1. കൂട്ടം​വി​ട്ടു​പോയ ഒരാൾ മടങ്ങി​വ​രു​മ്പോൾ യഹോ​വ​യ്‌ക്ക്‌ എന്താണു തോന്നു​ന്നത്‌?

തന്റെ ഓരോ ആടി​നെ​യും ആർദ്ര​ത​യോ​ടെ പരിപാ​ലി​ക്കുന്ന ഒരു നല്ല ഇടയ​നോ​ടാണ്‌ യഹോവ തന്നെത്തന്നെ താരത​മ്യ​പ്പെ​ടു​ത്തി​യി​രി​ക്കു​ന്നത്‌ എന്നു കഴിഞ്ഞ ലേഖന​ത്തിൽ പഠിച്ചു. കൂട്ടം​വിട്ട്‌ പോകുന്ന ഓരോ​രു​ത്ത​രെ​യും യഹോവ അന്വേ​ഷി​ക്കു​ന്നു. തന്നെ വിട്ടു​പോയ ഇസ്രാ​യേ​ല്യ​രോട്‌ യഹോവ പറഞ്ഞു: “എന്റെ അടു​ത്തേക്കു മടങ്ങി​വരൂ; അപ്പോൾ ഞാൻ നിങ്ങളു​ടെ അടു​ത്തേ​ക്കും മടങ്ങി​വ​രാം.” ഇന്നും യഹോ​വ​യ്‌ക്ക്‌ അങ്ങനെ​യാ​ണു തോന്നു​ന്നത്‌. കാരണം യഹോവ പറയുന്നു: “ഞാൻ . . . മാറ്റമി​ല്ലാ​ത്തവൻ.” (മലാ. 3:6, 7) കൂട്ടംവിട്ടുപോയിട്ട്‌ തിരി​ച്ചു​വ​രു​ന്നത്‌ ഒരാളാ​ണെ​ങ്കിൽപ്പോ​ലും യഹോ​വ​യും ദൂതന്മാ​രും വളരെ​യ​ധി​കം സന്തോ​ഷി​ക്കു​മെന്ന്‌ യേശു പറഞ്ഞു.​—ലൂക്കോ. 15:10, 32.

2. ഈ ലേഖന​ത്തിൽ നമ്മൾ എന്താണു പഠിക്കാൻപോ​കു​ന്നത്‌?

² നമുക്ക്‌ ഇപ്പോൾ യേശു പറഞ്ഞ മൂന്നു ദൃഷ്ടാ​ന്തങ്ങൾ പരി​ശോ​ധി​ക്കാം. യഹോ​വ​യിൽനിന്ന്‌ അകന്നു​പോ​യ​വരെ സഹായി​ക്കാൻ കഴിയുന്ന ചില പ്രധാ​ന​പ്പെട്ട വിധങ്ങൾ നമുക്ക്‌ അതിൽനിന്ന്‌ പഠിക്കാം. കാണാ​തെ​പോയ ആടിനെ യഹോ​വ​യു​ടെ അടു​ത്തേക്കു തിരി​ച്ചു​കൊ​ണ്ടു​വ​രു​ന്ന​തി​നു സഹായി​ക്കാൻ നമുക്ക്‌ ആവശ്യ​മാ​യി​രി​ക്കുന്ന ചില പ്രത്യേ​ക​ഗു​ണ​ങ്ങ​ളെ​ക്കു​റി​ച്ചും ചർച്ച ചെയ്യും. ബലഹീ​ന​രായ അവരെ സഹായി​ക്കാൻ നമ്മൾ ചെയ്യുന്ന അധ്വാനം ശ്രമത്തി​നു തക്ക മൂല്യ​മു​ള്ള​താ​ണെ​ന്നും കാണും.

3-4. ലൂക്കോസ്‌ 15:8-10-ലെ സ്‌ത്രീ കാണാ​തെ​പോയ ദ്രഹ്‌മ​യ്‌ക്കു​വേണ്ടി ശ്രദ്ധ​യോ​ടെ തിരഞ്ഞത്‌ എന്തു​കൊ​ണ്ടാണ്‌?

³ യഹോ​വ​യു​ടെ അടു​ത്തേക്കു മടങ്ങി​വ​രാൻ ആഗ്രഹി​ക്കു​ന്ന​വരെ കണ്ടെത്താൻ നമ്മൾ നല്ല ശ്രമം നടത്തണം. നമുക്ക്‌ ഇപ്പോൾ ലൂക്കോ​സി​ന്റെ സുവി​ശേ​ഷ​ത്തിൽ യേശു പറഞ്ഞ ഒരു ദൃഷ്ടാന്തം നോക്കാം. കാണാ​തെ​പോയ വില​യേ​റിയ വസ്‌തു, ഒരു ദ്രഹ്‌മ​നാ​ണയം, കണ്ടെത്തു​ന്ന​തി​നു​വേണ്ടി ഒരു സ്‌ത്രീ എങ്ങനെ​യാ​ണു തിരയു​ന്ന​തെന്ന്‌ അവിടെ യേശു പറയു​ന്നുണ്ട്‌. ഈ ദൃഷ്ടാ​ന്ത​ത്തി​ലെ സ്‌ത്രീ നാണയം കണ്ടെത്തു​ന്ന​തി​നു നടത്തുന്ന തീവ്ര​മായ അന്വേ​ഷ​ണ​മാ​ണു നമ്മുടെ ശ്രദ്ധ ആകർഷി​ക്കുന്ന മുഖ്യ​സം​ഗതി.​—ലൂക്കോസ്‌ 15:8-10 വായി​ക്കുക.

