണ്‌. തനിക്ക് എല്ലാം നഷ്ടപ്പെട്ട ആ സമയ​ത്തെ​ക്കു​റിച്ച് അവൾ ഓർക്കു​ന്നു: “മറ്റുള്ള​വ​രൊ​ക്കെ കുടും​ബ​ത്തോ​ടൊ​പ്പം ജീവി​ക്കു​ന്നു, എന്നാൽ ഞാൻ ആരോ​രു​മി​ല്ലാ​ത്ത​വ​ളാ​ണെന്ന് എനിക്കു തോന്നി.” ഡെൽഫി​നെ സഹായിച്ച ഒരു ബൈബിൾവാ​ക്യം സങ്കീർത്തനം 68:6 ആണ്‌. അവിടെ ഇങ്ങനെ വായി​ക്കു​ന്നു: “ആരോ​രു​മി​ല്ലാ​ത്ത​വർക്കു ദൈവം വീടു നൽകുന്നു.” അവൾ പറയുന്നു: “ഈ വാക്യ​ത്തിൽ പറഞ്ഞി​രി​ക്കുന്ന വീട്‌ ശരിക്കു​മുള്ള ഒരു വീടല്ല എന്ന് എനിക്ക് അറിയാം. മറിച്ച്, ദൈവം നൽകു​ന്നത്‌ ആത്മീയ​കു​ടും​ബ​മാണ്‌. യഹോ​വയെ സ്‌നേ​ഹി​ക്കുന്ന, യഥാർഥ​ബ​ന്ധ​ങ്ങൾക്കു വില കല്‌പി​ക്കുന്ന, വൈകാ​രി​ക​മായ അടുപ്പ​വും സുരക്ഷി​ത​ത്വ​വും ഒക്കെയുള്ള ഒരിടം. ആദ്യം യഹോ​വ​യോ​ടു കൂടുതൽ അടുത്താ​ലേ ഈ ആത്മീയ​കു​ടും​ബ​ത്തി​ലു​ള്ള​വ​രോട്‌ എനിക്ക് അടുക്കാ​നാ​കൂ എന്നു ഞാൻ മനസ്സി​ലാ​ക്കി. സങ്കീർത്തനം 37:4 എന്നെ സഹായി​ച്ചെന്നു പറയാം. അവിടെ പറയുന്നു: ‘യഹോ​വ​യിൽ അത്യധി​കം ആനന്ദിക്കൂ! ദൈവം നിന്‍റെ ഹൃദയാ​ഭി​ലാ​ഷങ്ങൾ സാധി​ച്ചു​ത​രും.’”

ഡെൽഫിൻ തുടരു​ന്നു: “യഹോ​വ​യോട്‌ ഇനിയും അടു​ക്കേ​ണ്ട​തു​ണ്ടെന്നു ഞാൻ തിരി​ച്ച​റി​ഞ്ഞു. കാരണം ഏറ്റവും നല്ല സുഹൃ​ത്താണ്‌ ദൈവം. മറ്റുള്ള​വ​രു​ടെ കൂടെ ആസ്വദിച്ച് ചെയ്യാൻ കഴിയുന്ന ചില കാര്യ​ങ്ങ​ളു​ടെ ഒരു പട്ടിക ഞാൻ ഉണ്ടാക്കി. അങ്ങനെ യഹോ​വയെ സ്‌നേ​ഹി​ക്കു​ന്ന​വ​രോ​ടൊ​പ്പം നല്ല സുഹൃ​ദ്‌ബ​ന്ധങ്ങൾ കെട്ടി​പ്പ​ടു​ക്കാൻ എനിക്കു കഴിഞ്ഞു. മറ്റുള്ള​വ​രു​ടെ നന്മ കാണാ​നും അവരുടെ കുറവു​കൾ കണ്ടി​ല്ലെന്നു വെക്കാ​നും ഞാൻ പഠിച്ചു.”

ദൈവത്തെ സേവി​ക്കു​ന്ന​വ​രാ​ണെ​ങ്കി​ലും അവർക്കെ​ല്ലാം കുറവു​ക​ളുണ്ട്. യഹോ​വ​യു​ടെ സാക്ഷികൾ മറ്റുള്ള​വ​രെ​പ്പോ​ലെ​തന്നെ പല പ്രശ്‌ന​ങ്ങ​ളു​മാ​യി മല്ലടി​ക്കു​ന്ന​വ​രാണ്‌. എന്നാൽ ബൈബി​ളിൽനിന്ന് അവർക്കു കിട്ടുന്ന പരിശീ​ലനം, സാധ്യ​മാ​കു​മ്പോ​ഴൊ​ക്കെ മറ്റുള്ള​വരെ സഹായി​ക്കാൻ അവരെ പ്രേരി​പ്പി​ക്കു​ന്നു. അത്തരം കൂട്ടു​കാ​രെ നേടാ​നാ​കു​ന്നത്‌ ജ്ഞാനപൂർവ​മായ ഒരു കാര്യം​ത​ന്നെ​യാണ്‌. എന്നാൽ ഇന്ന് പരിഹ​രി​ക്കാൻ കഴിയാത്ത പ്രശ്‌ന​ങ്ങ​ളു​മാ​യി, ഉദാഹ​ര​ണ​ത്തിന്‌ ഗുരു​ത​ര​മായ രോഗ​ങ്ങ​ളോ വിഷാ​ദ​മോ ഒക്കെ ആയി ഒത്തു​പോ​കാൻ ബുദ്ധി​മു​ട്ടാ​ണെ​ങ്കിൽ അതിനു സഹായ​ക​മായ ബൈബിൾത​ത്ത്വ​ങ്ങൾ എന്തെങ്കി​ലു​മു​ണ്ടോ?