⁴ കാണാ​തെ​പോയ തന്റെ ദ്രഹ്‌മ​നാ​ണയം കണ്ടെത്തി​യ​പ്പോൾ സ്‌ത്രീ​ക്കു​ണ്ടായ സന്തോഷം യേശു വിവരി​ക്കു​ന്നു. യേശു​വി​ന്റെ കാലത്ത്‌ ഇസ്രാ​യേ​ലിൽ ഒരു സ്‌ത്രീ വിവാ​ഹി​ത​യാ​കു​മ്പോൾ അവളുടെ അമ്മ ചില​പ്പോൾ പത്തു ദ്രഹ്‌മ​നാ​ണ​യ​ങ്ങ​ളു​ടെ ഒരു സെറ്റ്‌ അവൾക്കു കൊടു​ക്കു​മാ​യി​രു​ന്നു.  അങ്ങനെ​യുള്ള കൂട്ടത്തി​ലെ ഒരു നാണയ​ത്തെ​പ്പ​റ്റി​യാ​യി​രി​ക്കാം ദൃഷ്ടാ​ന്ത​ത്തിൽ പറയു​ന്നത്‌. നാണയം തറയിൽ വീണെ​ന്നാ​ണു സ്‌ത്രീ കരുതു​ന്നത്‌. അതു​കൊണ്ട്‌ ആ സ്‌ത്രീ വിളക്കു കത്തിച്ച്‌ ചുറ്റും നോക്കു​ന്നു. പക്ഷേ ഒന്നും കാണു​ന്നില്ല. ആ സ്‌ത്രീ​യു​ടെ എണ്ണവി​ള​ക്കി​ന്റെ വെളി​ച്ച​ത്തിൽ ആ ചെറിയ വെള്ളി​നാ​ണയം കണ്ടെത്താൻ കഴിയു​ന്നില്ല. അവസാനം അവൾ വീടു മുഴുവൻ ശ്രദ്ധ​യോ​ടെ അടിച്ചു​വാ​രു​ന്നു. അടിച്ചു​കൂ​ട്ടിയ പൊടി​യിൽ അതാ, വെള്ളി​നാ​ണയം! വിളക്കി​ന്റെ വെളി​ച്ച​ത്തിൽ അതു തിളങ്ങു​ന്നുണ്ട്‌. സ്‌ത്രീ കൂട്ടു​കാ​രെ​യും അയൽക്കാ​രെ​യും വിളി​ച്ചു​കൂ​ട്ടി ഈ സന്തോ​ഷ​വാർത്ത അവരോ​ടു പറയുന്നു.

5. സഭ വിട്ടു​പോ​യ​വരെ കണ്ടെത്തു​ന്നതു ബുദ്ധി​മു​ട്ടാ​യേ​ക്കാ​വു​ന്നത്‌ എന്തു​കൊണ്ട്‌?

⁵ യേശു​വി​ന്റെ ദൃഷ്ടാ​ന്ത​ത്തിൽ കാണു​ന്ന​തു​പോ​ലെ, കാണാ​തെ​പോയ എന്തെങ്കി​ലും കണ്ടെത്ത​ണ​മെ​ങ്കിൽ നല്ല ശ്രമം ആവശ്യ​മാണ്‌. സമാന​മാ​യി, സഭ വിട്ടു​പോയ ആരെ​യെ​ങ്കി​ലും കണ്ടെത്താ​നും നല്ല ശ്രമം വേണ്ടി​വ​ന്നേ​ക്കാം. അവർ നമ്മു​ടെ​കൂ​ടെ സഹവസി​ക്കു​ന്നതു നിറു​ത്തി​യിട്ട്‌ ഒരുപക്ഷേ വർഷങ്ങ​ളാ​യി​ക്കാ​ണും. അല്ലെങ്കിൽ മറ്റൊരു പ്രദേ​ശ​ത്തേക്കു താമസം മാറ്റി​ക്കാ​ണും. അവി​ടെ​യുള്ള സഹോ​ദ​ര​ങ്ങൾക്ക്‌ അവരെ അറിയു​ക​യു​മി​ല്ലാ​യി​രി​ക്കും. പക്ഷേ നിഷ്‌ക്രി​യ​രായ ഈ സഹോ​ദ​ര​ങ്ങ​ളിൽ ചിലർ യഹോ​വ​യു​ടെ അടു​ത്തേക്കു മടങ്ങി​വ​രാൻ ഇപ്പോൾ ഉറപ്പാ​യും ആഗ്രഹി​ക്കു​ന്നു​ണ്ടാ​കും. തങ്ങളുടെ സഹോ​ദ​ര​ങ്ങ​ളു​ടെ​കൂ​ടെ വീണ്ടും യഹോ​വയെ സേവി​ക്കാൻ അവർ ആഗ്രഹി​ക്കു​ന്നു. എന്നാൽ അവർക്കു നമ്മുടെ സഹായം വേണം.

6. നിഷ്‌ക്രി​യരെ കണ്ടെത്താൻ സഭയിലെ എല്ലാവർക്കും എങ്ങനെ സഹായി​ക്കാൻ കഴിയും?

⁶ നിഷ്‌ക്രി​യരെ കണ്ടുപി​ടി​ക്കു​ന്ന​തിന്‌ ആർക്കൊ​ക്കെ സഹായി​ക്കാൻ കഴിയും? മൂപ്പന്മാർക്കും മുൻനി​ര​സേ​വ​കർക്കും നിഷ്‌ക്രി​യ​രു​ടെ കുടും​ബാം​ഗ​ങ്ങൾക്കും സഭയിലെ മറ്റു പ്രചാ​ര​കർക്കും അവരെ കണ്ടെത്തു​ന്ന​തി​നു സഹായി​ക്കാൻ കഴിയും. നിങ്ങളു​ടെ ഒരു സുഹൃ​ത്തോ കുടും​ബാം​ഗ​മോ നിഷ്‌ക്രി​യ​നാ​യി​ത്തീർന്നി​ട്ടു​ണ്ടോ? ഇനി, വീടു​തോ​റു​മുള്ള ശുശ്രൂ​ഷ​യി​ലാ​യി​രി​ക്കു​മ്പോ​ഴോ പരസ്യ​സാ​ക്ഷീ​ക​ര​ണ​ത്തിൽ ഏർപ്പെ​ടു​മ്പോ​ഴോ നിഷ്‌ക്രി​യ​രായ ആരെ​യെ​ങ്കി​ലും കണ്ടുമു​ട്ടി​യാ​ലോ? ആരെങ്കി​ലും തന്നെ സന്ദർശി​ക്കാൻ അദ്ദേഹം ആഗ്രഹി​ക്കു​ന്നു​ണ്ടെ​ങ്കിൽ അഡ്രസ്സും ഫോൺ നമ്പരും സഭയിലെ മൂപ്പന്മാർക്കു കൊടു​ക്കാ​മെന്നു നിങ്ങൾക്ക്‌ അദ്ദേഹ​ത്തോ​ടു പറയാം.

7. ഒരു മൂപ്പനായ തോമസ്‌ സഹോ​ദ​രന്റെ അനുഭ​വ​ത്തിൽനിന്ന്‌ നിങ്ങൾക്ക്‌ എന്തെല്ലാം കാര്യങ്ങൾ പഠിക്കാൻ കഴിയും?

⁷ യഹോ​വ​യു​ടെ അടു​ത്തേക്കു തിരി​ച്ചു​വ​രാൻ ആഗ്രഹി​ക്കുന്ന നിഷ്‌ക്രി​യരെ കണ്ടെത്താ​നുള്ള മുഖ്യ ഉത്തരവാ​ദി​ത്വം മൂപ്പന്മാർക്കാണ്‌. അവർക്ക്‌ അത്‌ എങ്ങനെ ചെയ്യാം? സ്‌പെ​യി​നിൽ താമസി​ക്കുന്ന ഒരു മൂപ്പനായ തോമസ്‌ * സഹോ​ദ​രന്റെ അനുഭവം നോക്കാം. 40-ലധികം നിഷ്‌ക്രി​യ​രായ സഹോ​ദ​ര​ങ്ങളെ സഭയി​ലേക്കു മടങ്ങി​വ​രാൻ അദ്ദേഹം സഹായി​ച്ചി​ട്ടുണ്ട്‌. തോമസ്‌ സഹോ​ദരൻ പറയുന്നു: “ആദ്യം, നിഷ്‌ക്രി​യ​രായ വ്യക്തികൾ എവി​ടെ​യാ​ണു താമസി​ക്കു​ന്ന​തെന്ന്‌ അറിയാ​മോ എന്നു സഹോ​ദ​ര​ങ്ങ​ളോ​ടു ഞാൻ തിരക്കും. അല്ലെങ്കിൽ, ഇപ്പോൾ മീറ്റി​ങ്ങി​നു വരുന്നി​ല്ലാത്ത ആരെ​യെ​ങ്കി​ലും ഓർക്കു​ന്നു​ണ്ടോ എന്നു ഞാൻ പ്രചാ​ര​ക​രോ​ടു ചോദി​ക്കും. നിഷ്‌ക്രി​യരെ അന്വേ​ഷി​ക്കുന്ന പ്രവർത്ത​ന​ത്തിൽ തങ്ങളും ഉൾപ്പെ​ടു​ക​യാ​ണെന്നു മനസ്സി​ലാ​ക്കുന്ന പ്രചാ​ര​ക​രിൽ മിക്കവ​രും ഉത്സാഹ​ത്തോ​ടെ സഹകരി​ക്കും. പിന്നീട്‌, നിഷ്‌ക്രി​യ​രായ സഹോ​ദ​ര​ങ്ങളെ സന്ദർശി​ക്കു​മ്പോൾ ഞാൻ മക്കളെ​ക്കു​റി​ച്ചും കുടും​ബാം​ഗ​ങ്ങ​ളെ​ക്കു​റി​ച്ചും അവരോ​ടു തിരക്കും. അവരിൽ ചിലർ മുമ്പ്‌ തങ്ങളുടെ മക്കളെ മീറ്റി​ങ്ങു​കൾക്കു കൊണ്ടു​വ​ന്നി​രു​ന്ന​വ​രാണ്‌. ആ മക്കളിൽ പലരും പ്രചാ​ര​കർപോ​ലു​മാ​യി​രു​ന്നു. യഹോ​വ​യു​ടെ അടു​ത്തേക്കു മടങ്ങി​വ​രാൻ അവരെ​യും സഹായി​ക്കാൻ കഴിയും.”

8. ലൂക്കോസ്‌ 15:17-24-ൽ കാണുന്ന, കാണാ​തെ​പോയ മകനെ​ക്കു​റി​ച്ചുള്ള കഥയിലെ അപ്പൻ, പശ്ചാത്ത​പിച്ച്‌ തിരി​ച്ചു​വന്ന മകനോട്‌ എങ്ങനെ​യാണ്‌ ഇടപെ​ട്ടത്‌?

⁸ യഹോ​വ​യു​ടെ അടു​ത്തേക്കു തിരി​ച്ചു​വ​രാൻ ആഗ്രഹി​ക്കുന്ന ആളുകളെ സഹായി​ക്കാൻ കഴിയ​ണ​മെ​ങ്കിൽ നമുക്ക്‌ ഏതെല്ലാം ഗുണങ്ങ​ളു​ണ്ടാ​യി​രി​ക്കണം? വീടു വിട്ടു​പോയ, വഴിപി​ഴച്ച മകനെ​ക്കു​റി​ച്ചുള്ള യേശു​വി​ന്റെ കഥയിൽനിന്ന്‌ ചില കാര്യങ്ങൾ നമുക്കു പഠിക്കാം. (ലൂക്കോസ്‌ 15:17-24 വായി​ക്കുക.) ആ മകൻ എങ്ങനെ​യാണ്‌ അവസാനം സുബോ​ധ​ത്തി​ലേക്കു വന്നതെ​ന്നും വീട്ടി​ലേക്കു തിരി​ച്ചു​പോ​കാൻ തീരു​മാ​നി​ച്ച​തെ​ന്നും യേശു വിശദീ​ക​രി​ക്കു​ന്നു. മകൻ വരുന്നതു കണ്ട അപ്പൻ ഓടി​ച്ചെന്ന്‌ അവനെ മുറുകെ കെട്ടി​പ്പി​ടി​ച്ചു. അങ്ങനെ അവനോ​ടുള്ള സ്‌നേഹം അപ്പൻ കാണിച്ചു. എങ്കിലും കുറ്റ​ബോ​ധം കാരണം തനിക്ക്‌ ആ വീട്ടിലെ ഒരു മകൻ എന്ന്‌ അറിയ​പ്പെ​ടാ​നുള്ള യോഗ്യ​ത​യി​ല്ലെന്ന്‌ അവനു തോന്നി​പ്പോ​യി. ഹൃദയ​ത്തി​ലു​ള്ള​തെ​ല്ലാം തുറന്നു​പറഞ്ഞ തന്റെ മകനോട്‌ അപ്പനു സഹാനു​ഭൂ​തി തോന്നി. എന്നിട്ട്‌ പശ്ചാത്ത​പിച്ച്‌ തിരി​ച്ചു​വന്ന മകനു​വേണ്ടി അപ്പൻ വിരുന്ന്‌ ഒരുക്കി, അവന്‌ ഏറ്റവും നല്ല വസ്‌ത്ര​ങ്ങ​ളും കൊടു​ത്തു. അങ്ങനെ ഇപ്പോ​ഴും അവനെ തന്റെ പ്രിയ​പ്പെട്ട മകനാ​യി​ട്ടാ​ണു  കാണു​ന്ന​തെ​ന്നും അല്ലാതെ ഒരു കൂലി​ക്കാ​ര​നാ​യി​ട്ട​ല്ലെ​ന്നും അപ്പൻ ഉറപ്പു കൊടു​ത്തു.

9. നിഷ്‌ക്രി​യരെ യഹോ​വ​യു​ടെ അടു​ത്തേക്കു തിരികെ കൊണ്ടു​വ​രു​ന്ന​തി​നു നമുക്ക്‌ ഏതെല്ലാം ഗുണങ്ങ​ളു​ണ്ടാ​യി​രി​ക്കണം? (“ തിരികെ വരാൻ ആഗ്രഹി​ക്കു​ന്ന​വരെ എങ്ങനെ സഹായി​ക്കാം?” എന്ന ചതുരം കാണുക.)

⁹ ആ കഥയിലെ അപ്പനെ​പ്പോ​ലെ​യാണ്‌ യഹോവ. യഹോവ നിഷ്‌ക്രി​യ​രായ സഹോ​ദ​ര​ങ്ങളെ സ്‌നേ​ഹി​ക്കു​ന്നു. അവർ തന്റെ അടു​ത്തേക്കു തിരി​ച്ചു​വ​രാൻ ആഗ്രഹി​ക്കു​ന്നു. യഹോ​വയെ അനുക​രി​ച്ചു​കൊണ്ട്‌ നമുക്ക്‌ അതിന്‌ അവരെ സഹായി​ക്കാം. അതിനു നമുക്കു ക്ഷമയും സഹാനു​ഭൂ​തി​യും സ്‌നേ​ഹ​വും വേണം. നമുക്ക്‌ ഈ ഗുണങ്ങൾ വേണ​മെന്നു പറയു​ന്നത്‌ എന്തു​കൊ​ണ്ടാണ്‌? നമുക്ക്‌ അത്‌ എങ്ങനെ കാണി​ക്കാം?

10. യഹോ​വ​യി​ലേക്കു തിരി​ച്ചു​വ​രാൻ ഒരാളെ സഹായി​ക്കു​ന്ന​തി​നു ക്ഷമയു​ള്ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

¹⁰ നമ്മൾ ക്ഷമയു​ള്ള​വ​രാ​യി​രി​ക്കണം. കാരണം ഒരു വ്യക്തി യഹോ​വ​യു​ടെ അടു​ത്തേക്കു തിരി​ച്ചു​വ​രാൻ സമയ​മെ​ടു​ക്കും. മൂപ്പന്മാ​രും സഭയിലെ മറ്റു സഹോ​ദ​ര​ങ്ങ​ളും പല പ്രാവ​ശ്യം തങ്ങളെ സന്ദർശി​ച്ച​തി​നു ശേഷമാണ്‌ യഹോ​വ​യു​ടെ അടു​ത്തേക്കു തിരി​ച്ചു​വ​രാൻ തോന്നി​യ​തെന്ന്‌, മുമ്പു നിഷ്‌ക്രി​യ​രാ​യി​രുന്ന പല സഹോ​ദ​ര​ങ്ങ​ളും സമ്മതി​ക്കു​ന്നുണ്ട്‌. തെക്കു​കി​ഴക്കേ ഏഷ്യയിൽനി​ന്നുള്ള നാൻസി എന്ന സഹോ​ദരി എഴുതു​ന്നു: “സഭയിലെ എന്റെ ഒരു അടുത്ത കൂട്ടു​കാ​രി എന്നെ ഒരുപാ​ടു സഹായി​ച്ചു. ഒരു മൂത്ത ചേച്ചി​യെ​പ്പോ​ലെ കണ്ട്‌ അവൾ എന്നെ സ്‌നേ​ഹി​ച്ചു. മുമ്പ്‌ ഞങ്ങൾ ഒരുമിച്ച്‌ ചെലവ​ഴിച്ച നല്ല സമയങ്ങ​ളെ​ക്കു​റിച്ച്‌ ഇടയ്‌ക്കി​ട​യ്‌ക്കെ​ല്ലാം എന്നെ ഓർമി​പ്പി​ക്കു​മാ​യി​രു​ന്നു. ഞാൻ എന്റെ മനസ്സി​ലുള്ള കാര്യങ്ങൾ പറയു​മ്പോൾ അവൾ ക്ഷമയോ​ടെ കേട്ടി​രി​ക്കും. ആവശ്യ​മായ ഉപദേശം തരാൻ ഒരു മടിയും കാണി​ച്ചില്ല. എപ്പോൾ വേണ​മെ​ങ്കി​ലും സഹായി​ക്കാൻ തയ്യാറുള്ള ഒരു യഥാർഥ സുഹൃ​ത്താ​ണെന്ന്‌ അവൾ തെളി​യി​ച്ചു.”

11. മനസ്സിനു മുറി​വേറ്റ്‌ വിഷമി​ച്ചി​രി​ക്കുന്ന ഒരാളെ ആശ്വസി​പ്പി​ക്കു​ന്ന​തി​നു സഹാനു​ഭൂ​തി ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

¹¹ വേദന ശമിപ്പി​ക്കാ​നാ​യി മുറി​വിൽ പുരട്ടുന്ന ശക്തിയുള്ള ഒരു മരുന്നു​പോ​ലെ​യാ​ണു സഹാനു​ഭൂ​തി​യെന്നു പറയാം. ചിലർ നിഷ്‌ക്രി​യ​രാ​കു​ന്ന​തി​ന്റെ കാരണം, വർഷങ്ങൾക്കു മുമ്പ്‌ സഭയിലെ ആരെങ്കി​ലും അവരെ വേദനി​പ്പി​ച്ച​താ​യി​രി​ക്കും. അതിന്റെ വേദന​യും പരിഭ​വ​വും അവർക്ക്‌ ഇപ്പോ​ഴും കാണും. അതുകാ​രണം അവർ യഹോ​വ​യു​ടെ അടു​ത്തേക്കു തിരി​ച്ചു​വ​രാൻ  മനസ്സു കാണി​ക്കു​ന്നില്ല. തങ്ങൾ അനീതിക്ക്‌ ഇരയാ​യെന്ന്‌ ചിലർ കരുതു​ന്നു​ണ്ടാ​കും. അവരുടെ വികാ​രങ്ങൾ മനസ്സി​ലാ​ക്കുന്ന, അവരെ ശ്രദ്ധിച്ച്‌ കേൾക്കുന്ന ഒരാ​ളെ​യാ​യി​രി​ക്കാം അവർക്ക്‌ ആവശ്യം. (യാക്കോ. 1:19) ഒരിക്കൽ നിഷ്‌ക്രി​യ​യാ​യി​രുന്ന മരിയ എന്ന സഹോ​ദരി പറയുന്നു: “കേൾക്കുന്ന ഒരു കാത്‌, ചാഞ്ഞു​ക​ര​യാൻ ഒരു ചുമൽ, വേണ്ട നിർദേ​ശ​വും സഹായ​വും തരാൻ അരികിൽ ഒരാൾ, ഇതായി​രു​ന്നു എനിക്കു വേണ്ടി​യി​രു​ന്നത്‌.”

12. യഹോ​വ​യു​ടെ സ്‌നേഹം നിഷ്‌ക്രി​യരെ തന്റെ ജനത്തി​ലേക്ക്‌ ആകർഷി​ക്കു​ന്നത്‌ എങ്ങനെ​യെന്നു ദൃഷ്ടാ​ന്തീ​ക​രി​ക്കുക.

¹² യഹോ​വ​യ്‌ക്കു തന്റെ ജനത്തോ​ടുള്ള സ്‌നേഹം ഒരു ചരട്‌, അല്ലെങ്കിൽ ഒരു കയർ, പോ​ലെ​യാ​ണെന്നു ബൈബിൾ പറയു​ന്നുണ്ട്‌. അത്‌ ഏത്‌ അർഥത്തി​ലാണ്‌? ഒരു ഉദാഹ​രണം നോക്കാം. ഇളകി​മ​റി​യുന്ന ഒരു കടലിൽ നിങ്ങൾ മുങ്ങി​ത്താ​ഴു​ക​യാണ്‌ എന്നു വിചാ​രി​ക്കുക. വെള്ളത്തി​നു നല്ല തണുപ്പാണ്‌. ഇപ്പോൾ ഒരാൾ വെള്ളത്തിൽ പൊങ്ങി​ക്കി​ട​ക്കാൻ സഹായി​ക്കുന്ന ഒരു ഉടുപ്പ്‌ നിങ്ങൾക്ക്‌ എറിഞ്ഞു​ത​രു​ന്നു. നിങ്ങൾക്ക്‌ അദ്ദേഹ​ത്തോ​ടു തീർച്ച​യാ​യും നന്ദി തോന്നും. പക്ഷേ ജീവൻ നിലനി​റു​ത്താൻ നിങ്ങൾക്ക്‌ അതു മാത്രം പോരാ. വെള്ളത്തി​നു മരവി​പ്പി​ക്കുന്ന തണുപ്പാ​യ​തു​കൊണ്ട്‌ ഒരു ലൈഫ്‌ ബോട്ടിൽ കയറി​യി​ല്ലെ​ങ്കിൽ നിങ്ങൾക്ക്‌ അധികം സമയം പിടി​ച്ചു​നിൽക്കാൻ കഴിയില്ല. അതു​കൊണ്ട്‌ ആരെങ്കി​ലും നിങ്ങൾക്ക്‌ ഒരു കയർ എറിഞ്ഞു​ത​രണം. നിങ്ങളെ ലൈഫ്‌ ബോട്ടി​ലേക്കു വലിച്ചു​ക​യ​റ്റു​ക​യും വേണം. വഴി​തെ​റ്റി​പ്പോയ ഇസ്രാ​യേ​ല്യ​രെ​ക്കു​റിച്ച്‌ യഹോവ ഇങ്ങനെ പറഞ്ഞു: “സ്‌നേ​ഹ​ത്തി​ന്റെ ചരടു​കൾകൊണ്ട്‌, ഞാൻ അവരെ നടത്തി.” (ഹോശേ. 11:4) തന്നെ സേവി​ക്കു​ന്നത്‌ അവസാ​നി​പ്പി​ക്കു​ക​യും പ്രശ്‌ന​ങ്ങ​ളി​ലും ഉത്‌ക​ണ്‌ഠ​ക​ളി​ലും മുങ്ങി​ത്താ​ഴു​ക​യും ചെയ്യു​ന്ന​വ​രെ​ക്കു​റിച്ച്‌ ദൈവ​ത്തിന്‌ ഇന്നും അതേ​പോ​ലെ​ത​ന്നെ​യാ​ണു തോന്നു​ന്നത്‌. താൻ അവരെ സ്‌നേ​ഹി​ക്കു​ന്നു​ണ്ടെ​ന്നും അവരെ തന്നി​ലേക്ക്‌ അടുപ്പി​ക്കാൻ ആഗ്രഹി​ക്കു​ന്നു​ണ്ടെ​ന്നും നിഷ്‌ക്രി​യ​രാ​യവർ അറിയ​ണ​മെ​ന്നാ​ണു ദൈവ​ത്തി​ന്റെ ആഗ്രഹം. നമ്മളെ ഉപയോ​ഗി​ച്ചു​കൊണ്ട്‌ തന്റെ സ്‌നേഹം അവരെ അറിയി​ക്കാൻ യഹോ​വ​യ്‌ക്കു കഴിയും.

13. സഹോ​ദ​ര​സ്‌നേ​ഹ​ത്തി​ന്റെ ശക്തി തെളി​യി​ക്കുന്ന ഒരു അനുഭവം വിവരി​ക്കുക.

¹³ യഹോവ നിഷ്‌ക്രി​യരെ സ്‌നേ​ഹി​ക്കു​ന്നു​ണ്ടെന്ന്‌ അവരോ​ടു കൂടെ​ക്കൂ​ടെ പറയേ​ണ്ടതു പ്രധാ​ന​മാണ്‌. കൂടാതെ നമ്മളും അവരെ സ്‌നേ​ഹി​ക്കു​ന്നു​ണ്ടെന്നു  കാണി​ച്ചു​കൊ​ടു​ക്കണം. കഴിഞ്ഞ ലേഖന​ത്തിൽ കണ്ട പാബ്ലോ എന്ന സഹോ​ദരൻ 30 വർഷത്തി​ല​ധി​ക​മാ​യി നിഷ്‌ക്രി​യ​നാ​യി​രു​ന്നു. അദ്ദേഹം പറയുന്നു: “ഒരു ദിവസം രാവിലെ ഞാൻ വീട്ടിൽനിന്ന്‌ ഇറങ്ങു​ക​യാ​യി​രു​ന്നു. അപ്പോൾ പ്രായ​മുള്ള ഒരു സഹോ​ദരി എന്നെ കണ്ട്‌ അടുത്ത്‌ വന്ന്‌ എന്നോടു ദയയോ​ടെ​യും സ്‌നേ​ഹ​ത്തോ​ടെ​യും സംസാ​രി​ച്ചു. ഒരു കൊച്ചു​കു​ഞ്ഞി​നെ​പ്പോ​ലെ ഞാൻ കരയാൻ തുടങ്ങി. എന്നെ സഹായി​ക്കാ​നാ​യി യഹോവ ആ സഹോ​ദ​രി​യെ അയച്ചതാ​ണെന്ന്‌ എനിക്കു തോന്നി, ഞാൻ അക്കാര്യം സഹോ​ദ​രി​യോ​ടു പറയു​ക​യും ചെയ്‌തു. ആ നിമി​ഷം​തന്നെ യഹോ​വ​യു​ടെ അടു​ത്തേക്കു മടങ്ങി​വ​രാൻ ഞാൻ തീരു​മാ​നി​ച്ചു.”

14. ലൂക്കോസ്‌ 15:4, 5-ലെ ദൃഷ്ടാ​ന്ത​ത്തിൽ, കാണാ​തെ​പോയ ആടിനെ കണ്ടുകി​ട്ടു​മ്പോൾ ഇടയൻ എന്താണു ചെയ്യു​ന്നത്‌?

¹⁴ നിഷ്‌ക്രി​യ​രാ​യ​വർക്കു നമ്മുടെ തുടർച്ച​യായ പിന്തു​ണ​യും സഹായ​വും ആവശ്യ​മാണ്‌. യേശു​വി​ന്റെ കഥയിലെ കാണാ​തെ​പോയ മകനെ​പ്പോ​ലെ, ഇവരു​ടെ​യും മനസ്സിന്‌ ആഴത്തിൽ മുറി​വേ​റ്റി​ട്ടു​ണ്ടാ​യി​രി​ക്കും. അതു സുഖമാ​കാൻ കാലങ്ങൾ എടു​ത്തേ​ക്കാം. ഇത്രയും കാലം സാത്താന്റെ ലോക​ത്തി​ലാ​യി​രു​ന്ന​തു​കൊണ്ട്‌ അവർ ആത്മീയ​മാ​യും ദുർബ​ല​രാ​യി​രി​ക്കും. യഹോ​വ​യി​ലുള്ള വിശ്വാ​സം ശക്തി​പ്പെ​ടു​ത്താൻ നമ്മൾ അവരെ സഹായി​ക്കണം. കാണാ​തെ​പോയ ആടി​നെ​ക്കു​റി​ച്ചുള്ള ദൃഷ്ടാ​ന്ത​ത്തിൽ ആട്ടിടയൻ ആടിനെ തോളി​ലേറ്റി ചുമന്നു​കൊണ്ട്‌ കൂട്ടത്തി​ലേക്കു തിരി​ച്ചു​കൊ​ണ്ടു​വ​രു​ന്നത്‌ എങ്ങനെ​യാ​ണെന്നു യേശു വിവരി​ക്കു​ന്നുണ്ട്‌. കാണാ​തെ​പോയ ആടിനെ കണ്ടുപി​ടി​ക്കാൻ ഇടയൻ ഇപ്പോൾത്തന്നെ കുറെ സമയവും ആരോ​ഗ്യ​വും ഒക്കെ ചെലവ​ഴി​ച്ചി​ട്ടുണ്ട്‌. പക്ഷേ അതിനു തനിയെ ആട്ടിൻകൂ​ട്ട​ത്തി​ലേക്കു തിരി​ച്ചു​വ​രാ​നുള്ള ശക്തിയി​ല്ലെ​ന്നും താൻ അതിനെ ചുമന്നു​കൊ​ണ്ടു​വ​ര​ണ​മെ​ന്നും ഇടയൻ മനസ്സി​ലാ​ക്കു​ന്നു.​—ലൂക്കോസ്‌ 15:4, 5 വായി​ക്കുക.

15. യഹോ​വ​യി​ലേക്കു തിരി​ച്ചു​വ​രാൻ ആഗ്രഹി​ക്കുന്ന ബലഹീ​നരെ നമുക്ക്‌ എങ്ങനെ സഹായി​ക്കാം? (“ വില​യേ​റിയ ഒരു ഉപകരണം” എന്ന ചതുരം കാണുക.)

¹⁵ തങ്ങളുടെ തടസ്സങ്ങൾ മറിക​ട​ക്കാൻ നിഷ്‌ക്രി​യരെ സഹായി​ക്കു​ന്ന​തി​നു നമ്മൾ നല്ല ശ്രമം ചെയ്യേ​ണ്ട​തു​ണ്ടാ​യി​രി​ക്കാം, കുറച്ച്‌ സമയവും ചെലവ​ഴി​ക്കേ​ണ്ടി​വ​ന്നേ​ക്കാം. എങ്കിലും യഹോ​വ​യു​ടെ ആത്മാവിൽ ആശ്രയി​ക്കു​ക​യും ദൈവ​വ​ച​ന​വും സംഘട​ന​യി​ലൂ​ടെ തരുന്ന പ്രസി​ദ്ധീ​ക​ര​ണ​ങ്ങ​ളും ഉപയോ​ഗി​ക്കു​ക​യും ചെയ്‌തു​കൊണ്ട്‌  വീണ്ടും ആത്മീയ​മാ​യി ശക്തരാ​കു​ന്ന​തി​നു നമുക്ക്‌ അവരെ സഹായി​ക്കാൻ കഴിയും. (റോമ. 15:1) ഇത്‌ എങ്ങനെ ചെയ്യാം? അനുഭ​വ​പ​രി​ച​യ​മുള്ള ഒരു മൂപ്പൻ പറയുന്നു: “യഹോ​വയെ വീണ്ടും സേവി​ക്കാൻ തീരു​മാ​നി​ക്കുന്ന മിക്ക നിഷ്‌ക്രി​യർക്കും ഒരു ബൈബിൾപ​ഠനം ആവശ്യ​മാ​യി​രി​ക്കും.” * അതു​കൊണ്ട്‌ നിഷ്‌ക്രി​യ​നായ ഒരാളു​ടെ​കൂ​ടെ ഒരു ബൈബിൾപ​ഠനം നടത്താൻ നിങ്ങ​ളോട്‌ ആവശ്യ​പ്പെ​ട്ടാൽ, സാധി​ക്കു​മെ​ങ്കിൽ ആ നിയമനം സന്തോ​ഷ​ത്തോ​ടെ സ്വീക​രി​ക്കുക. ആ മൂപ്പൻ മറ്റൊരു കാര്യം​കൂ​ടെ പറയുന്നു: “ബൈബിൾപ​ഠനം നടത്തുന്ന പ്രചാ​രകൻ നല്ല ഒരു സുഹൃ​ത്തു​മാ​യി​രി​ക്കണം, നിഷ്‌ക്രി​യ​നായ വ്യക്തിക്ക്‌ എല്ലാം തുറന്നു​പ​റ​യാൻ കഴിയുന്ന ഒരാൾ.”

16. ദൂതന്മാർ നമ്മളെ സഹായി​ക്കു​മെന്നു നമുക്ക്‌ എങ്ങനെ അറിയാം?

¹⁶ യഹോ​വ​യി​ലേക്കു തിരി​ച്ചു​വ​രാൻ ആഗ്രഹി​ക്കുന്ന നിഷ്‌ക്രി​യരെ കണ്ടെത്തു​ന്ന​തിന്‌ ദൂതന്മാ​രും നമ്മു​ടെ​കൂ​ടെ പ്രവർത്തി​ക്കു​ന്നു​ണ്ടെന്നു പല അനുഭ​വ​ങ്ങ​ളും തെളി​യി​ക്കു​ന്നു. (വെളി. 14:6) ഒരു ഉദാഹ​രണം നോക്കാം. സഭയി​ലേക്കു തിരി​ച്ചു​വ​രാ​നുള്ള സഹായ​ത്തി​നാ​യി ഇക്വ​ഡോ​റി​ലെ സിൽവി​യോ ആത്മാർഥ​മാ​യി പ്രാർഥി​ച്ചു. പ്രാർഥി​ച്ചു​കൊ​ണ്ടി​രു​ന്ന​പ്പോൾത്തന്നെ ആരോ വീടിന്റെ കോളിങ്‌ ബെല്ലടി​ച്ചു. രണ്ടു മൂപ്പന്മാ​രാ​യി​രു​ന്നു അത്‌. ആ സന്ദർശ​ന​ത്തിൽത്തന്നെ ആവശ്യ​മായ സഹായം അവർ സന്തോ​ഷ​ത്തോ​ടെ സിൽവി​യോ​യ്‌ക്കു നൽകാൻ തുടങ്ങി.

17. ആത്മീയ​മാ​യി ബലഹീ​ന​രാ​യ​വരെ സഹായി​ക്കു​ന്ന​തു​കൊണ്ട്‌ നമുക്ക്‌ എന്തു പ്രയോ​ജ​ന​മാ​ണു​ള്ളത്‌?

¹⁷ യഹോ​വ​യി​ലേക്കു തിരി​ച്ചു​വ​രാൻ ആത്മീയ​മാ​യി ബലഹീ​ന​രാ​യ​വരെ സഹായി​ക്കു​ന്നതു വളരെ​യ​ധി​കം സന്തോഷം തരുന്ന കാര്യ​മാണ്‌. നിഷ്‌ക്രി​യരെ സഹായി​ക്കാൻ പ്രത്യേ​ക​ശ്രമം ചെയ്യുന്ന സാൽവ​ഡോർ എന്ന മുൻനി​ര​സേ​വകൻ പറയുന്നു: “ചില​പ്പോ​ഴൊ​ക്കെ സന്തോ​ഷം​കൊണ്ട്‌ എന്റെ കണ്ണു നിറഞ്ഞു​പോ​കാ​റുണ്ട്‌. യഹോവ തന്റെ പ്രിയ​പ്പെട്ട ഒരു ആടിനെ സാത്താന്റെ ലോക​ത്തു​നിന്ന്‌ രക്ഷി​ച്ചെ​ന്നും അതിന്‌ യഹോ​വ​യോ​ടൊ​പ്പം പ്രവർത്തി​ക്കാൻ എനിക്കും കഴിഞ്ഞ​ല്ലോ എന്നും ഓർക്കു​മ്പോൾ ഒത്തിരി സന്തോഷം തോന്നു​ന്നു.”​—പ്രവൃ. 20:35.

18. നിങ്ങൾ നിഷ്‌ക്രി​യ​നാ​ണെ​ങ്കിൽ, ഏതു കാര്യ​ത്തിൽ നിങ്ങൾക്ക്‌ ഉറപ്പു​ണ്ടാ​യി​രി​ക്കാം?

¹⁸ യഹോ​വ​യു​ടെ ജനത്തോ​ടൊത്ത്‌ സഹവസി​ക്കു​ന്നതു നിറു​ത്തിയ ഒരാളാ​ണോ നിങ്ങൾ? യഹോവ ഇപ്പോ​ഴും നിങ്ങളെ സ്‌നേ​ഹി​ക്കു​ന്നു​ണ്ടെന്ന്‌ ഉറപ്പു​ണ്ടാ​യി​രി​ക്കുക. നിങ്ങൾ തിരി​ച്ചു​വ​രാൻ യഹോവ ആഗ്രഹി​ക്കു​ന്നുണ്ട്‌. അതിനു നിങ്ങൾ ചില കാര്യങ്ങൾ ചെയ്യണ​മെ​ന്നതു ശരിയാണ്‌. പക്ഷേ ഓർക്കുക, യേശു​വി​ന്റെ ദൃഷ്ടാ​ന്ത​ത്തി​ലെ അപ്പനെ​പ്പോ​ലെ, യഹോ​വ​യും നിങ്ങളു​ടെ മടങ്ങി​വ​ര​വി​നാ​യി കാത്തി​രി​ക്കു​ക​യാണ്‌. നിങ്ങൾ തിരി​ച്ചു​വ​രു​മ്പോൾ യഹോവ നിങ്ങളെ സന്തോ​ഷ​ത്തോ​ടെ സ്വീക​രി​ക്കും.